གཅིག་ཙམ་རྟོགས་ལ། ཇི་ལྟ་བ་བཞིན་དུ་ནི་སངས་རྒྱས་ཉིད་ལས་གཞན་གྱིས་མི་མཐོང་སྟེ། རྒྱུད་བླ་མའི་འགྲེལ་པར། སྤྲིན་མཐོངས་མཁའ་ལ་ཉི་བཞིན་འདིར་ཁྱོད་ཕྱོགས་གཅིག་བློ་གྲོས་ཅན། །བློ་མིག་དག་པའི་འཕགས་རྣམས་ཀྱིས་ཀྱང་ཐམས་ཅད་རབ་ཏུ་མཐོང་མ་ལགས། །བཅོམ་ལྡན་འདས་ཁྱོད་ཆོས་སྐུ་རྣམ་དག་བློ་གྲོས་མཐའ་ཡས་པ། །ཤེས་བྱ་མཐའ་མེད་མཁའ་དབྱིངས་ཁྱབ…

མ་བསགས་ཏེ་གླང་པོ་ཆེ་བསྟན་ནས། གླང་པོ་ཆེའི་མཚན་ཉིད་སོ་སོར་སྨྲོས་ཤིག་ཅེས་བསྒོ་བ་ལས། གླང་པོ་ཆེའི་སྣ་ལ་རེག་པ་རྣམས་ནི་ལྕགས་ཀྱུ་འདྲའོ་ཞེས་ཟེར་རོ། །མིག་ལ་རེག་པ་རྣམས་ནི་ཕོར་བ་འདྲའོ་ཞེས་ཟེར་རོ། །རྣ་བ་ལ་རེག་པ་རྣམས་ནི་ཞིབ་མ་དང་འདྲའོ་ཞེས་ཟེར་རོ། །རྒྱབ་ལ་རེག་པ་རྣམས་ནི་ཁྱོགས་དང་འདྲའོ་ཞེས་ཟེར་རོ། མཇུག་མ་ལ་རེག་པ་རྣམ…

མ་མཐོང་བའི་ཚུལ་གསུངས་སོ། །དེ་ལྟར་སྙིང་པོ་ཕྲ་ཞིང་བརྟག་དཀའ་བ་དེ་ཉིད་སེམས་ཅན་པའི་དུས་ན་མི་མཐོང་ན་བསྟན་པ་ལ་དགོས་པ་ཅི་ཡོད་ཅེ་ན། རང་གཞན་གྱི་རྒྱུད་ལ་སངས་རྒྱས་ཀྱི་སྙིང་པོ་ཡོད་པ་ཉིད་བསྟན་པས་རང་ཉིད་སེམས་ཞུམ་པ་བཟློག་ནས། ཐར་པ་བསྒྲུབ་པ་ལ་དཀའ་བ་མེད་པར་ཤེས་པས་སྤྲོ་བ་དང་། སེམས་ཅན་གཞན་ལ་བརྙས་པ་བཟློག་ནས། སྟོན་པ་བཞིན་…

དེ་ལྟ་མ་ཡིན་ན་མུ་སྟེགས་པའི་བདག་རྟག་པ་ལྟར་འགྱུར་རོ། །སངས་རྒྱས་ཀྱི་སྐུ་གཉིས་ཀྱང་ཚོགས་གཉིས་ལས་སྐྱེས་པའོ་ཞེས་མཐའ་གཅིག་ཏུ་ངེས་པར་བྱེད་དོ། །ཀྭ་ཡེ་བཞིན་བཟང་པདྨའི་དྲ་བ་ཅན། ཁྱེད་ཀྱིས་བཀའ་འཁོར་ལོ་གསུམ་དུ་གསུངས་པའི་དགོངས་པ་ཡང་མི་ཤེས་པ་རེ་བདེན། སྟོང་པའི་མཐའ་ལ་ངེས་པར་འཛིན་ཏོ། །འདི་ལྟར་བཀའ་འཁོར་ལོ་དང་པོ་ནི་ལས་དང་…

ལ་དུག་གིས་བསྐུས་ཏེ་ནུར་མི་རུང་ངོ་ཞེས་ཟེར་རོ། །དེའི་བུ་དེ་སྐོམ་པས་གདུངས་ཏེ་ནུ་མ་ནུ་འདོད་ཀྱང་ཁ་བའི་རོ་བྲོ་བ་ཚོར་མ་ཐག་ཏུ་ནུར་མི་བཏུབ་བོ། །སྨན་ཞུ་ནས་བུད་མེད་ཀྱིས་ནུ་མ་དག་པར་བཀྲུས་ཏེ། འདི་སྐད་དུ་ཚུར་ཤོག །ད་ནུ་མ་ནུར་གཞུག་གོ་ཞེས་སྨྲས་ན། ཁྱེའུ་དེ་སྐོམ་པས་གདུངས་ཀྱང་། སྔར་ཁ་བའི་རོ་མྱོང་པས་བོས་ཀྱང་འོང་དུ་མི་བཏ…

བསྒོམས་པ་ལས་ནི། སངས་རྒྱས་སྐུ་དང་ཡེ་ཤེས་ཀྱང་འབྱུང་བར་མི་འགྱུར་ཏེ། འབྲས་སུ་ནི་རྒྱའི་རྗེས་སུ་བྱེད་པ་བཞིན་ནོ་ཞེས་སོ། འདི་ལྟ་བསྟོད་པ་ཉིད་ཀྱང་སྣང་བའི་ཆོས་ཅན་སྣང་དུས་ཉིད་ནས་གཅིག་དང་དུ་མ་འཛིན་པའི་སྤྲོས་པས་སྟོང་པ་དང་། རང་རང་གི་ངོ་བོས་སྟོང་པ་མེ་ལོང་གི་གཟུགས་བརྙན་ལྟ་བུ་ལ་བརྗོད་ཀྱི། མཐར་ཐམས་ཅད་ཅི་ཡང་མེད་པ་དང་། …

ཉོན་མོངས་པའི་སྦུབས་ཐམས་ཅད་ཀྱིས་ནི་སྟོང་པ་ཡིན་ལ། རྣམ་པར་དབྱེ་བ་མེད་པ་བྲལ་མི་ཤེས་པ་བསམ་གྱིས་མི་ཁྱབ་པའི་སངས་རྒྱས་ཀྱི་ཆོས་གངྒཱའི་ཀླུང་གི་བྱེ་མ་སྙེད་ལས་འདས་པ་ནི་མི་སྟོང་ངོ་ཞེས་གསུངས་སོ། །དེ་ལྟར་ན་གང་ཞིག་གང་ན་མེད་པ་དེ་ནི་དེས་སྟོང་ངོ་ཞེས་ཡང་དག་པར་རྗེས་སུ་མཐོང་ལ། གང་ཞིག་དེར་ལྷག་པར་གྱུར་པ་དེ་ནི། དེ་ལ་རྟག་པར་…

གལ་ཏེ་སྡུག་བསྔལ་བར་སྨྲ་ན་ལུས་ལ་བདེ་བའི་རང་བཞིན་ཡོད་པར་མི་ཤེས་སོ། །བུས་པ་གླེན་པ་དག་ལུས་ཐམས་ཅད་མི་རྟག་གོ་སྙམ་སྟེ་རྫ་སོ་མ་བཏང་བ་དང་འདྲ་བར་འཛིན་ཏོ། །དེ་ལ་མཁས་པ་ཤེས་རབ་ཅན་དག་ནི་རྣམ་པར་ཕྱེ་སྟེ་ཐམས་ཅད་ཀྱིས་ཐམས་ཅད་དུ་མི་རྟག་པར་མི་སྨྲའོ། །དེ་ཅིའི་ཕྱིར་ཞེ་ན། བདག་གི་ལུས་འདི་ལ་སངས་རྒྱས་ཀྱི་རང་བཞིན་ས་བོན་ཡོད་པའི…

གཤེགས་པའི་སྙིང་པོ་ཡང་བདག་མེད་དོ་ཞེས་སྨྲ་ན། བུས་པ་གླེན་པ་དག་གཉིས་སུ་འཛིན་ཏོ། །མཁས་པ་ཤེས་རབ་ཅན་ནི་རང་བཞིན་གྱིས་གཉིས་སུ་མེད་པར་རྟོགས་སོ། །བདག་དང་བདག་མེད་པ་རང་བཞིན་གྱིས་གཉིས་སུ་མེད་དོ། །དེ་བཞིན་གཤེགས་པའི་སྙིང་པོའི་དོན་ནི་དེ་ལྟར་དཔག་ཏུ་མེད་ཅིང་ཚད་མེད་མཐའ་ཡས་པར་སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་བསྔག…

ཕྱིར་ཐོག་མ་མེད་པའི་ཆོས་ཁམས་དགེ་བ་ཐམས་ཅད་ལ་གནས་པས་ནམ་ཞིག་ན་དག་པར་འགྱུར་བ་ཁོ་ནའོ། །ཐོག་མེད་གྱུར་ཀྱང་ཐ་མ་དང་ལྡན་པ། །ཞེས་པས་གྲུབ་པ་ཡིན་ནོ། །རིགས་གཉིས་སད་པའི་རྟག་པ་ལའང་གཉིས་ལས། རང་བཞིན་ཆོས་སྐུའི་རིགས་སད་པའི་རྟགས་ནི། དབུ་མ་འཇུག་པ་ལས། སོ་སོའི་སྐྱེ་བོའི་དུས་ནའང་སྟོང་པ་ཉིད་ཐོས་ནས། །ནང་དུ་རབ་རུ་དགའ་བ་ཡང་དང་ཡང…

གལ་ཏེ་སངས་རྒྱས་ཁམས་མེད་ན། །སྡུག་ལའང་སྐྱོ་བར་མི་འགྱུར་ཞིང་། །མྱ་ངན་འདས་ལ་འདོད་པ་དང་། །དོན་གཉེར་སྨོན་པའང་མེད་པར་འགྱུར། །སྲིད་དང་མྱ་ངན་འདས་ལ་དེའི། །སྡུག་བདེའི་སྐྱོན་ཡོན་མཐོང་བ་འདི། །རིགས་ཡོད་ལས་ཡིན་གང་ཕྱིར་དེ། །རིགས་མེད་དག་ལ་མེད་ཕྱིར་རོ། །ཞེས་སོ། །དེ་ལྟར་རིགས་དང་ལྡན་པས་སངས་རྒྱས་ཀྱི་སྙིང་པོ་རང་ལ་ཡོད་པ་ཉ…

བྱས་ཏེ་འཁོར་བ་ཉིད། མདོ་སྡེའི་རྒྱན་ལས། ཉོན་མོངས་གོམས་དང་གྲོགས་ངན་དང་། །ཕོངས་དང་གཞན་གྱི་དབང་ཉིད་དེ། །མདོར་ན་རིགས་ཀྱི་ཉེས་པ་ནི། །རྣམ་པ་བཞིར་ནི་ཤེས་པར་བྱ། །ཞེས་པ་དང་། འོད་རིམ་ལས། གདོད་མའི་འོད་གསལ་དེ་ཉིད་མ་རིག་སྟེ། །སེམས་ལ་ང་ཞེས་བདག་གིར་ཞེན་བྱས་ཤིང་། །ཡུལ་འདི་གཞན་ཞེས་བདག་ཏུ་གཟུང་བ་ཡིས། །སྲིད་པའི་ཁམས་སུ་འ…

གཞན་དུ་འཛིན་པའི་ཆ་ནས་ཀུན་བརྟགས་པའི་མ་རིག་པ་ཞེས་བྱ་སྟེ། གནས་ལུགས་ཀྱི་ངང་ནས་བྱུང་བར་མ་ཤེས་པར་བདག་འཛིན་ཡུལ་དུ་ཞེན་པའི་དབང་གིས་ཕྱི་སྣོད་ཀྱི་འཇིག་རྟེན་དང་། ནང་བཅུད་ཀྱི་སེམས་ཅན་རང་རང་གི་རྣམ་སྨིན་བག་ཆགས་ཀྱི་ལུས་དང་སེམས་དུག་ལྔའི་རྣམ་པ་སྣ་ཚོགས་སུ་འཁྲུལ་པ་ཉིད། ཀུན་བྱེད་ལས་ཀྱང་། ཀུན་བྱེད་ང་ཡི་རང་བཞིན་མ་རྟོགས་པ…

ཏེ། འདི་ལྟར་ཆུ་དངས་ལ་རྙོག་པ་མེད་ཅིང་ཟང་ཐལ་བ་ཡང་དགུན་གྱི་རླུང་གི་རྐྱེན་གྱིས་ཆབ་རོམ་མཁྲེགས་པ་རྡོའི་ཁམས་ལྟར་འགྲོ་བ་བཞིན་དུ། དང་པོའི་ངང་ལས། གཟུང་འཛིན་དུ་སྐྱེས་པའི་རྐྱེན་གྱིས་འཁྲུལ་སྣང་སྲ་སྲ་སྣ་ཚོགས་སུ་སྣང་བར་སྟོན་པ་ཉིད། དོ་ཧ་མཛོད་ཅེས་བྱ་བ་སྤྱོད་པའི་གླུ་ལས། ཆུ་ལ་རླུང་གིས་ཞུགས་ཤིང་དཀྲུགས་པ་ཡིས། །འཇམ་པའི་ཆ…

ལྟ་བུས་དཀྲིས་པ་རྣམས། །བདག་ཏུ་འཛིན་པའི་མྱ་ངམ་ཐང་ལ་རབ་ཏུ་བརྐམ། །རྒྱལ་བུ་གཞོན་ནུ་སྲིད་མེད་ཕ་དང་བྲལ་བ་བཞིན། །བདེ་བའི་གོ་སྐབས་མེད་པས་སེམས་ཀྱི་ཟུག་རྔུར་གྱུར། །ཞེས་སོ། །དེ་ལྟར་སྲིད་པའི་ཐང་ལ་དོན་མེད་པར་འཁྱམས་པའི་དུས་ཉིད་ནས་སྔར་བསྟན་པ་བཞིན། དེ་བཞིན་གཤེགས་པའི་སྙིང་པོ་ནི་ཇི་ལྟ་བ་བཞིན་ཡོད་པ་ཉིད་དེ། དེ་བཞིན་གཤེག…

པོ་དེ་ཡང་རྡུལ་ཕྲ་རབ་ཀྱི་རྡུལ་གཅིག་ཏུ་བཅུག་པར་གྱུར་ཏོ། །ཇི་ལྟར་རྡུལ་ཕྲ་རབ་ཀྱི་རྡུལ་གཅིག་ཏུ་དར་ཡུག་ཆེན་པོ་དེ་བཅུག་པ་དེ་བཞིན་དུ། རྡུལ་ཕྲ་རབ་ཀྱི་རྡུལ་མ་ལུས་པ་རྣམས་སུ་དེའི་ཚད་ཀྱི་དར་ཡུག་ཆེན་པོ་ནང་དུ་བཅུག་པར་གྱུར་ཏོ། །དེ་ནས་མཁས་པ་མཛངས་པ་གསལ་བ་ཡིད་གཞུངས་ལ། དེར་ཉེ་བར་ཞུགས་པའི་སྤྱོད་པ་དང་ལྡན་པའི་སྐྱེས་བུ་འགའ…

ཀྱེ་མ་མ་ལ་སེམས་ཅན་འདི་དག་ནི་དེ་བཞིན་གཤེགས་པའི་ཡེ་ཤེས་ཡང་དག་པ་ཇི་ལྟ་བ་བཞིན་མི་ཤེས་པ་དང་། དེ་བཞིན་གཤེགས་པའི་ཡེ་ཤེས་རྗེས་སུ་ཞུགས་པ་དག་སྟེ། གང་ཡང་ངས་སེམས་ཅན་འདི་དག་ལ་འཕགས་པའི་ལམ་ཉེ་བར་བསྟན་པས། འདུ་ཤེས་ཀྱིས་བྱས་པའི་འཆིང་བ་མཐའ་དག་བསལ་བར་བྱས་ཏེ་ཟློག་པར་བྱེད་དོ་ཞེས་སོ། །རིགས་སད་པས་ཐར་པ་ཐོབ་ཚུལ་ནི། དེ་ལྟ་བུའ…

འཕྲུལ་དྲ་བ་ལས། བསྐྱེད་དང་རྫོགས་པ་བསོད་ནམས་དང་། །ཡེ་ཤེས་ཚོགས་གཉིས་དབང་གསུམ་དང་། །གཅིག་ནི་རང་བཞིན་དེ་ཁོ་ན། །གཞན་རྣམས་དབྱེ་བས་དཔག་ཏུ་མེད། །ཅེས་པ་ལྟར། བུམ་པ་དང་། གསང་བ་དང་། ཤེས་རབ་ཡེ་ཤེས་གསུམ་ནི་བསྐྱེད་རིམ་དག་པར་བྱེད་པས་བསོད་ནམས་ཀྱི་ཚོགས་ཏེ། ལྷའི་དཀྱིལ་འཁོར་བསྒོམ་པ་ལ་སོགས་པ་སྤྲོས་པ་དང་བཅས་པ་ཇི་སྙེད་དོ། …

མཐུན་པས་རྣམ་པ་ཐམས་ཅད་མཁྱེན་པ་ཉིད་གྱི་རྒྱུར་འགྱུར་བ་སྟེ་ཡོངས་སུ་སྤྱད་པར་བྱ། བརྟུན་པས་བསྒྲུབ་པར་བྱ་ཞེས་སོ། །གཉིས་པ་ནི། འདི་ལྟར། དེ་ཡང་སྲིད་པར་འདུ་བྱེད་དགེ་བ་ལྟར། །ཞི་བར་འདུ་བྱེད་ཚུལ་གྱིས་ལས་སུ་བཤད། །སྲིད་ལས་འདའ་ཕྱིར་ལས་ལས་ཐར་པ་ལགས། །བསོད་ནམས་ཆ་མཐུན་གྱི་དགེ་བ་བཅུས་འཁོར་བར་འཁྲུལ་པ་ལྟར། འདི་ཡང་དེར་མི་འགྱ…

ནས་བླ་ན་མེད་པའི་སངས་རྒྱས་སུ་འགྱུར་བ་ཡོད་དེ་གང་ཞེ་ན། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་གཅིག་དང་ལྡན་པའི་དགེ་བ་བཅུ་དང་། བསམ་གཏན་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། ཕ་རོལ་ཏུ་ཕྱིན་པ་དྲུག་སྟེ། ནམ་ཡང་བར་མ་དོར་ཟད་ཅིང་མེད་པར་མི་འགྱུར་རོ་ཞེས་སོ། །རྒྱུ་མཐུན་གྱི་ལས་འབྲས་ནི། རྒྱུ་མཐུན་པའི་འབྲས་བུ…