སེམས་སུ་བདེན་པར་ཞེན་པའི་འདུ་ཤེས་འབྱུང་བར་འགྱུར་ཞིང་། གང་དུ་བསྔོ་བའི་གནས་བྱང་ཆུབ་ལ་ཡང་དེར་ཞེན་གྱི་འདུ་ཤེས་དང་། ཡོངས་སུ་བསྔོ་ཡུལ་གྱི་སེམས་ཅན་དུ་འདུ་ཤེས་པ་བྱུང་ན། མངོན་པར་ཞེན་པའི་འདུ་ཤེས་ཀྱིས་བཅིང་བའི་ཕྱིར་ན་དམིགས་པ་ཅན་གྱི་ལྟ་བ་ལ་གནས་ཤིང་སེམས་དེ་ནི་བསྔོ་བའི་འཁོར་གསུམ་ལ་བདེན་ཞེན་གྱིས་ཆགས་པའི་དམིགས་པ་ཡོད…

ཕྱིར། དོན་དམ་པར་ཆོས་ཀྱིས་ཆོས་ལ་ནམ་ཡང་མི་བསྔོ་བའམ་བསྔོ་རྒྱུ་མེད་པའི་ཚུལ་ཤེས་པར་གྱུར་ན་བསྔོ་བའི་འཁོར་གསུམ་ལ་མི་ཆགས་པ་དེ་ལྟར་རབ་ཏུ་ཤེས་པས་ཟིན་པ་དེ་ནི་ལེགས་པར་ཡོངས་སུ་བསྔོས་པ་ཞེས་བྱ་བ་ཡིན་ནོ། །གསུམ་པ་དེ་གཉིས་ཀྱི་དོན་བསྡུ། གལ་ཏེ་མཚན་མར་སོགས་ཚིགས་བཅད་གཅིག་སྟེ། མདོར་ན་གང་ཞིག་གང་དུ་བསྔོ་བ་སོགས་ཆོས་གསུམ་ཡུལ་…

རྒྱལ་བ་དེ་དག་གིས་རྗེས་སུ་ཡི་རང་དང་བསྔོ་བའི་དགེ་བ་ཕྱིན་ཅི་མ་ལོག་པ་དེ་འདི་ལྟ་བུའོ་ཞེས་ཐུགས་སུ་ཆུད་པའམ་མཁྱེན་པའི་རྣམ་པ་གང་ལྟ་བུ་ཡིན་པ་སྟེ་ཀུན་རྫོབ་ཏུ་བསྔོ་བའི་ངོ་བོའམ་རྣམ་པ་ཇི་ལྟ་བུ་ཡིན་པ་དང་། དེ་ལས་ཐ་སྙད་དུ་འབྲས་བུ་མི་བསླུ་བར་འབྱུང་བ་གང་དང་ཅི་འདྲ་བ་ཡིན་པ་དང་། དེ་དག་དོན་དམ་པར་མི་དམིགས་པའི་མཚན་ཉིད་གང་ལྟ…

ཅད་བྱང་ཆུབ་ཆེན་པོར་ཡོངས་སུ་བསྔོ་བ་བྱེད་ན། རྒྱུ་བསྔོ་བ་དུག་མེད་པ་ཡིན་པ་དང་དེའི་འབྲས་བུ་སངས་རྒྱས་མི་སྤོང་བའམ་ཐོབ་པ་ཡིན་པ་དང་རྒྱལ་བས་གསུངས་པའི་ཆོས་ཐེག་པ་ཆེན་པོ་བཞིན་ཕྱིན་ཅི་མ་ལོག་པར་སྨྲ་བ་ཡིན་ནོ། །དེ་ལྟར་མི་དམིགས་པའི་ཚུལ་གྱིས་ཡོངས་སུ་བསྔོ་བར་བྱེད་པའི་དཔའ་བོ་བྱང་ཆུབ་སེམས་དཔའ་དེས། འཇིག་རྟེན་ན་དམིགས་པ་ཅན་…

ངོས་ནས་མིག་མེད་པ་ལྟ་བུའི་སྦྱིན་སོགས་ཕ་རོལ་ཏུ་ཕྱིན་པ་ལྔ་པོ་འདི་ཕྱོགས་སུ་འཁྲིད་པའི་དམིགས་བུ་ལྟ་བུ་ཤེས་རབ་ཀྱིས་མ་བཟུང་བར་གྲོགས་དེ་མེད་པས་ནི་འཕགས་ལམ་མི་ཤེས་པའི་ཕྱིར་རྫོགས་པའི་བྱང་ཆུབ་ཀྱི་གྲོང་ཁྱེར་ལ་རེག་པར་ནུས་པ་མ་ཡིན་ནོ། །གཉིས་པ། གང་ཚེ་ཤེས་རབ་སོགས་ཚིགས་བཅད་གཅིག་སྟེ། གང་གི་ཚེ་སྦྱིན་སོགས་དགེ་ཆོས་གཞན་དེ་ད…

སྨིན་པར་ངེས་པའི་བློ་གྲོས་ཀྱིས་ལམ་གཞན་གྱིས་མི་འཕྲོག་པར་འབྲས་བུའི་ཡུམ་ཉིད་ལ་གཞོལ་བའི་རྣམ་པ་ཐམས་ཅད་མཁྱེན་པའི་སེམས་ཀྱིས་བསྔོ་བ་མི་དམིགས་པ་དང་ལྡན་པ་ནི་ཐེག་པ་ཆེན་པོའི་ལམ་གྱི་སྙིང་པོ་ཡིན་པར་ཤེས་པར་བྱའོ། །གཉིས་པ་ལ་མི་དམིགས་པས་ཤེར་ཕྱིན་གྲལ་དུ་ཚུད་པ་ནམ་མཁའི་དཔེས་བསྟན་པ། དེ་དང་བྲལ་ན་ལམ་ཡོངས་སུ་མི་དག་པའི་ཚུལ་གཉ…

ཀྱང་དམིགས་གཏད་མ་ཞིག་པའི་སྒོ་ནས་བདག་ནི་རྒྱལ་བའི་ཤེས་རབ་ཀྱི་ཕར་ཕྱིན་འདི་ལ་སྤྱད་པར་བྱའོ་ཞེས་འཛིན་སྟང་གི་གནས་ལ་འཕྱན་ཞིང་། སེམས་ཅན་སྡུག་བསྔལ་ལ་རེག་པ་ཁྲག་ཁྲིག་མང་པོ་དགྲོལ་ལོ་ཞེས་མངོན་པར་ཞེན་པའི་སེམས་ཡོད་ན། དེ་ལྟར་བདག་དང་གཞན་གྱི་རྒྱུད་ཀྱིས་བསྡུས་པའི་སེམས་ཅན་དུ་འདུ་ཤེས་པས་ཡོངས་སུ་རྟོག་པའི་བྱང་ཆུབ་སེམས་དཔའ་ད…

སྟོན་པའི་འདུ་ཤེས་སྐྱེད་པ་ཡི་རྒྱུ་དེས་ནི་བྱང་ཆུབ་ཞི་བ་ཆེན་པོ་མྱུར་དུ་རྟོགས་པར་འགྱུར་རོ། །གཉིས་པ། སྔོན་སྤྱད་ཚེ་ན་སོགས་ཚིགས་བཅད་གཅིག་སྟེ། གང་ཞིག་སྔོན་སྤྱད་པ་སྤྱོད་པའི་ཚེ་ན་སངས་རྒྱས་ཁྲག་ཁྲིག་དུ་མ་བསྐུར་ཞིང་མཆོད་དེ་བསོད་ནམས་བསགས་པར་གྱུར་ཀྱང་། ཐེག་པ་ཆེན་པོའི་དགོངས་དོན་རྒྱལ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ…

རྒྱལ་བའི་ཡུམ་འདིར་དད་པར་གྱིས་ཤིག་དང་། འདི་ནི་དེའི་མེད་ན་མི་འབྱུང་གི་རྒྱུ་ཐུན་མོང་མིན་པ་ཡིན་ནོ། །ད་ལྟ་རིན་པོ་ཆེའི་གླིང་ལྟ་བུའི་དེ་བཞིན་གཤེགས་པའི་བསྟན་པ་དང་མཇལ་བའི་དུས་འདིར་འབྲས་བུ་ཡོད་པར་བྱ་དགོས་ཀྱི། དཔེར་ན་ཚོང་པ་དག་རིན་ཆེན་གྱི་གླིང་དུ་སོང་ནས་ནི་སྔར་གྱི་ཚོང་ཟོང་ཟད་ལ་གསར་དུ་རིན་པོ་ཆེའི་ཁེ་ཅི་ཡང་མ་ཐོབ་…

སྒྲིབ་བྲལ་ཆེན་པོར་རོ་མཉམ་དུ་སྒོམ་པ་ནི་མཉམ་བཞག་ཡེ་ཤེས་ཀྱི་ངོ་བོའོ། །དེའི་ཚུལ་ཇི་ལྟ་བུ་ཞེ་ན། འདི་ལྟར་གཟུགས་ཀྱི་དག་པ་ཞེས་པས་མཚོན་ཏེ་ཤེས་བྱའི་ཡུལ་གཟུགས་ནས་རྣམ་མཁྱེན་གྱི་དབར་གྱི་ཆོས་ཐམས་ཅད་ནི་ཡེ་ནས་གཟུང་བ་དང་འཛིན་པ་ཀུན་ཉོན་དང་རྣམ་བྱང་བདག་དང་གཞན་དངོས་དང་དངོས་མེད་ལ་སོགས་པའི་གཉིས་ཆོས་ཀྱི་རང་བཞིན་གང་དུའང་མ་ག…

ཏེ་སྤང་བྱའི་དྲི་མ་རྣམས་སྤང་བའི་ཆ་ནས་དག་པ་ཆུང་འབྲིང་ཆེན་པོ་ཞེས་སུ་བརྗོད་དེ་དེ་དག་ནི་དྲི་མ་ཅི་རིགས་པར་དག་པའི་སེམས་ཅན་ཞེས་བྱའོ། །དེ་ཡང་ཡུལ་གཟུགས་སོགས་ཀྱི་རང་བཞིན་ལ་ཡེ་ནས་མ་དག་པ་མེད་ཀྱང་། ཕྱིན་ཅི་ལོག་ཏུ་བཟུང་བའི་དྲི་མ་གློ་བུར་བ་རྣམས་དག་པའི་རིམ་པ་དང་མཚུངས་པས་མིག་སྐྱོན་དག་པས་ཡུལ་ཇེ་གསལ་དུ་མཐོང་བ་ལྟར་ཡུལ་ཅ…

པའི་ཤིན་ཏུ་རྣམ་པར་དག་པ་ཐམས་ཅད་མཁྱེན་པའི་ཡེ་ཤེས་ཉིད་ཀྱི་དག་པར་འགྱུར་ཏེ་དག་པ་དེ་ཐམས་ཅད་རྩ་བ་རང་བཞིན་རྣམ་དག་གི་དོན་ལ་གནད་གཅིག་པ་བཤད་མ་ཐག་པ་བཞིན་ནོ། །དེ་ལྟར་དག་པ་མཐར་ཐུག་པ་ཐམས་ཅད་མཁྱེན་པ་ཉིད་ཀྱི་དག་པ་དང་། གནས་སྐབས་ཀྱི་ལམ་སོ་སོའི་འབྲས་བུ་ཐོབ་པའི་དག་པ་དང་། གཞི་གཟུགས་སོགས་ཕུང་ཁམས་སྐྱེ་མཆེད་ཀྱི་ཆོས་རྣམས་ཀྱི…

དང་ཡུལ་ཅན་ལ་སོགས་པའི་གཉིས་ཆོས་ཀྱི་རང་བཞིན་དུ་མེད་པར་གཉིས་མེད་མཉམ་པ་ཆེན་པོར་ཡེ་ནས་དག་ཅིང་སངས་རྒྱས་པ་ཉིད་དུ་དབྱེ་བ་མེད་པར་རོ་གཅིག་ཏུ་ཤེས་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པ་མཐར་ཐུག་པ་ཡིན་ལ། གཤིས་རྣལ་མ་དེའི་དོན་བབ་ཀྱིས་ཅོག་བཞག་ཏུ་སྐྱོང་བའི་ཚུལ་ཡང་། འདི་ལ་བསལ་བྱ་ཅི་ཡང་མེད། །བཞག་པར་བྱ་བ་གང་ཡང་མེད། …

ཉོན་མོངས་པ་བསལ་བར་གྱུར་ཀྱང་ཐབས་ལ་མཁས་པས་སྲིད་པར་སྐྱེ་བ་ཡོངས་སུ་སྟོན་པར་བྱེད་ལ། རྒ་དང་ན་དང་འཆི་བ་མེད་ཀྱང་སྙིང་རྗེའི་དབང་གིས་གཞན་དོན་དུ་འཆི་འཕོ་བ་སོགས་སུ་སྟོན་པར་བྱེད་དེ། རང་གིས་སྲིད་ཞིར་མི་གནས་པའི་ཆོས་དབྱིངས་རྟོགས་པ་ན་སྲིད་ཞིའི་མཐའ་ལ་ཞེན་པ་རྣམས་ལ་ཆོས་ཟབ་མོ་རྟོགས་པའི་རང་འབྲས་ཀྱི་སྙིང་རྗེ་ཆེན་པོ་འབྱུང་…

དཀའ་བར་ཤེས་ནས། དེ་ཉིད་རྟོགས་པའི་ཤེས་རབ་དང་ལྡན་པ་རྣམས་ནི་འཁྲུལ་པའི་རྒྱས་མི་འཆིང་བར་འགྲོ་བའི་ཁམས་འདི་ན་དཔེར་ན་མཁའ་ལ་བྱ་བཞིན་དུ་རྣམ་པར་རྒྱུའོ། །གསུམ་པ། མཉམ་བཞག་ཡེ་ཤེས་དེའི་སྤྱོད་ཡུལ་ལ། མི་སྤྱོད་པའི་སྤྱོད་ཡུལ་བསྟན་པ་དང་། དེ་ལྟར་སྤྱོད་པའི་ཕན་ཡོན་དཔེས་བཤད་པ་གཉིས། དང་པོ། སྤྱོད་པ་ཡོངས་དག་སོགས་ཚིགས་བཅད་གཅིག་…

རྒྱ་དཔེ་ལ་ལར་གྲོལ་ལ་ཞེས་ཀྱང་འབྱུང་། མཉམ་པ་ཉིད་ཆགས་པ་མེད་པར་གོང་ནས་གོང་དུ་འགྲོ་སྟེ། དཔེར་ན་ཉི་མ་ནི་སྒྲ་གཅན་ཞེས་པའི་གཟའ་དང་བྲལ་ནས་ལྷང་ངེར་འདུག་པ་དང་། མེ་བཏང་བས་རྩ་དང་ཤིང་དང་ནགས་ཚལ་ཐམས་ཅད་བསྲེག་པ་བཞིན་དུ་ཤེས་རབ་ཆེན་པོ་འོད་དང་མེ་ལྟ་བུས་ཉོན་མོངས་པའི་མུན་པ་དང་བུད་ཤིང་འཇོམས་པར་བྱེད་དོ། །བཞི་པ་མཉམ་བཞག་ཡེ་ཤེ…

རིམ་པ་དང་། སྦྱོར་བ་དེའི་འབྲས་བུ་ཡང་དག་པར་འགྲུབ་པའི་ཚུལ་དང་། དེ་ལ་སྦྱོར་བ་པོ་གང་ཟག་བསྟན་པ་དང་། དེ་ལྟར་འཇུག་པའི་གང་ཟག་གི་ཆེ་བ་དང་། དེས་བསླབ་བྱ་ཆོས་ཀྱི་ཆེ་བ་དང་ལྔ་ལས་དང་པོ་ལ། བསྒོམ་བྱ་སྦྱོར་བའི་ངོ་བོ། སྦྱོར་བ་བསྒོམ་པ་ལས་བྱུང་བའི་ཡོན་ཏན། བར་དུ་གཅོད་པའི་སྐྱོན། སྦྱོར་བའི་བྱེད་ལས། རྐྱེན་བཤེས་གཉེན་བཤད་པ་དང་…

བུའི་ཡོན་ཏན། གནས་སྐབས་སྦྱོར་བའི་ངོ་བོའི་ཡོན་ཏན་གསུམ། དང་པོ། གང་ཞིག་ཆོས་འདི་སོགས་ཚིགས་བཅད་གཅིག་སྟེ། གང་ཟག་གང་ཞིག་ཤེར་ཕྱིན་གྱི་གཞུང་འདི་ནས་ཆོས་འདི་དག་ཐམས་ཅད་ངོ་བོ་མེད་ཀྱང་རྣམ་པ་མི་འགག་པ་སྦྲུལ་པ་དང་སྒྱུ་མ་འདྲ་བར་བཤད་པ་ཐོས་ནས། དེའི་དོན་ལ་སོམས་ཉི་མེད་ཅིང་ཡིད་ཆེས་ནས་དེ་སློབ་པ་ལ་ཕྱིར་ཞིང་ནན་ཏན་གྱིས་སྦྱོར་བ…

འཐད་པ་ཕུན་སུམ་ཚོགས་པ་མཐོང་ནས། ལམ་རིང་པོར་བགྲོད་པ་དེ་དག་འདི་སྙམ་དུ། འདི་དག་ནི་གྲོང་དང་གྲོང་ཁྱེར་དང་ཉེ་བའི་རྟགས་ཡིན་ནོ་སྙམ་སྟེ། སྟག་སོགས་དགོན་པའི་གནས་ན་ཡོད་པའི་འཇིགས་པ་ལས་དབུགས་ཕྱིན་པ་རྙེད་པར་འགྱུར་ཞིང་དེ་ཕན་ཆོད་ཆོམ་རྐུན་གྱི་འཇིགས་པ་ཡིད་ལ་བྱེད་པ་མེད་པར་འགྱུར་བ་དེ་བཞིན་དུ་བྱང་ཆུབ་དམ་པ་ཐོབ་པར་འདོད་ཅིང་ད…

ལ་སོགས་པ་རིང་བའི་རྟགས་དེ་དག་མ་མཐོང་བར་ས་ཐམས་ཅད་ཁད་ཀྱིས་མཉམ་ཞིང་གཞོལ་ལ་མཐའི་ཕ་རོལ་མི་མཐོང་བར་གྱུར་ན་ད་ནི་རྒྱ་མཚོ་ཆེན་པོ་ནི་བདག་དང་ཉེ་བར་གྱུར་ཏོ་སྙམ་སྟེ་དེ་ལ་སོམས་ཉི་མེད་དེ་རྒྱ་མཚོ་ཆེན་པོ་ནི་ཕ་མཐའ་མི་མངོན་པ་སྲིད་དུ་ཡངས་ཤིང་མཉམ་པའི་ཕྱིར་དེའི་ཁྱོན་ཀྱི་ཆར་རི་ལ་སོགས་པ་ཡོད་པ་མི་སྲིད་པའི་ཕྱིར་ན་དེ་ལྟར་རྒྱང་…