གཙང་པ་སོགས་ཀྱི་དུས་རིན་ཆེན་རྒྱན་ཆ་སྤྲོད་པའི་སྲོལ་དོད། ཁྱད་པར་སྒེར་རིགས་ས་སྤྱོད་དབང་པོ་ངག་དབང་འཇིག་རྟེན་དབང་ཕྱུག་གྲགས་པའི་རྡོ་རྗེ་དཔལ་བཟང་པོ་ཞེས་རིག་པའི་གནས་མཐའ་དག་ལ་མཁྱེན་པའི་སྤྱན་རས་མཆོག་གྱུར་དེ་ཉིད་བསྐལ་བཟང་སངས་རྒྱས་ལྔ་པ་སྟོན་པའི་རྒྱལ་ཚབ་མ་ཕམ་མགོན་པོ་དང་མཇལ་སྐབས་ལྷ་ཀླུ་དྲི་ཟ་མིའམ་ཅི་ལྟོ་འཕྱེ་ཆེན་པ…

ང་ལས་ནུ་ཁྱོད་རྒྱལ་གྱུར་ཅིག །གང་གི་མཛད་པ་བཟང་པོའི་རྒྱུད། །དབྱངས་ཀྱི་ཡན་ལག་བདུན་རྫོགས་པའི། །ཉམས་དང་གྱུར་བའི་གཏམ་སྙན་པོས། །སྙིང་ལ་ཀུན་དགའི་དཔལ་སྟེར་བྱེད། །ཅེས་དང་། དྲན་པ་ཉེར་གཞག་ཏུ་སངས་རྒྱས་གཙུག་ཏོར་ཅན་གྱི་གསུང་དྲངས་པར། གང་གི་སྐྱེ་བོ་གཙང་མའི་འཁོར། །ཆོས་ལ་སྤྱོད་པ་དབང་པོ་དུལ། །རྒྱལ་པོ་ཆོས་བྱེད་བློ་ལྡན་དེ…

སྐྱིད་པའི་གླུ། །ཉིན་རེ་བཞིན་དུ་རྒྱུན་ཆད་མེད། །གདུགས་དང་རྒྱལ་མཚན་བ་དན་སོགས། །དགུང་ལ་ཉི་མ་འགྲིབ་པ་ཙམ། །འདབ་ཆགས་བྱ་ལ་འཕུར་ས་མེད། །མགོ་ནག་མི་ཡིས་ས་གཞི་ཁེངས། །སིལ་སྙན་རོལ་མོ་འབྲུག་བཞིན་ལྡིར། །གྱི་ལིང་རྟ་ལ་རྒྱུག་ས་མེད། ཁྱེའུ་བུ་མོ་ཐམས་ཅད་ཀྱིས། །ཆས་བརྒྱན་ལག་ན་རྔ་མ་ཐོགས། །རྔ་བརྡུང་གླུ་ལེན་གར་སྟབས་བསྒྱུར། །ག…

དྲུང་འཁོར་ལྔ་བཅུ་སྐོར་དང་མཇལ་ཞིང་ཕྲད། ཆོས་འཁོར་རྒྱལ་དུ་རྟེན་མཆོད་གསར་དུ་བསྒྲིགས་པར་བྱམས་ཁང་གཡས་བར་ཁང་ཀ་གསུམ་མར་རྟེན་གཙོ་ངེད་རང་གི་འདྲ་འབག་དངུལ་སྐུ་སོགས་དེར་མ་ཤོང་བ་ཕྱིའི་དངུལ་གདུང་ཁང་གི་མདོ་དང་སྤྱི་སོའི་ཚོགས་ཆེན་རྣམས་སུ་བསྒྲིགས་པར་དངུལ་སྐུ་ཆེ་ཆུང་བཞི། ཀླུ་འཇིམ་གྱི་ཐུབ་དབང་མཛད་པ་བཅུ་གཅིག་ཡོད་པ། ཛྷྱཻ་…

བཞི་བཅུ་ཞེ་བརྒྱད་པ་དང་བཅས་ཆེ་ཆུང་བརྒྱད། དངུལ་ཕོར་དང་ཕུད་ཅན་དྲུག །དངུལ་གྱི་ཆབ་རིལ་སྲང་ཉེར་གཅིག་རེ་ཡོད་པ་ཆ། དངུལ་གྱི་ལས་བུམ་སྲང་བརྒྱད་ཞོ་ལྔ་པ། རྣམ་བུམ་ལྟོ་བ་ཟངས་ཁ་ཕོར་དངུལ་གྲུབ་ཆ། དངུལ་ལྟིར་ཁེབས་ལྡན་སྲང་ཉེར་བཞི་པ། བྱུ་རུའི་རྒྱ་ལག་དངུལ་གྱི་པད་རྐང་མ། དངུལ་སྲང་ཉེར་དགུ་ཞོ་ལྔའི་ཏིང་བདུན་ཚར་གཉིས། དངུལ་སྲང་ལ…

གཅིག །ཀར་དྲིལ་རྡོར་བཅས་བདུན། གནམ་ལྕགས་ཀྱི་རྡོ་རྗེ་བཞི། རག་ཚ་གསེར་མའི་རྡོ་རྗེ་དགུ། གོས་དར་གྱི་འཕན་ཕྱེ་ཕུར་རྒྱལ་མཚན་སོགས་ཉེར་གཅིག །གོས་ཡོལ་གཉིས། བླ་བྲེ་བཅུ་བདུན། སྨན་ཙེའི་ཡོལ་བ་བཞི། གོས་བེར་བདུན། གོས་ཕོད་བརྒྱད། སྙན་དར་གོས་ལིང་དར་སོགས་ཚོས་ཁ་སྣ་ཚོགས་ཆིག་སྟོང་སུམ་བརྒྱ་གྱ་དྲུག་ལིང་ལུའི་གདུགས་ར་ཤེལ་གྱི་རྟོ…

དག་སྣང་མཁའ་འགྲོར་བརྟེན་པའི་རིང་འཚོའི་རྟེན་འབྲེལ་མཛད། འདི་ཉིན་ནས་སྨོན་ལམ་ཆེན་མོར་དགེ་འདུན་བདུན་སྟོང་བརྒྱད་བརྒྱ་སྐོར་ལ་ཡ་ཇུ་ཁོར་དྲུག་མ་ཆིག་བརྒྱ་ང་བཞི། རྟ་ཉིས་བརྒྱ་ཉི་ཤུ་དང་དྲེའུ་ང་དགུ། འབོ་དེ་ཙེའི་ཕྲེང་བ་རྐྱལ་པ་བཅོ་ལྔ། སྒེ་དོས་མི་རྒྱབ་མ་བཅོ་བརྒྱད། དེས་མ་ལྡང་པར་སེར་ལྗང་སྦག་ཞེ་གཅིག །བུ་རམ་ལྟང་ཙེ་སུམ་བརྒ…

གསེར་ཆབ། སྙན་ཤལ། དངུལ་དཔྱད་ཀྱི་མཆོད་རྫས་ཕུལ། གསང་སྔགས་བྱང་ཆུབ་གླིང་པས་རིང་འཚོ་སྤེལ་ཞོར་ཨྱཻ་རིང་ཞག་བཅོ་ལྔའི་བར་བཏང་། བོད་འབངས་སྤྱིའི་བདེ་ཐབས་སུ་དབུས་གཙང་གི་རིས་མེད་དགོན་ཨང་དང་པོར་གྲ་པ་རེར་གཤོར་ཁལ་གསུམ་མ་དང་གཉིས་པར་ཁལ་གཉིས་མའི་ཁྱོན་བསྡོམས་ཁལ་ཆིག་འབུམ་དྲུག་ཁྲི་ཆིག་སྟོང་བརྒྱད་བརྒྱ་རེ་གསུམ་ཐོབ་པར་འབྲུ་གས…

ཟུར་ཆེན་གྱི་སྤྲུལ་སྐུ་སོགས་དགེ་ཚུལ་བརྒྱད་བསྒྲུབས། ཚེས་བཅུ་དགུར་རྫིང་ཕྱི་མཁན་གཉེར། ཨུལ་ཇོའི་ཐུ་པཱ་ཐུར་ཐའི་ཇི། སྡེ་པ་གྲགས་པ། རྒྱལ་བའི་འཕྲིན་ལས་པའི་སྐུ་སྐྱེ་བློ་བཟང་ཁུ་ཐུག་ཐུའི་མི་སྣ་སོགས་བོད་སོག་བརྒྱ་སྐོར་དང་ཕྲད། འབྲོང་རྩེ་རྒྱལ་ཕུར་ཁྱོ་ཤུགས་ཀྱི་ངོར་ཕ་བསོད་ནམས་དར་རྒྱས་ཀྱི་དོན་དུ་སྨོན་ལམ་བྲིས། ཉེར་བདུན་…

དམ་སྲིའི་འཚུབ་ལྷོངས་གཅོག་ཕྱིར་མཆིམས་ཕུར་པདྨ་དབང་ཆེན། ཡང་རྫོང་དུ་འཇམ་དཔལ་གཤིན་རྗེ། ཤེལ་བྲག་ཏུ་བདུད་རྩི་སྨན་སྒྲུབ། མཁར་ཆུར་ཡང་དག་ཧེ་རུ་ཀ་དང་རྡོ་རྗེ་གྲོ་ལོད། རིགས་གསུམ་མགོན་པོ་རྣམས་ཀྱི་སྒྲུབ་པ་འབྲེལ་མཚུངས་བྱེད་མྱོང་གིས་བསྟར་ཞིང་། ཕུང་པོ་གསུམ་པའི་མདོ་བཏོན། མི་དང་མི་མིན་བདུད་ཚོགས་ཀྱི་འཚེ་བ་བཟློག་ཕྱིར་འཇོ…

བརྒྱད་གཏོར་མཆོད་པའི་ཉིན་སྔར་སྤྱི་འགྲེའི་ཚོགས་མཆོད་ལས་མེད་ནའང་གཞུང་དང་མཐུན་པ་ཞིག་འཛུགས་སྙམ་མཁའ་འགྲོ་ལྔ་མཉེས་པར་བྱེད་པའི་ཚོགས་མཆོད་འདོད་དགུའི་མཆོག་སྦྱིན་བརྩམས། ཚེས་བཞིར་བསམ་སྡིངས་ཨྱོན་མཚོ་མོ། རྨོག་ལྕོག་བླ་མ། མཚོ་ཁ་ནས་ཨེར་ཏེ་ནི་དའི་ཆིང་གི་མི་སྣ་གསར་འབྱོར་དྷ་ན། འབའ་གཞིས་སྡོད་བསམ་གྲུབ་གླིང་པ་དང་ས་བ་གྲུ་པ…

གསང་སྔགས་བྱང་ཆུབ་གླིང་། ཐར་པ་གླིང་། བདེ་ཡངས་པ། འདུལ་བ། སྔགས་པ། ཡེར་པ། བྲག་དབར། སྦེ་སེར་རྣམས་ཀྱི་སློབ་དཔོན། བྱེས་དང་ཤེལ་དཀར་ཆོས་སྡེའི་བླ་ཟུར། ཁལ་ཁ་ཞབས་དྲུང་། ཀླུ་འབུམ་ཆོས་རྗེ། ཨེར་ཁེ་ཆོས་རྗེ། གཟིམས་ཤག་ཆོས་མཛད་སོགས་བསྙེན་རྫོགས་བསྐྱར་བ་དང་གསར་དུ་བཞི་བརྒྱ་ང་དྲུག །དགེ་ཚུལ་དྲུག་བརྒྱ་དང་དོན་བདུན་རྣམས་བསྒྲུ…

བརྒྱད་སྟོང་ཉིས་བརྒྱ་རྣམས་བསྟར། ཉེར་བདུན་ལ་དགེ་སློང་འཇམ་དབྱངས་གྲགས་པས་རྡོ་རྗེ་སློབ་དཔོན་བྱས་པའི་བརྒྱད་གྲས་ནད་བདག་སྟོབས་འཇོམས་བཏང་བའི་སྔ་དྲོ་ངེད་རང་གི་དུས་གསུམ་སངས་རྒྱས་ཐམས་ཅད་ཀྱི་སྤྱི་གཟུགས་སློབ་དཔོན་པདྨ་སམ་བྷ་ཝའི་ཆ་ལུགས་སུ་ཞུགས་ཏེ་བྱང་ཆུབ་གླིང་པ་དཔལ་རྒྱལ་མཚན་གྱི་ཟབ་གཏེར་ལས་བྱུང་བའི་བཀའ་ནན་རབ་བརྗིད་ཀ…

གཙང་རིས་མེད་དགོན་ཨང་དང་པོར་གྲ་བ་རེར་གཤོར་ཁལ་གཉིས་རེ། གཉིས་པར་ཕྱེད་གཉིས་རེ། གསུམ་པར་ཁལ་རེ་རྣམས་ཁྱོན་བསྡོམས་ཁལ་ཆིག་འབུམ་སུམ་ཁྲི་དགུ་སྟོང་དྲུག་བརྒྱ་ཐོབ་པར་འབྲུ། གསེར་དངུལ། དངོས་དཔྱད། དཔུས་ཆ་སོགས་གང་འོས་སོང་། བྱང་སྟག་རྩེའི་གཙུག་ལག་ཁང་དུ་ད་ལྟ་ཕན་མཆོད་པ་མི་འདུག་པ་འདི་ལོ་ནས་བཟུང་ཇི་སྲིད་བསྟན་པ་གནས་ཀྱི་བར་མ…

རྒྱལ་བའི་བཀའ་འགྱུར་རོ་ཅོག་སྐྱ་པོད་ཚར་གཅིག་མེ་འབྲུག་ནས་ལས་འགོ་བཙུགས་པ་ཟླ་བ་འདིར་འབྱོར། ཧོར་ཟླ་གསུམ་པའི་ཚེས་བཞིར་བི་ལིག་ཁེ་ཐའི་དམག་ནས་འཁོར་བ་དང་སན་བི་ལིག །ར་སྒྲེང་མཁན་པོའི་མི་སྣ། བསོད་ནམས་མགོན་པོའི་མི་སྣ། བྲག་དབར་གྲ་ཚང་གི་བླ་མ་དགེ་སྐོས། གྲ་ཕྱི་མེ་ལོང་དགོན་པའི་བླ་མ་སོགས་དང་ཕྲད་ཅིང་ཐའི་ཇི་བོ་ལོད་ལ་ཐམ་ག་…

གསང་གི་ཞི་བའི་སྦྱིན་སྲེག་ཆོག་སྒྲིགས་ཡེ་ཤེས་སྣང་བ་རབ་འབར། ཚེས་བཅུ་གསུམ་ལ་སོ་ཐར་སྡོམ་བརྒྱུད་ཀྱི་གསོལ་འདེབས། འབྲས་སྤུངས་ཚོགས་ཁྲོའི་ཁ་བྱང་ལེ་ཚན་རྣམས་བརྩམས་ཤིང་སྤུན་བདུན་པ་ལྷུན་རྒྱམ་མཚོ་ཁར་དོན་གཅོད་ལ་བརྫངས། ཉེར་བཞིར་ཐོད་རི་བཤད་སྒྲུབ་གླིང་གི་གྲ་པ་རབ་འབྱམས་པ་བློ་བཟང་རིག་འཛིན་གྱིས་དབུ་མ་འཇུག་པ་དང་། འགྲེལ་པ་…

ཤལ་དང་བཅས་སྨིན་རྒྱས་ཕུལ། ཧོར་ཟླ་བཞི་པའི་ཚེས་གཅིག་ལ་འབྲོང་རྩེ་རྒྱལ་ཕུར་གྱིས་རབ་སྟོན་སྐལ་པའི་དཀར་དྲོ་བཏེག་ཅིང་། ཨེར་ཏེ་དའི་ཆིང་གི་བུ་རབ་འབྱམས་པ་བློ་བཟང་བཀྲ་ཤིས་དང་། བསྟན་འཛིན་ཧུང་ཐའི་ཇིའི་མི་སྣ་ཆེ་ཆེན་ཆོས་རྗེ་གཉིས་ཀྱིས་བསྐུལ་བའི་སྨོན་ལམ། བི་ལིག་རབ་འབྱམས་པའི་ངོར་མགོན་པོ་ཕྱག་དྲུག་པར་བརྟེན་པའི་བླ་མའི་རྣལ…

ཇི་ནོང་གིས་ཀྱང་གོས་སྣ་ཆ་འགྲིག །བཟང་ཇ་ཁོར་དྲུག་བཞི་བཅུས་གཙོས་པའི་སྟེར་ཆ་སྤམས་མཐོ་ཚོགས་འགྱེད་དང་བཅས་རིང་འཚོའི་རྟེན་འབྱུང་རྒྱས་པར་བསྒྲིགས། གནམ་སའི་དབང་ཕྱུག་བསྟན་འཛིན་ད་ལའི་རྒྱལ་པོས་ཀྱང་རུང་གོས་སྣེ་ཚང་སོགས་དངོམ་ཆེའི་དགུ་ཚན་བཅོ་ལྔ་ཚོགས་ཡོན་བཅས་ཉིན་སྔ་མ་དང་མཚུངས་པ་ཉེར་གཅིག་ལ་བསྟར། ཉེར་གཉིས་ལ་ཆོས་ལུང་ཚོགས་…

མི་འགྱུར་བརྟན་པའི་དགོས་པ་འགྲུབ་བམ་སྙམ། སྤྲུལ་སྐུ་བཀྲ་ཤིས་རྟགས་བརྒྱད། རྒྱལ་སྲིད་བདུན་སོགས་གསུང་བཤད་མཛད་པ་ཐམས་ཅད་ཀྱི་ཡིད་ཀྱི་དབང་པོའི་གསོས་སྨན་དུ་གྱུར། ཕྱི་དྲོ་སྐུ་རྐྱང་དང་ཇ་གཉིས་ཀྱི་བར་གསུང་གླེང་ཞིབ་པར་བྱུང་། ཉེར་བཞི་ལ་དགའ་ལྡན་གསུང་རབ་གླིང་བླ་སྤྱི་འདུས་སྡེ་དང་བཅས་པས་དངོས་པོ་མཎྜལ་དུ་བཏེག་ནས་བདེན་བརྗོད…

དཔལ་དེ་རས་ཆེན་གྱིས་སྤྱིར་ཉམས་རྟོགས་སྣ་ཚོགས་པ་ཤར་ཚུལ་དང་། ཁྱད་པར་སྣོད་བཅུད་ཐམས་ཅད་ཐོག་མར་གཟུགས་སུ་གྲུབ་པ་ལ་ལེགས་པར་བརྟགས་ཚེ་ཀ་དག་གི་དབྱིངས་སུ་ཡལ་འགྲོ་བ་དང་། སྐབས་འགར་སྲིད་རྩེ་ནས་མནར་མེད་བར་གྱི་གཟུགས་ཅན་གཟུགས་མེད་མངོན་སུམ་དུ་མཐོང་བ་དེའང་སྟོང་པའི་ངང་དུ་ཐིམ་པས་འཆར་ཚུལ་བཟང་པོ་དང་། རྩེ་ཆེན་གྲུབ་ཆེན་གྱིས་བ…