སྨྲ་ཞིག །དེར་ཀླུའི་བུ་མོ་མཛེས་ལྡན་མས་ནོར་བུ་རིན་པོ་ཆེ་འབུལ་དུ་ཡོང་གི་མྱུར་དུ་ལོངས་ལ་གོས་ཀྱིས་གྲིལ་སྤྱི་བོར་བསྣམས་ལ་བྱོན་ཅིག་ཅེས་ལེགས་པར་གདམས་པ་བཞིན། རིན་པོ་ཆེའི་ཁང་བུའི་སྒོ་བརྡུངས་པས་ཐོག་མར་ཀླུའི་བུ་མོ་བརྒྱས་ནོར་བུ་ཕུལ་ཡང་མ་བླངས་པར་ད་དུང་སྒོ་བརྡུངས་པས། རྟིང་ལ་ཀླུའི་བུ་མོ་མཛེས་ལྡན་མ་སྔོན་མོ་ཤིན་ཏུ་མཛ…

པས་བདག་གི་བུར་གསོལ་བ་གདབ་སྙམ་ནས་སྨྲས་པ། བདག་གི་མཆོད་གནས་དང་སྲས་སུ་གཤེགས་པར་ཅི་གནང་ཞེས་ཞུས་པས། དེ་ལྟར་བགྱིའོ་གསུངས་ནས་གནང་བ་དང་། པདྨའི་སྡོང་པོ་བཅད་དེ། ཁྱེའུ་དེ་ཉིད་དང་ནོར་བུ་དང་བཅས་པ་རང་གི་འཁོར་རྣམས་ཀྱིས་བསྐོར་ཏེ། ཨུ་རྒྱན་གྱི་ཡུལ་ཏུ་ཕྱིན་པ་ན། ཕོ་བྲང་འཁོར་གྱི་མི་ཐམས་ཅད་ཀྱིས་བསུ་བ་ཆེན་པོ་བྱས་ཏེ། བཻ་ཌཱུ…

བྱང་ཆུབ་མཆོག་ཏུ་སེམས་བསྐྱེད་དུ་བཅུག་པས། །ཐམས་ཅད་ཀྱིས་བླ་ན་མེད་པའི་བྱང་ཆུབ་ལས་ཕྱིར་མི་ལྡོག་པའི་འབྲས་བུ་ཐོབ་བོ། །དེ་ནས་སློབ་དཔོན་ཆེན་པོ་ཉིད་རྒྱལ་སྲིད་ནི་ཆོས་དང་མི་མཐུན་ཞིང་སེམས་ཅན་གྱི་དོན་ཡང་མི་འོང་བར་དགོངས་ནས། རྒྱལ་པོ་དང་བློན་པོ་རྣམས་སུན་འབྱུང་བའི་ཕྱིར། བརྟུལ་ཞུགས་ཀྱི་སྤྱོད་པ་མཛད་དེ། སྐུ་གཅེར་བུ་ལ་རུ…

མེད་པས་བསད་ཀྱང་འཇིགས་པ་མེད། །རྒྱལ་ཁྲིམས་གཉན་པས་སྤྱུགས་པ་ཤིན་ཏུ་ལེགས། །ཡབ་ཡུམ་དག་ཀྱང་ཡུན་དུ་བདེ་བར་བཞུགས། །ལས་ཀྱི་འབྲེལ་པས་ཕྱི་ནས་མཇལ་བར་ངེས། །ཞེས་གསུངས་ཏེ་ཕྱག་མཛད་ནས་བྱོན་པ་ན། བློན་པོ་རྣམས་ཀྱིས་དུར་ཁྲོད་ཆེན་པོ་བསིལ་བའི་ཚལ་ཞེས་བྱ་བ་ཤིན་ཏུ་འཇིགས་ཤིང་སྐྱི་བུང་བའི་གནས་སུ་བསྐྱལ་ལོ། །དེར་རོ་ཟས་དང་རོ་གོས་ལ…

སྟེགས་པ་དང་རྩོད་པ་མཛད་པས་མུ་སྟེགས་ཕམ་པར་བྱས་ནས། སངས་རྒྱས་ཀྱི་བསྟན་པ་ལ་བཙུད་པས་མཚན་སེང་གེ་སྒྲ་སྒྲོག་ཅེས་གྲགས་སོ། །དེ་ནས་སློབ་དཔོན་ཆེན་པོ་ཤྲཱི་སེང་ཧའི་དྲུང་དུ། ནམ་མཁའ་དང་མཉམ་པའི་རྒྱུད་ལ་སོགས་པ་རྫོགས་པ་ཆེན་པོ་སེམས་ཀློང་མན་ངག་གི་སྐོར་རྣམས་རྫོགས་པར་ཞུས་ཤིང་། ཁྱད་པར་དུ་ཐིག་ལེ་ཕྱི་ནང་གསང་བའི་སྐོར་རྣམས་གསན་…

དེའི་ཚེ་འཕགས་པ་འཇམ་དཔལ་གྱི་སྤྲུལ་པ་བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས་བསམ་ཡས་ཀྱི་ས་གཞི་འདུལ་བའི་དོན་དུ་སྤྱན་དྲོང་པས། སྔོན་གྱི་སྨོན་ལམ་དང་ཐུགས་རྗེའི་དབང་གིས་བོད་ཀྱི་ཡུལ་དུ་བྱོན་ཏེ། ས་གཞི་བཏུལ་ཞིང་ལྷ་སྲིན་གདུག་པ་ཅན་ཐམས་ཅད་དམ་ལ་བཏགས་ནས། གཙུག་ལག་ཁང་བཞེངས་སུ་གསོལ་བས། དཔལ་བསམ་ཡས་མི་འགྱུར་ལྷུན་གྱིས་གྲ…

ལ་ཡང་དབང་བསྐུར་ཞིང་བྱིན་གྱིས་བརླབ་ཏུ་གསོལ། །ཞེས་ཞུས་པས་གནང་སྟེ། དེ་དག་གིས་སྤྱན་དྲངས་བྱིན་གྱིས་བརླབས་པའི་གནས་ནི། པ་གྲོ་སྟག་ཚང་སེང་གེ་ཕུག །ལྷོ་བྲག་མཁར་ཆུ། ཁ་རག་རིན་ཆེན་ཕུག །ཤངས་ཀྱི་ཟབ་བུ་ལུང་། ཏི་སྒྲོ་བྲག་དཀར། ཙཱ་རི་ཙཱ་ཁང་། རྔམས་པ་སྒྲ་སྒྲོག་ལ་སོགས་པ་རྣམས་སོ། །གཞན་ཡང་ལོ་དང་། ཟླ་བ་དང་། ཞག་དང་། དྲོས་སྐད་…

ཏེ་གང་དུ་བྱོན་པ་ཐམས་ཅད་དུ་བྱོན་ནས། བསྙེན་བཀུར་དང་ཞབས་ཏོག་མཛད་ཅིང་སྒྲུབ་པ་རྩེ་གཅིག་ཏུ་མཛད་པས་གྲུབ་པ་ཐོབ་སྟེ་མཆོག་ཐུན་མོང་གི་དངོས་གྲུབ་བརྙེས་སོ། །དེ་ནས་སློབ་དཔོན་ཡབ་ཡུམ་གཞོ་སྟོད་ཏི་སྒྲོ་བྲག་ལ་སྒྲུབ་པ་མཛད་པའི་དུས་སུ། ཡེ་ཤེས་ཀྱི་མཁའ་འགྲོ་མ་མང་པོས་ཇོ་མོ་ལ་བསྐུལ་བ། སློབ་དཔོན་སྤྲུལ་པའི་སྐུའི་ཐུགས་ལ་ཚེ་འདི་…

པ་རྣམས་གསུངས་སོ། །དེ་ནས་དེ་རྣམས་ལས་རྒྱུད་རབ་ཏུ་རྒྱས་པའི་མན་ངག་རྣམས་ཕྱོགས་གཅིག་ཏུ་ཕྱེས། སློབ་དཔོན་ཉིད་ཀྱིས་མཛད་པའི་ཟབ་འདུས་ཀུ་སུ་ལུའི་སྐོར་རྣམས་ཕྱོགས་གཅིག་ཏུ་ཕྱེས་ཏེ། སློབ་དཔོན་དང་མཚོ་རྒྱལ་གྱིས་སོ་སོའི་ཡི་གེ་བྲིས་ཏེ་དཀར་ཆག་ལ་མནན་ནོ། །དེའི་ཚེ་རྒྱལ་པོས་གདན་དྲངས་ཏེ། འཆིམས་ཕུར་སློབ་དཔོན་དང་། རྒྱལ་པོ་ཡབ་ས…

བསྐོར་བ་མང་དུ་མཛད་དོ། །དེ་ནས་ལྷ་ལྕམ་གྱི་རོའི་སྙིང་ཁར་ཤེས་རབ་མཚལ་གྱི་ཡི་གེ་ནྲྀ་གཅིག་བྲིས་ཏེ་རྣམ་ཤེས་བཀུག་པས་དབུགས་བྱུང་སྟེ་སྨྲ་ཤེས་པ་བྱུང་ངོ་། ། དེའི་ཚེ་གསང་བ་མཁའ་འགྲོ་སྙིང་ཏིག་གི་དབང་བསྐུར་ནས་གསང་མཚན་པདྨ་ལས་འབྲེལ་རྩལ་དུ་བཏགས་ཤིང་། བུ་མོའི་སྤྱི་བོར་དཔེ་སྒྲོམ་བཞག་ནས། མ་འོངས་པའི་དུས་སུ་ཆོས་འདི་དང་འཕྲད་…

ཐང་སྨད་ཀྱི་བྲག་སེང་གེ་འདྲ་བ་ལ་གཏེར་དུ་སྦས་ཤིང་། ཟབ་འདུས་ཀུ་སུ་ལུའི་སྐོར་རྣམས་དགས་པོ་དང་ལུང་ཁྲ་མོ་བྲག་ལ་གཏེར་དུ་སྦས་ནས། གཟའ་དང་མ་མོ་དང་གཏེར་བདག་གི་མཁའ་འགྲོ་མང་པོ་ལ་གཉེར་དུ་གཏད་ནས། མ་འོངས་པའི་དུས་སུ་སྐལ་ལྡན་ལས་ཅན་དེ་ལ་གཏོད་ཅིག་ཅེས་བཀའ་བསྒོ་བར་མཛད་དོ། ། གཞན་ཡང་སྐུ་གསུང་ཐུགས་ཡོན་ཏན་ཕྲིན་ལས་དང་བཅས་པའི་གཏ…

འདུས་པ་ཚོང་ཁང་གི་མགྲོན་པོ་དང་འདྲ་བས་འབྲལ་མེད་བདེ་ཆེན་གྱི་གྲོགས་དང་འགྲོགས་ཤིག །འདི་ཕྱིར་ཕན་པ་དམ་པའི་ཆོས་ལས་མེད་པས་རྗེ་འབངས་ཐམས་ཅད་དམ་པའི་ལྷ་ཆོས་མཛོད་ཅིག །སྤྲེའུ་ལོ་སྤྲེའུ་ཟླ་བའི་ཚེས་བཅུ་ལ་ང་ཡང་བོད་ཀྱི་ཡུལ་དུ་ལན་རེ་འོང་ཞིང་། ལས་ཅན་རྣམས་ལ་རྒྱུན་དུ་སྣང་བས་ཐུགས་ངལ་མི་མཛད་པར་ཅི་བདེར་བཞུགས་འཚལ་ལོ། །ཞེས་གསུ…

མཁའ་འགྲོ་སྙིང་ཏིག་གི་གཏེར་ཁ་དྭགས་པོ་དང་ལུང་ཁྲ་མོ་བྲག་ནས་གདན་དྲངས་ནས་ཅུང་ཟད་སྤེལ་བར་མཛད་ཅིང་ཁྱད་པར་དུ་ལས་ཅན་གྱི་སློབ་མ་སྤྲུལ་སྐུ་ལེགས་ལྡན་ལ་བཀའ་ལུང་ཤོག་སེར་དང་བཅས་པ་གཏད་ནས་འཛིན་ཞེན་མེད་པའི་སྤྱོད་པས་གནས་ངེས་མེད་དུ་འབྱོན་པ་ལས། བྱར་སྨད་ཕྱིང་དཀར་ཞེས་བྱ་བའི་ས་ཆར་སྐུ་གཤེགས་ཏེ་པུར་སྦྱངས་པ་ལས། གདུང་རུས་ལ་རྡོ…

ཚུལ་ནི། ཡབ་ལས་རིག་པ་བཀླག་པ་སྒྲའི་བསྟན་བཅོས། རྣམ་གཞག་ཞིབ་མོ་གངྒའི་ཆུ་རྒྱུན། སྐྱེ་བོ་གསོ་བའི་ཐིག་པ་རྩ་འགྲེལ་དང་བཅས་པ་དང་། རྟ་མགྲིན་དང་ཐུགས་རྗེ་ཆེན་པོ་དང་། སྒྲོལ་མའི་རྒྱུད་སྒྲུབ་ཐབས་དང་བཅས་པ་དང་། མ་མགོན་གྱི་རྒྱུད་མན་ངག་དང་བཅས་པ་རྣམས་གསན་ནས་མཁྱེན་པར་མཛད་ཅིང་། བླ་མ་ཐམས་ཅད་མཁྱེན་པ་ཞེས་བྱ་བ་ལས། ཞི་བྱེད་བརྒ…

ཐོད་པ་དང་། ཕག་མོ་དཔྱལ་གྱི་ཆོས་དྲུག་ལ་སོགས་པ་ཞུས་སོ། །བོན་སྒོམ་སྣང་བ་རྒྱལ་ཡན་ལས། དོ་ཧ་སྐོར་གསུམ་འགྲེལ་པ་བལ་ལུགས་པར་ལུགས་དང་བཅས་པ་ཞུས་ཤིང་། སློབ་དཔོན་གླན་ལས་མངའ་བདག་ཉང་རལ་གྱི་གཏེར་ཁ་བདེ་གཤེགས་འདུས་པའི་བཀའ་ལུང་། རྟ་མགྲིན་གྱི་རྒྱུད་ལྔ་སྒྲུབ་ཐབས་དང་བཅས་པ་དང་། ཐུགས་རྗེ་ཆེན་པོ་འགྲོ་འདུལ་གྱི་ཆོས་སྐོར་དང་། མ…

པས་རང་གཞན་གྱི་དོན་རྒྱ་ཆེན་པོ་མཛོད་ཅིག ། གསུངས་ནས་ཤོག་སེར་རྣམས་ཀྱང་ཕྱག་ཏུ་གཏད་དོ། །དེ་ནས་ཟབ་གཏེར་འདི་ཉིད་ལོ་བཅུ་གཉིས་ཀྱི་བར་དུ་གང་ལ་ཡང་མ་སྤེལ་བར་སྒྲུབ་པ་རྩེ་གཅིག་ཏུ་མཛད་པའི་ཚེ་མནལ་ལམ་དུ། ཟངས་མདོག་དཔལ་རིར་ཨུ་རྒྱན་པད་མ་དང་ཞལ་འཇལ་བ་དང་། གནུབས་ནམ་མཁའི་སྙིང་པོས་སིང་ལྡིང་གི་རྔ་གཏད་ནས་ལས་ཅན་གྱི་སློབ་མར་ལུང་…

ལ་འགྲོ་བ་རྣམས་ངོ་མཚར་གྱི་ས་ལ་བཀོད་ནས། གཤེགས་པའི་ཚུལ་བསྟན་པའི་ཚེ་ལྷ་སྐུ་རིང་བསྲེལ་ལ་སོགས་མང་དུ་བྱོན་ཞིང་། ལུང་པ་འཇའ་ཡིས་ཁེངས་པ་ལ་སོགས་ངོ་མཚར་བའི་ལྟས་དཔག་ཏུ་མེད་པ་དང་བཅས་ཏེ་འདའ་ཚུལ་བསྟན་ནོ། །བླ་མ་དམ་པ་དེ་ཉིད་ལས། བདག་གིས་ཟབ་གཏེར་གྱི་གདམས་པ་ལེགས་པར་ཞུས་ཏེ། དེའང་བདག་ཅག་གི་ཕ་ཡུལ་ཁམས་ཀྱི་ས་ཆ་ལ་གོང་ཞེས་བྱ་བ…

ཁྱོད་ཆོས་མ་བྱས་ན་ལོ་ཉི་ཤུ་རྩ་ལྔའི་སྟེང་དུ་འཆི་བས་ཆོས་རང་གྱིས་ཤིག་ཐོས་སོ། །དེ་ནས་བཟུང་སྟེ། མྱུར་དུ་འཆི་དོགས་པའི་སྡུག་བསྔལ་དང་། འཇིག་རྟེན་གྱི་བྱ་བ་ལ་དགོས་པ་ཅི་ཡང་མི་འདུག །འདི་ལྟར་མི་ཐམས་ཅད་ཚེ་ཡུད་ཙམ་འདི་ལ་ཆགས་སྡང་རྨོངས་གསུམ་སྡིག་པ་མི་བྱེད་ཐང་པ་ལ། ད་ནི་གང་གིས་ཀྱང་དགོས་པ་མི་གདའ་ཆོས་རང་བསམ་པའི་སྐྱོ་ཤས་དང…

གཅིག་མཛད་པས་བཀའ་དྲིན་ཆེ་བར་བདོག་གོ །གཞན་ཡང་བླ་མ་བློ་བཟང་བ་ལས། སེམས་བསྐྱེད་དབུ་མ་ལུགས་དང་ཕྱག་རྒྱ་ཆེན་པོ་ཐོག་བབ་དང་། ཡི་གེ་བཞི་པའི་ངོ་སྤྲོད་དང་སྒྲོལ་མ་དཀར་སྔོན་གྱི་རྗེས་གནང་སྒྲུབ་ཐབས་ལ་སོགས་པ་ཞུས་སོ། །བླ་མ་རྒྱལ་རོང་བ་ལས་ལྷན་ཅིག་སྐྱེས་སྦྱོར་གྱི་གདམས་པ་ལ་སོགས་ཞུས་ཤིང་། བླ་མ་ཙཱ་རི་བ་ལས་ཐུགས་རྗེ་ཆེན་པོའི་…

དམ་པ་སྤྲུལ་སྐུ་ལེགས་ལྡན་པ་བྱར་གྱི་ལུང་ཆུང་ཙཱ་རི་ནས་ཉིན་གཅིག་སླེབས་པའི་རྩ་ནས་གྲོ་ས་དགོན་པ་ཞེས་བྱ་བར་བཞུགས་པ་ལ་མཇལ་ཏེ། གསང་བ་བླ་ན་མེད་པ་མཁའ་འགྲོ་སྙིང་ཏིག་གི་དབང་ཁྲིད་གདམས་པ་དང་བཅས་པ་ལན་གསུམ་གྱི་བར་ལ་ཞུས་ཏེ་ཞུན་ཐར་བཅད་ཅིང་། གཞན་ཡང་ཁྲོ་ཕུ་ལོ་ཙཱའི་ཆོས་སྐོར་དང་། པཎ་ཆེན་ཤཱཀྱ་ཤྲཱིའི་གདམས་པ་དང་ཆོས་རྗེ་འབྲི་ག…