༄༅། །བྱེ་མ དྷཱན སྱབི གྷ ཎྜ ནི རྒྱུ ཥ ནཱ མ ནི ཆ ན ཀཱ ཡ ནི ཡཱ མ བ ཛྲ སྱ པྲ ཥཱ བི མོ ཀྟ བིཧ ར ཏི སྨ། ། སྤྲུལ་སྐུ་མི་འགྱུར་རྡོ་རྗེའི་ཕྱིའི་རྣམ་ཐར་ཀུན་ཁྱབ་སྙན་པའི་འབྲུག་སྒྲ་ཞེས་བྱ་བ་བཞུགས་སོ། །

༄༅། །ན་མོ་གུ་རུ་དྷེ་ཝ་ཌཱཀྐི་ནཱི་སརྦ་དྷརྨཱ་སིདྡྷི་ཕ་ལ་ཧཱུྃ། ཆོས་སྐུ་རང་བཞིན་གདོད་ནས་རྣམ་དག་འོད་མི་འགྱུར་བའི་ལྷ་ལམ་ཀུན་ཁྱབ་ཡངས་པ་ཆེན་པོ་ལ། །ལོངས་སྐུ་མཚན་དཔེའི་གཟི་བརྗིད་དཔལ་འབར་མཁྱེན་དང་བརྩེ་བའི་ཆ་ཤས་ཡོངས་རྫོགས་ནམ་མཁའི་ནོར་བུ་ཤར། །སྤྲུལ་སྐུ་གང་ལ་གང་འདུལ་བྱེ་བ་ཕྲག་བརྒྱ་གྲངས་འདས་ཐུགས་རྗེའི་འོད་ཀྱིས་འགྲོ…

བསྒྱུར་མ། །མཚོ་རྒྱལ་མ་དེས་བདག་སྐྱོངས་ཤིག །ཉི་མ་དང་ནི་འོད་ཟེར་བཞིན། །ཐ་མི་དད་ཀྱང་སོ་སོར་སྣང་། །འགྲོ་བའི་མུན་པ་སེལ་བའི་འཕྲུལ། །བཻ་རོ་ཤུད་པུ་སོགས་ལ་འདུད། །མི་ལས་འདས་ཀྱང་མི་གཟུགས་ཀྱིས། །སྒྲུབ་བརྒྱུད་བསྟན་པ་སྤེལ་བའི་གར། །སྟོན་མཛད་པད་འབྱུང་བསྟན་པའི་རྒྱན། །དབང་དྲག་རྒྱ་མཚོ་གང་དེ་རྒྱལ། །དེ་ཉིད་བསམ་བཞིན་འགྲོ་…

ནི༔ སྤྱིར་རྣམ་ཐར་གྱི་ངོ་བོ་དང་དབྱེ་བ་དགོས་ཆེད་དང་རྣམ་ཐར་དངོས་སོ། །དང་པོ་ནི་སངས་རྒྱས་ཐམས་ཅད་ཀྱི་ཆོས་སྐུ་ནི་གཅིག་པ་སྟེ་དེའི་རྣམ་པར་ཐར་པ་ནི་ཡོ་ག་སྐོར་གསུམ་གྱི་རྒྱུད་སྡེ་རྣམས་སོ། །སངས་རྒྱས་ཐམས་ཅད་ཀྱི་ལོངས་སྐུ་ནི་རིགས་རྣམ་པ་ལྔར་ངེས་སོ། །དེའི་རྣམ་པར་ཐར་པ་ནི་ཀྲི་ཡོག་སྡེ་གསུམ་གྱི་རྒྱུད་སྡེ་རྣམས་སོ། །སྤྲུལ་ས…

མངོན་པར་ཤེས་པ་ཐོབ་པ་མ་གཏོགས་པའི་སྤྱོད་ཡུལ་དུ་མ་གྱུར་པ་སྐྱེས་རབས་ཀྱི་ཕྲེང་བ་དྲན་ཚུལ་སོགས་ནི། བློ་ཆུང་དང་ལོག་ལྟ་ཅན་སོགས་ལ་བློར་ཤོང་དཀའ་བས་གསང་བའི་རྣམ་ཐར་དང་། གསང་སྔགས་གསང་བའི་གནད་སྦྱོར་སྒྲོལ་གྱི་ཕྱག་ལེན་དམ་རྫ་ས་དང་གསང་བར་གཉེར་དུ་གཏད་པ་རྣམས་ནི་རང་གི་སློབ་དཔོན་ནམ་དམ་སེལ་མེད་པའི་མཆེད་གྲོགས་རྡོ་རྗེ་སྤྱན་ན…

གིས། སངས་རྒྱས་ཀུན་དང་བླ་མ་མཉམ་ཞེས་དང་། །བླ་མ་དང་ནི་ཡི་དམ་ལྷ། །ཐ་དད་པར་ཡང་མི་ལྟའོ། །ཞེས་པའི་དོན་ལ་བསམས་ནས། བླ་མ་སོ་སོའི་སྐྱེ་བོ་ལ་ཡང་སར་གནས་སེམས་དཔའ་ཙམ་དུ་བསྟོད། བླ་མ་སར་གནས་ཙམ་ལ་སངས་རྒྱས་ཙམ་དུ་བསྟོད་པའི་རྣམ་ཐར་དག་ཡོད་པར་སྣང་མོད་ཀྱི། འདིར་ནི་དེ་ལྟར་མི་བྱ་སྟེ། མ་མཐོང་བ་ཞིག་མཐོང་ཞེས་མི་ཆོས་བླ་མའི་རྫུན་…

ནོ། །ཞེས་སྙན་ངག་གི་བསྟོད་པ་ལ་འགལ་བ་མེད་ཅེས་མཁས་པ་རྣམས་བཞེད་ཀྱང་། བསྟོད་མི་འོས་པ་ལ་སྙན་ངག་གིས་བསྟོད་ན་ཡང་ངག་འཁྱལ་ཡིན་པར་བཤད་ལ། ངག་འཁྱིལ་ནི་མི་དགེ་བཅུའི་ཡ་གྱལ་དུད་འགྲོར་སྐྱེ་བའི་རྒྱུ་ལགས་སོ། །དེ་ནས་དེ་དག་ལྟ་བུ་ནི་འདིར་བཀོད་པར་མི་བྱའོ། །རྫུན་མ་འདྲེས་པར་དྲང་པོའི་ཚིག་གིས་བསྟོད་པར་འོས་པ་སུ་ལ་བསྟོད་ཀྱང་ཕན་…

རྣམ་ཐར་དང་ཆེ་བརྗོད་རྡོ་རྗེ་སློབ་དཔོན་དེས་མཛད་པ་ཤིན་ཏུ་མང་ལ། འཇའ་ཚོན་པའི་རྣམ་ཐར་ནོར་བུ་རྒྱན་པས་མཛད་པ་སོགས། སློབ་དཔོན་སློབ་མ་གཉིས་ཀ་ཡིན་པ་རྣམས་ཀྱིས་མཛད་པ་ཡང་མང་ཞིང་། རྗེ་སངས་རྒྱས་དབོན་གྱིས་གཞོན་ནུ་རོ་རྩེད་སྐུ་ཞང་ལྷ་རིན་པོ་ཆེས་བསྒྲིགས་པ་སོགས་སྐུ་ཉེ་དག་གིས་བསྒྲིགས་པ་དང་། གྲུབ་མཐའ་སོ་སོའི་སྤྲུལ་སྐུ་རྣམས་…

སོགས་ལ་རྩིས་མེད་པར་ཆོས་ཉམས་ལེན་གཙོ་བོར་སྟོན་པ་དག་གི །རང་རང་གིས་རྣམ་ཐར་མཛད་ཀྱང་མི་གསལ་ཏེ། རྗེ་མི་ལས། ང་འཇམ་དཔལ་བཤེས་གཉེན་པའི་རྣམ་འཕྲུལ་ཟེར་བ་སོགས་ང་ལ་སྐུར་འདེབས་ཡིན། ང་རང་བསྒོམས་པས་གྲུབ་པ་ཐོབ་པ་ཡིན་གསུངས་པ་དང་། གཙུག་ལག་ཕྲེང་བས་ལར་སྐྱེ་བ་མ་དྲན་འཆི་བ་དྲན་གསུངས་པ་ལྟ་བུའོ། །སློབ་མ་བླུན་དད་ཅན་གྱིས་བརྩམས་པ…

པའི་གདན་ས་མ་ཟིན། ་ཁྱེར་ཁ་དང་དྲག་མི་ཆེ་བ་ལ་གྲུབ་ཆེན་ཀརྨ་པ་སློབ་མར་གྱུར་ཏེ་ཞལ་ཆེམས་ལ་ཡང་། བརྒྱུད་པ་འདི་བླ་མ་བས་སློབ་མ་བཟང་བ་ཁོ་ན་འབྱུང་བ་རྟེན་འབྲེལ་ཡིན། ང་ཡན་གྱི་བརྒྱུད་པ་ཐམས་ཅད་ཀྱི་གདུལ་བྱ་འགྲོ་དོན་ཁྱོད་གཅིག་པུ་ལ་འོང་གསུངས་པ་དང་། རྨོག་ཅོག་པ་རིན་ཆེན་བརྩོན་འགྲུས་དེ་རི་ཕུག་པའི་རྟོགས་ལྡན་སྒྲུབ་པ་བ་ལྟ་བུ་…

པ། ཁར་སང་ནས་ཁྱོད་སེམས་མི་བདེ་བར་འདུག་པས་གྲོགས་ལ་འོང་བ་ཡིན། དོ་ནུབ་རྒྱ་གར་གྱི་དུར་ཁྲོད་ཞིག་ཏུ་སློབ་དཔོན་དྷ་ན་སཾ་ཀྲྀ་ཏས་ཚོགས་འཁོར་མཛད་པ་ན་ངེད་རྣམས་འགྲོ་དགོས་པ་ཡིན་ཟེར་ནས་རླུང་འཚུབ་མ་ཞིག་ཏུ་གྱུར་ཏེ། ཚོང་དཔོན་དཔོན་གཡོག་དྲེལ་ཁྱུ་དང་བཅས་པ་མེད་པར་སོང་བས། ཆས་ཀ་རྣམས་དེ་ཀར་ལུས་པ། ཡར་དག་བྱེད་ནས་བསྐྱལ་དགོས་བྱུང…

རྒན་པོ་འཆི་ཁ་མ་འཆི་ཆིས་ཐུགས་དམ་དགེ་སྦྱོར་ལ་མི་འབུང་བར། རྣམ་ཐར་སོགས་ཀྱི་རྩམ་དང་བསྟན་པའི་རྒྱ་བསྐྱེད་རྒྱུ་རང་ལ་ཅི་ཡང་མེད་བཞིན་དུ་ཡོད་པ་བརྫུ་བ་འདི་ཅི་ལ་བྱེད་སྙམ་ན། དེ་ཡང་བདེན་མོད་ཀྱི། རིག་འཛིན་བདུད་འདུལ་རྡོ་རྗེ་ལ་མཚམས་སྒྲུབ་ཀྱི་དམ་བཅའ་ཕུལ་བ་ན། ཁྱོད་རིག་འཛིན་རྒས་པོ་གཅིག་ད་མཚམས་སྒྲུབ་དགོས་རྒྱུ་མེད། དེ་བས་…

བོ་ནི་སྐྱེ་བ་ཕལ་ཆེར་དུ་འབྲལ་བ་མེད་ཅིང་། ད་རེས་ཀྱང་ཆོས་བདག་གི་གཙོ་བོར་གསུངས་ཤིང་། སྤྲུལ་སྐུ་འདི་བདག་གི་མེ་ཏོག་ཕོག་པའི་ལྷ་སྐལ་དང་ཆོས་འདི་རྣམས་ཀྱང་བདག་གི་ཆོས་སྐལ་དུ་ངེས་པའི་ཕྱིར། གང་ཟག་དང་ཆོས་འདིའི་ཆགས་ཕྱི་འགྲུབ་ན་བདག་ད་རེས་མིར་སྐྱེས་པ་འདིའི་དོན་གོ་ཡང་དེ་ཡིན་པར་འདུག་སྙམ་ནས་བྲི་བ་ཡིན་ཏེ། གཞན་འཇིག་རྟེན་ག…

མགོ་བསྐོར་བའི་བསམ་སྦྱོར་སྤངས། །གསར་རྙིང་མདོ་རྒྱུད་དུ་མའི་དབང་ལུང་ཕྱུག །ཡིད་མི་ཆེས་པའི་ཆོས་ཤིག་ཉམས་མི་ལེན། །སངས་རྒྱས་ཡིན་ཞེས་བླ་མ་མང་ཞིག་བསྟེན། །སྐུ་སྐྱེ་ཡིན་ཟེར་ཙམ་ལ་སྐྱབས་མི་ཞུ། །སེམས་ཅན་བསླུས་པའི་ཉེས་དམིགས་གང་ཡོད་ཤེས། །དམ་པ་མིན་པ་དམ་པར་ངས་མི་བསྟོད། །གཏེར་རྫུན་བདུད་སྤྲུལ་ཡིན་ཚུལ་ལུང་མང་མཐོང་། །གཏེར…

ཕྱིར་སྨྲས་སོ། །དེ་ཡན་གྱི་རྣམ་ཐར་གྱི་ཁོག་ཕུབ་པའི་ལེའུ་སྟེ་དང་པོའོ།། །།དེ་ནས་རྣམ་ཐར་དངོས་ལ་ལེའུ་སོ་ལྔ་འབྱུང་བའི་དབང་དུ་བྱས་ཏེ། དང་པོ་དེ་བཤད་པ་ལ་ཡང་ཡུལ་དང་། དུས་དང་། རིགས་རུས་དང་། ཡབ་ཡུམ་སྟེ་གཟིགས་པ་ལྔའི་རྣམ་པས་སོ། །ཡུལ་ལ་ཡང་སྤྱིར་བཤད་པ་དང་། བྱེ་བྲག་ཏུ་བཤད་པ་དང་། ཡབ་ཡུལ་བཤད་པ་དང་། འཁྲུངས་ཡུལ་བཤད་པ་དང་།…

འཇིག་རྟེན་གཞན་དུ་དགེ་སྡིག་བསྐལ་པར་སྤྱད་པ་བས་འདིར་སྐད་ཅིག་སྤྱད་པས་སྟོབས་ཆེ་བར་བཤད་དོ། །འཇིག་རྟེན་འདི་ཁོ་ན་ལ་ཡང་གླིང་བཞི་རི་རབ་དང་བཅས་པ་བྱེ་བ་ཕྲག་བརྒྱ་སྟེ། དེ་དག་གི་རྡོ་རྗེ་གདན་བྱེ་བ་ཕྲག་བརྒྱ་ན་ཤཱཀྱ་ཐུབ་པ་བྱེ་བ་ཕྲག་བརྒྱ། ཨོ་རྒྱན་ཡུལ་བྱེ་བ་ཕྲག་བརྒྱ་ན་ཨོ་རྒྱན་པདྨ་བྱེ་བ་ཕྲག་བརྒྱ་བྱོན་ནོ། །ད་ལྟ་འདི་ན་ཇི་ལ…

ཆེན་བཞི་དང་། གླིང་ཕྲན་བརྒྱད་དང་བཅུ་གཉིས་གྲགས་ཆེ་ཡང་། འཛམ་གླིང་འདིའི་མཐའ་སྐོར་དུ་ཟླ་བའི་གླིང་དང་། གསེར་གླིང་དང་། ནོར་བུ་གླིང་དང་སེང་ག་ལའི་གླིང་སོགས་གླིང་གཡོག་ཕྲན་བུ་ནི་མང་དུ་ཡོད་པར་བཤད་དོ། །དེ་ལ་སངས་རྒྱས་སྟོང་འབྱོན་ཞིང་དམ་པའི་ཆོས་དར་བས་མཆོག་ཏུ་བཤད་པ་ལྷོ་རྒྱལ་འཛམ་བུ་གླིང་། མཚོ་མ་དྲོས་པ་དང་ཤིང་ཛམ་བུ་པྲ…

སྤྱན་རས་གཟིགས་ཀྱིས་བྱིན་གྱིས་བརླབས་པའི་ཞིང་ཁམས་ཡིན་པས། བྱང་ཆུབ་སེམས་དཔའ་མང་དུ་འབྱུང་བ་སྟེ། བཀའ་གདམས་བུ་ཆོས་རྒྱལ་བུ་དཀོན་མཆོག་འབངས་ཀྱི་སྐྱེས་རབས་ལས། ནུབ་ཕྱོགས་ཨོ་རྒྱན་གྱི་ཡུལ་ནས་གསང་བ་ཡེ་ཤེས་ཀྱི་མཁའ་འགྲོ་ལ་སོགས་པ་མཁའ་འགྲོ་ཐམས་ཅད་ཀྱིས་རྡོ་རྗེའི་གླུ་བླངས་ཏེ་ལུང་བསྟན་པ། ཤར་རྡོ་རྗེ་གདན་གྱི་བྱང་ཕྱོགས་ན། །…

མདོག །མདོག་ཕུན་སུམ་ཚོགས་པའི་རི་བོ་ལ། །ལྟས་ཁྱད་པར་འཕགས་པའི་མཚན་མ་ཡོད། །ཀྱེ་གངས་རིའི་མགོན་པོ་སྤྱན་རས་གཟིགས། །མི་ཁྱོད་ཀྱི་ཞིང་ཁམས་དེ་ན་ཡོད། །ཞིང་དེ་ན་ཁྱོད་ཀྱི་གདུལ་བྱ་ཡོད། །འབྲུ་སྣ་ཚོགས་སྨིན་པའི་ཞིང་ས་ཡོད། །འབྲུ་བང་མཛོད་རྒྱས་པའི་རྟགས་སུ་བཟང་། །ཤིང་སྣ་ཚོགས་སྐྱེས་པ་ནགས་ཀྱི་ཁྲོད། །གནས་ཁང་བཟང་འཕེལ་བའི་རྟགས…

ཡོད། །ཅེས་ལུང་བསྟན་པའི་བོད་ཁ་བ་ཅན་ནོ། །སྤྱིར་བོད་ཁ་བ་ཅན་དུ་བྱང་ཆུབ་སེམས་དཔའ་མང་པོ་དག་འཁྲུངས་བའི་ལུང་ཡང་འཕགས་པ་གླང་རི་ལུང་བསྟན་པའི་མདོ་ལས། མ་འོངས་པའི་དུས་ན་བོད་ཡུལ་དུ་དཀོན་མཆོག་གསུམ་གནས་ཤིང་མཆོད་གནས་ཆེན་པོ་བྱེད་པ་དང་། ཡུལ་དེ་དག་ཀྱང་བྱང་ཆུབ་ཆེན་པོའི་གནས་སུ་འགྱུར་ཞིང་། སེམས་ཅན་དེ་དག་ཀྱང་བྱང་ཆུབ་ཆེན་པོའ…