སྐུ་གསུང་ཐུགས་རྟེན་གསར་བཞེངས་རིན་པོ་ཆེའི་མཆོད་རྫས་ཁང་བཟང་གི་དཀར་ཆག་དང་ཐམ་ཕུད་དེབ་ཁྲིམས་ཡིག་འགོ་རྒྱངས་སྡེ་བཞིའི་སྒོ་འཕར་ཕྱེ་བའི་སྐལ་བཟང་གི་གླེགས་བམ་གཉིས་པར་ཤོག་གྲངས་ ༣༠༧ དཀར་ཆག་བཅས་ཁྱོན་བསྡོམས་ ༣༠༧ བཞུགས།།

དོན་གྲུབ་ཅེས་པ་ས་ལུག་ཧོར་ཟླ་དྲུག་པ་ནས་བཟུང་སྡེ་པ་སངས་རྒྱས་རྒྱ་མཚོ་ལ་ས་རི་སོགས་ཀྱི་ཐམ་ག་རིམ་སོང་གི་བརྗེད་བྱང་དེབ་ཐེར་འགོ་བརྗོད་རིན་ཆེན་ཕྲེང་བ། །མཉམ་གཞག་སོར་མོས་བཏེག་པའི་བུམ་བཟང་ནས། །བདུད་རྩིའི་ཐིགས་འཕྲེང་ཚངས་བུགས་ལམ་བརྒྱུད་དེ། །སྲོག་གི་ཀ་བ་ཉེར་འཛུགས་ཚེེ་མཐའ་ཡས། །ཞབས་སེན་ཟླ་བ་གཙུག་ན་རྟག་འཆང་མཛོད། །དགྱ…

རྟག་ཏུ་སྐྱོངས། །དཔྱད་བཟོད་ཚིག་དོན་ཡི་གེར་སྤེལ་པའི་འགག །གནམ་གྱི་ཤེ་མོང་ཐམ་ཁའི་རི་མོའི་རྗེས། །རྒྱལ་པོའི་ལུང་དོན་འཁྲུལ་མེད་འཇལ་བྱེད་པའི། །དེབ་ཐེར་རིན་ཆེན་འཕྲེང་བ་དེང་འདིར་སྤེལ། །ཛམྦུ་ཆུ་བོའི་གསེར་གྱི་རི་བོ་བརྒྱ་ཕྲག་ཉི་གཞོན་ཁུ་བས་བྱུགས་ཀྱང་ཆ་ཙམ་བསྒྲུན་པར་ནུས་མིན་པ། །རྩ་གཉིས་མཚན་དང་བརྒྱད་བཅུའི་དཔེ་བྱད་སྟ…

དངོམ་པར་མཛད་དེས་རིས་མེད་འགྲོ་རྣམས་མཐོང་ཐོས་དྲན་དང་རེག་པས་རྣམ་གྲོལ་རྫོགས་པའི་སངས་རྒྱས་མིའི་སེང་གེ །བཀྲ་ཤིས་འཁོར་ལོའི་རི་མོ་གསལ་མཛེས་ཞབས་ཀྱི་རྡུལ་དམར་ལུས་ཅན་ཚོགས་ཀྱི་གཙུག་ན་ལྷུང་བའི་དགེ་ལེགས་སྩོལ། །སྐྱེ་བ་ལྔ་པའི་དུང་གི་རི་མོ་མགྲིན་པར་ཡོངས་འཁྱིལ་རབ་ཡངས་པི་ཝཾ་ཁོག་པ་ནས། །ཡན་ལག་དྲུག་ཅུའི་རྒྱུད་མངས་ལས་དྲངས…

གསུམ་དགྲ་བཅོམ་ལ་སོགས་མཆོག་དམན་ཐེག་པའི་དགེ་འདུན་རྣམས། །གཅིག་པུ་ཉིད་ལས་དུ་མའི་གར་བསྒྱུར་གཙོ་འཁོར་ཐ་མི་དད་པ་ཡིས། །དབང་རྣོན་ཆོས་རྗེས་འབྲང་པའི་དད་པས་བྱང་ཆུབ་བར་དུ་སྐྱབས་སུ་འགྲོ། །གསེར་རིའི་སྦུབས་ནས་འཛད་མེད་ཟླ་འཆར་ལྟར། །གྲུབ་བརྙེས་བརྒྱད་ཅུ་རྒྱན་དྲུག་མཆོག་གཉིས་སོགས། །ཚད་མའི་དཔང་གྱུར་གངྒཱའི་རྡུལ་རྙེད་ཀྱིས། …

མདའ་ཡིས་སྙིང་ག་རབ་ཕུག་སྟེ། །ཕྱོགས་ལྷུངས་དྲག་པོའི་གདོན་གྱིས་སྨྲ་བའི་ཁ་ཕྱེ་ནས། །འཐད་ལྡན་ལུགས་བཟང་མང་པོར་སྨོད་པས་རྗེས་འཇུག་ཚོགས། །ངན་འགྲོའི་ས་མཁན་མཁས་རློམ་དེ་དག་མི་དགེའི་བཤེས། །འཕགས་ཡུལ་གྲུབ་མཐའ་རྣམ་བཞིའི་བཞེད་པའི་སྲོལ་དང་མདོ་རྒྱུད་ཆོས་ཚུལ་ཡིན་ནོ་ཅོག །མཐའ་ཡས་འགལ་མེད་རྟོགས་ཏེ་གདམས་པར་ཤར་བས་དགོངས་དོན་མ་ལ…

ངན་ཁང་བུར་བརྒྱལ་བ་བཞིན། །དེ་ཚེ་ལྷ་མོ་བསྟན་མ་ནོར་འཛིན་ལས། །ལུས་ཕྱེད་ཐོན་ནས་དགེ་ཚོགས་བསྒྲུབས་པའི་འབྲས། །བླ་མེད་བྱང་ཆུབ་རིང་མིན་ཐོབ་པ་ཡི། །དབང་པོར་ཁས་ལེན་མཛད་དེས་གཅིག་ཏུ་སྤྲོ། །ཡང་ཡང་བརྒྱུ་བར་ཉི་ཟླ་ཟུང་། །ངལ་ངལ་གོ་ལའི་ལམ་བགྲོད་ན། །སྙན་སྙན་གླུ་དང་མེ་ཏོག་ཆར། །མང་མང་འབེབས་ལ་ལྷ་རྣམས་བྲེལ། །ཞེས་ཤིས་པ་བརྗོད་…

དཔལ་རྡུལ་བྲལ་ཡང་དག་བརྩེགས་སུ་ཀུན་གཟིགས་སོགས་དང་། མཐར་སློབ་མ་སྟོང་སེམས་བསྐྱེད་པ་བསྐལ་པ་བཟང་པོ་འདིའི་སངས་རྒྱས་སྟོང་དུ་རིམ་པར་ལུང་བསྟན་ཅིང་བྲམ་ཟེ་རྒྱ་མཚོའི་རྡུལ་སེམས་བསྐྱེད་པར་དགོངས་ཏེ། །ཞིང་མ་དག་པ་མི་མཇེད་འཇིག་རྟེན་གྱི་ཞིང་། སེམས་ཅན་མ་རུངས་པ་མི་དགེ་བ་བཅུ་ཚང་བར་སྤྱོད་པ། མཚམས་མེད་པ་ལྔ་བྱེད་པ་ཤིན་ཏུ་གདུལ…

མཛད། ཚོང་དཔོན་ཤེས་རབ་བཟང་པོར་སྐུ་འཁྲུངས་པའི་ཚེ་སངས་རྒྱས་དཀོན་མཆོག་ཡན་ལག་སོགས་ལ་གྲངས་མེད་གཉིས་པའི་ཚོགས་བསགས་ཏེ་རིང་དུ་སོང་བའི་ས་ཐོབ། གཞོན་ནུ་སྤྲིན་དུ་གྱུར་པའི་ཚེ་བདེ་གཤེགས་མར་མེ་མཛད་སོགས་ལ་གྲངས་མེད་གསུམ་པའི་ཚོགས་བསགས། དེ་ནས་གྲངས་མེད་པའི་བསྐལ་པ་གཅིག་གི་རིང་གོམས་པའི་ཚོགས་ཀྱིས་བསྒྲུབས་པས་ཆོས་ཀྱི་སྤྲིན་ག…

སྦྱོར་བ་དོན་གྱི་འོད་གསལ་མངོན་དུ་གྱུར་པ་དེ་ལས་དག་པའི་སྒྱུ་མའི་སྐུར་བཞེངས་པ་ལ་སངས་རྒྱས་ཐམས་ཅད་ཀྱིས་དབང་བཞི་པ་བསྐུར་ནས་སྤྱོད་པ་བྱེད་དུ་བཅུག་པས་ཐོ་རེངས་སྐྱ་རེངས་དང་པོ་འཆར་ཙམ་ན་རྡོ་རྗེ་ལྟ་བུའི་ཏིང་ངེ་འཛིན་གྱིས་ཤེས་བྱའི་སྒྲིབ་པ་ཕྲ་ཞིང་ཕྲ་བ་འདི་སྤངས་ཏེ་མི་སློབ་པའི་ཟུང་འཇུག་རྡོ་རྗེ་འཆང་གི་གོ་འཕང་བསྙེས་ནས་མང…

མི་སྨྲ་ནགས་འདབ་ཚལ་དུ་གནས་པར་བྱ། །ཞེས་ཞག་ཞེ་དགུའི་བར་ཆོས་མི་གསུང་པའི་ཚུལ་བསྟན་པར་བརྟེན་ཚངས་པ་དང་བརྒྱ་བྱིན་འཇིག་རྟེན་གྱི་གཙོ་བོ་ཡིན་པས་དེ་དག་གིས་གསོལ་བ་བཏབ་ནས་ཆོས་གསུངས་ན་གདུལ་བྱ་རྣམས་ཆོས་ལ་ཆེས་ཆེར་འཇུག་པའི་དགོས་པ་ཁྱད་པར་ཅན་གཟིགས་ནས་འོད་བཀྱེ་བས་སྟོང་གསུམ་གྱི་བདག་པོ་ཚངས་པ་གཙུག་ཕུད་ཅན་གྱིས་ཤེས་ཏེ་གྲོགས་…

པོ་སངས་རྒྱས་ཀྱི་གསུངས་པ་ཡིན་ཏེ། རྩ་བའི་བསྡུ་བ་པོ་ཀུན་ཏུ་བཟང་པོ་དང་འཇམ་དཔལ་དང་གསང་པའི་བདག་པོ་དང་བྱམས་པ་ལ་སོགས་པ་རྣམས་གྱིས་བསྡུས་པའི་ཕྱིར་རོ། །ཞེས་འབྱུང་ཞིང་གསང་བ་བསམ་གྱིས་མི་ཁྱབ་པའི་མདོ་དང་ཕྱག་ན་རྡོ་རྗེ་དབང་བསྐུར་བའི་རྒྱུད་ལས་གསང་བའི་བདག་པོ་ཉིད་བཀའ་བསྡུས་པ་པོར་གསུངས་ཤིང་རྒྱུད་སྡེ་གཞན་མང་པོ་ལས་ཀྱང་དེ་…

གསུམ་ཞལ་འདོན་དང་བཀྲ་ཤིས་པའི་གསོ་སྦྱོང་མཛད་དེ་བཀའ་གཉིས་པ་བསྡུས། སྟོན་པ་གཤེགས་ནས་ལོ་བཞི་བརྒྱ་འདས་པ་ན་བདུད་སྡིག་ཅན་གྱི་སྤྲུལ་པ་བཟང་པོས་ཆོས་ལོག་བསྟན་པའི་རྒྱུན་རྗེས་འབྲང་རྣམས་ཀྱིས་བཟུང་བར་བརྟེན་སྡེ་པ་བཅོ་བརྒྱད་ཕན་ཚུན་གྱི་རྩོད་པ་སུན་ཕྱུང་སྡེ་རྣམ་དག་ཏུ་བསྒྲུབ་པའི་ཆེད་མཉན་ཡོད་དུ་བྱང་སེམས་ལྔ་བརྒྱ། དགྲ་བཅོམ་པ…

བས་ལོག་འཚོར་བཀོད་ཅེས་དབྱུང་ནས་གཙུག་ལག་ཁང་དང་མཆོད་རྟེན་བྱེ་བ་གྱིས་ཤིག་པར་བསྐུལ། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་སྒྲུབས་པས་ཐོབ། །དགེ་སློང་བདེ་བྱེད་གྱིས་རིག་པའི་རྒྱན་འོས་པའི་གཞུང་འབུམ་ཕྲག་བཅུ་གཉིས་བྱས་ནས་ཐམས་ཅད་སུན་དབྱུང་བ་འདུལ་བའི་དོན་དུ་འདམ་བུ་བྱིན་དུ་ཆོས་གསུངས་པའི་ཚེ་བྱིས་པ་གཉིས་ཆོས་ཉན་ཅ…

ཐེག་ཆེན་ནམ་མཁའི་པདྨོ་ལ། །ཀླུ་སྒྲུབ་བདུད་ཀྱི་སྤྲུལ་པ་བྱུང་། །ཞེས་ཁ་ཟེར། ལངྐར་གཤེགས་པ་ལས། ལྷོ་ཕྱོགས་བེ་དྷའི་ཡུལ་དུ་ནི། །དགེ་སློང་དཔལ་ལྡན་ཞེས་གྲགས་པ། །དེ་མིང་ཀླུ་ཞེས་འབོད་པ་སྟེ། །ཡོད་དང་མེད་པའི་ཕྱོགས་འཇིག་པ། །ང་ཡི་བསྟན་པ་འཇིག་རྟེན་དུ། །བླ་མེད་ཐེག་ཆེན་རབ་བཤད་ནས། །རབ་ཏུ་དགའ་བའི་ས་སྒྲུབས་ཏེ། །བདེ་བ་ཅན་དུ་…

པ་དངོས་སུ་གཟིགས་པ་ན་ཡུས་པའི་ཚུལ་གྱིས་ཀྱེ་མ་ཡབ་གཅིག་བདག་གི་སྐྱབས། །ངལ་བ་རྒྱས་འབོད་ཀྱང་འབྲས་མ་མཆིས། །ཅིའི་ཕྱིར་ཆར་སྤྲིན་རྒྱ་མཚོའི་དཔུང་། །གདུང་པས་བསྲེགས་ཏེ་སྐོམ་ཚད་འབབ། །བདག་གིས་དེ་ཙམ་བསྒྲུབ་ནས་རྟགས་ཀྱང་མ་བྱུང་ན་ཐུགས་རྗེ་རེ་ཆུང་ཞེས་འཁངས་པས་རྗེ་བཙུན་གྱིས་ང་དང་པོ་ནས་ཡོད་དེ་ཁྱོད་རང་གི་སྒྲིབ་པ་ཆེས་པས་མ་མཐ…

ཉི་ཟླ་ལྟར་གྲགས་ཤིང་སོ་སོའི་གྲུབ་མཐའི་བཞེད་སྲོལ་མི་མཐུན་པ་མང་དུ་བྱུང་བ་རྒྱལ་ཚབ་རྣམ་པ་གཉིས་ཀྱི་གཞུང་ལ་བརྟེན་ནས་འགྲེལ་པ་ལས་ཐུབ་པའི་དགོངས་པ་ལས་ཕྱི་རོལ་ཏུ་གྱུར་པ་ཞིག་ག་ལ་ཡོད། འོན་ཏེ་ལོ་རྒྱུས་ལ་ལར་རིག་པའི་འབྱུང་གནས་ནཱ་ལནྡར་མཁས་པ་ཙནྡྲ་གོ་མིས་ཐོགས་མེད་ཀྱི་སྲོལ་ལ་བརྟེན་ཏེ་རྣམ་རིག་གི་ཕྱོགས་བཟུང་། སློབ་དཔོན་ཟླ…

པོ་ས་ར་ཧ་དང་གྲུབ་པའི་འཁོར་སྒྱུར་བི་རཱུ་ལ་སོགས་གྲུབ་ཆེན་བརྒྱད་ཅུ་རྩ་བཞིས་མཚོན་པས་མཐའ་ཀླས་པའི་རྫུ་འཕྲུལ་གྱི་བཀོད་པའི་མཐུས་འགྲོ་བ་རྣམས་ཡང་དག་པའི་ལམ་ལ་འགོད་པར་མཛད་པ་ནི་ལྕེ་བརྒྱས་བསྐལ་པར་བརྗོད་ཀྱང་བརྗོད་ཀྱིས་མི་ལང་། དེའང་འཇམ་དཔལ་རྩ་རྒྱུད་དུ། ང་ཡི་དུས་ནས་ལོ་བརྒྱ་ན། །ཁ་བ་ཅན་དུ་མཚོ་བྲི་ནས། །སཱ་ལའི་ནགས་ཚལ་འབ…

བྱིན་གྱིས་བརླབས་པའི་རྗེ་གཉའ་ཁྲི་བཙན་པོ་བྱོན། །དེ་ནས་རྒྱལ་རབས་ཉི་ཤུ་རྩ་བདུན་འདས་པ་ན་ལྷ་ཐོ་ཐོ་རི་སྙན་ཤལ་གྱི་རིང་ལ་དམ་པ་ཆོས་ཀྱི་དབུ་བརྙེས། དེ་ནས་མི་རབས་ལྔ་ན་མངའ་བདག་སྲོང་བཙན་སྒམ་པོས་ཡི་གེ་འདྲི་(འབྲི་)ཀློག་དང་ར་ས་ར་མོ་ཆེས་གཙོས་པའི་གནྡྷོལ་སོགས་རྟེན་བརྟེན་པ་བཞེངས་པའི་དམ་པ་ཆོས་ཀྱི་སྲོལ་བཏོད། དེ་ནས་མི་རབས་ལ…

པས་ལྕགས་ཐུར་ཅན་དུ་གྲགས་པ་བསམ་ཡས་སུ་བཞུགས་ཀྱང་དེང་སང་འདི་ན་ཡོད་མི་གསལ་ཞིང་རེག་ཟིག་སྡེ་དམར་གཉིས་ལ་བླ་འགྱུར་ཆུང་བ་ཟེར། །ལོ་ཆེན་བཻ་རོས་སླར་ཡང་རྒྱ་དཔེ་དང་བསྟུན་ནས་ཞུས་ཆེན་དུ་མཛད་པར་དུམ་བུ་དྲུག་པ་གླེགས་ཤིང་ལ་གྲས་ནས་པར་བཀབ་ཅན་དང་གསུང་རབ་ཀྱི་བར་དུ་ཕ་ཝང་གི་ཚང་བཅས་པས་ཕ་ཝང་ཅན་དུའང་བརྗོད་པ་བླ་འགྱུར་འབྲིང་པོ། འབ…