པ་ལ་ཡང་བརྒྱ་རྩ་བརྒྱད་བཞུགས་པ། ཉང་ཤའི་སྤྱན་ཅན་གྱིས་གཟིགས་པར་གསུངས་སོ། །དེ་ལྟར་བོད་ཁ་བ་ཅན་ལ་ཡང་། སྟོད་མངའ་རིས་སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་གམ་ལྔར་བཤད་པའི་མདོ་ཁམ་སྒང་། དེ་ལ་གླིང་ཁྲི་གོང་འོག་བར་གསུམ་ལས་བར་མའོ། །དེ་ལ་སྒང་ཆེན་ལྔར་བརྩི་བའི་དབང་དུ་བྱས་ན་ཚ་བ་སྒང་སྟེ། ལྷོ་ཟླ་ངང་མས་ཕར་བཅ…

ངོམ། །བར་ན་ས་འགག་བཙན་པོ་ཡོད། །མཐའ་དམག་བྱུང་དུས་ངོམ་དུ་རུང་། །འུར་ཞོག་པ་ཚོ་རྫོང་གིས་ངོམ། །ཕུ་ན་རྩྭ་ཁ་བཟང་པོ་ཡོད། །འབྲོག་པ་རྣམས་ལ་ངོམ་དུ་རུང་། །བེལ་ལུག་རྣམས་ཀྱང་རྩྭ་ཡིས་ངོམ། །སྨད་ན་ཆུ་མི་བཟང་པོ་ཡོད། །ལོ་ཉེས་བྱུང་དུས་ངོམ་དུ་རུང་། །ཚོང་པ་རྣམས་ཀྱང་ནས་ཀྱིས་ངོམ། །དེ་ཕྱིར་ངོམ་ཞེས་བྱ་བ་ཡིན། །ཞེས་བྱའོ། །དེ་ལྟ…

བའི་ངག་རྒྱུན་དང་བཀའ་འབུམ་ལ་འདུག་པ་དང་མཐུན་ནོ། །དེ་ཡང་མར་ཐང་དཔལ་གྱི་རི་བོ་ཆེ་དང་ཐག་ཧ་ཅང་མི་རིང་ཞིང་ཉེ་བས་རྐང་ཐང་མགྱོགས་པས་ཉིན་གཅིག་གིས་སླེབ་པ་ཡིན་པས། འདིར་འཁྲུངས་བ་ཡང་རིག་འཛིན་བདུད་འདུལ་རྡོ་རྗེས་ཚ་བ་སྒྲོ་བྲག་ནས་བཏོན་པའི་ལུང་བྱང་ལས་ཨོ་རྒྱན་ཆེན་པོས་ལུང་བསྟན་པར་སྣང་སྟེ། ཤུད་པུ་དཔལ་སེང་བླ་མ་ཡབ་ཡུམ་གྱིས། …

དང་། །ཧ་ཅང་ཐག་ཀྱང་མི་རིང་བ། །རྫ་རྒྱལ་གོ་བོ་ཁྱུང་ཕུག་སོགས། །གནས་ཆེན་མང་པོས་བསྐོར་བའི་དབུས། །མཁའ་སྤྱོད་པ་དང་དོན་ལྡན་ཞབས། །སྒམ་པོ་པ་དང་མི་བསྐྱོད་རྗེ། །སྐྱེས་ཆེན་མང་པོ་འཁྲུངས་པའི་ཡུལ། །སྔོན་མོ་ནས་ཕྱུག་ངོམ་གྱི་ལུང་། །སྐྱེས་ཆེན་མཇལ་བར་དཀའ་རྣམས་དང་། །ཆོས་དང་འཇིག་རྟེན་བདེ་ལེགས་ཀུན། །ཡུལ་འདིར་འདུ་ཞིང་འཁོར་བའ…

རྔམ། །པད་འབྱུང་རྗེ་དང་རང་བྱུང་བའི། །དམ་གནས་རྡོ་རྗེ་བདུད་འཇོམས་ཞེས། །དགེ་བསྙེན་དྲག་རྩལ་ལྡན་པ་གནས། །གཡས་ན་བྲག་དཀར་མདའ་སྟོང་དབྱིབས། །དེལ་ཆུང་ཁྲོ་བོའི་སྤྱན་འབྲས་འདྲ། །གཡོན་ན་བྱ་རྒྱལ་ཁྱུང་ཆེན་གྱིས། །གནམ་འཕང་གཅོད་འདྲའི་རི་བོ་ལ། །རིན་ཆེན་དངུལ་གྱི་གཏེར་ཁ་ཡོད། །མདུན་ན་ས་དཔལ་ཆུ་ཤིང་ཕྱུག །རིན་ཆེན་སྤུངས་པ་འདྲ་བ…

ཞིག་ནས། གཏེར་སྟོན་བརྟག་པའི་སྐབས་ནས། རིགས་ཀྱི་ཆེ་བ་རྒྱལ་རིགས་རྗེའུ་རིགས། །ཞེས་གསུངས་པས་རིགས་མཐོ་བ་ལ་འཁྲུངས་པར་གསུངས་པ་དང་འདི་མཚུངས་ཚུལ་ནི༔ སྤྲུལ་སྐུ་འདི་ཡི་གདུང་རིགས་ནི་བོད་ཆོས་རྒྱལ་གྱི་གདུང་རིགས་འོད་གསལ་ལྷའི་རྒྱུད་ཡིན་ཅིང་། བར་སྐབས་ནས་དྲུང་ཆེན་མཁའ་སྤྱོད་པ་སོགས་གྲུབ་ཆེན་དང་། རྒྱ་ཧོར་དུས་དང་རྒྱ་དུས་གཉ…

ཙོང་ཁ། མདོ་སྨད། ཡར་ལུང་ཇོ་བོ་སོགས། བོད་ཀྱི་རྒྱལ་རྒྱུད་ཡིན་ངེས་རྣམས་ཡིན། ཞེས་གསུངས་པ་ལྟར། འདི་ནས་རྒྱལ་རྒྱུད་གཉིས་ཁམས་སུ་བྱོན་པ། གཅིག་ཤར་ཙོང་ཁར་བྱོན་པ་ཙོང་ཁ་རྒྱལ་པོ་དང་། གཅིག་ངོམ་དུ་བཞུགས་པ་གདོང་པོམ་ར་ཞེས་གྲགས་ཏེ། འདིའི་རྒྱུད་ལ་ལྷ་གདོང་དཀར་པོ་ཟེར་བ་འོད་གསལ་ལྷའི་གདུང་རྒྱུད་ཡིན་པ་དང་། བྱེས་གདོང་ཟེར་བ་གས…

འཁོར་ལོས་སྒྱུར་རྒྱལ་ང་ལས་ནུ་ཞེས་བྱ། །དེ་ནས་གསེར་གྱི་འཁོར་ལོས་སྒྱུར་བའི་རྒྱལ། །ལུས་འཕགས་ལ་སོགས་གླིང་ཆེན་བཞི་ཁ་དབང་། །དེ་རྗེས་དངུལ་གྱི་འཁོར་ལོས་སྒྱུར་རྒྱལ་གྱིས། །གླིང་ཆེན་གསུམ་དབང་དེ་རྗེས་ཟངས་ཀྱི་ནི། །འཁོར་ལོས་སྒྱུར་བའི་རྒྱལ་པོས་གླིང་གཉིས་དབང་། །དེ་རྗེས་ལྕགས་ཀྱི་འཁོར་ལོས་སྒྱུར་རྒྱལ་གྱི། །འཛམ་གླིང་འདི་…

ལུས་འཇའ་ལྟར་ཡལ། །དེ་ནས་བཟུང་སྟེ་གདུང་རབས་མང་ཞིག་ན། །སེམས་དཔའ་ཀུན་ཏུ་བཟང་པོའི་སྤྲུལ་པ་སྟེ། །ལྷ་ཐོ་ཐོ་རི་སྙན་ཤལ་བྱ་བ་བྱོན། །ཕོ་བྲང་སྟེང་དུ་འཇའ་འོད་མེ་ཏོག་ཆར། །ཟ་མ་ཏོག་གི་གླེགས་བམ་ལ་སོགས་བབ། །དམ་པ་ཆོས་ཀྱི་དབུ་ཡང་དེ་ནས་རྙེད། །རྒྱལ་པོས་དགུང་ལོ་བརྒྱ་དང་ཉི་ཤུ་ཐུབ། །དེ་ནས་བཟུང་སྟེ་རྒྱལ་རབས་ལྔ་པ་ནི། །སྤྱན་རས…

གཏེར་ལྔ་དང་གསང་གཏེར་ཉི་ཤུ་ལྔ། །ཐུགས་གཏེར་བརྒྱ་རྩ་གཏེར་ཕྲན་བྱེ་བ་སྦས། །གནས་ཆེན་བརྒྱ་རྩ་གནས་ཕྲན་སྟོང་རྩ་གཉིས། །ཞབས་ཀྱིས་བཅགས་ཤིང་བྱིན་གྱིས་བརླབས་ནས་བཞག །མ་འོངས་རིམ་བཞིན་ཕྱིས་ནས་འགྲོ་བ་རྣམས། །གཏེར་ཆོས་གནས་སྒོས་ཐར་ལམ་བཀོད་ལུང་བསྟན། །རྒྱལ་རབས་གཉིས་ནས་ཕྱག་རྡོར་སྤྲུལ་པའི་སྐུ། །རྒྱལ་པོ་ཁྲི་རལ་འཛམ་གླིང་སུམ་ག…

གཉིས་ཀྱིས། །ལོ་ཆེན་རིན་བཟང་ལོ་ཆུང་ལེགས་ཤེ་སོགས། །རྒྱ་གར་བརྫངས་ནས་དམ་ཆོས་མང་དུ་བསྒྱུར། །ཇོ་བོ་ལྷ་གཅིག་ལ་སོགས་པཎྜི་ཏ། །མང་དུ་སྤྱན་དྲངས་དམ་ཆོས་གསར་མ་དར། །བྱང་ཆུབ་འོད་ནས་རྒྱལ་རབས་འགའ་ཟུང་སོར། །གདུང་རྒྱུད་མང་འཕེལ་ལ་སྟོད་ཕྱོགས་སུ་ཕོག །དེ་དུས་གདུང་རྒྱུད་སྲས་གཉིས་ཁམས་སུ་བྱོན། །གཅིག་ནི་ཤར་ཕྱོགས་ཙོང་ཁ་རྒྱལ་པོ…

བའང་འགྲུབ། །ཕྱིས་ནས་རང་བྱུང་པ་ལས་བསྙེན་པར་རྫོགས། །རོལ་པའི་རྡོ་རྗེ་རི་མགོ་པ་སོགས་ཀྱི། །སྦྱིན་བདག་བསྙེན་བཀུར་ཕུན་སུམ་ཚོགས་པའང་བྱས། །གྲགས་ནག་དེ་ལ་བུ་དགུ་ཡོད་པའི་རྒྱུད། །གྲགས་དམར་བ་སོགས་ཨ་ནུ་ཕྱི་ཚོ་བ། །ད་ལྟ་མང་དུ་ཡོད་པ་འདི་རྣམས་སོ། །སྲས་ཀྱི་མཆོག་གྱུར་ངོམ་པ་རྒྱལ་བ་བཟང་། །དེ་ཡི་སྲས་ལ་དྲུང་ཆེན་མཁའ་སྤྱོད་པ།…

དེ་བཞིན་གཤེགས་པས་སྒ་ལོའི་སྤྲུལ་སྐུར་གསུངས། །ཡི་དམ་ཆོས་སྐྱོང་དཔག་ཏུ་མེད་པ་གཟིགས། །ཁྱད་པར་ཡེ་ཤེས་མགོན་པོ་ཕྱག་བཞི་པས། །ཁྱོད་ཀྱི་མི་རབས་བརྒྱུད་པ་བཅུ་གསུམ་དུ། །གཏོར་མ་མཐེབ་སྐྱུ་གཅིག་ཙམ་མ་བྱིན་ཡང་། །བསྟན་པ་བསྲུང་ཞེས་ཞལ་བཞེས་དམ་བཅའ་དང་། །རྡོ་རྗེ་ལེགས་པས་གཏོར་མ་བྱིན་པ་ན། །མི་རབས་བརྒྱུད་པ་བཅུ་གསུམ་བར་དུ་ནི། …

རྣམ་བཞིར་བསྟན། །རྒྱ་ནག་རྒྱལ་པོས་དབང་ཞུས་བླ་མར་བཀུར། །བཙུན་མོའི་འདས་མཆོད་རྒྱལ་བུ་ཁྲི་འདོན་མཛད། །ལས་ཀ་ཕུལ་ཀྱང་ཁོ་བོ་བྱ་བཏང་ལ། །ལས་ཀ་དགོས་མེད་གསུངས་ནས་མ་བཞེས་སོ། །གླང་ཆེན་འགྱིང་རིའི་རྩེ་ནས་འཇའ་ལུས་ཐོབ། །སྐུ་ལུས་མ་སྤངས་བདེ་བ་ཅན་དུ་བྱོན། །དེ་ཚེ་མེ་ཏོག་ཙམ་པ་ཀ་ཡི་ཆར། །ཁ་བ་ས་སྐྱ་ཙམ་ཞིག་བབ་པར་གྱུར། །དེ་ལ་སྲས…

མཐུན་པ་དུ་མ་འབྱུང་། །སངས་རྒྱས་བསྟན་ལ་ཕན་པ་དུ་མ་འབྱུང་། །གསུངས་པ་ལྟར་དུ་ཆོས་ཀྱི་རྒྱལ་མཚན་པ། །འབུམ་ཆ་བཅོ་བརྒྱད་གསེར་དངུལ་ཁོ་ནས་བཞེངས། །སྲས་གཅིག་ཡོད་སྟེང་རབ་ཏུ་བྱུང་བ་ཡི། །གསར་རྙིང་མདོ་སྔགས་ཀུན་ལ་མཁས་མཐར་ཕྱིན། །མཚོ་དཀར་ལ་སོགས་དབེན་གནས་ཐམས་ཅད་དུ། །ལོ་གྲངས་བཞི་བཅུ་ཙམ་ལ་སྒོམ་སྒྲུབ་མཛད། །དྭགས་ལྷ་སྒམ་པོའི་མ…

བྱ་བྲལ་བ། །མཚན་དངོས་ཀུན་དགའ་བཀྲ་ཤིས་ཞེས་བྱ་སྟེ། །ཨོ་རྒྱན་རྗེ་ཡི་མ་འོངས་ལུང་བསྟན་ལས། །པདྨའི་གྲོ་ལ་ཕྱག་ཚང་སྐྱེས་བུ་ཁྱོད། །ཀུན་དགའི་མིང་ཅན་ངོམ་གྱི་ཕྱོགས་སུ་འབྱུང་། །ཞེས་གསུངས་ཨོ་རྒྱན་གསོལ་དཔོན་སྐྱེ་བ་སྟེ། །ལོངས་སྤྱོད་འབྱོར་པ་དཔག་ཏུ་མེད་པ་ཡི། །ས་ཆ་ལ་ཡང་དེང་སང་རྟ་ཁང་དང་། །མཛོ་རྭ་ལུག་རྭ་ལ་སོགས་མིང་དུ་འཇག …

བ། །ནུས་ལྡན་སྔགས་པ་ད་བར་རྒྱུན་མ་སྟེ། །སྐྱ་སེར་སུ་འདས་མེ་ལ་བསྲེག་པ་ལ། །ཐུགས་ལྗགས་རིང་བསྲེལ་ཡིག་འབྲུ་སྐུ་གཟུགས་སམ། །ཤ་རི་རམ་སོགས་སྣ་རེ་འབྱུང་བར་སྨྲ། །གལ་ཏེ་མ་བྱུང་གདུང་རྒྱུད་འཆུག་ཅེས་འདོད། །མགོན་པོ་རྒྱལ་གྱི་རྒྱུད་ནི་ངོམ་སྟོད་པ། །མི་རྒྱུད་མང་གྱེས་མངའ་འབངས་ཆེར་མེད་ཀྱང་། །གདུང་རིགས་མཐོ་ཞིང་ལུང་དང་ལས་ཀའི་…

ཕྲེང་བ་ཕྲེང་རྡོག་རེ་རེ་ལ། །བདེ་མཆོག་ཡིག་བདུན་རང་བྱོན་ཡོད་པ་གཅིག །རྨི་ལམ་གནང་བ་མངོན་སུམ་ཕྱག་ཏུ་སྣང་། །ལན་གསུམ་བརྩིས་པས་དྲུག་ཅུ་རྩ་གཉིས་སྣང་། །དེ་ཉིད་སྐུ་ཚེའི་གྲངས་ཁར་བཞེད་མོད་ཀྱི། །འདས་གྲོངས་མེད་ལ་ཚེ་ཡི་གྲངས་ཁ་བརྩི། །གདུང་རྒྱུད་མི་གྲངས་ཞལ་ངོའི་ལུང་བསྟན་ཏེ། །ཕོ་ངོ་བདེ་མཆོག་ལྷ་གྲངས་ཙམ་འབྱུང་ཞིང་། །དེ་བ…

པས། ད་རེས་མཐོན་པོར་སྐྱེས་པ་ཡིན་པའི་ལོ་རྒྱུས་སྤྲུལ་སྐུ་ཉིད་སྐུ་ན་ཕྲ་མོའི་སྐབས་སུ་ཟུར་ཙམ་གསུངས་སོ། །དེ་ལྟར་བོད་རྗེའི་གདུང་རིགས་ཐོབ་པ་ལ་མངའ་ཞབས་སྡེ་མེད་ན་དགོས་པ་ཅི་ཡོད་སྙམ་ན། ལེའུ་བདུན་མ་ལས། རྒྱལ་པོ་ཁྲི་སྲོང་ལྡེའུ་བཙན་མན་ཆད་ནས། །ཆོས་རྒྱལ་གདུང་རྒྱུད་མཐའ་རུ་མ་སྟོང་པར། །ཡིད་གཉིས་ཐེ་ཚོམ་མེད་པར་གསོལ་བ་ཐོབ། …

སྐབས་སྐབས་སུ་གསོལ་ཁ་བཏང་སྲོལ་སྣང་ངོ་། །ལུང་བསྟན་བཀའ་རྒྱ་མ་ལས་ཀྱང་ཆོས་རྒྱལ་གྱི་གདུང་རྒྱུད་མ་འཚུགས་པ་ཡིན་ན་རྒྱལ་པོའི་བླ་གཏེར་རྣམས་ལུང་བསྟན་མེད་ཀྱང་། གཏེར་སྲུང་མཆོད་ཅིང་བསྐོས་ན་ཐོན་པར་གསུངས་ཤིང་། སྤྱིར་ཡང་རྒྱལ་པོའི་གདུང་རིགས་ཡིན་ན་ས་གཏེར་ལ་དབང་བར་བཤད་ཅིང་། བཀའ་ཐང་ལས། རིགས་ཀྱི་ཆེ་བ་རྒྱལ་རིགས་རྗེའུའི་རིག…