མ་ཎི་མཱ་ལ་ནཱ་མཱ་ཥཱ་མ་ཧཱ་བྷོ་དྷི་སཏྭ་པ་པུ་ཏཱ་རྟཱ་ན་པ་དཱ་ན་བི་ཧ་ར་ཏིསྨ། ། བྱང་ཆུབ་སེམས་དཔའ་ཆེན་པོ་ཉེ་བའི་སྲས་བརྒྱད་ཀྱི་རྟོགས་བརྗོད་ནོར་བུའི་ཕྲེང་བ་ཞེས་བྱ་བ་བཞུགས་སོ། །

བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །མགོན་པོ་མཁྱེན་རབ་ཀྱི་མངའ་བདག་འདི་ནི་དུས་གསུམ་གྱི་སངས་རྒྱས་ཐམས་ཅད་ཀྱི་རྣམ་པར་མི་རྟོག་པའི་ཡེ་ཤེས་ཀྱི་སྐུ་གཅིག་པུར་གྱུར་པ་བྱང་ཆུབ་སེམས་དཔའི་ཚུལ་གྱིས་ནམ་མཁའ་དང་ཆོས་ཀྱི་དབྱིངས་ཇི་སྲིད་དུ་བཞུགས་ནས། ལ་ལར་ཡོན་ཏན…

བའི་ཏིང་ངེ་འཛིན་གྱི་མདོ་ལས་སྔར་སངས་རྒྱས་པ་དང་། སོར་མོའི་ཕྲེང་བས་ཕན་པའི་མདོ་ལས་དེ་ལྟར་སངས་རྒྱས་ཏེ་འཚོ་ཞིང་གཞེས་པ་དང་། འཇམ་དཔལ་ཞིང་གི་ཡོན་ཏན་བཀོད་པ་ལས་མ་འོངས་པའི་བསྐལ་པ་གྲངས་མེད་པ་ན་མགོན་པོ་ཀུན་ཏུ་གཟིགས་ཞེས་པར་འཚང་རྒྱ་བར་སྟོན་པ་གསུངས་ཏེ། དེ་ལྟར་སངས་རྒྱས་དང་བྱང་ཆུབ་སེམས་དཔའི་མཛད་པ་སྣ་ཚོགས་པའི་ཚུལ་སྟོན་…

པའི་སྐུ། །བསྟན་པ་ཐམས་ཅད་ནུབ་པའི་ཚེ། །དེ་ཚེ་ང་ཡི་བསྟན་པ་འབྱུང་། །ཇི་ལྟ་བུར་ནི་ཞིར་གྱུར་ཀྱང་། །ང་ནི་ཐམས་ཅད་ཞི་བའི་སྐུ། །ཇི་ལྟ་བུར་ནི་ཁྲོས་གྱུར་ཀྱང་། །ཐམས་ཅད་ཁྲོས་པ་ང་ཡི་སྐུ། །ཞེས་གསུངས་པ་བཞིན་ནོ། །དེའི་ཕྱིར་འཇམ་དཔལ་གཞོན་ནུར་གྱུར་པ་དེའི་རྣམ་པར་རོལ་པ་འགའ་ཞིག་དེ་བཞིན་གཤེགས་པའི་བཀའ་ལུང་ཚད་མར་གྱུར་པ་ལས་བྱུ…

ཡེ་ཤེས་འབྱུང་གནས་ཞེས་བྱ་བ་དང་། དེ་བཞིན་དུ་དེའི་ཕ་རོལ་གྱི་ཡང་ཆེས་ཕ་རོལ་ཞེས་ཀུན་ལ་སྦྱར་ཏེ། དེ་བཞིན་གཤེགས་པ་ཡེ་ཤེས་བླ་མ་དང་། ཡེ་ཤེས་མཐོང་བ་དང་། ཡེ་ཤེས་སྤྱོད་ཡུལ་དང་། ཡེ་ཤེས་མཛོད་དང་། ཡེ་ཤེས་དཔལ་དང་། སེང་གེ་སྒྲོགས་པ་དང་། སེང་གེ་རྣམ་པར་གནོན་པ་དང་། སེང་གེ་བློ་གྲོས་དང་། སྟོབས་རབ་ཏུ་འཇོམས་པ་དང་། ཤུགས་འཆང་བ་…

རྒྱས་དྲུག་ཁྲི་འཇིག་རྟེན་དུ་བྱུང་སྟེ་དེ་དག་གི་ཐོག་མ་ནི་འོད་ཅེས་བྱ། ཐ་མ་ནི་དེ་བཞིན་གཤེགས་པ་གྲགས་པའི་འོད་ཅེས་བྱ་བ་བྱུང་ངོ་། །དེའི་ཕ་རོལ་གྱི་ཡང་ཆེས་ཕ་རོལ་ན་སངས་རྒྱས་བྱེ་བ་ཕྲག་བཞི་འཇིག་རྟེན་དུ་བྱུང་སྟེ། དེ་དག་གི་ཐོག་མ་ནི་དེ་བཞིན་གཤེགས་པ་མར་མེ་མཛད་ཅེས་བྱ་བ་དང་། ཐ་མ་ནི་དེ་བཞིན་གཤེགས་པ་སྤྱན་རིག་ཅེས་བྱ་བ་འཇི…

པའི་ཚལ་དུ་ཕྱིན་པ་དང་དེ་ན་བྱང་ཆུབ་སེམས་དཔའ་བཅུ་གཅིག་པོ་འཁོད་པ་མཐོང་ནས་དེ་དག་ལ་སེམས་རབ་ཏུ་དང་པར་གྱུར་དོ། །དེ་ན་སྐྱེས་བུ་དམ་པ་གྲགས་བྱིན་དེས་དྲང་སྲོང་ཉི་མས་བྱིན་གྱི་སྤྱོད་ལམ་ལ་བལྟས་ནས་སྐྱེས་བུ་དམ་པ་འདི་བླ་མེད་བྱང་ཆུབ་ཀྱི་སྣོད་དུ་འགྱུར་རོ་སྙམ་ནས་སྐྱེས་བུ་དམ་པ་བཅུ་གཅིག་པོ་དེ་དག་ལ་སྨྲས་པ། ཚེ་དང་ལྡན་པ་དག་ཉི…

ཏུ་འཁོད་ནས་དེ་བཞིན་གཤེགས་པ་ལས་ཆོས་ཐམས་ཅད་མཚན་ཉིད་མེད་པར་མཚན་ཉིད་གཅིག་པའི་ཆོས་བསྟན་པ་ཐོས་པ་དང་། བྲམ་ཟེ་ཉི་མས་བྱིན་དེ་དགེ་བའི་རྩ་བའི་ཤུགས་ཐོབ་པས་ཏ་ལ་བདུན་སྲིད་དུ་འཕགས་ནས་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་པ་ན། བྱང་ཆུབ་སེམས་དཔའ་དཔག་ཏུ་མེད་པ་རྣམས་ཐབས་མཁས་པ་རྣམ་པ་ཐ་དད་པ་ཡང་དག་པར་སྒྲུབ་པ་རྣམས་མཐོང་།…

དཔའ་ནི་གཞན་གྱི་དྲིང་ལ་མི་འཇོག་པ་དང་། གཞན་གྱིས་མི་བཀྲི་བར་འདོད་པ་དང་། གཞན་གྱི་ངོར་མི་ལྟ་བར་འདོད་ན་ཆོས་ཀྱི་དབྱིངས་ལ་རབ་ཏུ་འཇུག་པའི་ཕྱིར་དགེ་བའི་བཤེས་གཉེན་རྣམས་ལ་བསྟེན་པར་བྱ། རྟོག་པར་བྱ། བསྙེན་བཀུར་བྱ། ཆོས་ཟབ་མོ་མཉན་པའི་ཕྱིར་ཡོངས་སུ་འདྲི་བའི་ངང་ཚུལ་ཅན་དུ་བྱའོ། །ཞེས་གསུངས་སོ། ༈ །དཔའ་བར་འགྲོ་བའི་ཏིང་ངེ་འ…

གཞན་དུ་སྨྲས་ན་དེ་བཞིན་གཤེགས་པ་བསླུས་པར་འགྱུར་རོ། །དེ་ལྟར་ན་བསྐལ་པ་རྣམ་པར་སྣང་བ་ལ་རྫོགས་པའི་སངས་རྒྱས་རྒྱལ་བ་ཞེས་བྱ་བ་བྱུང་ནས་ཡོངས་སུ་མྱ་ངན་ལས་འདས་ཏེ་དམ་པའི་ཆོས་ལོ་འབུམ་དུ་གནས་པ་ནུབ་པ་ན། སེམས་ཅན་དེ་དག་རྐྱེན་གྱི་སྟོབས་ཅན་དུ་གྱུར་ཏེ་རང་སངས་རྒྱས་ཀྱི་སྤྱོད་ལམ་གྱིས་འདུལ་ནུས་པ་མ་གཏོགས་པ། སངས་རྒྱས་བརྒྱ་སྟོང་…

མཆོད་རྟེན་བྱས་ཏེ་མཆོད་པའི་ལས་བྱེད་ཅིང་ཁོ་བོ་མྱ་ངན་ལས་འདས་པར་འདུ་ཤེས་བྱེད་དོ། །དེ་ལྟར་རྒྱལ་པོའི་ཕོ་བྲང་སོགས་སུ་བསྐལ་པ་བར་མ་དེ་ལ་ཁོ་བོ་ལན་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་དྲུག་ཏུ་རང་སངས་རྒྱས་ཀྱི་ཐེག་པས་ཡོངས་སུ་མྱ་ངན་ལས་འདས་ཏེ། ཚུལ་དེས་སྲོག་ཆགས་བྱེ་བ་ཕྲག་སུམ་ཅུ་རྩ་དྲུག་རང་སངས་རྒྱས་ཀྱི་ཐེག་པ་ལ་བཏུ…

གསུངས་པ་དང་། གནས་བརྟན་འོད་སྲུང་ཆེན་པོས་སངས་རྒྱས་ལ་ཞུས་པ། བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་འཚལ་བ་ལྟར་ན་འཇམ་དཔལ་གཞོན་ནུར་གྱུར་པ་འདི་ནི་སྔོན་སངས་རྒྱས་ཀྱི་མཛད་པ་བགྱིས་ཤིང་བྱང་ཆུབ་སྙིང་པོ་བསྟན་པ་ཆོས་ཀྱི་འཁོར་ལོ་བསྐོར། ཡོངས་སུ་མྱ་ངན་ལས་འདས་པ་བསྟན་སྙམ་བགྱིད་དོ་ཞེས་གསོལ་བ་དང་། བཀའ་སྩལ་པ། དེ་དེ་བཞིན…

མཆོད་པར་བྱས་ཤིང་དེའི་ཆོས་ནི་ལོ་འབུམ་དུ་གནས་སོ། །དེ་བཞིན་གཤེགས་པ་དེས་ང་འདས་པའི་འོག་ཏུ་བྱང་ཆུབ་སེམས་དཔའ་ཡེ་ཤེས་འོད་ཅེས་བྱ་བ་འདི་འཚང་རྒྱ་བར་འགྱུར་ཏེ། དེ་བཞིན་གཤེགས་པ་ཡེ་ཤེས་འོད་ཅེས་བྱ་བར་འགྱུར་རོ་ཞེས་ལུང་བསྟན་ཏོ། །དེ་ལྟར་དེ་བཞིན་གཤེགས་པ་ཀླུའི་རིགས་མཆོག་དེ་ནི་འཇམ་དཔལ་གཞོན་ནུར་གྱུར་པ་འདི་ཡིན་ཏེ་དཔའ་བར་འག…

ཅན་རྣམས་རྒ་བ་དང་ན་བ་སོགས་མི་བདེ་བ་ཐམས་ཅད་མེད་ལ་ཚེ་དང་གཟི་བརྗིད་དཔག་ཏུ་མེད་དོ། །འདི་ནས་བྱང་ཕྱོགས་སུ་འཇིག་རྟེན་གྱི་ཁམས་རྟག་པར་རབ་ཏུ་དགའ་བ་སྡུག་ཅིང་མོས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མོས་པ་རབ་ཏུ་དགའ་བའི་སྙིང་པོ་ནོར་བུ་རིན་པོ་ཆེ་བརྩེགས་པའི་རྒྱལ་པོ་ཞེས་བྱ་བ་ད་ལྟར་འཚོ…

པོ་ལས། རྒྱལ་པོ་རྩིབས་ཀྱི་མུ་ཁྱུད་ཀྱི་བུ་གསུམ་པ་དབང་པོའི་ཚོགས་ཞེས་བྱ་བས་དེ་བཞིན་གཤེགས་པ་རིན་ཆེན་སྙིང་པོ་ལ་གསོལ་བ། བདག་ནི་སངས་རྒྱས་ཀྱི་ཞིང་དག་པ་འཛིན་ཞིང་མྱུར་དུ་འཚང་རྒྱ་བར་ཡང་མི་བགྱི་སྟེ། ཇི་སྲིད་དུ་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པའི་སངས་རྒྱས་རྣམས་མཐོང་བ…

བསམ་པ་དག་པ་དང་སྐྱེ་བ་གཅིག་གིས་ཐོགས་པ་འབའ་ཞིག་གིས་གང་བ་དང་། དེ་ཐམས་ཅད་སྐྲ་དང་ཁ་སྤུ་བྲེགས་ཤིང་ཆོས་གོས་ངུར་སྨིག་གྱོན་པ་སྐྱེས་མ་ཐག་ཏུ་འོད་ཆེན་པོ་དང་ལྡན་པ་དང་། དེ་དག་གི་སུག་པར་རིན་པོ་ཆེའི་ལྷུང་བཟེད་རོ་བྲོ་བ་སྣ་ཚོགས་ཀྱིས་གཏམས་པ་དག་འབྱུང་ཞིང་། དེའི་ཚེ་དེ་དག་གིས་བདག་ཅག་ཁམ་གྱི་ཟས་ཟ་བ་ཆ་མིན་གྱི་འཇིག་རྟེན་གྱི་…

ཞིང་ཕན་ཚུན་མི་སྣང་བ་དང་། དེ་བཞིན་ལོངས་སྤྱོད་དང་ཡོངས་སུ་སྤྱོད་པ་ཇི་ལྟར་བསམ་པ་དེ་བཞིན་འབྱུང་བ་དང་། ཞིང་དེར་ཉི་ཟླ་མེད་ཀྱང་བྱང་ཆུབ་སེམས་དཔའ་དེ་དག་གི་འོད་འགྱེད་ཅིང་ཇི་ལྟར་འདོད་པ་བཞིན་སངས་རྒྱས་ཀྱི་ཞིང་བྱེ་བ་ཁྲག་ཁྲིག་འབུམ་ཚུན་ཆད་དུ་འོད་གཏོང་བ་དང་། ཞིང་དེར་པདྨོ་ཁ་ཕྱེ་བ་མ་གཏོགས་པར་ཉིན་མཚན་གྱི་མིང་མེད་པ་དང་། …

དཔག་ཏུ་མེད་པ་དག་གི་ཞིང་གི་ཡོན་ཏན་བཀོད་པ་ཇི་སྙེད་པ་ལས། ཉན་རང་དང་སྙིགས་མ་ལྔ་དང་ལྡན་པའི་བཀོད་པ་རྣམས་མ་གཏོགས་པར་དེ་དག་གི་རྒྱན་དང་མཚན་མ་དང་ངོ་མཚར་དང་སྨོན་ལམ་ཇི་མཆིས་པ་དེ་ཐམས་ཅད་བདག་གི་ཞིང་དེ་ན་མཆིས་པ་དེ་ལྟ་བུར་བདག་གིས་བྱང་ཆུབ་སེམས་དཔའི་སྤྱད་པ་སྤྱོད་པར་བགྱིས་ནས་ཞིང་དེ་གྲུབ་པ་ན། བདག་གིས་དང་པོར་བྱང་ཆུབ་ཏུ་ས…

སྤྲུལ་པ་དག་སངས་རྒྱས་ཀྱི་ཞིང་བགྲང་བ་ལས་འདས་པར་འགྱེད་ཅིང་སངས་རྒྱས་རེ་རེས་ཀྱང་སྔ་དྲོ་གཅིག་ལའང་སེམས་ཅན་གྲངས་ལས་འདས་པར་བླ་མེད་བྱང་ཆུབ་འཛིན་དུ་སྩལ་བ་དང་། རབ་ཏུ་འགོད་པ་དང་ཕྱིར་མི་ལྡོག་པར་བྱེད་པ་དང་། བྱང་ཆུབ་སེམས་དཔའི་སྤྲུལ་པ་དེ་དག་གིས་ཀྱང་བྱང་ཆུབ་སེམས་དཔའི་བྱ་བ་བྱེད་པ་དང་། ཕྱོགས་བཅུའི་ཞིང་བགྲང་དུ་མེད་པར་བད…