ལ། དོན་དམ་པའི་བདེན་པ་ནི་སེམས་ཉིད་དང་ཆོས་ཉིད་སྤྲོས་པ་ཐམས་ཅད་ཉེ་བར་ཞི་ཞིང་བློས་བསམ་པའི་ཡུལ་ལས་འདས་པ་སྟེ། སྤྱོད་འཇུག་ལས། དོན་དམ་བློ་ཡི་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་འདོད། །ཅེས་སོ། །དེའང་དབུ་མ་རང་རྒྱུད་པ་ནི་ཆོས་ཐམས་ཅད་ཀུན་རྫོབ་ཏུ་སྣང་ལ། དེ་ཡང་བརྟགས་ན་དོན་དམ་པར་རང་བཞིན་མེད་པར་འདོད་དེ། དབུ་མ་བདེན…

དོན་དམ་བློ་ལས་འདས་པས་ངོ་བོ་ལ་དབྱེ་བ་མེད་ཀྱང་བློས་ཅུང་ཟད་དབྱེ་ན། ཆོས་རྣམས་རང་གི་ངོ་བོ་ཉིད་ཀྱིས་སྟོང་པ་དེ་ནི་གཤིས་ཀྱི་དོན་དམ་ཡིན་ཏེ། མདོ་ལས། རབ་འབྱོར་འདི་ལྟ་སྟེ་དཔེར་ན་ནམ་མཁའི་ཁམས་ལ་འགའ་ཞིག་གིས་བསྔགས་པ་བརྗོད་ཅིང་། འགའ་ཞིག་གིས་བསྔགས་པ་མ་ཡིན་པ་བརྗོད་ན་གང་བའམ་བྲི་བ་མེད་དོ། །དེ་བཞིན་དུ་དེ་བཞིན་གཤེགས་པ་རྣམ…

སྒོམ་པ་ཡོ་ག་དང་མཐུན་པས་གཉིས་བཅས་ཀྱི་ཐེག་པ་ཞེས་བྱའོ། །དབྱེ་ན་གསུམ་ལས་གཞི་ངོ་བོ་ཉིད་མེད་པའི་ཤེས་རབ་དང་བདག་དང་ལྷ་གཉིས་དམ་ཚིག་པ་དང་ཡེ་ཤེས་པའི་ཚུལ་དུ་མཉམ་པོར་འདོད་པའི་ཐབས་ལས་དངོས་གྲུབ་འདོད་པ་རྟོགས་པའོ། །ལམ་ནི་དེ་ལྟར་བསྒོམ་ཞིང་ཀྲཱིི་ཡ་ལྟར་གཙང་སྦྲ་སྤྱོད་པས་མི་ཚེ་བདུན་ན་གྲོལ་བར་འདོད་པ་ནི་འབྲས་བུ་སྟེ། སྔ་མ་ལ…

འདོད་པའོ། །དབྱེ་ན་གསུམ་ལས། གཞི་ཡེ་ནས་དག་པ་ལྷའི་རང་བཞིན་དབྱིངས་དང་ཡེ་ཤེས་གཉིས་སུ་མེད་པའོ། །ལམ་དེ་ཉིད་བསྒོམ་པའོ། །འབྲས་བུ་ཚེ་འདིར་བདེ་བ་ཆེན་པོའི་སྐུ་མངོན་དུ་བྱེད་པ་སྟེ། ཐིག་ལེ་མཆོག་གི་རྒྱུད་ལས། འོད་གསལ་བ་ཡི་སེམས་ཉིད་ནི། །དབྱིངས་དང་ཡེ་ཤེས་གཉིས་མེད་པར། །བདེ་བ་ཆེ་དེ་སུ་སྒོམ་པ། །འབྲས་བུ་ཚེ་འདིར་རྫོགས་སངས་…

ཐོས་ཀྱི་ཐེག་པ་དང་། རྟེན་འབྲེལ་དང་ལམ་ལྔ་བསྒོམས་པས་ཡིད་བཞིན་བདེ་བ་མཆོག་གི་སར་བགྲོད་པ་རང་སངས་རྒྱས་ཀྱི་ཐེག་པ་དང་། བདག་མེད་གཉིས་དང་ཕ་རོལ་ཏུ་ཕྱིན་པ་བཅུས་སངས་རྒྱས་མངོན་སུམ་དུ་བྱེད་པ་བྱང་ཆུབ་སེམས་དཔའི་ཐེག་པ་དང་། ཆོས་ཐམས་ཅད་དཀྱིལ་འཁོར་གསུམ་དུ་ཤེས་ཤིང་ལམ་ཟབ་མོ་བསྒོམས་པས་ཚེ་འདིར་གྲོལ་བ་གསང་སྔགས་བླ་ན་མེད་པའི་ཐེ…

ཀྱི་ཕྱེད་ཕྱི་ཡུལ་ལ་བདག་ཏུ་འཛིན་པའི་གཉེན་པོ་བྱེད་པ་རང་སངས་རྒྱས་ཀྱི་ཐེག་པ་དང་། དེ་ལྟར་བདག་མེད་ཕྱེད་དང་གཉིས་ཀྱི་སྟེང་དུ་སྒོམ་བྱེད་གཉེན་པོའི་བློ་ནང་ཆོས་ཀྱི་བདག་ཏུ་འཛིན་པ་སེམས་འཁྲུལ་པ་ཡུལ་དུ་བྱེད་པ་ལས། བྱང་ཆུབ་སེམས་དཔས་དེ་ཡང་མ་གྲུབ་པར་རྟོགས་པའི་ཆ་ནས་ཁྱད་པར་དུ་འཕགས་པར་འདོད་པ་བདག་མེད་གཉིས་མངོན་སུམ་དུ་བྱེད་…

དུ་བསྟན་པ། འཁྲུལ་རྟོག་གཞི་མེད་རྩ་བ་དང་བྲལ་བ། རྣམ་རྟོག་ཡེ་ཤེས་ཀྱི་རོལ་པར་བསྟན་པའོ། །དང་པོ་ནི། འདུལ་བ་བཞིའི་ཆོ་འཕྲུལ་དུ་བསྟན་པ་དེ་ནས་རང་སྣང་གི་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ། །གཉིས་པ་ནི་ཕྱི་ནང་གི་ཆོས་མ་དག་པ་སྣོད་བཅུད་ཀྱི་རྣམ་པར་སྣང་བ་ཇི་སྙེད་པས་བསྡུས་པའི་འཇིག་རྟེན་འཁྲུལ་པའི་ཆོ…

ཉིད་ནི། །ཕྱི་རོལ་དོན་མཐོང་ལོག་པ་ཡིན། །བག་ཆགས་ཀྱིས་ནི་དཀྲུགས་པའི་སེམས། །དོན་དུ་སྣང་བ་རབ་ཏུ་འབྱུང་། །ཞེས་སོ། །དེས་ན་འཁོར་བ་སྣང་དུས་རྣམ་པར་དག་ཅིང་རང་སྣང་དབྱིངས་སུ་རྣམ་པར་དག་པའི་ཆོས་ཉིད་དུ་ཡེ་ནས་ཚུལ་གཅིག་པས་ཆོས་སྐུ་ལྷུན་རྫོགས་ཀྱི་དགོངས་པ་འཁོར་འདས་ཐམས་ཅད་ལ་ཡེ་ཁྱབ་ཆེན་པོར་ཕྱམ་གཅིག་གོ །དེ་སྐད་དུའང་རྩ་བ་ཤེས…

ལས། ཇི་ལྟར་སྣང་བ་དེ་བཞིན་ཉིད་དུ་གཅིག །འདི་ལ་སུ་ཡང་འཆོས་པར་མ་བྱེད་ཅིག །མ་བཅོས་མཉམ་པའི་རྒྱལ་པོ་དེ་ལས་ནི། །མི་རྟོག་ཆོས་སྐུའི་དགོངས་པ་ལྷུན་གྱིས་གྲུབ། །ཅེས་སོ། །ལྔ་པ་ནི། དེ་ལྟར་གཟུང་འཛིན་འཁྲུལ་པར་སྣང་བའི་ལོག་རྟོག་གི་རྒྱུ་དང་དེས་བསྐྱེད་པའི་འབྲས་བུ་སྐད་ཅིག་སྔ་ཕྱི་རིམ་ཅན་དུ་འབྲེལ་བར་སྣང་བའི་རྒྱུན་ཉིད་ཀྱང་བར…

གསུངས། །ཞེས་པ་དང་། མ་བསམས་མ་སྦྱོང་ཆོས་བཞིན་དུ་། །རྣམ་རྟོག་ཉིད་ལས་ཡེ་ཤེས་སྐྱེ། །ཞེས་པ་དང་། ཇི་ལྟར་དྲན་རིག་རྟོག་པ་ཐམས་ཅད་ཀུན། །མ་བཅོས་ཀུན་བྱེད་ཉིད་ཀྱི་དོན་དུ་རིག །ཅེས་སོ། །གཉིས་པ་ཆོས་ཀྱི་རང་བཞིན་བརྗོད་དུ་མེད་པར་བསྟན་པ་ལ་དྲུག་སྟེ། ཐེག་པ་བཞིས་ངེས་པར་འབྱུང་བའི་འབྲས་བུ་བླ་ན་མེད་པའི་ཐེག་པར་བསྟན་པ། ཆོས་ཐམས་…

ཚུལ་ཅིར་ཡང་གྲུབ་པ་ནི་ནམ་མཁའི་ཆོ་འཕྲུལ་དང་སྒྱུ་མ་དང་གཟུགས་བརྙན་ལ་སོགས་པའི་དཔེས་ཤེས་པར་བྱ་སྟེ། ཏིང་ངེ་འཛིན་རྒྱལ་པོ་ལས། ཇི་ལྟར་བར་སྣང་ཅུང་ཟད་སྤྲིན་མེད་ལས། །སྐད་ཅིག་ཏུ་ནི་སྤྲིན་གྱི་འཁོར་ལོ་དག །བྱུང་ནས་ཞིག་སྟེ་སྤྲིན་གྱི་འཁོར་ལོ་མེད། །ཐོག་མ་གང་ལས་བྱུང་བ་བལྟ་བར་གྱིས། །ཆོས་རྣམས་ཐམས་ཅད་དེ་བཞིན་ཤེས་པར་གྱིས། །…

གྱི་རང་བཞིན་རྟག་པ་སྟེ་རྒྱུན་དུ་གནས་པ་ནི། སྐུ་གསུམ་བསྟན་པའི་མདོ་ལས། ཆོས་ཀྱི་སྐུ་ནི་ངོ་བོ་ཉིད་ཀྱི་རྟག་པའོ། །ལོངས་སྤྱོད་རྫོགས་པའི་སྐུ་ནི་རྒྱུན་གྱི་རྟག་པའོ། །སྤྲུལ་པའི་སྐུ་ནི་རྒྱུན་མི་འཆད་པའི་རྟག་པའོ། །ཞེས་པ་དང་། རྒྱུད་བླ་མ་ལས། ཆོས་ཀྱི་དབང་ཕྱུག་འཆི་བའི་བདུད་བཅོམ་དང་། །ངོ་བོ་མེད་ཕྱིར་འཇིག་རྟེན་མགོན་པོ་རྟ…

ངེས་ཕྱིར་འདུལ་བ་ཉིད། །ཅེས་སོ། །ལྷག་པ་སེམས་ཀྱི་བསླབ་པ་གཙོ་བོར་སྟོན་པ་མདོ་སྡེ་སྟེ། དེ་ཉིད་ལས། གནས་རྣམས་དང་ནི་མཚན་ཉིད་དང་། །ཆོས་དོན་སྨོས་ཕྱིར་མདོ་སྡེ་ཉིད། །ཅེས་སོ། །ལྷག་པ་ཤེས་རབ་ཀྱི་བསླབ་པ་གཙོ་བོར་སྟོན་པ་ཆོས་མངོན་པའི་སྡེ་སྣོད་དེ། དེ་ཉིད་ལས། མངོན་དུའི་ཕྱིར་དང་ཡང་ཡང་དང་། །ཟིལ་གནོན་རྟོགས་ཕྱིར་མངོན་པའི་ཆོས…

ཀུན་དང་རྒྱུད་ཀུན་གྱི། །རང་བཞིན་སྙིང་པོ་འདིར་འདུས་ཤིང་། །མདོ་རྒྱུད་ཀུན་གྱི་སྤྱི་འགྲེལ་ཡིན། །ཞེས་སོ། །དྲུག་པ་དེ་ལྟར་ཐེག་པ་ལྔས་གཏན་ལ་འབེབས་བྱེད་དུ་བསྟན་པ་དང་། དབབ་བྱའི་ཡུལ་སྣང་སྲིད་འཁོར་འདས་ཀྱིས་བསྡུས་པའི་ཆོས་རྣམས་ཐམས་ཅད་དོན་ལ་གྲུབ་པ་མེད་པས་མིང་དུ་བཏགས་པ་ཙམ་སྟེ། མདོ་ལས། རབ་འབྱོར་ཆོས་ཐམས་ཅད་ནི་བརྡ་ཙམ་བཏ…

གཤེགས་པའི་དཀྱིལ་འཁོར་ཐབས་དང་ཤེས་རབ་གཉིས་སུ་མེད་པ་དེ་ཉིད་ཀྱི་གསང་བ་སེམས་དང་ཡེ་ཤེས་རང་སྣང་བར་སྟོན་པ་འདི་ཉིད་སྐུ་དང་གསུང་དང་ཐུགས་དང་ཡོན་ཏན་དང་འཕྲིན་ལས་རྡོ་རྗེ་ལས་འདི་སྐད་ཅེས་ཕྱུང་ངོ་། །གཉིས་པ་ལ་གཉིས་ཏེ། སེམས་ཅན་གྱི་འཁྲུལ་སྣང་སེམས་ཀྱི་རང་སྣང་དུ་བསྟན་པ་དང་། སངས་རྒྱས་ཀྱི་ཞིང་སྣང་ཡེ་ཤེས་ཀྱི་རང་སྣང་དུ་བསྟན་…

རང་གི་རིག་པ་ལ་མངའ་བརྙེས་པའི་ཐུགས་རང་བྱུང་གི་ཡེ་ཤེས་ཏེ། དེ་ལ་སྣང་བའི་ཆོས་རྣམས་ལ་ཕྱི་གཟུང་བའི་ཡུལ་གཞན་དུ་དམིགས་པར་བྱ་བ་དང་། ནང་འཛིན་པའི་སེམས་བདག་ཏུ་དམིགས་པར་བྱེད་པ་གཉིས་སུ་མེད་པར་ཡེ་ཤེས་ཀྱི་དྲན་པས་དབང་སྒྱུར་བར་བྱེད་དོ། །དེ་ལྟར་དབང་སྒྱུར་བའི་ཆོས་གཞན་ལས་འཕགས་པས་ངོ་མཚར་ཞིང་རྨད་དུ་བྱུང་བའི་སྐུ་གསུམ་དང་ཡེ་…

སྤྱི་དོན་གཉིས་པ་དེ་ལས་ཞི་ཁྲོ་གཉིས་ཀྱི་དཀྱིལ་འཁོར་ཇི་ལྟར་འཕྲོས་ཚུལ་བསྟན་པ་ལ་གཉིས་ཏེ། ཞི་བ་ལྷུན་གྱིས་གྲུབ་པའི་དཀྱིལ་འཁོར་བསྟན་པ་དང་། ཁྲོ་བོ་མངོན་པར་འབྱུང་བའི་དཀྱིལ་འཁོར་བཤད་པའོ། །དང་པོ་ལ་གསུམ་སྟེ། གཞི་དཀྱིལ་འཁོར་བསྐྱེད་ཅིང་དབང་བསྐུར་བ། ལམ་བསྐྱེད་པ་དང་རྫོགས་པའི་རིམ་པ་བསྟན་པ། འབྲས་བུ་སྐུ་དང་ཡེ་ཤེས་ཀྱི་ར…

ལྕི་བ་རྣམས་སོ། །དེ་དག་ལའང་ཕོ་མོ་མ་ནིང་གི་དབྱེ་བས་རྣམ་པ་གསུམ་མོ། །འདི་དག་གང་ལས་བྱུང་ཞེ་ན། མཆུ་དང་། ལྕེ་དང་། རྐན་དང་། ཁོང་ནས་འབྱུང་བ་སྟེ། པ། ཙ། ཡ། ཨ་ཞེས་པ་ལྟ་བུའོ། །དེ་དག་འབྱུང་བའི་རྒྱུ་ནི། སྨྲ་སྒོ་ལས། གནས་རྣམས་དང་ནི་བྱེད་པ་དང་། །རྣམ་པར་རྟོག་དང་རླུང་གཉིས་དང་། །ང་རོ་གསལ་བྱེད་སྣང་ཆ་ཡིས། །ངག་དུ་འདུ་བྱེད་…

དུ་གསུངས་སོ། །གནས་སྐབས་སུ་འགྲོ་བ་དྲུག་གི་ས་བོན་གྱི་ཡི་གེ་མ་དག་པ་དྲུག་ནི་སྦྱང་གཞིར་བསྟན་ཏེ། ལྷ་དེ་དག་གི་ཡི་གེས་གནས་སུ་དག་པའི་ཐབས་སུ་བཤད་པའོ། །དེའང་སྤྱི་བོར་རམ་སྨིན་མཚམས་སུ་ཨ་དང་། མགྲིན་པར་ཏྲི། སྙིང་གར་ནྲི། ལྟེ་བར་སུ། གསང་གནས་སུ་པྲེ། རྐང་མཐིལ་དུ་དུ་རྣམས་འགྲོ་བ་དྲུག་གི་ཡི་གེ་སྟེ། དེ་དག་ལ་འགྲོ་དྲུག་སོ་ས…

གཏོགས་སོ། །དེ་ལྟར་ཡི་གེའི་འཕྲེང་བ་དག་ནི་གནས་གང་ལས་བྱུང་ཞེ་ན། ཀུན་འདུས་རིན་པོ་ཆེའི་རྒྱུད་ལས། ཀ་ལ་སོགས་པ་རྣམ་པ་ལྔ། །མགུལ་གྱི་གསུང་གི་རང་བཞིན་ཡིན། །གཉིས་པ་ཙ་ལ་སོགས་པ་ལྔ། །ཟླ་གམ་ལྗགས་ཀྱི་རང་བཞིན་ཡིན། །གསུམ་པ་ཊ་ལ་སོགས་པ་བཅུ། །ལྗགས་ཀྱི་རྩེ་མོའི་རང་བཞིན་ཡིན། །བཞི་པ་པ་ལ་སོགས་པ་སྟེ། །ཞལ་གྱི་སྒྲོས་ལས་འབྱུང་བར…