གཉིས་སུ་མེད་པའི་ཡེ་ཤེས་རྡོ་རྗེའི་རང་གཟུགས་འཇམ་དཔལ་དབྱངས་གཤིན་རྗེའི་གཤེད་པོར་ཡོངས་སུ་གྲགས་པའི་ལྷ་མཆོག་ཁྱད་པར་ཅན་འདི་ཉིད་ཀྱི་རྒྱུད་དང་སྒྲུབ་ཐབས་ཀྱི་རིམ་པ་གསར་རྙིང་སོ་སོའི་བཀའ་སྲོལ་རྒྱ་མཚོ་ལྟ་བུ་བཞུགས་པའི་ནང་ནས། འདིར་བྱིན་རླབས་བཀའ་བབས་ཀྱི་ཚན་ཁ་ལྷག་པར་ཆེ་བ་སྔ་འགྱུར་གཏེར་མའི་ཕྱོགས་སུ་བྱོན་པ་སྟེ། དེ་ཡང་ཇི…

ལོངས་སྤྱོད་ཚེ་འཕེལ་གྱི་དབང་གི་ཆུ་བོ་ཡང་གཅིག་ཏུ་འདྲེས་ཤིང་བཀའ་གཏེར་དག་སྣང་གི་བྱིན་རླབས་དུ་མ་འདུས་པའི་སྨིན་བྱེད་འདི་ཉིད་ཐོབ་པ་ཙམ་གྱིས། དུས་སྙིགས་མ་ཚེ་ལ་བར་ཆད་མང་བའི་དུས་སུ་ཡང་། ཚེ་ཡི་གེགས་ཐམས་ཅད་ཞི་ནས་ཚེ་ཡི་དངོས་གྲུབ་ཐོབ་པར་རྒྱལ་དབང་པདྨའི་རྡོ་རྗེའི་གསུང་གིས་བསྔགས་པའི་སྨིན་བྱེད་ཀྱི་དབང་བསྐུར་བ་ལ་རྡོ་རྗ…

མཆོག་ཏུ་སེམས་བསྐྱེད་པར་བགྱིའོ་སྙམ་པས་འདིའི་རྗེས་ཟློས་ལན་གསུམ་མཛོད། དཀོན་མཆོག་གསུམ་ལ་བདག་སྐྱབས་མཆི། སོགས་བདུན་རྣམ་དག་ལན་གསུམ་བྱ། དེ་ནས་དམིགས་པ་འདི་བཞིན་དུ་མཛོད། སྟོང་པའི་ངང་ལས་པདྨ་དང་ཉི་མའི་དཀྱིལ་འཁོར་གྱི་སྟེང་དུ། ཁྱེད་རང་རྣམས་ཀྱི་སེམས་ཉིད་ཧཱུྃ་དམར་གསལ་རྒྱ་མཚལ་གྱི་ཐིགས་པ་ལྟ་བུ་ལས་སོགས་སྒྲུབ་ཐབས་ལྟར་ནས…

ཕོ་ཨཱཿཞེས་པས་བྱིན་དབབ་ལ། རྡོ་རྗེ་སྤྱི་བོར་བཞག་ནས། བྱིན་ཕབ་པའི་ཡེ་ཤེས་པ་དེ་ཉིད་བྱང་ཆུབ་སྙིང་པོའི་བར་དུ་བརྟན་པའི་མོས་པ་མཛོད། ཏིཥྛ་བཛྲ། ཞེས་བརྗོད། སླར་ཡང་བླ་མ་དང་དཀྱིལ་འཁོར་གྱི་ལྷ་ལ་མོས་གུས་དྲག་པོ་བྱས་པའི་རྐྱེན་ལས་དེ་རྣམས་ཀྱི་ཐུགས་ཀ་ནས་ཡེ་ཤེས་ཀྱི་འོད་ཟེར་ལྕགས་ཀྱུའི་དབྱིབས་ཅན་ཕོ་ཉ་མགྱོགས་མའི་ཚོགས་བཅས་སྟ…

མོས་པ་མཛོད། ཅེས་ཐོག་མར་ཚེ་ཡི་གཏོར་མ་སྤྱི་བོར་བཞག་ལ། ཧཱུྃ་ཧྲཱིཿ འཇིགས་མེད་དཔལ་གཏེར་ཡེ་ཤེས་ལྔ་ལྡན་པའི༔ བཀྲ་ཤིས་འགྱུར་མེད་ཚེ་གཡང་དཔལ་འཕེལ་བ༔ རིན་ཆེན་དཔལ་འབར་འཆི་མེད་དངོས་གྲུབ་འདིས༔ སྐལ་ལྡན་སྐྱེས་བུ་ཁྱོད་ལ་དབང་བསྐུར་བས༔ ཚེ་གཡང་རིགས་རྒྱུད་དཔལ་འཕེལ་དབང་ཐོབ་ཤོག༔ བསྙེན་སྒྲུབ་སྔགས་ཀྱི་མཐར། ཨཱཿཡུ་ཛྙཱ་ན་བ་ལིངྟ་…

དབུགས་འགྱུར་མེད་རྟག་བརྟན་ཕྱིར༔ དུས་གསུམ་སངས་རྒྱས་ཀུན་དང་མཉམ་སྦྱོར་བའི་༔ མི་ཤིགས་རྟག་བརྟན་གཡུང་དྲུང་དགའ་བ་འཁྱིལ༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ མི་ཤིགས་བླ་སྲོག་རབ་བརྟན་དབང་ཐོབ་ཤོག༔ བསྙེན་སྒྲུབ་སྔགས་མཐར། ཨོཾ་ཨཱཿཡུ་ཛྙཱ་ན་བཛྲ་སྭསྟི་བྷྲཱུྃ་ཨ་བྷི་ཥིཉྩ་ཏུ་མཱཾཿ བུམ་པ་སྤྱི་བོར་བཞག་ལ། ཧཱུྃ་ཧྲཱིཿ སྲོག་ལུས་…

སོགས་ཚར་གཅིག་བརྗོད་ལ། ཕྱོགས་བཅུའི་འཁོར་འདས་ཀྱི་དྭངས་བཅུད་ཐམས་ཅད་དངོས་གྲུབ་ཀྱི་རྫས་ལ་བསྟིམས་ཏེ། དཔོན་སློབ་ཀུན་གྱིས་དངོས་གྲུབ་ཀྱི་རྫས་དང་ཟས་སྣ་ཚོགས་ཐོགས། འཛབ་དབྱངས་བཟླས་པ་ཙམ་གྱིས་ཚེའི་ལྷ་ཚོགས་ཐམས་ཅད་ཀྱིས་བདུད་རྩིའི་ཆར་རྒྱུན་ཕབ་ནས་འཆི་མེད་ཚེ་ཡི་དངོས་གྲུབ་ཐོབ་པར་བསམས་ལ། དཔོན་སློབ་ཐམས་ཅད་ལྷན་ཅིག་ཏུ། ཧཱུྃ་…

ལྟར་སོགས་ལན་གསུམ། སླར་ཡང་བཀའ་དྲིན་གཏང་རག་གི་ཡོན་དུ་མཎྜལ་ཕུལ། མཎྜལ་དུ་མ་ཟད་ལུས་ལོངས་སྤྱོད་ཐམས་ཅད་ཀུན་ཏུ་བཟང་པོའི་མཆོད་སྤྲིན་དུ་དམིགས་ནས་འབུལ་ན་ཆ་ཤས་ནས་བཞེས་ལ་ལོངས་སྤྱད་དུ་གསོལ་སྙམ་པས་འདིའི་རྗེས་ཟློས་མཛོད། དེང་ནས་བརྩམ་སྟེ་སོགས་བརྗོད། དེ་ལྟར་འཆི་མེད་ཚེ་ཡི་དབང་མཆོག་ཟབ་མོ་ལེགས་པར་ཐོབ་པའི་དགེ་བའི་རྩ་བ་མཐའ…

ལོངས་སྤྱོད་ནས། །བདེ་ཆེན་གཞོམ་གཞིག་བྲལ་བའི་དཔལ་ཐོབ་ཤོག །གཏེར་ཁ་ཟུང་གི་བྱིན་རླབས་ཆུ་བོ་གཅིག་འདྲེས་ཀྱི་དབང་ཆོག་འདི་ནི་བདུད་འདུལ་རྡོ་རྗེའི་གཏེར་གཞུང་ལ་སྐབས་སུ་བབས་པའི་མཚམས་སྦྱོར་གྱིས་བརྒྱན་ཏེ། དཔལ་ལྡན་བླ་མའི་ཞིང་སྐྱོང་རིན་པོ་ཆེ་མཆན། མདུན་ནས་ཇི་ལྟར་ནོད་པའི་ཕྱག་ལེན་རྣམ་དག་བཞིན། ལུགས་འདིའི་བྱིན་རླབས་ཀྱི་ཚན…

བཅུད་ཆོག་ཁ་སྐོང་། དམ་ཚིག་ཕྱག་རྒྱའི་ལྷ་རྣམས་འོད་ཟེར་གྱིས། །དབྱིངས་ནས་ཡེ་ཤེས་མཁའ་ཁྱབ་ཕྱག་རྒྱའི་ཚོགས། །དངས་བའི་མཁའ་ལ་ཆར་སྤྲིན་གཏིབ་པ་བཞིན། །སྐད་ཅིག་ཉིད་ལ་མངོན་སུམ་བྱོན་པར་གྱུར། །ཧོཿ རྟག་ཁྱབ་ལྷུན་གྲུབ་བདེ་བ་ཆེན་པོའི་སྐུ། །གདུལ་བྱའི་དོན་བཞིན་ཐུགས་རྗེ་འགོག་མེད་གར། །བདུད་རྩི་བདེ་བ་ཆེན་པོའི་དཀྱིལ་འཁོར་ལྷ། །…

བཟླ། སྐབས་སུ་བྱིན་ཕབ་ཅིང་སྨན་སྲུང་བསྐུལ་བའི་ཕྱིར་སྤོས་བརྟུལ། བདུད་རྩི་འཐོར། དར་སྣ་གཡབ་ཅིང་རོལ་མོ་བཅས་མོས་གུས་བསྐྱེད་ལ་དབྱངས་སྙན་པས། ཧཱུྃ་ཧྲཱིཿ ཕྱོགས་དུས་རྩ་གསུམ་རྒྱལ་བ་ཐུགས་དམ་ཅན། ལྷ་དང་དྲང་སྲོང་རིག་པ་འཛིན་པ་དང་། །ཁྱད་པར་འཇམ་དཔལ་བདེ་ཆེན་བདུད་རྩིའི་ལྷ། །ཐུགས་དམ་བསྐུལ་ལོ་ཡེ་ཤེས་བྱིན་ཆེན་ཕོབ། །རྔ་ཡབ་ཟངས…

འོད་འཆང་མ། །རྨ་བྱའི་མགྲིན་སོགས་སྨན་སྲུང་ལྷ་མོའི་ཚོགས། །ཐུགས་དམ་བཞིན་དུ་བདུད་རྩིའི་བྱིན་ཆེན་ཕོབས། །བདུད་རྩི་བསྒྲུབ་པའི་གྲོགས་དང་བྲན་གྱུར་པ། །ལྷ་ཀླུ་གཟའ་སྐར་གནོད་སྦྱིན་གྲུབ་པའི་ཚོགས། །ཀུན་ཀྱང་སྔོན་གྱི་དམ་ཚིག་ཇི་བཞིན་དུ། །འདིར་གཤེགས་སྒྲུབ་པའི་རྫས་ལ་བྱིན་ཆེན་ཕོབས། །མཁའ་དབྱིངས་པདྨ་དྲྭ་བའི་ཞིང་ཁམས་ནས། །དག…

ཏུ་སྒྲུབ་བྱེད་བདུད་རྩི་བཅུད་ཀྱིས་ལེན། །ད་ལྟ་ཉིད་དུ་གྲུབ་པར་མཛད་ནས་ཀྱང་། །མཆོག་ཐུན་དངོས་གྲུབ་དཔལ་དུ་འབར་བར་མཛོད། །མ་ཧཱ་སུ་ཁ་བཛྲ་ཨ་མྲྀ་ཏ་ཛྙཱ་ན་ཨ་བེ་ཤ་ཡ་ཕེམ་ཕེམ། ཨ་ལ་ལ་སརྦ་སིདྡྷི་ཧོཿ ཞེས་བྱའོ། །རྟགས་མཐོང་ནས་དངོས་གྲུབ་ལེན་ཆོག་ནི། ཧོཿ སྣང་སྲིད་བདེ་ཆེན་ཡེ་ཤེས་བདུད་རྩིའི་ལྷ། །འཇམ་དཔལ་སྒྱུ་འཕྲུལ་དྲྭ་བར་ཡོངས…

ཐུགས་དམ་གཉན་པོ་སྔགས་ཀྱིས་རྒྱུད་བསྐུལ་ནས། །བདུད་རྩིའི་དངོས་གྲུབ་ནོད་པའི་དུས་ལགས་ན། །དུས་ལས་མི་འདའ་ཐུགས་རྗེའི་ཡལ་གམ་ཅན། །ཐམས་ཅད་འདིར་གཤེགས་དགོངས་པས་བྱིན་རློབས་ལ། །དངོས་གྲུབ་དམ་པ་ད་ལྟ་ཉིད་དུ་སྩོལ། །གཞོམ་མེད་རྡོ་རྗེའི་ཚེ་དང་ལང་ཚོའི་དཔལ། །གཟི་བྱིན་ཉི་མ་འབུམ་ལྟར་རབ་གསལ་བས། །ས་གསུམ་ཡིད་འཕྲོག་བདེ་ཆེན་དབང་གི…

རྫོགས་ལྡན་སྤྲིན་ཆེན་ལ། །རང་དབང་འབྱོར་བའི་དངོས་གྲུབ་དེང་སྩོལ་ཅིག །སྲས་བཅས་རྒྱལ་བ་ཀུན་དང་མཉམ་པ་ཉིད། །ཡེ་ཤེས་རྡོ་རྗེ་རྟག་པ་ཆེན་པོའི་དབྱིངས། །མངོན་གྱུར་གདོད་མའི་རྒྱལ་ས་ཟིན་པ་ཡི། །དངོས་གྲུབ་ཆེན་པོ་ད་ལྟ་སྩལ་དུ་གསོལ། །རྩ་སྔགས་དང་། སརྦ་པཉྩ་ཨ་མྲྀ་ཏ་ར་ས་ཡཱ་ན་ཀཱ་ཡ་སིདྡྷི་ཨོཾ། ཝ་ཀཱ་སིདྡྷི་ཨཱཿཙིཏྟ་སིདྡྷི་ཧཱུྃ། སར…

མཉྫུ་ཤྲཱི་ར་ས་ཡཱ་ན་སཱ་དྷ་ནི། བདག་བསྐྱེད་སྔོན་དུ་བཏང་། གཙང་མའི་སྟེགས་བུར་དྲི་བཟང་གིས་བྱུགས་པའི་མཎྜལ་གྱི་དབུས་སུ་རིན་པོ་ཆེ་ལ་སོགས་པའི་སྣོད་དུ་རིལ་བུ་བཞག །དར་གྱི་གུར་ཕུབ་མཆོད་པས་མཐའ་བསྐོར། སྦྱངས་ཁྲུས་སོང་ན་ལེགས། རང་ཉིད་འཇམ་དཔལ་གསལ་བ་ཡི། །མདུན་དུ་སྨན་གྱི་ཕོ་བྲང་ནི། །ཡེ་ཤེས་བདུད་རྩིའི་རྒྱ་མཚོའི་དབུས། །འཇ…

འོད་ཟེར་བདུད་རྩིའི་རྣམ་པར་བཀུག །རྩ་གསུམ་རྒྱལ་བ་རབ་འབྱམས་རྣམས། །ཡབ་ཡུམ་སྦྱོར་བའི་བྱང་ཆུབ་སེམས། །ཆར་གྱི་རྒྱུན་བཟང་བཞིན་དུ་བབ། །སྲིད་གསུམ་སྨན་སྐྱོང་སྲུང་མ་ཡིས། །ཕྱོགས་བཅུའི་སྨན་གྱི་བཅུད་རྣམས་བསྡུས། །ཀུན་ཀྱང་མཚོ་ལ་སྦྲང་ཆར་བཞིན། །དམ་ཚིག་རྫས་ལ་ཐིམ་པ་ཡིས། །སྲིད་ཞིའི་དངས་མ་འོད་འབར་བ། །འཆི་མེད་བདུད་རྩི་བཅུད་…

སྐབས་སུ་བྱིན་འབེབ་དང་སྨན་སྲུང་བསྐུལ་པ་སོགས་བྱས་ལ། མདུན་གྱི་ལྷ་ལ་མཆོད་ཅིང་བསྟོད་ལ་ནོངས་པ་བཤགས། མདུན་གྱི་ལྷ་རྣམས་ཐམས་ཅད་ཀུན། །དགྱེས་ཤིང་བདེ་སྟོང་ཆེན་པོར་ཞུ། །དམ་ཚིག་རྫས་དང་དབྱེར་མེད་དུ། །འཆི་མེད་ཡེ་ཤེས་བདུད་རྩིར་གྱུར། །ཅེས་བརྗོད་ཅིང་དེ་དོན་དམིགས་ལ། སུ་པྲ་ཏཱིཥྛ་ལན་གསུམ་དང་། ཡེ་དྷརྨ་ཇི་མང་བཟླས་པས་མེ་ཏོག…

ཧོཿ རྩ་བརྒྱུད་བླ་མ་ཡི་དམ་ཞི་ཁྲོའི་ལྷ། །མ་མོ་མཁའ་འགྲོ་དམ་ཅན་སྲུང་མར་བཅས། །ཁྱད་པར་སྨན་སྲུང་བདུད་རྩིའི་མངའ་བདག་ཆེ། །སྨན་གྱི་ལྷ་མོ་དྲང་སྲོང་གྲུབ་པའི་སྡེ། ༡ །ཀོ་རི་སེང་ཧ་དབང་ཕྱུག་ཕོ་ཉའི་ཚོགས། །གནས་ཡུལ་དུར་ཁྲོད་རྣམས་སུ་བཞུགས་པ་ཡི། །བདུད་རྩི་བཅུད་ལེན་སྒྲུབ་པའི་གྲོགས་མཛད་མ། །སྔོན་གྱི་ཞལ་བཞེས་ཐུགས་དམ་ཅན་རྣམས…