ཤེས་མཐའ་ཡས་པའི་སྣང་བ་ཆེན་པོ་ཐོབ་པར་བྱས། བྱང་ཆུབ་སེམས་དཔའི་གཟུངས་དང་ཏིང་ངེ་འཛིན་དང་སྤོབས་པ་དང་མངོན་པར་ཤེས་པ་དང་ཡེ་ཤེས་མཐའ་ཡས་པས་བྱིན་གྱིས་བརླབས་པར་བྱས་ཏེ་ཀུན་ཏུ་བཟང་པོའི་སྤྱོད་པའི་དཀྱིལ་འཁོར་ལ་བཞག །བདག་གི་ཡུལ་ལའང་རབ་ཏུ་བཞག་ནས་ཚོང་དཔོན་གྱི་བུ་ནོར་བཟངས་ཀྱི་དྲུང་ནས་གཤེགས་སོ། །དེ་ནས་ཚོང་དཔོན་གྱི་བུ་ནོར་བ…

ལྷའི་བུ་དཔལ་བཟང་ཞེས་བྱ་བས། འཇམ་དཔལ་ཁྱོད་རྒྱུན་དུ་འཛམ་བུའི་གླིང་ན་ཆོས་སྟོན་ཏམ། དགའ་ལྡན་གྱི་གནས་སུ་བཞུད་ནས་དེར་དགའ་ལྡན་གྱི་ལྷའི་རིས་རྣམས་ལ་ཆོས་གསུང་དུ་གསོལ། དེར་ལྷའི་བུ་སྔོན་གྱི་རྒྱལ་བ་ལ་བྱ་བ་བྱས་པ་དགེ་བའི་རྩ་བ་བསྐྱེད་པ་དག་ཡོད་པ་དེ་དག་ཡུལ་ཕུན་སུམ་ཚོགས་པས་བག་མེད་པའི་དབང་གིས་བཅོམ་ལྡན་འདས་དང་ཁྱོད་ལས་ཆོས་…

རྫུ་འཕྲུལ་དང་བྱིན་གྱིས་བརླབས་ཀྱི་སྟོབས་སོ། །དེ་ནས་ལྷའི་བུ་དཔལ་བཟང་གིས་བཅོམ་ལྡན་འདས་ལ་གསོལ་བ། བཅོམ་ལྡན་འདས་འཇམ་དཔལ་གཞོན་ནུར་གྱུར་པའི་རྫུ་འཕྲུལ་གྱི་སྟོབས་དང་ཏིང་ངེ་འཛིན་གྱི་བྱིན་གྱིས་བརླབས་ཀྱི་སྟོབས་འདི་ནི་བསམ་གྱིས་མི་ཁྱབ་སྟེ། འཁོར་འདི་དག་གིས་ཕྱོགས་འདི་ནས་མ་གཡོས་པར་བདག་ཅག་དགའ་ལྡན་གྱི་གནས་སུ་ཕྱིན་ཏོ་སྙ…

ཐམས་ཅད་ལག་པའི་མཐིལ་དུ་བཞག་སྟེ། འཇིག་རྟེན་གྱི་ཁམས་བདེ་བ་ཐམས་ཅད་ཀྱིས་རབ་ཏུ་བརྒྱན་པའི་སེམས་ཅན་རྣམས་ཀྱི་བདེ་བར་སྤྱད་པ་ཅི་འདྲ་བ་དེ་ལྟ་བུ་དེ་དག་ལ་སྒྲུབ་བོ། །ཞིང་གངྒཱའི་བྱེ་མ་སྙེད་སྲེག་པར་བྱེད་པའི་མེ་དེ་ཐམས་ཅད་མར་མེ་སྙིང་པོ་གཅིག་གི་མེ་ལྕེ་ཙམ་གྱི་མེར་བྱིན་གྱིས་བརླབས་ཏེ་དེས་བྱ་བ་བྱེད་པ་གང་ཡིན་པ་དེ་བྱེད་དོ། །…

པ། འཇམ་དཔལ་ཁྱོད་ལ་ངས་བསྐུལ་གྱི་ཁྱོད་ཀྱིས་འཁོར་འདི་དག་ལ་རང་གི་རྫུ་འཕྲུལ་གྱི་སྟོབས་དང་ཆོ་འཕྲུལ་སྟོན་ཅིག་དང་སེམས་ཅན་ཚད་མེད་པའི་དགེ་རྩ་འཕེལ་བར་འགྱུར་རོ། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ཀྱིས་བསྐུལ་པར་ཤེས་ནས་ཆོས་ཐམས་ཅད་སེམས་ཀྱིས་དབང་སྒྱུར་བ་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུག…

ཀྱང་དེ་ལྟར་མོས་པའི་སེམས་ཅན་དེ་དག་ལ་བར་ཆད་བགྱི་བའི་རྔོ་མི་ཐོགས་ལགས་སོ། །བཅོམ་ལྡན་འདས་བདུད་སྡིག་ཅན་བདག་ནི་རྟག་ཏུ་རྒྱུན་མ་འཆད་པར་དེ་བཞིན་གཤེགས་པ་ལ་གླགས་ལྟ་ཞིང་སྐབས་ཚོལ་པ་དང་། སེམས་ཅན་ཐམས་ཅད་ལ་གཙེ་བར་སེམས་པ་དང་། བརྩོན་པའི་གང་ཟག་རྣམས་ཀྱི་དགེ་བའི་བར་ཆད་བགྱི་བའི་སླད་དུ་ཞུགས་པ་ལགས་ཏེ། དེ་སླན་ཆད་གང་ན་ཆོས་ཀྱི…

པའི་འཁོར་དང་བཅས་ཏེ་དགའ་ལྡན་གྱི་གནས་སུ་གཤེགས་པ་ན། རྒྱལ་ཆེན་བཞིའི་ལྷ་རྣམས་ནས་འོག་མིན་པའི་བར་གྱི་ལྷ་རྣམས་དེར་འདུས་པ་ལ། འཇམ་དཔལ་གྱིས་ཆོས་བསྟན་པས་སེམས་ཅན་ཚད་མེད་པའི་དོན་མཛད་དོ། །དེ་ནས་ལྷའི་བུ་དཔལ་བཟང་གིས་ཞུས་པ་ལྟར་འཇམ་དཔལ་གཞོན་ནུར་གྱུར་པ་དྲི་མ་མེད་པའི་འོད་ཅེས་བྱ་བའི་ཏིང་ངེ་འཛིན་ལ་ཞུགས་ནས་སྟེང་གི་ཕྱོགས་སུ…

བྱང་ཆུབ་སེམས་དཔའ་བྱེ་བ་ཕྲག་བཅུས་བསྐོར་ནས་སྐྱེས་བུའི་ལག་པ་བརྐྱང་བསྐུམ་གྱི་ཚོད་ཙམ་ལ་འཇམ་དཔལ་གྱི་དྲུང་དུ་ཕྱིན་ནས་ཕྱག་འཚལ་ཏེ། དེ་བཞིན་གཤེགས་པ་ཀུན་ཏུ་བཟང་པོས་འདིར་བཏང་ངོ་ཞེས་སྨྲས་པས་འཁོར་དེ་དག་གིས་བྱང་ཆུབ་སེམས་དཔའི་རྫུ་འཕྲུལ་ལ་ངོ་མཚར་ནས་ཆེད་དུ་བརྗོད་པས་བརྗོད་དོ། །དེ་ནས་འཇམ་དཔལ་གྱིས་འཁོར་ཆེན་པོ་འདུས་པ་དེ་…

ཆོས་ཀྱི་དབྱིངས་དབྱེར་མེད་པར་བསྟན་པ་ལས། འཇམ་དཔལ་གཞོན་ནུར་གྱུར་པས་ཆོས་ཐམས་ཅད་ཆོས་ཀྱི་དབྱིངས་ཀྱི་རང་བཞིན་ཀུན་བྱང་དང་བཅིང་གྲོལ་མེད་པའི་དོན་ཟབ་མོ་བསྟན་པ་ལ། འཁོར་དེ་ནས་དགེ་སློང་ཉིས་བརྒྱས་སུ་ཡང་གྲོལ་བ་མེད་ན་འུ་བུ་ཅག་གི་རབ་ཏུ་བྱུང་བ་དང་ལམ་ལ་བརྩོན་པ་དོན་ཅི་ཡོད་ཅེས་ཡི་ཆད་ནས་འཁོར་དེ་ནས་ཕྱིར་དོན་དེ་སོང་བའི་ལམ་ད…

པ། རྣམ་པར་རིག་བྱེད་མ་ཡིན་པའོ། །དེ་ལྟ་བུའི་སེམས་དེ་ནང་ན་གནས་སོ་ཞེས་བྱ་བའམ། ཕྱི་རོལ་ལམ། གཉིས་ཀའི་བར་ན་གནས་སོ་ཞེས་དམིགས་སུ་ཡོད་དམ། དགེ་སློང་དེ་དག་གིས་སྨྲས་པ། དེ་ནི་མ་ཡིན་ནོ། །འོ་ན་དེ་ལྟ་བུ་ལ་ཡང་དག་པར་ཡོངས་སུ་གྲུབ་པ་ཡོད་དམ། དེ་དག་གིས་སྨྲས་པ། དེ་ནི་མ་ཡིན་ནོ། །སྤྲུལ་པས་སྨྲས་པ། གང་ཡང་དག་པ་མ་ཡིན་ཞིང་ཡོངས་སུ…

གཞོན་ནུར་གྱུར་པ་ལ་མངོན་པར་བཀབ་ནས། འཇམ་དཔལ་ཁྱོད་ཀྱིས་ཁོ་བོ་རྣམས་ཡོངས་སུ་བསྐྱབས་སོ། །འདི་ལྟར་ཁོ་བོ་ཅག་ཀྱང་དམ་པའི་ཆོས་སྤང་བར་མ་ཞུགས་པས་ད་ཕྱིན་ཆད་ཆོས་འདུལ་བ་ཟབ་མོ་ལ་འཇུག་པ་ལས་ཕྱི་རོལ་ཏུ་གྱུར་པ་མ་ཡིན་ནོ། །དེ་ནས་གནས་བརྟན་རབ་འབྱོར་གྱིས་དགེ་སློང་དེ་དག་ལ་སྨྲས་པ། ཚེ་དང་ལྡན་པ་དག་གིས་ཅི་ཞིག་ཐོབ་ཅིང་ཅི་ཞིག་མངོན་…

དམ་པར་སུས་ཀྱང་བཏུལ་བ་མེད་པ་དང་ཐ་སྙད་དུ་སྒྱུ་མ་ལྟ་བུའི་སྤྲུལ་པས་བཏུལ་བར་བསྟན་ཏོ། །དེ་ནས་བཅོམ་ལྡན་འདས་ཀྱིས་ལྷའི་བུ་རིན་ཆེན་མཆོག་ལུང་བསྟན་པ་ན། དེའི་སྒྲས་བདུད་ཀྱི་གནས་བསྐྱོད་ཅིང་སྒྲ་དེ་ལྟ་བུར་བྱུང་བས་སྡིག་ཅན་དཔུང་དང་བཅས་པ་བཅོམ་ལྡན་འདས་ཀྱི་ཐད་དུ་འོངས་ནས། སྟོང་གསུམ་གྱི་སེམས་ཅན་ཐམས་ཅད་དགྲ་བཅོམ་པ་ཉིད་དུ་ལུང…

དཔལ་གྱིས་སྨྲས་པ། དེ་ནི་བྱང་ཆུབ་སེམས་དཔའི་ཆ་མ་ཡིན་གྱི། ཁོ་བོས་བདུད་སྡིག་ཅན་འདི་སངས་རྒྱས་ཀྱི་གཟུགས་མཚན་གྱིས་བརྒྱན་པས་སེང་གེའི་ཁྲི་ལ་འདུག་ནས་སངས་རྒྱས་ཀྱི་སྤོབས་པས་ཆོས་སྟོན་པར་འགྱུར་བ་དེ་ལྟར་བྱིན་གྱིས་བརླབ་པར་བྱའོ་ཞེས་སྨྲས་པའི་ཚིག་དེ་བདུད་ཀྱིས་ཐོས་པས་གནས་དེ་ནས་མི་སྣང་བར་འབྲོས་པར་འདོད་ཀྱང་མ་ནུས་ནས། བདུད་…

པའི་མཐའ་དང་། བདག་མེད་པའི་ངོ་བོ་ཉིད་ཡིན་པས་དེ་ལ་མངོན་པར་རྫོགས་པར་འཚང་རྒྱ་བ་གང་ཡང་མེད་པ་དང་། དེ་ཐོབ་ནས་ཆོས་ཐམས་ཅད་ངོ་བོ་ཉིད་ཀྱི་མཚན་ཉིད་འཁྲུགས་པར་མི་བྱེད་པ་དེ་ནི་སངས་རྒྱས་ཉིད་ཡིན་པར་བརྗོད་པར་བྱའོ་ཞེས། བདུད་ཀྱིས་བསྟན་པ་འདི་བཤད་པས་བྱང་ཆུབ་སེམས་དཔའ་ལྔ་བརྒྱས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་ནས…

ཅིག་ཏུ་ཆོས་སྟོན་ཅིག །དེ་ནས་ཤཱ་རིའི་བུ་སངས་རྒྱས་ཀྱི་གཟུགས་སུ་གནས་པས་བདུད་སྡིག་ཅན་སངས་རྒྱས་ཀྱི་གཟུགས་སུ་གནས་པ་ལ་སྨྲས་པ། སྡིག་ཅན་དེ་བཞིན་གཤེགས་པ་རྣམས་ཀྱི་བྱང་ཆུབ་ཅི་ཞིག་གིས་རབ་ཏུ་ཕྱེ་བ་ཡིན། སྨྲས་པ། བཙུན་པ་ཤཱ་ར་དྭ་ཏིའི་བུ་བཅོམ་ལྡན་འདས་རྣམས་ཀྱི་བྱང་ཆུབ་ནི་ཆོས་ཐམས་ཅད་མཉམ་པ་ཉིད་དུ་རྟོགས་པས་རབ་ཏུ་ཕྱེ་བ་ཡིན་…

པར་བསྟན་པའི་ཆོས་ཀྱི་རྣམ་གྲངས་འདིས་ཡོངས་སུ་སྨིན་པར་བྱས་པ་དག་གིས་ཆོས་འདི་འཛིན་ཅིང་འདས་པའི་འོག་ཏུ་ཆོས་ཀྱི་རྣམ་གྲངས་འདི་འཛམ་བུའི་གླིང་དུ་རྒྱས་པར་བྱེད་པར་འགྱུར་རོ་ཞེས་བཅོམ་ལྡན་འདས་ཀྱིས་བཀའ་སྩལ་ཏོ། ༈ །དཀོན་མཆོག་བརྩེགས་པའི་ཆོ་འཕྲུལ་ཆེན་པོ་བསྟན་པའི་ཆོས་ཀྱི་རྣམ་གྲངས་ལས། སྔོན་འདས་པའི་དུས་བསྐལ་པ་ཆེས་གྲངས་མེད་པ…

ཁྱེད་ཅག་ལས་རྒྱལ་སྲིད་བསྒྲུབ་པ་དང་སེམས་ཅན་རྣམས་ལ་ཆོས་ཡང་དག་པར་འཛིན་དུ་འཇུག་པར་སྤྲོ་བ་སུ་ཡོད། དེ་ཐམས་ཅད་ཀྱིས་སྨྲས་པ། ཡབ་བདག་ཅག་ཀྱང་རབ་ཏུ་འབྱུང་བར་གནང་ཞེས་སྨྲས་པ་དང་། དེ་དག་གི་ནང་ནས་རྒྱལ་བུ་གཞོན་ནུ་སྙིང་རྗེ་ཆེར་སེམས་ཞེས་བྱ་བས་རྒན་རབས་དེ་དག་ལ་ཚིགས་སུ་བཅད་དེ་སྨྲས་པ། རབ་བྱུང་ཡོན་ཏན་དུ་མ་བསགས་པ་ཞེས། །དེ་བཞ…

མཉན་པའི་ཤེས་པ་སྐྱེད་པར་གྱུར་ཏོ། །རྒྱལ་བུ་སྙིང་རྗེ་ཆེར་སེམས་ཀྱིས་ཟླ་བ་ཉ་བོ་ཅོག་ཏུ་གླིང་བཞི་པོ་དག་ཏུ་ཆོས་སྟོན་པར་བྱས་པས་སྲོག་ཆགས་དུང་ཕྱུར་དགུ་དང་བྱེ་བ་ཕྲག་གཉིས་བླ་མེད་བྱང་ཆུབ་ཏུ་སེམས་བསྐྱེད་པར་འགྱུར་བ་བྱས་ཤིང་། དེ་ཐམས་ཅད་དེ་བཞིན་གཤེགས་པ་དེའི་བསྟན་པར་དད་པས་རབ་ཏུ་བྱུང་ནས་བླ་མེད་བྱང་ཆུབ་ལས་མི་ལྡོག་པར་གྱུ…

མེད་པ་སོགས་ཕུང་པོ་སྐྱེ་མཆེད་ཐམས་ཅད་ལས་འདས་པ། དེ་བཞིན་ཉིད་དང་ཡང་དག་པའི་མཐའ་དང་ཆོས་ཀྱི་དབྱིངས་དང་མཉམ་པ་ཉིད་དང་སྤྲོས་པ་ལས་འདས་པ་ལ་སོགས་པའི་ངོ་བོ་ཉིད་ཡིན་པས་བསྙེན་བཀུར་བྱ་བར་མི་ནུས་པ་དང་། ཡང་དགེ་བའི་རྩ་བ་ཞེས་པ་ཀུན་ཉོན་གྱི་ཕྱོགས་ཐམས་ཅད་དང་རློམ་པའི་ལམ་ཐམས་ཅད་དང་ཉན་རང་གི་འབྲས་བུ་འདོད་པའི་རྩ་བ་མ་ཡིན་པ་དག་ནི…

ཀྱིས་འཁོར་དེ་དག་གིས་སྨྲས་པ་ལ་ཐུགས་རངས་པར་མཛད་ནས་ལྷའི་བུ་དེད་དཔོན་ལ་བཀའ་སྩལ་པ། ལྷའི་བུ་གང་དག་འཇམ་དཔལ་གཞོན་ནུར་གྱུར་པས་བཤད་པ་དེ་ཐོས་ནས་མོས་པར་གྱུར་པ་དེ་ཡང་ཆོ་འཕྲུལ་ཆེན་པོ་ཡིན་ཏེ། དེ་དག་ནི་དེ་ལས་གཞན་པའི་ཆོ་འཕྲུལ་རྣམས་ཀྱིས་སྐྲག་པར་མི་འགྱུར་རོ། །དེ་ཅིའི་ཕྱིར་ཞེ་ན་ལྷའི་བུ་འདི་ལྟ་སྟེ། རྟག་པར་འདུ་ཤེས་པའི་སེ…