གདམས་པ་འདི་མཚོ་རྒྱལ་གྱིས་བྱིན་གྱིས་བརླབས་པ་དེ་མིན་པ་སུ་ལ་ཡང་ཚིག་ཙམ་ཡང་མ་ཟག་པར་གཏེར་དུ་སྦོས་སོ༔ སྐྱེ་བ་འདིར་སྤེལ་ཡང་མི་འཕེལ་ཏེ་ཡིད་མི་ཆེས་ཤིང་གཤེ་སྐུར་གྱི་གནས་སུ་འགྲོ༔ ལས་ཅན་གདུལ་བྱ་དུས་ལ་མ་བབ་པས་ཟོག་ཏུ་མཐོང་ཡོང་༔ ཌཱཀྐི་མའི་བཀའ་ཆད་ཀྱང་འབྱུང་ངེས་པས་རླུང་ཕྱོགས་ཙམ་དུ་ཡང་མ་བརྗོད༔ ཉམས་སུ་བླངས་ཏེ་སྦ་བར་བྱའ…

པ་གཤིན་རྗེའི་ངན་སྔགས་སྐོར༔ གྲངས་ལས་འདས་ཏེ་ཤོག་སེར་ཁུར་ཅིག་ཡོད༔ རྒྱ་རྒྱ༔ དྭགས་ཀྱི་ཡུལ་གྱི་སྒམ་པོ་ཟངས་ལུང་ཞེས་བྱ་ལ༔ བྲག་རི་རལ་པ་གནམ་དུ་བརྫེས་པ་འདྲ་བ་ལ༔ བྲམ་ཟེ་སྐྱེ་བ་བདུན་པའི་ཀེང་རུས་ཤ་རྣམས་དང་༔ དེ་ཡི་མགོ་ལ་ཕག་མོ་ལྷ་ལྔ་བྱོན་པ་ཡོད༔ རྒྱ་རྒྱ༔ དེ་ཡི་ཤར་གྱི་ཀོང་པོ་ང་ལ་ན༔ ཕ་འོང་དམར་པོ་སྙིང་གི་གཟུགས་འདྲ་ལ༔ ད…

གཏེར་གྱི་ཁ་བྱང་བཞུགས་པའོ༔ མངྒ་ལཾ༔ ཿ

བདག་འདྲ་པད་མ་འབྱུང་གནས་ཀྱིས༔ ཡང་ཅིག་གཏེར་གྱི་ཁ་བྱང་བསྟན༔ བྱར་ཞེས་བྱ་བའི་ལུང་ཕུ་ན༔ ལྷ་རི་བཟིས་པོ་ཞེས་བྱའི་རི༔ འབྲུ་ཕུང་སྤུངས་པ་ལྟ་བུའི་རྩེ༔ ཡིད་ཙམ་ལྷོ་རུ་ཉེ་བ་ན༔ མན་ཤེལ་དག་ལས་གྲུབ་པ་ཡི༔ རྡོར་སེམས་སྐུ་ནི་ཁྲུ་གང་ལ༔ དེ་ཡི་ནང་དུ་བལྟས་པ་ཡིས༔ ཞི་ཁྲོ་ལོངས་སྐུའི་ལྷ་ཚོགས་ནི༔ ཡུལ་ཁམས་ཙམ་དུ་འཆར་བ་ཡོད༔ དེ་ཡི་ཟླ་…

འདྲ་ལ༔ དེའི་འོག་ན་དར་ཟབ་རིན་ཆེན་སྣ་ལྔའི་གཏེར་ཡོད༔ རྒྱ་རྒྱ་རྒྱ་༔ ཀོང་པོའི་བུ་ཆུ་ལྷ་ཁང་ཞེས་བྱའི་གཙུག་ལག་ན༔ མ་ཐེམ་དག་གི་གཡས་དག་ན༔ རེས་བཞི་དག་ལ་བྲུས་པ་ན༔ གསེར་གྱི་ཕྱེ་མ་ཕུལ་གང་ཡོད༔ རྒྱ་རྒྱ་རྒྱ༔ ༔ཀོང་པོ་བ་ཡོ་ཞེས་བྱའི་ལ་བརྒལ་བ་ན༔ མཚོ་དཀྱིལ་བོ་དོ་གཅིག་ལ་ནི༔ འཆི་མེད་ཚེ་ཆུའི་གཏེར་ཡོད་དོ༔ རྒྱ་རྒྱ་རྒྱ༔ གཞན་ཡང་…

རྒྱལ་སྲས་ལེགས་པའི་ལུང་བསྟན་ནོ༔ དྲི་མེད་ཤེལ་དཀར་མགོན་སྐྱིད་ཁྱོད༔ འཁྲུལ་ནས་བཟང་ངན་རྟོག་དཔྱོད་ཀྱང་༔ ཐེག་ཆེན་ལམ་ལ་གུས་པས་ཞུགས༔ འདི་ནས་སྐྱེ་བ་བཅུ་བདུན་ན༔ ཚེ་ལོ་ལྔ་བཅུ་ཁ་རལ་དུས༔ ཁ་བ་ཅན་གྱི་དབུས་ཀྱི་ཆ༔ དཀར་པོ་གླིང་ཕྲན་གཉལ་གྱི་ཡུལ༔ གསེར་གྱི་སྡིག་པ་གབ་འདྲ་ཡི༔ ལུང་པ་ཆུ་དཀར་ཤར་ལྷོར་བལྟ༔ གསད་གསོ་སྔགས་ཀྱི་རྒྱུད་…

གཏེར་འདི་ཀླུ་བཙན་ཁྱོད་ལ་གཏད༔ ལས་ལྡན་སྙིང་གི་བུ་ལ་གཏོད༔ ལས་མེད་བྱུང་ན་མ་སྦྱིན་ཅིག༔ ཅེས་པ་འདི་རྫོགས་ཆེན་འཁོར་བ་ཆིག་ཆོད་ཀྱི་གཤམ་ན་འདུག་གོ༔

ཡང་ཟབ་མཁའ་འགྲོ་སྙིང་ཐིག་འདི༔ ཀུན་ལ་མ་སྤེལ་ཉམས་སུ་ལོངས༔ སྤེལ་དྲགས་སྣོད་མིན་དམ་སེལ་བྱེད༔ དེ་ཡི་སྐུ་ཚེ་ཚད་མི་ཕྱིན༔ བརྒྱུད་འཛིན་ཉེར་ཅིག་ལྔ་བཤད་པ༔ གཅིག་གིས་ཚུལ་དང་ལྡན་པས་སྤེལ༔ ཤེལ་དཀར་སྐྱེ་བ་བཅུ་བདུན་ན༔ ཤམ་པོ་གངས་ཀྱི་ཤར་ལྷོ་ངོས༔ རིགས་ལྡན་ཆུ་ཁམས་སྟག་ལོ་པ༔ སྦས་ཚུལ་འཁོར་བའི་ཆ་འཛིན་ཅིང་༔ ཞེན་པ་ཆུང་ཞིང་ངང་རྒྱ…

ལོ་རྒྱུས་རྒྱལ་བ་གཡུང་གིས་མཛད་པ་བཞུགས་སོ། །

ན་མོ་གུ་རུ། ཆོས་སྐུ་ཀུན་བཟང་ལོངས་སྐུ་ཞི་ཁྲོའི་ཚོགས། །སྤྲུལ་སྐུ་རྡོ་རྗེ་འཆང་ཆེན་དགོངས་པ་བརྒྱུད། །རིག་འཛིན་བརྡ་བརྒྱུད་དགའ་རབ་རྡོ་རྗེ་དང་། །ཤྲཱི་སིང་ཧ་ཨོ་རྒྱན་ཡབ་ཡུམ་དང་། །ཆོས་ཀྱི་རྒྱལ་པོ་རང་བྱུང་རྡོ་རྗེ་ལ། །བདག་ཅག་གང་ཟག་གུས་པས་གསོལ་བ་འདེབས། །འདིར་ཐེག་པ་ཐམས་ཅད་ཀྱི་ཡངས་རྩེ། མན་ངག་ཐམས་ཅད་གྱི་ཉིང་ཁུ། མངོན…

པ་དང་བྲལ་བའི་ངང་ནས་འོག་མིན་གྱི་གནས་སུ་དཔལ་རྡོ་རྗེ་སེམས་དཔའ་ལ་རང་བཞིན་གྱི་བྱིན་གྱིས་རླབས་ཀྱིས་བཤད་དོ། །ལོངས་སྐུ་མཚན་དང་དཔེ་བྱད་ཀྱིས་བརྒྱན་པ་དཔལ་རྡོ་རྗེ་སེམས་དཔའ་དུར་ཁྲོད་མེ་རི་འབར་བའི་གཞལ་ཡས་ཁང་དུ། བཞུགས་པ་དེ་མིའི་ཡུལ་དུ་བཞུགས་ཀྱང་དགོངས་པ་སངས་རྒྱས་དང་མཉམ་པའི་སྤྲུལ་པ་པོ་དགའ་རབ་རྡོ་རྗེ་ལ་ཚིག་ཙམ་དུ་བཤད།…

ཁ་སྦྱོར་གྱི་རྒྱུད། ངོ་སྤྲོད་སྤྲས་པའི་རྒྱུད། མུ་ཏིག་ཕྲེང་བའི་རྒྱུད། རིག་པ་རང་གྲོལ་གྱི་རྒྱུད། རྫོགས་པ་རང་བྱུང་གི་རྒྱུད། ཀློང་ཆེན་དྲུག་པའི་རྒྱུད། སྐུ་གདུང་འབར་བའི་རྒྱུད། རིན་ཆེན་སྤུངས་པའི་རྒྱུད་དང་བཅུ་བདུན་དང་། གཞན་ཡང་སྟོང་གསལ་དྲི་མེད་རྒྱུད། གཅིག་ཤེས་ཀུན་གྲོལ་གྱི་རྒྱུད། ཡང་ཏི་གསེར་འབྲུ་གཅིག་པའི་རྒྱུད། …

རྣམས་སྤེལ་ལམ་སྦེད། གདུལ་བྱ་ལ་ཕན་ཇི་ལྟར་ཐོགས་གང་གིས་སྤྱོད་ཞུས་པས། གུ་རུའི་ཞལ་ནས། ད་ལྟ་སྤེལ་བའི་དུས་ལ་མ་བབ་གཏེར་དུ་སྦེད་དགོས། མངའ་བདག་གི་སྲས་མོ་ལྷ་ལྕམ་པདྨ་གསལ་གྱིས་སྙིང་ཏིག་གི་དཔེ་སྒྲོམ་སྤྱི་བོར་བླངས་ནས་སྨོན་ལམ་བཏབ་པས་མོའི་ཆོས་སྐལ་ཡིན། མོ་ཚེའི་དུས་བྱས་ནས་སྐྱེ་བ་འགའ་ཞིག་བརྒྱུད་པའི་ཐ་མ་ལ་ཆོས་འདི་དང་འཕྲད…

པ་ཡང་བཞུགས་སྲིད་དོ། །གདུལ་བྱ་ལས་ལྡན་གྱི་བུ་དེ་ཤ་སྨེའི་རྟགས་ཅན་ཞིག་འོངས་བས། དེ་ལ་གདམས་པ་མ་ལུས་པ་བྱིན་ན་འགྲོ་དོན་ཡང་བག་ཙམ་ཞིག་ནུས་སོ། དེ་ལ་མ་བྱུང་ན་ཕྱི་མའི་གདུལ་བྱར་འོང་ངེས་ཏེ་ཁ་རག་གི་ཕུར་ལྷག་མེད་འཚང་རྒྱའོ། །གདམས་པ་འདི་རྣམས་བུམ་ཐང་སྨད་དུ་མ་འཁྱོལ་ན་སྔར་གྱི་གཏེར་ཤུལ་ལམ་ལྷ་འདྲེ་མི་འཕོ་བའི་བྲག་ལ་སྦས་ན་སྐྱ…

གྲོལ་གྱི་སྐོར་རོ། ། ཡང་རིགས་ལྔ་ཕྱི་སྒྲུབ་དང་ནང་སྒྲུབ་དང་། སྤྲོས་བཅས་བུམ་དབང་དང་། ཌཱཀྐི་མངོན་རྟོགས་དང་། དབང་གསུམ་པ་དང་། གསུམ་པའི་ལག་ལེན་དང་། དབང་གི་རྒྱབ་ཡིག་དང་། ཁྱད་པར་གྱི་དབང་ལྔ་དང་། ཕྱི་སྒྲུབ་ནང་སྒྲུབ་ཀྱི་ལས་བྱང་ཐུན་མོང་དང་། གསང་སྒྲུབ་ཀྱི་ལས་བྱང་རྩར་འཕྲེང་དང་། དབང་སྒྲུབ་དང་། བུམ་སྒྲུབ་དང་། དཀྱིལ་འ…

ལམ་གྱི་བར་ཆད་བསྲུང་བ་ལ་བཀའ་སྲུང་སྲོག་སྒྲུབ་ནག་མོའི་རྒྱུད་དང་། གདམས་པ་དང་རྒྱུ་དུས་ཐུན་དྲུག །བླ་རྡོ། ཆོ་འཕྲུལ། མན་ངག་ལ་སོགས་ཏེ་ཆ་ལག་གི་སྐོར་རོ། །དེ་ཡང་བཏགས་གྲོལ་རྒྱུད་དྲུག་ལ་ནི། ཀུན་ཏུ་བཟང་པོ་ནས་ཨོ་རྒྱན་པདྨའི་བར་དུ་དགོངས་པར་བརྒྱུད་ནས། སློབ་དཔོན་གྱིས་གསུངས་ཤིང་མཚོ་རྒྱལ་གྱིས་བསྡུས་ནས་འགྲེལ་པ་དྲུག་པོ་མཁར…

འབྲི་ལ་ལྡང་ཆོས་འབྱུང་དུ་སྐུ་འཁྲུངས་པའི་ལྷ་ལྕམ་པདྨ་གསལ་སྐུ་སྐྱེ་བཞེས་པ། བརླ་གཡས་པའི་ནང་ན་ཤ་མཚན་མཁའ་འགྲོ་མའི་སྤྱན་འདྲ་བ་ཡོད་པ། ཁམས་ཆུ། དགུང་སྙིང་ཡོས་བུ། མཚན་ཚུལ་རྡོར་ཞེས་བྱ་བ། སྦྱངས་པའི་ལས་སད་པ། འཁོར་འདས་ཀྱི་ཆོས་ཐམས་ཅད་སེམས་སུ་རྟོགས་པ་དེས། གཞི་བདག་དང་མཁའ་འགྲོས་ལུང་བསྟན་པ་དང་། ཁ་བྱང་ལྡེ་མིག་ཀྱང་ལག་ཏུ་བ…

ཡིད་ཆེས་པའི་ཕྱིར་ཆོས་རྗེ་པས་བསྣམས་ནས་བྱོན་ནོ། །རྨོངས་པ་ལ་ལ་དག་གཏེར་མ་ལ་དབང་བཀའ་ཆད་པར་འགྱུར་རོ་སྙམ་དུ་དོགས་ན། སློབ་དཔོན་པདྨས་བཞེད་པ་འདི་ལྟར་གསུངས་སོ། །ཤོག་སེར་མཐོང་བས་སློབ་དཔོན་པདྨའི་སྐུ་དང་མཇལ། བརྡ་འཕྲད་པས་གསུང་དང་མཇལ། དོན་འཕྲད་པས་ཐུགས་དང་མཇལ་ལོ། །མདོར་ན་ཆོས་རྣམས་ལ་བརྒྱུད་ཚུལ་དྲུག་ཡོད་པ་འདི་གང་རུང་ཅ…

དབང་གི་ནང་ནས་དབང་བཀའ་འོ། །ཞེས་སོ། །སྙན་ཁུང་དུ་བརྒྱུད་ཚུལ་ཡང་། མ་འོངས་པའི་དུས་སུ་སྤྲུལ་སྐུ་ཡི་གེའི་གཟུགས་སུ་འབྱུང་བར་མདོ་དུ་མ་ནས་གསུངས་ལ། སྙིང་རྗེ་པདྨ་དཀར་པོའི་མདོ་ལས། རི་དང་རྡེ་འུ་ཤིང་བུ་དང་། །རྔ་བོ་ཆེ་དང་དཔག་བསམ་ཤིང་། །དེ་དག་ལས་ནི་སྒྲ་འབྱུང་བ། །རྒྱལ་བས་བྱིན་གྱིས་བརླབས་པ་སྟེ། །འདི་དག་བཀའ་ཞེས་བྱ་བར་འ…