ཀྱི་ངེས་པ་རྙེད་དེ་ཞལ་ཟས་ཁྲུ་དོ་ཙམ་བརྒྱ་རྩ། མར་མེ་བརྒྱ་རྩ་སོགས་མཆོད་པ་མང་པོ་སྐུ་ལ་དངོས་སུ་བསྐོར་ནས་ཕུལ་བས། རིག་འཛིན་ཡོལ་མོ་བ་ཆེན་པོས། མགོན་དེས་རྗེས་བཟུང་མི་ཕམ་བློ་གྲོས་ལ། པདྨས་ལུང་བསྟན་གང་གི་སྤྲུལ་པའི་སྐུར༔ ངེས་ནས་ཀུན་བཟང་མཆོད་སྤྲིན་ལྟ་བུ་ཡི། །མཆོད་སྤྲིན་རྒྱ་མཚོས་མཆོད་ལ་གསོལ་བ་འདེབས། །ཞེས་སོ། །རིག་འཛ…

ཚོགས་པ་མཐོང་ནས། དེར་འཁོད་པ་རྣམས་ལ། དམ་བདར་མ་ཚར་པར་རྒྱུ་འགྲུལ་མ་བྱེད། ཐོ་རེང་ཁ་རླངས་ཀྱི་དུག་ཕོག་ཉེན་ཆེ་ཟེར་བས། མི་རྣམས་འཇིགས་སྐྲག་གིས་བློ་ཚབ་ཚུབ་ཏུ་གྱུར། བླ་མ་དཔའ་བོས་མཐོང་བ་ལྟར་རྗེ་ཉིད་ཀྱིས་ཀྱང་གཟིགས། གཞན་ཡང་མནན་སྲེག་འཕང་གསུམ། ས་གནད་གསོ་བ་སོགས་ཀྱི་སྒོ་ནས་བོད་དང་བོད་ཆེན་པོའི་རྒྱལ་ཁམས་ཀྱི་བདེ་ཐབས་མང་ད…

བྱུང་བ་ལ། རྗེས་སུ་ལས་འབྲས་ཀྱི་ངང་ཚུལ་ལ་བསམས་ཏེ་འགྱོད་པ་དང་བསྟན་སྲུང་གི་ཆོ་འཕྲུལ་ལ་རྣམ་རྟོག་སྣ་ཚོགས་འཆར་བ་སོགས་སྒོ་དུ་མའི་རྒྱུས། རིག་འཛིན་ཆེན་པོ་འདི་ཉིད་ལ་དགྲ་ཤུལ་དར་འཇམ་དུ་སོང་སྟེ་དགོན་སྡེ་དེ་དག་གིས་སེར་འཕྲེང་གི་བསུ་བས་སྔུན་བསུས་ཤིང་བསྙེན་བཀུར་དང་ཕུ་དུད་རྒྱ་ཆེར་བསྟབས། འབྲུ་ལ་དགོན་དུ་ཆོས་ཀྱི་རྒྱལ་པོ་…

ཕྱིན་ཆད་ཡུལ་འདིར་ལོ་ཉེས་ནད་ཡམས་འཁྲུག་ལོང་ཅི་བྱུང་ཡང་མཆོད་རྟེན་འདི་ལ་ཚོགས་བརྒྱ། ཕྱག་མཆོད་སྨོན་ལམ་ཐོབ། བསམས་པ་བཞིན་དུ་འགྲུབ་ཅེས་གསུངས་པ་ད་ལྟའི་བར་དུ་སླུ་མེད་ཀྱི་རྒྱུ་ལས་འབྲས་བུ་འབྱུང་བར་ཡོད་འདུག་པ་ནི། སྐུ་གསུང་ཐུགས་ཀྱི་གདུལ་བྱ་ལས། རོང་སྒོ་ས་སྒོ་ཐམས་ཅད་དུ༔ བྱང་ཆུབ་ཆེན་པོའི་མཆོད་རྟེན་བཞེངས༔ ཞེས་དང་། དེ་…

མཛད་པར་གྲོང་ཚོ་གཅིག་གིས་མ་ཉན་པས་ཐོག་བབས་ཏེ་མི་ནོར་མང་པོ་ཆུད་ཟོས། དེ་ལ་འཇིགས་ནས་ཐམས་ཅད་ཀྱིས་ཟླ་བ་བདུན་གྱི་བར་ཆིངས་བྱེད་པར་ཁས་བླངས། ཟླ་བ་བདུན་སོང་བའི་འཚམས་ལ་ཡུལ་སྟོད་པས་ཡུལ་སྨད་པ་ལ་དམག་དྲངས་པས། ཡུལ་སྨད་པའི་དཔོན་གྱིས་ཁང་ཐོག་ནས། ངེད་ཚོས་བླ་མ་བྱང་པ་ཆོས་རྗེའི་གསུང་མ་བཅག །ཁྱོད་རང་ཚོ་ཡང་དེ་འདྲ་མི་དགའ། ཡར་ལོ…

བླ་མ་འདིའི་ཡབ་བྱོན་དུས་ཐུགས་འགལ་མང་པོ་བྱས་པས་ཆོ་འཕྲུལ་ཆེན་པོ་བྱུང་། བླ་མ་འདི་པ་ཁ་སང་ཀ་ནམ་དུ་བྱོན་དུས་སྒྲ་དང་ས་གཡོས་སོགས་ལྟས་ཡ་མཚན་ཅན་བྱུང་སྐད་འདུག །གནོད་པ་བྱས་པ་མི་དགའ། བདེ་བར་ཕེབས་ཆུག་ཅེས་གྲོས་བཏོན་པས། རྩོད་པ་ཆོས་ཕྱོགས་སུ་ཞི། སྤོ་བོ་ནས་ལ་རྒྱབ་འོ་འདུ་སྒང་དུ་ཕེབས། དེ་མོ་སྤྲུལ་སྐུ་ལྷ་དབང་ཆོས་ཀྱི་རྒྱལ་…

བརྟེན་ནས་སྨིན་ཅིང་གྲོལ་བར་མཛད། རིམ་གྱིས་བི་རི་སྟོད་པ་དགེ་རྒྱས་ཀྱི་སྡེ་ཐོག་ཏུ་གདན་དྲངས། མར་མེ་གདོང་ལམ་ཟེར་བའི་སར་དཔོན་གྱིས་བསུ་བ་ལ་འོངས་པས་ངོ་མཚར་བའི་ལྟས་མཐོང་བས་རྐྱེན་བྱས་ཏེ་དད་པ་ཆེས་ཆེར་འཕེལ། རྟ་ནོར་ཕྱུགས་ལུགས་སོགས་འབུལ་བ་དང་ཞབས་ཏོག་མང་དུ་བྱས། བར་ཆད་སེལ་བ་དང་མངོན་མཐོ་ངེས་ལེགས་ཀྱི་ཐབས་སུ་འགྱུར་བའི་ད…

དེ་ནས་ཚེ་དབང་དང་གུ་རུ་དྲག་པོའི་དབང་སོགས་གནང་བས་སྐྱོན་མེད་དུ་སོས། གཉེན་བཤེས་མངའ་འབངས་མཐའ་དག་མི་ཕྱེད་པའི་དད་པ་ཐོབ། སློབ་དཔོན་ཆེན་པོས་གསོལ་འདེབས་བསམས་པ་ལྷུན་གྲུབ་མར་ཞལ་གྱིས་བཞེས་པའི་བཀའ་མི་འགྱུར་པའི་བདེན་པ་དངོས་སུ་བསྟན། དཔོན་བླ་མ་མགོན་གྱིས་ཚེ་རིང་ཐུང་སོགས་ཀྱི་ལུང་བསྟན་ཞུས་པས། དམག་ཇག་རི་དྭགས་སོགས་སེམས་ཅ…

བཀང་བ་མཛད་པས་རླུང་ཡེ་མེད་པ་ལ་ཚོགས་གུར་རླུང་ཆེན་པོས་བསྐྱོད་པ་ལྟར་འགུལ་བའི་ཚེ། རྔ་ཆིངས་དང་བསྟུན་དུར་ཁྲོད་བདག་པོ་ཡབ་ཡུམ་གར་མཛད་པ་མངོན་སུམ་དུ་གཟིགས། ཟུར་མང་ནས་རྒྱམ་ཤིས་ཟེར་བའི་ལ་བརྒྱུད་ནས་འདམ་ལྡོག་ཕྱོགས་སུ་ཕེབས་རྩིས་ལ། དེ་གོང་དུ་ཁ་བ་ཉིན་ཞག་བཅུ་དགུའི་བར་བབས་པས་ཉིན་ལམ་གསུམ་གྱི་ས་ཐམས་ཅད་གངས་ཀྱིས་ཁྱབ་སྟེ་མི…

ཕྱག་རྟེན་དུ་ཁྱེར་ཏེ་མཇལ་བར་བྱུང་བ་ལས། རིམ་གྱིས་ཕྱག་དབང་ཞུས་པས་གསུམ་པ་དེ་ལ། ཁྱོད་ཀྱི་ཕའི་ལག་པ་ལ་མཐེ་བོང་མེད་པ་ཅི་ཡིན་གསུངས་པས། དེའི་རྒྱུ་མཚན་ཞུ་ཞིང་ལྐོག་གྱུར་གྱི་ཆོས་རྣམས་མངོན་སུམ་དུ་མཁྱེན་པ་ལ་ངེས་ཤེས་ཆེར་རྙེད། དེ་ནས་ས་དཀར་དགོན་དུ་ཕེབས། རྗེ་གོང་མ་བཀྲ་ཤིས་སྟོབས་རྒྱལ་གྱིས་བི་མ་ལའི་སྤྲུལ་པར་ངོས་འཛིན་གནང…

ཟེར་བ་སོགས་ལྷས་བྱིན་དྲིན་གཟོ་མེད་པའི་རིང་ལུགས་ཁོ་ནར་བརྟེན་པ་རྣམས་ལ་ཡང་ཁྲོ་བ་ཡེ་མི་མཛད་ཅིང་སླར་ཕན་པ་འབའ་ཞིག་སྒྲུབ་པ་ནི་འཕགས་ཆེན་རྒྱལ་བའི་སྲས་ཀྱི་རྣམ་པར་ཐར་པ་སྟེ། ར་གན་གསེར་ཆུས་བྱུགས་པའི་ཆེར་རློམ་ཚུལ་འཆོས་མཁན་རྣམས་ཀྱི་སྤྱོད་ཚུལ་དང་འདྲ་བར་མི་སེམས་སོ། །མདོ་ཁམས་ཀྱི་གསང་སྔགས་རྙིང་མའི་བསྟན་པའི་འབྱུང་གནས་ལྟ…

རབ་འབྱམས་པ་སྦྱིན་བདག་རྣམས་དང་མ་མཐུན་པར་ལུང་པ་གསུམ་གྱི་གཅིག་ནས་གཅིག་ཏུ་ཡུལ་དོན་པའི་མཐར་རིམས་གདོན་དྲག་པོས་བཏབ་སྟེ་འཇིག་རྟེན་ཕ་རོལ་ཏུ་སོང་ངོ་། །དེའི་དུས་ཀྲེ་པོ་ན་ཀརྨ་པ་ཆོས་དབྱིངས་རྡོ་རྗེ་བཞུགས་ཡོད་འདུག་པ་མཇལ་བར་ཕེབས་པ་ལ་ལམ་ནོར་ཏེ་ཧོར་བེ་ལག་ཟེར་བའི་སྡེ་ཞིག་དང་ཉེ་སར་སྒར་བབས་པ་ན། ཧོར་རྣམས་ཀྱིས་གནོད་པ་བྱེད…

བྱུང་བ་མི་སྨུག་ཡོར་རེ་བ་ཞིག་གིས་བསྒྲིབས་ནས་གར་སོང་མ་བྱུང་གསུང་། དེ་ནས་སྔགས་འཆང་ཀུན་ལྷུན་པ་ཀྲེ་བོ་སྟོད་ཀྱི་དཔོན་པོའི་སར་ཇ་འདྲེན་ལ་བཏང་བའི་ཚེ་དཔོན་པོའི་མདུན་ན་སོག་པོ་འགའ་ཞིག་འདུག་པས། དཔོན་དེའི་ངག་ལས། ཁ་སང་སོག་པོ་འདི་ཚོས་ཁྱེད་དཔོན་སློབ་ལ་ངན་བྱེད་པར་བརྩམས་པ་ན། གློ་བུར་དུ་བོར་ནས་མ་མཐོང་འདུག་པས་ནུས་མཐུ་ཤི…

འབྲས་སྤུངས་སྤྲུལ་སྐུ་ལ་མཐུ་བསླབས་ནས་ངེད་ལ་མཐུ་བྱེད་རྩིས་བྱས་ཟེར་བ་དང་། ཀརྨ་པ་ལ་ཁྱེད་རང་ཚོ་དབང་ཆེ་མོད། ང་སྟག་ལུང་པའི་ཚོང་པ་རྒད་པོ་ཞིག་གིས་ཅི་ཤེས་ཟེར་བ་སོགས་གཡོ་སྒྱུ་ཁྲམ་གསུམ་ལ་གོམས་པའི་ཉམས་ཀྱིས་ཆེ་སྐད་ཆུང་སྐད་ཀྱི་གཏམ་ཡ་མ་ཟུང་སྣ་ཚོགས་སྨྲས་སྐད་དོ། །ནུབ་ཅིག་གནོད་སྦྱིན་ཆེན་པོ་ཁོག་ཏུ་ཞུགས་ནས། ཡང་རི་དྲུང་པ…

དག་ལ་བརྟེན་ནས་མང་དགེ་ཕག་མོ་དཔོན་གཡོག་ཡིད་ཆེས་ཀྱི་དད་པ་ཐོབ་སྟེ་མཇལ་བར་འོངས། ངས་གྲུབ་མཐའ་རིས་མེད་ཀྱི་བླ་མ་སྒར་པ་མང་པོ་བཅོམ་པ་ཡིན་ཏེ། མཐུ་དང་ནུས་པ་བྱང་པ་ཆོས་རྗེ་ཁྱེད་ལས་ཆེ་བ་མ་མཐོང་། ངའི་ཡུལ་ན་བླ་མ་རྒད་པོ་གཉིས་དབུས་གཙང་གི་གནས་མཇལ་བ་དང་སེར་འབྲས་དགེ་གསུམ་གྱི་གཙོས་པའི་དགོན་པ་མང་པོར་མང་བཀོལ་བ་གཏོང་རྒྱུ་ཡིན…

ཚུལ་དེ་དག་ལ་བརྟེན་ནས་ཡུལ་མི་མཐའ་དག་གིས་ཡུལ་ལུགས་དང་བསྟུན་པའི་བསྙེན་བཀུར་གྱ་ནོམ་པ་བསྟབས། རབ་བྱུང་སྔགས་པ་སྐྱེ་བོའི་ཚོགས་རྣམས་ལ་རང་རང་དང་འཚམ་པའི་ཆོས་ཀྱི་སྦྱིན་པ་རྒྱ་ཆེར་མཛད། ཁྱད་པར་ཕྱི་ནང་གང་དུའང་འཐབ་རྩོད་འཁྲུག་ལོང་ཆེན་པོ་མི་བྱེད་པའི་དམ་བཅའ་བཞེས་ཏེ་མི་འཇིགས་པ་སྐྱབས་ཀྱི་སྦྱིན་པས་འགྲོ་བ་རྣམས་ཀྱི་དབུགས་བད…

གསད་པ་སྐད་ཙམ་བྱུང་བའི་སྔོན་དུ་གནོད་སྦྱིན་པ་ཁོག་ཏུ་ཞུགས་ཏེ། དར་རྩེ་མདོ་བའི་ཨ་པོ་ཚོ། མགོ་མེད་ཀྱི་དཔུང་པ་རོང་རོང་དེ་ཨེ་མཐོང་ཟེར་བས། མདོ་པ་རྣམས་རྣམ་རྟོག་ཟ་བའི་མུས་ལ་གཏམ་གྱིས་སླེབ། དེའི་ཚེ་གྲྭ་པ་འགའ་ཞིག་ཁྱབ་འཇུག་གི་འཕྱར་དར་དང་བཅས་ཧ་ཀའི་རྫོང་གི་མདུན་དུ་ཕྱིན། ཁ་མཆུ་ལབ་པར་བརྩམས་པ་ན་ཧ་ཀ་རྣམས་ཀྱིས་མ་ཉན་པས། ཁོ…

ཇ་འབུམ་ཙམ་བརྩིགས་པ་སྲུང་མི་བཞག་སྟེ་ཕལ་ཆེར་རང་ཡུལ་དུ་ལོག་པ་ལས། མདུན་མ་གྲུབ་ནས་གཉེར་པ་རྩེ་ཆེན་པས་འབོད་པར་ཕྱིན་པས་དགའ་བ་དང་བཅས་ཏེ་ཡར་འོངས་རྒྱ་བོད་ཀྱི་གསེར་ཟམ་སོར་ཆུད། དར་རྩེ་མདོར་ཕེབས། གཏང་རག་གི་ཚུལ་དུ་བསྙེན་བཀུར་རྒྱ་ཆེར་བྱས། མདོ་དེར་མི་སྐད་རིགས་མི་གཅིག་པ་མང་པོ་ཚོགས་པའི་སྟབས་ཀྱིས་རྒྱུན་ཏུ་འཁྲུག་འོང་ལོང…

པ་རྣམས་འཁྲུག་པ་ཆེར་བྱུང་། དེའི་བར་པ་ལ་འབའ་པ་དཔོན་པོ་ཟེར་བ་ཞིག་གིས་གདན་དྲངས། ཐུགས་དམ་བརྟག་པ་མཛད་པས་རུ་ཡོན་ཟེར་བའི་ལྗང་ཀོང་ཐུག་པའི་ས་དེར་དགུ་ཚིགས་དང་རྒྱ་གྲམ་དུ་འཇའ་ནག་པོ་ཞིག་ཏལ་གྱི་ཟུག་པས་ལེགས་པར་དགོངས་ཏེ་ཞལ་གྱིས་བཞེས། རུ་ཡོན་ཏུ་ཕེབས་པ་ན་ཀོང་པོའི་དམག་གིས་ཁང་པ་ཕལ་ཆེར་མེ་ལ་བསྲེགས་འདུག །སོ་སོར་མི་སྣ་བསྔག…

ཆེ་བ་ཨེ་མིན་ཟེར་བས་ཀུན་བཞད་གད་ཐེག་གེ་བར་གྱུར། དེ་ནས་འབའ་ནང་དུ་ཀོང་པོ་གཤོག་ལྔས་འབུལ་བ་ཆེར་བྱས། འབའ་ཁྲམ་མགོས་དངུལ་གྱི་དོང་ཁ་ཟླ་བ་གསུམ་ཕུལ། རིམ་གྱིས་དགའ་རྗེ་གཞུང་དུ་ཕེབས་པ་ན། སྔར་དེ་ན་དཔོན་གོང་འོག་གཉིས་ཡོད་པ། འོག་མས་གོང་མ་བཅོམ་སྟེ་ཉམས་ཡོད་པ་ལས། དེའི་ཚེ་གོང་མའི་ཉེ་བ་ཚོང་དཔོན་རྟ་མགྲིན་གྱིས་ཇ་པ་རྣམས་དམག་ར…