ཟེར་བའི་སྒྲ་ཞིག་གྲག །དེ་ནས་དེ་ཡི་རྗེས་ཤིག་ལ། །སྤྲུལ་སྐུའི་བརྟགས་པ་བྱས་པའི་ཚེ། །ཅི་ཡིན་མི་ཤེས་མེ་ཆེན་པོ། །འབུད་ཅིང་མི་མང་འཚོགས་པར་རྨིས། །ཕྱིས་སུ་བསམས་པས་གདུང་བཞུ་བའི། །རྟགས་ནི་ཡིན་པར་རྗེས་སུ་ཤེས། །བྱ་ཟླའི་ཚེས་བཅུར་སྤྲུལ་སྐུ་ལ། །ཅི་འདྲ་འོང་ཞེས་བརྟགས་པ་བྱས། །བུད་མེད་རྒྱན་ལྡན་མཛེས་མ་ཞིག །མོ་རང་མགོ་ནས་གཡ…

ནི་འགྲོ་འདོག་མེད། །འདི་ན་མི་ངོས་གཅིག་མེད་ན། །ཐམས་ཅད་ཤག་ནས་སོང་ཟེར་ནས། །མཁར་ཁང་དཔོན་གྱིས་རྩིས་ལེན་དགོས། །ཁྱེད་ཚང་ད་ལོ་དཔྱིད་སོ་ཡིས། །སྤར་ཁ་ཤིན་ཏུ་རྩུབ་པའི་ཕྱིར། །འབུམ་ཚར་གཅིག་གཉིས་ཚེ་མདོ་གཟུངས། །སྤར་ཁའི་ཆོས་ཕྲན་འདོན་པ་དང་། །ཕྱག་རྡོར་སྤར་སྐུ་ཚ་ཚ་སོགས། །ཅི་མང་འདེབས་ཤིང་མཚམས་བཞིར་སྤུངས། །དེ་སོགས་བསླབ་བྱ…

ལ། །རྒྱལ་བ་ལྷོ་ཡི་ཚེ་འདས་ཞེས། །ཟེར་བའི་སྒྲ་ཞིག་ལྷང་གིས་བྱུང་། །དེ་མ་ཐག་ཏུ་མངོན་སུམ་དུ། །འབྲུག་སྒྲ་སེར་བ་དྲག་པོ་བྱུང་། །ལྷོ་ཞེས་ཟེར་བ་སྤྲུལ་སྐུ་ལ། །མི་ལྟ་སྙམ་ཡང་ཕྱིས་བསམས་པས། །ལྷོ་རྒྱུད་ངོམ་གྱི་ས་ཆ་ཞེས། །འཁྲུངས་པའི་ས་ལ་བལྟ་བར་སྣང་། །རྒྱུན་དུ་སྤྲུལ་སྐུའི་སྐུ་གཞོགས་སུ། །བསྐང་གསོ་རྒྱུན་དུ་བཏང་བ་དང་། །ཚེ…

ཐུབ་པའི་དབང་པོ་ཡང་། །བསྙུང་རྒྱུ་མེད་ཀྱང་བསྙུང་ཚུལ་བསྟན། །ཀུན་དགའ་བོ་ལ་བཀའ་སྩལ་པ། །ང་ཡི་ཀླད་པ་ན་ཞིང་གཟེར། །ཁྱོད་ཀྱིས་ང་ཡི་རྒྱབ་ཕྱོགས་ནས། །མདོ་སྡེ་ཟབ་མོ་ཐོན་ཞིག་གསུངས། །དེ་ཡང་ཕྱི་རབས་པ་རྣམས་ལ། །ས་ལམ་མཐོན་པོ་ཡིན་ན་ཡང་། །སྐུ་རིམ་དགོས་པའི་བརྡ་རུ་སྣང་། །དེ་བཞིན་འདུལ་བ་ལུང་སོགས་ནས། །ཐུབ་པ་བསྙུང་བའི་ཚུལ་བསྟ…

ཉམས་ལེན་གཙོ་བོ་མིན། །དེ་མིན་འཆི་བསླུ་སྐུ་རིམ་དང་། །སྨན་དཔྱད་ལ་སོགས་མ་བྱས་པར། །འཕོ་བ་ལ་སོགས་བྱས་ན་ནི། །ལུས་ལྷ་བསད་པའི་ལྟུང་བ་ཕོག །འཕོ་བ་ལ་སོགས་མ་བྱས་ཀྱང་། །འཆི་བར་མི་འཚེར་འཆི་བཅུག་ན། །ཕུང་པོ་སངས་རྒྱས་མངའ་བདག་ལ། །བརྙས་པར་བྱས་པའི་ལྟུང་བ་ཕོག །དེ་ལ་དགོངས་ནས་སྐུ་རིམ་མཛད། །ཧ་ཅང་འཆི་ལ་འཚེར་བ་དང་། །སྐྲག་འཇིག…

བརྟན་བཞུགས་ཕུལ་བའི་ལེའུ་སྟེ་ཉི་ཤུ་རྩ་ལྔའོ།། །།དེ་ནས་རྨུགས་སངས་གནས་ནང་དུ། །སྤྲུལ་སྐུ་ཚད་པ་འདྲ་ཞིག་བསྙུང་། །དེ་ཉིད་ཅུང་ཟད་བདེ་བ་དང་། །དེ་ནས་བད་ཀན་སྨུག་པོ་འདྲ། །ཇེ་ཆེར་སོང་ནས་ཐུ་བར་ཡོད། །ཕྱག་རྫ་ས་ཕལ་ཆེར་སྐུ་རིམ་དང་། །རི་བཤུ་ལ་སོགས་བྱས་ན་ཡང་། །ཕན་སྐྱེད་ཅི་ཡང་མ་བྱུང་སྐད། །སྔགས་འཆང་རྭ་ག་ཨ་སྱ་ཡང་། །ཉིན་གུང…

ཡི་གེ་དམ་པོ་འདུག་པའི་ཕྱིར། །མལ་ནི་གསོ་བར་མི་གདའ་སྟེ། །ཕར་ལམ་རྡོག་མགོ་ཀློད་ནས་སོང་། །ཞེས་སྨྲས་ཞག་པོ་གཉིས་ལས་ནི། །མ་ཐོག་པར་བྱས་མྱུར་དུ་བརྫོངས། །དེ་ནས་སྲུང་འཁོར་བསྲེ་བ་དང་། །ལུས་སྦྱིན་ལ་སོགས་འབད་བཞིན་དུ། །རྙིང་མའི་ལུགས་ཀྱི་མདོས་བཟློག་སྐོར། །སྐུ་གཞོག་རྙིང་མའི་བླ་མ་མང་། །དེ་ཚོས་ཐམས་ཅད་མཛད་ནི་ཡོད། །གསར་མའ…

རང་ནི་མ་ཡིན་པའི། །ཡུད་ཙམ་འཐུམ་པའི་ཉམས་སྣང་ལ། །ཁང་པ་ཞིག་གི་ནང་དུ་ནི། །ཅོག་བུ་དཀར་པོ་ཕུབ་འདྲའི་ནང་། །རང་གི་བུ་ཆེན་རྩིས་ཆེན་གཅིག །སུ་ཡིན་ངོས་ནི་མ་ཟིན་ཏེ། །སྐུ་ལ་རིས་གོས་མནབ་པ་གཅིག །འདས་ནས་ཐུགས་དམ་བཞུགས་འདུག་པ། །གདུང་དེ་གཡས་སུ་ཡོ་ནས་འདུག །དེ་ནི་ཤིན་ཏུ་གསལ་བར་མཐོང་། །སད་ནས་རྣམ་རྟོག་ཆེན་པོ་སྐྱེས། །རྨི་ལམ་…

དམ་གྲོལ་བ་ཡིན་པར་སྣང་། །དེ་ཕྱིན་སྐུ་ཡི་རྣམ་པ་ནི། །དེ་འདྲའི་གསལ་པོ་མ་མཇལ་ལོ། །དེ་ནས་ཉེར་བདུན་དགོང་མོ་ལ། །སྤྲུལ་སྐུ་གཤེགས་ཟེར་བང་ཆེན་བསླེབས། །དགོངས་ཞག་གདུང་མཆོད་ལ་དམིགས་ནས། །ཞི་ཁྲོ་གསུང་གི་དཀྱིལ་འཁོར་དང་། །ཐུགས་སྒྲུབ་བླ་མ་ལོངས་སྐུ་དང་། །དྲག་པོ་རིགས་བདག་སྦྲག་མ་རྣམས། །ཆོ་ག་བསྙེན་སྒྲུབ་སྦྲག་མར་བྱས། །ང་རང…

དབོན་པོ་གྲགས་སྙམ་ནས། །རྒྱལ་མཚན་བཏང་བར་བློ་ཐག་བཅད། །དེ་ཚོ་ཕ་ཚོའི་དབོན་ཀུན་འདུས། །ངེད་ཚོ་ལ་ཡང་མ་དྲིས་པར། །མི་འཁྱམས་དེ་ཚོས་གདན་འདྲེན་ཤོར། །སྤྲུལ་སྐུ་དེ་ཉིད་མ་བཞུགས་ནས། །འདི་ཕྱོགས་ལོ་ཡང་མ་ལེགས་ཤིང་། །ན་ཚ་ཡང་ནི་རྒོད་པར་བྱུང་། །ད་ནི་ཆབ་མདོའི་མི་སྣ་ཁྲིད། །འདི་ནས་མི་མང་རྐྱ་མང་བྱེད། །གདུང་དེ་ཚུར་ལ་གདན་འདྲེན་…

གསང་འདུས་དང་ནི་ཐུགས་སྒྲུབ་ཀྱི། །སྐུ་གཟུགས་མཚན་བྱང་རྒྱས་པར་བཞེངས། །དེ་ལ་ཕྱིང་དཀར་སྤུབ་མོར་བཀོན། །མདུན་དུ་གསོལ་དཀར་གསོལ་སྡེར་སོགས། །དངོས་སུ་ཕེབས་འདྲའི་ཟས་ཕུད་བཤམས། །ཞག་བདུན་བར་དུ་བྱང་ཆོག་རྣམས། །གཞུང་ནས་བཤད་པ་ལྟ་བུར་བྱས། །དེ་སྐོར་སྡུག་གཏམ་གདུང་བའི་དབྱངས། ༈ ཀྱེ་ཀྱེ་ན་མོ་གུ་རུ་ཡེ། །ཞིང་ཕྱོགས་བཅུའི་ཞིང་ན་…

ཚུལ་གསུངས། །སྔོན་སྐྱེ་བ་གཉིས་བརྒྱ་ཙམ་ཞིག་ལ། །དུས་ཕལ་ཆེར་ཁྱོད་དང་འབྲལ་མེད་གསུངས། །བཀའ་སྣང་སྲིད་ལྷ་འདྲེས་རང་གཟུགས་བསྟན། །དེ་དམ་བཏགས་སྲོག་གི་སྙིང་པོ་ཕུལ། །ལྷ་ཨོ་རྒྱན་ལུས་དང་གྲིབ་བཞིན་འཁོར། །ངེད་ལྷ་མི་བར་གྱི་འཕྲིན་པ་དེ། །ཁོང་སྤྲུལ་སྐུས་མི་དང་ལབ་ལྟར་མཛད། །སྔོན་ས་སྟེང་འདི་རུ་མ་གྲགས་པའི། །ཆོས་གནམ་ཆོས་པོ་ཏི…

བཟང་དགུ་ཐམས་ཅད་ཀྱིས། །ཕ་ཨོ་རྒྱན་དངོས་ཀྱི་མོས་གུས་སྐྱེས། །སྤྱིར་ཆོས་འདོད་སེར་མོ་སྟོང་ཕྲག་ལ། །དབང་གདམས་ངག་ཟབ་ཁྲིད་ཆར་པ་ཕབ། །ཆོས་གསང་སྔགས་ཉི་མ་ཁོལ་དུ་ཤར། །སྒོས་གཏུམ་མོའི་རས་ཀྱི་ཆེ་བ་བཏོན། །མི་རས་རྐྱང་ཐུབ་པས་ལུང་པ་བཀང་། །རྫས་མྱོང་གྲོལ་སྐྱེ་བདུན་སྒྲུབ་པ་མཛད། །རྟགས་འཇའ་གུར་མེ་ཏོག་ཆར་པ་བབ། །ཆོས་ལོངས་སྤྱོད་…

མགོ་ནག་དམྱལ་ཐག་གཅོད་ལགས་སམ། །སྤྱིར་མགོ་ནག་མི་དང་རྣལ་འབྱོར་བདག།ཐུགས་སྙིང་རྗེའི་གནས་སུ་མ་གྱུར་རམ། །བདུད་ལྷ་འདྲེའི་ཁ་གནོན་སུ་ཡིས་བྱེད། །ཆོས་གསང་སྔགས་བསྟན་པ་སུ་ཡིས་འཛིན། །བཀའ་སླད་མེད་གཏེར་ཁ་སུ་ཡིས་འབྱིན། །སྒོས་ཨོ་རྒྱན་གཏེར་ཁ་སུ་ཡིས་སྐྱོང་། །མི་བདག་གི་རེ་ས་སུ་ལ་བཅའ། །ད་ཀྱེ་མ་ཀྱི་ཧུད་ཨ་ཙ་མ། །དུས་དེ་རིང་ས་…

མ་རྫོགས་བར་བྱས་ཤིང་། །ནུབ་མོ་རྒྱུན་དུ་བརྟགས་པའང་བྱས། །དབང་དྲག་རྒྱ་མཚོའི་རྣམ་ཐར་ལས། །མ་འོངས་པའི་ཚེ་ན་པདྨ་བཀའ་ཐང་གི་ལུང་བསྟན་དང་མཚུངས་པ་ཡིན་པས། དེ་ནས་ཉིད་ཁམས་རི་བོ་ཆེ་དང་། ཆབ་མདོ་གཉིས་ཀྱི་མཚམས་སུ་སྐྱེས་ནས། ཙཱ་རི་མན་ཆད་དང་། ཁམས་ཀྱི་སེང་གེ་གནམ་རྫོང་ཡན་ཆད་ལ་གཏེར་ཆེན་གཏེར་ཁ་བརྒྱའི་མངའ་བདག །གཏེར་སྟོན་ཤེས་ར…

རྗེའི་ཞལ་ནས་ནི། །རྣམ་ཐར་དེ་ཡང་ཁོ་རང་གིས། །མཛད་པ་སོགས་ནི་མ་ཡིན་ཏེ། །ཞལ་རྒྱུན་སློབ་མས་བྲི་ནོར་བྱུང་། །གཏེར་སྟོན་ཤེས་རབ་མེ་འབར་ནི། །སྔར་ནས་བྱུང་ནི་ཚར་བ་ཡིན། །རཏྣ་གླིང་པའི་གཏེར་ལུང་ལས། །ཆོས་དབྱིངས་རྡོ་རྗེའི་སྐུ་རིང་ལ། །གཏེར་སྟོན་མི་འགྱུར་རྡོ་རྗེ་འབྱོན། །གསུངས་ཕྱིར་འདི་ཡིན་ཐེ་ཚོམ་མེད། །ཅེས་པའང་བདག་ལ་དངོས…

གྱིས་བཏོན་ནས་ཀྱང་། །སླར་ལ་སྦས་ནས་བཞག་པ་དང་། །ས་ཡིས་མ་ཐུབ་གཏེར་རྣམས་ནི། །རང་རྡོལ་བདག་མེད་སོང་བ་ན། །རུལ་ལམ་གཞན་གྱིས་རྙེད་ན་ཡང་། །བྱིན་རླབས་འགྲོ་དོན་མི་འབྱུང་གསུངས། །དེ་མིན་ཨོ་རྒྱན་སྦས་པ་རྣམས། །རུལ་སོགས་ཆུད་ཟོས་མི་སྲིད་དེ། །གཏེར་སྲུང་རྣམས་ཀྱི་སྙིང་གི་ནོར། །ས་ཡི་བཅུད་དུ་བཞུགས་པ་ཡིས། །གཏེར་སྟོན་རྣམས་ཀྱིས…

ཕྱིར་ཕན་ངེས་པ། །རྒྱུ་འབྲས་རྟེན་འབྲེལ་བསླུ་བ་མེད། །དེ་ནས་བདུན་དྲུག་རྫོགས་ལ་ཁད། །སྤྲུལ་སྐུ་གར་བཞུགས་བརྟགས་པ་ཡིས། །ཟངས་མདོག་དཔལ་གྱི་རི་བོའི་རྩེར། །ཨོ་རྒྱན་ཆེན་པོའི་ཞབས་དྲུང་དུ། །སྤྲུལ་སྐུ་ཕེབས་ཡོད་ཟེར་བའི་སྒྲ། །བར་སྣང་ཁམས་ནས་གསལ་བར་གྲག །དགོངས་ཞག་རྫོགས་ལ་ཁད་ཀྱི་དུས། །སྤྲུལ་སྐུ་འདས་འོས་མེད་ཙམ་འདས། །འདི་ན…

ནས། །འཇིག་རྟེན་འདི་ནའང་སྤྲུལ་སྐུ་གཅིག །བཞུགས་སོ་ཟེར་བའི་སྒྲ་གྲག་པས། །དངོས་ཉིད་ཞིང་ཁམས་དེར་གཤེགས་ནས། །འདི་རུ་སྤྲུལ་པ་འབྱོན་པར་གོ །ད་རེས་གློ་བུར་ཞིང་བརྗེས་པ། །གཞན་རྐྱེན་བར་ཆད་མ་ཡིན་ཏེ། །མཁའ་འགྲོས་གདན་འདྲེན་བྱས་པར་གོ །དེ་ཡང་ཇི་ལྟར་འདས་པའི་ཚུལ། །དབོན་པོ་མགོན་སྲུང་མཁྱེན་བརྩེ་སོགས། །བསྙུང་གཡོག་གདུང་གཡོག་བ…

དབྱིངས་སུ་འཕུར་མཛད་པས། །རང་ཡང་རྗེས་སུ་འཕུར་བསམ་ཛ། །ཁྱོད་རང་མ་འོངས་སྡོད་གསུངས་ནས། །གཏེར་སྟོན་འཕུར་ནས་བྱོན་སོང་རྨིས། །བསྙུང་གཞི་འདི་ཡང་ཇེ་ཐུ་རེད། །དབང་ལུང་འཕྲོ་ཡང་ཐོབ་ཤས་ཆུང་། །གསུངས་ནས་སྤྲུལ་སྐུ་བྱོན་སོང་སྐད། །དེ་སྐབས་ཤོག་བུ་སྲབ་མོ་ཡི། །ཁ་གང་ཙམ་གྱི་ནང་དུ་ནི། །བསྐུངས་ཤིང་ཞལ་ཆེམས་ཡི་གེ་ཞིག །ཕྱག་བྲིས་མཛ…