རྟོགས་ཐོག་ཏུ་བཞག་པས་དགག་སྒྲུབ་དང་རེ་དོགས་སྤང་གཉེན་དང་། གཟུང་འཛིན་གྱིས་བསྡུས་པའི་ཉོན་མོངས་པ་ཐམས་ཅད་ཆུ་བོའི་རྙོག་མ་ལྟར་མ་སྤང་རང་སར་དྭངས་ནས། ཆོས་ཟད་ཡེ་གྲོལ་གྱི་དགོངས་པར་གནས་སོ། །དེའི་ཚེ་འཁྲུལ་བ་དོན་ལ་མེད་པར་རྟོགས་པས་ཁམས་གསུམ་འཁོར་བ་མེད་པས་བློ་བདེ། ཆོས་ལ་ངོ་བོ་མེད་པར་རྟོགས་པས་གྲུབ་མཐའི་འཁྲུལ་པ་ཞིག་ནས། ཆ…

བདུན་ལས། མཚན་མ་ཨཿདཀར་ལ་སེམས་གཟུང་བ་ནི། དབེན་པར་སྐྱིལ་ཀྲུང་བཅས་ཏེ། སྣ་རྩེར་ཨཿདཀར་པོ་གཅིག་བསྒོམས་ནས་རླུང་ཕར་འཕྲོ་དུས་རྒྱང་གིས་སོང་ཚུར་རྔུབ་དུས་ཧྲིལ་གྱིས་བྱུང་ནས་སྣ་རྩེར་གནས་པར་བསམས་ཞིང་། ཚ་བ་ཤས་ཆེ་ན། དེ་ཉིད་གྲང་བ། གྲང་བ་ཤས་ཆེ་ན་ཚ་བའི་རེག་བྱ་ཅན་དུ་བསྒོམ་ལ་ཉམས་སུ་བླངས་པས། དང་པོ་སེམས་གཞན་དུ་མི་འཕྲོ་བར་རྩ…

ལུས་སེམས་གོང་ལྟར་གློད་ལ་རླུང་འགྲོ་དུས་ཧཱུྃ་མང་པོ་ཕར་སོང་། ཚུར་འཇུག་དུས་ནང་དུ་འོང་བར་དམིགས་ལ། ཧཱུྃ་རིང་པོ་དབྱངས་དང་བཅས་པས་བླང་ཞིང་རྣམ་རྟོག་འཕྲོ་ན་སྐབས་སུ་ཧཱུྃ་ཐུང་ལ་དྲག་པོར་བརྗོད་ནས་ཉམས་སུ་བླངས་པས། སེམས་ཟིན་དུས་ཧཱུྃ་མི་བསམ་པར་བཟླས་པས་རྟོག་པ་རང་ཞི་ལ་སོང་ནས་བདེ་གསལ་རྣམ་པར་མི་རྟོག་པའི་ཡེ་ཤེས་ཉི་མ་གསུམ་གྱིས་…

ས་ཆུ་མེ་རླུང་ལ་སོགས་པ་ཐམས་ཅད་ཆུའི་ཟླ་བ་ལྟར་སྣང་ལ་མ་གྲུབ་པར་སོང་ནས་རི་བྲག་ལའང་ཟང་ཐལ་དུ་ཐོགས་པ་མེད་པར་འགྲོ་ཞིང་། སེམས་ལ་ཏིང་ངེ་འཛིན་དང་མངོན་པར་ཤེས་པ་གྲུབ་པས་ལུས་ཀྱང་ནམ་མཁའ་ལ་འགྲོ་བ་ལ་སོགས་པའི་རྫུ་འཕྲུལ་དུ་མ་འགྲུབ་བོ། །བྱང་ཆུབ་སེམས་དཔའི་བསམ་གཏན་ནི། ཞི་ལྷག་ཟུང་འབྲེལ་གྱི་དོན་རྒྱུད་ལ་སྐྱེས་པའི་ཚེ་ཡིན་ལ། ཇ…

གྲུབ་པ་ཞེས་བྱའོ། །དོན་འདི་ཉིད་རྣམ་ངེས་ལས་ཀྱང་བསྟན་ཏེ། ཐམས་ཅད་ལས་ནི་སེམས་བསྡུས་ནས། །ནང་གི་བདག་ཉིད་གཡོ་མེད་པར། །གནས་ནའང་མིག་གི་གཟུགས་དག་ནི། །མཐོང་བའི་བློ་དེ་དབང་སྐྱེས་ཡིན། །ཞེས་པ་ལྟར་རོ། །དེ་ཡང་སྒོམ་དུས་ཚོགས་དྲུག་འགགས་ནས། དྲན་མེད་ལ་སོང་ན་གཏི་མུག་གི་སྒོམ་པར་གོལ་ལ། ཡུལ་དྲུག་བཀག་ནས་བསྒོམ་ན། དྲན་པ་ཡོད་ཀྱང…

དཀར་དམར་གྱི་རྒྱུན་བབས་པས་ཁེངས་ཏེ། ལུས་ནད་ཐམས་ཅད་བདེ་བས་ཁེངས་པར་བསམས་ལ་རླུང་ཁ་སྦྱོར་དུ་གཟུང་བ་ནི་གནད་དམ་པའོ། །དེས་ནི་ཁ་ཟས་ཀྱི་ཞེན་པ་ཐམས་ཅད་རང་ཆོད་ལ་སོང་ནས་ཉིན་མཚན་བསམ་གཏན་གྱི་ཟས་ཀྱིས་འཚོའོ། །གཉིས་པ་གོས་ཀྱི་ཞེན་པ་གཅོད་པ་བསམ་གཏན་གྱི་ཐུན་ལ་བསླབ་པ་ནི། དྲང་སྲོང་གི་འདུག་སྟངས་བྱས་ཏེ། ལྟེ་བར་རི་ལས་མེ་འབར་བས་…

བསྒོམ་ཞིང་བདེན་མེད་སྟོང་པའི་ངང་ལ་སྦྱངས། མ་ཟིན་ན་བླ་མ་ལ་གསོལ་བ་དྲག་ཏུ་གདབ། མོས་གུས་དང་དག་སྣང་བསྐྱེད། ཉིན་དུས་རྨི་ལམ་དུ་ཤེས་པ་འཕྲོ་གསལ་བདེན་མེད་དུ་སྦྱངས་པའི་འདུན་པ་མེ་འབར་བ་འདྲ་བའི་བརྩོན་འགྲུས་བྱས་པས། རྨི་ལམ་སྡངས་སྐྲག་ཅན་ཁྱིའམ་དགྲས་དེད་པའམ། ཆུ་ཆེན་པོས་ཁྱེར་ལ་ཁད་པའམ། མེས་ཚིག་ལ་ཁད་པའམ། གཡང་ལ་ལྷུངས་ལ་ཁད་…

སེམས་ཁྲལ་མི་བྱ། བསྟོད་སྨད་ལ་ཆགས་སྡང་མི་བྱ། སྣང་གྲགས་སྒྱུ་མར་ཤེས་པས་སྤྱད། །རྣམ་རྟོག་འདས་པའི་རྗེས་མི་གཅད། མ་འོངས་པའི་མདུན་མི་བསུ། ད་ལྟར་གྱི་དྲན་རིག་ལ་སྤང་གཉེན་གྱི་འཁྲིས་མི་གདགས། ཐ་མལ་གྱི་ཤེས་པ་རང་སོར་བཅོས་བསླད་དང་བྲལ་བར་བསྐྱང་། སྣང་བ་སྣང་ཐོག་ཏུ་གྲོལ་བ། རྨི་ལམ་རང་ངོ་ཤེས་པས་འཇིགས་སྣང་གྲོལ་བའམ། ཐོ་ཡོར་རང…

ངང་དང་། རྗེས་ཐོབ་བསྲེས་ནས་བོགས་འབྱིན་པར་བྱེད་པ་སྟེ། དེའང་ལྟ་སྒོམ་གནད་དུ་འགྲོ་བའི་གྲོགས་ཀྱི་གཙོ་བོ་སྤྱོད་པ་ཡིན་ལ། དེའང་རང་གི་ཉམས་ལ་གང་ཕན་གྱི་སྤྱོད་པ་རིམ་པར་སྤྱད་ཅིང་། དུས་དང་འབྲེལ་བར་བྱ་བ་ཡིན་ནོ། །གཉིས་པ་དེའི་ཐབས་གོམས་པར་བྱ་བ་ལ་གསུམ་ལས། ལས་དང་པོ་པའི་སྤྱོད་པ་ནི། མི་དགེ་བ་ཆ་དང་བཅས་པ་དོར་ཞིང་། དགེ་བ་ཆ་ད…

ཤུགས་འབྱུང་འགགས་མེད་སྨྱོན་པ་ལྟ་བུའི་སྤྱོད་པས་རིག་པའི་སྣ་མི་བསྐྱིལ་བར་ཟང་ཐལ་ལ་སྤྱོད་པས། སྣང་བ་ཐམས་ཅད་གྲོགས་སུ་འཆར་བ་ཡིན་ནོ། །དེ་ནས་གཞན་གྱི་མི་དད་པ་བསྒྱུར་ནུས་པ་དང་། གསད་པ་གསོ་ནུས་པ་དང་། འབྱུང་བཞི་དབང་དུ་བསྒྱུར་བའི་རྫུ་འཕྲུལ་འགྲུབ་དུས། ཞེན་པའི་འཁྲིས་བག་ལ་ཉལ་བ་གཅད་པའི་ཕྱིར། རིག་པ་བརྟུལ་ཞུགས་ཀྱི་སྤྱོད་པ…

ལའང་གསུམ་ལས། དང་པོ་འབྲས་བུ་ངོས་གཟུང་བ་ནི། རང་རིག་ཡེ་སངས་རྒྱས་འབྲས་བུ་ལྷུན་གྲུབ་ཆེན་པོ་རང་ལ་གནས་པ་ཉིད་རང་ངོ་ཤེས་ཐོག་ཏུ་རྩལ་སྦྱོང་དུས། ཉོན་མོངས་པ་རང་སངས་རང་དག་ལ་སོང་ནས། རང་རིག་གཅེར་བུ་ལྷིང་པར་གསལ་བ་ཉིད་རེ་དོགས་བཅོས་བསླད་དང་བྲལ་བའི་ཆ་ནས། ཉི་མ་སྤྲིན་ལས་གྲོལ་བའམ། འཁྲུལ་པ་རང་རྒྱུད་པའི་ངང་དུ་མི་རྟོག་པ་དང་།…

བསླད་མེད་པར་ཕྱམ་བརྡལ་བ་ནི། རིག་པ་ཅོག་གཞག་གི་མན་ངག་ཅེས་བྱ་སྟེ། རང་རིག་ཡེ་སངས་རྒྱས་ཐོག་རང་ངོ་ཤེས་ནས་བཞག་པའི་ཕྱིར་རོ། །དེའང་མི་འགྱུར་བའི་གདམས་པ་གསུམ་དང་ལྡན་པ་གཅེས་སོ། །གང་ཞེ་ན། རྒྱལ་པོ་གདན་ས་ཟིན་ནས་མི་འགྱུར་བ་ནི། རྒྱལ་པོ་ནོན་པོ་ཆེ་རྒྱལ་སར་ཐོན་དུས། ཕོ་བྲང་དུ་ཁྲི་ལས་མ་གཡོས་པ་ཙམ་གྱིས། སྐྱེ་བོ་ཕྱི་ནང་བར་གས…

མཐའ་དང་བཅས་པ། རིག་པའི་ངོ་བོ་ནི་སྤྲོས་པ་ཐམས་ཅད་དང་བྲལ་བ། སེམས་ཀྱི་ངོ་བོ་ནི་ཀུན་གཞི་དང་ཚོགས་བརྒྱད། རིག་པའི་ངོ་བོ་ནི་ཀུན་གཞི་ཚོགས་བརྒྱད་ལས་འདས་པ། སེམས་ཀྱི་ངོ་བོ་ནི་གཉིས་འཛིན་འཁོར་བ། རིག་པའི་ངོ་བོ་ནི་གཉིས་མེད་མྱང་འདས། སེམས་ཀྱི་ངོ་བོ་ནི་རླུང་ཞོན་རིག་གདངས། རིག་པའི་ངོ་བོ་ནི་རླུང་མེད་རང་གསལ། སེམས་ཀྱི་ངོ་བོ་…

རིག་པ། སྐུ་དང་ཡེ་ཤེས་སུ་གནས་པའི་དགོངས་པ་དང་། གནད་ཐམས་ཅད་དེར་ཐུག་པའི་ཕྱིར་རོ། །ཐེག་པ་ཐུན་མོང་ལས་དེ་གཉིས་མ་ཕྱེད་པས་བྱང་ཆུབ་བསྐལ་པའམ་ཚེ་རབས་སུ་མི་ཐོབ་པ་དང་། །ཐུན་མོང་མ་ཡིན་པས་ཡིད་ལས་འདས་པའི་ཆོས་སྐུ་སྐད་ཅིག་གིས་རང་ངོ་ཤེས་པས་ཚེ་གཅིག་གིས་རླུང་རིག་དག་ནས་སངས་རྒྱ་བའི་གནད་ཀྱང་དེ་ཡིན་ནོ། །བླུན་པོ་མཁས་པའི་ང་རྒྱ…

འཇོག་ནུས་པ་ནི། རེ་དོགས་གཉིས་འཛིན་དང་བྲལ་བའི་འབྲས་བུ་ཞེས་བྱ་སྟེ། གནས་སྐབས་སུ་སེམས་ཀྱི་འཁྲུལ་བ་རང་དག །ལས་ཀྱི་རླུང་འགྱུ་བ་སྟོངས་ནས། སྤྱན་དང་མངོན་ཤེས་ལ་སོགས་པའི་ཡོན་ཏན་ཕྱོགས་མེད་དུ་འཆར་ཞིང་། ཁམས་ལ་ཡོད་པའི་དྲི་མ་རྣམས་དག་པར་བྱེད་པའོ། །མཐར་ཐུག་རིག་པའི་ནུས་པའམ་རྩལ་མངོན་དུ་གྱུར་ནས་དྲི་མ་མཐའ་དག་དང་བྲལ་བའི་དེ་…

སྐུ་ལ། །དེ་ཚེ་འགག་པ་མེད་ཅིང་སྐྱེ་བ་མེད། །སེམས་འགག་པ་དེ་སྐུ་ཡི་མངོན་སུམ་མཛད། །ཅེས་སོ། དེའང་སེམས་ཐམས་ཅད་འགག་པའི་ཡེ་ཤེས་དམ་པ་ནི། རིག་པ་སྒྲིབ་པ་དང་བྲལ་བའི་ཚེ་མངོན་དུ་གྱུར་པ་ཡིན་ནོ། །འདི་དག་ནི་རྫོགས་པ་ཆེན་པོ་བྱ་བྲལ་ལྷུན་གྱིས་གྲུབ་པའི་འབྲས་བུ་ལམ་དུ་བྱེད་པ་ཞེས་བྱའོ། །དེ་ལྟར་ངེས་དོན་སྙིང་པོའི་དོན་བསྡུས་པ། །…

ཐོད་རྒལ་གྱི་རྒྱབ་ཡིག་ཉི་ཟླ་གཟའ་སྐར་བཞུགས་སོ། །

ཐོད་རྒལ་གྱི་རྒྱབ་ཡིག་ཉི་ཟླ་གཟའ་སྐར་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཆོས་དབྱིངས་མཁའ་ལ་ཡེ་ཤེས་གཟའ་སྐར་བཀྲ། །ཐུགས་རྗེའི་འོད་དཀར་འགྲོ་བློའི་མུན་པ་སེལ། །གདོད་མའི་མགོན་པོ་ཀུན་ཏུ་བཟང་པོ་དང་། །དཔལ་མགོན་བླ་མའི་ཚོགས་ལ་ཕྱག་འཚལ་ལོ། །དེང་འདིར་སྟོན་པས་ཆོས་ཀྱི་མཛོད་དབྱེ་བ། །ཀུན་གྱི་ནང་ནས་རབ་ཟབ་སྙིང་པོའི་…

ཉིད་ཀྱང་ཡོད་པ་མ་ཡིན་ཏེ། ཡེ་ཤེས་སུ་སྣང་བ་གང་ཡང་མེད་དོ། །ཞེས་སོ། །རང་བཞིན་ལ་འཆར་གཞིའི་ཚུལ་དུ་སྐུ་ལྔ་རིགས་ལྔ་ཡེ་ཤེས་ལྔ་རླུང་ལྔ། ཤེས་རབ་ལྔ་འོད་ལྔ་ལྷུན་གྲུབ་ཏུ་གནས་སོ། །དེའང་རིག་པའི་ངོ་བོ་ནང་དབྱིངས་ལྷུན་གྱིས་གྲུབ་པའི་རྣམ་པ་ལ་སྣང་བས། རྣམ་པར་སྣང་མཛད་དང་། དེ་ཉིད་འཕོ་འགྱུར་མེད་པས་མི་བསྐྱོད་པ་དང་། ཡོན་ཏན་རིན་…