རྣམ་པར་མི་གསལ་ལ། མིག་ཏུ་གཟུགས་ཀྱི་རྣམ་པ་སྣང་ལ་རང་བཞིན་མེད་པ་རང་དག་ཐིག་ལེའི་སྙིང་པོ་ཅན་དུ་གསལ་བ་ལ། ལྷག་མཐོང་གི་རིག་པ་ལུ་གུ་རྒྱུད་ཅེས་བྱའོ། །དེ་ཡང་སྒྲོན་མའི་གནས་ནི་སྙིང་ཡིན་ཏེ། །ལམ་ནི་རྩ་ཆེན་བཞི་ཡིན་ནོ། །སྒོ་ནི་མཐོང་བྱེད་མིག་གི་སྒོ། །ཞེས་བྱུང་ངོ་། །འདི་ལ་ཡང་དངོས་དང་ཆ་ཤས་གཉིས་ཡོད་དེ། དངོས་ནི་རྡོ་རྗེ་ལུ…

མཐོང་བའོ། །དེ་ལྟར་ཕྱི་དབྱིངས་ནམ་མཁའ་སྟོང་པའོ། །ཞེས་སོ། །དེ་ལྟར་གསུམ་ག་ཡང་རིག་པའི་ཆ་ཤས་ཡིན་ཅིང་། ད་ལྟ་ནི་མིག་གི་དངས་མ་ཆུ་ཡོད་པ་དང་། དེའི་མཐའ་ན་འོད་ལྔའི་རིས་ཡོད་པ་དང་། རྩ་སྟོང་པ་ནས་རྣམ་པར་ཤེས་པ་འགྱུ་བ་རྣམས་ཀྱི་རྒྱུ་ལས་བྱུང་སྟེ། དབྱིངས་འདི་རྣམས་མིག་མེད་ན་མི་འབྱུང་སྟེ། འདི་རྣམས་རིག་པ་ལ་བརྟེན་ནས་སྣང་བས་ག…

དེ་གཉིས་རྣམ་པར་དག་པར་ངོ་སྤྲོད་ཅིང་། ཉམས་སུ་ལེན་པ་ནི་གནད་ཡིན་ནོ། །འདི་ལ་རྒྱུ་རྐྱེན་མེད་དོ་ཞེས་བཤད་པ་ནི། དེ་གཉིས་ཀྱི་ངོ་བོ་ཡིན་གྱི་དབྱིངས་ཀྱི་སྣང་བ་དང་། འཁྲུལ་བའི་རྟོག་པ་མཚན་ཉིད་འཛིན་པ་ལ་རྒྱུ་རྐྱེན་མཐོང་བཞིན་དུ་མེད་པར་བྱས་ན་ནོར་བར་འགྱུར་རོ། །དབྱིངས་ཀྱི་སྣང་བ་འབྱུང་བའི་རྒྱུ་རྐྱེན་སྣང་ལུགས་ཡེ་ཤེས་ལྔ་ལ་ས…

འཁྲུལ་པ་ཡིན་ལ། དེའི་ངོ་བོ་ནི་མ་འཁྲུལ་བའི་རང་བཞིན་དུ་གནས་སོ། །དེ་ནས་ངོ་བོ་ཀ་དག་གི་གནས་ལུགས་ཏེ་ཡེ་ཤེས་གསུམ་ལྡན་དུ་ཡོད་དེ། ཆ་ཡིས་མ་བསྐོས་པའི་རིག་པ་ཐམས་ཅད་མཁྱེན་པའི་ཡེ་ཤེས་ཀྱི་ངོ་བོར་བཞུགས་པ་སྟེ། ཡེ་ཤེས་དེ་ཡང་ཕྲ་བའི་ཡེ་ཤེས་སུ་གནས་སོ། །ཞེས་སོ། །ལྷག་མཐོང་གི་རིག་པ་ལུ་གུ་རྒྱུད་ནི། རང་གི་རིག་པ་ཉིད་ཀྱིས་རང་ངོ…

ལྟ་བ། དེ་ལ་ཉམས་ལེན་སྐད་ཅིག་ཀྱང་མ་བྲལ་བ་དགོས། བྲལ་ན་སྐྱེད་མེད་པར་དབང་པོའི་མངོན་སུམ་དུ་མཐོང་བས་བརྩོན་འགྲུས་ཤུགས་ལ་འབྱུང་བ་བསྒོམ་ལ། དེ་ལ་འདུ་འབྲལ་མེད་པར་སྤྱོད་ན་སྐུ་དང་ཞིང་ཁམས་རྡུལ་ཕྲ་རབ་ཀྱི་གྲངས་སྣང་ཞིང་། ཐེག་ཆེན་གྱི་ཆོས་སྒྲ་ཐོས་ལ་སྒོ་ལྔ་མ་འགགས་ཀྱང་འདོད་པའི་རྟོག་པ་མེད་ཅིང་། ཡིད་ལ་དེ་རྣམས་ཀྱི་རྣམ་པ་དང་…

ཚོན་ཐིག་ལེ་སྐུ་སྣང་། ལོགས་གཅིག་ཏུ་བཞག་པས་མི་ཡོང་ངོ་། །རིག་པ་བརྟན་པར་བྱ་བའི་ཕྱིར། །ངོ་བོ་ཉིད་ནི་རྣལ་དུ་དབབ། །ཅེས་པ་ནི། རིག་པའི་དབྱེ་བ་ལྔ་ལ་མཁས་ཤིང་རྡོ་རྗེ་ལུ་གུ་རྒྱུད་ད་ལྟ་དབྱིངས་དང་འབྲེལ་བ་དང་རྩ་ནང་ནས་བརྒྱུད་དེ་ཤར་བ་དང་། ཤར་བ་དང་པོ་རྒྱང་ཞགས་མིག་གི་ཆུ་ལ་ཤར་ཞིང་། དེ་ནས་ཕྱི་ནམ་མཁར་སྣང་བས་དབྱིབས་དང་ཁ་དོ…

ཞེས་པ་ནི། སྟོང་གཟུགས་དབྱིངས་རིག་གི་སྣང་བ་ནས་ཆོས་དང་ཆོས་ཉིད་ཡིད་ལ་སྣང་བའི་བར་ཐམས་ཅད་སྤྲོས་བྲལ་སྟོང་ཞིང་མ་འགགས་པར་སྤྱད་དགོས་ཀྱིས། སྟོང་གཟུགས་འདི་བདེན་གྱིས་སངས་རྒྱས་འདི་རང་ཡིན་ལ་སྣང་བ་འདི་ཡང་ཡེ་ཤེས་ཡིན་པས་འདི་ལ་ཞེན་པ་གྱིས་བྱས་ཀྱང་མི་ཕན་པའི་དོན་ནོ། །མདོར་བསྡུས་ན་རྣམ་པ་ཀུན་གྱི་མཆོག་དང་ལྡན་པའི་སྟོང་པ་ཉིད་…

ནས་རང་འཇིག་རྟེན་གྱི་དངོས་པོ་ལ་སྤྱོད་པ་དང་། མདོར་ན་ཕྱོགས་རེ་ལ་ཞེན་པ་དཔག་ཏུ་མེད་པ་ཡོད་ཀྱང་། དེ་ཐམས་ཅད་ལོག་ལྟ་དང་འཇིག་ཚོགས་དང་མཐར་འཛིན་དང་། མ་རིག་པའི་སྐོར་བཟློག་རྐྱང་པ་ཡིན་པས་བདུད་ཀྱིས་ཟིན་པ་ཡིན་ནོ། །བར་སྐབས་ཀྱི་ཚིགས་སུ་བཅད་པ་རྩ་བ་དྲུག་པ་ནི། འདི་བརྗོད་ཐབས་དང་ཤེས་རབ་དབྱེར་མེད་བརྩོན་འགྲུས་ལྡན། །སྤངས་ཐོབ་…

རྡོ་རྗེ་སེམས་དཔའ་ཞེས་བྱའོ། །ཞེས་པས་ཉམས་སུ་བླང་བ་གལ་ཆེའོ། །དེ་ནས་སྣང་བ་གོང་འཕེལ་རིམ་པས་འབྱུང་བའི་གཞུང་དང་རྟགས་ཚད་རྣམས་རིམ་པས་སྦྱར་ལ་ལྟའོ། །རིག་པ་མངོན་སུམ་གྱི་དོན་བསྟན་པ་སྟེ་དགུ་པའོ།། །།དེ་མན་ཆོད་ནི་རིག་པའི་རྒྱབ་བརྟེན་དང་འགལ་བ་བསྡུས་པ་དང་། གཞན་དོན་བསྡུས་པ་དང་། རིག་པ་བསྡུས་པ་དང་། སྐུ་གསུམ་བསྡུས་པ་དང་། …

དོན། །རྫོགས་རིམ་སྙིང་ཕྱུང་མངོན་སུམ་ལྟ་བའི་གནད། །མན་ངག་དེ་དང་མཐུན་པར་བདག་གིས་བསྡེབས། །ཡི་གེ་རྣམས་ལ་བལྟས་པའི་རྟོག་དཔྱོད་མིན། །བདག་ནི་བི་མ་ལ་ཡིས་བྱིན་གྱིས་བརླབས། །ཀརྨའི་ཡང་དགོན་དབེན་པར་འདུག་པའི་ཚེ། །ནམ་ལངས་དུས་མཐར་ཤར་གྱི་ཕྱོགས་རོལ་ནས། །ལྟ་བས་མི་ངོམས་འོད་ཀྱིས་མཛེས་པ་ན། །མངོན་སུམ་ལྟར་སྣང་བདག་གི་མཛོད་སྤུར…

སེམས་ཤེས་སྣང་སྲིད་གཉིས་རུ་ཤན་ཕྱེད། །དབེན་པར་སེང་གེ་འདུག་སྟངས་གསུམ་གླང་ཆེན་དང་། །དྲང་སྲོང་ལྟ་བུ་ལུས་ཀྱི་གནད། །སྟེང་འོག་ཟུར་ལ་ལྟ་སྟངས་གསུམ་མ་འགྱུར་ལྟ། །མཁའ་ལ་དབྱིངས་དང་ངོ་སྤྲོད་རིག་པ་གསུམ་རིག་པ་ཚར། །སྣང་དང་མཆེད་ཉམས་གོང་འཕེལ་རིག་དང་ཚད་དུ་ཕྱིན། །ཤེས་རབ་རང་བྱུང་སྒྲོན་ཕྱི་ནང་རིག་པ་མ་ཡིས། །ཀུན་མཐོང་ཆོས་ཟད་…

གཅུད་ཕུར་གསུམ་གྱི་རྒྱབ་ཡིག་གསང་བའི་མན་ངག་བཞུགས་སོ༔

༔ མྭ་ཐཏྲྀནརྦ྄ག༔ ༔ད་ནི་རྒྱ་མཚོ་ཨར་ལ་གཏད་པའི་དུམ་བུ་འོག་མའི་གབ་པ་རྣམས་མངོན་དུ་འབྱིན་པར་བྱེད་པའི་གནད་ཀྱི་ཡི་གེ་གསང་བ༔ རྒྱབ་བརྟེན་གསང་བར་བྱེད་པའི་གནད་བསྟན་པ་ནི༔ འདི་ལ་ནི་སློབ་དཔོན་གྱིས་ཡང་དག་པའི་གནད་གཉིས་ལས་གསུངས་ཏེ༔ དྲང་བའི་གནད་དང་ཐིག་ལེ་སྟོང་པའི་སྒྲོན་མ་རང་གི་ངོ་བོའི་གནད་གཉིས་ལས་མ་གསུངས་པས༔ འདིར་ཡང་གན…

གཙིར་བས་སྒྲོན་མའི་སྣང་བ་འོད་ཀྱི་ཐིག་ལེ་རྨ་བྱའི་མདོངས་ཀྱི་རྣམ་པ་ལྟ་བུ་ཞིག་འཆར་ཏེ༔ དེ་ལ་རང་གི་ཤེས་པ་གཏད་ཅིང་ཉམས་སུ་བླངས་བ་ནི་ཉིན་མཚན་ཐུབ་བཞིའམ༔ དྲུག་ཏུ་བཅད་ལ་བསྒོམ་པར་བྱའོ༔ དེ་ལྟར་དུ་བྱས་པས་སྒྲོན་མ་ཉིད་ལ་སྣང་བར༔ སྣང་བ་འདི་ཀུན་ཀྱང་སེར་ལམ་ལམ་པའམ༔ དམར་ལམ་ལམ་པའམ༔ དཀར་ལམ་ལམ་པའམ། སྔོ་ལམ་ལམ་བའམ༔ རྩེར་རྩེར་དང…

འཕྲང་སྒུག་པའི་གནད་རྣམས་ཀྱིས་བསྟན་པ་ཡིན་ནོ༔ ཕུག་གཏིབས་པའི་གནད་ནི་མིག་སྟེང་འོག་གཉིས་གཏིམས་པའི་ཐབས་ཀྱིས་སྣང་བ་མ་དག་པ་རྣམས་དག་པར་བྱེད་པ་ཡིན༔ ལམ་བསྒྱུར་བ་ནི་ཁ་སྣའི་རླུང་བསྡམས་ཏེ༔ ལུས་དྲག་ཏུ་གཅུད་པས་འོད་དམར་པོ་མེ་སྟག་གི་རྣམ་པ་ལྟ་བུར་སྤྲོས་ཏེ༔ འདིས་ནི་ཤེས་རབ་ཀྱི་རྩལ་འབྱིན་པར་བྱེད་པའོ༔ སྲང་དགག་པའི་གནད་ནི་རླ…

གཏིམས༔ དེ་ཉིད་ལ་བལྟས་པས༔ རབ་འབྲིང་ཐ་མའི་བྱེ་བྲག་གིས༔ ཉི་མ་བཅུ་གཅིག་དང་༔ ཉེར་གཅིག་དང་༔ སུམ་ཅུ་རྩ་ལྔས་བར་མ་ཆད་པར་བྱས་ནས་ས་རྡོ་ལ་སོགས་དངོས་པོའི་སྣང་བ་འགགས་ཏེ༔ སྲིད་པའི་བར་དོའི་སྣང་བ་ལྟ་བུ་ལ་སྤྱོད་པར་ངེས་པ་ཡིན་ནོ༔ དྲང་ཐབས་གསུམ་གྱི་གནད་བསྟན་པའོ༔ སྒྲོན་མའི་ཐིག་ལེ་སྟོང་པའི་གནད་ནི༔ དེ་ལྟར་སྣང་བ་འགགས་པའི་དུས…

གཅུད་ཕུར་གསུམ་གྱི་རྒྱབ་ཡིག་གནད་བསྡུས་སྒྲོན་མེ་བི་མས་མཛད་པ་བཞུགས་སོ༔

དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ༔ ཐོད་རྒལ་གྱི་བོགས་འདོན་རྒྱ་མཚོ་ཨར་གཏད་ཀྱི་མུན་ཁྲིད་ལ་གསུམ༔ སྔོན་དུ་འགྲོ་བ་དང་༔ དངོས་གཞི་ཉམས་སུ་བླངས་པ་དང་༔ རྗེས་སུ་ཉམས་དང་རྟགས་ཀྱི་རིམ་པའོ༔ དང་པོ་ནི་བྱམས་པ་དང་སྙིང་རྗེ་བྱང་ཆུབ་ཀྱི་སེམས་བསྒོམ༔ མཎྜལ་འབུལ༔ བླ་མ་ལ་གསོལ་བ་དྲག་པོ་གདབ་བོ༔ དངོས་གཞི་གནས་ཁང་མུན་པ་ནག་པོར་སྟན་བ…