དོན་ལྔ་ཕུལ་བའི་ཚེ། ཚེ་དཔག་མེད། བཀའ་བརྒྱད། ཚེ་བདག །དམག་ཟོར་མ། ཆོས་སྐྱོང་སྤྱི་རྣམས་ལ་འཕུལ་བའི་ཁ་ཡིག་དགོས་ཚུལ་བྱུང་བ་ལྟར་བཀོད་པ་འདོད་དོན་ཡོངས་འདུའི་འབྲས་བཟང་། ཚེ་དཔག་མེད། སྲིད་ཞིའི་དངས་མའི་བཅུད་ཀུན་ཐབས་ཤེས་ཀྱིས། །སྲོག་གི་ཟུངས་སུ་འདྲེན་མཛད་ཚེ་མཐའ་ཡས། །བྱིན་རླབས་གཟི་ཡིས་འཆི་མེད་འཕོ་བ་ཆེ། །འགྱུར་མེད་རྡོ་ར…

པའི་ངོས། །འཆི་མེད་རྡོ་རྗེའི་སྲོག་གི་གཟུགས་ཤར་བས། །ལྷ་ཆེན་ཉི་མའི་བུ་ཡི་ཨཱ་དཪྴ། །འཛིན་པའི་ངལ་བ་གཏོང་མཛད་བཅོམ་ལྡན་མ། །ཁྱོད་ཞལ་དྲན་པའི་མོད་ལ་འཁོར་འདས་ཀྱི། །མི་བཟད་གདུང་བ་མཐའ་དག་རབ་གཞིལ་ཚེ། །མཆོད་བསྟོད་གསོལ་བ་མཛད་པར་འདོད་པའི་དོན། །འགྲུབ་ན་ཡོངས་འདུའི་ལྗོན་པ་དམིགས་སུ་མེད། །དེ་ཕྱིར་གར་དབང་འོད་དཔག་མེད་མགོན་ག…

ཆེན་པོ་འཇིག་རྟེན་དབང་། །རིང་པོའི་ཕྱག་གིས་བདག་སོགས་དབུགས་འབྱིན་མཛོད། །རྒྱལ་བ་བ་ཙོང་ཁ་པ། རྒྱལ་བའི་ཡབ་གྱུར་བློ་གྲོས་རྒན་པོ་ཡི། །བཟང་པོའི་བརྟུལ་ཞུགས་འཆང་ཡང་གཞོན་ནུའི་གཟུགས། །ཟུར་ཕུད་ལྔ་ལྡན་དགེ་སློང་ཚུལ་འཛིན་པ། །གྲགས་པའི་མཚན་ཅན་ཁྱོད་ཀྱིས་འགྲོ་འདི་སྐྱོངས། །ཆུ་གླང་ཟླ་༧ཚེས་༡༧ལ་རི་རྒྱ་བ་དབང་རྒྱལ་རྡོ་རྗེས་ཕན་…

བསྙིལ། །ཤིང་སྟག་ནག་པ་ཟླ་བའི་བརྒྱད་གཏོར་གྱི་ཚེ་མགོན་པོ་ཆེ་ཆུང་ལས་མཁན་དང་བཅས་པར་སྙན་དར་ཕུལ་བའི་ཁ་བྱང་འཕྲིན་ལས་བྱེ་བའི་སྒོ་འབྱེད། ལྔ་ལྡན་སྣང་མཛོད་ཐུགས་གསང་དཔལ་བེའུར། །རྡོ་རྗེ་སྲིན་པོའི་གཟུགས་ཤར་གུར་གྱི་མགོན། །འཕྲིན་ལས་མ་ལུས་སྒྲུབས་ཞེས་བསྐུལ་བྱེད་ན། །མཧཱ་ཀཱ་ལིའི་འཁོར་ལོས་སྒྱུར་རྒྱལ་དགོངས། །དཀར། གངས་རིའི…

གསང་བའི་མཆོད་པ་འདི་བཞེས་ལ། །ཞི་རྒྱས་དབང་དྲག་འཕྲིན་ལས་མ་ལུས་སྒྲུབས། །བེག་ཙེ། གནོད་སྦྱིན་ཡོངས་ཀྱི་མངའ་བདག་བེག་ཙེ་དང་། །བསམ་ངན་སྦྱོར་རྩུབ་འཆང་བའི་དགྲ་བགེགས་ཀྱི། །ལང་ལོང་ཁོལ་བའི་སྙིང་གི་ཁྲག་དྲོན་འཐུང་། ཤིང་སྟག་ཟླ་བ་ལྔ་པའི་ཚེས་བཅུ་ལ་ཕན་བདེ་ལེགས་བཤད་གླིང་པའི་ཆོག་གྲྭ་བཞིར་དགེ་སློང་འཇམ་དཔལ་དབྱངས་གྲགས་པ་སྤུན…

པའི་རེ་སྐོང་། འདོད་པ་ཁམས་ལ་དབང་སྒྱུར་རེ་མ་ཏཱི། །བཙན་རྒོད་ཡང་ལེ་བེར་སོགས་སྲུང་མ་ཡིས། །ཆོས་ལྡན་བསམ་པའི་བྱ་བ་མཐར་ཕྱིན་མཛོད། །སྲིད་པའི་ལྷ་ཆེན་མཐུ་སྟོབས་རྫུ་འཕྲུལ་ཅན། །འཕྱོས་ལུང་སྐྱོང་བའི་དྲང་སྲོང་དཀོན་པ་དང་། །གཏེར་སྲུང་བཤན་པ་རྫོང་བཙན་དགྲ་ལྷ་ཡིས། །འགལ་རྐྱེན་ཀུན་སོལ་རེ་བ་མ་ལུས་སྐོངས། །བལ་གླང་སྣ་རིང་ལ་ཞོན་…

ལྡན་གྱི། །སྐྱེ་རྒུའི་ཚེ་དང་སྐལ་མཉམ་ཐོབ་པར་ཤོག །ཕུལ་བྱུང་ཞི་བའི་འཕྲིན་ལས་ཀེ་ཏ་ཀས། །འཁོར་འདས་ཉེས་བརྒྱ་རྙོག་མས་སྦགས་པའི་ཀླུང་། །རབ་བགྲུངས་བདེ་ལེགས་གཟུགས་བརྙན་འཆར་བྱེད་པའི། །དཔལ་ལྡན་དུང་སྐྱོང་དབང་མོས་རྟག་ཏུ་སྐྱོངས། །ཤིང་སྟག་ཟླ་བ་བརྒྱད་པའི་ཚེས་བཅོ་བརྒྱད་ལ་རྣམ་པར་རྒྱལ་བའི་ཕན་བདེ་ལེགས་བཤད་གླིང་དུ་འཇམ་དཔལ་ཚ…

དགའ་སྟོན་དཔལ་ལ་རྟག་སྤྱོད་མཛོད། ཤིང་སྟག་ཧོར་ཟླ་བཅུ་གཉིས་པའི་ཚེས་ལྔ་ལ་འཕྱོང་རྒྱས་པ་ངག་དབང་བསྟན་འཛིན་གྱིས་རྣམ་པར་རྒྱལ་པའི་ཕན་བདེ་ལེགས་བཤད་གླིང་དུ་དུང་གོས་དང་སྙན་དར་སྣ་ཚོགས་བདུན་ཅུ་དོན་བདུན་ཕུལ་བའི་ཁ་བྱང་རིག་འཛིན་བཀྲ་ཤིས་གཡས་འཁྱིལ། ཨཽ་ཌྜི་ཡཱ་ན་གཉིས་པ་ངེས་གསང་གི །ཐེག་མཆོག་ཆོས་མཛོད་ཀུན་དགའ་ར་བ་རུ། །གསུམ་ལ…

བསྟན་དགྲའི་པད་དཀར་འདབ། །ཟུམ་སྟེ་དམིགས་སུ་མེད་པར་རྒྱས་ཐོབ་ཅིག །སེར་པོ། ཛམྦུ་གསེར་གྱི་སྙེ་མའི་གཟི་འོད་ཀྱིས། །ལུང་རྟོགས་ཚེ་དང་བསོད་ནམས་ཟླ་ཚེས་པ། །བླ་ནས་བླར་འཕེལ་ཕུན་ཚོགས་རྣམ་རྒྱས་པའི། །སྣང་བས་ཕན་བདེའི་ཀུནྡ་བཞད་པར་མཛོད། །དཀར་པོ། པད་རཱག་མདངས་ཟེར་རྣོན་པོའི་ལྕགས་ཀྱོ་ཡིས། །མཐོ་རིས་གནས་སོ་ཅོག་འགྲོའི་སྙིང་ཕུག…

གུར། བདེར་གཤེགས་ཀུན་གྱི་འཕྲིན་ལས་ཁོལ་མའི་ཞུན། །རྡོ་རྗེ་སྲིན་པོའི་གཟུགས་སུ་རབ་སྨུགས་པའི། །དྲག་ཤུལ་ཚ་ཚ་འཕྲོས་པས་ཡིད་སྲུབས་སྡེ། །ཕྱེ་མར་ཐོགས་ཤིགས་མ་ཧཱ་ཀཱ་ལ་ཀྱེ། །ཞལ། རྡུལ་དྲལ་སྟོན་ཟླ་བཞུན་མ་བྱུགས་པའི་བཞིན། །དཀར། ཁྲོ་འཛུམ་འདབ་བརྒྱ་གྲོལ་བའི་སྣང་བ་ཡིས། །ཉེས་བརྒྱའི་དཔུང་ཚོགས་སྟུག་པོ་སྨག་གི་རུམ། །རབ་སངས་ཞི་…

འཁྱུད་བྱུ་རུའི་ལྷུན་པོའི་གཟི། །འཕྲོག་མཛད་གནོད་སྦྱིན་ལྕམ་དྲལ་འཁོར་ཚོགས་རྣམས། །སྟོང་གསུམ་སྐད་ཅིག་མྱུལ་ལ་གནག་པའི་དགྲའི། །བྱང་ཁོག་གཤགས་ནས་དོན་སྙིང་དམར་ཟས་མཛོད། །ཤིང་སྟག་ལྗངས་རྒྱལ་ཐང་དུ་རྒྱབ་བྱས་གཙོས་ཀར་དགོན་སོགས་སྐྱ་སེར་དུ་མ་ཨུ་ཆིར་པཱ་ཐུར་ཐའི་ཇིས་ཐོག་དྲངས་བོད་སོག་གི་དཔུང་འབྱོར་པ་ཙམ་ནས་དམིགས་མེད་དུ་སོང་བ…

གོས་མུ་མིན་མདོག་ལུག་གི་སྙན་ཤལ་ཕུལ་བའི་ཁ་བྱང་ཡོངས་འདུའི་འབྲས་སྨིན། བརྒྱ་ཕྲག་ཉི་མས་འཁྱུད་པའི་སྟང་ཟིལ་རི། །མིའུ་ཐུང་སྲིན་པོའི་གར་མཁན་ནག་པོ་ཆེ། །བསྟན་སྲུང་ཡོངས་ཀྱི་འཁོར་ལོས་སྒྱུར་བའི་ལྷ། །མཐུ་སྟོབས་དབང་ཕྱུག་གུར་གྱི་མགོན་པོ་ཀྱེ། །འཕགས་བོད་རྩ་རྒྱུད་བླ་མའི་དམ་ཚིག་བཞིན། །འཇིག་རྟེན་ཀུན་བདེ་ཐུབ་པའི་ལུང་རྟོགས་…

དམ། །ཉེར་བཞགས་མ་བསྙེལ་སློབ་བཤད་འཆད་ཉན་ལ། །འཚེ་བའི་བདུད་རིགས་སྡེ་བཅས་ཐལ་བར་རློག །གསུང་ངག་གསེར་ཆོས་བཅུ་བཞི་མགོན་ཟུང་གི །ཟབ་དོན་རང་བསྟན་ཁའུ་བྲག་རྫོང་སྲོལ། །ཉི་མའི་དངོས་བརྒྱ་འཛིན་པའི་འོད་པོ་ཆེའི། །སྣང་བས་ཡིད་ཀྱི་འདོད་པ་ཀུན་འཇོར་མཛོད། །རབ་བྱུང་བཅུ་གཅིག་པའི་སྲིན་པོ་ཞེས་པ་ཤིང་ཡོས་ཀྱི་ལོ་གདན་ས་པ་བར་པ་ཤབ་དགེ…

ཤིང་ཡོས་ཀྱི་ལོ་གདན་ས་བར་པ་ཤབ་དགེ་སྡིངས་བཀྲ་ཤིས་བསམ་གྲུབ་ཏུ་ས་སྐྱ་ཁྲི་ཆེན་ངག་དབང་བསོད་ནམས་དབང་ཕྱུག་དང་། ཁྱབ་བདག་བཀའ་འགྱུར་པའི་དཔོན་གནས་གསར་ངག་དབང་བསོད་ནམས་སོགས་ལ་མཁན་ཆེན་ཆོས་ཀྱི་རྒྱལ་པོ་ཞ་ལུ་པས་སློབ་བཤད་སྙན་བརྒྱུད་བཞི་ལྡན་སྩལ་བའི་ཚེ། བླ་བྲང་བཞི་ལས་སྙན་བརྒྱུད་བསྟན་པའི་འབྱུང་གནས་རིན་ཆེན་སྒང་མགོན་ཁང་དུ་…

བེག་ཙེ་ལྕམ་དྲལ་ལ་ཆ་བདུན་ཁ་བཏགས་འདོམ་འཁོར་མའི་སྙན་ཤལ་ཕུལ་བའི་འདོད་པའི་ཡིད་བཞིན་རེ་སྐོང་། ཟངས་ཁྲག་རལ་པ་གསིག་པའི་གནོད་སྦྱིན་དང་། །སྲིན་མོ་བཤོས་སྲས་ཟངས་ཀྱི་བེག་ཙེ་ཅན། །རིག་པའི་ལྷ་མོ་གར་གྱི་དབང་ཕྱུག་མ། །བཀའ་སྡོད་བཤན་པའི་དམག་ཚོགས་སྙན་གསོན་ཅིག །པདྨ་ཐོད་འཕྲེང་གྲུབ་དབང་འདར་འཕྱར་ཞབས། །ཆོས་ཀྱི་རྒྱལ་པོ་བློ་གསལ་…

པ་དམར་པོ་དང་། །ཁྱབ་འཇུག་པེ་ཧར་སྐུ་ལྔ་ཡང་ལེ་བེར། །རྡོར་ལེགས་ལ་སོགས་དྲེགས་པའི་སྡེ་དཔོན་ཚོགས། །དེང་འདིར་བཅོལ་བའི་འཕྲིན་ལས་སྒྲུབ་པར་མཛོད། །ཧེ་རུ་ཀཿདཔལ་སྤྱན་སྔར་བདུད་སྡེའི་དཔུང་། །འཇོམས་ཤིང་དཀར་པོ་དམ་པའི་ཆོས་སྐྱོང་བར། །ཞལ་འཆེས་བསྟན་སྲུང་རྒྱ་མཚོའི་ཚོགས་རྣམས་ཀྱིས། །མ་གཡེལ་བཅོལ་བའི་འཕྲིན་ལས་ཐམས་ཅད་སྒྲུབས། །…

མཚན་མ་རྙེད་པའི་དུས་ཡར་ཀླུངས་བཀྲ་ཤིས་རྩེ་ཆོས་སྡེར་མགོན་ཆེ་ཆུང་ལས་མཁན་གཉིས་དང་བཅས་པར་བསྐང་བཤགས་གཟབས་རྒྱས་བཏང་བའི་ཚེ་དགྱེས་མཛད་རྡོ་རྗེ། མགོན་པོ་ཡབ་ཡུམ་ཞལ། པུ་ཏྲ། བེག་ཙེ་རྣམས་ལ་སྙན་ཤལ་ཕུལ་བའི་ཁ་བྱང་དཔག་བསམ་སྙེ་མ། དགྱེས་མཛད་རྡོ་རྗེ་གུར་མགོན་ཞལ་བཞི་པ། །ལས་མཁན་བཅས་པས་ཁྱབ་བདག་པདྨ་དབང་། །སྤྲུལ་པའི་གར་ལ་བགེགས…

གྱི་ཁ་བྱང་སེང་གེའི་ང་རོ། སྲིད་གསུམ་ཟ་བའི་ཞལ་དགུ་ཆེར་གདངས་པས། ཁྲོ་གཞན་ལག་ཆ་སྟབས་ཅིག་མཆོར་མཛད་པའི། །བཀའ་སྡོད་ཐོད་པ་ལྕགས་ཀྱི་གྲོང་ཁྱེར་ན། །སྐྱེ་རྒུའི་སྲོག་བདག་ལས་གཤིན་ཡབ་ཡུམ་ཀྱེ། །དང་པོའི་མགོན་པོ་ཁ་སྦྱོར་བདུན་ལྡན་ནས། །ལཱ་ལི་ཏས་མཚོན་འཕགས་བལ་པཎ་གྲུབ་དང་། །རྭ་སྐྱོ་ཞང་མལ་གཉོས་ཏེ་ལོ་ཆེན་ལྔ། །ཁྱད་པར་མཐུ་སྟོབ…

ས་སྤྱོད་རྒྱལ་པོ་ཡི། །ཁྲིམས་ཀྱི་གཉའ་ཤིང་རབ་ཏུ་ལྕི་བར་མཛོད། །སྡེ་འདིར་བསམ་སྦྱོར་ངན་འཆང་དགྲ་བགེགས་ཀྱི། །སྙིང་གི་ཁྲག་དྲོན་ཞལ་དུ་གསོལ་བ་དང་། །མ་བྱོན་སངས་རྒྱས་གསུམ་པར་འཚང་རྒྱ་བའི། །བུ་སྟོན་ཆོས་རྗེའི་རིང་ལུགས་དར་བར་མཛོད། །གོང་འོག་རྒྱུད་སྡེའི་རྒྱུན་བཟང་རིན་ཆེན་འཕྲེང་། །མཁས་གྲུབ་དམ་པའི་བཞེད་པ་དྲི་མེད་དང་། །ཚ…

གཙུག་ཏོར་ཚངས་པའི་ཡུལ་ས་ནས། །ཡོངས་བརྒལ་རྒྱས་པའི་འཕྲིན་ལས་སྒྲུབ་པར་མཛོད། །དམར། རྗེས་ཆགས་ཨུཏྤལ་དམར་པོའི་ཞགས་པ་ཡིས། །བརྟན་གཡོའི་དངོས་ཀུན་བཅིངས་པའི་རལ་པའི་རྩེར། །མཛེས་བྱེད་རྐང་སེན་ཟླ་བ་ཡོངས་ཚེས་པས། ཁམས་གསུམ་དབང་དུ་སྡུད་པའི་འཕྲིན་ལས་མཛོད། །མཐིང་། གཏུམ་དྲག་རྣོན་པོའི་མཚོན་ཆས་དགྲ་བགེགས་ཀུན། །མི་རྟག་ལམ་དུ་འགོ…