ལའང་། །བཀུར་སྟི་འབུལ་ཞབས་བསུ་བསྐྱེལ་བྱེད་པ་ཐོས། །དེ་ནས་སྤྱི་འབྱམས་གནས་སྒོ་ཕྱེས་ཚར་ནས། །ཆེན་མོ་མདོ་ཞེས་བྱ་བར་ཕེབས་པ་ཡི། །ཆེན་མོ་གཡག་གདོང་ཞེས་བྱས་གཙོར་བྱས་པའི། །ལྷ་འདྲེ་མང་པོས་སྲོག་གི་སྙིང་པོ་ཕུལ། །དེ་ནས་སྤར་ངེ་ཕུག་ཏུ་བྱོན་པའི་ལམ། །སྔར་ལོ་ལུང་བསྟན་གདན་ཞུས་བྱེད་མི་སོགས། །ལྷ་འདྲེ་ངོ་ཤེས་མང་པོ་མཇལ་དུ་བྱུ…

ལ། །གྲྭ་འཁོར་འགའ་རེས་ཚོགས་ཤ་མེད་རབ་སྨྲས། །བཀའ་སྲུང་དགེ་བསྙེན་སྨྱོ་ཁ་གནས་པ་ཡི། །མཚོ་འགྲམ་ཞིག་ཏུ་ཐབ་གསུར་ཤོར་བ་དང་། །ཕྱེ་རྒྱུའི་གནས་དེ་གཉན་པོར་འདུག་པའི་སློང་། །རྟ་ནོར་ཆུ་ལ་ཤོར་སོགས་གོད་ཁ་དང་། །གྲྭ་པ་འགའ་ཡང་གློ་བུར་སེམས་མ་བདེ། །འཚུབ་སློང་ཀྱང་ནི་རབ་ཏུ་ཆེ་བར་བྱུང་། །རྒྱལ་འགོང་ཆོ་འཕྲུལ་འགའ་ཡང་བྱུང་ན་ཡང་། …

རྣམས་ཀྱིས་གླེང་ངོ་སྐད། །འགྲོ་མགོན་སྐུ་འདྲ་མཇལ་ཚེ་ཤིག་ཤིག་བཞད། །ཕྱག་མཛུབ་སྐུ་འདྲའི་མཁུར་བ་ལ་བཙུགས་པས། །མི་ཡི་ཤ་ལྟར་ཕར་ལ་ནེམ་པ་དང་། །ཕྱག་མཛུབ་བསྐུམས་ནས་སྔར་ལྟར་གང་བ་བྱུང་། །སྔར་མེད་རིང་བསྲེལ་གཅིག་ནི་བྱོན་པ་ཡི། །ཐམས་ཅད་དད་ཅིང་གྲགས་ཀྱང་ཆེ་བར་བྱུང་། །གནས་ཀྱི་ངོ་སྤྲོད་འགའ་ཟུར་ཙམ་ཞིག་ལས། །ས་རྒྱ་ཆེ་བས་འབྱོན…

ཟུང་བསྟན་པ་མི་ཐེ་བའི། །དེ་ལྟར་གནས་སྒོ་ཆེ་ཆུང་བཅུ་གཅིག་སྟེ། །བཅུ་བཞི་ནས་བཟུང་དགུང་ལོ་བཅུ་དྲུག་བར། །ལོ་ངོ་གསུམ་ལ་ཕྱེས་པའི་གནས་སྒོ་ཡིན། །ད་རུང་གནས་སྒོ་མང་དུ་དབང་བ་ཡི། །རིམ་པར་ཕྱེ་བའི་རྟེན་འབྲེལ་ཡོད་པའོ། །བློ་ཆུང་ཐོས་པས་དབེན་པ་ལ་ལ་ཡིས། །འདི་ལྟར་ལུང་ཕྲན་རེ་ལ་གནས་སྒོ་རེ། །དེ་ལ་བསྐོར་བ་འགའ་ཙམ་བྱས་པ་ན། །ཕན་…

ཡི་རྣམ་ཐར་རྒྱས་བསྡུས་དང་། །བཀའ་རྒྱ་མ་དང་བཀའ་ཐང་རྒྱས་བསྡུས་ལ། །ལེགས་པར་གཟིགས་ན་དེ་དོན་གསལ་བར་མཆིས། །དེ་བཞིན་རང་བྱུང་རྒྱལ་བས་ཙཱ་རི་ཡི། །གནས་བསྟོད་ནང་དུ་བལ་ཡུལ་ཚུན་ཆད་ནས། །ཁ་བ་དཀར་དང་ཀོང་པོ་ལ་སོགས་ཡིན། །བོད་འདིར་རྩྭ་རིའི་གནས་ལག་གནས་ཕྲན་ནི། །སྟོང་ཕྲག་ཡོད་པར་བཤད་ཅེས་གསུངས་པར་སྣང་། །དེ་ལྟར་ཨོ་རྒྱན་སྲིན་ཡུ…

བརྗེད་རྡོ་ཡིན། །ཡུལ་གྲོང་རེ་ན་སྔགས་པ་རེ། །དེ་ཡང་ཨོ་རྒྱན་བརྗེད་རྡོ་ཡིན། །ལྷ་སྲིན་དམ་ལ་འདོག་ཐབས་རེ། །དེ་ཡང་ཨོ་རྒྱན་བརྗེད་རྡོ་ཡིན། །ངན་སྔགས་གཏེད་སེར་བཟློག་ཐབས་རེ། །དེ་ཡང་ཨོ་རྒྱན་བརྗེད་རྡོ་ཡིན། །ཟླ་བ་རེ་ལ་ཚེས་བཅུ་རེ། །དེ་ཡང་ཨོ་རྒྱན་བརྗེད་རྡོ་ཡིན། །མདོར་ན་གང་འདུལ་བསམ་མི་ཁྱབ། །ཐམས་ཅད་ཨོ་རྒྱན་དུས་དྲན་ཡིན། …

ཚེས་བཅུའི་ཉིན་པར་ཞིག །ཚོགས་འཁོར་བཤམས་ནས་མཆོད་འབུལ་གསོལ་བཏབ་ཀྱང་། །ཁ་བྱང་ཞལ་གཟིགས་ལ་སོགས་རྟགས་མ་བྱུང་། །དེ་དོན་འགའ་རེས་ཚོར་བས་མ་ལེགས་སམ། །ཧ་ཅིང་འདོད་པ་ཆེ་བས་ལེན་ནམ་སྙམ། །ཡི་མུག་ག་ཆད་བློ་ཡང་མ་བདེ་བས། །དེ་སྐབས་ཞིག་ལ་བདག་གི་རྨི་ལམ་ན། །ཁ་བྱང་འོང་བར་སྔ་ཕྱི་འདི་འདྲ་བ། །གཅིག་ལ་ཡོད་ལེ་ཡིན་ཞེས་སྒྲ་ཞིག་གྲག །ཐུ…

དྲན་བྲི་བས་ཕན་པ་ཅི་ཡོད་གསུངས། །འོ་ན་ཇི་ལྟར་བྲི་བ་ཡིན་ཞུས་པས། །ཡེ་ཤེས་ལྷ་དང་འཇིག་རྟེན་དྲེགས་པ་སྟེ། །སྐུ་མདོག་ཕྱག་མཚན་ཇི་ལྟར་ཡོད་པ་དང་། །དེ་ཡི་སྔགས་ལ་ཇི་ལྟར་ཡོད་པ་དང་། །དེ་ལ་སྒྲུབ་ལུགས་ཇི་ལྟར་བྱས་ན་འགྲུབ། །ལྷ་དེའི་ལས་ཚོགས་གང་དང་གང་ཡོད་པ། །ལྷ་འདྲེ་ཆེ་ཆེ་སྲོག་སྔགས་ཡོད་པ་དང་། །དེ་ཉིད་བསྒྲུབས་ན་ཕྲིན་ལས་གང…

ནད་མུག་མཚོན་འཁྲུག་དང་། །མི་བདེ་སྣ་ཚོགས་འབྱུང་བར་ལུང་བསྟན་ཅིང་། །དེ་ཉིད་བཅོས་ཐབས་ཡོད་པར་གསུངས་ན་ཡང་། །གཞུང་དེར་མགོ་སྨོས་ཙམ་ལས་མ་བྱུང་ཞིང་། །གཏེར་ཁ་གཞན་ལ་ཡོད་པའང་མ་ཚོར་བས། །འདི་ཡི་བཅོས་ཐབས་གཅིག་ནི་འདོད་དོ་ཞུས། །དེ་ཡང་ང་ཡི་བྲི་རྒྱུ་ཡོད་གསུངས་ནས། །སྡེ་བརྒྱད་སོ་སོའི་མདོས་ཆུང་བརྒྱད་དང་ནི། །གཅིག་བསྡུས་མདོས…

རྣམས། །ཡར་ཕྱིར་ལུས་ནས་འདི་བྱེད་མ་རྙེད་པས། །དགོངས་གཏེར་ཕབ་ནས་ཆར་འབོད་བྱས་པ་ཡིས། །མྱུར་དུ་ཆར་པ་ཆེན་པོ་འདོད་བཞིན་བབ། །བྱང་ངོས་ཕེབས་སྐབས་ཆར་པ་ཆེ་དྲག་པས། །ཆར་བཀག་གཞན་འགའ་བྱས་ཀྱང་ཐུབ་མ་གྱུར། །དགོངས་གཏེར་ཕབ་ནས་གྲྭ་པར་སྔགས་བཅུག་པས། །ལམ་ཆར་ཐེམ་བུ་བཀག་ལྟར་བྱུང་ངོ་ཟེར། །དྲུང་ཡིག་པ་དང་གྲྭ་པ་ཐམས་ཅད་ནི། །གདམས་ངག་…

ཆེན་པོ་བཀའ་བརྒྱད་དང་། །གྲོ་ལོད་ཧཱུྃ་མཐིང་ཁྲོས་མ་ལྷ་ལྔ་དང་། །དེ་སོགས་ཚིག་ཉུང་དོན་འདུས་དབང་དང་ནི། །སྒྲུབ་པ་ཚང་བ་སྤྲོས་མེད་ཁོ་ནའི་ལུགས། །སྔ་ཕྱི་ཐམས་ཅད་བསྡོམས་ལ་སྤྱོད་ཁ་ལོང་། །དེ་ནས་དགོངས་གཏེར་དེ་ཡང་མ་གསལ་སོང་། །ཐལ་ཐོལ་བྲི་བར་མ་སྤོབས་གསུང་བྱུང་བས། །ད་ནི་ཕལ་ཆེར་རྫོགས་པ་ཡིན་ནམ་སེམས། །དེ་དག་འགའ་རེའི་གཏེར་བ…

རིག་སྔགས་གཟུངས་སྔགས་ཀུན་གྱི་བདག །གསང་བའི་བདག་པོ་དངོས་སྤྲུལ་ཀུན་དགའ་བོ། །དེ་ཉིད་བོད་དུ་འཁྲུངས་པ་བཻ་རོ་ཙཱ། །དེ་དང་དབྱེར་མེད་ཤུད་བུ་དཔལ་སེང་གེ །སྐྱེ་མཐའ་མི་འགྱུར་རྡོ་རྗེ་ཡིན་པའི་ཕྱིར། །གསང་སྔགས་རིག་སྔགས་སྔར་མེད་ཐུགས་ལ་གསལ། །འདི་འདྲ་སྔར་ཡང་བྱུང་བའི་ལོ་རྒྱུས་ཡང་། །མངའ་བདག་མྱང་གིས་དམིགས་ཉོབ་མར་གྲགས་པའི། །…

སྔགས་པའི་ཚུལ་བཟུང་ནས། །སྔར་མེད་རྒྱུད་སྡེ་སྨྲ་བ་ལ་སོགས་ཀྱང་། །བཀག་པ་མེད་ཚུལ་མི་བསྐྱོད་རྒྱལ་བས་གསུངས། །དེ་བཞིན་ཆོས་རྣམས་ཡང་དག་བར། །སྡུད་པའི་མདོ་སྡེ་ལས་ནི་བཀའ་བསྩལ་པ། །བྱང་ཆུབ་སེམས་དཔའི་བསམ་པ་རྣམ་པར་དག་པ་ལ་ལ་ནི། །རང་གིས་ཡིད་ཀྱི་སྤྱོད་པ་ཉིད་ལས་གདམས་ངག་དང་། །རྗེས་སུ་བསྟན་པ་ཐམས་ཅད་འབྱུང་ངོ་གསུངས། །དེ་ལྟར་…

ཀྱང་། །དཔེ་རྒྱུད་མང་དུ་བརྒྱུད་པས་ལྷག་ཆད་མང་། །དཔེ་མང་འཛོམ་ཡང་ཞུ་དག་གཅིག་མི་གཏུབ། །བརྒྱུད་པ་རིང་དྲགས་བར་སྐབས་དམ་སེལ་ཆོད། །བཅོས་བསླད་མང་པོས་གཞུང་ཉིད་གར་སོང་མེད། །ལེགས་ལེགས་འདྲ་ཡང་བསྒྲུབས་པས་རྟོགས་མི་འབྱིན། །གསང་སྔགས་འཆལ་བས་དར་ལ་མ་སྨིན་གྱུར། །ལ་ལ་མི་རབས་གྲངས་དང་ལོ་ཡི་གྲངས། །ཆོས་དེའི་འདུལ་སྐལ་རྫོགས་པས་བ…

བསྟན། །གུ་རུ་ཆོས་དབང་རྣལ་ལམ་ལུང་བསྟན་ཡང་། །མི་རབས་བརྒྱད་ནས་དབང་ལུང་རྒྱུན་ཙམ་ལས། །བྱིན་རླབས་བཀའ་ནི་ཡལ་བར་ཨོ་རྒྱན་གསུངས། །དེ་ཕྱིར་གནམ་ཆོས་དགོངས་གཏེར་ས་གཏེར་སོགས། །བརྒྱུད་པ་ཉེ་ཞིང་ཚད་ལྷག་བཅོས་སླད་མེད། །བྱིན་རླབས་མཁའ་འགྲོའི་ཁ་རླངས་མ་ཡལ་བ། །བསྒྲུབས་ན་མྱུར་དུ་རྟགས་མཚན་འབྱུང་བའོ། །དེ་བཞིན་གནས་དང་རང་བྱོན་རྟ…

རྔོན། །མུ་སྟེགས་ལུགས་ལྟར་བཤས་མང་དམར་མཆོད་དར། །གསང་སྔགས་ཕོ་བྲང་ཡིན་ཟེར་དགེ་ཚུལ་སློང་། །ཞུས་པ་གྱ་མ་ཐོ་འཚོགས་ཚུལ་ཁྲིམས་འཆལ། །དམ་ཚིག་ཉམས་གྲིབ་གནས་ཀྱི་བྱིན་རླབས་རྣམས། །དེ་དོན་གསར་རྙིང་གཏེར་ཁ་དུ་མ་ནས། །རྩྭ་རིའི་གནས་མཆོག་རྡོ་ཡིས་ཉམས་པར་བྱེད། །རྡོ་ཡི་མཆོད་རྟེན་གདུགས་དང་ཆོས་འཁོར་ཉམས། །ཙཱ་རིའི་ཁོལ་དུ་ཤ་མཁར་བར…

བས། །ཀུན་གྱིས་མནའ་བསྐྱལ་མེ་རུ་འབར་མི་ཉིན། །ཐལ་ཚུབ་འདྲ་བ་འཚུབས་ནས་དེའི་ཕྱི་ནས། །འགགས་ནས་འགྲོ་སྟབས་དཀའ་བ་བྱུང་བ་ལ། །སྤྲུལ་སྐུ་ཕེབས་ནས་ཕྱག་ནས་མཛད་པ་ཡིས། །དེ་ནས་ལམ་བྱེ་ཆུ་མིག་སྔར་ལྟར་སོས། །དགོངས་གཏེར་ཇི་ལྟར་བྱོན་ཚུལ་དང་། །གཏེར་སར་གནས་སར་གྱི་དགོས་ཆེད་བསྟན་པའི་ལེའུ་སྟེ་བཅུ་པའོ།། །།དེ་ནས་གནས་སར་གནམ་ཆོས་དགོ…

པ་ཡིས། །ཕྲེང་བ་དག་ཀྱང་ཁྲ་བོར་སོང་བ་མང་། །དེ་བཞིན་སྤོམ་ནེ་བྲག་ཀྱང་འགྲོ་དོན་ཆེ། །སྤྱི་འབྱམས་སེང་གེ་གནམ་མཆོང་གནས་གཉིས་པོ། །བོད་དང་སོག་པོ་བསྐོར་མི་གྲངས་མེད་བྱུང་། །ནམ་རུ་འདྲབ་རྒྱས་བསྐོར་མི་འགའ་རེ་ཙམ། །ར་ཙ་དཀར་འབེལ་ཕྱེ་ཡག་མ་གྲུབ་ཅིང་། །གཡང་ས་ཆེ་བས་འགྲོ་དོན་ཆེ་བར་མེད། །དེ་དག་རྣམས་སུ་ཕྱག་དང་བསྐོར་བ་དང་། །ཐ…

ས་རྡོ་རི་བྲག་ལམ་འཕྲང་ལ་སོགས་སུ། །སྐུ་གསུང་ཐུགས་ཀྱི་སྤྲུལ་པ་རང་བྱུང་འབྱོན། །དེ་མཐོང་ཐོས་དང་གང་འབྲེལ་ངན་སོང་མེད། །ཕྱོགས་ནི་མ་ངེས་ཕྱོགས་མཚམས་དབུས་ལ་སོགས། །ཉེ་རིང་མེད་ཕྱིར་ཀུན་ཏུ་འབྱོན་པར་འགྱུར། །དེ་བཞིན་དུས་ལ་ངེས་མེད་ནམ་ཡང་འབྱོན། །ཡུན་ལ་ཚད་བཟུང་མེད་དེ་འཁོར་མཐའི་བར། །ཞེས་གསུངས་གནས་སར་འདི་དག་ཐམས་ཅད་ལ། །མ…

མཆོད་རྟེན་བསྐོར་བ་བྱས་པ་ནི། །ལྷ་དང་དེ་བཞིན་མི་རྣམས་ཀྱིས། །ཚེ་རིང་བ་ཡང་དེ་ཡིས་ཐོབ། །གྲགས་པ་ཆེན་པོ་ཐོབ་པར་འགྱུར། །འཛམ་བུ་གླིང་གི་རིགས་ཀྱི་མཆོག །ཆོ་རིགས་ཡོངས་སུ་དག་པ་དང་། །བློ་ལྡན་དུ་ཡང་སྐྱེ་བར་འགྱུར། །མཆོད་རྟེན་བསྐོར་བ་བྱས་པ་ནི། །ཁ་བཞིན་དག་ཀྱང་བཟང་བ་དང་། །མདོག་སྡུག་པ་དང་མཁས་པ་དང་། །བདེ་བར་གནས་པ་ཐོབ་པར…