ལྷའི་དབང་པོ་བརྒྱ་བྱིན་གྱིས་མཛད་དོ༔ བརྒྱ་བྱིན་ལ་བཙུན་མོ་བཞི་ཡོད་དེ༔ ཤ་མཚམས་མ་ཞེས་བྱ་བ༔ ཤའི་མཚམས་ཐམས་ཅད་ནས་འོད་འབྱུང་བ་ཞིག་ལ༔ ཡིད་བཞིན་གྱི་ནོར་བུ་བཅུ་གཉིས་ཡོད་དོ༔ ཟླ་མཚམས་མ་ཞེས་བྱ་བ་གཅིག་ལ༔ སྨིན་མཚམས་ནས་ཉི་མ་དང་ཟླ་བའི་འོད་འབྱུང་བ་ཞིག་ལ༔ ཉི་ཟླའི་བུ་བདུན་ཡོད་པས༔ དེ་རྣམས་ཀྱིས་ལྷ་རྣམས་ཀྱི་སྣང་བ་སྟོན་པར་བྱ…

ཆོས་དྲུག་ཅེས་བྱ་སྟེ༔ ཕ་རོལ་ཏུ་ཕྱིན་པ་དྲུག་ལ་འབད་པ་དང་བཅས་པ་དང་༔ འབད་པ་མེད་པ་གཉིས་ལ༔ སྦྱིན་པ་ལ་སོགས་ཏེ༔ ཕྱི་ཕ་རོལ་དུ་ཕྱིན་པ་བཅོ་བརྒྱད༔ ནང་དུ་ལུང་སྦགས་མ་བཅོ་བརྒྱད་ཀྱི་ཆོས་ཀྱི་འཁོར་ལོ་བསྐོར༔ འབད་པ་མེད་པ་ལ༔ ཕྱི་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་གཟིགས་པས༔ ཕྱག་ན་རྡོ་རྗེ་མེ་ལྕེ་ཕྲེང་བའི་རྒྱུད་ལེའུ་དགུ་པ་དང་…

མེད་པ་འཚུབ་པ༔ དེའི་བྱང་ཕྱོགས་ན་གནོད་སྦྱིན་གྱི་རྫོང་ཡོད་པ༔ ལྷོ་ན་ཡིད་བཞིན་གྱི་སྡོང་པོ་ཞེས་བྱ་བ༔ ཤིང་ལོ་མ་འདབ་མ་སྣ་ཚོགས་སུ་རྒྱས་པ་ལ༔ ཀླུའི་བུ་མོ་དཔག་ཏུ་མེད་པ་གནས་པ༔ ཤར་ན་རླུང་ལྡན་གྱི་རྒྱ་མཚོ་བྱ་བ་ཡོད་པ༔ དེ་ན་ཀླུའི་རྒྱལ་པོ་རྣམས་ཁྲུས་བྱེད༔ དེའི་དབུས་ན་གསང་ཆེན་རོལ་པའི་དུར་ཁྲོད་མེ་རི་འབར་བ་ཞེས་བྱ་བ༔ གནོད་…

གྱིས་འགྲོ་བའི་སྤྲིན་གྱི་ཕུང་པོ་འཁྲིགས་པའི་དབུས་ན༔ ལྟེ་བ་ཡན་ཆོད་འཐོན་ཞིང་༔ ཐལ་མོ་སྦྱར་ནས་ཆོས་ཉན་ཏོ༔ །སྡུད་པ་པོ་ནི་ཉིད་ཀྱི་ཤངས་ཀྱི་རླུང་སྒོམ་ནས་ལག་ན་རྡོ་རྗེ་བཏོན་ནས་མཛད་དོ༔ ཡོན་བདག་ནི་མཁའ་འགྲོ་མ་ཁ་ནས་མེ་འབར་ཞིང་༔ མིག་ནས་མེ་འཕྲོས་པས་སྲིན་པོ་པུརྣའི་གཡུལ་ཟློག་པར་བྱེད་པ༔ པུརྣ་ཉེ་བར་ཞི་བ་ཞེས་བྱ་བ་དང་༔ མཁའ་…

ནམས་ལས་ཀྱི་སྟོབས་ཉམས་པས་ལོ་བཞི་བརྒྱ་ལ་རེ་རེ་བྲི་བས༔ ཚེ་ལོ་ཡང་དྲུག་ཁྲི་ལ་ཐུག་གོ༔ དེར་ཡང་ཉི་མ་རི་རྩེ་ལ་ཤར་བའིི་དུས་ན༔ སྟག་དང་སེང་གེ་རྣམ་པར་རོལ་པ་ཞེས་བྱ་བའི་རི་ལ་མྱ་ངན་ལས་འདའ་ཚུལ་བསྟན་ཏོ༔ འདས་རྗེས་གཉིས་པ་གནོད་སྦྱིན་གྱི་བུ་ལེགས་སྤྱོད་ཀྱི་ཕྱག་གཡས་པའི་མཐིལ་དུ་བབས་སོ༔ དེ་ནས་སེང་གེ་རྣམ་པར་འགྱིང་བ་ཞེས་བྱ་བའི…

རུ་ལུའི་སྒྲ་དང་ལྡན་པ་ཞེས་བྱ་བ༔ ཕྱོགས་བཞི་ན་གདུགས་དང་རྒྱལ་མཚན་རབ་ཏུ་བསྒྲེང་བ་ན༔ སྲིན་པོ་རཀྵ་སེང་གདོང་ཞེས་བྱ་བ༔ པགས་པ་ལ་སྤུ་གྲིའི་ཚལ་འཕྲོ་བ༔ ལག་པ་ལྕགས་ཀྱུ་དྲིལ་བའི་རྣམ་པ་དང་འདྲ་བ༔ གདོང་སེང་གེ་ལ་མཆེ་བ་རལ་གྲིས་གཏམས་པ༔ ཡུམ་སྲིན་མོ་ཤམ་ཤམ་ནག་མོ་ཞེས་བྱ་བ་ལ༔ སྟོན་པ་ཉིད་ལྷུམས་སུ་ཞུགས་ཏེ༔ དེ་ནས་འཐོན་པའི་ཚེ༔ བཅོ…

འཁྲུལ་འཁོར་ཉི་མ་གསང་བའི་ལེའུ་དྲུག་ཅུ་པ་དང་༔ གཤིན་རྗེ་ལས་ཀྱི་སྐྱེ་བ་རྒྱུན་གཅོད་པའི་ལེའུ་སུམ་ཅུ་རྩ་བརྒྱད་པ་དང་༔ མ་མོ་ཀུན་ཏུ་བཟང་མོ་པ་ལ་པ་ཏྲ་ལེའུ་ཉེར་ལྔ་པ་དང་༔ ནག་མོ་ཐུགས་གསང་བ་སྲིད་པའི་བེམས་ལེའུ་བཞི་བཅུ་རྩ་བརྒྱད་པ་དང་༔ སྲིན་མོ་གསོད་བྱེད་ཀྱི་རྒྱུད་ལེའུ་ཉིས་བརྒྱ་སུམ་ཅུ་སོ་གཉིས་པ་དང་བཅུ་ནི༔ རགས་པ་འདུལ་བ་…

སོ་དུང་སོ་འཁོར་བར་ཡོད་པ༔ སྨིན་མཚམས་ནས་འོད་འཕྲོ་བ༔ མཛེས་ཤིང་མཚན་རྫོགས་པའི་ལྷུམས་སུ༔ སྟོན་པ་སངས་རྒྱས་བཅོམ་ལྡན་འདས་ཞུགས་ཏེ༔ ལྷུམས་ནས་ཐོན་པའི་ཚེ༔ ནམ་མཁའ་ནས་མཁའ་འགྲོ་མས་བདུད་རྩི་དང་མེ་ཏོག་སིལ་མའི་ཆར་ཕབ་བོ༔ ལྷ་རྣམས་ཀྱིས་བཀྲ་ཤིས་ཚིགས་སུ་བཅད་པ་མང་པོ་བརྗོད་པ་དང་༔ སངས་རྒྱས་ཀྱི་བསྟན་པ་ལ་དད་པའི་ལྷ་དང་༔ ཀླུ་དང་༔…

མཚན་ཆེན་པོ་བཞི་བསླང་བ༔ དེའི་དབུས་ན་རང་བྱུང་མཆོག་གི་མཆོད་རྟེན་བདེ་བྱེད་བརྩེགས་པ་ཞེས་བྱ་བ༔ དེའི་གཡས་ན་བྱང་ཆུབ་ཀྱི་ཤིང་ལོ་མ་དང་འབྲས་བུར་བཅས་པའི་འགྲམ་དུ༔ སྟོན་པའི་མཚན་རྩེ་བས་རོལ་པའི་བློ་གྲོས་ཞེས་བྱ་བར་གྲགས་སོ༔ འཁོར་ནི་ས་བརྒྱད་པའི་བྱང་ཆུབ་སེམས་དཔའ་གློག་གི་འོད་ཟེར་འབྱུང་བ་དང་༔ བློ་གྲོས་བཟང་པོ་ལ་སོགས་པས་བས…

སྡུག་བསྔལ་ལ་དགོངས་ནས༔ འོད་སྲུངས་བསྒྲེས་པོ་ཞེས་བྱ་བ་ཞིག་ཏུ་སྤྲུལ་ལོ༔ འཁོར་ནི་གོང་གི་ཐུབ་པ་དྲུག་དང་༔ བྲམ་ཟེའི་བུ་མགོན་སེམས་བྱམས་པ་དང་བདུན༔ དགྲ་བཅོམ་པའི་གཟུགས་སུ་སྤྲུལ་ཞིང་ཆོས་ཉན་ཏོ༔ སྡུད་པ་པོ་ནི་ཤཱ་རིའི་བུ་སྐར་མ་འོད་བཟང་པོས་མཛད་དོ༔ ཡོན་བདག་ནི་བྲམ་ཟེ་མཚན་བཟང་པོ་བྱ་བ༔ ལུས་ལ་དར་དཀར་པོའི་ལ་འུ་གྱོན་པ༔ ལག་ན…

ནམ་མཁའ་འོད་ཕུང་གི་དཀྱིལ་ནས༔ ཕྱག་གཡས་པ་གསེར་གྱི་མདོག་ཅན་བརྐྱང་སྟེ༔ སྒྲ་ཆེན་པོ་རབ་ཏུ་འུར་འུར་དང་༔ ཆེམ་ཆེམ་དང་༔ ཐུག་ཐུག་དང་༔ རབ་ཏུ་གསེང་བ་རྣམས་བྱུང་བ་དང་༔ ས་གཡོ་བ་ལ་སོགས་པ་རྣམས་ཀྱང་བྱུང་ངོ་༔ དེ་ནས་ལག་པའི་མཐིལ་དུ༔ བདེ་བར་གཤེགས་པའི་གསུང་གི་སྤྲུལ་པ་བསྟན་པའི་བཙས་སམ་ས་བོན་བྱིན་བརླབས་ལས་བྱུང་བའི་ཡི་གེ་དང་༔ འ…

རབ་ཏུ་ཆེ་བ༔ འོད་ཀྱི་བྱིན་བརླབས་འབྱུང་པ་ན༔ སྨད་འཚོང་མའི་བུར་སྐུ་འཁྲུངས་ཏེ༔ ང་ནི་བསྟན་པའི་གཙོ་བོ་ཤཱཀྱ་ཐུབ་པའོ་ཞེས་བརྗོད་པས༔ ཤཱཀྱ་ཐུབ་པ་ཞེས་མཚན༔ འཁོར་ནི་དགེ་སློང་ཕ་མ་དང་༔ དགེ་བསྙེན་ཕ་མ་གཉིས་རྣམས་ཀྱིས་བསྐོར༔ ཆོས་ནི་བདེན་པ་བཞིའོ་ཆོས་ཀྱི་འཁོར་ལོ་ལན་བཅུ་གཉིས་སུ་བསྐོར་རོ༔ དེ་ནས་གདུལ་བྱ་སེམས་ཅན་རྣམས་ལ་སྐུ་མི…

ཡང་གསུམ་པ་གནས་དྲོད་གཤེར་འདུས་པ་འོད་ཀྱི་ཕུང་པོར༔ སྟོན་པ་འཇམ་དཔལ་འཇིགས་པ་སྐྱོབ་པ༔ འཁོར་བྱང་ཆུབ་སེམས་དཔའ་འབུམ་ཕྲག་དྲུག༔ བསྟན་པ་འཁོར་བ་དོང་སྤྲུག་དང་༔ རྨ་བྱ་མཇིང་བསྣོལ་དང་༔ དཔལ་འབྱུང་བཞི་ཟད་པའི་རྒྱུད༔ བར་སྣང་གི་ཁམས་སུ་བབས་ནས༔ རླུང་གི་སྒྲ་མར་ཤ་ཤུ་ལས་དྲངས་ཏེ༔ མཁའ་ལྡིང་ཟུར་ཕུད་གསུམ་པའི་སྐད་ལ་བསྒྱུར་ཏེ་གསུངས…

ལ༔ ཆོས་དམ་པའི་ཆོས་འདུལ་བ་ཁྲི་ཕྲག་དཔག་ཏུ་མེད་པ་གསུངས་སོ༔ དུས་ཚེ་ལོ་ལྔ་སྟོང་པའི་དུས་ནའོ༔ ཡང་དགུ་པ་གནས་སོག་པོ་གཡུའི་སྨིན་མ་ཅན་བྱང་ཆུབ་ཀྱི་ཤིང་རྣམ་པར་རྒྱལ་བའི་ཁང་པར༔ སྟོན་པ་རྩེ་བས་རོལ་པའི་བློ་གྲོས་ཀྱིས༔ འཁོར་ས་བརྒྱད་པའི་བྱང་ཆུབ་སེམས་དཔའ་རྣམས་ལ༔ ཆོས་ཕྲ་རྒྱུད་བདུན་ལ་སོགས་པ་གསུངས་སོ༔ དུས་ཚེ་ལོ་སྟོང་པའི་དུས…

རྣམ་པ་དགུ་ཅུ་རྩ་དྲུག་ཚོགས་དགོས་སོ༔ དེ་དག་དང་ལྡན་པ་ནི་བདག་ཅེས་བྱའོ༔ གལ་ཏེ་མི་ལྡན་པའི༔ སངས་རྒྱས་འཇིག་རྟེན་དུ་བྱུང་ན་ཁོལ་བུའི་བསྟན་པ་ཞེས་བྱའོ༔ དེ་དག་ཀྱང་སྔོན་དུ་སེམས་བསྐྱེད་རྫོགས་པར་བྱས་པ་ལས་བྱུང་བའོ༔ མཛད་པའི་འཕྲིན་ལས་ཀྱི་སྒོ་ནས་སངས་རྒྱས་པ་ནི༔ སྐུའི་མཛད་པ་བཅུ་གཉིས་ནི༔ གནས་མི་འདྲ་བ་བཅུ་གཉིས་སུ༔ སྟོན་པ་ཉ…

ཡན་ཆད་གཞན་དང་མཐུན༔ གསུང་གི་གནས་བཅུ་གཉིས་སུ་གསུང་རབ་ཡན་ལག་བཅུ་གཉིས་སུ་བྱུང་བའོ༔ ཐུགས་ནི་དཔའ་བར་འགྲོ་བའི་ལ་སོགས་པ་ཏིང་ངེ་འཛིན་བཅུ་གཉིས་སུ་བྱུང་བའོ༔ དེའི་ཕྱིར་ན་ངོ་བོ་སྐུར་རྒྱས་པ་ནི་སྐུའི་མཛད་པར་བྱུང་བ༔ མཁྱེན་པའི་ཡེ་ཤེས་སུ་རྒྱས་པ་ནི་གསུང་གི་མཛད་པར་བྱུང་༔ གནས་པ་ཏིང་ངེ་འཛིན་དུ་རྒྱས་པས་ཐུགས་ཀྱི་མཛད་པར་བྱུ…

ནམ་ཕྱེད་ན་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་བཞུགས་སོ༔ དེ་དག་ནི་སངས་རྒྱས་ཀྱི་སྐུའི་ཡོན་ཏན་ནོ༔ གསུང་གི་ཕྱིའི་མཛད་པ་བཞི་ནི༔ ལུང་དུ་བསྟན་པ་ལ་སོགས་པ་བཞི༔ ནང་གི་བཞི་ནི༔ སྐྱེས་རབས་ཀྱིས་ལ་སོགས་པ་བཞི༔ གསང་བའི་བཞི་ནི༔ ཆེད་དུ་བརྗོད་པ་ལ་སོགས་པ་བཞིའོ༔ དེ་དག་ནི་གསུང་གི་ཁྱད་པར་གྱི་འདུས་པའི་ཁྱད་པར་ལས་བྱུང་བའོ༔…

བསྟན་པ་འཇིག་པ་དང་༔ སའི་བྱེར་བ་ཁུངས་སུ་འཇུག་པ་དང་༔ སའི་སྙོམས་པས་འགྲོ་བ་བསྐྱེད་པ༔ དེ་བཞིན་དུ་ལྷག་མ་གསུམ་ཡང་ཤེས་སོ༔ གསང་བའི་བཞི་ནི༔ ལུས་ཀྱི་རྡོས་པ་ཟད་པ་དང་༔ ངག་གི་བརྗོད་པ་དག་པ་དང་༔ ཡིད་ཀྱི་འགྱུ་བ་དག་པ་དང་༔ སེམས་ཀྱི་རྟོག་པ་དག་པའོ༔ གསུང་གི་ཕྱིའི་བཞི་ནི༔ ཕུང་པོའི་བདུད་གཟུགས་ཅན་མ་ཡིན་པས་དག་པ་དང་༔ ཉོན་མོངས་…

སེར་སྐྱ་བ་རྣམ་པར་དག་པས༔ གཅེར་བཞག་གཅེར་གྲོལ༔ འབྲས་བུ་ལ་ཕྱིན་ཅི་ལོག་ཏུ་ལྟ་བའི་རིགས་བྱེད་གསང་བ་དག་པས༔ རང་སྣང་ཡོངས་གྲོལ་ལོ༔ ནང་གི་ནི༔ ཟས་ལ་ཞེན་པ་ཆོད་པས༔ ཁམ་གྱི་ཟས་བདག་ཏུ་མེད༔ གོས་ཀྱི་ཞེན་པ་ཆོད་པས༔ གཅེར་བུ་བསམ་གཏན་གྱི་ཐུན་ལ་སྤྱོད༔ རྨི་ལམ་གྱི་ཞེན་པ་ཆོད་པས༔ བག་ཆགས་ཀྱི་མཐའ་སྟོངས་པའི་ཐུན་ལ་སྤྱོད༔ བག་ཆགས་ཀྱི་…

ཅུ་རྩ་དྲུག་མཐར་ཕྱུང་༔ དགོངས་པ་ནི༔ ཆོས་ཀྱི་སྐུ་ལ་དགོངས་པ་དམིགས་པ་མི་མངའ་བས་ཡེ་ནས་ཡེ་གྲོལ་དུ་གནས༔ ལོངས་སྐུ་ལ་གསལ་ལ་རྟོག་པ་མེད་པས་རང་སྣང་རང་གྲོལ་ལ་གནས༔ སྤྲུལ་པའི་སྐུ་ལ་ཞེན་ཆགས་དང་བྲལ་བས༔ གཅིག་སྐྱེ་གཅིག་འགག་ལ་གནས་པ་འོ༔ བརྒྱུད་པ་ནི་ལྷག་པ་དང་ཆད་པ་མེད་པའི་དོན་ཏེ༔ བསྐལ་པ་ཐོག་མ་མེད་པ་ནས༔ ད་ལྟའི་རྣལ་འབྱོར་པ་ཡ…