ལྷ་ཡིན་པས༔ སྲོག་གི་ཕྱིར་ཡང་མི་གཏོང་སྟེ༔ ཌཱཀྐི་སྡེ་བཞི་ང་ཡི་གཡོག༔ བྱ་དགའི་ཕྱིར་ཡང་མི་གཏོང་སྟེ༔ བདག་སྙིང་མཚོ་རྒྱལ་ཁྱོད་ལ་གཏད༔ མ་སྤེལ་ཐུགས་ཀྱི་དཀྱིལ་དུ་སྟིམས༔ བློ་རྡོ་རིན་ཆེན་ཐིགས་པ་བསྟན༔ ཡབ་ཡུམ་ཞལ་སྦྱོར་ལྟོ་བ་རུ༔ མུ་ཁྱུད་ལྟེ་བ་དང་བཅས་པའི༔ དབུས་སུ་ཡབ་ཡུམ་ས་བོན་བྲི༔ ཡབ་ཀྱི་ལྟོ་བའི་རྩིབས་བཞི་ལ༔ ཡབ་ཀྱི་ས་…

མཁའ་འགྲོ་མའི་ནོར་སྒྲུབ་གཏེར་གྱི་བུམ་པ་བཞུགས་སོ༔

རིགས་ཀྱི་ཌཱཀྐི་ལྔ་ལ་ཕྱག་འཚལ་ལོ༔ ༔སློབ་དཔོན་པདྨ་འབྱུང་གནས་ཀྱིས་མཛད་པའི་མཁའ་འགྲོ་མའི་ནོར་སྒྲུབ་གཏེར་གྱི་བུམ་པ་ཞེས་བྱ་བ་འདི་བསྒྲུབ་པའི་རྫས་ལ༔ ཀ་པཱ་ལ་དུམ་བུ་གཅིག་པ༔ དབུས་ན་གཤོང་བུ་བཞི་འདུག་པ་ན་དེ་འདོད་འཇོའི་བ་ཡིན་ཏེ༔ མདུན་ན་གཤོང་བུ་གསུམ་འདུག་ན་ཡིད་བཞིན་གྱི་ནོར་བུ་ཡིན་ནོ༔ དཔག་བསམ་གྱི་ཤིང་ལ་འབྲས་བུ་ཆགས་པ༔…

འཕྲོས་པས༔ སྲིད་པ་གསུམ་དང་གླིང་བཞིའི་ལྷ་འདྲེ་མི་གསུམ་གྱི་ནོར་བུ་གྱུར་པ་ཐམས་ཅད་དང་༔ སྐུ་གསུང་ཐུགས་ཀྱི་རྟེན་དང་ལྷ་འདྲེ་མི་གསུམ་གྱི་སྲོག་དང་ཡོན་ཏན་ཐམས་ཅད་བསྡུས་ནས་ཐོད་པའི་ནང་གི་རྫས་ལ་བསྟིམ་མོ༔ གཞན་ཡང་དངོས་གྲུབ་ཀྱི་རྫས་ཟས་ཀྱི་རྣམ་པ་ཅི་མང་དུ་བཤམས་ཤིང་བསྟིམས་ལ༔ སྔགས་དང་ཏིང་ངེ་འཛིན་གྱི་སྤྲོ་བསྡུ་ནུས་ཚད་བྱའོ…

ཛཿཧཱུཾ་བཾ་ཧོ༔ བ་སུ་སིདྡྷི་ལ་སོགས་འགྲེའོ༔ ཧཱུཾ་བཞེངས་ཤིག་མཁའ་འགྲོ་གནས་ནས་བཞེངས༔ མཁའ་འགྲོ་ཉེར་བརྒྱད་གནས་ནས་བཞེངས༔ དུར་ཁྲོད་གནས་ནས་སྐུ༴ རིན་ཆེན༴ ༀ་ཨཱཿཧཱུཾ༔ ཧཱུཾ་མཾ་ཧྲཱི་ཧ༔ ཧཱུཾ་མ་ཧྲཱི་ཧ༔ བ་སུ་ལ་སོགས་འགྲེའོ༔ ཞེས་བསྐུལ་བས༔ མཁའ་འགྲོ་མ་རྣམས་ཀྱིས་དངོས་གྲུབ་ཆར་ལྟར་ཕབ་པར་བསམ༔ གྲུབ་པའི་རྟགས་ནི༔ རབ་ཌཱཀྐི་མས་དངོས…

དངོས་གྲུབ་ཐོབ་བོ༔ རྗེ་མོར་བྱུང་ན་ལས་བཀོལ་དཀའ་སྟེ་བརྒྱུད་འཛིན་རིགས་ཀྱི་དངོས་གྲུབ་ཐོབ༔ ཡུགས་སར་བྱུང་ན་དམ་ཚིག་ཉམས་པ་དང་མི་གཙང་བ་ཡོད་པས་ཁྲུས་དང་བསྐང་བཤགས་བྱ༔ སྦྲང་མོར་བྱུང་ན་ཐུགས་དམ་མི་བསྐངས་པས་ཚོགས་གཏོར་གྱིས་ཐུགས་དམ་བསྐང་ངོ་༔ ཕོ་ཚོགས་སུ་བྱུང་ནས་དངོས་གྲུབ་སྟེར་ན༔ དངོས་གྲུབ་མྱུར་བར་འོང་སྟེ་བར་ཆད་ཡོང་ཉེན་…

པ་ཡང་ཡང་འབུལ༔ སྔགས་གོང་མ་བཟླས༔ ཟས་ནོར་འདུ་བར་འགྱུར་ན༔ ཟས་ཚོགས༔ གཏོར་ཚོགས༔ མེ་ཚོགས་བྱ༔ མི་ཕོ་མོ་ཐམས་ཅད་ཀྱི་སྙིང་འགུལ་ནས་འདུའོ༔ མཁའ་འགྲོ་མ་ཐམས་ཅད་མཚོ་ལ་ངང་ངུར་འདུ་བ་བཞིན་དུ་འདུ་འོང་ངོ་༔ སློབ་དཔོན་པད་མ་འབྱུང་གནས་ཀྱིས༔ ཇོ་མོ་མཁར་ཆེན་བཟའ་མཚོ་རྒྱལ་གྱི་དོན་དུ་མཛད་པ༔ མཁའ་འགྲོ་མའི་ནོར་སྒྲུབ་གཏེར་གྱི་བུམ་པ་ཞེ…

ཐོད་རྒལ་གྱི་དོན་ཁྲིད་ནོར་བུའི་སྙིང་པོ་བཞུགས་སོ༔

རྒྱ་གར་སྐད་དུ༔ བོད་སྐད་དུ༔ སྙིང་ཐིག་གསང་བའི་ཡང་བཅུད༔ རང་རིག་ཐིག་ལེའི་སྐུ་ལ་ཕྱག་འཚལ་ལོ༔ ཡང་གསང་གནད་ཀྱི་མན་ངག་སྐུ་གསུམ་གྱི་དོན་ཁྲིད་འདི་ལ་གསུམ་སྟེ༔ སྔོན་འགྲོ༔ དངོས་གཞི༔ རྗེས་སོ༔ དང་པོ་སྔོན་དུ་འགྲོ་བའི་བྱ་བ་ལ་བརྒྱད་དེ༔ ཆོས་འདིའི་སྣོད་བསྟན་པ་དང་༔ གནས་བསྟན་པ་དང་༔ དུས་བསྟན་པ་དང་༔ གྲོགས་བསྟན་པ་དང་༔ཡོ་བྱད་བ…

ལྡན་ཁོང་ཡངས་ཆེ༔ ངང་རྒྱུད་རིང་ཞིང་བརྩེ་བའི་གྲོགས་དང་འགྲོགས༔ ཞེས་སོ༔ ཡོ་བྱད་བསྟན་པ་ནི༔ ཀློང་གསལ་ལས༔ མེ་ཏོག་དབང་ཡོན་ཚོགས་འཁོར་གཏོར་ཚོགས་རྒྱུ༔ ཉམས་ལེན་དུས་སུ་ཁམས་ཀྱི་རྟེན་པོ་བཙལ༔ མཐུན་པའི་ཡོ་བྱད་ཀུན་དང་མཐུན་པར་བྱ༔ ཞེས་སོ༔ དེ་ནས་ལོ་རྒྱུས་བསྟན་པ་ནི༔ ཉི་ཟླ་ཁ་སྦྱོར་ལས༔ ལོ་རྒྱུས་དོན་གྱིས་མ་བཤད་ན༔ གསང་ཆེན་ངེས…

ཀྱི་སྔོན་དུ་འགྲོ༔ འདས་རྗེས་ལས༔ ཡིད་ཀྱི་སྔོན་འགྲོ་བྱ་བའི་ཕྱིར༔ རིགས་དྲུག་སྡུག་བསྔལ་བློ་ལ་བླངས༔ ཞེས་པ་དང་༔ ཐལ་འགྱུར་ལས༔ སེམས་ནི་ཐོག་མར་བྱུང་ས་དང་༔ བར་དུ་གནས་ས་ཐ་མར་འགྲོ༔ དེ་ལྟར་གསུམ་ལ་བརྟགས་དཔྱད་ན༔ སེམས་སྦྱངས་སེམས་ལ་ཕན་པའོ༔ ཞེས་སོ༔ དེ་ནས་ནང་གི་སྔོན་འགྲོ་ནི༔ འདས་རྗེས་ལས༔ ལུས་འདི་མ་རིག་རྒྱུས་བསྐྱེད་ཕྱིར…

གནད་གཟིར་བ་ནི༔ སྔ་མ་ལས༔ ངག་ནི་བསླབ་དང་གནས་པ་དང་༔ ལ་བཟླ་བ་ཉིད་བསྟན་པར་བྱ༔ ཞེས་སོ༔ ཡིད་ཀྱི་གནད་གཟིར་བ་ནི༔ ཡང་སྔ་མ་ལས༔ སེམས་ནི་དབྱིངས་ལ་གཏད་པས་འགྲུབ༔ ཅེས་སོ༔ དེ་ནས་གནད་རྣམ་པ་བཞི་ལ་བརྟེན་ནས་མངོན་སུམ་རང་ཐོག་ཏུ་དབབ་པ་ནི༔ དང་པོ་སྒོའི་གནད་ནི༔ འདས་རྗེས་ལས༔ སྒོ་གནད་བཟློག་ཕབ་ཟུར་གྱིས་བལྟ༔ ཞེས་སོ༔ ཡུལ་གྱི་གནད་ན…

ཕེབས་པ་འོ༔ ཞེས་སོ༔ སྡོད་པ་གསུམ་ནི༔ སྔ་མ་ལས༔ སྡོད་པ་གསུམ་གྱིས་ཚད་བཟུང་བས༔ རྨི་ལམ་ཟློག་དང་ལུས་ངག་ཡིད༔ རྟགས་དང་ཚད་ནི་ངོས་བཟུང་བའོ༔ ཐོབ་པ་གསུམ་ནི༔ ཡང་སྔ་མ་ལས༔ ཐོབ་པ་གསུམ་གྱིས་གཟེར་བཏབ་པས༔ ཟག་བཅས་ཕུང་པོ་མི་སྣང་བའོ༔ གདེང་བཞི་ནི༔ མུ་ཏིག་ཕྲེང་བ་ལས༔ ཚད་ནི་གདེང་བཞིའི་རྣལ་འབྱོར་ཉིད༔ ཅེས་སོ༔ མཇུག་སྨོན་ལམ་གྱིས་ས…

སྙིང་པོ་གསལ་བའི་མེ་ལོང་ཞེས་བྱ་བའི་ཁྲིད་བཞུགས་སོ༔

རྒྱ་གར་སྐད་དུ༔ ཌཱཀྐི་ནི་ཙིཏྟ་ནཱ་མ༔ བོད་སྐད་དུ༔ མཁའ་འགྲོ་སྙིང་ཐིག་ཅེས་བྱ་བ༔ དཔལ་ཀུན་ཏུ་བཟང་པོ་ཡབ་ཡུམ་དང་རིགས་ལྔའི་སངས་རྒྱས་དང་༔ དྲུག་པ་རྡོ་རྗེ་འཆང་ཆེན་པོ་ཉིད་ལ་ཕྱག་འཚལ་ལོ༔ ཐེག་པའི་ཡང་རྩེ་རྫོགས་ཆེན་སྙིང་པོའི་བཅུད༔ རྒྱུད་ཀྱི་དོན་བསྡུས་ཡང་ཞུན་བླ་མེད་ཀྱི༔ ཉམས་ལེན་གནད་ཀྱི་གདམས་པ་བསྟན་པར་བྱ༔ རྒྱ་རྒྱ་རྒྱ༔ ད…

གླེང་གཞི་རྒྱུ་དང་རྐྱེན༔ གཞན་དང་ལུང་ཙམ་སྒོ་བསྟུན་ཕྱིར༔ ཐུན་མོང་པ་ཞེས་གྲགས་པ་འོ༔ ཞེས་པས༔ ཐུན་མོང་མ་ཡིན་པའི་གླེང་གཞི་འདི་ལ་ལྔ་ལས༔ གནས་ཕུན་སུམ་ཚོགས་པ་དང་༔ སྟོན་པ་ཕུན་སུམ་ཚོགས་པ་དང་༔ འཁོར་ཕུན་སུམ་ཚོགས་པ་དང་༔ དུས་ཕུན་སུམ་ཚོགས་པ་དང་༔ ཆོས་ཕུན་སུམ་ཚོགས་པ་དང་ལྔའོ༔ དེ་ལ་ཡང་གསུམ་སྟེ༔ གཞི་འདུག་ཚུལ་གྱི་ཕུན་སུམ་ཚོ…

ལ༔ བདེ་ཆེན་འདུས་པའི་འཁོར་གྱིས་བསྐོར༔ སྐུ་དང་ཡེ་ཤེས་ཤེས་རབ་རླུང་༔ མི་འབྱེད་སྣ་ཚོགས་དམིགས་པ་ཡིས༔ རྩ་རླུང་ཐབས་ཀྱི་བདེ་ཆེན་ཆོས༔ སོ་སོའི་ཉམས་དང་མཐུན་པར་བཤད༔ འདས་དང་མ་འོངས་ད་ལྟར་མེད༔ མ་ཕྱེད་འབྱེད་པ་ཡོངས་སུ་མེད༔ ཐམས་ཅད་རང་བྱུང་ཡེ་ཤེས་སོ༔ ཞེས་སོ༔ ལམ་ཉམས་སུ་བླངས་བའི་གནས་ནི༔ ཕྱི་དབྱིངས་དང་ནང་དབྱིངས་སོ༔ ལམ་གྱི…

བཅུད་རྣམས་སྙིང་པོར་བསྡུས་པའོ༔ ཞེས་སོ༔ ༔ ༈ ད་གདམས་པ་ཉམས་སུ་བླངས་པའི་རིམ་པ་ལ་གསུམ་སྟེ༔ གཞི་དང་༔ ལམ་དང་༔ འབྲས་བུའོ༔ དང་པོ་གཞི་གཏན་ལ་དབབ་པ་ལ་གཉིས་ཏེ༔ ཤེས་བྱའི་གཞི་དང་༔ གནས་ལུགས་ཀྱི་གཞིའོ༔ ཤེས་བྱའི་གཞི་ལ་རྫོགས་པ་ཆེན་པོ་ལ་འདོད་གཞུང་མི་འདྲ་བ་བསམ་གྱིས་མི་ཁྱབ་ཀྱང་འདིར་མི་སྤྲོའོ༔ རང་གྲོལ་ལས༔ བཤད་པའི་དོན་ནི་དབ…

མ་གྲུབ་པའི་ཀ་དག་སྟོང་པ་ཉིད་དེ་ཡང་བེམ་སྟོང་མ་ཡིན་ཏེ༔ མུ་ཏིག་ཕྲེང་བ་ལས༔ གནས་ལུགས་རྣམ་པ་མང་བཤད་ཀྱང་༔ ཡེ་ཤེས་རྣམ་པ་གསུམ་ཡིན་ནོ༔ ཞེས་པས༔ གསུམ་གང་ཞེ་ན༔ ཉི་ཟླ་ཁ་སྦྱོར་ལས༔ གཞི་གནས་ཀྱི་ཡེ་ཤེས་ལ་གསུམ་སྟེ༔ ངོ་བོ་ཀ་དག་གི་ཡེ་ཤེས་དང་༔ རང་བཞིན་ལྷུན་གྲུབ་ཀྱི་ཡེ་ཤེས་དང་༔ ཐུགས་རྗེ་རང་སྣང་གི་ཡེ་ཤེས་སོ༔ ཞེས་སོ༔ ཡེ་ཤེས་…

ཐུགས་རྗེ་འགག་མེད་ཀུན་ཁྱབ་ཏུ་བཞུགས་པས་ཆོས་ཀུན་དང་མཐུན་ཅིང་དུ་མ་དང་ཆ་ཤས་དང་བྲལ་ཏེ༔ རྒྱུད་ལས༔ འགག་མེད་རྩལ་ནི་ཅིར་ཡང་འཆར༔ སྟོང་གསལ་རིག་ཅིང་འགྱུར་བ་མེད༔ ཅེས་སོ༔ ཡང་ཡེ་ཤེས་གསུམ་པོ་འདི་ངོ་བོ་སྟོང་པར་འདུག་པས་རྟག་པའི་ལྟ་བར་མ་ལྷུང་༔ རང་བཞིན་གསལ་བར་འདུག་པས་ཆད་པའི་ལྟ་བར་མ་ལྷུང་༔ ཐུགས་རྗེ་ཀུན་ལ་ཁྱབ་པས་གཉིས་ཀའི་ཕ…