དེ་ཉིད་ཀྱི་ཆོས་ཉིད་དེའི་ངང་ལ་བཞག་པར་བསྟན་པ་ཡིན་གྱི། བསྐྱེད་རིམ་སྨོས་པ་མ་ཡིན་ནོ། །ཁ་ཅིག་བསྐྱེད་རིམ་ལྷའི་དཀྱིལ་འཁོར་ལ་སྦྱོར་བ་དེ་དག་གིས་ཕྱོགས་ཙམ་མ་མཐོང་ཞིང་འཛོལ་བར་ཟད་དོ། །གཉིས་པ་ནང་རྫོགས་པའི་རིམ་པ་ལ་གཉིས་ཏེ། སྤྱིའི་དོན་དང་། གཞུང་གི་དོན་ནོ། །དང་པོ་ལ་གཉིས་ཏེ། ཐབས་ལམ་དང་། གྲོལ་ལམ་མོ། །དང་པོ་ནི། རྒྱ་མཚོ་…

ཤེས་ཀྱི་རླུང་བག་ལ་ཞ་བའི་ཚུལ་གྱིས་གྲངས་མཐུན་པར་རྒྱུ་ཡང་། གསལ་པོར་མི་རྒྱུ་བས་ཡོན་ཏན་ཁྱད་པར་ཅན་མངོན་དུ་མ་གྱུར་པ་ཡིན་ཞིང་། རླུང་བཅིངས་པ་ན་ཉོན་མོངས་པའི་རླུང་ཉིད་ཡེ་ཤེས་ཀྱི་རླུང་དུ་གྱུར་པ་རྒྱུ་བས་རྣལ་འབྱོར་པ་ལ་ཡོན་ཏན་འཆར་རོ། །སྤྱིར་རགས་པའི་རླུང་ཉི་ཁྲི་ཆིག་སྟོང་དྲུག་བརྒྱ་ཉིན་ཞག་གཅིག་ལ་རྒྱུ་བ་ཡིན་ནོ། །དེའང་…

སྟེ། ཀུན་ཏུ་བཟང་པོའི་མན་ངག་སྙིང་ལ་བསྒོམ་པ། ཀུན་ཏུ་བཟང་མོའི་མན་ངག་ལྟེ་བ་ལ་བསྒོམ་པ། སྦྱོར་བ་དག་པའི་མན་ངག་མགྲིན་པ་ལ་བསྒོམ་པ། བརྡལ་ཁྱབ་ཆེན་པོའི་མན་ངག་སྤྱི་བོ་ལ་བསྒོམ་པའོ། །དང་པོ་ནི། སྙིང་ག་ཆོས་ཀྱི་འཁོར་ལོ་རིན་པོ་ཆེའི་སྒྲོམ་ན་དྭངས་མ་ལྔ་འདུས་ཀྱི་ཐིག་ལེ་ཡུངས་འབྲུ་ཙམ་པ་ལྔའི་ངོ་བོ་ཡབ་ལྔའི་རྒྱུར་སེམས་སྦྱང་། ད…

ལྟོས་པའི་དགའ་བ་བཞི་ནི་ཡབ་ཀྱི་ལུས་ཁོལ་བུར་བདེ་བ་སྐྱེས་པ་དགའ་བ། ཁྱབ་པར་སྐྱེས་པ་མཆོག་དགའ། ཡུམ་ལ་ཁོལ་བུར་སྐྱེས་པ་དགའ་བྲལ། ཁྱབ་པར་སྐྱེས་པ་ལྷན་ཅིག་སྐྱེས་དགའ་འོ། །གོ་རིམ་ལ་ལྟོས་པའི་དགའ་བ་བཞི་ནི་སྤྱི་བོར་དགའ་བ། མགྲིན་པར་མཆོག་དགའ། སྙིང་གར་དགའ་བྲལ། གསང་བར་ལྷན་ཅིག་སྐྱེས་དགའ་འོ། །གཉིས་པ་ས་ལམ་གྱི་རྫོགས་ཚུལ་ནི་རྡ…

རབ་ཡེ་ཤེས་ཀྱི་དབང་གི་ངོ་བོའོ། །དེའི་ཚེ་ཕ་རོལ་ཏུ་ཕྱིན་པ་བཅུ་ཡང་རྫོགས་ཏེ། བྱང་ཆུབ་སེམས་ཀྱིས་རྩ་གནས་ཐམས་ཅད་ཁྱབ་པར་གཏོང་བ་སྦྱིན་པ། མི་འཛག་པར་སྡོམ་པས་ཚུལ་ཁྲིམས། སྦྱོར་བའི་ཐབས་ལ་མི་སྐྲག་པས་བཟོད་པ། བདེ་བའི་ཐབས་ལ་འབད་པས་བརྩོན་འགྲུས། དེའི་ངང་ལ་སེམས་རྩེ་གཅིག་པ་བསམ་གཏན། རྟོག་ཚོགས་བདེ་བའི་དཀྱིལ་འཁོར་དུ་ཤར་བ་ཤེས…

སྦྱར་ནས་རྫོགས་པར་འདོད་པའི་ལུགས་ཡོད་ཀྱང་། འདིར་བླ་མའི་མན་ངག་གིས་ཡས་བརྟན་དང་མས་བརྟན་གྱི་རིམ་པ་ལ་སྦྱར་བ་ཡིན་ནོ། །དེ་བཞིན་དུ་མངོན་ཤེས་དྲུག་དང་མཚན་དཔེ་ཡང་རྫོགས་ཏེ། ཐབས་ཀྱིས་དྲངས་པས་ཐིག་ལེ་རང་གནས་སུ་སླེབས་པ་སྔོན་གྱི་གནས་རྗེས་སུ་དྲན་པའི་མངོན་པར་ཤེས་པ། ཐིག་ལེ་འགྲོ་འོང་བྱེད་པ་རྫུ་འཕྲུལ་གྱི་མངོན་ཤེས། བདེ་སྟོང…

བརྒྱུས་པ་ལྟར་དྲང་བ་དང་། ལུས་ཐམས་ཅད་ལ་ཁྱབ་པར་དགྲམ་པ་དང་། དེ་ཐམས་ཅད་གནས་ལུགས་རྫོགས་པ་ཆེན་པོའི་ངང་ལ་རང་བཞིན་གཉིས་སུ་མེད་པར་མཉམ་པར་བཞག་པའོ། །དེའི་འབྲས་བུ་ནི་མཆོག་དང་ཐུན་མོང་གི་དངོས་གྲུབ་མྱུར་དུ་ཐོབ་པ་སྟེ། ཨཱ་ལི་ཀཱ་ལིའི་ཕྱག་རྒྱ་ཡིས། །ཐམས་ཅད་ཐམས་ཅད་འགྲུབ་པར་འགྱུར། །ཞེས་སོ། །གསུམ་པ་དེའི་གྲོགས་ཙཎྜ་ལཱི་བསྒོམ…

དུ་འཆར་རོ། །དེ་ལྟར་ཞི་གནས་ཀྱིས་ཟིན་པའི་ལྷག་མཐོང་བསྒོམས་པས་ཉོན་མོངས་པ་མགོ་ནོན་པ་དང་རྩ་བ་དྲུངས་ནས་འབྱིན་པ་ཡིན་ཏེ། ཡེ་ཤེས་རྒྱས་པ་ལས། ཞི་གནས་ཀྱིས་ནི་ཉོན་མོངས་མགོ་ནོན་ཞིང་། །ལྷག་མཐོང་དམ་པས་རྩ་བ་རབ་ཏུ་འབྱིན། །ཞེས་པ་དང་། སྤྱོད་འཇུག་ལས། ཞི་གནས་རབ་ཏུ་ལྡན་པའི་ལྷག་མཐོང་གིས། །ཉོན་མོངས་རྣམ་པར་འཇོམས་པར་ཤེས་བྱ་སྟེ…

ཐུག་ལྷུན་གྱིས་གྲུབ་པའི་རིག་འཛིན་གྱི་ཞིང་ཡེ་ཤེས་ཀྱི་སྒྱུ་མར་སངས་རྒྱས་ཉིད་ལ་རང་སྣང་བ་ལྷུན་སྟུག་པོ་བཀོད་པའི་རང་བཞིན་བཀོད་པ་ཚད་མེད་པའི་རོལ་མོ་རིགས་ལྔའི་དཀྱིལ་འཁོར་བསམ་ཡས་དང་མཆོག་ཆོས་སྐུའི་ཞིང་ཁམས་ཀུན་ཏུ་བཟང་པོའི་གཞི་ལ་མཐར་ཕྱིན་པ་ཉིད་འཐོབ་བོ། །གསུམ་པ་གསང་བ་འོད་གསལ་གྱི་རིམ་པ་ལ་གཉིས་ཏེ། སྤྱིའི་དོན་དང་། གཞུ…

གྲུབ་ནི་སངས་རྒྱས་ཉིད་དེ་དཀྱིལ་འཁོར་དེ་ཉིད་མངོན་དུ་གྱུར་པའོ། །དེ་ལྟ་བུའི་འོག་མིན་ཡེ་ནས་རང་ལ་ཡོད་པས་བསྐྱེད་རྫོགས་གསལ་བཏབ་པས་འཚང་རྒྱ་བ་ཡིན་གྱི། སྐུ་དང་ཡེ་ཤེས་ཀྱི་ཞིང་ཁམས་དག་པ་ཕྱོགས་བཅུའི་འཇིག་རྟེན་གཞན་ནས་བཙལ་ཅིང་བསྒྲུབ་ཏུ་མེད་དེ། ཕྱོགས་བཅུ་དུས་བཞི་གང་ནས་ཀྱང་། །རྫོགས་པའི་སངས་རྒྱས་རྙེད་མི་འགྱུར། །སེམས་ཉི…

རྒྱུད་ལ་ལྡན་ཀྱང་བླང་བྱ་མིན། །མཚན་མའི་གཡེང་བ་ཡིན་ཕྱིར་རོ། །ཞེས་སོ། །དེ་ལྟར་མུན་པའི་རྣལ་འབྱོར་ལ་གོམས་ནས་ཉིན་མོའི་ཚེ་སྔ་མ་བཞིན་དུ་འདུག་ལ་གང་དུའང་དྲན་བསམ་མ་བྲལ་བའི་ངང་དུ་བཞག་སྟེ། དེ་ལས། མི་དམིགས་ཤིན་ཏུ་མི་དམིགས་དང་། །རྗེས་སུ་མི་དམིགས་རིམ་པ་ཡིས། །མི་གནས་མི་རྟོག་རློམ་སེམས་མེད། །རྟོག་པའི་སྨྲ་བསམ་ཡུལ་ལས་འདས…

བརྗིད་ཕྲེང་བ་ལྟ་ན་སྡུག །ཅེས་པ་དང་། ཕལ་བོ་ཆེ་ལས། རིན་ཆེན་རྒྱ་མཚོ་འབྲེལ་བ་ཡིས། །འོད་ཀྱི་དཀྱིལ་འཁོར་རྣམ་པར་བཀྲ། །ལ་ལ་ནམ་མཁའི་དཀྱིལ་ན་གསལ། །ཞེས་སོ། །དཔལ་བེའུ་དང་རིན་ཅེན་ནི་སྙིང་གའོ། །རྒྱ་མཚོ་ནི་མིག་གོ །འབྲེལ་བ་ནི་ཤར་བ་སྟེ་སྟོང་གཟུགས་ནམ་མཁར་སྣང་བའོ། །དེ་ལྟར་སྣང་བ་ནི་ཆོས་ཉིད་མངོན་སུམ་གྱི་སྣང་བའོ། །དེའི་ཚེ…

དྲོད་གསུམ་དང་དབུགས་ཕྱི་ནང་དུ་རྒྱུ་བ་རགས་པ་ལ་དབང་ཐོབ་སྟེ། དེ་ཉིད་ལས། དེ་ལྟར་བྱ་བྱེད་མེད་བསྲིངས་ན། །ལུས་ངག་སེམས་ལ་དྲོད་འབྱུང་སྟེ། །བཟོད་པ་ཕྲ་མོ་ཐོབ་པ་དང་། །འགྱུ་བའི་དབུགས་ལ་དབང་ཐོབ་སྟེ། །དོན་ལ་རྣལ་དུ་ཕེབས་པ་དང་། །ངེས་པར་དྲོད་གསུམ་མྱོང་བའོ། །ཞེས་སོ། །དེའང་ཕྱི་རྟགས་སུ་འོད་དང་ཐིག་ལེའི་སྣང་བ་ནི་ཟད་པར་ཡི་ག…

མར་མཐོང་བས་ཆོས་ཐམས་ཅད་ལ་འཛིན་ཞེན་མེད་པའོ། །དེའི་ཚེ་ལུས་ཤིང་བལ་ལྟར་ཡང་བ་དང་། དབུགས་ཕྱི་ནང་དུ་རྒྱུ་བ་མི་ཚོར་བ་དང་། ཕྱི་ནང་གི་སྲིན་བུ་དང་ཤིག་སྲོ་མེད་པ་ལ་སོགས་པའི་རྟགས་དང་ལྡན་པའོ། །སྣང་བ་གསུམ་པ་ནི་སྣང་བ་ཐམས་ཅད་ལྷའི་དཀྱིལ་འཁོར་དུ་རང་སྣང་བ་སྟེ། ལམ་རིམ་ལས། ཕུང་སོགས་དཀྱིལ་འཁོར་ལྷར་སྣང་བ། །རྒྱ་མཚོ་དྭངས་པའི་ག…

ལས་མ་གཡོས་ཤིང་། །སྟོང་གི་འཇིག་རྟེན་བརྒྱ་སྟོང་ཕྲག །བཅུ་ཡི་རྡུལ་སྙེད་འཇིག་རྟེན་དང་། །ཞིང་གྲངས་མེད་པ་བརྒྱ་སྟོང་ཕྲག །བཅུ་ཡི་རྡུལ་སྙེད་ཞིང་ཁམས་སུ། །རྔོན་དང་སྨད་འཚོང་ལ་སོགས་པ། །སྤྲུལ་པའི་ལུས་ཀྱིས་འདུལ་བར་བྱེད། །ཅེས་སོ། །དེ་ལྟར་སྣང་བ་བཞི་མཐར་ཕྱིན་ནས་འབྲས་བུ་སངས་རྒྱས་ཀྱི་ས་མཆོག་གསུམ་ལྷུན་གྱིས་གྲུབ་བོ། །དེའི…

ཞེས་སོ། །རྟོག་པ་མེད་པར་གསལ་བ་མེ་ལོང་ལྟ་བུའི་ཡེ་ཤེས་ནི། ཡུལ་མེད་མེ་ལོང་ལྟར་གསལ་བ། །ཞེས་སོ། །བཟང་ངན་མེད་པར་གསལ་བ་མཉམ་པ་ཉིད་ཀྱི་ཡེ་ཤེས་ནི། མི་ཕྱེད་བླང་དོར་མེད་མཉམ་ཞིང་། །ཞེས་སོ། །ཆོས་སྤྱི་དང་མཚན་ཉིད་མ་འདྲེས་པར་གསལ་བ་སོ་སོར་རྟོག་པའི་ཡེ་ཤེས་ནི། ཉིད་ཀྱི་དབྱིངས་ལས་མི་གཞན་ཕྱིར། །ཤེས་དང་རང་སྤྱི་དབྱེར་མེད་གསལ…

མཛད། །དེ་ཉིད་རིགས་བཞིའི་ཆ་འཛིན་པ། །ལས་ཀྱི་རིགས་ལ་ལྷུན་གྱིས་གྲུབ། །ཅེས་སོ། །ཚུལ་འདི་ནི་རྒྱུད་འདི་ཡི་ཤིན་ཏུ་གསང་བ་གབ་ཅིང་སྦས་པའི་བརྗོད་བྱ་སྟེ། སློབ་དཔོན་ཆེན་པོ་པདྨ་འབྱུང་གནས་ཀྱིས་མཛད་པའི་འོད་གསལ་རིན་པོ་ཆེའི་སྒྲོན་མ་ལས་འབྱུང་བ་ལྟར་བཀོད་པ་ཡིན་ནོ། །སློབ་དཔོན་ཆེན་པོ་བི་མ་ལ་མི་ཏྲའི་འདའ་ཀ་མའི་གདམས་ངག་དང་སྦྱ…

པར་སངས་རྒྱས་པའི་སངས་རྒྱས་ཐམས་ཅད་ཀྱི་སྐུ་དང་གསུང་དང་ཡོན་ཏན་དང་འཕྲིན་ལས་དང་ཐུགས་ཀྱི་དཀྱིལ་འཁོར་མ་ལུས་པའི་བདག་ཉིད་ཀྱི་ཞལ་མཐོང་བ་ཡིན་ཏེ། རྒྱས་པ་ལས། མཚན་མ་མེད་པའི་དོན་མཐོང་ན། །སངས་རྒྱས་ཀུན་གྱི་དཀྱིལ་འཁོར་མཐོང་། །ཞེས་པ་དང་། ཆོས་གཅིག་མཐོང་བས་ཀུན་མཐོང་བ་དང་། སངས་རྒྱས་མཐར་ཐུག་ཆོས་སྐུར་བཤད་པ་དང་། སྐྱེ་མེད་ཀྱི…

ཚོགས་པ་མཛད་པ་ཡིས་གང་ལ་གང་འདུལ་དུ་སྣང་ཡང་། སྣང་དུས་ཉིད་ནས་བསྒྲལ་བར་བྱ་བའི་སེམས་ཅན་རང་མཚན་པ་དང་སྒྲོལ་བར་བྱེད་པའི་སྤྲུལ་སྐུ་བདེན་པར་མེད་པའི་ཚུལ་གྱིས་གདུལ་བྱ་དང་འདུལ་བྱེད་ཀྱི་དཀྱིལ་འཁོར་གཟུགས་བརྙན་དང་སྤྲུལ་པ་ལྟ་བུར་སྤྱོད་པ་འཐོབ་པའོ། །དེ་སྐད་དུའང་སྒྱུ་འཕྲུལ་དྲྭ་བ་ལས། སེམས་ཅན་སྒྱུ་མ་ལྟ་བུའི་རྣམ་པ་སྟེ། །བྱ…

སྲས་སུ་དགོངས་བར་འགྱུར་རོ། །དཔེར་ན་འཁོར་ལོས་སྒྱུར་བའི་རྒྱལ་པོ་ལ་བུ་སྟོང་ཡོད་ཀྱང་མཚན་དང་ལྡན་པ་དེ་བུའི་དམ་པར་འཛིན་པ་བཞིན་དུ་ཉན་རང་དང་རྒྱུ་ལ་གནས་པའི་བྱང་ཆུབ་སེམས་དཔའ་རྣམས་ཉེ་བའི་སྲས་མ་ཡིན་ཏེ། དེ་དག་གིས་སངས་རྒྱས་ཀྱི་དགོངས་པ་རང་བཞིན་གསང་བའི་སྙིང་པོ་ཐོས་པ་ལ་སོགས་པའི་སྤྱོད་ཡུལ་དུ་མ་གྱུར་པའི་ཕྱིར་རོ། །གཉིས་པ…