མཐར། པདྨ་བདག་དང་འཕྲད་ཅིང་བྱིན་གྱིས་བརླབས་པས་ལས་ཟད་དེ་མི་ལུས་ཁྱད་པར་ཅན་བླངས་ནས་སངས་རྒྱའོ། །ཞེས་གསུངས་པ་དང་། ཡང་རྒྱལ་པོས་ཞུས་པ་སློབ་དཔོན་ཆེན་པོ་ལགས། མི་ལུས་ནམ་ཐོབ། ཆོས་གང་ལ་སྤྱོད། དེ་ནས་སྐྱེ་བ་དུ་ན་འཚང་རྒྱ། འགྲོ་དོན་གང་དུ་སྤྱོད་ཅེས་ཞུས་སོ། །སློབ་དཔོན་གྱིས་གསུངས་པ། ཡང་རྒྱལ་པོ་གསོན་ཅིག །ལས་ངན་དེ་རྣམས་བྱ…

ཕྲ་ལ་རྣམ་གཞག་ཚང་བ། ཤེས་རབ་ཆེ་ལ་ཆོས་ལ་མོས་པ། ཡིད་དུ་འོང་ཞིང་སོ་ཞོ་ཡོད་པ། སྨིན་མཚམས་ན་སྨེ་བ་པདྨ་འདྲ་བ་ཡོད་པ། མཚོ་རྒྱལ་གྱིས་བྱིན་གྱིས་བརླབས་པ་ཞིག་འབྱུང་བས་དེ་ལ་གདམས་པ་རྣམས་བྱིན་ན་ཁ་རག་གི་ཕུར་ལྷག་མེད་ལ་འཚང་རྒྱ་ཞིང་དར་ཆ་ཡང་བག་ཙམ་འབྱུང་ངོ་། །དེ་མིན་འགྲོ་དོན་མི་འབྱུང་ཞིང་ཐམས་ཅད་བདུད་ཀྱིས་བསམ་པ་བསྒྱུར་བས་དེ…

གྱིས་འབྲེལ་བ་ནི་ཤིན་ཏུ་མང་ངོ་། །དེའང་ལྷོ་བྲག་དང་མཁར་ཆུ་ལ་རྫོགས་ཆེན་གྱི་བསྟན་པ་དར་ཞིང་རྒྱས་པར་བྱེད་དོ། །དེ་དུས་ལྷོ་བྲག་གི་བྲག་སེངྒེའི་གདོང་པ་ཅན་ནས་སེམས་ཕྱོགས་ཀྱི་ཆོས་སྡེ་ཐམས་ཅད་ཐོན་པར་འགྱུར་རོ། །མོན་མཁར་སྟེང་ནས་བདག་གི་ངན་སྔགས་ཟབ་མོ་ཚོ་ཐོན་ཞིང་། མཆིམས་ཕུ་འདི་ཉིད་དུ་སྦས་པའི་ལྷ་ལྕམ་མོ་རང་གི་ཟབ་བེར་སྲུབས…

མཛོད་གྱི་སྙིང་པོ་བྱང་ཆུབ་སེམས་གཉིས་བསྐྱེད། །ནོར་གྱི་སྙིང་པོ་ཚོགས་གཉིས་བརྟེན་པར་མཛོད། །སོ་ནམས་སྙིང་པོ་ཆོས་སྤྱོད་དགེ་བཅུར་འབོད། །ཕ་ཡི་སྙིང་པོ་སྙིང་རྗེས་འགྲོ་བ་ཟུང་། །མ་ཡི་སྙིང་པོ་སྟོང་བའི་གནས་ལུགས་སྐྱོང་། །བུ་ཡི་སྙིང་པོ་བསྐྱེད་རྫོགས་དབྱེར་མེད་བརྟེན། །ཆུང་མའི་སྙིང་པོ་བདེ་གསལ་མི་རྟོག་སྒོམས། །གྲོགས་ཀྱི་ས…

པའི་སངས་རྒྱས་འཐོབ་པར་འགྱུར། །ཞེས་གསུངས་པས་རྒྱལ་པོ་དགྱེས་ཏེ་ཕྱག་དང་བསྐོར་བ་མང་དུ་མཛད་དོ། །དེ་ནས་ལྷ་ལྕམ་གྱི་ཟབ་བེར་གདམས་ངག་དང་བཅས་པ་བསེ་སྒྲོམ་བ་གམ་སྨུག་པོར་བཅུག་སྟེ་གཏེར་དུ་སྦས་ནས་ལྷ་ལྕམ་ཉིད་དང་འཕྲད་པར་སྨོན་ལམ་བཏབ་ནས་སློབ་དཔོན་གྱིས་ལྷ་ལྕམ་གྱི་རོའི་སྙིང་ཁར་ཤེས་རབ་མཚལ་གྱི་ནྲྀ་ཅིག་བྲིས་ཏེ་རྣམ་ཤེས་བཀུག་པས…

ཐུང་བ་མར་མེ་འཆི་ཁར་གསལ་བ་ལྟ་བུ་འབྱུང་ངོ་། །དེའང་སྤྱིར་རྙིང་མའི་བསྟན་པ་རྒྱས་ལ་ཡུན་ཐུང་། དེའི་ནང་ནས་གཏེར་གྱི་བསྟན་པ་ལྷག་པར་གཏེར་སྒོ་ཕྱེད་པ་དང་རྒྱས་པ་མཉམ་ཞིང་། སྐལ་ལྡན་གཏེར་གྱི་བདག་པོ་མི་བཞུགས་པ་ན་ཕལ་ཆེར་འགྲིབ་པ་ཡིན་ནོ། །དེའི་ཕྱིར་སྦ་བར་བྱའོ་གསུངས་ནས་ཀུ་སུ་ལའི་སྐོར་རྣམས་དྭགས་པོ་དང་ལུང་ཁྲ་མོ་བྲག་གི་བྲག་…

གཤེགས་དུས་སློབ་དཔོན་ཉིད་ཀྱང་དངོས་ཀྱིས་གདུལ་བྱ་དེ་ལས་མེད་པར་དགོངས་ནས་རྒྱལ་སྲས་མུ་ཏིག་བཙན་པོས་བཞུགས་པར་ཞུས་ཀྱང་མ་གནང་བར་གཤེགས་པའི་ཚེ་མང་ཡུལ་བྱེ་མའི་ལ་སོ་ལ་ཐུག་བར་བསྐྱལ་ནས་ཕྱག་དབུ་ཐོད་བུད་བུད་བཙལ་བསྐོར་བ་མང་པོ་བྱས་ཏེ། ངེད་བོད་ལ་ཐུགས་རྗེས་གཟུང་བར་ཞུས་ནས་སྤྱན་ཆབ་མང་པོ་བཏོན་པས། སློབ་དཔོན་ཆེན་པོའི་ཞལ་ནས། ལ…

ཏེ་མི་རྣམས་ཕལ་གྱིས་བཞི་བཅུ་རྩ་ཤས་ལས་མི་ཐུབ་པའི་དུས་ན། གསལ་རྗེ་གངས་ཀྱི་ཤར་ཕྱོགས་ལྕགས་སྒྲོ མ་འབར་བ་ལྟ་བུའི་ཡུལ་དུ་སྤ་སྒང་པ་རིན་ཆེན་རྡོ་རྗེ་ཞེས་བྱ་བར་སྐྱེས་ཏེ་དྭགས་པོ་དང་ལུང་ཁྲ་མོ་བྲག་ནས་ཟབ་གཏེར་རྣམས་གླང་གི་ལོ་ལ་གདན་དྲངས་ཏེ་གནས་པ་ལས་དེ་དུས་ཉམས་སུ་མ་བླངས་པར་འཁྱམས་པས་མཁའ་འགྲོའི་བཀའ་ཆད་ཀྱིས་ཚེའི་ཚད་མཐར་མ་…

སྤྱོད་རྒྱུད་ལ་སོགས་པ་དང་། མདོ་རྒྱུད་ལུང་སེམས་ཕྱོགས་ཀྱི་རྒྱུད་ལུང་མན་ངག་དང་བཅས་པ་ལེགས་པར་གསན་ནོ། །དེ་ནས་སློབ་དཔོན་བཀྲ་ཤིས་རིན་ཆེན་ལ་སོགས་པ་ལས་བདེ་མཆོག་དང་། ལམ་འབྲས་དང་། སྦྱོར་དྲུག་དང་། ཞི་བྱེད་དང་། རྫོགས་ཆེན་སེམས་ཕྱོགས་ལ་སོགས་པ་མན་ངག་དུ་མ་དང་རྒྱུད་ལུང་ལ་སྦྱངས་སོ། །དེ་ནས་སློབ་དཔོན་གཞོན་ནུ་རྡོ་རྗེ་ལ་སོ…

ཤེས་ཀྱི་འོད་ཀྱང་ཀུན་གྱིས་མཐོང་ཞིང་། ཁྲིད་དུས་དང་རྒྱབ་ཆོས་ཐམས་ཅད་ཀྱི་ཚེ་ན་ནམ་མཁའ་འཇས་ཁེངས་པ་ཟླ་བ་གཅིག་ཏུ་བྱུང་ངོ་། །དེ་ནས་གངས་རི་ཐོད་དཀར་དུ་འོངས་དུས་ཀྱང་མཁའ་འགྲོའི་འདུ་བ་མང་པོ་དང་། རང་སྒྲ་དང་སིལ་སྙན་སྒྲོགས་པ་སྐབས་སུ་བྱུང་ཞིང་། ཁྱད་པར་དུ་སྟོན་སོར་འདིའི་ཡིག་ཆ་འཇོག་པར་འོད་ཟེར་གོ་ཆས་བསྐུལ་ཏེ། བསྟན་བཅོས་ལ…

ནི་སྒེག་མོ་གཡོན་ཅན་འདྲ། །ནམ་ཡང་མི་ངོམས་སྲེད་པས་ཆང་འཐུང་འདྲ། །དོན་མེད་བྱ་བ་ཆུ་བོའི་གཉེར་མ་འདྲ། །འཁོར་བའི་སྡུག་བསྔལ་རྒྱ་མཚོའི་རྦ་རླབས་འདྲ། །གཅིག་ལས་གཅིག་བརྒྱུད་མེ་ཏོག་ཕྲེང་བརྒྱུས་འདྲ། །འགྲོ་དྲུག་འཁོར་བ་ཤིང་རྟའི་འཕང་ལོ་འདྲ། །གཅིག་ནས་གཅིག་བརྒྱུད་ཟོ་ཆུའི་འཁྱུད་མོ་འདྲ། །དལ་འབྱོར་རྙེད་དཀའ་རིན་ཆེན་གྲུ་བོ་འད…

ཡི་མུག་སྐྱེ། །འགྲོ་བ་གཞན་རྣམས་སྨོས་ཀྱང་ཅི་ཞིག་དགོས། །ཉོན་མོངས་རྣམས་ནི་ཐོག་མ་མེད་དུས་ནས། །སེམས་ལ་གོམས་ཤིང་བག་ཆགས་རྒྱུན་མི་འཆད། །དེ་ཡི་དབང་གིས་འཁྲུལ་སྣང་འཁོར་བར་འཁྱམས། །འདི་ཙམ་དུས་ན་ཐར་ཞེས་ཚད་གཟུང་མེད། །འཆི་བའི་དུས་ན་དྲན་ཡང་རབ་ཏུ་འཕྱིས། །མགོ་བོ་བཅད་ལ་གསོས་སྨན་ཕན་ཅི་ཡོད། །འཁོར་བའི་གྲོང་ན་འགྲོ་ཀུན་ཉམ་རེ…

གཞན་དག་འདྲེན་པ་ཤིང་རྟ་ཆེན་པོའི་སྲོལ། །བྱང་ཆུབ་སེམས་ཀྱིས་ཆོས་ཀུན་ཟིན་པར་མཛོད། །ལྟ་བའི་རྒྱལ་པོར་རང་བྱུང་ཡེ་ཤེས་ལྟོས། །སྒོམ་པའི་རྒྱལ་པོར་འོད་གསལ་ལྷུན་གྲུབ་བསྒོམས། །སྤྱོད་པའི་རྒྱལ་པོར་སྣང་སྲིད་སྒྱུ་མར་སྦྱོངས། །འབྲས་བུའི་རྒྱལ་པོར་གདོད་མའི་ཟད་སར་སྐྱོལ། །ལྷུན་གྲུབ་ས་ལ་ཀུན་ཏུ་བཟང་པོར་འགྱུར། །འདི་ནི་གཞི་རྫོག…

དཔུང་གཉེན་མཆོག་གཅིག་པུ། །ཇི་ལྟ་ཇི་སྙེད་ཇི་བཞིན་གཟིགས་པས་འགྲོ་ཀུན་འདྲེན་པའི་གཉེན་གཅིག་པུ། །སྲིད་ནས་སྲིད་འགྲོ་སྲིད་ལས་རྣམ་གྲོལ་དེད་དཔོན་བླ་ན་མེད་གཅིག་པུ། །ཆོས་དབྱིངས་ཆོས་ཉིད་ཆོས་སྐུ་མངོན་གྱུར་རང་བྱུང་པདྨས་འཛིན་པར་ཤོག །རིན་ཆེན་གྲུ་བོ་ཀུན་ནས་མཛེས་འདྲ་སྲིད་པའི་མཚོ་ཆེན་སྒྲོལ་བའི་གྲུ། །མཁའ་འགྲོ་སྙིང་ཏིག་ཆོ…

རིན་པོ་ཆེ་དབང་གི་ཕྲེང་བ་བཞུགས་པ་ལེགས་སོ། །རིན་ཆེན་ཤོག་སྐྱའི་སྐོར།

རྒྱ་གར་སྐད་དུ། རཏྣ་ཨབྷི་ཥིཉྩ་མ་ལེ་ནཱ་མ། བོད་སྐད་དུ། རིན་པོ་ཆེ་དབང་གི་ཕྲེང་བ་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཆེ་བའི་ཆེ་མཆོག་ལྷ་ཡི་ལྷར་གྱུར་པ། །ཀུན་བཟང་ཧེ་རུ་ཀ་དཔལ་རིགས་ལྔའི་གཙོ། །དགའ་རབ་རྡོ་རྗེ་ཤྲཱི་སིདྷ་དང་། ཨོ་རྒྱན་ཡབ་ཡུམ་གཉིས་ལ་ཕྱག་འཚལ་ལོ། །མཁའ་འགྲོ་སྙིང་ཏིག་གསང་བའི་སྙིང་པོ་ལས། །གཞི་ཉིད་…

དྲྭ་བ་དང་དྲྭ་བ་ཕྱེད་པ་ལ་སོགས་པས་མཛེས་པ། འོག་ཞི་བ་ལ་སྟེང་ཁྲོ་བོའི་དཀྱིལ་འཁོར་དུ་གསལ་བཏབ་ལ། རྡོ་རྗེ་དྲིལ་བུ་འཛིན་པས་དབྱངས་དང་བཅས་ཏེ། ཧཱུྃ་མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་གཟིགས་གྱུར་པའི། །ཞི་ཁྲོ་རབ་འབྱམས་འཁོར་བཅས་གནས་འདིར་གཤེགས་ཞེས་…

འབྱམས་དཀྱིལ་འཁོར་མཉེས་གྱུར་ཅིག །ༀ་བཛྲ་བཱ་རཱ་ཧཱི་ཧཱུྃ་ཏྲཱཾ་ཧྲཱི་ཨཿཧཱུཾ། ཞེས་པས་མཆོད་ནས། སྐུ་གསུང་ཐུགས་ཉིད་མི་འགྱུར་ཀུན་ཏུ་བཟང་། །བདེ་གཤེགས་བླ་མ་རྣམས་ལ་ཕྱག་འཚལ་བསྟོད། །ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །ལོངས་སྐུ་འཇའ་ཚོན་བཞིན་དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེག…

དབང་དངོས་བསྟན་པ་ལ་བརྒྱད་ལས། དང་པོ་བྱིན་རླབས་ཀྱི་སྒོ་དབྱེ་བ་མཁའ་འགྲོ་བརྡའི་དབང་ལ་གསུམ་ལས། སྔོན་འགྲོ་ནི། ཚོགས་གཏོར་རྒྱ་ཆེར་བཤམས་ཏེ། བདུད་རྩིའི་ཆུས་ཁྲུས་བྱས་ཏེ་གྲལ་དུ་འཁོད་པ་ལ་བགེགས་བསྐྲད་དེ་དྲིའི་ཐིག་ལེ་གནས་གསུམ་དུ་བཀོད་ནས། དངོས་གཞི་ནི་བླ་མས་རང་ཉིད་བླ་མ་ཡབ་ཡུམ་དུ་གསལ་བཏབ་སྟེ། སློབ་མ་རྣམས་པད་ཟླའི་སྟེང་…

རྗེས་ཉིད་ལ་གསོལ་བ་གདབ་པ་ནི། སློབ་མས་མེ་ཏོག་དོར་ལ་ཕྱག་འཚལ་ཏེ་མགྲིན་གཅིག་ཏུ། ཀྱེ་ཀུན་བཟང་རྡོ་རྗེ་འཛིན་པ་ཆེ། །ཡེ་ཤེས་ལྔ་ནི་ཐོབ་བྱའི་ཕྱིར། །རིགས་ལྔའི་དབང་མཆོག་བཤད་དུ་གསོལ། །ཅེས་པ་གསུམ་གྱི་རྗེས་ལ་བླ་མས། ཀྱེ་རིགས་ཀྱི་བུ་མཆོག་ཁྱེད་རྣམས་ཀྱིས། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་དང་ནི་རྡོ་རྗེའི་སྤུན། །ཚོགས་…