འགྲོ་ཀུན་ཕ་མར་ལེགས་རྟོགས་ཏེ། །བདག་གཞན་བརྗེ་བའི་བྱང་ཆུབ་སེམས། །བཅོས་མིན་རྒྱུད་ལ་སྐྱེ་བར་ཤོག །རྣམ་དག་དབང་བཞིའི་ཆུ་རྒྱུན་གྱིས། །སྣོད་ཀྱི་དྲི་མ་ཀུན་བཀྲུས་ཏེ། །སྨིན་བྱེད་བསྐྱེད་རྫོགས་ཟབ་མོའི་ལམ། །བསྒོམས་པས་ཟུང་འཇུག་ཐོབ་པར་ཤོག །གནས་སྐབས་ལས་བཞི་གྲུབ་ཆེན་བརྒྱད། །ཐུན་མོང་དངོས་གྲུབ་རབ་ཐོབ་ཅིང་། །མཐར་ཐུག་རྡོ་ར…

གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །རྗེ་བཙུན་ཡེ་ཤེས་དཔལ་བ་གདམས་པའི་གཏེར། །མཁས་གྲུབ་དམ་པ་དོན་གྲུབ་རིན་ཆེན་དང་། །རྒྱལ་བའི་དབང་པོ་འཇམ་མགོན་བཙོང་ཁ་པ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །སྲས་ཀྱི་ཐུ་བོ་མཁས་གྲུབ་དགེ་ལེགས་དཔལ། །གསང་ཆེན་མངའ་བདག་ཤེས་རབ་སེང་གེའི་ཞབས། །རྒྱུད་འཛིན་དམ་པ་སྦྱིན་པ་དཔལ་བ…

རབ་གོམས་ཏེ། །ཞི་རྒྱས་དབང་དྲག་གྲུབ་ཆེན་བརྒྱད་ལ་སོགས། །ཐུན་མོང་ལས་ཀུན་འབད་མེད་འགྲུབ་པར་ཤོག །མཁའ་འགྲོའི་སྙན་བརྒྱུད་རྭ་ཁྲིད་ཟབ་མོའི་ལམ། །རྫོགས་པའི་རིམ་པ་མཆོག་ལ་རབ་གཞོལ་བས། །ཚེ་འདིར་རྡོ་རྗེ་འཛིན་པ་མངོན་གྱུར་ཏེ། །དོན་གཉིས་མ་ལུས་ལྷུན་གྱིས་གྲུབ་གྱུར་ཅིག །ཅེས་དཔལ་རྡོ་རྗེ་འཇིགས་བྱེད་རྭ་ལུགས་ལྷ་བཅུ་གསུམ་མའི་དབ…

རྒྱ་མཚོར་བརྟན་པར་བཞུགས་སུ་གསོལ། ཁྱད་པར་བློ་བཟང་རྒྱལ་བ་གཉིས་པ་ལ། །དམ་ཆོས་དཔྱིད་ཀྱི་མ་མས་ལེགས་བསྐྱངས་པའི། །མ་སྨད་གཡུར་ཟ་ལྡེམ་པའི་རྒྱལ་མཚན་མཆོག །མི་མཐུན་གྲང་རེག་ལས་རྒྱལ་བརྟན་གྱུར་ཅིག །ངག་གི་དབང་ཕྱུག་བློ་བཟང་བྱེ་བའི་གཏེར། །རྒྱ་མཚོ་ལྟ་བུར་ཟབ་པའི་ཉིན་མོར་བྱེད། །དབང་ཕྱོགས་ཐུན་འཚམས་སྟེགས་ལས་ཉེར་འཕགས་ཏེ། །གང…

རྩེ་མོར་སོན་པའི་ཕུན་ཚོགས་སྦྱིན་པའི་བདག །ཚེ་དཔལ་སྟོབས་འབྱོར་ལྷུན་གྱིས་གྲུབ་པར་ཤོག །མཐུ་ཆེན་དབང་ཕྱུག་སྟོབས་ལྡན་ཕྱག་དྲུག་པ། །དཔལ་ལྡན་དུས་དགྲའི་དབང་པོ་མ་ཧེའི་ཞལ། །སྲིད་གསུམ་བདག་མོ་འདོད་ཁམས་དབང་ཕྱུག་མས། །དུས་ཀུན་གཡེལ་མེད་འཕྲིན་ལས་སྒྲུབ་པར་མཛོད། །ཟས་གཙང་སྲས་དང་ཇོ་བོ་ཡབ་སྲས་ཟུང་། །མཉམ་མེད་ཆོས་ཀྱི་རྒྱལ་པོ་བ…

འཇམ་དཔལ་དབྱངས་ཀྱིས་རྗེས་བཟུང་དོན་རིན་པ། ཁམས་གསུམ་ཆོས་ཀྱི་རྒྱལ་པོ་བློ་བཟང་གྲགས། །བསྟན་པའི་བདག་པོ་གསུམ་ལ་གསོལ་བ་འདེབས། །ཐུགས་ཀྱི་སྲས་མཆོག་དགེ་ལེགས་དཔལ་བཟང་པོ། །རྒྱུད་སྡེ་རྒྱ་མཚོའི་མངའ་བདག་ཤེས་རབ་སེང་། །འདུས་པའི་ལམ་གྱི་གནད་སྟོན་སྦྱིན་པ་དཔལ། །འཁོར་ལོའི་མགོན་པོ་གསུམ་ལ་གསོལ་བ་འདེབས། །གང་གི་གདམས་པའི་མཛོད་འ…

དབྱངས་དངོས་དཀོན་མཆོག་ཆོས་འཕེལ་ཞབས། ཁ་སྦྱོར་བདུན་ལྡན་རྩ་བའི་བླ་མ་མཆོག །བཀའ་དྲིན་འཁོར་མེད་གསུམ་ལ་གསོལ་བ་འདེབས། །རྒྱལ་ཀུན་མཁྱེན་པའི་རང་གཟུགས་འཇམ་དཔལ་དབྱངས། །གདུག་པ་འདུལ་ཕྱིར་དཔལ་ལྡན་མ་ཧེའི་ཞལ། །བཅུ་གསུམ་འཁོར་ལོའི་བདག་ཉིད་དུས་དགྲའི་དབང་། །ཕུལ་བྱུང་སྐྱབས་ཀྱི་དམ་པར་གསོལ་བ་འདེབས། །དེང་ནས་མི་ཁོམ་ཆུ་འཛིན་སྟུ…

གྲ་བྱམས་གླིང་མ་ཎི་བ། མགྲོན་གཉེར་དཀོན་མཆོག་བློ་གྲོས་གྱིས་བསྐུལ་བའི་ངོར། ཨ་ཝ་དྷཱུ་ཏི་བའི་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོས་ཆུ་འགོ་བཀྲ་ཤིས་འཁྱིལ་བའི་ཉེ་འདབས་སུ་སྦྱར། ལྷུན་གྲུབ་མཚན་དཔེའི་རང་གཟུགས་ཟློས་གར་ནི། །སིནྡྷུ་རྒྱ་མཚོར་པདྨའི་སྡོང་པོའི་རྩེར། སྤྲུལ་སྐུའི་རྣམ་རོལ་མཚོ་སྐྱེས་རྡོ་རྗེ་ཞེས། །དུས་གས…

སྐུ་ལ་གསོལ་བ་འདེབས། །གཟི་བརྗིད་ཕུན་ཚོགས་སྙན་པའི་ཅང་ཏེའུ་དང་། །ཆོས་སྐུ་མངོན་པར་གསལ་བའི་མེ་ལོང་འཛིན། །ལྷ་རྫས་དམར་པོའི་གོས་ཀྱི་ལྷབ་ལྷུབ་ཅན། །པདྨ་རྒྱལ་པོའི་སྐུ་ལ་གསོལ་བ་འདེབས། །མཚན་དཔེ་རབ་གསལ་སྟོབས་བཅུའི་རྩལ་ཀུན་རྫོགས། །ས་གནོན་ལྷུང་བཟེད་འཛིན་ཞིང་ཆོས་གོས་སེར། །བདུད་བཞི་ཀུན་བཅོམ་མཆོག་གི་སྤྲུལ་པའི་སྐུ། །ཤཱ…

རྒྱ་མཚོའི་རང་བཞིན་ལྟར། །ནམ་ཡང་འཛད་མེད་རྩོལ་ལ་གསོལ་བ་འདེབས། །དགེ་བའི་ས་བོན་དུས་སུ་ལེགས་སྨིན་པའི། །དོན་གཉིས་རོ་བརྒྱའི་དཔལ་འཛིན་ཨ་མྲའི་འབྲས། །དལ་བའི་རྟེན་བཟང་ལྕེ་ཡེ་ལེགས་མྱང་བས། །གཏན་བདེའི་ས་ལ་དགའ་བའི་གར་བྱེད་ཤོག །རྒུད་པའི་ཆུ་འཛིན་ཞི་བའི་ནམ་མཁའ་ལ། །བསོད་ནམས་ཉི་མ་འབུམ་གྱི་གཟི་བྱིན་གྱིས། །འདིར་སྣང་ཚེ་དཔལ…

ལྡན་རྡོ་རྗེའི་ཞབས། །པདྨའི་རྒྱལ་ཚབ་བྱང་བདག་རིག་འཛིན་ལ། གསོལ་བ་འདེབས་སོ་གྲོལ་བར་བྱིན་གྱིས་རློབས། །དཔལ་ལྡན་རྒྱལ་བ་ཀུན་གྱི་འབྱོར་བའི་མཛོད། །འབད་མེད་ལྷུན་གྲུབ་དཀྱིལ་འཁོར་འཁོར་ལོའི་མགོན། །འཁོན་རིགས་འཇམ་དབྱངས་གྲུབ་པའི་དཔའ་བོ་ལ། གསོལ་བ་འདེབས་སོ་གྲོལ་བར་བྱིན་གྱིས་རློབས། །དང་པོའི་མགོན་པོ་ཀུན་བཟང་ཧེ་རུ་ཀ །བསོད…

སྤྱན། །ཤེས་བྱའི་གནས་ལུགས་ཀུན་ལ་འཇུག་པའི་རྫས། །བློ་གྲོས་མཆོག་གིས་ལེགས་བཤད་བྱེ་བའི་སྒོ། །འབྱེད་མཛད་བཤེས་གཉེན་དམ་པར་གསོལ་བ་འདེབས། །དྲང་ངེས་གསུང་རབ་དགོངས་དོན་ཆུ་གཏེར་ཆེ། །ཐོས་བསམ་སྒོམ་པའི་གཟིངས་ཀྱིས་རབ་བགྲོད་ནས། །མཁས་བཙུན་བཟང་པོའི་ཡིད་བཞིན་དབང་གི་རྒྱལ། །འདོད་དགུར་ལོངས་སུ་སྤྱོད་ལ་གསོལ་བ་འདེབས། །རིང་ནས་བས…

ཐུབ་བསྟན་རྒྱ་མཚོའི་ལྟར་ཟབ་ཅིང་རྒྱ་ཆེ་བ་དག་འདྲེན་པ་ཤིང་རྟར་གསོལ་བ་འདེབས་སོ། །ནག་ཕྱོགས་བདུད་སྡེའི་གཡུལ་ལས་བླ་མ་ཡི་དམ་ཆོས་སྲུང་གི་ནུས་མཐུས་འཇིགས་པ་མེད་པའི་སེང་གེ་ལྟ་བུའི་སྒྲས། །ཕྱོགས་ཐམས་ཅད་ལས་རྣམ་པར་རྒྱལ་བའི་རྡོ་རྗེ་གསུམ་གྱི་གོ་ཆ་ཅན། །ཐུབ་བསྟན་འཆད་རྩོད་རྩོམ་གསུམ་གྱི་རྣམ་དཔྱོད་ལང་ཚོ་རྒྱས་པ་ཡི། །རང་གཞན་…

བཟུང་བློ་གསལ་སྐལ་བཟང་འགྲོ་བའི་གཉེན། །རྒྱ་ཆེན་འཕྲིན་ལས་རྣམ་བཞིའི་མཚོ་ཆེན་པོ། །རབ་བརྟན་སྲིད་མཐར་རྒྱས་ལ་གསོལ་བ་འདེབས། །ཞེས་རྡོ་རྗེ་བྲག་པ་ཁམས་པ་སྔགས་རམས་པའི་ངོར་བྲིས། ངག་དབང་མཚུངས་མེད་བློ་གྲོས་བཟང་པོའི་དཔྱིད། །གསུང་རབ་རྒྱ་མཚོར་འཇུག་པའི་རྣམ་དཔྱོད་ཀྱིས། །བསྟན་དང་འགྲོ་བའི་ཉེར་འཚོའི་གཞིར་གྱུར་པའི། །རྗེ་བཙུན…

བོད་ཡུལ་རྒྱལ་པོར་རྣམ་སྤྲུལ་སྲོང་བཙན་ཞབས། །ཕུལ་བྱུང་རྒྱལ་བའི་སྲས་ལ་གསོལ་བ་འདེབས། །བོད་ཡུལ་བསྟན་པ་སྤེལ་མཛད་ཁྲི་སྲོང་རྗེ། །དམ་ཆོས་སྒྲོན་མེ་སྤར་བའི་རལ་པ་ཅན། །འཕགས་ཡུལ་ཆོས་ཀྱི་རྒྱལ་པོ་དགེ་བ་དཔལ། །མཁྱེན་བརྩེ་ནུས་པའི་དབང་པོར་གསོལ་བ་འདེབས། །བཀའ་གདམས་བསྟན་པའི་བདག་པོ་འབྲོམ་སྟོན་རྗེ། ཁ་ཆེའི་མཁས་གྲུབ་དམ་པ་དགོན་…

ལེགས་བསྐྲུན་ཕན་བདེའི་ཉེར་འཚོར་རབ་འདུན་པའི། །མཁས་གྲུབ་རྒྱ་མཚོའི་དེད་དཔོན་པད་དཀར་འཆང་། །རྗེ་བཙུན་བཞད་པའི་རྡོ་རྗེར་གསོལ་བ་འདེབས། །གྲངས་མེད་བསོད་ནམས་ཤིང་རྟས་ལེགས་དྲངས་པའི། །ཐོས་བསམ་སྒོམ་པའི་ཡིད་བཞིན་ནོར་བུ་མཆོག །གྲགས་པའི་རྒྱལ་མཚན་རྩེ་མོར་འགོད་མཛད་པའི། །དཔལ་ལྡན་བླ་མ་དམ་པར་གསོལ་བ་འདེབས། །རླབས་ཆེན་བསོད་ནམས…

དོན་གསུམ་གྱི་བླ་མའི་བརྒྱུད་འདེབས་འཇམ་དབྱངས་དགའ་བའི་བློ་གྲོས་ཡན་ཐམས་ཅད་མཁྱེན་པ་དགེ་འདུན་རྒྱ་མཚོས་གནང་འདུག་པའི་འཕྲོ་མུས་རྣམས་དགོས་ཞེས་ངེས་དོན་སྙིང་པོའི་ཚུལ་ལ་བློ་གཞོལ་བའི། འཚོ་བྱེད་འབྲང་རྒྱས་པས་བསྐུལ་བའི་ངོར་ཟ་ཧོར་གྱི་བནྡེས་སྦྱར། རྒྱལ་བ་ཀུན་གྱི་ཆོས་ཕུང་གངྒཱའི་རྒྱུན། །གངས་ཅན་བསྟན་པའི་ཞབས་བསིལ་ཆུ་སྦྱིན་…

ཡོངས་འཛིན་དགེ་བའི་བཤེས་ཀྱི་རྗེས་སུ་བཟུང་། །མདོ་རྒྱུད་ཟབ་མོའི་ལམ་ཀུན་ཉམས་བླངས་ནས། །རྫོགས་པའི་སངས་རྒྱས་ཐོབ་པར་བྱིན་གྱིས་རློབས། །རྒྱལ་བ་སྲས་བཅས་ཀུན་གྱི་བྱིན་རླབས་དང་། །སླུ་མེད་རྟེན་ཅིང་འབྲེལ་བར་འབྱུང་བའི་མཐུས། །མི་ཕྱེད་ཡིད་ཀྱིས་བཏབ་པའི་སྨོན་ལམ་ཀུན། །ཐོགས་པ་མེད་པར་མྱུར་དུ་འགྲུབ་གྱུར་ཅིག །ཅེས་པ་འདི་ནི་གན…

བསྟོད་པ་ནི། རྒྱལ་བ་ཀུན་གྱི་ཞེས་སོགས་ཏེ་བདུད་བཞིའི་གཡུལ་ལས་རྣམ་པར་རྒྱལ་བའི་སངས་རྒྱས་ཀུན་གྱིས་གསུངས་པའི་ཐེག་པ་ཆེ་ཆུང་གི་ཆོས་ཀྱི་ཕུང་པོ་རྣམས་ནི་གངྒཱའི་ཆུ་རྒྱུན་དང་། བོད་གངས་ཅན་གྱི་ལྗོངས་ཀྱི་ལུང་དང་རྟོགས་པའི་བསྟན་པ་ནི་གཟུགས་སུ་མ་བཀོད་ལ། གསུང་རབ་ལ་ལྟ་བའི་བློ་གྲོས་ཀྱི་མིག་གསལ་ཞིང་། དམ་པའི་ཆོས་ཀྱི་སྣོད་དུ་…

ངོར་སྣང་ཚུལ་དགེ་བསྙེན་ལ་རིགས་མང་དུ་ཡོད་པ་ལས་ཚངས་པར་སྤྱོད་པའི་གར་གྱིས་རྣམ་པར་རོལ་བ། སྒྲོལ་མས་ལུང་བསྟན་པའི་འབྲོམ་སྟོན་རྗེ་ནི་ཇོ་བོ་ཆེན་པོས་བཀའ་གདམས་ཀྱི་བསྟན་པ་གཏད་ནས་དེའི་བདག་པོར་བསྐོས་པས་ན་བཀའ་གདམས་ཀྱི་བསྟན་པའི་མེས་པོ་སྟེ། མཚན་དངོས་རྒྱལ་བའི་འབྱུང་གནས་ཞབས་ལ་གསོལ་བ་འདེབས་སོ། །གཉིས་པ་བཏགས་པ་བ་སྒྲོ་བཏགས་…