དཔལ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་འགྲེལ་པ་ཕྱོགས་བཅུའི་མུན་པ་ཐམས་ཅད་རྣམ་པར་སེལ་བ་བཞུགས།

དཔལ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་རྒྱལ་པོ་རྒྱུད་སྒྱུ་འཕྲུལ་དྲྭ་བའི་རྣམ་བཤད་ཉི་ཟླའི་སྤྲིན་གྱི་སྣང་བ་ཆེན་པོའི་ཕྱོགས་བཅུའི་མུན་པ་ཐམས་ཅད་ངེས་པར་སེལ་བ་ཞེས་བྱ་བ། ཕྱོགས་བཅུའི་དུས་བཞིའི་བདེ་བར་གཤེགས་པ་སྲས་དང་བཅས་པ་མ་ལུས་མི་ལུས་ལུས་པ་མེད་པ་ཐམས་ཅད་ལ་ཕྱག་འཚལ་ལོ། །གང་གིས་རང་བཞིན་གཉིས་སུ་མེད་གང་ཆ…

གྲུབ་པའི་ཚོགས་ལ་འདུད། །རྒྱལ་བའི་ཐུགས་རྗེ་ཤིན་ཏུ་རྨད་བྱུང་རྫོགས་སངས་རྒྱས་ཀྱི་གསུང་གསོལ་ཞིང་། །སྣ་ཚོགས་སྤྲུལ་པས་འགྲོ་བའི་དོན་མཛད་རིགས་དང་དཀྱིལ་འཁོར་ཀུན་གྱི་གཙོ། །གསང་བའི་སྙིང་པོ་མཆོག་གི་མཛོད་བརྙེས་ཀུན་གྱི་སྔོན་རོལ་རྫོགས་སངས་རྒྱས། །རྡོ་རྗེ་སེམས་དཔའ་གསང་བའི་བདག་ལ་འདུ་འབྲལ་མེད་པས་ཕྱག་འཚལ་ལོ། །གདུལ་བྱའི་ག…

དཀྱིལ་འཁོར་ཉིད་ལས་མི་གཞན་པའི་མངའ་ཐང་ཆེན་པོས་དབང་བསྒྱུར་བས། རྡོ་རྗེ་སེམས་དཔའ་ལ་སོགས་པ་འབྲས་བུའི་སེམས་དཔའ་རྣམས་ལ། ཟབ་ཅིང་རྒྱ་ཆེ་བའི་ཆོས་ཕུན་ཚོགས་པ་གསང་སྔགས་རྡོ་རྗེའི་ཐེག་པ་གསུངས་ཏེ། །སྣང་བ་གསུམ་གྱིས་གདུལ་བར་བྱ་བའི་འགྲོ་བའི་ཁམས་རང་བཞིན་གྱིས་གྲོལ་བར་མཛད་པ་ལས། གསང་སྔགས་ནང་པ་བསྐྱེད་པ་མ་ཧཱ་ཡོ་ག ལུང་ཨ་ནི་ཡོ…

བ་དང་སྡེ་བརྒྱད་དོ། །དེ་ལ་འདིར་ཐེག་པ་ཐམས་ཅད་ཀྱི་ཡང་རྩེ། ལུང་ཐམས་ཅད་ཀྱི་འབྱུང་ཁུངས། དུས་གསུམ་སངས་རྒྱས་ཐམས་ཅད་ཀྱི་ཐེག་པའི་ཉེ་ལམ་ཆེན་པོ། གསང་བ་བས་ཀྱང་ཆེས་ཤིན་ཏུ་གསང་བ་དཔལ་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་ཀྱི་རྒྱལ་པོ་ཆེན་པོ་འཆད་པ་ལ་གསུམ་སྟེ། བརྗོད་བྱ་རྟོགས་པའི་ཡན་ལག་ཏུ་མཚན་གྱི་དོན་བཤད་པ། བརྗོད་བ…

འཁོར་དུ་བྱང་ཆུབ་པའི་རང་བཞིན་དུ་བ སྟན་པའོ། །ཚིག་གི་དོན་ནི་ཡུལ་དུམ་བུ་གསུམ་ལས་དབུས་གཙང་ནི་བོད་ཆེན་པོ་སྟེ་དེའི་སྐད་རིགས་གང་བཟང་བཟང་དུ༷་བསྒྱུར་རོ། །དེ་ཡང་ཆོས་ཀུན་ཡེ་ནས་སངས་རྒྱས་པ་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་འཁོར་འདས་ཐམས་ཅད་དབྱེར་མེད་དུ་ཁྱབ་པར་རྟོགས་པ་ནི་རྒྱལ་བའི་དགོངས་པ་སྟེ། དེ་ཉིད་ཤིན་ཏུ་རྟོ…

ནའང་། འདིར་འདུས་པས་ཡི་གེ་མང་བར་ཟད་དོ། །དེའང་བསྡུ་ན། སྐུ་དང་། གསུང་དང་། ཐུགས་ཀྱི་གསང་བ་བསམ་གྱིས་མི་ཁྱབ་པ་གསུམ་མོ། །སྙིང་པོ་ནི་ཆོས་ཐམས་ཅད་ཀྱི་རང་བཞིན་མཐར་ཐུག་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ཡེ་ནས་སངས་རྒྱས་པའི་དོན་གྱི་གནས་ལུགས་རྫོགས་པ་ཆེན་པོ་དང་དེའི་རྗོད་བྱེད་ཟབ་ཅིང་རྒྱ་ཆེ་བ་རྣམས་སོ། །དེ་ཁོ་ན་ཉི…

མ་ཡིན་པར་འགྱུར་ཞེས་རིགས་པ་འཕེན་ནོ། །དེ་ལྟར་ཡང་ཡིན་མོད། འོན་ཀྱང་འདི་ཡིན་ཏེ། རྒྱ་སྐད་དང་ཕྱག་གི་ངེས་བཟུང་ནི་རལ་བ་ཅན་མན་ཆད་དུ་བྱས་ཏེ་ཡན་ཆད་ལ་ཅི་རིགས་སུ་ཡོད་ཅིང་། འདི་ཡང་བསམ་ཡས་རྒྱལ་པོའི་དུས་སུ་བསྒྱུར་བས་རྒྱ་སྐད་མ་སྨོས་ཏེ། མིང་གཅིག་ལན་དུ་མར་ཟློས་པའང་དོན་ཆུང་བར་དགོངས་ནས་མ་བསྟན་པ་ཡིན་ནོ། །གཉིས་པ་ཕྱག་འཚལ་བ་…

པ་སྣང་བས་བྱ་བ་གྲུབ་པའོ། །ཕུན་སུམ་ཚོགས་པ་ནི་དབང་ཕྱུག་ལ་སོགས་པ་ལྔ་ཀའི་མཐར་སྦྱར་ཏེ་འཕགས་པ་སློབ་པ་རྣམས་ཀྱི་ཡེ་ཤེས་ལས་ཁྱད་པར་འཕགས་པ་བསྟན་ཏོ། །ཁ་ཅིག་ནི་བཅོམ་པའི་དོན་ཉིད་ལྡན་པས་བཅོམ་ལྡན་ཞེས་པའང་བཞེད་དོ། །འདས་ནི་འཁོར་འདས་བླང་དོར་ཡོད་མེད་སྤྲོས་པའི་མཚན་མ་ཐམས་ཅད་ལས་འདས་པ་སྟེ། ཕལ་བོ་ཆེ་ལས། སྲིད་དང་ཞི་ལས་རྣམ་གྲོ…

པ་འདི་ཡོད་པས་འཁོར་འདས་གདོད་མར་གྲོལ་བའི་ལམ་སྟོན་པ་བྱུང་སྟེ། དུས་གསུམ་གྱི་རྒྱལ་བ་བྱུང་བ་ཡིན་ནོ། །དེ་ལྟ་མ་ཡིན་ན་འཇིག་རྟེན་དུ་སངས་རྒྱས་འབྱུང་བའང་མི་རིགས་ཏེ། ཐམས་ཅད་སེམས་ཅན་དུ་མཉམ་པ་ལ་གཅིག་གིས་གཅིག་ལ་ལམ་སྟོན་པ་མི་ཤེས་པ་ཉིད་དང་། ལ་ལ་སངས་རྒྱས་ཤིང་ལ་ལ་འཁོར་བ་མི་རིགས་སོ། །ཐུན་མོང་པའི་ཐེག་པ་ལས་ཐོག་མཐའ་མེད་པར་…

གཉིས་རྫོགས་པར་ལྡན། །ཡོད་མེད་མཐའ་འདས་བདག་གཞན་ཡོངས་ཀྱི་དཔལ། །ཐམས་ཅད་རང་བཞིན་རྟོགས་དང་ཐུགས་རྗེ་བཟང་། །ཀུན་བཟང་ལྷ་ཡི་ལྷ་ཁྱོད་དབྱེར་མེད་ལ། །རྟོགས་དང་གྲུབ་པས་རབ་ཏུ་ཕྱག་འཚལ་ལོ། །ཞེས་སོ། །དོན་གཉིས་པ་བརྗོད་བྱ་ཉིད་གསལ་བར་སྟོན་པ་རྒྱུད་ཀྱི་དོན་དངོས་ལ་གསུམ་སྟེ། གཞི་རང་བཞིན་ལྷུན་གྱིས་གྲུབ་པའི་དཀྱིལ་འཁོར་ཐུགས་རྗེའ…

ཅེས་པས་སྡུད་པ་པོ་ཉིད་སྟོན་པ་ཕུན་སུམ་ཚོགས་པ་ཉིད་དུ་ཁས་བླང་པའོ། །བཤད་པའི་ཤུགས་ལ་ཉན་པ་པོའི་འཁོར་ཕུན་སུམ་ཚོགས་པ་བསྟན་ཏེ། དེའང་བདག་གིས་ཐོས་པ་མི་སྨོས་པ་ནི་དེའི་ཚེ་བདག་གཞན་གཉིས་སུ་ཕྱེ་བ་མེད་པ་ཡིན་ལ། ཐོས་པ་ནི་སྟོན་པ་དང་འཁོར་ཐ་དད་དུ་སྟོན་པ་ལས། འདིར་བསྡུ་བ་བྱེད་པ་ན་སྟོན་པ་ཉིད་གསང་བདག་ཏུ་སྣང་བས་སྔར་འོག་མིན་དུ་…

བ་དང་འཁོར་ལོ་བཞིའི་རྩ་རྣམས་སོ། །སྟོན་པ་ཡབ་ཡུམ་ནི་དྭངས་མ་དཀར་དམར་དང་ཡེ་ཤེས་ཀྱི་རླུང་ངོ་། །འཁོར་དགའ་བ་བཅུ་དྲུག་གི་ཉམས་དང་བཅས་པའོ། །དུས་གཙུག་ཏོར་འཁོར་ལོས་སྒྱུར་བ་བསམ་གྱིས་མི་ཁྱབ་པའི་དུས་སོ། །དེ་སྐད་དུའང་ཐལ་བ་ལས། འདི་ཞེས་ཉེ་བར་མཚོན་པ་ནི། །ཨེ་སོགས་རྣམ་བཞིའི་དབྱིབས་ཅན་གནས། །སྐད་ཅེས་གསལ་བྱེད་ལས་མིང་ཅན། །ཐི…

མདངས་འགག་པ་མེད་པར་བཞུགས་སོ། །འཁོར་ནི་རྩ་དང་ཐིག་ལེ་དེ་དག་ལས་ལུས་ཀྱི་སྟེང་འོག་ཀུན་ཏུ་ཁྱབ་པ་རྩ་རྣམས་སོ། །དེའང་འོད་ལྔའི་དབུས་ན་རིགས་ཀྱི་སྐུ་དང་ཡེ་ཤེས་སུ་རང་གསལ་བའོ། །དུས་ནི་གནས་སྐབས་ལུས་དང་དབང་པོའི་རྟེན་འབྲེལ་ཚང་བ་དང་། རང་བཞིན་དུས་གསུམ་འཕོ་འགྱུར་མེད་པས་དུས་བཞི་མཉམ་པ་ཉིད་ཀྱི་དུས་སོ། །ཆོས་ནི་སྟོང་གསལ་སྤྲོ…

བའི་ཐུགས་ཞེས་བྱའོ། །ཡེ་ཤེས་ཀྱི་ངོ་བོ་ནམ་མཁའི་རང་བཞིན། དོན་གཉིས་སུ་མེད་པ། རང་བཞིན་འཕོ་འགྱུར་མེད་པ་ཡིན་ནོ། །གླེང་གཞི་འདི་ཉིད་ཤིན་ཏུ་གཅེས་པ་ཡིན་ཏེ། དུས་ཐམས་ཅད་དུ་སྐུ་གསུམ་ཡེ་ནས་སངས་རྒྱས་པའི་སྣང་ལུགས་དང་གནས་ལུགས་ཤེས་དགོས་པའི་ཕྱིར་རོ། །དེའང་ཐུན་མོང་གི་རྒྱུད་དུ་སྦྱང་གཞི་མ་དག་པ་སྦྱངས་པས་དག་པའི་ཡེ་ཤེས་འདོད་…

མ་དག་རང་གི་བློ་ལ་སྣང་བ་ལས་ཕྱི་རོལ་ན་མ་དག་རང་མཚན་དུ་མེད་པར་བཤད་དེ། ཇི་སྐད་དུ་དྲི་མ་མེད་པར་གྲགས་པའི་མདོ་ལས། བཙུན་པ་ཤཱ་རིའི་བུས་སྨྲས་པ། བདག་གིས་ས་ཆེན་པོ་འདི་མཐོ་དམན་དང་གཡང་ས་དང་ལྗན་ལྗིན་གྱིས་གང་བར་མཐོང་ངོ་ཞེས་ཟེར་རོ། །སངས་རྒྱས་མྱ་ངན་མེད་པའི་ཞིང་ནས་འོངས་པའི་ཚངས་པ་རལ་བ་ཅན་གྱིས་སྨྲས་པ། བདག་གིས་ནི་བཅོམ་ལྡན…

པའི་ཐབས་ལ་སྦྱོར་བ་ལྟར་སངས་རྒྱས་ཀྱིས་མཁྱེན་གྱི། རང་སྣང་དུ་མིན་ཏེ་དེ་དག་རིན་པོ་ཆེའི་ཁང་བུ་ན་གནས་པ་བཞིན་ནོ། །གཉིས་པ་ཚུལ་གཞན་གྱི་ལོག་རྟོག་དགག་པ་ནི། བློ་གྲོས་ཀྱི་མིག་ཕྱིན་ཅི་ལོག་གི་ལིང་ཐོག་གིས་ཁེབས་ཏེ་ཟབ་མོའི་དེ་ཁོ་ན་ཉིད་སྣང་བའི་སྐལ་བ་མེད་པ་དག་ན་རེ། ཁྱེད་ཀྱི་གཞུང་འདིར་འདི་སྐད་བདག་གིས་ཐོས་པའི་དུས་གཅིག་ན་ཞ…

ཤེས་ཆེན་པོ་རང་སྣང་བའི་རྣམ་པར་འཕྲུལ་པ་སྟོན་པ་ཉིད་ལས་གཞན་མ་ཡིན་པས་རྒྱུད་ཐ་དད་པའི་འཁོར་གཞན་དག་འདུས་པ་མ་ཡིན་ནོ། །དུས་ཐུན་མོང་མ་ཡིན་པ་དུས་བཞི་མཉམ་པ་ཉིད་འཕོ་འགྱུར་མེད་པའི་ངང་ན་སྐུ་གསུང་ཐུགས་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས་ཀྱི། འདས་མ་འོངས་ད་ལྟར་རམ་སྐད་ཅིག་ཐང་ཅིག་ཡུད་ཙམ་ལོ་ཟླ་ལ་སོགས་པ་མ་ཡིན་ནོ། །རྒྱ…

ནོ། །དེ་ལྟ་བུའི་གསང་བ་ཆེན་པོ་ལ་སྐུར་པ་འདེབས་པ་ནི་རྣམ་པར་སྨིན་པ་ཚད་མེད་དེ། མདོ་ལས། ཆོས་ཀྱིས་ཕོངས་པར་གྱུར་པའི་ལས་བསགས་པ་དེའི་རྣམ་པར་སྨིན་པ་ནི་ཚད་མེད་བསམ་གྱིས་མི་ཁྱབ་སྟེ། མནར་མེད་པའི་སེམས་ཅན་དམྱལ་བ་ཆེན་པོར་སྐྱེས་ནས། དེར་ཡང་མེས་སྡུད་པའི་བསྐལ་བ་བྱུང་བ་དེའི་ཚེ་འཇིག་རྟེན་གྱི་ཁམས་གཞན་གྱི་དམྱལ་བ་ཆེན་པོ་དག་ཏུ…

ཡོན་གྱི་སྣང་བ་ཇི་ལྟར་སྣང་བ་དེ་བཞིན་ཐབས་ཀྱིས་སྤྱད་པས་གཤེགས་པ་དང་། སྐྱེ་བ་བཞིའི་སེམས་ཅན་གྱི་བསམ་པ་དང་མཐུན་པར་མངལ་ནས་སྐྱེ་བ་དེ་བཞིན་དུ་གཤེགས་པ་ལ་སོགས་པ་བཤད་དེ། སྤྲུལ་པའི་སྐུ་ལམ་རིམ་བགྲོད་རྣམས་དང་བསྟུན་པར་ཟད་ཀྱི། འདིར་མ་འབྲེལ་ལོ། །སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ཡོན་ཏན་ཐམས་ཅད་མ་ལུས་པ་ཐམས་ཅད་ཡང་དག…