ཅད་དཔུང་ཤེད་ཀྱིས་བཅད། ལམ་བར་གཉལ་སྨད་ཀྱི་ས་ཆར་དམག་སྟོན་གཏོང་བའི་ཐབ་ཆེན་སྐས་ཚད་འཛུགས་དགོས་པ་ཞིག་བརྩིགས། བྲག་ལ་ཨང་ལན་གྱིས་འདིར་སླེབས་ཟེར་བའི་ཡི་གེ་བརྐོས་པ་ད་དུང་ཡོད་ཟེར། འབྲི་གུང་གླིང་ལོག་གཏོང་བར་ཤར་དྭགས་ལ་སྒམ་པོའི་བར་དམག་གིས་ཕྱིན། གཡུ་འཛམ་གླིང་འོད་གསལ་སྲང་ཉི་ཤུ་རྩ་ལྔ་ཡོད་པ་སྒམ་པོ་ནས་བླངས་ཏེ་གདན་སར་ཕུལ…

དམར་སེར་ཅན་ཞེས་པ་མེ་སྦྲུལ་ཧོར་ཟླ་དགུ་པའི་ཚེས་དང་དུས་ཞིབ་ཏུ་བརྩིས་ན་ཉིན་ཞག་རེའི་ཐོ་རེངས་དེ་དུས་བཅུ་གཉིས་ཀྱི་མཐར་འོང་ཡང་འཇིག་རྟེན་དམངས་རྣམས་ཚེས་སྔ་མའི་ཐོ་རེངས་ལ་ཕྱི་མའི་ཡིན་པར་ངོས་འཛིན་པའི་དབང་གིས་ཉེར་གསུམ་གྱི་ཐོ་རེངས་ཞེས་གྲགས་རུང་རྩིས་རིག་སྨྲ་བའི་དབང་ཕྱུག་གཡུ་ལོ་ནས་ཀྱིས་ཞིབ་ཏུ་གཟིགས་པར་གྲུབ་པའི་རྒྱལ་…

དུ་བྱོན་བའི་སྣང་བ་བྱུང་། དངོས་སུ་ཡང་ཀླུ་ཁང་དུ་སྔར་མེད་པའི་མེ་ཏོག་གི་རིགས་གསར་པ་སྐྱེས་པ་དང་གཟིམས་ཆུང་གི་རྩེར་འཇའ་ཟུག་པ། སྲོལ་མེད་པའི་ཞོལ་པ་མང་པོས་རྫོང་ལ་སྐོར་བ་བྱེད་པ། ནམ་མཁའ་སྤྲིན་མེད་ལས་ཆར་བབས་པ་སོགས་བྱུང་ཟེར་བ་རང་གི་མངོན་སུམ་དུ་མ་གྱུར་པས་ཡིད་བརྟན་དཀའ་ཞིང་གལ་ཏེ་བྱུང་དུ་ཟིན་ཀྱང་དུས་མཚུངས་པར་ཕྱོགས་དེ…

མདོ་ཁམས་ནས་ཕེབས་པ་དང་འགྲིག་པའི་ཚེ་དབང་ལྕགས་སྡོང་མ་བརྒྱ་རྩ་དང་ཉང་ལུགས་དྲག་དམར་གྱི་དབང་བརྒྱ་ཚར་གནང་འདུག་པ་དྲན་པའི་ཡུལ་དུ་མ་གྱུར་ཀྱང་བྱིན་རླབས་རྒྱུད་ལ་ཞུགས་ཉམས་ཀྱིས་ནད་གདོན་གྱི་འཚེ་བ་དཀོན་ཞིང་བསྙེན་སྒྲུབ་ཅི་ཡང་མ་སོང་བའི་བྱིས་པའི་དུས་གཞན་ལ་སྲུང་མདུད་དང་མཆིལ་མ་བཏབ་པའི་ཆུ་བྱིན་པ་ཞལ་ངོ་གོང་མ་བསྙེན་སྒྲུབ་སོ…

ལྟ་བུ་ནི་གསང་སྔགས་རྙིང་མ། གནས་སྐབས་སུ་བཀའ་དྲིན་ཆེ་བ་ནི་གདན་རབས་བཀའ་བརྒྱུད། སྤྱན་སྔ་ཞྭ་དམར་བ། རི་བོ་དགའ་ལྡན་པ་གསུམ་ཡིན་པས་ཀར་འབྲུག་གི་དགོས་དོན་ཆེ་བ་མེད་ཀྱང་དུས་འགྱུར་འབྱུང་བའི་འཕྲལ་རྐྱེན་ནི་འཇིག་རྟེན་ཕལ་བ་རྣམས་ལ་མི་ལའི་མགུར་འབུམ་དང་བྱ་བྲལ་གྱི་རིགས་མྱུག་མྱུག་མངས་ན་རྟེན་འབྲེལ་གྱིས་ཆས་ཀ་སྲབ་ཏུ་འགྲོ་ཞེས་…

ཕུལ་ཏེ་ད་ལམ་རྟེན་འབྲེལ་མི་ལེགས་པས་སླར་གནང་ཆོག་ཞུས་ནས་བཤོལ་ཟེར་དོན་ངན་གྲོས་བཤམས་པར་བརྟེན་ཞབས་དྲུང་དེ་ཉིད་ཤམ་པོ་གངས་སྐོར་ལ་ཕེབས་སུ་བཅུག་པའི་འཕགས་སྡེ་པ་རྣམས་ཀྱང་རུལ་ལམ་ཟེར་གང་ལྟར་བསླུས་ཐབས་ཀྱིས་རྫོང་ཟུག་པོ་ནས་ལ་རྩིས་སྤྲད། ཁྲི་ལྕམ་གྱིས་དབུ་གནང་ངེད་ཁ་ཤས་ཐོ་རེངས་ཕྱི་ཟུར་ལ་བདེ་སྐྱིད་གླིང་དུ་སྤོས་པའི་ལམ་དུ་…

འཕྲལ་ཁམས་སུ་ཕེབས་རྩིས་ལ་ཕྱག་གཡོག་དཀྱུས་མ་ཚོས་ཤོགས་མ་ཐོན་པ་དང་དྲུང་འཁོར་འདྲས་གྲུལ་མ་ཐུབ་ཅིང་གྲོ་ལུང་ཕྱག་མཛོད་དར་རྒྱས་ཀྱིས་སྐུ་ར་བ་ནས་དཔང་ལག་གནང་བ་འགབ་ཚུལ་ཡར་སྟོད་ཁྲི་པར་ཞུས་ཀྱང་སྤེལ་དམར་བ་དཀོན་མཆོག་ཚེ་དབང་གི་ཁ་དབང་དུ་སོང་ནས་རྗེས་བསྙེགས་པ་རྣམས་ལ་རྩིས་སྤྲད་དེ་གཙང་དུ་ཕེབས་དགོས་བྱུང་འདུག །ལྷ་གཤོངས་སུ་བསྡ…

འགབ་གསུང་སྐད། སྤྲུལ་སྐུ་རཏྣ་གླིང་པ། པཎ་ཆེན་སྐུ་མཆེད། འཕྲང་འགོ་གཏེར་སྟོན་སོགས་ཀྱི་ལུང་བསྟན་མང་པོ་གུང་མཐུན་པར་ཇོ་བོ་ཤཱཀྱ་མུ་ནི་ལ་རྒྱབ་བསྟན་པའི་ལྷ་ཆེན་ཞིག་འབྱུང་བས་གནད་འཕྱུགས་ཏེ་བོད་ཁམས་མི་བདེ་བ་ཆེན་པོ་ཡོང་ཚུལ་ལྟར་ས་རྟའི་བདེ་གཟར་འཕྲོ་ཅན་དུ་ལུས་པར་བརྟེན་སོག་པོའི་དམག་གཏོས་ཆེ་བ་རོང་པོ་འདམ་དུ་འབྱོར་བས་བོད་…

ཤོང་བའི་སྣ་དཀར་རྩེར་ཞུ་བར་བཀྲས་གཤོངས་པ་གནང་བས་ཡར་འབྲོག་ཞབས་དྲུང་གིས་བང་ཆེན་རྟ་བཤད་ཀྱིས་བཏང་བའི་ཁོང་ཡུམ་སྲས་འདི་ག་ནས་ཁག་ཐེག་པས་སྣ་དཀར་རྩེར་བཞུགས་ཆོག་པ་དགོས་ཚུལ་ཞུས་པ་ལྟར་དགོངས་པ་ཁྲོལ་ཏེ་བཅུ་གཅིག་པ་ཇ་མར་ཡར་འབྲོག་ལ་བསྒྲིལ། ལོ་འདི་རང་ལོ་བཞི་པར་སླེབས་པ་ལྕགས་སྤྲེལ་གྱི་ལོ་མཇུག་ཡིན། འདི་ཡན་གཞན་གྱི་ངག་སྒྲོས་…

བསྐང་གསོ་བཏང་བའི་ཚིག་དམ་དུམ་བློ་ལ་ཟིན་པ་འདོན་ཞིང་ཟས་ལྷག་ལ་གཏོར་མའི་དབྱིབས་བཟོས་ནས་རྔ་བརྡུང་བ་སོགས་ལད་མོ་ཤོད་པ་ཞིག་ཡོད། འཇིག་རྟེན་བྱ་གཞག་གི་གནས་ཚུལ་གཞན་ལས་མཚན་ཉིད་པ་སྔགས་བོན་གྱི་སྤྱོད་ཚུལ་དང་ལྷ་འདྲེའི་ལོ་རྒྱུས་འདྲ་བ་ཉན་པ་ལ་སྤྲོ་ཞིང་ཁྱད་པར་ཛོ་གི་སོགས་རྒྱ་གར་གྱི་སྐད་ཆ་ལ་དགའ་བ་ཞིག་ཡོད་པས་དེ་དག་ལ་དཔགས་ན་…

མཚན་འཕྱོང་རྒྱས་ཡར་ཀླུངས་སུ་གཏོགས་ཀྱང་གསེར་མ་གཞུང་དུ་མི་གཏོགས་པས་བསམ་ཡས་ཆོས་སྐྱོང་ཆེན་པོས་ཡར་ཀླུངས་གསེར་མ་གཞུང་གསུངས་པ་ལ་བརྟེན་ནས་ངེད་དང་ལོ་ཚོད་མཉམ་པའི་ཡར་ཀླུངས་ཆོས་རྒྱལ་ཕོ་བྲང་པའི་སྡེ་པ་ཡིད་བཞིན་ནོར་བུ་ཡིན་པ་འདྲ་ཟེར། གད་ཁ་སའི་ལགས་ལགས་ཨ་རྒྱལ་གྱིས་ངའི་བུ་གཞོན་པ་འདིར་མངལ་དུ་ཆགས་གདོང་ཐམས་ཅད་མཁྱེན་པ་ཡོན་…

དྲག་བརྫུའི་འཁྱོག་ཚིག་གསུང་མཁན་མིན་པར་རང་བློ་བཟང་པོ་མི་ལ་བཀལ་བའི་ཕེབས་སྒོར་ངེད་རང་གི་ཚ་བོ་ཡིན་པས་གཅེས་སྤྲས་ལོས་བྱེད་ཀྱང་མིས་མིའི་སྲོག་ཁག་ག་ལ་ཐེག་འདི་ལ་བརྟེན་པའི་ལྟས་ངན་དང་དངོས་གྲུབ་གཉིས་ཀ་མི་དགོས་གསུངས་པར་དཀའ་བཅུ་པས་ཚིག་རྩ་བཟུང་བའི་རྒྱུས་སྔར་མངའ་ཞབས་སུ་བྱུང་བའི་སྐུ་སྐྱེའི་རིགས་ཆེ་ཁ་ལ་ཡང་བླུ་ཆས་མང་ཙམ་…

ཆེ་ནམ་དགོས་ལ་གདན་དྲངས་ཆོག་ངེད་དགེ་ལུགས་པ་ཚོར་བོད་པའི་མི་ཆེན་གྱི་རིན་ཆེན་རྒྱན་ཆའི་བསུ་བས་སྔར་ཡང་མི་ཚེ་མ་སོང་ད་དུང་མི་འགྲོ་ཟེར་བ་བྱས་པས་ཕ་རོལ་པོ་ལབ་པའི་ལྕེ་ཆད། དྷརྨས་གཙོས་པའི་སོག་པོ་རྣམས་ཀྱིས་རྟ་ནག་གི་མདར་གཙང་པོ་ལ་རབས་བཅག་པས་རྙེད་ཅིང་དོན་འདི་མ་སྨིན་ན་སོག་པོ་གར་ཡོང་ཆ་མི་ཐིངས་པའི་འཕྲལ་ཕུགས་ཀྱི་རྒྱུ་མཚན་…

ཆུ་ཕོ་ཁྱིའི་ལོ་གཙང་སྟོད་བཀྲ་ཤིས་ལྷུན་པོ་ནས་དཔོན་སློབ་པཎ་ཆེན་རིན་པོ་ཆེ་ཕེབས་པ་དང་ཕྱོགས་མཐུན་དུ་དགའ་ལྡན་ཕོ་བྲང་གི་མི་སྣར་ཚ་བ་དཀའ་བཅུ། སྟག་ལུང་པའི་མི་སྣ་མདུན་གྲོང་ཨ་བོ། གླིང་སྨད་ཞབས་དྲུང་གི་མི་སྣ་དབོན་པོ་བཀྲས་བཟང་། ལྷ་བཙུན་གྱི་མི་སྣ་དྷརྨ་སོགས་འབྱོར། དེ་ཉིན་སྣ་དཀར་རྩེའི་དྲུང་འཁོར་རྣམས་ཀྱིས་བྱ་ར་བྱེད་ཅིང…

བར་དེར་འཁོད་རྣམས་སྐྱེ་བ་དྲན་པའི་ངོས་འཛིན་ལ་ཕེབས་པ་འགོར་ཟེར་བ་འདྲ་ཞིག་ལ་གོ་འདུག །སང་འགྲོ་རྒྱུའི་ནུབ་མོ་མ་མ་དང་ཞལ་ཏ་མ་སྒྲོལ་མ་དཔལ་ལྷ་གསུམ་གྱིས་ཁྲུས་མ་བྱས་ན་བཙུན་པ་ཚོ་ལ་གྲིབ་ཡོང་ཟེར་ལུས་རིལ་པོ་བཀྲུས། ཁོང་གསུམ་ནི་མིག་མཆི་མས་གང་ནས་ལབ་རྒྱུ་མི་སྣང་། ཞལ་ཏ་མ་གསར་པ་འདྲས་ཁྱེད་དགོན་པར་བྱོན་པའི་ཆོས་མཛད་རྒྱུ་ཡིན་…

སྐྱག་པོ་ཞིག་ཡོང་འདུག་ཟེར། དེ་ནས་ཚ་བ་དཀའ་བཅུ་བས་སང་ཕྱག་དབང་ཞུ་མི་མང་པོ་ཡོང་བས་གནང་ལུགས་འདི་འདྲ་བྱེད་དགོས་ཞེས་བསླབས་བྱུང་བ་རྣམས་ཡིད་ལ་བཞག །སྐྱིད་སྨད་སྙེ་ཐང་དུ་སླེབས་ཐོག་ཕྱག་མཛོད་ཞལ་ངོ་བསོད་ནམས་རབ་བརྟན་གྱིས་དབུ་མཛད་སེར་འབྲས་ཀྱི་བླ་སློབ་དཔོན་གྲ་རིགས་སྦྱིན་བདག་སོགས་དྲག་རིམ་རྣམས་བསུ་བར་བཀྲ་ཤིས་ཁ་བཏགས་ཀྱི་…

ཡིན་སྙམ་པ་ལས་ངོ་མ་ཤེས་པ་དང་མཚུངས་པས་བླ་ཆེན་རྣམས་ཀྱི་རྣམ་ཐར་ཕལ་ཆེར་མོ་སྟོན་ཕག་མགོ་བའི་མངོན་ཤེས་སུ་འགྲོ་ཡིན་ཡོད་པར་གདའ། ཧོར་ཟླ་གསུམ་པའི་ཕྱོགས་ཕྱི་མའི་རྒྱལ་བ་དང་པོའི་ཉིན་ལྷག་པ་ལྷ་མཚམས་ཀྱི་འགྲུབ་སྦྱོར་ཐོག་གཟིམས་ཆུང་མངོན་དགར་པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་པའི་ཞལ་སྔ་ནས་ཀྱི་དྲུང་དུ་སྐྲ་ཕུད་ཕུལ། …

ཞབས་སུ་སྡོད་པ་ཡིན་ཞེས་དེ་གར་གཟིམས། དཔོན་སློབ་རིན་པོ་ཆེ་ནི་སྐུ་ཚགས་མ་བཤིག་པར་སྙེས་མ་ལོག་གིས་བཞུགས་སོང་། ངེད་ནི་ལོ་གཞོན་པས་རྒྱུན་དུ་གང་བྱེད་ལྟར་ཉལ། རྡོ་རྗེ་བྲག་ཞབས་དྲུང་དབོན་རིན་པོ་ཆེ་གཞན་དོན་དུ་གཤེགས་པའི་ཐུགས་དམ་གསལ་འདེབས་ཀྱི་རྟེན་འབྱོར། དཔོན་སློབ་རིན་པོ་ཆེ་ལྷ་སར་ཐེགས། རྒྱུན་གྱི་ཟླ་བོ་དང་དགེ་རྒྱན་སྦྲ…

སུ་དགེ་ཕྱོགས་དང་གཙང་པ་ལུགས་ལེགས་བྱུང་ན་ཁོང་རང་གིས་ཤོགས་མི་ཐོན་དེ་གཉིས་ལུགས་མ་ལེགས་ན་སླར་ཡང་སོག་དམག་འདྲེན་ཐུབ་སྙམ་པའི་ངེད་ཚོས་སོག་ཡུལ་དུ་ཕྱིན་ན་གཙང་པ་དང་འགྲས་འགྲོ་བ་གཞིར་བཅས་ཀྱིས་བདེ་སྐྱིད་ཕུང་ལ་རེ་བའི་རྣམ་པས། ལྷ་བཙུན་ལ་ད་ལམ་སོག་ཡུལ་དུ་གདན་འདྲེན་ཐུབ་ན་གཙོ་ཆེར་དཔོན་པོ་ཁོ་ལོ་ཆེ་མཉེས་པ་དང་དེ་ནས་སོག་པོ་ཚ…

ཀྱིས་ཁྱེར་བའི་མདངས་ཤིག་བྱུང་བར་བརྟེན་དཀའ་བཅུ་བས་བདེ་ཆེན་རྩེར་ཕྱིན། སྒང་ཆེན་ནས་ལ་ཨེ་རི་སྒོར་ཕྱིན་ཆོག་པའི་རྒྱུ་མཚན་མོལ་བ་བཞིན་གཙང་དུ་བང་ཆེན་བཏང་བ་དོན་སྨིན་གྱིས་དོ་དམ་ལ་ཕོ་ར་སྒང་པ་བསྟན་འཛིན་རྫོང་བདའ་གནང་འདུག །གྲ་ཚང་ཆོས་འཁོར་གླིང་པ་བར་སྐབས་སུ་འཐོར་བ་ཞལ་ངོས་བཙུན་ཁྲལ་སུམ་ཅུ་ཙམ་དང་བཅས་བཙུགས་པའི་སློབ་དཔོན་ད…