བུ་འཇུག་པ་ལྟ་བུའི་གདམས་པ་དྲན་པར་གྱིས་ཤིག༔ གྲོལ་བ་ལུས་ཀྱི་གནད་ནི༔ ཡང་སྔ་མ་ལས༔ ཕུང་པོ་ལྔ་ཡི་གཟུང་འཛིན་དེས༔ ལོངས་སྤྱོད་རྫོགས་པའི་འོད་གསལ་དུ་སྐུ་རུ་གྲོལ༔ འབྱུང་བ་དང་ཉོན་མོངས་པ་ཕྲ་རགས་ཀྱི་རྟོག་པ་གཉིས་གྲོལ་བས༔ འོད་གསལ་རིག་པ་མ་བུ་རང་གྲོལ་ལོ༔ ཞེས་སོ༔ དེ་ཡང་འདིའི་དུས་སུ་ཡེ་ཤེས་བཞི་སྦྱོར་རྡོ་རྗེ་སེམས་དཔའ་ཁོང་…

སྣང་ནམ་མཁའི་དཀྱིལ་ལྟ་བུ་ལ༔ ཐ་མ་འོད་ལྔའི་མུ་ཁྱུད་ཟླུམ་པོས་བསྐོར་བ༔ དབང་པོའི་སྤྱོད་ཡུལ་དུ་གྱུར་ཚད་དུ་འཆར་རོ༔ དེའི་སྟེང་དུ་ཡང་འོད་གསལ་བ་གདུགས་ལྟར་དུ་འཆར་རོ༔ དེའི་དུས་སུ་འཆར་ལུགས་བརྒྱད་འཆར་ཏེ༔ རྒྱུད་ལས༔ ལྷུན་གྲུབ་རིག་པའི་འཆར་ཚུལ་ལ༔ རྣམ་པ་བརྒྱད་དུ་འཆར་བའོ༔ ཞེས་སོ༔ ཐུགས་རྗེ་ལྟར་འཁོར་འདས་རྒྱ་མ་ཆད་འཆར་བ་དང་…

དག་ཆེན་པོར་ཤེས༔ བར་ལོངས་སྐུའི་ཐུགས་ལྷུན་གྲུབ་ཆེན་པོར་ཤེས༔ མར་སྤྲུལ་སྐུའི་ཐུགས་འཁོར་འདས་ཀྱི་བསམ་པ་ཤེས་པའོ༔ དངོས་པོ་གཤིས་ཀྱི་འདུག་ཚུལ་དེ་དག་ཀྱང་རྗེས་སུ་དྲན་པ་བདུན་ལས་འབྱུང་སྟེ༔ བླ་མ་རྗེས་སུ་དྲན་པས་ཟབ་མོའི་གདམས་པ་ལ་དབང་བསྒྱུར༔ ཡི་དམ་རྗེས་སུ་དྲན་པས་རང་སྣང་དཀྱིལ་འཁོར་རང་གྲོལ༔ གདམས་པ་རྗེས་སུ་དྲན་པས་བར་དོར…

སྐུ་སྐུ་ལ་ཐིམ་པ་ནི་དཔེར་ན་བུམ་པའི་སྐུ་ཤེས་བྱ་ནང་དུ་གསལ་བས་ཞལ་ཕྱག་ཏུ་མ་གྲུབ་པར་རང་ངོ་རྣམ་པར་དག་པའོ་ལྟ་བུའོ༔ གཉིས་མེད་གཉིས་མེད་ལ་ཐིམ་པ་ནི་རོ་མཉམ་དབྱེར་མེད་དུ་དཔེར་ན་ཆུ་ལ་ཆུ་ཐིམ་པ་ལྟ་བུའོ༔ མཐའ་གྲོལ་མཐའ་གྲོལ་ལ་ཐིམ་པ་ནི་གཏད་པའི་ཡུལ་མེད་པར་དཔེར་ན་ནམ་མཁའ་ནམ་མཁའ་ལ་ཐིམ་པ་ལྟ་བུའོ༔ མ་དག་པ་འཁོར་བའི་སྒོ་དག་པ་ཡེ་…

ཞིང་ཁམས༔ ལྷོ་དཔལ་དང་ལྡན་པ༔ ནུབ་པདྨ་བརྩེགས་པ༔ བྱང་ལས་རབ་རྫོགས་པའི་ཞིང་དུ་དེ་ཉིད་ཀྱི་བདག་པོས་གྲོལ་བར་བྱས་ནས་སངས་རྒྱས་ཏེ༔ རང་ཤར་ལས༔ བདེན་པ་མཐོང་བའི་གང་ཟག་ནི༔ རྟོགས་པ་རྒྱུད་ལ་མ་སྐྱེས་ཀྱང་༔ ཕྱོགས་བཅུའི་སྤྲུལ་པའི་ཞིང་ཁམས་སུ༔ གནས་ནས་མཐར་ཕྱིན་གྲོལ་བར་འགྱུར༔ ཅེས་པ་དང་༔ སྐུ་གདུང་འབར་བ་ལས༔ འདི་ནི་སྤྲུལ་པའི་ཞིང…

འགྲོ་བ་ཕལ་པ་ནི༔ ལུས་སྔ་ཕྱི་གཉིས་ཀྱི་བར་དུ༔ ཆོས་ཉིད་ཀྱི་བར་དོ་ཤར་ཡང་ངོ་མ་ཤེས་ཏེ༔ སྔར་གྱི་འཁྲུལ་སྣང་ཨ་འཐས་པའི་དབང་གིས༔ སྔར་གྱི་ལུས་མེད་ཀྱང་ཡོད་པ་སྙམ་པའི་ཤེས་པ་འབྱུང་སྟེ༔ དེ་ཡང་ཡིད་ཀྱི་ལུས་ལ་དབང་པོ་ཚང་བ་གང་ཡང་ཐོགས་པ་མེད་པར་བྱ་སྒྲོ་རླུང་གིས་ཁྱེར་བ་ལྟར་ཕྱད་ཕྱོད་ཡད་ཡུད་དུ་ཀུན་ལ་སྙོམས་ཤིང་འཇུག་པར་བྱེད་དེ་ས…

སྐྱེ་བོའི་དབུས་ན་འདུག་པ་མི་ལུས་རིན་པོ་ཆེའམ༔ སྤྱིལ་བུ་བྱོལ་སོང་དུ་སྐྱེ་འམ༔ གྲོག་པོ་ཡི་དྭགས་སུ་སྐྱེའམ༔ མུན་ནག་དམྱལ་བར་སྐྱེའོ་ལྟ་བུ་འབྱུང་སྟེ་དེ་དག་གི་གསེབ་ཏུ་མི་འགྲོ་བར་གཟབ་པར་བྱའོ་བོ༔ ཡང་ཐའི་སྒྱུ་མ་ལྟ་བུའི་འབྲིང་བསྐྱེད་རིམ་གྱིས་བཟློག་པ་ནི༔ གོང་གི་སྣང་བ་འོད་ཀྱི་སྣང་བ་དེ་ཚོ་དེ་རྣམས་ཤར་བའི་དུས་སུ༔ ཡི་དམ…

བར་དོའི་གདམས་པ་འབྱུང་བ་འདུས་པ་འབྲལ་བ་རྟགས་ཀྱི་རིམ་པ་བཞུགས་པ་ལགས་པས་གཟིགས་ཤིག༔

དཔལ་རྡོ་རྗེ་སེམས་དཔའ་ལ་ན་མོ༔ སྐྱེས་བུ་དབང་པོ་ཐ་མ་འཆི་བའི་ཚེ༔ རྟགས་རྣམ་པ་གཉིས་འབྱུང་སྟེ༔ རྒྱུད་ལས༔ གང་ཞིག་སྐྱེས་བུ་འཆི་བའི་ཚེ༔ རྟགས་ནི་རྣམ་པ་གཉིས་སུ་བཤད༔ ཅེས་པས༔ འདིར་འཆི་ནད་ཀྱིས་བཏབ་ནས༔ འབྱུང་བའི་འདུས་ཚུལ་བཤད་དེ༔ ཉི་ཟླ་ཁ་སྦྱོར་གྱི་རྒྱུད་ལས༔ སྐྱེས་བུའི་ལུས་ལ་ནད་བཏབ་ནས༔ རྟགས་ནི་སུ་ལ་འབྱུང་བ་ནི༔ ཤི་བའི…

སྣང་བ་འདི་ལྟར་འདུ༔ ཕྱི་ཡི་དབང་པོ་དྲན་བྱེད་རྣམས༔ མུན་སྲོས་བཞིན་དུ་འུབ་ཀྱིས་འདུ༔ རིག་པ་སྙིང་གི་དཀྱིལ་དུ་འདུས༔ སྨྲ་ཡང་མི་ཤེས་དྲན་པ་ཉམས༔ དེ་ནས་རྩ་ཐམས་ཅད་ནས་ལུས་ཀྱི་ཁྲག་འདུས་ནས༔ སྲོག་རྩའི་ནང་དུ་འདུས་ནས་སྙིང་དུ་བརྒྱབ༔ ཁ་དང་མིག་ནི་ཁྲག་ཐིགས་གཅིག་བརྒྱབ་པས་སྐྱ་ལོག་འགྲོ༔ དབུགས་ནི་ཁྲུ་གང་ཙམ་དུ་ནར་གྱིས་ཆད༔ དེ་ནས…

ཞེས་སོ༔ དོན་གྱི་ཐོག་མ་ཡང་ཡེ་ཤེས་ཀྱི་རང་རྩལ་མ་རིག་པས་འབྱུང་བ་གཅིག་གྲོགས་གཅིག་གིས་བསྐྱེད་ནས་ལྔ་ལས་ལུས་བྱུང་༔ དེ་ལ་རིག་པའི་རྟེན་བྱས་པས་འབྱུང་བཞིའི་བཅུད་སྨིན༔ དེ་ཡང་ལས་ཀྱི་དབང་གིས་འབྱུང་བའི་བྱེར་ཟུག་འབྱུང་བ་འཁྲུགས་པ་གཅིག་དགྲ་གཅིག་གིས་བྱས་ནས་གིས༔ འདིར་གོང་འོག་གི་ཕྲག་ན་བར་དོའི་གསོལ་འདེབས་དེ་པྲིས་འདུག་པ་ཡི…

ཉིད་འོད་གསལ་འདི་ལྟར་འཆར༔ སྟེང་འོག་ཕྱོགས་མཚམས་མེད་པ་རུ༔ གང་དུ་བལྟས་ཀྱང་འཇའ་འོད་ཁ་དོག་ལྔ༔ གསལ་བ་དངས་པ་འོད་འཕྲོ་བ༔ མནན་ན་ནེམ་བྱེད་པ་སྙམ་པ༔ བཏེག་ན་འཕར་བ་སྙམ་པ་ཡོང་༔ འཇའ་འོད་ཐམས་ཅད་ཀྱང་ཕྱི་ནས་བལྟས་ན་ནང་གསལ་བ༔ ནང་ནས་བལྟས་ན་ཕྱི་གསལ་བ་སོ་སོར་མ་འདྲེས་པ༔ འགུལ་བ་འཕྲིག་པ་སྣ་ཚོགས་པ་འོང་སྟེ༔ དེ་ཁྱོད་རང་གི་སེམས་ཀྱ…

སྣང་བ་འཆར་བ་ནི༔ རང་སྣང་ཡིན་པར་ཐག་ཆོད་ཅིག༔ སྐུ་དེ་དག་དང་རང་གི་སྙིང་ཁ་འབྲེལ་བའི་སྣང་བ་ཡང་འཆར་རོ༔ དེ་ལྟར་སྣང་བ་གང་ཤར་ཀྱང་རང་སེམས་འོད་ཀྱི་བྱ་བ་རྫོགས་པ་ལྟ་བུ་ཡིན་པས༔ ཁོ་ཐག་ཆོད་པའི་གདམས་ངག་དྲན་པར་གྱིས་ཤིག༔ ཨེ་མ་ཨེ་མ་རིགས་ཀྱི་བུ་ཉོན་ཅིག༔ ཞག་བཞི་སོང་བའི་དུས་སུ་སྐུ་དེ་དག་ཐམས་ཅད་ཀྱང་དཀྱིལ་འཁོར་ལ་རྫོགས་པའི་བརྡ…

དགུ་བརྒྱ་དང་དགུ་བཅུ་རྩ་ལྔ༔ དེ་ལྟར་འཆི་ལུགས་མི་འདྲ་བ་སྟོང་བཞི་བརྒྱ་དང་བཞི་བཅུ་ཐམ་པ་ཡོད་པས་ན༔ འཆི་བ་དེ་གལ་ཏེ་བཙན་ཐབས་སུ་ཤི་སོང་ནས་དྲན་པ་མི་གསལ་ན་སྐུ་གསུང་ཐུགས་སྒོ་སྤྲད་ཀྱི་གདམས་པ་འདི་ཤིན་ཏུ་ཟབ་བོ༔ རང་ཉིད་ངག་དུ་ༀ་ཞེས་བརྗོད་ཅིང་རང་གི་སྣ་བུག་གཡས་ནས་གཡོན་ལ་ཡེ་ཤེས་ཀྱི་ༀ་དཀར་པོ་གཅིག་སྤྲོས་ལ་ཤི་བ་དེའི་སྣ་བུག…

འཆི་ཁ་བར་དོའི་གནད་དུམ་གསལ་འདེབས་བཞུགས་པ་ལགས་སོ༔

དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ༔ འཆི་ཁའི་བར་དོ་ལ་མི་གསལ་བ་གསལ་གདབ་པ་སྒེག་མོ་མེ་ལོང་ལྟ་བ་ལྟ་བུའི་གདམས་པ་ནི༔ ཉི་ཟླ་ཁ་སྦྱོར་ལས༔ རྣལ་འབྱོར་འཆི་བའི་དུས་བྱུང་ན༔ ཕུང་པོ་སེང་གེའི་ཉལ་ལུགས་ཀྱིས༔ མིག་ནི་ནམ་མཁའི་དབྱིངས་སུ་བལྟ༔ ཡིད་ཙམ་བར་སྣང་ལམ་དུ་བྱ༔ དབྱིངས་དང་རིག་པ་མི་འགྱུར་ན༔ མི་དེ་བར་དོ་མེད་པར་ནི༔ སངས་རྒྱས…

ནོར་རྫས་རྟེན་མཆོད་དཔེ་ཆ་དངོས་པོ་ཐམས་ཅད་འཁོར་གསུམ་ཡོངས་སུ་དག་པས་སྤང་དག་བྱ༔ ངུ་སྐད་དང་༔ ཟང་ཟིང་དང་༔ འཁོར་གཡོག་དང་༔ རང་གི་ལུས་ལ་ཡང་མ་ཆགས་པར་བྱ༔ དངོས་པོ་གང་ལ་ཡང་མི་ཞེན་པར་བློས་བཏང་༔ ཆགས་སེམས་ཀྱི་རྒྱུ་ཡིན་པས་རྩར་མི་བཞག་ཅི་ལ་ཡང་མ་ཆགས་པར་བྱ༔ མ་ཞེན་པར་བྱའོ༔ དེ་ནས་མཆོད་པ་རྣམ་ལྔ་བཤམ༔ རང་ཡི་དམ་གྱི་ལྷ་གང་ཡིན་ནམ…

བླ་མའམ་མཆེད་གྲོགས་ཀྱིས་གསལ་གདབ་བོ༔ དེ་ཡང་དྲན་པ་ཉམས་ན་གསོ་བའི་ཐབས་ནི༔ འདི་ལྟར་བྱས་ཏེ་ཚེ་འདས་དང་རང་གཉིས་ཀ་སྣ་སྤྲད་དེ༔ རང་གི་སྣ་བུག་གཡས་ནས་ༀ་དཀར་པོ༔ གཡོན་ནས་ཨཱཿདམར་པོ༔ ཁ་ནས་ཧཱུཾ་སྔོན་པོ༔ ཕ་རོལ་གྱི་ཁ་སྣ་ལ་ཐིམ་པའི་དམིགས་པ་དང་༔ རླུང་འཕེན་པ་ལན་གསུམ་བྱ༔ དེ་ནས་ཕ་རོལ་པའི་རླུང་ཡི་གེ་དང་བཅས་པ་དང་༔ རང་གིས་འཕངས་པ…

ལྷུན་གྲུབ་རིན་པོ་ཆེའི་འོད་གསལ་ནམ་མཁའ་དངས་པ་ལ་ཉི་མ་ཤར་བའམ༔ འཇའ་ཤར་བ་ལྟ་བུར་འོད་མཐའ་མེད་པའི་ཡུལ་ཅན་ཐོག་མའི་མགོན་པོ་འོད་མི་འགྱུར་བ་ཡེ་ཤེས་ཀྱི་འོད་ནམ་མཁའི་མཐའ་དང་མཉམ་པ༔ ཕྱིའི་རྒྱ་མཚོ་ཆེན་པོ་མཐོང་བའམ༔ ཐང་བ་ཚྭ་ཅན་ལ་སྨིག་རྒྱུ་འགྱུ་བ་བཞིན་དུ༔ ཡེ་ཤེས་ལྔའི་མདངས་འོད་འདར་བ་དང་འཕྲིག་པ་དང་༔ འགུལ་བ་ཟེར་མཚོན་ཆའི་རྩ…