བ་སྤྱོད་པ་བརླང་པོ་རང་ག་བ་ལ་མངོན་པར་འཆེལ་ནས་སྤྱོད་ཅིང་། རྒྱུ་དགེ་སྡིག་དང་འབྲས་བུ་བདེ་སྡུག་གི་འབྲེལ་བ་ལས་འབྲས་བསླུ་བ་མེད་པའི་རྟེན་འབྲེལ་ལ་རྨོངས་པས་གསང་བ་ཟབ་མོ་རྣམས་ཀྱི་སྒྲ་ཇི་ལྟ་བར་སྤྱོད་ཅིང་ཕྱིན་ཅི་ལོག་གི་ལམ་ལ་ཞུགས་པ་རྣམས་རཱུ་ཏྲ་འབྱུང་བའི་རྒྱུ་སྟེ་ཐར་པ་ནག་པོ་ལྟ་བུའོ། །དེ་སྐད་དུའང་སངས་རྒྱས་མཉམ་སྦྱོར་ལ…

ལ་སོགས་པས་རབ་ཏུ་སྦྲེབས་པ་སྟེ་ཤིན་ཏུ་གྲང་བ་དང་ལུས་ཀྱང་པདྨ་ལྟར་བཞི་ཚལ་ལམ་བརྒྱད་ཚལ་ལ་སོགས་པར་གས་པའི་སྡུག་བསྔལ་དྲག་པོ་སྟེ། བཟོད་དཀའ་བ་བསྟུད་མར་འབྱུང་བ་དག་གིས་རབ་ཏུ་ཉེན་པ་བསྐལ་པ་དུ་མར་གདུང་ངོ་། །དེ་ལྟ་བུའི་སྡུག་བསྔལ་མི་བཟད་པའི་དམྱལ་བར་རབ་ཏུ་ཚ་བ་དང་། ལ་སོགས་པ་ནི་ཚ་བ་དང་། ངུ་འབོད་ཆེན་པོ་དང་། ངུ་འབོད་དང་། བ…

འཇིག་པ་དང་། །ཞིག་གནས་འདུག་པ་དག་མཉམ་མོ། །དེ་དག་བརྒྱད་ཅུ་ལ་བསྐལ་ཆེན། །ཞེས་སོ། །དེའང་ཉན་ཐོས་པ་ལྟར་ཕྱི་རོལ་གྱི་སྣོད་དང་དམྱལ་གནས་ཀྱི་ཆགས་འཇིག་བདེན་པར་གྲུབ་པ་མེད་ཅིང་། སེམས་ཅན་དེ་དག་ལས་སྣང་ལ་དེར་སྐྱེ་དུས་འཇིག་རྟེན་ལ་ཆགས་འཇིག་བྱུང་བར་སྣང་ཞིང་། འཇིག་རྟེན་གཞན་གྱི་དམྱལ་ཁམས་སོ་སོར་སྐྱེས་པར་སྣང་བ་རྨི་ལམ་བཞིན་ཏེ…

ཕྱི་རོལ་འདོད་པའི་དངོས་པོ་རྣམས་ཡིད་དུ་མི་འོང་བ་ཆུ་གཙང་རྣག་ཁྲག་ལ་སོགས་པར་མཐོང་བ་ནི་ཕྱིའི་སྒྲིབ་པ་ཅན་ནོ། །བཤེས་སྤྲིང་ལས། ཡི་དྭགས་རྣམས་ལ་སོས་ཀའི་དུས་སུ་ནི། །ཟླ་བའང་ཚ་ཞིང་དགུན་ནི་ཉི་མའང་བསིལ། །ཞེས་པ་ལྟར་རོ། །བཟའ་བཏུང་དང་པོར་མི་རྙེད་ཅིང་རྙེད་ཀྱང་མགྲིན་པར་མི་ཆུད་ཆུད་ནའང་ནང་ཁྲོལ་ལ་མེ་འབར་ཏེ། ལུས་ཀྱི་ཕྱི་ནང་…

པས་རཱུ་ཏྲའི་རྒྱུད་དུ་མཚམས་སྦྱོར་ནས་སྐྱེས་སོ། །དེ་ཡང་ངོ་བོ་ཡི་དྭགས་ཀྱི་འགྲོ་བས་བསྡུས་ཤིང་ཆ་ལུགས་སྲིན་པོ་ཆེན་པོའི་མཚོན་ཆ་དང་མགོ་ཐོད་ཐོགས་པ་སེམས་རབ་ཏུ་གདུག་པ་ཅན་ཁྲོ་ཞིང་གཏུམ་པོ་འཇིགས་སུ་རུང་བ་སྟེ། རྫུ་འཕྲུལ་ནི་ལུས་གཅིག་ལའང་མགོ་བོ་བརྒྱ་ཡོད་པ་དང་དེ་ཡང་སྟག་དང་སེང་གེ་ལ་སོགས་པའི་མགོ་བརྙན་མི་འདྲ་བ་སྣ་ཚོགས་པ་…

ཐགས་བཟང་རིས་ལ་སོགས་པ་ལྷ་མ་ཡིན་གྱིས་རིས་དང་། དབང་པོ་དང་ཁྱབ་བཇུག་ལ་སོགས་པའི་འདོད་པའི་ལྷའི་རིས་དང་། དེས་མཚོན་པ་གཞན་འཕྲུལ་དབང་བྱེད་མན་ཆད་དོ། །བསམ་གཏན་དང་པོའི་ཚངས་པའི་རིས་དང་། ཚངས་པ་ཀུན་འཁོར་དང་། ཚངས་ཆེན་དང་། གཉིས་པའི་འོད་ཆུང་ཚད་མེད་འོད་འོད་གསལ་དང་། གསུམ་པའི་དགེ་ཆུང་ཚད་མེད་དགེ་རྒྱས་དང་། བཞི་པའི་སྤྲིན་མེད…

གྱི་བདག་པོ་དྲེགས་པ་རཱུ་ཏྲ་འདུལ་བའི་ང་རྒྱལ་ཆེན་པོ་ཞེ་སྡང་ལ་སོགས་པའི་སྙེམས་པ་ཐམས་ཅད་ཟིལ་གྱིས་གནོན་པའི༷་གཟི་བརྗིད་བསྟན་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེའི་བདག་ཉིད་ཆེན་པོ་ཀུན་ཏུ་བཟང་པོ་ནི་བཅོམ་ལྡན་འདས་གདུལ་བྱ་འདུལ་བའི་ཐབས་ལ་དགྱེས་པ་ཆེན་པོས་ཏེ། དེས་ཁྲོ་བོའི་རྒྱལ་པོ་ཧེ་རུ་ཀའི༷་དཀྱ…

དེ་ལྟར་ཁྲོ་བོའི་སྤྲིན་གྱིས་ནམ་མཁའི་ཁམས་ཀུན་གསལ་བས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ཀྱི་ས་དང་རི་དང་གླིང་ཐམས་ཅད་ཆུང་ངུར་གཡོས་འབྲིང་དུ་རབ་ཏུ་གཡོས་ཆེན་པོར་ཀུན་ཏུ་རབ་ཏུ་གཡོས་སོ། །འབྲུག་ལ་སོགས་པའི་སྒྲ་སྐད་ཆུང་ངུར་འུར་འུར་འབྲིང་དུ་རབ་ཏུ་འུར་འུར་ཆེན་པོར་ཀུན་ཏུ་རབ་ཏུ་འུར་འུར་རོ། །ལྷའི་རྔ་བོ་ཆེ་ལ་སོགས་པ་རོལ…

མོ། །དེའི་ཚེ་སྤྲོས་པ་དང་བྲལ་བའི་ཡེ་ཤེས་བདེ་གསལ་མི་རྟོག་པ་གསུམ་དུ་ཤར་བ་ནི་ཤིག་པ་གསུམ་མོ། །རང་བཞིན་རྟོགས་པས་སྤང་གཉེན་འཛིན་པ་གསུམ་ཞིག་པ་ནི་འཐོར་བ་གསུམ་སྟེ་འཁོར་བ་ཆོས་ཉིད་དུ་གྲོལ་བའི་ལྟས་ཆེན་པོ་བཅོ་ལྔའོ། །དེ་དག་བསྟན་པས་དེའི་ཚེ་འཇིག་རྟེན་དྲུག་གི་ཕྱོགས་བཅུའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐ…

སྟེང་ན་གཏི་མུག་གནས་སུ་དག་པའི་ཕྱིར་ཡེ་ཤེས་ཀྱི་མེ་རི་མེ་དཔུང་འབར་བ་ཆེན་པོའི་ཀློང་གི་དབུས་འཁོར་ལོ་རྩིབས་བཞི་པའི༷་དཀྱིལ་ན། ལྷ་དབང་ཕྱུག་ཆེན་པོ་སྟེ་མ་ཧཱ་དྷེ་བ་དང་དུར་ཁྲོད་ཀྱི་བདག་པོ་དྲེགས་པ་ཆེན་མོ་ཨུ་མ་དྷེ་བཱི་སྟེ་ཁྱོ་ཤུག་གི་གདན་ལ་གཡོན་བརྐྱངས་གཡས་བསྐུམ་དུ་བཞུགས་སོ། །ཁ་ཅིག་གཡས་བརྐྱངས་གཡོན་བསྐུམ་དུ་འདོད་པ་ནི་…

ཅན་གྱི་རིགས་ཇི་སྙེད་པ་བསྡུས་ཏེ། དེ་དག་སོ་སོའི་ཁྱོ་ཤུག་གི་གདན་བྱི་ཆིངས་སུ་བྱས་པ་ལ་སྔ་མ་བཞིན་བརྐྱངས་བསྐུམས་སུ་བཞུགས་སོ། །ཧེ་རུ་ཀ་རིགས་ལྔའི་བཙུན་མོ་ཁྲག་འཐུང་ཆེན་མོའི་ཚོགས་བུདྡྷ་ཀྲོ་ཏཱི་ཤྭ་རཱི་མ་ལ་སོགས་པ་རྣམས་ཀྱང་ཁྲོ་བོ་སོ་སོའི་སྐུ་ལ་འཁྱུད་ཅིང་འཁྲིལ་བའི་ཚུལ་གྱིས་བཞུགས་སོ། །གཉིས་པ་ཕོ་རྒྱུད་དངོས་སུ་བསྒྲལ་བ…

སྡུས་ཤིག་པའོ། །ཧ་ཧ་ཧ་གསུམ་ནི་དགོད་ཅིག་པ་སྟེ་དུག་གསུམ་ཞལ་དུ་གསོལ་བར་རྔམས་པའོ། །ཁཱ་ཧི་ཁཱ་ཧི་ཁཱ་ཧི་གསུམ་ནི་ཟོ་ཤིག་པ་སྟེ་ཤ་ཁྲག་རུས་པ་གསུམ་ལ་རོལ་པའོ། །སྔགས་དེ་སྐད་ཅེས་བརྗོད་པས་འདར་ཞིང་དངངས་ཏེ་ལས་སུ་རུང་བར་བྱས་པའོ། །གཉིས་པ་བསྒྲལ་བ་དངོས་ནི་ཁྲོ་བོའི་ཚོགས་དེ་དག་གིས་དབང་ཕྱུག་ཆེན་པོ་ལ་སོགས་པ་གདུག་པ་ཆེན་པོའི་ཚོ…

ལོ། །ཞེས་པ་ལྟར་རོ། །གཉིས་པ་བཅུད་ཀྱི་སེམས་ཅན་བསྡུ་བ་ནི། དེ་ནས་མཐུ་ཆེ་བའི་འབྱུང་པོ་ཕལ་བའི་རིགས་མ་ལུས་པའི་རྒྱལ་པོ་གནས་འཇོག་དང་སེར་སྐྱ་དང་གནོད་སྦྱིན་ལ་སོགས་པ་ལྷ་དང་ལྷ་མ་ཡིན་གྱི་བློན་པོ་ཆེན་པོ་བཀའ་ཉན་པ་རྣམས་ཡིན་ལ། དེའི་ཡང་རྒྱལ་པོ་ནི་དྲེགས་པ་ཆེན་པོ་དང་ཚངས་པ་ལ་སོགས་པ་ཉི་ཤུ་རྩ་བརྒྱད་ཡིན་པས་ན་དེ་དག་སོ་སོའི༷་…

དེས་ཁྱེད་གསུམ་ཡོད་ཅེས་བརྗོད་པས། དེར་བརྒྱ་བྱིན་མོའི་ལྟོ་བར་མིད་པ་དེ་འཐོན་དགོས་པར་བྱུང་དུས་དྲང་སྲོང་ཁྲོས་ཏེ། ཁྱོད་ཀྱི་ལུས་ལ་བུད་མེད་ཀྱི་མཚན་མ་སྟོང་ཤོག་ཅིག་ཅེས་པའི་དམོད་པས་དེ་ལྟར་གྱུར་པ་ལྷ་རྣམས་ཀྱིས་མཐོང་ནས་དྲང་སྲོང་ལ་བཟོད་པར་གསོལ་བས་མིག་སྟོང་དུ་བྱིན་གྱིས་བརླབས་པས་མཚན་སྟོང་དབང་པོ་མིག་སྟོང་ལྡན་ཞེས་གྲགས་…

གི་རི་ཏི་ཞེས་ཀྱང་བྱ་སྟེ་དབང་ཕྱུག་གི་བུ་ཡིན་ཞེས་ཟེར་རོ། །ཡིད་འཕྲོག་མ་དང་ནི་དཔལ་མོ་སྟེ་འདོད་ལྷ་ཀ་མ་དྷེ་བའི་ཆུང་མའོ། །དེའང་གཟུགས་མཛེས་པས་ཐམས་ཅད་ཀྱིས་མཐོང་ན་དོན་འཆོར་བར་བྱེད་པས་དེ་སྐད་གྲགས་སོ། །གྲུབ་མོ་དང་ནི་ནོར་སྲུང་གི་ཆུང་མའོ། །དེའང་ནོར་གྲུབ་ཅིང་བྱད་གཏོང་བའོ། །རླུང་མོ་དང་ནི་རླུང་ལྷའི་ཆུང་མ་སྟེ་རླུང་གི་…

འཁོར་ཞིང་གི་སྡུད་སྙེད་ཀྱི་གྲངས་ཐམས་ཅད་ཀྱང་དབང་དུ་བསྡུས་སོ། །གཉིས་པ་སྦྱོར་བ་ཆེན་པོའི་རོལ་པ་ལ་གསུམ་ལས། རྒྱུ་ཏིང་ངེ་འཛིན་ལ་མཉམ་པར་བཞག་པ་ནི་དབང་དུ་བསྡུས་པ་དེ་ནས་བཅོམ་ལྡན་འདས་དགྱེས་པ་ཆེན་པོ་འགྲོ་བའི་དཔལ་ཁྲག་འཐུང་ཆེན་པོས་གདུལ་བྱ་འདུལ་བའི་ཐབས་ཀྱིས་ཡང་རིགས་ལྔའི་འཇིགས་བྱེད་ཆེན་པོའི་ཚོགས་འབར་བར༷་སྣང་བར་བྱས་ནས…

ཁྲག་འཐུང་ཆེན་པོ་པདྨའི་སྐུ་ལ་ཁྲག་གིས་མྱོས་མ་དང་། གཅིག་པུར་སྤྱོད་མ་དང་། ཡིད་འཕྲོག་མོ་དང་། གྲུབ་མོ་དང་། རླུང་མོ་ལ་སོགས་པ་ནུབ་ཀྱི་ལྔ་རྣམས་འཁྲིལ་ལོ། །བཅོམ་ལྡན་འདས་དཔལ་ཁྲག་འཐུང་ཆེན་པོ་ཀུན་ཏུ་ལས་ཀྱི་སྐུ་ལ་མི་མོ་དང་། ཕག་མོ་དང་། རྒན་བྱེད་མོ་དང་། སྣ་ཆེན་མོ་དང་། ཆུ་ལྷ་མོ་ལ་སོགས་པ་བྱང་གི་ལྔ་རྣམས་འཁྲིལ་ལོ། །བཞི་…

ཚོགས་དང་སྟེ་རྒྱས་པའོ། །འཐབ་ཅིང་འཁྲུག་པས་གཏུམ་མོའི་ཚོགས་དང་སྟེ་དྲག་པོའོ། །གང་ཡང་འགྲུབ་པས་སྨེ་ཤ་ཅན་གྱི་ཚོགས་དང་ཏེ་ལས་ཐམས་ཅད་པའོ། །ཚེ་དང་ཡོ་བྱད་འཕེལ་བ་མ་ཚོགས་མའམ་མ་མོའི༷་ཚོགས་རྣམས་ཏེ་རྒྱས་པའི་ལས་སོ། །ཞིང་དབྱུག་དང་མདའ་གཞུ་ལ་སོགས་རང་རང་གི་ལག་ཆ་དང་ངོ་མཚར་བའི་འོད་ཟེར་དང་རྒྱན་དང་བཅས་ནས་དབང་ཕྱུག་མ་རྣམས་ཀྱི་མ…

རོལ་ཁྱམས་ནང་མའི་ཕྱོགས་བཞིར་མཆེ་བ་ཅན་བཞི་དང་། མཚམས་བཞིར་གཤོག་པ་ཅན་བཞིར་ཤར་ཕྱོགས་ནས་འཁོར་བར་རྔམས་པའི་མདངས་ཀྱིས་འཁོད་དོ། །བཞི་པ་སྒོ་མ་སྤྲོས་པ་ནི་དེ་ནས་ཤིན་ཏུ་རྒྱས་པས་ཡེ་ཤེས་ཀྱི་སྣང་བ་ཆེན་པོས་ཕྱོགས་བཅུའི་ཞིང་མ་ལུས་པར་ཁྱབ་པར་བྱས་ནས་ཕཊཿ ཅེས་བརྗོད་པས་ཚད་མེད་པ་བཞིས་འགྲོ་བའི་དོན་མཛད་ཅིང་ཕྱིན་ཅི་ལོག་བཞི་དང་བད…

ཆོས་ཀྱི་དབྱིངས་ལས་རང་བྱུང་གི་ཐུགས་རྗེ་ཆེན་པོ་གདུལ་བྱའི་ནད་གསོ་བས་བདུད་རྩི་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་དག་གི་སྐུ་དང་གསུང་དང་ཐུགས་རྡོ་རྗེ་ལས་འདི་དག་ཕྱུང་ངོ་ཨོཾ་བཛྲ་མ་ཧཱ་ཨམྲྀ་ཏ་ནི་རྡོ་རྗེ་བདུད་རྩི་ཆེན་པོའོ། །མ་ཧཱ་ཀྲོ་དྷ་ནི་ཁྲོ་བོ་ཆེན་པོ། ཨྃ་ཨྃ་ཨྃ་ནི་ལན་གསུམ་དུ་དབང་བསྐུར་བའོ། །དེ…