དེ་ནས་ཞག་གསུམ་གྱི་ཉི་མ་ཕྱེད་ཙམ་ན་བུད་མེད་སོ་དུང་སོ་འཁོར་མ་ཡོད་པ་སྨིན་མ་ཟངས་སུ་འདུག་པ༔ དཔྲལ་བའི་དཀྱིལ་ན་གསེར་གྱིི་ཟླ་ཕྱེད་རྡོ་རྗེས་མཚན་པ༔ ལག་པ་དང་རྐང་པ་རྣམས་བྱ་ཆུ་བྱའི་སྡེར་མོ་ལྟར་འབྲེལ་བ༔ ནུ་མ་ལས་སེང་གེའི་ཕྲུ་གུ་འཕྱང་བ་ཞིག་བྱུང་ནས༔ འོ་སྔོན་གྱི་སྐལ་ལྡན་མན་ངག་གི་བདག་པོ་བྱུང་ཟེར་ནས༔ བྲག་མེ་ལོང་འདྲ་བའི་…

ལྕེ་བཙུན་གྱིས་ལོག་ནས་ངར་བཞིན་དུ་མི་ཡུལ་དུ་ལོ་མང་བཞུགས་ནས༔ ཤངས་དང་རྟ་ནག་གི་བར་གྱི་སྤོ་མཐོན་རི་ནས༔ སློབ་དཔོན་པདྨའི་ཆོས་དང་སྒྲུབ་ཡིག་བཏོན་ནས་གཙང་ལུང་དབེན་རྩར་སྦས་སོ༔ ཆ་ལུང་གི་ཁྱི་རྟགས་དབེན་རྩ་ནས་སངས་རྒྱས་ཡེ་ཤེས་རིན་པོ་ཆེས་སྦས་མ་ཐག་པའི་གནུབས་ཀྱི་ངན་སྔགས་བརྒྱ་དང་བཅུ་བཏོན་ནས་གནུབས་ཀྱི་ཕུང་པོ་རི་བོ་ཆེ་ལ་སླ…

མནར་མདའི་ལྕེ་སྒོམ་ནག་པོས་ཕྱི་ནང་གསང་བ་གསུམ་གྱི་བཀའ་བརྒྱུད་རྣམས་བཏོན་ནས་རང་ལས་གཞན་ལ་མ་སྤེལ་བར་གདམས་པའོ༔ དབུས་གཙང་དུ་དར་ཞིང་རྒྱས་པར་མཛད་དོ༔ ལྕེ་སྒོམ་གྱིས་ཐོན་ནས་ལོ་ལྔ་བཅུ་ན་བདག་གིས་གསང་བ་བླ་ན་མེད་པའི་སྐོར་འདི་རྣམས་བཏོན་ནས་རང་ལས་གཞན་ལ་མ་སྤེལ་བར་གདམས་པའོ༔ འདིའི་དུས་ན་སངས་རྒྱས་མྱ་ངན་ལས་འདས་ནས་ལོ་སྟོང་ལྔ་…

བཏབ་པའི་རིན་པོ་ཆེ་ལ་སྐྱེ་འབྲི་མི་བཏུབ་པ་ལྟ་བུའོ༔ དེ་ཡང་འདི་ལ་བྱིན་རླབས་ཀྱི་བརྒྱུད་པ་འདས་རྗེས་རྒྱུན་མ་ཆད་པ་དང་༔ ཚིག་གིས་བརྒྱུད་པ་བཀའ་བརྒྱུད་ཟམ་མ་ཆད་པ་དང་༔ དོན་གྱི་བརྒྱུད་པ་ལ་མངོན་སུམ་གྱི་གནད་ལ་ཡིད་དཔྱོད་ཀྱིས་དཔྱད་དུ་མི་རྙེད་པས་འགྱུར་མེད་གསང་ཆེན་གྱི་རབས་མ་ཆད་པ་དང་༔ བསོད་ནམས་བསགས་པའི་བརྒྱུད་པ་གཏེར་ལ་ལོ…

སངས་རྒྱས་ཀྱི་འདས་རྗེས་གསུམ་གྱི་རྒྱུད་ཅེས་བྱ་བ་བཞུགས་སོ༔ མན་ངག་གོ་གཅིག་པ༔

རྒྱ་གར་སྐད་དུ༔ སུ་ཀ་མ་ཏ་ཨ་ལ་ཡ་དེ་ཀ་ར་ཨ་ཏི་ཏ་བུདྡྷ་ཏནྟྲ ་ནཱ་མ༔ བོད་སྐད་དུ༔ དགའ་ལྡན་གནས་སུ་སངས་རྒྱས་ཀྱི་ཞལ་ཆེམས་དང་པོའི་རྒྱུད་ཅེས་བྱ་བ༔ བཅོམ་ལྡན་འདས་ཀུན་རིག་དཔལ་གྱི་དཔལ་རྣམ་པར་སྣང་མཛད་ལ་ཕྱག་འཚལ་ལོ༔ བཅོམ་ལྡན་འདས་དྲུག་པ་རྡོ་རྗེ་འཆང་ཆེན་པོ་དགའ་ལྡན་ལྷའི་གནས་བཀོད་པ་ཚད་མེད་པའི་གཞལ་ཡས་ཁང་ན༔ བྱང་ཆུབ་སེམས་དཔའ་འ…

ཕྲ་བ་དང་༔ ཤིན་ཏུ་ཕྲ་བ་དང་༔ རབ་ཏུ་འགྱུར་བ་ཉིད་དང་༔ ཡང་བ་དང་༔ རྣམ་པར་འཕྲིག་པ་དང་༔ འཁྱུག་པ་དང་༔ ཚོམ་བུ་དང་༔ མུ་ཁྱུད་དང་༔ དེ་ལ་སོགས་པའི་འོད་ཀྱིས་སྟེང་འོག་གང་བ་དང་༔ ཕྱོགས་མཚམས་ཐམས་ཅད་དང་༔ འཇིག་རྟེན་གྱི་ཁམས་ཐམས་ཅད་ཁྱབ་པར་གྱུར་པ་དང་༔ དེ་ནས་བཅོམ་ལྡན་འདས་ལ་འཇམ་དཔལ་དང་༔ སྤྱན་རས་གཟིགས་དང་༔ ཕྱག་ན་རྡོ་རྗེ་དང་༔ བ…

འདས་ཀྱིས་བཀའ་སྩལ་པ༔ བྱང་ཆུབ་སེམས་དཔའ་རྣམས་དང་༔ ཁྱེའུ་དང་བུ་མོའི་གཟུགས་སུ་འདུག་པ་རྣམས་དང་༔ རིགས་ལྔའི་མཁའ་འགྲོ་མ་རྣམས་ཉོན་ཅིག༔ སྐྱེ་བ་གཅིག་གིས་སངས་རྒྱ་བར་འདོད་ན༔ ལུས་ངག་ཡིད་གསུམ་གྱིས་སྐུ་གསུམ་གྱི་གཟིགས་སྟངས་དང་མ་བྲལ་བར་གྱིས་ཤིག༔ འཁོར་བའི་ཆོས་ལས་འདས་ནས་ཆོས་སྐུ་མངོན་སུམ་དུ་གྱུར་པར་འདོད་ན༔ རྡོ་རྗེ་ལུ་གུ་…

འདོད་པ་ན་ཡང་༔ རྡོ་རྗེ་ལུ་གུ་རྒྱུད་ཀྱི་སྐུ་ལ་ལྟོས་ཤིག༔ ཡང་དག་པའི་སྐུ་དང་ཞིང་ཁམས་ཡོངས་སུ་རྫོགས་པར་འདོད་ན་ཡང་༔ རྡོ་རྗེ་ལུ་གུ་ཀྱི་སྐུ་ལ་ལྟོས་ཤིག༔ འཕྲིག་པ་དང་༔ འགུལ་བ་དང་༔ འཁྱུག་པ་དང་༔ གཡོ་བ་དང་༔ རང་ཤར་བ་དང་༔ གསལ་བའི་ཟེར་ལ་ལྟོས་ཤིག༔ རྡོ་རྗེ་ལུ་གུ་རྒྱུད་རང་ཡིན་ཏེ༔ གཞན་དུ་འཛིན་པ་མེད་པར་ལྟོས་ཤིག༔ གསང་བ་སྔགས…

པའི་མུན་པ་གང་གིས་སེལ༔ ཞེས་གསུངས་པས༔ རང་བྱུང་གི་ཡི་གེ་ཤེལ་གྱི་ཟ་མ་ཏོག་དང་བཅས་པ་འོད་ཀྱི་ནང་ནས་ཕྱག་གཡས་པས་སྡམས་པ་གཟིགས་པས༔ ཞིང་ཁམས་ཐམས་ཅད་ཀྱི་སངས་རྒྱས་རྣམས་ཀྱང་༔ ཆོས་ཉིད་མངོན་སུམ་ལུ་གུ་རྒྱུད་འདི་ལ་བརྟེན་ནས་སངས་རྒྱས་པར་གཟིགས་པས་གདུང་བ་སེལ་བར་གྱུར་ཏོ༔ རང་བྱུང་གི་ཡི་གེ་འདི་རིགས་པའི་ཡེ་ཤེས་སྟོན་པའི་སྟོན་པ་…

དུ་སྣང་བའི་ཏིང་ངེ་འཛིན་ལ་སྙོམས་པར་ཞུགས་སོ༔ དེ་ནས་རྡོ་རྗེ་སེམས་དཔའ་སྟན་ལས་ལངས་ཏེ༔ ཀྱེ་ཀྱེ་སྟོན་པ་ཀུན་ཏུ་བཟང་༔ འཁོར་འདས་རུ་ཤན་ཇི་ལྟར་དབྱེ༔ སྐུ་གསུམ་གཟིགས་སྟངས་ཇི་ལྟར་བྱ༔ ཆོས་ཉིད་མངོན་སུམ་ཇི་ལྟར་གསལ༔ སྐྱེ་འཆི་བར་དོ་ཇི་ལྟར་བཟུང་༔ བདག་ཅག་ཀུན་ལ་བཤད་དུ་གསོལ༔ ལེགས་སོ་རྡོ་རྗེ་སེམས་དཔའ་ཁྱོདཿ ཀྱེ་ཀྱེ་ཀྱེ་ཧོ་རི…

དུ་འོད་དང་༔ འོད་ཀྱི་ཛ་དུ་དང་༔ ཐིག་ལེ་མུ་ཁྱུད་དང་༔ ཚོམ་བུ་གཅིག་པའི་མུ་ཁྱུད་དང་༔ ཚོམ་བུ་གཉིས་པའི་མུ་ཁྱུད་དང་༔ ཚོམ་བུ་གསུམ་པའི་མུ་ཁྱུད་དང་༔ ཚོམ་བུ་བཞི་པའི་མུ་ཁྱུད་དང་༔ ཚོམ་བུ་ལྔ་པའི་མུ་ཁྱུད་དང་༔ ཚོམ་བུའི་ནང་དུ་དེ་བཞིན་གཤེགས་པའི་ཞལ་དང་༔ ཕྱེད་སྐུ་དང་༔ སྐུ་ཡོངས་སུ་རྫོགས་པ་དང་༔ གདན་ཁྲི་དང་ཚོམ་བུ་འཆར་བ་ལྟར་…

ཕྱག་གཡས་པ་འོད་ཀྱི་ནང་ནས་ཤེལ་གྱི་ཟ་མ་ཏོག་གི་ནང་དུ་རང་བྱུང་གི་ཡི་གེ་འདི་རྡོ་རྗེ་སེམས་དཔའི་ཕྱག་ཏུ་བབས་སོ༔ སངས་རྒྱས་བསྟན་པའི་མི་ལ་རང་བྱུང་གི་ཡི་གེ་བསྟན་པས༔ བསྟན་པའི་བུ་གཅིག་ཏུ་གྱུར་ཏོ༔ དགའ་ལྡན་གྱི་གནས་ཀྱི་སངས་རྒྱས་ཀྱི་འདས་རྗེས་གཉིས་པའོ༔ ༈ ༔རྒྱ་གར་སྐད་དུ༔ སུ་ཁ་བཱ་ཏི་བུདྡྷ་དེ་ཀ་ར་ཏཱི་ནི་ཏནྟྲ་ནཱ་མ༔ བོད་སྐད་…

སྣའི་གནས༔ དེར་ནི་མངོན་སུམ་བསྐྱང་བར་བྱ༔ ལུས་ནི་མིས་མི་མཐོང་བར་བྱ༔ ངག་ནི་མི་སྨྲ་གཅད་པར་བྱ༔ ཡིད་ནི་རྣམ་རྟོག་འགྱུ་སྒོ་བཀག༔ ཀྱེ་ཀྱེ་ནམ་མཁའི་སྤྲིན་བྲལ་ལ༔ གཟིགས་སྟངས་གསུམ་པོ་གང་རུང་གིས༔ སྨིན་མཚམས་ཡ་ཕིབས་སོར་བཞི་ལ ༔ འོད་དང་འོད་ཀྱི་འཕྲོ་འདུ་ལྟ༔ མུ་ཁྱུད་ཚོམ་བུ་གཅིག་པ་དང་༔ མུ་ཁྱུད་ཚོམ་བུ་གཉིས་པ་དང་༔ མུ་ཁྱུད་ཚོ…

ལ་བྲིས་ཏེ༔ རིགས་ཀྱི་བུ་གང་གིས་བཏགས་པ་དེ་སངས་རྒྱས་པར་འགྱུར་རོ༔ རིགས་ཀྱི་བུ་གང་གིས་ཐོས་པ་དེ་སངས་རྒྱས་ལ་ཉེ་བར་འགྱུར་རོ༔ རིགས་ཀྱི་བུ་གང་གིས་མཐོང་བ་དེ་དད་པར་འགྱུར་རོ༔ རིགས་ཀྱི་བུ༔ གང་དང་གང་གིས་བྲིས་པ་དང་༔ བཀླགས་པ་དང་༔ བཅངས་པས་གང་དང་ཕྲད་པར་གྱུར་པའི་སེམས་ཅན་ཐམས་ཅད་ངན་སོང་གི་སྡུག་བསྔལ་ཐམས་ཅད་ལས་གྲོལ་ནས་སངས་…

རང་གནས་ཆེན་པོ་རྒྱ་མཚོ་ཨར་ལ་གཏད་པ་ཞེས་བྱ་བ་བཞུགས་སོ༔ མན་ངག་བརྒྱ་བཅུ་བཞི་པ༔

རྒྱ་གར་སྐད་དུ༔ མ་ཧཱ་གྷཱུ་པ་ས་ཀ་རི་པ་ཏཾ་ནཱ་མ། བོད་སྐད་དུ། རང་གནས་ཆེན་པོ་རྒྱ་མཚོ་ཨར་ལ་གཏད་པ་ཞེས་བྱ་བ། བཅོམ་ལྡན་འདས་སྒྲོན་མ་འདུས་པའི་དཔལ་ལ་ཕྱག་འཚལ་ལོ། །སངས་རྒྱས་རྣམས་ཀྱི་ངེས་པའི་དོན་སྤུངས་པའི། །མན་ངག་ངེས་པའི་རྒྱུད་སྡེ་གྲངས་མང་ལས། །ཕྱི་ནང་གསང་བ་ཡོངས་རྫོགས་བླ་ན་མེད། །ངེས་པའི་སྙིང་པོ་ཡང་དག་གསལ་བཀོད་པའི། །ལ…

འབྲས་བརྟགས། །ཕྲ་ཞིང་གདངས་མ་ལྕགས་ཀྱི་རྣམ་པ་ཅན། །འཕྲ་འགྱུར་ཟླུམ་པོ་གཡུ་དྲུང་དཀར་ནག་སྤྱོད། །བཞི་འདུས་ལྔ་ཡི་ངོ་བོར་འབྲེལ་བ་ནི། །ཏིལ་འབྲུར་རི་བོ་ནང་དུ་འཛུད་པར་སྣང་། །དྲན་བྱེད་དགུས་ནི་སྣང་བ་ལྟ་བུ་ལ། ཁ་དོག་གསལ་རྫོགས་རོ་རྣམས་འདུས་པའི་རྟགས། །དབུ་མའི་ཆ་ལ་སྐུ་ཡི་རྣམ་པ་ཅན། །འདི་དང་འབྲེལ་ནས་རྩེ་མོ་རྣམ་པར་བཀོད། །…