ཡིས། །ཕྱི་རུ་དབྱིངས་རིག་འདུ་འབྲལ་མེད་པ་ཡིས། །མངོན་སུམ་གོང་འཕེལ་ཚད་ཕེབས་ཟད་སར་ཕྱིན། །རྡོས་བཅས་གཉིས་ཟད་འོད་གསལ་ཞིང་ཁམས་སྣང་། །ནང་རྩ་འོད་སོང་རླུང་སེམས་ཉོན་མོངས་སྟོང་། །ཕྱི་ནང་ཟང་ཐལ་ཟས་གོས་དགོས་པ་མེད། །གསང་བར་འཁྲུལ་སྣང་གཉིས་འཛིན་རྒྱུན་ཆད་ནས། །གཟུངས་དང་ཏིང་འཛིན་མངོན་ཤེས་ཐོགས་མེད་ཅིང་། །འཕོ་བ་ཆེན་པོའི་གཞན…

དགེ་བ་འདི་ཡིས་མ་ལུས་འགྲོ་བ་ཀུན། །ཐེག་མཆོག་འདིར་ཞུགས་འོད་གསལ་མཐར་ཕྱིན་ཏེ། །སྐུ་དང་ཡེ་ཤེས་འདུ་འབྲལ་མེད་པ་ཡིས། །ལྷུན་གྲུབ་ས་ལ་ཀུན་ཏུ་བཟང་པོར་ཤོག །བདག་བློའི་མཁའ་ལ་རྟོགས་པའི་ཉི་ཤར་བས། །སྐལ་ལྡན་བློ་ཡི་པདྨོ་ཁ་འབྱེད་སླད། །གསང་སྤྱོད་སྙིང་པོ་རྡོ་རྗེ་ལམ་བསྟན་འདི། །གངས་རི་ཐོད་དཀར་མགུལ་དུ་ལེགས་པར་བཀོད། །གང་གིས་མ…

རིན་ཆེན་ཤོག་སེར་སྐོར༔ ངེས་དོན་སྙིང་པོ་ཞེས་བྱ་བ་བཞུགས་སོ༔

ངེས་དོན་སྙིང་པོ་ཞེས་བྱ་བ༔ དཔལ་ཀུན་ཏུ་བཟང་པོ་ལ་ཕྱག་འཚལ་ལོ༔ ཐུགས་རྗེའི་རང་བཞིན་ཕན་བདེའི་སྤྲིན་ཚོགས་ཅན༔ རང་བྱུང་པདྨ་རྒྱལ་ལ་ཕྱག་འཚལ་ལོ༔ ཤིན་ཏུ་སྤྲོས་དང་བྲལ་བའི་གང་ཟག་རྣམས༔ མངོན་སུམ་སྙིང་པོའི་དོན་འདིར་གཞུག་བྱའི་ཕྱིར༔ སྤྲོས་ཀུན་དོར་ཏེ་སྤྲོས་མེད་སྙིང་པོའི་དོན༔ ཇི་ལྟར་བདག་ལ་བབས་བཞིན་འདིར་བརྗོད་བྱ༔ དེ་ལ་གཞི་…

སྒོམས་ཤིག༔ ཨེ་མ་འགྲོ་བའི་གནས་འདུག་གམ༔ འགྲོ་བའི་མཁན་པོ་འདུག་གམ༔ འགྲོ་བྱེད་ཀྱི་ཤེས་པ་འདུག་གམ༔ ལྷོ་དང་ནུབ་དང་བྱང་ལའང་དེ་བཞིན་དུ་སྦྱར་ནས་ནམ་མཁའི་དཀྱིལ་ན་ཉི་མའི་དཀྱིལ་འཁོར་འོད་གསལ་བའི་སྟེང་དུ་ཡོད་པར་བསྒོམས་ལ༔ ཇེ་མཐོ་ཇེ་མཐོར་སོང་བས་སེམས་དང་ནམ་མཁའ་འདྲེས་ཏེ་ལྡོག་པའི་གནས་མེད་པར༔ མི་རྟོག་པའི་ངང་ལ་སྟོང་གསལ་འཛི…

དེ་དག་ནི་སྔོན་འགྲོ་དམ་པའོ༔ དེ་ནས་དངོས་གཞི་ལ༔ གཞི་ཀ་དག་ཁྲེགས་ཆོད་ཀྱི་ངོ་སྤྲོད་དང་༔ ལམ་ལྷུན་གྲུབ་ཐོད་རྒལ་གྱི་ངོ་སྤྲོད་གཉིས་ལས༔ དང་པོ་ནི་ཚོགས་གཏོར་དང་གསོལ་བ་བཏབ་པའི་རྗེས་ལ༔ ཀྱེ་སྐལ་ལྡན་ཕྱི་རོལ་སྣ་ཚོགས་སུ་སྣང་བ་ཐམས་ཅད་རྨི་ལམ་དང་འདྲ་སྟེ༔ སེམས་ལ་སྣང་ཡང་དོན་ལ་མ་གྲུབ་པས༔ བཅས་བཅོས་དང་དགག་སྒྲུབ་མ་བྱེད༔ ནང་དྲན…

དུས་བཞི་ཆོས་ཉིད་ཀྱི་འཁོར་ལོ་བདེ་ཆེན་འོད་གསལ་གྱི་དགོངས་པ་ལས་མི་གཡོ་བ་སྟེ༔ གདོད་མ་ཆོས་ཟད་ཀྱི་དགོངས་པ་ལ་ཐུག་པས་ཟད་པ་ངོ་ཤེས་ཡིན་ཐོག་ཏུ་ཞོག་ལ་དུས་ཐམས་ཅད་དུ་སྐྱོངས་ཤིག་ཅེས་གདབ་བོ༔ དངོས་གཞིའོ༔ རྗེས་སྣང་བ་བཞིའི་འཆར་ལུགས་ལ་བཞི་ལས༔ ཆོས་ཉོད་མངོན་སུམ་གྱི་སྣང་བ་ནི༔ དེ་ལྟར་གོམས་ནས་ཐིག་ལེ་གསུམ་སྦྲེལ་དུ་སྣང་བ་ཚུན་ཆ…

མཚན་མའི་ཆོས་སུ་མ་གྲུབ་ཅིང་༔ ཆོས་སྐུའི་སྦུབས་ན་ལོངས་སྐུ་ལྔ་ལྡན་གྱི་འོད་དང་༔ སྤྲུལ་སྐུ་དཀར་པོ་གཉིས་ཐིམ་ལ་མ་རྨུགས་པ་འཆར་གཞིའི་ཚུལ་དུ་ཡོད་པ་མཚོན་ཏེ༔ ནང་གསལ་ལྷུན་གྲུབ་ཆེན་པོར་བཞུགས་སོ༔ དེའི་དུས་ཐམས་ཅད་མཁྱེན་པའི་ཡེ་ཤེས་མཁྱེན་བྱེད་དུ་ཡོད་ཀྱང་༔ སྤྱོད་བྱེད་དུ་མ་ཤར་བ་ཞེས་བྱའོ༔ འདི་ནི་ཀ་དག་གི་ངང་ནས་ལྷུན་གྱིས་ག…

བྱིན་རླབས་ཐུགས་སྒྲུབ་ཅེས་བྱ་བ་བཞུགས་སོཿ ཤོག་སེར་སྐོར་ལས༔

ཀ་མཱ་མ་ག༔ བྱིན་རླབས་བླ་མའི་ཐུགས་སྒྲུབ་ཅེས་བྱ་བ༔ སློབ་དཔོན་ཆེན་པོ་པདྨ་འབྱུང་གནས་ལ་ཕྱག་འཚལ་ལོ༔ དངོས་གྲུབ་ཀུན་འབྱུང་པདྨ་ལ༔ བཏུད་ནས་བྱིན་རླབས་ཐུགས་སྒྲུབ་འདི༔ ཀུན་འདུས་སྤྱི་རུ་བསྒྲུབ་པ་དང་༔ མཚན་བརྒྱད་བྱེ་བྲག་བསྒྲུབ་པ་འོ༔ དང་པོ་སྐྱབས་འགྲོ་སེམས་བསྐྱེད་ནས༔ སྟོང་པའི་ངང་ལས་པད་ཉིའི་སྟེང་༔ རང་ཉིད་ཧྲཱིཿལས་མཚོ་རྒ…

འཇིག་རྟེན་ཁམས་ཀུན་གང་བར་བསྒོམ༔ ཀུན་གྱིས་སྔགས་འདི་བརྗོད་པར་བསམ༔ ཨཱོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧ་རི་ནི་ས་ར་ཙ་ཧྲི་ཡ་ཙིཏྟ་ཧྲིང་ཧྲིང་ཛ་ཛ༔ ཏིང་འཛིན་གསལ་བས་མ་ཡེངས་བཟླས༔ དངོས་གྲུབ་གང་འདོད་ཐོབ་པར་བསམ༔ རྗེས་ལ་ཐམས་ཅད་བླ་མར་ཐིམ༔ དེ་ཡང་མི་དམིགས་ཆོས་ཉིད་ངང་༔ མ་སྐྱེས་གདོད་ནས་དག་པར་བཞག༔ དགེ་བ་སེམས་ཅན་དོན་བསྔོས་ལ…

བཞིར་ཧ་རི་ནི་ས་ལས༔ འོད་འཕྲོས་བདག་གཞན་ནད་རྣམས་བསྲེགས༔ བདུད་རྩིས་ལུས་ཁེངས་བདེ་བའི་ངང་༔ སྣང་སྲིད་བླ་མ་མཁའ་འགྲོ་རྣམས༔ སྔར་བཞིན་ཧཱུཾ་ཕཊ་སྒྲོགས་པ་ལས༔ ན་སར་ཧཱུྃ་གིས་ཟང་ཐལ་ཕུག༔ འོད་འཕྲོས་ནད་རྣམས་སྐར་མདའ་བཞིན༔ ཕྱི་རོལ་ནམ་མཁའི་ངང་དུ་དེངས༔ ཡང་ཡང་བསྒོམས་ལ་ཧཱུྃ་གླུ་ལེན༔ དེ་རྗེས་འདི་ཡང་བཟླ་བར་བྱ༔ ཨཱོཾ་ཧ་རི་ནི་ས་ཨ…

རྗེས་སྔགས་འདི་བཟླས༔ ཨཱོཾ་རི་ནི་ས་ཧ་ཨཱཿཧཱུྃ༔ རྗེས་ལ་ཐམས་ཅད་བླ་མ་ལ༔ དེ་ཡང་ནམ་མཁའི་ངང་བཞག་བསྔོ༔ ཚེ་དང་བསོད་ནམས་འབྱོར་པ་འཁོར༔ ཅི་བསམ་ཡིད་བཞིན་ལྷུན་གྱིས་གྲུབ༔ ཤེས་རབ་རྒྱས་པར་འདོད་པ་ཡིས༔ སྐྱབས་འགྲོ་སེམས་བསྐྱེད་སྟོང་པའི་ངང་༔ ཧཱུྃ་ལས་བློ་ལྡན་མཆོག་སྲེད་ནི༔ དམར་སེར་གཙོ་འཁོར་སྔར་བཞིན་ལ༔ ཕྱག་ན་གླེགས་བམ་ཀ་པཱ་ལ༔ …

དབང་གི་མཁའ་འགྲོ་མ༔ དམར་མོ་ལྕགས་ཀྱུ་འཛིན་པའི་ཚོགས༔ བ་སྤུའི་བུ་ག་ཀུན་ནས་ཐོན༔ སྔར་བཞིན་བཀུག་ནས་བསྒོམས་བྱས་ལ༔ ཧཱུྃ་གླུ་བླངས་ཤིང་སྔགས་འདི་བཟླས༔ ཨཱོཾ་ནི་ཧ་ས་རི་ཨཱཿ་ཧཱུྃ༔ ཆེ་གེ་མོའི་རྣམ་པར་ཤེས་པ་ཁུག་ཛཿཧྲིང་ཧྲིང་༔ རྗེས་ལ་སྣང་སྲིད་ཧཱུྃ་ལ་བསྡུ༔ དེ་ཡང་མཉམ་རྫོགས་ཆོས་སྐུའི་ངང་༔ བདེ་ཆེན་གཟའ་གཏད་མེད་པར་གཞག༔ དགེ་བ་…

བཞིར་འཕྲོས་པའི་མཁའ་འགྲོ་བཞི༔ གཙོ་བོ་འདྲ་བ་རྣམ་པར་བསྒོམ༔ སྣང་སྲིད་མེ་ཀློང་གཅིག་ཏུ་འཁྱིལ༔ མེ་ཡི་འཁོར་ལོ་འཁོར་བ་ཡིས༔ གནོད་བྱེད་རྒྱལ་བསེན་དམ་སྲི་རྣམས༔ མེ་ལྕེའི་ཁ་ལ་སྦྲང་བུ་བཞིན༔ ལུས་གཏུབས་མེས་བསྲེགས་རྡུལ་ཕྲན་བཞིན༔ སྐུ་ཡི་འཐོར་རླུང་བསྐྱོད་པ་ཡིས༔ རླུང་གིས་སྤྲིན་གཏོར་དེངས་པ་བཞིན༔ གནོད་བྱེད་གནས་འཁོར་ཡུལ་གཏོ…

པ་དྲན་པར་བྱ༔ བར་འགའ་སྒྱུ་མ་རྨི་ལམ་བསྒོམ༔ ཀ་དག་ཆོས་སྐུའི་རྩལ་སྦྱང་བྱ༔ བར་འགའ་མཉམ་རྫོགས་ཆོས་སུ་བསྒོམ༔ འོད་གསལ་དག་པའི་ལམ་ཁྱེར་བྱ༔ བར་འགའ་གང་ཤར་ཆོས་སྐུ་ལ༔ དུག་ལྔ་རང་གྲོལ་ལམ་ཁྱེར་བྱ༔ མདོར་ན་ཐ་མལ་སྤངས་བྱས་ལ༔ ཉིན་མཚན་དགེ་བས་འདའ་བར་བྱ༔ ཚེ་འདིར་སངས་རྒྱས་ཐོབ་པར་ངེས༔ ཨེ་མ་ཧོ༔ མཁའ་འགྲོ་སྙིང་ཏིག་གསང་བའི་མན་ངག་ལས…

རིན་ཆེན་ཤོག་སེར་གྱི་སྐོར་རིག་འཛིན་མཆོག་སྒྲུབ་བཞུགས་སོཿ

རིག་འཛིན་མཆོག་སྒྲུབ་ཅེས་བྱ་བ༔ སློབ་དཔོན་པདྨ་འབྱུང་གནས་ལ་ཕྱག་འཚལ་ལོ༔ རྣམ་སྨིན་ཚེ་དབང་ཕྱག་རྒྱ་ལྷུན་གྱིས་གྲུབ༔ གྲུབ་པའི་རིག་འཛིན་རྣམས་ལའང་ཕྱག་འཚལ་ལོ༔ དེ་ཉིད་གྲུབ་ཕྱིར་སྒྲུབ་པའི་རིམ་པ་ནི༔ མཆོག་དང་ཐུན་མོང་རྣམ་པ་གཉིས་སུ་བརྗོད༔ བདུད་རྩི་སྨན་གྱི་སྒྲུབ་པ༔ འཆི་མེད་ཚེ་ཡི་སྒྲུབ་པ༔ འོད་གསལ་མཆོག་གི་སྒྲུབ་པ་དང་གསུ…

རྡོ་རྗེའི་སྐྱིལ་མོ་ཀྲུང་མཉམ་གཞག་དང་བཅས་པའི་ཕྱོགས་བཞིར༔ སྨན་གྱི་ལྷ་མོ་དཀར་སེར་དམར་ལྗང་བཞི་ཡང་སྨན་གྱི་བུམ་པ་བཟུང་སྟེ་བཞེངས་ནས་རྒྱན་ཐམས་ཅད་ཀྱིས་བརྒྱན་པར་བསམ་ལ༔ ཡེ་ཤེས་སེམས་དཔའ་བཅུག་ནས༔ དངོས་དང་ཡིད་ཀྱིས་མཆོད་དེ༔ ཨཱོཾ་ཨཱ་ཡུ་ཥེ་ཨ་མ་ར་ནི་ཛི་ཝཱན་ཏི་ཡེ་སྭཱ་ཧཱ༔ ཞེས་ཅི་འགྲུབ་བརྗོད་པས༔ ཕྱོགས་བཅུ་ནས་སངས་རྒྱས་དང་…

དུ་འགྲུབ་པའོ༔ བདུད་རྩི་སྨན་གྱི་སྒྲུབ་པ་རྫོགས་སོ༔ ཨྠྀི༔ རྒྱ་རྒྱ་རྒྱ༔ ༵༵༵གཉིས་པ་འཆི་མེད་ཚེའི་སྒྲུབ་པ་ནི༔ དབེན་ཞིང་ཡིད་དང་མཐུན་པའི་གནས་སུ༔ སྟན་བདེ་བ་ལ་འདུག་སྟེ༔ སྐྱབས་སུ་འགྲོ་བ་དང་སེམས་བསྐྱེད་ནས༔ སྐད་ཅིག་གིས་སྟོང་པའི་ངང་ལས༔ པདྨ་དམར་པོ་དང་༔ ཉི་ཟླའི་སྟེང་དུ་ཧྲཱིཿདམར་པོ་ལས་འོད་འཕྲོས་སྣང་སྲིད་སྣོད་བཅུད་ཐམས…