ནམ་མཁའི་དཀྱིལ་དང་རྩིག་པ་དང་ཤིང་རྣམས་ལས་ཆོས་འབྱུང་ངོ་། །ཞེས་ནམ་མཁའ་ཞེས་པས་གནམ་ཆོས་འབྱུང་བར་བསྟན་ཅིང་། དེའི་རྒྱུ་མཚན་ཅི་ཞེ་ན། དམ་ཆོས་ཐར་པ་རིན་པོ་ཆེའི་རྒྱན་ལས། དགེ་བའི་བཤེས་གཉེན་གྱི་དབྱེ་བ་ནི་བཞི་སྟེ། དགེ་བའི་བཤེས་གཉེན་སོ་སོའི་སྐྱེ་བོ་དང་། དགེ་བའི་བཤེས་གཉེན་ས་ཆེན་པོ་ལ་གནས་པའི་བྱང་ཆུབ་སེམས་དཔའ་དང་། དགེ་…

བསྟེན་པར་ནུས་པའོ། །ཞེས་གསུངས་པས། སྤྲུལ་སྐུ་མི་འགྱུར་རྡོ་རྗེ་ནི་ས་ཆེན་པོ་ལ་གནས་པའི་སེམས་དཔའ་ཡིན་པའི་གནད་ཀྱིས། དགེ་བའི་བཤེས་གཉེན་ལོངས་སྤྱོད་རྫོགས་པའི་སྐུ་རྩ་བ་གསུམ་གྱི་ལྷ་ཚོགས་ལས་དབང་ལུང་ཁྲིད་གསུམ་དངོས་སུ་ཞུ་ནུས་པའོ། །འོ་ན་སྤྲུལ་སྐུ་འདི་ས་ཆེན་པོ་ལ་གནས་པ་ཅི་ཤེས་ཞེ་ན། སྤྲུལ་སྐུ་འདི་འཁྲུལ་ཞིག་དབང་དྲག་རྒྱ…

བ་འཐད་དམ་སྙམ་ན། ཐར་རྒྱན་ལ་སོགས་པ་གཞན་ཡང་དབུ་ཕལ་ས་ལམ་གྱི་བཤད་པ་རྒྱས་པ་རྣམས་ནས། ས་དང་པོ་ཐོབ་པའི་བྱང་ཆུབ་སེམས་དཔའ་སྐད་ཅིག་ཐང་གཅིག་ཡུད་ཙམ་ལ་སངས་རྒྱས་བརྒྱ་མཐོང་བ་དང་། ས་གཉིས་པས་སྟོང་མཐོང་བ་དང་། ས་གསུམ་པས་ཁྲི་མཐོང་བ་དང་། ས་བཞི་པས་འབུམ་མཐོང་བ་དང་། ལྔ་པས་ས་ཡ་མཐོང་བ་དང་། དྲུག་པས་བྱེ་ཆེན་མཐོང་བ་དང་། བདུན་པས་ད…

དོ། །སངས་རྒྱས་དེ་དག་ལ་ཆོས་ཉན་པ་དང་། ལེན་པ་དང་འཛིན་པར་བྱེད་དོ། །ཆོས་དག་ཀྱང་ནན་ཏན་གྱིས་སྒྲུབ་པར་བྱེད་དོ། །བསྡུ་བའི་དངོས་པོ་བཞིས་ཀྱང་སེམས་ཅན་རྣམས་ཡོངས་སུ་སྨིན་པར་བྱེད་དོ། །ཞེས་གསུངས་པ་དང་མཐུན་པར་སྤྲུལ་སྐུ་འདིས་སངས་རྒྱས་སྣང་བ་མཐའ་ཡས་ལ་སོགས་པ་དཔག་ཏུ་མེད་པ་ཞལ་མཐོང་། དེ་དག་ལས་ཆོས་ཉན་པ་དང་དབང་ལེན་པར་མཛད། དེ…

མཐོང་ངོ་ཤེས་པ་དག་ཡོད་ན་གྲུབ་པའི་མཚན་མ་ཅི་ཡང་རུང་བ་དག་འབྱུང་བར་རིག་པ་ལས། ཅུང་ཟད་ཀྱང་མི་སྣང་ངོ་། །ཞེས་སྨྲ་ཞིང་སེམས་པར་བྱེད་པ་ལ་རབ་ཏུ་རྒོལ་བས་གཡེང་བར་བྱེད་དོ། །ཞེས་གྲུབ་པའི་མཚན་མ་དང་རྟགས་ཡོད་ཀྱང་མི་མཐོང་བ་དང་། མེད་ཀྱང་མཐོང་བ་སོགས་དུ་མའི་ཕྱིར། གྲུབ་རྟགས་དང་ལྡན་པ་ནི་མཆོག་ལ། མི་ལྡན་པ་ནི་མ་ཡིན་ནོ་ཞེས་བརྗོད…

ཀརྨས་ལོ་བཅུ་གཉིས་ཉེ་གནས་བྱས། མདོ་སྡེ་བཅུ་གཉིས་བློར་ཟིན་ཀྱང་། བཅུ་གཉི་ས་བར་དུ་ཁྱོད་ཀྱི་གཡོག་པོ་བྱས། །ཁྱོད་ལ་ཡོན་ཏན་ཏིལ་ཙམ་ངས་མ་མཐོང་། །ཞེས་སྨྲས་པ་དང་། རྒྱལ་བ་བྱམས་པ་དགེ་སློང་མ་ཕམ་པར་འགྱུར་པ་ལ། གཞན་དག་གིས་ཡོན་ཏན་ཅི་ཡང་མེད་པར་མཐོང་བ་དང་། བློན་ཆེན་ཀླུ་གོང་གིས་ཨུ་རྒྱན་རིན་པོ་ཆེ་ལ་དབང་ཞུས་ནས། ཐ་མ་ཨ་ཙར་འདོ…

སྟེ། དཔེར་ན་ད་ལྟ་བོད་ན་ཐུགས་རྗེ་ཆེན་པོའི་སྤྲུལ་པ་དངོས་ཡིན་པར་ངེས་པ་དང་ས་ཆེན་པོ་ལ་བཞུགས་པའི་སེམས་དཔའ་ཡིན་པར་ངེས་ལ། སྔོན་གྱི་ལུང་བསྟན་དང་རང་གི་དྲན་ཚུལ་དང་། བླ་མ་གོང་མ་རྣམས་ཀྱིས་ངོས་འཛིན་མཛད་པའི་སྤྲུལ་པའི་སྐུ་དུ་མ་གཅིག་བཞུགས་ཤིང་། དེ་དག་ལ་ཐེ་ཚོམ་ཡང་མེད་མོད་ཀྱི། སྔར་གྱི་གྲུབ་ཆེན་རྣམས་ཀྱི་རྟགས་དང་རྫུ་འཕྲ…

གསུངས་ཚུལ་རྒྱུ་མཚན་དང་བཅས་པ་སོང་ནས། རྒྱུད་ལས་གསུངས་པ་ནི། རིན་ཆེན་སྤུང་པའི་རྒྱུད་ལས། རྒྱུད་དོན་གབ་པའི་གཏེར་སྒོ་ཕྱེ། །ནམ་མཁའི་མཛོད་གཏེར་ཉིད་ལོངས་སྤྱོད། །ཅེས་གསུངས་པས། ནམ་མཁའ་དང་གནམ་གཉིས་དོན་གཅིག་པས་གནམ་གཏེར་བསྟན་ཏོ། །རིན་ཆེན་རྩར་གྱི་རྒྱུད་ལས། ཕྱི་ནང་གྲགས་པའི་ང་ལ་ཀུན། །ཆོས་ཀྱི་དབྱིངས་ཀྱི་གཏེར་ནས་འབྱུང་…

འགྲོ་དོན་འབྱུང་ཚུལ་བསྟན་ཏེ། ཆོས་སྐུའི་བསྟན་པ་ཡོ་ག་གསུམ། ལོངས་སྐུའི་བསྟན་པ་ཀྲི་ཡོག་སྡེ་གསུམ། སྤྲུལ་སྐུའི་བསྟན་པ་སྡེ་སྣོད་གསུམ་སྟེ། ཐེག་པ་དགུ་པ་གནམ་ཆོས་ལ་བརྟེན་ནས་དར་བར་གསུངས་པའོ། །རིག་པའི་རྒྱལ་པོའི་རྒྱུད་ལས། དུས་གསུམ་རྒྱལ་བའི་ཐུགས་གཏེར་ཡིན། །རྫ་ཤིང་སྣོད་ལ་ཡང་མ་བསྟེན། །ཞེས་གསུངས་པས་ས་ལས་མ་བརྟེན་པའི་གན…

མངོན་སུམ་དུ་མཚན་དང་དཔེ་བྱད་ཀྱིས་སྤྲས་པས་ཞལ་སྟོན། ཆོས་གསུངས་ལུང་སྟོན་སྔགས་སྒྲ་སྒྲོག །ཅེས་དང་། དགོངས་འདུས་བརྡ་རྟགས་ལས། རབ་རྣལ་འབྱོར་པ་སྒྲིབ་པ་ཤས་ཆུང་ཞིང་། དད་བརྩོན་གདུང་ཤུགས་ཅན། སྒྲུབ་པ་ཉམས་ལེན་རྩེ་གཅིག་ཏུ་འབད་པས། སྔོན་གྱི་ལས་བཟང་པོའི་འཕྲོ་ཡོད་པ་རྣམས་ལ། མངོན་སུམ་དུ་བླ་མ་ཡི་དམ་མཁའ་འགྲོའི་ཞལ་སྟོན་ཅིང་། …

ཞེས་དང་། དྲག་པོའི་གསང་སྒྲུབ་ལས། ཞལ་མཇལ་དབང་བསྐུར་ལུང་སྟོན་པ་ལ་སོགས་འབྱུང་སྟེ། གྲུབ་རྟགས་མཆོག་ཏུ་ཤེས་པར་བྱའོ། །ཞེས་དང་། དྲག་པོ་ཡང་གསང་སྒྲུབ་པར། བླ་མ་ཡི་དམ་མཁའ་འགྲོའི་ཞལ་མཐོང་། ཆོས་གསུངས་རྟོགས་པ་འཆར། དག་སྣང་དཔག་ཏུ་མེད་པ་འཆར་ཞེས་གསུངས་སོ། །འོ་ན་འདི་དག་སྒྲུབ་པའི་རྟགས་ཡིག་ཏུ་འདུག་པ་གནམ་ཆོས་ཐུགས་ཀྱི་གཏེར་…

ཤིག །དེའི་རྒྱུ་མཚན་ཅི་ཞེ་ན། དེ་སྤྲུལ་སྐུ་ཤཱཀྱ་ཐུབ་པས་སྡེ་སྣོད་གསུམ་གྱི་ཆོས་ཀྱི་འཁོར་ལོ་བསྐོར་ནས་སྐུ་མྱ་ངན་ལ་འདའ་ཁར། རྒྱུ་ལ་མོས་པའི་རྒྱུ་ཆོས་ཀྱིས། །འཁོར་ལོ་རབ་ཏུ་བསྐོར་བྱས་ནས། །རྡོ་རྗེ་ཐེག་པའི་ཉེ་ལམ་ཞིག །མ་འོངས་དུས་སུ་འབྱུང་བར་འགྱུར། །ཞེས་དང་། ཕྱག་ན་རྡོ་རྗེ་མགོན་པོས་བཤད། །ཅེས་ལུང་བསྟན་པ་ཙམ་ལས་གདུལ་བྱ…

པའི་སྒྲུབ་བྱེད་བྱམས་ཆོས་ལས་གསུངས་དགོས་བྱུང་བ་ལགས་སོ། །དེས་ན་གནམ་ཆོས་དང་ས་གཏེར་མིན་པའི་ཐེག་ཆེན་གྱི་མདོ་དང་གསང་སྔགས་ཀྱི་རྒྱུད་གཅིག་ཀྱང་དེ་དུས་རྒྱ་གར་ཡུལ་དབུས་དེར་མེད་པའོ། །ཀླུ་སྒྲུབ་ཀྱིས་འཇམ་དབྱངས་ཞལ་གཟིགས་ནས་སེམས་བསྐྱེད་དང་དབུ་མ་གསན་པ་གནམ་ཆོས་སོ། །སློབ་དཔོན་ཐོགས་མེད་ཀྱིས་བྱམས་པ་བསྒྲུབས་ནས་ཞལ་གཟིགས་ནས…

འཚལ་ཞིང་ཞབས་སྤྱི་བོར་བླངས། དེ་ནས་ལོ་བཅུ་གཉིས་ཀྱི་བར་དུ་གནམ་ཆོས་ཡི་གེར་བཀོད་པ་རྫོགས་ཆེན་གྱི་རྒྱུད་ཐམས་ཅད་དོ། །ཨོ་རྒྱན་རིན་པོ་ཆེ་བྲག་ཕུག་མ་ར་ཏི་ཀར་བཞུགས་སྐབས་སངས་རྒྱས་སྣང་བ་མཐའ་ཡས་ཞལ་གཟིགས་པ་ལ། ཐུགས་རྗེ་ཆེན་པོ་ལྟ་བ་ཡང་ཐོག་དང་ཡང་རྩེའི་རྒྱུད་གཉིས་ཞུས་ལེན་གྱི་ཚུལ་དུ་ཞུས་པ་གནམ་ཆོས་སོ། །རྒྱ་གར་ཤར་ཕྱོགས་ཝཱ་…

དམ་གྱི་ལྷ་ནི་ཐུགས་རྗེ་ཆེན་པོ་ཡིན། སྒྲུབ་པའི་གནས་ནི་སྒྲོལ་མའི་རི་ཁ་སར་པཱ་ཎིའི་སྐུ་རང་བྱུང་གི་རྩ་རུ་སྒྲུབ་པ་གྱིས་ཤིག །གདུལ་བྱ་ནི་རྒྱ་གར་ཤར་ནུབ་གཉིས་ན་ཡོད་དོ། །བྱང་ཁ་བ་ཅན་ན་ཡང་འགའ་ཞིག་ཡོད་དོ། །གསུངས་ནས་མི་སྣང་བར་སོང་ངོ་། །དེ་ནས་རྡོ་རྗེ་གདན་དུ་བྱོན་ནས་སྒྲོལ་མའི་སྐུ་ལ་གསོལ་བ་བཏབ་ཅིང་ཡོད་ཛ། ཉིན་གཅིག་སྒྲོལ…

པས་ཐུགས་དམ་ལྷ་དྲུག་ཞལ་གཟིགས་ནས་སོ་སོའི་སྒྲུབ་ཐབས་དྲུག་དབང་དྲུག །ཁྲིད་དྲུག་གནང་། བྲག་མགོན་གྱི་བསྟན་པ་བསྲུང་བར་ཁས་བླངས་དབང་དང་སྒྲུབ་ཐབས་ཕུལ་ལོ། །དེ་ལྟར་མི་ཏྲ་གསང་སྒྲུབ། མི་ཏྲ་བརྒྱ་རྩ། མི་ཏྲ་ཁྲིད་དྲུག་ཐམས་ཅད་གནམ་ཆོས་ཡིན་གྱི། དེ་ཡན་ལ་མེད་དོ། །རྗེ་བཙུན་ཏེ་ལོ་སངས་རྒྱས་དེ་ཡང་སྐུ་ཕྲ་མོ་ལ་མ་ཧེ་འཚོ་སྐབས་སྐུ་ད…

བཀོད་པ་དཔག་ཏུ་མེད་པ་ཡོད་ཚུལ་མདོ་རྒྱུད་རྣམས་ནས་བཤད་ཀྱང་། ཐ་མལ་པས་མི་མཐོང་བ་དང་འདྲའོ། །དེས་ན་སྙན་བརྒྱུད་ནོར་བུ་སྐོར་གསུམ་ཡང་གནམ་ཆོས་ཏེ། དེ་ཡན་ལ་མེད་ཅིང་ཏེ་ལོ་པ་ཡང་ཨོ་རྒྱན་སྲིན་ཡུལ་དུ་བྱོན་རྗེས་བྱོན་པར་སྣང་ངོ་། །ཡང་བྲམ་ཟེ་ཛ་ལེན་དྷ་ར་དེ་སྒྲ་གཞོན་ནུ་འཁོར་བ་ལ་སྐྱོ་ནས། དུར་ཁྲོད་ཤིང་གཅིག་གི་དྲུང་ན་འདུག་པ་ན།…

ཞལ་གཟིགས་ནས། རིགས་ཀྱི་བུ་ངའི་སྒྲུབ་ཐབས་འདི་ཟུངས་ཤིག་གསུངས་ནས། བླ་མ་མགོན་པོ་དབྱེར་མེད་ཀྱི་སྒྲུབ་པ་གནང་སྟེ། ཤ་ཝ་རི་པའི་ལུགས་ཞལ་གཅིག་ཕྱག་དྲུག་པ་འདི་གནམ་ཆོས་སོ། །ཤོ་ཝ་རི་འཇའ་ལས་སུས་མཇལ་དུ་མེད་པ་མེ་ཏྲི་པས་མཇལ་ནས་ཕྱག་ཆེན་ཞུས་པས་གྲུབ་པ་ཐོབ་པའང་གནམ་ཆོས་སོ། །ཀླུ་སྒྲུབ་ལ་ནམ་གྲུ་མས་རྣ་བ་ནས་བཟུང་སྟེ་གླིང་བཞི་བས…

དུ་ཇོ་བོ་རྗེ་ཚུར་བྱོན་པ་དང་མཇལ། ནཱ་རོ་པ་ན་ཉིང་ནས་སྤྱོད་པ་ལ་གཤེགས་མཇལ་དུ་མེད། བོད་དུ་འགྲོ་ལ་ངའི་ལོ་ཙཱ་བསྒྱུར་གསུངས། མ་དག་པའི་སྣང་ངོར། ནཱ་རོ་འདས་གདུང་བཞུས་པར་རིང་བསྲེལ་མ་ག་དྷའི་ཁལ་གཅིག་བྱོན། དག་པའི་སྣང་བར་འཇའ་ལུས་མཁའ་སྤྱོད་དུ་གཤེགས་ཚར་ཟིན་ཀྱང་། མར་པས་ཚོགས་འཁོར་མང་པོ་དང་གསོལ་བ་བཏབ་ཅིང་བཙལ་བས་མཇལ་ནས། སྙ…

སོ། །ས་སྐྱ་ཀུན་དགའ་སྙིང་པོས་ཟླ་བ་དྲུག་འཇམ་དབྱངས་སྒྲུབ་པས་ཞལ་གཟིགས་ནས། ཚེ་འདི་ལ་ཞེན་ན་ཆོས་པ་མིན། །ཞེས་སོགས་ཤོ་ལོ་ཀ་གཅིག་གསུངས་པ་ལས། དེའི་འབྲེལ་པ་ཞེན་པ་བཞི་བྲལ་གྱི་ཁྲིད་མཛད། ལམ་འབྲས་རྙིང་པའི་དབང་ལུང་རྒྱུན་ཙམ་ལས་མེད་པར། བིར་ཝ་པ་ཞལ་གཟིགས་ནས་རྒྱས་པར་གནང་བ་ཡི་གེར་བཀོད་པ་པོ་ཏི་ཉི་ཤུ་རྩ་ལྔ་ཙམ་ཡོད་པར་སྣང་བ་ག…