མགོན་པོ་བདུད་དཔུང་གཡུལ་ཟློག་གདུག་པ་ཀུན་འཇོམས་ཀྱི་མདོས་མངའ་བདག་ཉང་གི་གཏེར་མ་འགྲོ་བའི་མགོན་པོ་ཡབ་སྲས་ཀྱི་ཕྱག་ལེན་བཞུགས་སོ༔

བཅོམ་ལྡན་འདས་དྲེགས་པ་ཅན་ཐམས་ཅད་ཀྱི་བདག་པོ་ལ་ཕྱག་འཚལ་ལོ༔ རྣལ་འབྱོར་ལྟ་སྤྱོད་གདིང་ལྡན་པས༔ ཆོས་སྐྱོང་བསྟན་སྲུང་འཁོར་དང་བཅས༔ བསྐང་ཞིང་ཕྲིན་ལས་བཅོལ་བ་དང་༔ བྱོལ་ཆག་ནང་འགྲས་ཟློག་པ་དང་༔ དགྲ་བགེགས་གཡུལ་ངོ་བཟློག་པའི་ཕྱིར༔ བདུད་དཔུང་གཡུལ་ཟློག་མདོས་འདི་ཉིད༔ པདྨ་ཐོད་ཕྲེང་བདག་གིས་བཤད༔ བདུད་དཔུང་གཡུལ་ཟློག་གདུག་པ་ཀ…

ཞིང་ཐུགས་དམ་བསྐང་བ་དང་༔ བསྐུལ་ཞིང་ཕྲིན་ལས་བཅོལ་བ་དང་༔ དབང་དུ་བསྡུ་བ་དང་༔ བསྙེན་ཅིང་སྒྲུབ་པ་དང་༔ གླུད་ཡས་ཀྱི་ཆོ་འབྲང་འདོན་པ་དང་༔ མདོས་བསྔོ་ཞིང་ཕྲིན་ལས་བཅོལ་བ་དང་༔ གསོད་པའི་ཐུན་དབབ་པ་དང་༔ དྲག་པོའི་ཟོར་འཕང་བ་དང་༔ མདོས་ལམ་བསྟན་པ་དང་༔ ཁྲམ་སྣ་བསྒྱུར་བ་དང་༔ མདོས་བསྐྱལ་བ་དང་༔ སྨོན་ལམ་གདབ་པ་དང་༔ ཚེ་འགུགས་པ་ད…

མདོས་ཀྱི་རྒྱུ་དང་༔ སྐོང་རྫས་དང་༔ མཆོད་རྫས་དང་༔ གསད་པའི་རྫས་ལ་སོགས་པ་གོང་ནས་སྟ་གོན་དུ་བྱའོ༔ ༈ གསུམ་པ་མདོས་བཤམ་པ་ནི༔ རྣལ་འབྱོར་པས་དབེན་པའི་གནས་སུ༔ སྟེགས་བུ་འདོམ་གང་གྲུ་བཞི་པ་བཤམས་ཏེ༔ དེ་ལ་སྤོས་དང་སྨན་གྱི་ཆག་ཆག་གདབ་སྟེ༔ འབྲུ་སྣ་བཅུ་གསུམ་གྱི་ངར་ཕྱེ་ཁལ་གསུམ་ལ༔ རིན་པོ་ཆེ་སྣ་ཚོགས་ཀྱི་ཕྱེ་མ་བཏབ་སྟེ༔ ཆུ་སྣ་བ…

ལུག་ནག༔ གཡག་ནག༔ བྱ་ནག་དང་༔ ཕག་ནག་གི་རྒྱལ་མཚན་དང་དྲུག༔ རིམ་པ་ལྟར་རེ་རེ་གཟུགས་སོ༔ ལྕམ་མོ་ལ་དབུས་ཀྱི་ཐོད་མཁར་ལ་ཡེ་ཤེས་ཀྱི་མ་མོ་དང་༔ ནལ་བུའི་སྙིང་དང་༔ ལུག་སྨུག་གི་སྙིང་བཞག༔ ཤར་དུ་བདུད་ཀྱི་ཡུམ་རེ་མ་ཏི་ལ་ལུག་ནག་གི་སྙིང་དང་༔ མི་རིང་གི་གཟུགས༔ ལྷོར་གཤིན་རྗེ་རེ་མ་ཏི་དང་༔ གྲི་རྒོད་ཀྱི་སྙིང་༔ ནུབ་ཏུ་སྲིན་མོ་རེ་…

བཅུ་བསགས་ལ་རི་རབ་སྟེང་དུ་འགོད་དོ༔ དེ་ལ་དར་ནག་གི་གུར་ཕུབ་ལ་བཞག་གོ༔ བང་རིམ་དང་པོ་ལ༔ རྒྱལ་ཆེན་བཞི་དང་ཕྱོགས་སྐྱོང་བཅུ་དགོད་དོ༔ དེ་ཡང་ཕྱོགས་བཞིར་རྒྱལ་ཆེན་བཞི་ལ༔ རྟ་པ་དཀར་པོ་དང་༔ སྔོན་པོ་དང་༔ དམར་པོ་དང་༔ སེར་པོ་དར་མདུང་ཐོགས་པ་བཞི་དང་༔ གཡག་དཀར་བཞི་དང་༔ མཛོ་དམར་བཞི༔ རྟ་སྔོན་བཞི༔ བ་དན༔ མདའ་འཕང་བཞི༔ ནམ་མཁའ་ཞལ…

བུ༔ ཀུན་ལ་བརྒྱད་བརྒྱད་དུ་བྱས་ལ་དགོད་དོ༔ བང་རིམ་གཉིས་པའི་ལྷོ་ཕྱོགས་སུ༔ གཤིན་རྗེ་ཆེན་པོ་བརྒྱད་མི་མགོ་བརྒྱད་ཀྱི་སྟེང་དུ༔ རང་གཟུགས་འཆིབ་པ་དང་བཅས་པ་བརྒྱད་ཀྱི་ལག་ཏུ་ཁྲམ་ཤིང་བརྒྱད་བསྐུར་རོ༔ ཞིང་གི་རྒྱལ་མཚན༔ དབུས་རང་རང་གི་ཞལ་དང་མཐུན་པའི་ནམ་མཁའ་བརྒྱད༔ མདའ༔ འཕང་༔ ཤིང་རིས༔ ཤ་སྣའི་གཏོར་མ༔ ར་རོག༔ ཚིལ་ཆེན་གྱི་མར་…

ཤར་གྱི་དབང་ཕྱུག་ཆེན་པོ་མ་ཧཱ་དེ་བ་འབྲུག་ལ་ཞོན་པ༔ གཡས་ན་རྩེ་གསུམ་བ་དན་གྱིས་མཚན་པ༔ གཡོན་ན་ཞགས་པ་ཐོགས་པ་དང་༔ བློན་པོ་བཞིའི་གཟུགས་དང་བཅས་པ༔ རྟའི་ཚིལ་བུ་དང་སྙིང་སྣ་དང་ཁྲག་ལ་བྱས་པའི་གཏོར་མ་གཅིག་དང་༔ མེ་ཏོག་སྣ་ཚོགས༔ རིན་པོ་ཆེ་ལྔ༔ སྨན་ལྔ༔ ཆང་སྣ་ཚོགས༔ སྙིང་སྣ༔ ཤ་སྣ༔ བུ་རམ༔ འབྲས་དང་བཞིའོ༔ གཏོར་མ་བཞི༔ ནམ་མཁའ༔ མ…

ལས་ཀྱི་བཙན་རྒོད་འབྱུང་བ་བཞིའི་བཙན་བཞིའི་གཟུགས་དང་༔ ར་དམར༔ རྟ་དམར༔ མི་དམར༔ བྱ་དམར་བཞིའི་རྒྱལ་མཚན་དང་༔ དེ་བཞིའི་གཟུགས་དང་༔ གསེར་སྐྱེམས་དང་༔ སྤྱན་གཟིགས་དང་༔ བཙན་བཤོས་དང་༔ གཙང་མའི་ཤ་ཁྲག་གི་གཏོར་མ་ལྔ་དང་༔ རི་དྭགས་ལྔ༔ རལ་གྲི་ལྔ༔ མདུང་དམར་ལྔ༔ མདའ༔ འཕང་༔ ནམ་མཁའ༔ རྒྱང་བུ༔ ཤིང་རིས༔ བ་དན་ལྔ་ལྔ་གསག་གོ༔ བྱང་དུ་ག…

ཆེན་གྱི་མར་མེ་དང་༔ ཤ་ཆེན་གྱི་གསུར་དང་༔ རཀྟའི་སྣོད་དང་བཅས་པ་བཞག༔ འཁོར་གྱི་དབང་མོ་ཆེའི་གཟུགས་དང་༔ ནམ་མཁའ་སྨུག་ནག༔ དཀར༔ དམར༔ མཐིང་ག་དང་༔ མདའ༔ འཕང་༔ རྒྱང་བུ༔ མདུང་༔ དར༔ མེ་ལོང་༔ སྤྱང་སྙིང་༔ བཤོས༔ བྱ་སྨུག༔ ལུག་ནག༔ ཁྱི་ནག༔ དེ་རྣམས་ལྔ་ལྔ་བསགས་ལ་འགོད་དོ༔ ཤར་ལྷོར་ཀླུ་འཆི་བདག་མགོ་དགུ་མི་ལུས་སྦྲུལ་མགོ་དགུ་པ༔ འ…

ནག་པོ་ལྔའི་སྙིང་དང་༔ དེ་ལྔའི་གཟུགས་ལྔ་ལྔ་དང་༔ མདུང་ནག༔ ཁྲམ་བམ༔ མདའ༔ འཕང་༔ ནམ་མཁའ༔ རྒྱང་བུ༔ ཤིང་གྲི༔ བདུད་བཤོས༔ བནྡེ༔ མཁར་ཐབས་རྣམས་ལྔ་ལྔ་བསགས་ལ་འགོད་དོ༔ དེ་ནས་རི་རབ་བང་རིམ་འོག་མའི་ལོགས་ལ་སྲིད་པ་སྤྱིའི་སྐོས་ལ༔ ཟུར་བཞིར་སྤྲེའུ་དང་༔ རྨ་བྱ་དང་༔ བྱ་རྒོད་དང་༔ རྔ་མོའི་རྒྱལ་མཚན་དང་བཞི་ཕྱར༔ མི༔ རྟ༔ གླང་པོ༔ ར༔…

མཁར་སུམ་ཐོག་པ་དབུ་རྩེར་བྱས་པའི་རྩེ་ལ༔ རྒྱལ་པོ་ཉིད་ཆིབས་སུ་བན་གླང་སྣ་རིང་ལ་འཆིབ་པ༔ དབུ་ལ་སྨྱུག་ཞུ་གསོལ་བ༔ ཕྱག་ན་ཤེར་ཤིང་གི་གསེག་ཤང་བསྣམས་པ་བཞག༔ མདུན་དུ་ཡུམ་ཤཱནྟི་རོ་ཟན་བཞག༔ གཡས་གཡོན་དུ་སྐྱེས་བུ་སྟག་ཆས་ཅན་རེ་རེ་བཞག༔ མདུན་རྒྱབ་ཏུ་ཁོལ་པོ་ཤན་པ་གྲི་ཐོགས་པ་བཞི༔ གཡས་སུ་སྐྱེས་པ་སྟག་ཆས་ཅན་ལྔ༔ གཡོན་དུ་བཙུན་པ་ད…

དབུ་ལ་སྤྱི་བླུགས༔ ཕྱག་ན་བདུད་ཁྲམ༔ ཆིབས་སུ་ཅེ་སྤྱང་༔ ནུབ་ཏུ་ཇག་དཔོན་གྱི་གཟུགས༔ དབུ་ལ་སྤྱང་ཞྭ༔ སྐུ་ལ་བསེ་སླག༔ སྟག་རལ་གཟིག་ཤུབ༔ དར་མདུང་༔ གསེར་སྐ༔ བྱང་དུ་ཚོང་དཔོན་གྱི་གཟུགས༔ དབུ་ལ་འོབ་ཞྭ༔ སྐུ་ལ་གཡི་སྤྱང་༔ ཕྱག་ན་སྦ་ལྕག༔ ཆིབས་སུ་དྲེའུ༔ ནམ་མཁའ་ཁ་དོག་བཞི་དང་༔ མདའ༔ འཕང་༔ རྒྱང་བུ༔ ཤིང་རིས༔ དར་མདུང་༔ གྲི་བཤོས…

ཤ་སྣ༔ ཁྲག་སྣ༔ སྨན་ཕུད་རྣམས་རེ་རེ༔ མདའ༔ མདུང་དམར༔ རྒྱང་བུ༔ ཤིང་གྲི་རྣམས་ལྔ་ལྔ་དགོད་དོ༔ དེ་ནས་མ་ཏྲཾ་བཞིའི་ལུས་ལ་ལྷ་སྲིན་ཡོངས་ལ་ཁྱབ་པར་བསྔོས་ལ་རྣལ་འབྱོར་པའི་ཚེ་སྲོག་བསླུ་བའི་ཕྱིར་ངར་གླུད་ཆས་ཀྱིས་བརྒྱན་པ་བརྒྱ་རྩ་བརྒྱད་དགོད་དོ༔ དེ་ནས་ཐ་མའི་མཚམས་བཞིར་འབྲུ་སྣ་བྲེ་རེ་རེའི་སྟེང་དུ༔ རྟ་དང་༔ གླང་པོ་དང་༔ སེང་གེ…

མངར་སྣ་དང་༔ སྒོག་བཙོང་ལ་སོགས་པ་དང་༔ ཤིང་ཏོག་དང་༔ ཁུར་བ་དང་༔ རྒྱན་གྱིས་བརྒྱན་པ་བཤམ་མོ༔ ཆང་ཕུད་དང་༔ ཞལ་ཟས༔ རྒྱ་ཚོས་དང་༔ དཀོར་ཆ་དུ་མ་དང་༔ སྤྱན་གཟིགས་ཀྱང་དགྲམ་མོ༔ དེའི་ཕྱི་རོལ་དུ་ལྕགས་རི་ནག་པོས་བསྐོར་བ་ལ༔ ཤིང་སྣ་ཚོགས་དང་༔ དར་ཟབ་སྣ་ཚོགས་དང་༔ ནམ་མཁའ་སྣ་ཚོགས་དང་༔ ཐང་དང་ཆུ་ལ་གནས་པའི་སེམས་ཅན་འགོད་དོ༔ གཞན་ཡང་…

དང་པོ་རི་རབ་གཞལ་ཡས་ཁང་དུ་ཤེས་པ་ནི༔ ཨོཾ་སྭ་བྷཱ་ཝའི་སྔགས་ཀྱིས་སྟོང་པར་སྦྱངས་པའི་ངང་ལས༔ ནམ་མཁའ༔ རླུང་༔ ཆུ༔ མེ༔ སའི་སྟེང་༔ འབྱུང་བ་རིམ་བརྩེགས་ཀྱི་སྟེང་དུ༔ དབུས་སུ་རི་རབ་བང་རིམ་བཞི་པ་རིན་པོ་ཆེ་བཞི་ལས་གྲུབ་པ༔ སྟེང་ལྕོག་བཞི་དང་གཞལ་ཡས་ཀྱིས་བརྒྱན་པ༔ ཕྱི་རིམ་རྨང་དུ་གསེར་གྱི་རི་བདུན་དང་༔ གླིང་བཞིར་མ་ཏྲཾ་ཆེན་པོ…

གྱིས་འདོད་པའི་ལོངས་སྤྱོད་ལྔར་གྱུར་པར་བྱིན་གྱིས་བརླབ༔ ཨཱཿཡིས་ནམ་མཁའ་ཁྱབ་པར་གྱུར་པར་བྱིན་གྱིས་བརླབ༔ ཧཱུྃ་གིས་བདུད་རྩི་ཆེན་པོའི་རང་བཞིན་དུ་གྱུར་པར་བྱིན་གྱིས་བརླབ༔ གཟུགས་བརྙན་ཐམས་ཅད་མཚན་དང་དཔེ་བྱད་དང་ཕུང་པོ་ཁམས་དང་སྐྱེ་མཆེད་དང་ལྡན་པར་གྱུར་པར་བྱིན་གྱིས་བརླབ༔ ཧཱས་གང་ལ་གང་འདོད་ཆོས་སྐྱོང་ཕོ་མོའི་སྐུ་གསུང་ཐུ…

ལས་མ་འདའ་བར༔ བསྟན་པ་སྲུང་བའི་བདག་པོ་རྣམས༔ གསང་བའི་གནས་འདིར་དམ་ལ་འདུ༔ དད་པ་དང་ནི་དམ་ཚིག་གིས༔ ཚུར་སྤྱོན་ཆོས་སྐྱོང་འཁོར་བཅས་རྣམས༔ སྔོན་གྱི་ཁས་བླངས་དམ་བཅས་བཞིན༔ བསྟན་པ་བསྲུང་བའི་དུས་ལ་བབ༔ བདུད་དཔུང་འདུལ་བའི་དུས་ལ་བབ༔ བགེགས་དཔུང་འཇོམས་པའི་དུས་ལ་བབ༔ དགྲ་དཔུང་བཤིག་པའི་དུས་ལ་བབ༔ ཧཱུྃ༔ རང་བཞིན་དུར་ཁྲོད་གཞལ་ཡ…

མཁན་ནི༔ དུས་མཚན་ནག་པོ་གཤེགས་སུ་གསོལ༔ བདུད་པོ་ནག་པོ་གཤེགས༴ སྲོག་ལེན་སྲིན་པོ་གཤེགས༴ ཁྱོད་ཀྱི་སྐུ་ཡི་སྤྲུལ་པ་ནི༔ ནག་པོ་མདུང་ཐོགས་གཤེགས༴ ཁྱོད་ཀྱི་གསུང་གི་སྤྲུལ་པ་ནི༔ མོན་པ་དུང་འབུད་གཤེགས༴ ཁྱོད་ཀྱི་ཐུགས་ཀྱི་སྤྲུལ་པ་ནི༔ སྙིང་འབྱིན་ནག་པོ་གཤེགས༴ ཁྱོད་ཀྱི་འཁོར་གྱི་དམག་དཔུང་ནི༔ ཉིས་ཁྲི་ཆིག་སྟོང་གཤེགས་སུ་གསོལ༔…

བཅས༔ ལྷ་དམག་ཚོགས་དང་གཤེགས་སུ་གསོལ༔ ཧཱུྃ༔ དཔལ་ལྡན་མགོན་པོ་ནག་པོ་ཡི༔ གཡོན་གྱི་ཕྱོགས་ནས་རུ་འདྲེན་པ༔ ནག་པོ་བདུད་བརྒྱད་འཁོར་དང་བཅས༔ བདུད་པོའི་ཚོགས་དང་གཤེགས་སུ་གསོལ༔ ཧཱུྃ༔ དཔལ་ལྡན་མགོན་པོ་ནག་པོ་ཡི༔ མདུན་གྱི་ཕྱོགས་ནས་རུ་འདྲེན་པ༔ གཤིན་རྗེ་བརྒྱད་པོ་འཁོར་དང་བཅས༔ ཁྲམ་ཐོགས་ཚོགས་དང་གཤེགས་སུ་གསོལ༔ ཧཱུྃ༔ དཔལ་ལྡན་མ…