མཁའ་འདྲ་སྟོང་པ་སྤྲོས་བྲལ་ཡང་། །རྟོག་པའི་རིས་ཡིན་རང་སེམས་འཆིང་བྱེད་ཉིད། །དེ་བས་ཡིན་མིན་ཕྱོགས་འདས་ཤེས་པ་གཅེས། །མ་ལུས་རང་བཞིན་དག་པའི་སངས་རྒྱས་ནི། །རང་བྱུང་རིག་པ་བཅོས་བསླད་བྲལ་བ་སྟེ། །ཐ་མལ་གྱིན་འདའ་བློ་ལས་འདས་པ་ཉིད། །རང་གིས་རིག་སྟེ་མཚོན་པའི་ཡུལ་ལས་འདས། །དེ་ལྟར་གནས་ལུགས་དོན་གྱི་མཆོག་རིག་ན། །མ་བསྒོམ་རང་བཞ…

འོད་གསལ་མཆོག །བྱིང་རྒོད་སྤྲོས་དང་བྲལ་བ་ངང་གིས་འཆར། །སྟོང་གསལ་འགགས་པ་མེད་པའི་ཉམས་མྱོང་འབྱུང་། །གདོད་ནས་འཕོ་འགྱུར་མེད་པའི་རི་རྒྱལ་ལ། །རེ་དོགས་བཅོས་བསླད་མེད་ཀྱིས་རི་བཞིན་ཞོག །མི་དམིགས་བསམ་བརྗོད་འདས་པའི་ཡེ་ཤེས་འཆར། །འཕྲོ་གནས་སྤྱོད་པ་མེད་པའི་ཉམས་མྱོང་འབྱུང་། །སྣ་ཚོགས་སྣང་བས་སྟོང་པའི་ཡུལ་རྣམས་ལ། །རྟོག་དཔྱ…

དུས་བཞི་འཕོ་འགྱུར་མེད་པའི་ངང་ལ་ཞོག །རེ་དོགས་ཆེད་འཛིན་ཞིག་པ་རྣལ་མའི་དོན། །སུས་ཀྱང་བཅོས་སུ་མེད་པའི་གཞི་བྲལ་ངང་། །དམིགས་བསམ་གདོད་ནས་དག་པར་ཤེས་པར་བྱ། །གནས་ལུགས་ཡེ་གཞི་ལྷུན་གྲུབ་བཅོས་བསླད་མེད། །མཁའ་ལྟར་རྣམ་དག་ཕྱོགས་ལྷུང་ཀུན་དང་བྲལ། །དེ་ཉིད་རྟོགས་པ་རྣལ་འབྱོར་ལམ་གྱི་གཞི། །ཕྱོགས་བྲལ་ནམ་མཁའ་འདྲ་བས་གུད་མ་གཅད།…

བུའི་མཆོག །རེ་དང་དོགས་པ་ཀུན་ལས་འདས་པ་ཡིན། །རང་རིག་གནས་ལུགས་རྟོགས་པ་ལྟ་བ་སྟེ། །དེ་ཡི་ངང་ལ་འཇོག་པ་སྒོམ་པའི་གནད། །སྣང་སེམས་འཛིན་པ་རང་གྲོལ་སྤྱོད་པ་སྟེ། །རེ་དོགས་བཅོས་བསླད་མེད་པ་འབྲས་བུའི་མཆོག །དེ་ལྟར་ཤེས་ཏེ་རྣལ་འབྱོར་རྒྱལ་པོ་ཆེ། །ཆོས་རྣམས་ཀུན་གྱི་དབྱིངས་སམ་གནས་ལུགས་ནི། །སྐྱེ་མེད་སྤྲོས་བྲལ་རང་རིག་ཡེ་ཤེས་…

ཐོད་རྒལ་གྱི་ཡང་ཡིག་ནམ་མཁའ་ཀློང་གསལ་བཞུགས་སོ།། །།

ནམ་མཁའ་ཀློང་གསལ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །མགོན་པོ་གདོད་ནས་རྫོགས་སངས་རྒྱས། །འོད་གསལ་ཡེ་ཤེས་རིགས་ལྔའི་བདག །འཁོར་འདས་ཀུན་གྱི་དཔལ་ཏུ་གྱུར། །ཀུན་ཏུ་བཟང་ལ་ཕྱག་འཚལ་ལོ། །གདོད་མའི་འོད་གསལ་སྙིང་པོ་ལས། །ཀུན་ཏུ་བཟང་གྲོལ་སེམས་ཅན་འཁྲུལ། །འཁྲུལ་བའི་ལྡོག་ཚུལ་འབྲས་བུ་རྣམས། །རྒྱུད་ལུང་མན་ངག་ཇི་བཞི…

རིག་པས། །སྐད་ཅིག་གཅིག་གིས་བྱེ་བྲག་ཕྱེད། །སྐད་ཅིག་གཅིག་གིས་རྫོགས་སངས་རྒྱས། །ཀུན་ཏུ་བཟང་པོའི་གྲོལ་ཚུལ་ལོ། །སྣང་བའི་ཡེ་ཤེས་རང་འོད་ལ། །རང་ངོ་ཤེས་པས་ལྷན་ཅིག་པས། །ལྷན་ཅིག་སྐྱེས་པའི་ཡེ་ཤེས་འཆར། །ཤེས་བཞིན་ལུང་མ་བསྟན་བཅོམ་ནས། །ཡེ་སངས་རྒྱས་ལ་ཡང་སངས་རྒྱས། །གདོད་མའི་དབྱིངས་སུ་མཐར་ཕྱིན་ནས། །ཀུན་གྱི་སྔོན་རོལ་སྟོན…

མི་གཡོ་བ། །ཡེ་ཤེས་གསུམ་གྱི་རང་བཞིར་ཕྱིར། །སྐུ་གསུམ་ལྷུན་གྲུབ་དབྱིངས་སུ་གཅིག །རིག་པའི་གདངས་དང་རླུང་འདྲེས་པས། །ཀུན་གཞིའི་རྣམ་ཤེས་ཚོགས་དང་བཅས། །འཁོར་བའི་འདུ་བྱེད་ཉིད་དུ་ཤར། །རྩ་བའི་གནས་ནི་རླུང་ཅན་གྲོང་། །དེ་ལས་ནང་གི་རྩ་འདབ་དང་། ཁ་སྣའི་སྒོར་ནི་འགྱུ་བའི་རྟ། །རིག་གདངས་མི་ཞོན་སེམས་ཞེས་བྱ། །ཡུལ་དྲུག་འཛིན་ལས…

ལ་རྣམ་པ་གཉིས་ཡིན་ཏེ། །ཕྱི་དབྱིངས་ནམ་མཁའ་སྤྲིན་བྲལ་ལ། །ནང་དབྱིངས་རྣམ་དག་སྒྲོན་མའོ། །དེ་ཡང་སྙིང་དབུས་འོད་ལྔ་ཡི། །ཕོ་བྲང་མུ་ཁྱུད་བཅས་པའི་གདངས། །ཕྱི་ཡི་ནམ་མཁའ་འཇའ་ཚོན་ལྔའི། །ཀློང་ན་འོད་ཟླུམ་མུ་ཁྱུད་རིས། །པདྨ་འདབ་མ་བཞི་བཞིས་བརྒྱན། །གཡོ་འགུལ་ཤས་ནི་ཆུང་བར་གནས། །རྒྱང་ཞགས་ཆུ་ཡི་སྒྲོན་མ་ནི། །མིག་གཉིས་ཨ་འབྲས་ད…

ཟུང་འཇུག་རང་བྱུང་ཡེ་ཤེས་ཏེ། །སྙིང་ཏིག་གསང་བའི་ལམ་དུ་བཤད། །གང་ཚེ་སྤྲོས་ཀུན་ཉེར་ཞིའི་ཚེ། །རང་རིག་ཡེ་ཤེས་མངོན་པར་སྣང་། །དེ་ཕྱིར་དོན་འདི་ཤེས་པར་བྱ། །དེང་སང་དུས་ཀྱི་སྒོམ་ཆེན་ཕལ། །རྟོག་པ་ཁོལ་བུར་འཆིང་འཆིང་ནས། །མི་རྟོག་ཡེ་ཤེས་ངོས་མ་ཟིན། །སེམས་གནས་བཟང་ཡང་གོང་མ་ཡི། །བསམ་གཏན་གཟུགས་མེད་རྣམ་བཞིར་གོལ། །སྙིང་ཏིག་…

པའི་མི་ལྟར་འགྱུར། །ཡེ་ཤེས་རང་རིག་སྔོན་བས་གསལ། །མངོན་ཤེས་རྫུ་འཕྲུལ་ཏིང་འཛིན་འགྲུབ། །གསུམ་པ་རིག་པ་ཚད་ཕེབས་ནི། །སྐུ་ཡི་སྣང་བ་ཤར་བ་དེ། །རང་ལུས་འོད་དུ་གྲོལ་གྱུར་ནས། །རི་བྲག་རྣམས་ལ་ཟང་ཐལ་ལོ། །སེམས་ཀྱང་མི་འཕྲོ་རླུང་དག་ཕྱིར། །འབྲུམ་ནད་བྱང་བ་ལྟ་བུ་སྟེ། །བསྐྱར་ནས་འོང་བ་མེད་པ་བཞིན། །རྣམ་རྟོག་ཕྱིས་ནི་སྐྱེ་བ་མིན…

འཁྲུལ་བའི་གཟུགས། །དེ་ཚེ་རང་ངོ་ཤེས་ན་གྲོལ། །རང་སྣང་འགྲོ་འདུལ་ཐུབ་པ་ཡིས། །འཁྲུལ་སྣང་སྟོང་པའི་དོན་མཛད་ནས། །ལོངས་སྐུ་སྤྲུལ་སྐུར་ཐིམ་པ་ཉིད། །ཆོས་སྐུ་ཀ་དག་གདོད་མའི་ས། །གཞོན་ནུ་བུམ་པའི་ངང་དུ་ཐིམ། །ནང་གསལ་མི་གཡོ་སྤྲོས་བྲལ་བ། །ཆོས་སྐུ་བསམ་མེད་བརྗོད་འདས་ལས། །ལོངས་སྐུ་ཕྱིར་སྣང་དོན་མཛད་དོ། །དེ་ཚེ་རང་ངོ་མ་ཤེས་ན།…

སྤྲུལ་སྐུ་སྣ་ཚོགས་ཆུ་ཟླ་བཞིན། །འཁོར་བ་ཇི་སྲིད་དོན་མཛད་དོ། །ནོར་བུ་བུམ་བཟང་དཔག་བསམ་གྱི། །ཤིང་བཞིན་ལྷུན་གྲུབ་དོན་ཀུན་མཛད། །སེམས་དང་སེམས་བྱུང་རབ་འགགས་པས། །རྣམ་པར་རྟོག་མེད་སྤྲོས་ཀུན་ཞི། །ཡེ་ཤེས་རང་བཞིན་མངོན་གྱུར་པས། །ཇི་སྙེད་ཇི་བཞིན་ཀུན་ཏུ་མཁྱེན། །ཡེ་ནས་ལྷུན་གྲུབ་མངོན་གྱུར་པས། །འདུས་མ་བྱས་ཤིང་འཕོ་འགྱུར་…

གཉིས་ཀའི་ཡང་ཡིག་ནམ་མཁའ་ཀློང་ཆེན་བཞུགས་སོ། །

ནམ་མཁའ་ཀློང་ཆེན་ཞེས་བྱ་བ། །བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དཔལ་ལྡན་ཡོན་ཏན་དམ་པའི་གཞིར་གྱུར་ཅིང་། །རྒྱལ་བ་རྒྱལ་སྲས་ཡིད་བཞིན་འབྱུང་བའི་མཛོད། །ཆོས་དབྱིངས་དྲི་མེད་ཤིན་ཏུ་རྣམ་དག་པ། །མི་གཡོ་སྤྲོས་དང་བྲལ་ལ་ཕྱག་འཚལ་ལོ། །གསང་སྔགས་ཀུན་གྱི་མཐར་ཐུག་སྙིང་པོའི་དོན། །མངོན་སུམ་འོད་གསལ་རྡོ་རྗེ་སྙིང་…

མཐོང་བསྒྲིབས་པའི་དཔེས། །ས་འོག་གཏེར་དང་བུམ་ནང་མར་མེ་དང་། །སྦུན་པའི་འབྲས་དང་ས་ནང་བདེ་གཤེགས་དང་། །གོས་དུལ་རིན་ཆེན་འདམ་རྫབ་ནོར་བུ་དང་། །པད་ནང་སྦྲང་རྩི་རྡོ་ཁམས་རིན་ཆེན་དང་། །གྱད་ཀྱི་ནོར་བུ་དངུལ་འདམ་གསེར་ཉིད་དང་། །ལྗོན་ཤིང་འབྲས་དང་འོ་མའི་མར་ཉིད་དང་། །སྟོང་གསུམ་དར་ཡུག་ཆེན་པོ་ལ་སོགས་པས། །ཉེ་བར་མཚོན་ཏེ་ལུང་ལ…

འབྲས་བུ་སྲིད་པའི་བདེ་སྡུག་སྣ་ཚོགས་སྣང་། །རྐྱེན་ལས་སྐྱེས་ཕྱིར་གློ་བུར་འདུས་བྱས་ཕྱིར། །མི་བདེན་བསླུ་བ་འཁྲུལ་བའི་རང་བཞིན་ཡིན། །གཡོ་བའི་ཀུན་རྟོག་གིས་སྤྲུལ་འཇིག་རྟེན་པ། །མི་བརྟན་འཇིག་པའི་ཆོས་དེ་འདུས་བྱས་ཕྱིར། །མ་རིག་མི་འདྲ་དེ་ལས་གཟུང་འཛིན་གྱིས། །འདུ་བྱེད་སྐྱེས་བུའི་མཐེབ་མཛུབ་དང་འདྲ་ཞིང་། །ལས་ནི་འཕེན་བྱེད…

པས། །འཁོར་བའི་ཆོས་ཀུན་ཡེ་ནས་མ་སྐྱེས་སོ། །ཇི་ལྟར་རྨི་ལམ་སྒྱུ་མའི་སྐྱེ་འགགས་ལྟར། །སྐྱེ་བར་སྣང་ཡང་མ་སྐྱེས་སྟོང་པའི་ངང་། །གནས་པར་སྣང་ཡང་མི་གནས་སྟོང་པའི་ངང་། །འགགས་པར་སྣང་ཡང་མི་འགག་འགག་རྒྱུ་མེད། །ཡེ་ནས་མེད་པས་སྐྱེ་བ་མི་སྲིད་ཅིང་། །མ་སྐྱེས་པ་ལས་གནས་པ་ག་ལ་སྲིད། །མི་གནས་པ་དེ་ནམ་ཡང་འགག་ཏུ་མེད། །ཇི་ལྟར་མོ་གཤམ…