བཞུགས་དུས་རང་སྣང་སྐུ་དང་ཡེ་ཤེས་སུ་གསལ་བ་ཐམས་ཅད་ལ། ཆོས་ཉིད་དག་པའི་ཡེ་གདངས་ཞེས་བྱ་སྟེ། །ཡེ་ནས་ལྷུན་གྱིས་གྲུབ་བར་སྣང་བའི་ཕྱིར་རོ། །དེའི་ཚེ་སྐུ་རྣམ་པར་དག་པར་གཟུགས་བརྙན་ལྟ་བུ་རྟག་ཆད་མཚན་མ་ལས་འདས་པ། གསུང་རྣམ་པར་དག་པ་བརྗོད་མེད་རླུང་ལྔའི་ངང་དུ་རང་གསལ་བ། ཐུགས་རྣམ་པར་དག་པ་གཞི་ལ་མཁྱེན་ཆར་གནས་ལ་རྩལ་གྱིས་རྣམ་པར་…

གནས་ལུགས་བསྟན་པའོ། །དོན་གཉིས་པ། དེ་ལས་གཞི་སྣང་གི་འཆར་ཚུལ་ལ། དབྱིངས་ནས་ཉམས་སུ་ཤར་བ་ཟ་འོག་བེར་ཁྱིམ་བཀྲམ་པ་ལྟར་སྣང་དུས། རང་སྣང་དེ་ལ་གོང་འོག་ཏུ་གནས་པས་རིམ་པ་ལྟར་བཤད་པ་ནི། གདོད་མའི་ནང་གསལ་ལས་རིག་པའི་ཡེ་ཤེས་སྲོག་རླུང་གིས་བསྐྱོད་པའི་གདངས་ཕྱིར་སྣང་བ་ནི་འོད་དང་སྐུ་དང་ཟེར་དུ་ཤར་བ་ལས། ཆ་ཤས་ཀྱི་སྒོ་ནས་དབྱེ་ན། འ…

གསལ་ཡེ་ཤེས་ཀྱི་ཞིང་སྣང་འཇའ་ཚོན་ལྟ་བུ་ན་རིགས་ལྔའི་སངས་རྒྱས་ནམ་མཁས་གར་ཁྱབ་ཙམ་དུ་རང་སྣང་ཞིང་། ཡར་དག་པའི་ཞིང་དང་། མར་མ་དག་པའི་ཞིང་ན། གདུལ་བྱ་དང་འདུལ་བྱེད་ཀྱི་སྟོན་པར་སྣང་བ་ནི། ཆོས་ཐམས་ཅད་རིག་པའི་ཡེ་ཤེས་ལ་ཡེ་ནས་ལྷུན་གྲུབ་ཏུ་རང་ཤར་རང་སྣང་བ་སྟེ། དབང་རྣམ་པར་ཕྱེ་བ་ལས། འཁོར་བ་ངན་སོང་རོལ་པ་ཡེ་ཤར་ལ། །ཞེས་དང་། འ…

བའོ། །སྣང་ལུགས་ནི་འཁོར་མི་ཟད་པ་དང་། ལོངས་སྤྱོད་ཟད་མི་ཤེས་པ་དང་། ཡོན་ཏན་ཟད་མི་ཤེས་པ་དང་། སྟོབས་ཟད་མི་ཤེས་པ་དང་། རྩལ་ཟད་མི་ཤེས་པ་དང་། ཆོ་འཕྲུལ་ཟད་མི་ཤེས་པ་དང་། ཚེའི་ཚད་གྲངས་མེད་པ་དང་། ནད་ཀྱི་སྡུག་བསྔལ་ཐམས་ཅད་དང་བྲལ་བ་གཞལ་ཡས་ཁང་བསམ་གྱིས་མི་ཁྱབ་པ་དང་། ཆོས་བསམ་གྱིས་མི་ཁྱབ་པ་སྒྲོགས་པ་སྟེ། རང་བཞིན་སྤྲུལ་པ་…

ཤར་དུས། རང་སྣང་དུ་ཧྲིག་གིས་རིག་པས་བྱེ་བྲག་ཕྱེད་དེ། སྐད་ཅིག་གཉིས་པར་མ་རིག་པའི་སྒྲིབ་པ་ཐམས་ཅད་ཝལ་གྱིས་བསལ་ནས་དབྱིངས་སུ་བྱང་ཆུབ་པའོ། །དེ་ཉིད་མཚན་བརྗོད་ལས། སྐད་ཅིག་གཅིག་གིས་བྱེ་བྲག་ཕྱེད། །སྐད་ཅིག་གཅིག་གིས་རྫོགས་སངས་རྒྱས། །ཞེས་སོ། །རང་སྣང་དུ་ཤེས་ཚུལ། ཀུན་བྱེད་ལས། གྲིབ་མ་གཟུགས་ཀྱི་དཔེ་བཞིན་ངོ་མཚར་མཐོང་བའི…

བ་བེམས་པོ་ལྟར་སྣང་བ་རིག་པ་ཡེ་ཤེས་ཀྱི་གདངས་སུ་ཤེས་ཏེ། རིག་པ་དང་རིག་གདངས་ཤན་ཕྱེད་པའི་སྐད་ཅིག་ལ་མ་རིག་པ་སངས་ནས་རྟག་ཆད་སྒྲོ་སྐུར་དང་བྲལ་ཏེ། གདོད་མའི་ངང་དུ་གྲོལ་བ་ནམ་མཁའ་ལྟ་བུའོ། །དེའི་ཚེ་དབྱིངས་ནས་ཤར་བའི་སྣང་བ་ལུང་མ་བསྟན་གྲོལ་འཁྲུལ་གྱི་གཞི་ཅན། རང་སྣང་རིག་པའི་གདངས་སུ་ཤེས་པས་གདོད་མར་ཐིམ་པ་ནི། ལུང་མ་བསྟན་ར…

གཟུགས་བརྙན་སྣང་། །འགྲོ་ལ་འཆར་ནུབ་སྣ་ཚོགས་གང་སྣང་བ། །རྙོག་པའི་རང་སེམས་རབ་འཇུག་དབང་གིས་འཇུག །ཅེས་སོ། །དེ་ལྟར་སངས་རྒྱས་པའི་སྟོན་པ་ནི་ཀུན་ཏུ་བཟང་པོ་སྟེ། གཞི་ལས་འཕགས་པའི་སྐད་ཅིག་ལ་བྱེ་བྲག་ཕྱེད་ནས་སངས་རྒྱས་ཏེ། འཁོར་འདས་ཀུན་གྱི་དཔལ་མགོན་དུ་གྱུར་པ་ཡིན་ནོ། །གྲོལ་ཚུལ་དེ་ལྟ་བུ་ནི་ཅིག་ཆར་བ་གཞི་ནས་གྲོལ་བ་ཞེས་བྱའ…

རྣམས་ཀྱང་ཆད་པ་དང་ལྷག་པ་མེད་པར་འཆར་གཞིར་གནས་ཏེ། མེ་ལོང་ལས། དེ་ལྟར་གཞིར་སྣང་ཏེ། རྣམས་ཀྱང་། །འཁྲུལ་དུས་ནང་གསལ་འཆར་གཞིའི་ཚུལ། །སེམས་ཅན་ཀུན་གྱི་སྙིང་ལ་གནས། །འགྲོ་དྲུག་སྣང་བ་དེ་ལྟར་རོ། །ཞེས་སོ། །དེའི་དུས་སུ་ཀ་དག་གིས་སྟོང་པར་ཐག་བཅད་ནས། ཁྲེགས་ཆོད་དུ་བསྟན། ལྷུན་གྲུབ་ཀྱིས་ཡེ་གྲུབ་ཏུ་ངོ་སྤྲད་ལ་ཐོད་རྒལ་གྱིས་ཉམས…

སྐལ་བ་ཇི་ལྟ་བར་དོན་མཛད་དེ། སྒྱུ་འཕྲུལ་ལས། ཐུགས་རྗེ་ཆེན་པོས་འབྲེལ་པས་ན། །ཡེ་ཤེས་དབྱིངས་ལས་མི་གཞན་ཕྱིར། །འགྲོ་དྲུག་དུས་གནས་མ་ལུས་པར། །མཐུན་པའི་ཡེ་ཤེས་རང་སྣང་བའོ། །ཞེས་སོ། །དེ་ལྟར་རྟོགས་དཀའ་རྡོ་རྗེ་སྙིང་པོའི་དོན། །བླ་མའི་ལུང་ལ་བརྟེན་ནས་བཤད་པ་འདིས། །མ་ལུས་འགྲོ་ཀུན་གདོད་མའི་སར་གཞོལ་ཏེ། །དབྱིངས་དང་ཡེ་ཤེས་…

དཔེ་དོན་གསལ་བྱེད་སྒྲོན་མེ་བཞུགས་སོ།། །།

བཅོམ་ལྡན་འདས་གཟི་བརྗིད་མཐའ་ཡས་ལ་ཕྱག་འཚལ་ལོ། །སེམས་ཉིད་འོད་གསལ་བྱང་ཆུབ་སྙིང་པོའི་དོན། །ཇི་བཞིན་སྟོན་ཕྱིར་རྒྱུད་དོན་གསལ་བ་ལས། །དཔེ་དོན་གསལ་བྱེད་ཡིད་བཞིན་སྒྲོན་མེ་ནི། །སྐལ་བཟང་རྣམས་ཀྱི་དོན་དུ་བཤད་ཀྱིས་ཉོན། །དེ་ལ་རྡོ་རྗེ་སེམས་དཔའི་མེ་ལོང་རང་བཞིན་གྱིས་དྭངས་ལ་ཟུར་མང་བ་སྤོས་ཆུས་བཀྲུས་ལ། ཡི་གེ་བརྒྱ་པ་མང་དུ་…

ཆོས་ཀྱི་སྐུའི་དཔེས་མཚོན་པར་བྱེད་པ་རྡོ་རྗེ་སེམས་དཔའི་ཡེ་ཤེས་གསལ་བས་རྡོ་རྗེ་སེམས་དཔའི་མེ་ལོང་ཞེས་བྱའོ། །འདི་ཉིད་བསྐལ་པ་དང་པོར་དགའ་ལྡན་བརྩེགས་པའི་དུས་ན་ཁྱེའུ་སྣང་བ་དམ་པས་དཔེས་ངོ་སྤྲོད་དུ་སྣང་བ་མཐའ་ཡས་ཀྱི་ཐུགས་ཀ་ནས་ཤེལ་གྱི་མཆོད་རྟེན་ཁྲི་འཕང་ལྔ་པ་བབས་པ་ལས་ངོ་སྤྲད་ཅིང་། དེ་ནས་སུམ་ཅུ་རྩ་གསུམ་གྱི་གནས་རྣམ་པར…

རྗེ་ལུས་ཀྱི་མཆོག །མན་ངག་ཏི་ལ་ཟུར་འགྲོས་ཅན། །རྡོ་རྗེ་སེམས་དཔའི་ཞལ་ཆེམས་ཡིན། །ཞེས་པ་དང་། ངོ་སྤྲོད་སྤྲས་པའི་རྒྱུད་ལས། །སྐུ་གསུམ་འབྲས་བུ་མངོན་དུ་བལྟ་འདོད་ན། །བཅུད་ཀྱི་སྙིང་པོ་དཔེ་ཡི་ཡེ་ཤེས་ལྟོས། །ཡིད་བཞིན་རིན་ཆེན་ནོར་བུ་འོད་འབར་རམ། །སྣ་ཚོགས་ནོར་བུ་མར་གད་ཆུ་ཤེལ་ལམ། །ས་ཡི་སྙིང་པོ་རིན་ཆེན་མིག་མ་ཕུག །རྡོ་ཡི…

ཡེ་ཤེས་ངོ་ཤེས། ཤེལ་གྱིས་སྣང་བ་སྣ་ཚོགས་མཚོན་པས་སྣང་ལུགས་ངོ་ཤེས། ཤེལ་རང་གིས་ངོ་བོ་མཚོན་པས་གནས་ལུགས་ཉག་གཅིག་ཏུ་ངོ་ཤེས། ཤེལ་འོད་དང་བཅས་པས་རིག་པའི་ཡེ་ཤེས་ངོ་ཤེས། འདི་དག་གསང་སྔགས་དོན་གྱི་ཚད་མའི་དཔེ་དོན་རྟག་གསུམ་དུ་ཡིད་ཆེས་པས་གྲོལ་བར་བྱ་སྟེ། སྒྲོན་མ་རྣམ་པར་བཀོད་པའི་རྒྱུད་ལས། དགོངས་པ་བརྡ་དང་སྙན་བརྒྱུད་ནས། །…

རིག་པ་རྟོག་མེད་གསལ་བས་མན་ཤེལ་འདྲ། །རིག་པ་ལྷུན་གྲུབ་གནས་པས་མན་ཤེལ་འདྲ། །རིག་པ་མ་འགགས་ཕྱོགས་མེད་མན་ཤེལ་འདྲ། །ཞེས་སོ། །གཉིས་པ་དེ་ལས། འཁོར་འདས་ཀྱི་གྱེས་གཞི་ངོ་སྤྲད་པ་ནི། ཤེལ་ཉི་མ་ལ་ཕྱར་ནས། ནང་འོད་གཉིས་ཕྱིར་བསྟན་ལ་རྒྱུ་བདག་ཉིད་གཅིག་པའི་མ་རིག་པ་རྒྱུའི་རྐྱེན། ཁ་དོག་ལྔ་ལྡན་ཡུལ་གྱི་རྐྱེན། འོད་དཀར་པོ་དེ་ཀུན་ཏ…

ཆགས་པ་ནི། ཤེལ་གྱི་རང་འོད་ཁ་དོག་སྣ་ཚོགས་ཀྱི་སྟེང་དུ། འོད་དཀར་པོ་དེ་རེས་མོས་ཀྱིས་ལན་ལྔར་བཞག་པ་ལ་ངོ་སྤྲད་དོ། །འོད་དཀར་པོ་སེམས་ཀྱི་རྟོག་པ་དེས་འོད་ལྔའི་དཀར་པོ་ལ་བཟུང་བས་ཆུར་འཁྲུལ་ཞེ་སྡང་བསྐྱེད། སེར་པོ་ལ་བཟུང་བས་ས་དང་ང་རྒྱལ་བསྐྱེད། དམར་པོ་ལ་བཟུང་བས་མེ་དང་འདོད་ཆགས་བསྐྱེད། ལྗང་གུ་ལ་བཟུང་བས་རླུང་དང་ཕྲག་དོག་བ…

པོ་བཞག་ནས། མི་གཡོ་བའི་དཔེས། རིག་པ་སྟོང་པའི་ངང་ལས་གསལ་བའི་འོད་གདངས་ཕྱིར་ནམ་མཁའི་དཀྱིལ་དུ་སྣང་བ་ནི། ཡུལ་སྣང་གི་རིག་པ་རྡོ་རྗེ་ལུ་གུ་རྒྱུད་ཅེས་བྱ་སྟེ། དེ་ལ་གཏད་དུས་སེམས་འོད་གསལ་ཡེ་ཤེས་ཀྱི་ངང་དུ་ཐིམ་ནས་ཡེ་ཤེས་འབའ་ཞིག་ལ་གནས་པས་སྟོང་གསལ་སྤྲོས་པ་དང་བྲལ་བའི་ཡེ་ཤེས་ཁོང་ནས་ཤར་བ་ནི། ཡེ་ཤེས་ཉམས་སུ་ལེན་པའོ། །ཡང་འ…

ལ་ངོ་སྤྲད་ལ། དཀར་པོ་དེ་ཐོག་ཏུ་བཞག་པས་སྣང་བ་རང་སྣང་དུ་ཤེས་ནས། དེ་ཐོག་ཏུ་བཞག་པས་གྲོལ་པའི་དཔེ། འོད་གཉིས་ནང་དུ་བསྡུས་པས་རང་སྣང་གདོད་མར་གྲོལ་བའི་ཚུལ་ངོ་སྤྲད་དོ། །དེའི་དབུས་སུ་སྒྲ་འོད་ཟེར་གསུམ་ཤེལ་འོད་མྱུར་བར་བསྐོར་ལ་ངོ་སྤྲད་དོ། །དེ་ནས་འོད་ལྔའི་སྣང་བས་ཚོམ་བུའི་དཀྱིལ་འཁོར་ཡེ་ཤེས་ལྔར་རང་ངོ་ཤེས་པ་ལས་འཆར་བ། འ…

དག་ཀྱང་གདོད་མའི་ངང་ལས་སྐུ་གཉིས་མི་འགགས་པར་འཆར་བས། འོད་ལྔ་དཀར་པོ་དང་འདྲེས་པའི་ཆ་དེ་མེ་ལོང་ཡེ་ཤེས་ཏེ། དེའི་ངང་ལས་ལོངས་སྐུའི་སྣང་བ་དང་ཡེ་ཤེས་གཞན་བཞི་འཆར་བའི་རྟེན་བྱེད་པའོ། །ཡང་ཤེལ་ཀ་དག་ཆོས་སྐུའི་དཔེ་དེའི་འོད་ལྔ་ནང་གསལ་ལས་ཉི་མའི་རྐྱེན་གྱིས་ཕྱིར་གསལ་དུ་འོད་ལྔ་འཆར་བ་ལྟར། གདུལ་བྱའི་རྐྱེན་གྱིས་ཆོས་སྐུའི་ངང་…

ཀྱིས། །སྐྱེ་བ་མངོན་པར་སྐྱེ་བ་ན། །དགའ་ལྡན་གནས་ནས་འཕོ་བ་དང་། །ཞེས་པ་ལ་སོགས་པ་བྱུང་བ་བཞིན་ནོ། །ཚུལ་འདི་དག་རང་གིས་ཤིན་ཏུ་ངེས་པས་གཞན་ལ་བསྟན་པར་བྱའོ། །འལ་འོལ་ཙམ་དུ་མ་ཡིན་ནོ། །འདི་ཉིད་ལེགས་པར་རྟོགས་ན་རྡོ་རྗེ་སྙིང་པོའི་དགོངས་པ་མཐར་ཐུག་རྟོགས་པས། ཚེ་འདི་ཉིད་ཀྱིས་འཁོར་བ་ལས་ལྡོག། ཐར་པ་རང་ལས་རྙེད། བྱང་ཆུབ་སྙིང་པ…