མ་ཎི་མ་ཀག་ལངས་རག་ཇུས། ཡང་མ་གོས་དམར་དྲ་ལྕགས་གོས་སྐྱེར་གྱིས་བྱས་པ་དགུ། གོས་སྐྱེར་གྱི་གཅིག །བྱང་དར་ཟ་ཧུན་ལ་དྲ་ལྕགས་གོས་སྐྱེར་གྱིས་བྱས་པ་བཞི་རྣམས་ཕུལ་བའི་ཁ་བྱང་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་ཀྱིས་བགྱིས་པ་སརྦ་མངྒ་ལཾ་བྷ་ཝནྟུ། །ལྗོན་དམར་ལས་གྲུབ་ཀ་ཐོ་ར། …

འཛིན་ཀུན་ཁྱབ་སྐྱོང་ཁྱོད་ཞབས་བརྟན་ཤོག །ཞྭ་སེར་ཅོད་ཅན་འཆང་བའི་ཆོས་འདི་བསྟན། །གྱེན་འདེགས་གནམ་སའི་དབང་ཕྱུག་སྐུ་ཚེ་དང༌། །མངའ་ཐང་ཆབ་སྲིད་རབ་འཕེལ་ཁྲིམས་གཉིས་ཀྱི། །གསེར་ཤིང་གཉའ་བར་རྟག་ཏུ་ལྕི་བར་ཤོག །ཨེ་དབྱིབས་རིག་པའི་འབྱུང་གནས་ལྟེ་བ་རུ། །བཀྲ་ཤིས་རི་སྒོ་སྟེང་གི་ཆོས་ཀྱི་སྡེ། །འཁོར་ལོ་གསུམ་གྱི་བྱ་བ་བསྐལ་མཐའི་བ…

སྐུར། །གསལ་བས་སྐྱེ་འདིར་བདག་རྒྱུད་བྱིན་རླབས་ཅིང༌། །ཕྱི་མ་བདེ་བ་ཅན་དུ་འདྲེན་པར་ཤོག །ཅེས་པའང་བཱ་མཁན་དགེ་སློང་གི་ངོར་བྲིས། །སྒྲུབ་བརྒྱུད་ཨུཏྤལ་མ་རྙིངས་གསར་པའི་འཕྲེང༌། །ཚད་མེད་སྐལ་ལྡན་ལེགས་བྲིས་ཐོད་བཅིངས་མཐར། །སྤྲུལ་སྐུའི་སྣང་བརྙན་ཟླ་བ་ཡོངས་ཚེས་པ། །གདུལ་བྱའི་ཀུ་མུད་བཞད་ཕྱིར་མྱུར་འཆར་ཤོག །ངག་དབང་དབྱངས་ཅན…

བར་འབྱུང་བའི་བདེན་སྟོབས་མཐུས། །བསམ་དོན་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་མཉམ་མེད་འབྲུག་པ་རིན་པོ་ཆེའི་བསྟན་འཛིན་མང་ཐོས་གནས་ལྔ་རིག་པ་ཅོག་གྲ་སྤྲུལ་སྐུ་ངག་དབང་སྙན་གྲགས་བཟང་པོའི་སྐུ་སྐྱེ་མྱུར་གསལ་དུ་འབྱོན་པའི་སྨོན་ལམ་ངག་དོན་དུ་བྱས་ཆོག་པ་དགོས་ཚུལ་གྲ་རིགས་རྣམས་ཀྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི…

འདེབས། །འདིས་མཚོན་བྱས་སོ་ཅོག་གི་བསོད་ནམས་འབྲས། །བདག་གཞན་སངས་རྒྱས་མྱུར་ཐོབ་རྒྱུ་རུ་བསྔོ། །དགའ་བཞིའི་འགྲོས་ཀྱིས་ཟག་མེད་བདེ་ལྡན་གྲོང༌། །ངེས་གསང་རིག་སྔགས་འཆང་བ་འདུས་པའི་གླིང༌། །ཉན་ཐོས་འདུལ་ཁྲིམས་བག་ཡོད་བསྐྱེད་རྫོགས་དང༌། །རྫོགས་ཆེན་ལྷ་སྔགས་ཡེ་ཤེས་ལ་རོལ་ཤོག །སྲིད་ཞི་ཡོངས་ཀྱི་ལེགས་ཚོགས་མ་ལུས་པས། །སྡེ་འདི་ར…

རིག་གསུམ་ཆོས་སྐུའི་ཀློང་གྲོལ་ཤོག །ཅེས་པའང་བློ་བཟང་དོན་ཡོད་ཀྱིས་བཀའ་བརྒྱད་ཀྱི་བྲིས་ཐང་བཞེངས་པའི་རྒྱབ་ཡིག་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པའོ། །ཕྱག་ན་པདྨའི་ཡེ་ཤེས་གཅིག་པུའི་ཟླ། །གདུལ་བྱའི་དངས་མཚོར་ཤར་ཚད་ཚུར་མཐོང་བློས། །ཞལ་དཀར་ཇི་ཙམ་སྤོབས་པའི་མིག་འཕྲུལ་གར། །མཁའ་…

ལྔ་བརྒྱའི་གཙུག་རྒྱན་དཔལ་ལྡན་ཨ་ཏི་ཤཱ །བཀའ་གདམས་མེས་པོ་འབྲོམ་སྟོན་ཆོས་ཀྱི་རྒྱལ། །ཡབ་སྲས་ཟུང་དང་ལས་སྨོན་འབྲེལ་ཙམ་གྱི། །འཇམ་དབྱངས་དགའ་བའི་བཤེས་ལ་ཕྱག་འཚལ་ལོ། །ལྷ་མིའི་དཔལ་འབྱོར་ལོངས་སྤྱོད་ཇི་སྙེད་པས། །ཉེར་མཚོན་མཆོད་པའི་སྤྲིན་ཕུང་མཐའ་ཡས་གང༌། །འཕགས་པ་ཀུན་ཏུ་བཟང་པོའི་རྣམ་སྤྲུལ་ལས། །བྱུང་བ་ཇི་བཞིན་དངོས་བཤམས་…

དཀའ་ཚོགས་མཐའ་ཀླས། །བསྐྲུན་པའི་དབང་པོ་ས་ཡི་ལྷ་མོ་ཡིས། །ཁས་བླངས་ནམ་ཡང་སླུ་མེད་བདེན་པའི་མཐུས། །ལུང་རྟོགས་བསྟན་པ་ཡུན་རིང་འབར་ཅིག །གྲི་གུག་དམར་ནག་དཀར་པོ་བརྒྱད་ཅུ་དང༌། །ཕྱེད་དཀར་ཇོ་བོ་ལ་སོགས་བཀའ་གདམས་ཀྱི། །བསྟན་པ་རིན་ཅེན་སྐྱོང་མཛད་ཆོས་སྲུང་གིས། །བསམས་དོན་ལྷུན་གྱིས་གྲུབ་པའི་འཕྲིན་ལས་མཛོད། །ཅེས་ཡན་ལག་བདུན་པ…

ཆེད་དུ་སོར་རྩེས་བསྐྲུན། །ཐུགས་རྗེའི་ཉི་མའི་འོད་ཀྱིས་རབ་སངས་ནས། །རྡོ་རྗེའི་སྲོག་གི་ཀ་བ་གཡུང་དྲུང་གི །ངོ་བོར་ལྷུན་གྲུབ་འགྱུར་བ་མེད་པར་ཤོག །ཉིང་མཚམས་སྦྱར་ཚེ་བདེ་བ་ཅན་ཞིང་དུ། །མགོན་ཁྱོད་སྤྱན་སྔར་སྐྱེས་ཏེ་ཐེག་མཆོག་ཆོས། །ཐོས་བསམ་སྒོམ་པས་རང་རྒྱུད་ལེགས་གྲོལ་ནས། །གཞན་དོན་རླབས་ཆེན་སྤྱད་པ་སྤྱོད་པར་ཤོག །ཅེས་སྒྱ…

ལྡན་རིང་ལུགས་གསང་བ་སྔགས་ཀྱི་སྡེ། །ཐོས་བསམ་སྒོམ་པའི་ཡང་རྩེར་རབ་སོན་པ། །ལུས་ཅན་བསོད་ནམས་ཞིང་དུ་དར་བར་ཤོག །པདྨ་སཾ་བྷ་སྲོང་བཙན་སྒམ་པོའི་ཞབས། །ཇོ་འབྲོམ་ལ་སོགས་སྔ་ཕྱི་བར་གསུམ་དུ། །རིམ་བྱོན་དངོས་བརྒྱུད་བླ་མའི་བཀའ་སྲུང་གིས། །བསམ་པའི་རེ་བ་སྐོང་བའི་འཕྲིན་ལས་མཛོད། །ཅེས་ངེད་རང་དང་སྡེ་པ་ཐུན་མོང་གི་རིང་འཚོའི་ཚིགས…

རབ་འབྱམས་པ་བློ་བཟང་རྒྱལ་མཚན་གྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་གནས་བརྟན་འཇམ་གྲགས་པའོ། །འཆི་མེད་མཆོག་སྩོལ་བཅོམ་ལྡན་གར་གྱི་དབང༌། །འཕགས་མ་ཡིད་བཞིན་འཁོར་ལོ་ཚེ་སྦྱིན་མ། །ཐུབ་པས་རབ་སྔགས་རྣམ་པར་རྒྱལ་མ་ཡིས། །བདུད་རྩིའི་རྒྱུན་གྱིས་སྲོག་གི་ཀ་བ་ཚུགས། །སངས་རྒྱས་གཉིས་པ་རྗེ་བཙུན་བཙོང་ཁ་པའི། །བསྟ…

།རྒྱུ་འབྲས་རྟེན་འབྱུང་ནམ་ཡང་བསླུ་བ་མེད། །ལྷ་དང་དྲང་སྲོང་རིག་འཛིན་ཚོགས་རྣམས་ཀྱིས། །བཀྲ་ཤིས་དཔལ་གྱི་ཟླ་བ་ཡར་རྒྱས་ཤོག །ཅེས་བདེན་ཚིག་གི་ཤིས་པ་བརྗོད་པ་འདིའང་མེ་རག་བླ་མ་བློ་གྲོས་རྒྱ་མཚོས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་མཐར་རྒྱས་པ་བློ་བཟང་དབང་པོས་བགྱིས་པ་ཛ་ཡནྟུ། །སངས་རྒྱས་ཀུན་འདུས་པདྨ་ཐོད་འ…

ཚེ་དཔལ་འབྱོར་པ་དང་མཚུངས་ཐོབ་པར་ཤོག །གདོད་ནས་རྣམ་དག་ཆེ་མཆོག་ཧེ་རུ་ཀཿ །གཉིས་མེད་མ་ནིང་ནག་པོར་ཡོངས་ཤར་བ། །ཆོས་དང་གཏེར་སྐྱོང་སྲུང་མའི་ཚོགས་རྣམས་ཀྱིས། །བསམས་པ་ལྷུན་གྱིས་གྲུབ་པའི་འཕྲིན་ལས་མཛོད། །ཅེས་པ་འདིའང་འབྲོམ་གྱི་སྔགས་འཆང་རྡོ་རྗེ་དབང་གྲགས་རྒྱ་མཚོས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་མཐར་རྒ…

མེད་ནས། །བསགས་པའི་དགེ་ཚོགས་མཐུ་ལས་དལ་བའི་རྟེན། །ལེགས་ཐོབ་གྲྭ་རིགས་སྦྱིན་བདག་ཚོགས་རྣམས་ཀྱིས། །མངོན་སུམ་ངེས་རྙེད་འདོད་དོན་འགྲུབ་བྱིན་རློབས། །ཞེས་པའང་ཨ་ཆི་ཐུ་ཆོས་རྗེའི་གྲྭ་རིགས་རྣམས་ཀྱིས་བསྐུལ་བའི་ངོར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པའོ། །མ་རིག་མུན་སེལ་སྒྲོན་མེ་སྦར་སྣོད་ཀོང༌། །ཉེར…

སེམས་བསྐྱེད་དག་པའི་སྨོན་ལམ་མདོ། །དཔལ་གྱི་མགུར་ནས་ཉེར་གསུང་ཐུགས་དབང་གི །སླུ་མེད་བཀའ་ཡི་དོན་བཞིན་འཇིག་རྟེན་གསུམ། །བདེ་ལེགས་སྒོ་འཕར་བརྒྱ་ཕྲག་འབྱེད་པར་ཤོག །རྣམ་འདྲེན་མཆེད་བརྒྱད་བྱང་སེམས་གནོད་སྦྱིན་སོགས། །ཕོ་བྲང་ཆེན་པོའི་ཁོར་ཡུག་མཛེས་བརྗིད་པས། །སྙིགས་མར་ཆེར་སྤྱོད་སྐྱེ་རྒུ་མཐའ་ཀླས་པའི། །མགོན་སྐྱབས་གཉེན་དང…

འོད་མཆེད་བདུན་མཆོད་ཆོག་རྒྱུན། །ཉེར་འཛུགས་དངོས་གྲུབ་རྒྱ་མཚོ་གཉེན་མདུན་དང༌། །རྩ་ལག་བཅས་པའི་འདི་ཕྱི་བར་གསུམ་གྱི། །འདོད་ཡོན་མ་ལུས་ལྷུན་གྱིས་གྲུབ་པར་ཤོག །རྡུལ་བྲལ་སྟོན་ཟླ་ལྟ་བུར་རབ་དཀར་བ། །རྣམ་དག་བསམ་པས་ལེགས་བཏབ་སྨོན་ལམ་འབྲས། །ཡོངས་སྨིན་འཕྲིན་ལས་གནོད་སྦྱིན་དེད་དཔོན་དང༌། །སྟོབས་ཆེན་རྒྱལ་པོ་སྡེ་བཞིས་སྤེལ་བ…

།སངས་རྒྱས་ཀུན་དངོས་པདྨ་ཐོད་ཕྲེང་རྩལ། །ལྔ་བརྒྱའི་གཙུག་རྒྱན་ཇོ་བོ་ཡབ་སྲས་དང༌། །ཀུ་མ་ར་ཛ་ཀློང་ཆེན་རབ་འབྱམས་སོགས། །སྐྱེས་མཆོག་མང་པོས་བྱིན་བརླབས་ངོ་མཚར་གནས། །རྟེན་དང་བརྟེན་པར་བཅས་པའི་གནྡྷོ་ལར། །དུས་བཟང་རྩ་གསུམ་མཆོད་པའི་རྒྱུན་འཛིན་པ། །ལྷ་ལྡན་བྱ་འདབས་ཚེས་བཅུ་ཤར་མ་བ། །སྤྱི་བསྡུས་གན་གོས་འཕན་མང་ཕུལ་བའི་དགེས། …

སེམས་ཅན་ཡོད་དོ་ཅོག །མངོན་མཐོ་ངེས་ལེགས་སར་འཁྲིད་ཤིང་རྟ་ཆེ། །ཐུབ་བསྟན་མ་ལ་ཡ་ལྗོན་དར་བའི་དྲིས། །འགྲོ་རྣམས་སྙིང་ལ་སིམ་པའི་རེག་བྱར་ཤོག །ཕྱན་ན་པདྨས་ཆེད་དུ་འདུལ་ཞིང་དངོས། །བོད་དང་བོད་ཆེན་བཤད་དང་སྒྲུབ་པའི་སྡེ། །ནོར་འཛིན་སྐྱོང་བའི་དབང་ཕྱུག་འབངས་བཅས་ལ། །གནོད་བྱེད་ཉེར་འཚེ་མ་ལུས་བཟློག་ཏུ་གསོལ། །འབྲུམ་ནག་སྟོད་ཚད…

ནུས་མཐུ་ཡིས། །བགྲང་ཡས་རིགས་རྣམས་ཀུན་གྱི་ཁྱབ་བདག་ཆེ། །བློ་གྲོས་མཆོག་གི་རྡོ་རྗེ་དཔལ་བཟང་པོའི། །སྤྲུལ་སྐུའི་ཟློས་གར་མྱུར་སྟོན་བཀའ་གཏེར་གྱི། །བཤད་སྒྲུབ་བསྟན་པའི་སྒྲོན་མེ་སྦར་བར་ཤོག །སྐྱབས་གསུམ་ལྷ་དང་དྲང་སྲོང་བདེན་ཚིག་སྟོབས། །རྒྱུ་འབྲས་རྟེན་ཅིང་འབྲེལ་འབྱུང་སླུ་མེད་མཐུས། །སྨོན་ལམ་ཅི་བཏབ་རེ་བ་མ་ལུས་པ། །བསམ…

མི་འདའ་རྡོ་རྗེའི་སྐུ་བརྙེས་པདྨ་འབྱུང༌། །ཟླ་བྲལ་གཏན་གྱི་སྐྱབས་ཀྱི་བདག་བྱིན་རློབས། །ཚངས་པ་ལྷ་ཡི་མེ་ཏོག་བག་ཆགས་མཐུ། །སྲིད་པས་ཞི་ཁྲོ་ཆེ་མཆོག་འདུས་པའི་རྩལ། །གན་ཇག་ཐང་ཏའི་སྒྱུ་འཕྲུལ་གཏེར་བདག་གླིང༌། །རྣམ་འདྲེན་ཟུང་གིས་ཚེ་རབས་ཀུན་ཏུ་སྐྱོངས། །རིགས་འདུས་པདྨ་ཀ་རའི་རྣལ་འབྱོར་དང༌། །ཡི་དམ་འཇིག་རྟེན་དབང་ཕྱུག་སྒོམ་…