སྡོད་ས་བརྟན་པོ་སོགས་བཟང་སྟེ་མི་ལྡོག །གྲོགས་ནོར་ལ་ཕུག་ཏུ་བཟང་སྟེ་ཅུང་ཟད་ཕྱི་དལ་ཆེ། དགྲ་མེད། མགྲོན་པོ་ལམ་འགོར་སྟེ་ཕུག་ཏུ་བཟང་། ནད་བད་ཀན་སོགས་ཅུང་ཟད་ཡོད་ཀྱང་མི་སྐྱོན། འཕྲལ་དུ་དེངས་དཀའ། མེ་ལ་སྦྱིན་སྲེག་དང་། རླུང་འཁོར། ཇོ་དར་གྲངས་མང་བྱ། གདོན་ནི་མེད། ལེ་ལན་ས་ཆུ་མི་འཕྲོད་པ་སོགས་ཀྱིས་ལེན། ཆོས་ཕྱྭ་ལ་ཕུག་བཟང་…

བློ་ཚད་མེད་པར་འཕེལ་ཞེས་སོ། །རིག་གནས་སྤྱི་དང་མདོ་ཕྱོགས་སྦྱང་ན་བཟང་། གཞི་དང་སྲོག་གི་ཆ་ལ་ལྷ་མོ་ལ་བརྟེན་པའི་ཚེ་སྒྲུབ་བྱས་ན་ཚེ་སྲོག་གཞི་བརྟན། བློ་ཕྱྭ་དང་དོན་སྒྲུབ་པ་ལ་ཤིན་ཏུ་བཟང་། གྲོགས་ནོར་གྱི་ཆ་ལ་ཡིད་དགའ་བའི་ངོ་ཡོད། དགྲ་མི་འབྱུང་ཞིང་ལྷ་ཡིས་སྐྱོབ། དགའ་ཞིང་ལམ་བདེ་མྱུར་དུ་སླེབ། ནད་ཞི་བར་འགྱུར། གདོན་གང་ཡང་…

ལ་སོགས་པ་དང་། ཏིང་འཛིན་རྒྱལ་པོ་ཀློག །མ་མོའི་མདོས་སྐོང་བྱ། ཆོས་སྐྱོང་དམ་ཅན་ལྕམ་དྲལ་དང་ཚེ་རིང་མཆེད་ལྔ་སོགས་ལྷ་གཞོན་ཚུལ་ཅན་ཞི་བ་དང་། ཁྱད་པར་དམག་ཟོར་དང་རེ་ཏི་སོགས་ལྷ་མོ་བརྟེན། གཞོན་ནུ་མའི་སྟོན་མོ་དང་དུང་གྲགས་བྱས་ན་ལྷ་གང་སྒྲུབ་པ་དེ་འགྲུབ་ལྷ་སྒྲུབ་པ་ལ་འབད། རང་གི་ཡིད་ལ་ཇི་ལྟར་བརྣག་པ་དེ་བཞིན་སྟེ་འདིས་གྲུབ་ས…

དྲི་བ་ལྷག་མ་གང་ལའང་བྱ་བ་བརྩམ་པ་ལ་ཉེས་པ་མེད་ཅེས་བྱའོ། །སྐལ་བཟང་དང་དབུ་དུམ་བཞི་སྒྲོགས། ཚེ་དཔག་མེད་ཀུ་རུ་ཀུལླེ་འོད་ཟེར་ཅན་སོགས་དང་པདྨ་རིགས་ཀྱི་ལྷ་བསྟེན། ཧཱུྃ་མཛད་ཡབ་ཡུམ་དང་ཁྱུང་དམར་བསྒྲུབས་ན་འགྲུབ། ཆོས་སྐྱོང་ལྷ་ཆེན་ཙི་དམར་སོགས་བསྟེན། ལམ་བསལ་ཞིང་སྦྱིན་སྲེག་སོགས་བྱས་ན་གེགས་མེད་འབྱུང་སྟེ་བསམ་པ་མཐར་ཕྱིན་པར་…

མགྲོན་པོ་ཤིན་ཏུ་མགྱོགས་ཤིང་ལམ་བདེ་བཟང་། ནད་ཚད་པ་ཁྲག་དང་རིམས་ཏེ་དེ་འདྲ་ཡིན་ན་བཅོས་རིམ་དགོས། གཞན་མྱུར་དུ་དངས་འགྲོ། གདོན་གང་ཡང་མེད། ལེ་ལེན་བྱ་བ་རྔམ་ཆེན་དང་འར་འུར་གྱིས་ལས་ཀྱིས་ལན། ལྷ་དྲག་པོ་འཁོར་ན་ཕོག་ཐུག་ཕྲ་མོ་འོང་གིན་འདུག་པས་བཙན་སོགས་གསོལ་ན་ལེགས། ཆོས་ཕྱྭ་ལ་རྣམ་དཀར་དང་དབང་གི་ལས་འཕེལ་ཏེ་བཟང་། བོར་བའི་རི…

སྟག་ཆུང་དུ་ཆུས་གསོད་པ་བཞིན་དུ་བྱ་བ་གང་ལའང་མི་དགེ་རྣམ་པས་འཆི་བདག་གི་གཤིན་རྗེས་བཟུང་། ངོ་བོ་ལྷོ་ཡི་ཕྱི་སྒོ་སྐྱོང་བ། བརྡ་ནི་གསོད་དོ་ཤི་འོ་འཇོམས་སོ་ཞེས་བསྒྲགས་སོ། །གཞི་དང་སྲོག་ཆ་ལ་ཤི་ངོ་དང་བར་ཆད་ཆེ། བཀའ་ཆོས་རྡུལ་སྤྲུགས་དང་ཁྲོ་བོ་རོལ་པའི་གཏོར་ཟློག་བྱ། བློ་དང་དོན་ཕྱྭ་ལ་གེགས་དང་བར་ཆད་ཆེ་བས་མི་འགྲུབ་བཤོལ་ན་…

ལ་ཆུ་འདྲེ་སོགས་ཡེ་འདྲོག་བསྲུང་བར་བྱ། ཆོས་ཕྱྭ་ལ་བར་ཆད་ཆེ་བས་སྐྱབས་འགྲོ་འབུང་། གཏོར་ཟློག་གཏད་གྲོལ་གྲིབ་སེལ་སོགས་འབད། མདོ་སྣ་ཚོགས་དང་སྙིང་པོ་རྟག་བརྟན་བསྟན་པའི་མདོ་ཡི་རིགས་བཀླག །སྒྱུར་གཏོ། བདུད་མདོས། བརྒྱ་བཞི། ཟོར་མདོས་སོགས་ཡས་གཏོ་བྱང་དུ་བོར་བ་སོགས་མ་བྱས་ན་ཤིན་ཏུ་ངན་ནོ། །ལྷབ་ཀྱིས་འབར་བ་ཐུམ་གྱིས་ཤི་ཞེས་ས…

གཞི་དང་སྲོག་ཕྱྭ་ཤུགས་སྟོབས་འཕེལ་བས་ཅིས་ཀྱང་མི་ཚུགས། བློ་དང་དོན་ཕྱྭར་ཇི་ལྟར་བསམ་པ་སྟོབས་དང་ལྡན། དགུག་པ་དང་དྲག་ལས་ལ་མཆོག །ཡི་དམ་སྒྲུབ་པ་གནད་མཐུན་པར་བྱས་ན་ཤིན་ཏུ་ལེགས། གྲོགས་དང་ནོར་ཕྱྭ་ལ་འབྱོར་བ་འཕེལ། ཁྱད་པར་ཡོ་བྱད་ལྗང་གུ་དང་དབྱིབས་འཇོང་མོ་གཡོ་བའི་རིགས་འཕེལ། དགྲ་མེད་ཅིང་དགྲ་ཡི་རིགས་ཀུན་ལ་རྣམ་པར་རྒྱལ། མ…

དང་ཁྲོ་མོ་ཁམས་གསུམ་རྣམ་རྒྱལ་དང་གུར་དྲག་སོགས་ཡི་དམ་ལྷར་བསྟེན། གྲྭ་ལྔ་ཏོག །ཁྲོ་བཅུའི་རྒྱུད་སོགས་བཀླག །ཆོས་སྐྱོང་དགྲ་བླ་དཔང་བསྟོད་བྱས་ན་ལྷའི་མགོན་བྱེད། ལྷ་བསང་དང་། རླུང་རྟ་གསོལ་མཆོད་བྱས་ན་བསམ་པའི་ལས་ཤིན་ཏུ་སྟོབས་དང་ལྡན་ཏེ་དགེ། ཆོས་སྐྱོང་ཚོགས་བདག་མགོན་པོ་དང་གཟའ་བདུད་རཱ་ཧུ་ལ་བསྟེན་ན་དངོས་གྲུབ་ཡོད། འདི་སྟ…

ཆགས་ཡོད་ཀྱང་ཆེར་མི་གནོད། དེར་སྙིང་རྗེས་གསུར་ལན་ཆགས་ཆུ་སྦྱིན་གནས་སྤྱད་བྱ། མི་ཁྱོད་ཀྱི་ཡུལ་གཞི་གནས་བདག་དང་གཡང་ཉམས་འདུག །གསེར་འོད་གཡང་འགུགས་གཡང་འབོད་བྱ། ཚོགས་བསགས་དང་འཁྲུག་བཅོས་ལ་གནད་ལེགས་པར་བཅོས་ན་བཟང་། ཆོས་ཕྱྭ་ལ་བསམ་བསམ་མང་སྟེ་འགྲུབ་འགྲུབ་དཀོན་པ་བྱིས་པས་འཇའ་ཚོན་བསྙེགས་པ་དང་འདྲ། བོར་བའི་གཞན་གྱིས་བརྐུས…

པ་ཡིན་ནོ། །བརྡ་ནི་ནུབ་ཀྱི་ལྷ་མོ་གྲོགས་སུ་འགུགས་ཞེས་བྱའོ། །གཞི་ལ་བཀྲ་ཤིས་འཕེལ། སྲོག་ཆ་དགེ། བློ་དང་དོན་ཕྱྭ་བཟང་པོའི་གྲོགས་ཀྱིས་བགོ་བ་བཞིན་བྱས་ན་བཟང་མིག་སྨན་དང་པྲ་ཕབ་པ་དང་མཐོང་བའི་ལས་ལ་ལེགས། གྲོགས་དང་ནོར་ཕྱྭར་བརྩོན་པ་བསྐྱེད་ན་འགྲུབ། དགྲ་མེད་མགྲོན་པོ་བདེ་ཞིང་མྱུར་དུ་སླེབས། ནད་པ་ལ་རིམ་གྲོ་བསྒྲུབས་ན་འཕྲལ་…

བདུད་རྩི་བུམ་པ་ལ་བབས་ན། ཇི་ལྟར་བུམ་པ་བདུད་རྩིས་གང་བ་བཞིན་དུ་ཞི་བའི་ལས་འགྲུབ། བརྡ་ནི་བདུད་རྩི་འཐུང་དང་མི་འཆི་ཐོབ་ཅེས་བྱའོ། །གཞི་དང་སྲོག་ཕྱྭ་ལ་བཟང་། བློ་དང་དོན་ཕྱྭ་ལ་གེགས་མེད་ཅིང་འགྲུབ། བླ་མའི་སྒྲུབ་པ་གང་འདོད་བྱ། གྲོགས་ནོར་ནི་འབྱུང་ཞིང་ཕན་ཐོགས་ཏེ་བུམ་པ་བཟང་པོ་འདོད་རྒུ་འབྱུང་བའི་གནས་སོ། །དགྲ་ནི་མེད་དེ་…

རྫིང་བུ་ཕུག་མེད་ལ་བབས་ན། ཇི་ལྟར་ལྟག་ཆུ་ཆད་པའི་རྫིང་བུ་བཞིན་ཏེ་ལོངས་སྤྱོད་འགྲིབ། བརྡ་ནི་བདུད་ཀྱི་ཕོ་ཉ་ལྷོ་ནུབ་ན་རྒྱུ་བའི་སྲིན་པོའི་སྡེ་ཚོགས་ན་རེ། རྒྱ་མཚོ་ལ་བྱེ་མའི་མཁར་རྩིགས་པ་འདིས་ཅི་བྱེད་ཅེས་ཟེར་རོ། །གཞི་སྲོག་ལ་འཕྲལ་དུ་མི་སྐྱོན་ཀྱང་ཕུག་ཅུང་ཟད་འཛེར་བས་ཚོགས་བསགས་བློ་དོན་ནི་འབྲིང་ཙམ་སྟེ་གྲོགས་ཀྱིས་ཕན་…

དགོས་སོ། །བོར་བའི་རིགས་ཆུད་ཟོས་པས་རང་ལ་ཕན་དཀའ། འོང་ངམ་གྲུབ་བམ་ཞེ་ན་བརྩམ་པར་འདུག་སྟེ་འབྲས་བུ་འབྱུང་དཀའ། དྲི་བ་ལྷག་མ་ཀུན་ལའང་མི་དགེ་ཞིང་ཁྱད་པར་གཉེན་མི་འདུམ། འདུན་བཤིགས་དང་བྱས་པ་བཤིགས་པ་འདྲ་གཞན་ལ་ཁ་སྤོ་བ་སོགས་ལ་བཟང་། དགེ་འདུན་ལ་གསོལ་སྟོན་དང་ཚོགས་མཆོད་མང་པོ་ཕུལ། མཁའ་འགྲོ་གསང་ཡེ་དང་སེང་གདོང་སོགས་བསྟེན། ག…

འཕྲད། ཆོས་ཕྱྭ་ལ་ཤིན་ཏུ་བཟང་། བདུད་རྩི་ཡོན་ཏན་ལ་བརྟེན་པ་དང་། ཞི་བའི་ལྷ་བསྒྲུབས་ན་ཞི་བའི་ལས་འགྲུབ། བོར་བ་གཉེན་གྱིས་རྙེད་པའམ། བྱང་དང་ལྷོར་ཉུལ་ན་རྙེད། འོང་ངམ་གྲུབ་བམ་ཞེས་དྲི་ན་བློ་མཐུན་ཅིང་ངང་གིས་གྲུ། དྲི་བ་ལྷག་མ་ཀུན་ལ་དགེ་སྟེ་བཟའ་བཏུང་འཕེལ། ཁྱད་པར་ཆུ་ཡི་ལས་ལ་བཟང་། གཉེན་འགྲིགས་ཀྱང་མེ་ཡི་ལས་ལ་ཅུང་ཞན་ནོ། …

གསུམ་འབྱུང་། ནད་ནི་རླུང་དང་གཡོ་བྱེད་རྩ་རྒྱུས་ཀྱི་ནད་ཡིན། བདེ་བ་མི་སྟེར་བས་འབྱུང་གཏོར་དང་ཆ་གསུམ་གྲངས་མང་། སྡོང་རྒྱན་མདོ། བཟང་སྤྱོད། འཆི་བསླུ། མཎྜལ་བཞི་ཆོག་སོགས་བྱ། མི་གཡོ་བའི་བསྙེན་པ་དགོས། གདོན་ཤིང་ཆ་དང་ལྗང་གུའི་རིགས་གདོན། སྡེ་བརྒྱད་དང་སྔགས་ཟོར་སོགས་གནོད་པའི་ངང་ཕོག་པའི་གྲིབ་ངོ་ཡོད། ལེ་ལེན་ཁ་ཡེ་ཉེས་པ་…

ལ་གསེར་གྱི་སྙེ་མ་འཁྲུངས་པ་བཞིན་དོན་གང་ལའང་ལེགས། མ་རྨོས་པའི་ལོ་ཏོག་ཅེས་ཀྱང་བྱ། བརྡ་ནི་སྐུའི་འཇམ་དཔལ་དཀར་པོའི་ཡུམ་ཤིན་ཏུ་ཡིད་འོང་མའི་ཞལ་ནས། བདུད་རྩིའི་ཆར་གྱིས་བརླན་པའི་མེ་ཏོག་མནྡ་ར་བའི་ཚལ་འདི་ཤིན་ཏུ་མཛེས་སོ་ཞེས་ཟེར་རོ། །གཞི་སྲོག་ལ་ལེགས་པའི་དཔལ་གྱིས་ངོ་ཆེ་བས་བཟང་། བློ་དང་དོན་ཕྱྭར་ཇེ་ལེགས་ལ་འགྲོ། གྲོགས་…

ཡང་། འཕྲལ་གྱི་མྱུར་ངོ་མི་ཆེ། ལང་ཚོ་མཛེས་པ་དང་ལྡན་པའི་མོ་སྟེ་ཉམས་དགའ་བ་འཕེལ་ལོ། །༼པ་དྷཱིཿ༽ བྱང་གི་སྒོ་བ་ལ་བབས་ན་བདུད་རྩི་སྨན་གྱི་སྒོ་སྟེ་ཕན་པ་འབྱུང་། གསེར་གྱི་སྙིང་པོའི་སྤྲིན་དཀྲིགས་པ་ཞེས་ཀྱང་བྱ། བརྡ་ནི་ལྷོ་གསེར་གྱི་ཆུ་ཕྲན་གཡང་དུ་ལོན་ཞེས་བྱའོ། །གཞི་དང་སྲོག་ཕྱྭར་བཟང་། བློ་དང་ནོར་ཕྱྭར་ཇི་ལྟར་བསམ་པ་བཞིན…

ན་རྒྱ་མཚོའི་ནང་གི་ནོར་བུ་བཞིན་དུ་བཀྲ་ཤིས་འཕེལ། གཞན་ཡང་ལྷ་གུ་རུ་པདྨ་འབྱུང་གནས་དང་། རིན་ཆེན་རིགས་ཀྱི་ལྷར་བརྟེན། ནོར་ཅན་དང་རྒྱས་པའི་རིགས་བསྟེན། ཆོས་སྐྱོང་གཙང་རིས་ཀྱི་ལྷ་ཞི་བ་བསྟེན་ན་བཟང་། མགོན་དཀར་ཡིད་བཞིན་ནོར་བུར་གསོལ་མཆོད་བྱ། ཆུ་ལ་སཱཙྪ་གདབ། གསེར་ཟམ་དང་རླུང་རྟ་སྔོན་པོ་བྱ། ཀླུ་འབུམ་ཆུ་ལ་ཞུགས་པ་སོགས་བྱས…

ཆོས་ཕྱྭ་ལ་བཟང་། བོར་བ་འབྲིང་། འོང་ཨི་གྲུ་ན་གེགས་ནི་ཅི་ཡང་མེད། རང་གིས་བཞག་ན་མ་གཏོགས་སོ། །དྲི་བ་ལྷག་མ་ཀུན་ལ་དབུགས་འབྱིན་ཞེས་ལུང་སྟོན། རྒྱལ་མཚན་རྩེ་མོ་དང་། བཀྲ་ཤིས་ལྷ་མོ་དང་། རྨ་བྱ་ཆེན་མོ་ལྷར་བསྟེན། ཇོ་དར་འཁོར་ལོ་བཙུགས་ན་བཟང་། རྒྱལ་པོ་སྐུ་ལྔ་གསོལ་ན་བཟང་། འདི་ལམ་གར་འདོད་དུ་བདེ་ཞིང་ཐར་པའི་མོ་ཡིན་ནོ། །༼ཙ་…