པ། །གཞུང་མང་བརྒལ་བརྟག་ཐོས་དང་བསམ་པ་ཡིས། །གཏན་ལ་འབེབས་པའི་འཆད་ཉན་ཡོངས་འཕེལ་ཞིང་། །དཔྱོད་ལྡན་མཁས་པས་དབྱིག་འཛིན་ལྕི་བར་མཛོད། །ནག་པོ་སྡིག་ཏོའི་དྲི་མ་ཀུན་བཀྲུས་ནས། །གངྒཱའི་ཡབ་གཅིག་ལྟར་དཀར་དགེ་བ་བཅུའི། །ལས་ལམ་ཡོངས་སུ་རྫོགས་པར་ལོངས་སྤྱོད་པས། །འཇིག་རྟེན་གསུམ་གྱི་མཛེས་པའི་རྒྱན་དུ་མཛོད། །ཟིལ་གནོན་གྱི་ལོ་རྣམ་པ…

པའི་ཡུལ། །ཡེ་དག་རང་ངོ་འཕྲོད་པའི་གནས་ལུགས་ཀྱིས། །བླ་མ་ཡི་དམ་ཆོས་སྐྱོང་སྲུང་མ་དང་། །རྟག་ཏུ་འདུ་འབྲལ་མེད་པ་མཆོད་པའི་མཆོག །མཐུ་སྟོབས་མཁའ་ལྡིང་དབང་པོའི་མཆུ་སྡེར་གྱིས། །བསྟན་འགྲོར་འཚེ་བའི་དགྲ་བགེགས་དུག་སྤྲུལ་སྙིང་། །ཕྱུང་སྟེ་གཙུག་གི་ཡིད་བཞིན་ནོར་བུ་ལས། །བདེ་སྐྱིད་འདོད་དགུའི་ཆར་ཆེན་མི་ཟད་ཕོབ། །གངས་ཅན་ཆོས་ས…

མཁའ་མཛོད་ཀྱི་སྒོ་ཕྱེ་ནས། །དངོས་བཤམས་ཡིད་སྤྲུལ་མཆོད་སྤྲིན་འབུལ་བྱེད་ན། །པདྨ་ཐོད་འཕྲེང་རྩལ་སོགས་རིག་པ་འཛིན། །རིམ་བྱོན་དམ་ཚིག་གཉན་པོ་ཉེར་དགོངས་ལ། །སྔགས་འཆང་བདག་གིས་བཅོལ་བའི་འཕྲིན་ལས་བཞི། །བསམས་པ་ཇི་བཞིན་ཐོགས་མེད་ལྷུན་གྱི་སྒྲུབས། །སྤྲེའུ་ཞེས་པ་མེ་ལུག་གི་ལོ་གསར་དུ་ཚེས་པའི་སྲིད་གསུམ་བདག་མོ་མཆོད་དུས་ཕུལ་བའ…

སྲུབས་སྡེ་བཅས་དྲག་པོས་སྒྲོལ། །གྲ་བསམ་དར་བས་གྲ་ནང་དུ་ཞང་བློན་ལ་མདའ་དར་ཕུལ་བའི་ཁ་ཡིག་རྫོགས་ལྡན་དགའ་སྟོན། གནོད་སྦྱིན་སྡེ་དཔོན་ཞང་བློན་ཆེན་པོ་ཡི། །སྤྱན་སྔར་གྲ་ནང་བསམ་གྲུབ་དར་རྒྱས་ནས། །ནག་ཟླའི་ཚེས་བརྒྱད་དུས་སུ་ཇི་སྲིད་བར། །མདའ་དར་མཆོད་གཏོར་འཕྲིན་ལས་བསྒྲུབ་རྟེན་དུ། །ཕུལ་ནས་མི་ནོར་བཅས་པ་གཉེར་གཏོད་ན། །ཀུན་ད…

སྐུ། །དུས་མཐའི་ཞུགས་ཀྱི་ཕུང་པོའི་གོས་གྱོན་ནས། །དགྲ་བགེགས་སྙིང་ཁར་རྔམས་པའི་བྲོ་བརྡུངས་མཁན། །སྟོབས་འཕྲོག་ཞིང་སྐྱོང་དབང་པོ་གདོང་བཞི་ཀྱེ། །སྨིན་བྱེད་དབང་གི་ཆུ་བོ་མ་ནུབ་ཅིང་། །མཁའ་འགྲོའི་ཁ་རླངས་ན་བུན་མ་ཡལ་བའི། །ཚད་མ་བཞི་ལྡན་སྙན་བརྒྱུད་འཛིན་མཛད་པ། །རྩ་རྒྱུད་བླ་མའི་དམ་ཚིག་ཉེར་དགོངས་ལ། །བསྟན་འགྲོའི་བདེ་སྐྱི…

གཡོའི་ཆོས་ཀུན་འགུགས་པའི་རླབས་ཀྱི་འཕྲེང་། །ནམ་ཡང་ཡོལ་བ་མེད་པར་ཉེར་འཁྲོལ་མཛོད། །མཐིང་། དགྲ་བགེགས་ལུས་ཀྱི་རྩ་ཁམས་འཁོར་ལོ་ལ། །དུག་གསུམ་ལས་ཀྱིས་གྲུབ་པ་དྲེགས་པའི་ཚོགས། །རབ་བདུད་སྲོག་གི་སྤུ་གྲི་རྣོན་པོ་ཡིས། །བསྒྲལ་ནས་རྣམ་ཤེས་བྱང་ཆུབ་ཞིང་དུ་སྤོར། །འགང་དཀར། དགྲ་སྲོགས་ལ་གདངས་ཞལ་སྒོར་མཆེ་བའི་དབལ། །ཁྲག་གིས་ཆེར་…

ཀྱི། །ཆོས་དང་སྲིད་ཀྱི་ཕུན་ཚོགས་ཡོན་ཏན་ཀུན། །བླ་ནས་བླར་འཕེལ་ལ་འཚེའི་ཟུག་རྔུ་རྣམས། །དྲུངས་འབྱིན་སྨན་གྱི་ལྗོན་པ་ཆེན་པོར་མཛོད། །བསིལ་ལྡན་ལྗོངས་འདིར་ནད་འཁྲུག་དབུལ་ཕོངས་དང་། །ཁྱད་པར་རྡོ་རྗེའི་ཚེར་མའི་ནད་རྣམས་ཀུན། །མངོན་སུམ་ལྟ་ཅི་མིང་ཡང་མི་གྲག་པའི། །ལས་བཅོལ་འཕྲིན་ལས་འབྲས་བུ་མཆིས་པར་མཛོད། །སེར། ཨ་ཧ་མཱ་དྱཱཙཱ…

ཀྱིས། །བདག་སོགས་མི་ནོར་འཁོར་འབངས་བཅས་པ་ཡིས། །ནད་གདོན་ཉེས་བརྒྱའི་སྨག་རུམ་དྲུངས་ཕྱུང་ནས། །ཕན་བདེའི་སྣང་བས་རྟག་ཏུ་ཁྱབ་པར་མཛོད། །མེ་ལུག་མཆོད་དཔོན་བློ་བཟང་མཐུ་སྟོབས་ཀྱིས་རི་བོ་ཆོས་གླིང་གི་འདུ་ཁང་ལ་ཞིག་གསོས་བྱས་སྐབས་དམག་ཟོར་མར་སྙན་དར་ཕུལ་བའི་ཁ་ཡིག་འདོད་པའི་རེ་སྐོང་། འདོད་ཁམས་བདག་མོ་མ་གཅིག་སྲིད་པའི་རྒྱལ། །…

འཕར་བརྒྱ། །ཕྱེ་བའི་དགེ་ཚོགས་ཡན་ལག་བརྒྱད་ལྡན་ཆུ། །ཀུན་མཁྱེན་རྒྱ་མཚོའི་དབྱིངས་སུ་རོ་གཅིག་ཤོག །མེ་ལུག་ལྷོ་འབྲུག་པའི་སྲིད་ཀྱི་ཁུར་ལེན་པ་མངོན་བླ་མ། ནང་བློན་གསོལ་དཔོན་པད་དཀར་རབ་རྒྱས་། །གྲོས་དབང་བྱང་ཆེན་སྟེ་སེ་སོགས་ཁ་ཤས་དང་། ཁམས་བདེ་དགེའི་བླ་དཔོན་ཕུན་ཚོགས་རྣམས་འཇིག་རྟེན་ཕ་རོལ་གྱི་ལྟད་མོར་སོང་བའི་ཚེ་བླ་མ་ཡི…

ཧུབ་ཀྱིས་དྲངས་ལ་དགྱེས་སྐྱེད་གཏང་རག་དང་། །སླད་མར་འཕྲིན་ལས་མྱུར་བར་བསྒྲུབ་རྟེན་དུ། །དམ་རྫས་གཏོར་མ་བཟའ་བཅའ་རི་ལྟར་སྤུངས་། །བདུད་རྩི་ཁྲག་ཆང་བཏུང་བ་མཚོ་བཞིན་བསྐྱིལ། །ཕྱི་ནང་སྤྱན་གཟིགས་ནམ་མཁའི་ཁམས་བཀང་ན། །ཚིམ་པར་རོལ་ཅིག་དམ་ཅན་ཆོས་སྲུངས་ཚོགས། །ཞི་ཁྲོ་འདུས་པའི་མཐུ་སྟོབས་བྱ་བ་ཀུན། །ལྷུན་གྲུབ་ཡེ་ཤེས་རྩལ་ཤར་ཁྲ…

གནས་ནས་འགྲོ་ལ་གཟིགས་པའི་སྤྱན། །མཛེས་སྡུག་དཀྱུས་རིང་སྙིགས་མ་ལྔ་བདོའི་གཤེད། །དམར་ཟླུམ་སྡང་མིག་གཟི་བྱིན་ཡིད་སྲུབས་ཀྱི། །སྙིང་ལ་འཆི་བའི་འཇིགས་སྟེར་མྱུར་མཛད་མགོན། །གསེར་སྦྱངས་ལྷུན་པོ་ཉི་འོད་འབུམ་ཕྲག་གིས། །བྱུགས་འདྲས་ལྷ་རྣམས་ངལ་གསོར་བྱེད་པའི་བུ། །རེས་འགའ་དབང་དྲག་སྐུ་ཡི་རྣམ་འགྱུར་གྱིས། །གནོད་སྦྱིན་བྱེ་བའི་…

པའི་སྲས་གྱུར་པ། །དམ་ཅན་པུ་ཏྲ་མིང་སྲིང་སྣང་སྲིད་འགྲོའི། །སྲོག་དབུགས་བླ་ཚེ་ཡོངས་ཀྱི་གཤེད་མ་ཆེ། །རྡོ་རྗེའི་ཐོག་གི་རྗེས་འགྲོའི་དྲག་ཤུལ་གྱིས། །ཕས་རྒོས་ཕྱེ་མར་འཐག་པའི་གནོད་སྦྱིན་ཆེ། །སྲོག་བདག་གྲི་ཐོགས་རོ་བཤན་ཉེར་གཅིག་སོགས། །གཏུམ་དྲག་རྔམས་བརྗིད་དྲེགས་པའི་དམག་ཚོགས་རྣམས། །གཉེར་གཏད་སྡང་དགྲ་སྲོག་དང་རབ་ཕྲལ་ཞིང་…

སྐུར་བསྟན་ནས། །བདེ་ཆེན་དགའ་བཞིའི་ཡེ་ཤེས་ཐེམ་སྐས་ལས། །དྲངས་ཏེ་ཟུང་འཇུག་གྲོང་ཁྱེར་སར་འཁྲིད་ཀྱང་། །ཡིད་སྲུབས་སྡེ་བཅས་འདུལ་ལ་རྔམས་པའི་ཁ། །གནམ་ས་ལྟ་བུར་གདངས་པའི་རེ་མ་ཏཱི། །རྐྱང་སེར་རླུང་གི་ཤུགས་འཆང་དྲེལ་རྟ་ལ། །ཞོན་ནས་དགྱེས་ཞལ་ངོམ་བཞིན་གནས་འདིར་སྤྱོན། །བཀོད་ལེགས་དངོས་བཤམས་རིན་ཆེན་རྩིག་ངོས་ལ། །ཏིང་འཛིན་པིར…

ཡི་འཁྲུལ་འཁོར་གྱིས། །བཀུག་སྟེ་དབང་ཕྱུག་སྲས་པོ་བགེགས་རྒྱལ་དང་། །སྐལ་མཉམ་འདོད་པ་འཇོ་བའི་སྒྱུ་ཐབས་མཛོད། །མཐིང་། ངན་སེམས་སྦྱོར་རྩུབ་ལྕེ་གཉིས་རྐྱོང་བྱེད་པའི། །དགྲ་བགེགས་དུག་སྤྲུལ་སྡེ་དང་བཅས་པའི་སྙིང་། །མཐུ་སྟོབས་ཁྱུང་སྡེར་གྱིས་ཕྱུང་བགྲང་བྱའི་མཁར། །ཕྱོགས་ལས་རྣམ་རྒྱལ་གཤོག་པས་ནམ་འཕང་ཆོད། །རྩེས་དང་པ་འོད་ཟེར་…

ལུས་ལ་གནས་པའི་ཞིང་སྐྱོང་དབང་། །གསལ་སྟོན་ཟུང་འཇུག་དོན་གྱི་ནག་པོ་ཆེ། །ཀུན་ཀྱང་རང་སེམས་གདོད་མའི་ཆོ་འཕྲུལ་ཙམ། །དངོས་བཤམས་ཡིད་སྤྲུལ་ཀུན་བཟང་མཆོད་སྤྲིན་གྱིས། །ཐུགས་དམ་གཉན་པོ་དབྱིངས་སུ་སྐོང་བྱེད་ན། །བོད་འབངས་ཕན་དང་བདེ་བའི་དཔལ་འབར་ཞིང་། །བསྟན་སྲིད་རྡོ་རྗེའི་སྲོག་གི་ཀ་བ་ཚུགས། །ཁྱད་པར་རིགས་འཛིན་བདག་ཅག་འཁོར་བཅ…

རྩེ་སོ་སོར་བྱུ་རུ་དང་སྤུག་ཤེལ་སྣ་ཚོགས་ཀྱི་རྒྱན་དང་སྟོང་སྐུད་ཀྱི་རྫོབ། ལག་ཉི་ཤུ་རྩ་གསུམ་རེ་ཡོད་པ་ནང་ཤ་སྨན་རྩེས་བྱས་པའི་ལྕགས་ཀྱི་འདོགས་ཐག་དང་བཅས་པ་ཆ་གཅིག་ཇོ་བོ་ཤཱཀྱ་མུ་ནིར་ཕུལ་བའི་ཞལ་བྱང་། བསྙེན་སྲིང་མེད་པ་ཀུན་ལ་བརྩེ་བའི་སྤྱན། །འགྲོ་རྣམས་བྱང་ཆུབ་བརྙེད་མིན་དེ་སྲིད་དུ། །གཟིགས་པའི་དམ་བཅའ་མི་གཏོང་སྙིང་སྟོ…

པའི་སྣང་བརྙན་ལ། །ལྷག་བསམ་དག་པས་སྲི་ཞུའི་ཆེད་སྤེལ་བས། །ས་དབང་འཕྲིན་ལས་རྒྱ་མཚོའི་སྐྱེ་འཕྲེང་དུ། །སུམ་རྩེན་བདག་པོའི་བདེ་བ་ལྟར་མྱོང་ཞིང་། །རིང་མིན་རང་གཞན་དོན་གཉིས་ལྷུན་གྲུབ་པའི། །དཔལ་ལྡན་སྟོབས་བཅུ་མངའ་བ་མངོན་འགྱུར་ཤོག །ལྷ་སར་ཐུགས་རྗེ་ཆེན་པོ་བཅུ་གཅིག་ཞལ་ལ་ཕུལ་བའི་སྙན་དར་ཞལ་བྱང་། ལག་ན་པད་དཀར་འཆང་བའི་རང་བྱ…

ལྷ་སའི་བླ་མ་ལྷ་ཁང་གི་རྗེ་བཙུན་བཙོང་ཁ་པ་ཆེན་པོའི་སྐུ་བརྙན་ལ་ཕུལ་བའི་ཁ་བཏགས་ཉིན་མོ་བདེ་ལེགས་མའི་ཞལ་བྱང་། །རྒྱལ་ཀུན་བློ་གྲོས་ལྡན་པས་མཁས་པའི་དཔྱིད། །ཕྲ་མོའི་ལྟུང་བས་མ་གོས་བཙུན་པའི་མཆོག །བདག་གཞན་མཉམ་བརྗེའི་ལྷག་བསམ་བཟང་པོ་ཅན། །གྲགས་པ་དོན་ལྡན་འཇམ་མགོན་བཙོང་ཁ་པ། །མངོན་སངས་རྒྱས་གནས་རྨད་བྱུང་བཀོད་ཞིང་དུ། །ས་ས…

རྒྱལ་བའི་ཞལ་ཁྱིམ་མི་བསྐྱོད་རྡོ་རྗེའི་སྐུར། །ཟ་འོག་རབ་བཀྲར་འདྲེན་པ་སྟོང་ཕྲག་གི །སྣང་བརྙན་ཚར་དུ་དངར་བའི་རུང་མཐུན་གོས། །རེག་བདེའི་ཁྱད་པར་གཡང་ཆགས་འདི་ཕུལ་བའི། །རྣམ་སྨིན་ཆེས་དཀར་འཛག་པ་མཐོ་རིས་ཆུས། །ས་དབང་འཕྲིན་ལས་རྒྱ་མཚོའི་ལས་ཉོན་དྲི། །རབ་བཀྲུས་སྤང་དང་རྟོགས་པའི་ཡོན་ཏན་ཏོག །ཟུང་འཇུག་རྒྱལ་མཚན་རྩེར་མོར་འོད་…

གཡུ་བྱུ་རུ། ནལ། མཆོང་སོགས་རིན་པོ་ཆེའི་ཕྲ་ཡོད། །མཐའི་མུ་རན་ལ་གསེར་ཟངས་ཀྱི་འབུ་ཧྲིལ་འཕུལ་མའི་མཚམས་བཞིར་བྱུ་རུ་མུ་ཏིག་སོགས་ཀྱི་བརྒྱན། སྐེད་མཚམས་སུ་བྱུ་རུ་སེ་འབྲས་ཙམ་བཞི་བཅུ་རེ་ལོང་པར་སྟོང་སྐུད་སྔོ་དམར་ཟི་ཧུན་སོགས་སྣ་ཚོགས་ཀྱི་རྫར་ཡན་ལག་གོས་ཚོས་ཁ་སྣ་ཚོགས་སྤེལ་མའི་ཐོག་སེའུ་ཚོན་ཁྲའི་རྒྱལ་མཚན་དང་། ལཉྪའི་མ་ཎ…