མ་བཅོས་ཟང་ཐལ་རིག་པའི་ཀློང་ཡངས་ལས།། གང་ཤར་འགག་མེད་རོལ་རྩལ་སྣང་བའི་ཆ།། ངོ་མཚར་སྒྱུ་མ་གློག་གི་མིག་འཕྲུལ་གྱིས།། ཡ་མཚན་སྙིང་གི་དགའ་སྟོན་ཅིར་ཡང་བྱིན།། གཞན་ཕན་ཟླ་བ་དམ་པའི་བཅུ་དྲུག་ཆ།། སྟོང་ཆེན་དབྱིངས་ཀྱི་གཞི་ལས་མ་གཡོས་བཞིན།། འགག་མེད་ཚེས་གསུམ་སྣང་བའི་འོད་དཀར་ཅན།། ཉ་གང་གསུང་གི་རང་མདངས་འགྱུར་བ་མེད།། མཁའ་ལ་ཆུ་…

སྣང་བ་ཀ་ནས་དག་པའི་སྟོང་ཉིད་ཀྱི་གཤིས་ལ།། ལྷུན་གྲུབ་རིག་པའི་འཆར་སྒོ་རྟེན་འབྲེལ་དུ་ཤར་བས།། གང་སྣང་གླུ་རུ་ལེན་པ་རྣལ་འབྱོར་གྱི་ཁྱད་ཆོས།། ཉམས་དགའ་བག་ཡངས་མེས་པོའི་ཞབས་རྗེས་ལ་སྙེག་འགྲོ།། ཨ་འཐས་བློས་བཏགས་བདེན་ཞེན་རྟོག་པ་ཡི་དྲ་བ།། ཐེག་བརྒྱད་གྲུབ་མཐའི་གཟེབ་ལས་རྒྱ་ཡན་དུ་གྲོལ་བའི།། རྩོལ་བྲལ་ཤུགས་འབྱུང་རིག་པའི་བུ…

འདིར་སྣང་སྒྱུ་མ་ལྕགས་ཀྱི་གྲོང་ཁྱེར་གྱི་དབུས་ན།། འདུས་བྱས་ཉེར་ལེན་སྡུག་བསྔལ་སུམ་བརྩེགས་ཀྱི་ཕུང་པོར།། རྟེན་མེད་རིག་པའི་བུ་ཆུང་གྲོགས་མེད་དུ་འཐུམ་པའི།། འཁྲུལ་སྣང་ཉམ་ངའི་འཁོར་ལོ་ནམ་ཞིག་ན་ལྡོག་སྲིད།། སྣང་བ་མི་བདེན་བསླུ་བྲིད་སྒྱུ་མ་ཡི་གར་མཁན།། སྟོང་པ་ཕྱོགས་གཅིག་བདེན་གཉིས་ཡ་བྲལ་གྱི་ལྟ་བ།། སྣང་སྟོང་ཟུང་འཇུག་…

སྐྱབས་གནས་ཀུན་འདུས་དྲིན་ལྡན་རྗེ་བཙུན་གྱི་བླ་མ།། མི་འབྲལ་སྤྱི་གཙུག་རྒྱན་ལ་འབྲལ་མེད་དུ་བཞུགས་ནས།། དབང་བཞིའི་ཡེ་ཤེས་བྱིན་རླབས་བདུད་རྩི་ཡི་ཆུ་རྒྱུན།། སྐལ་ལྡན་མོས་པའི་བུ་ལ་ཆད་མེད་དུ་སྩོལ་ཅིག། སྙིང་དབུས་མི་ཤིགས་དྭངས་མའི་ཐིག་ལེ་ཡི་ངོ་བོར།། རང་སེམས་བླ་མར་ཤེས་པའི་མོས་གུས་ཀྱི་གདན་ལ།། རིག་སྟོང་རིག་པའི་དབྱིངས་ས…

འདེག་འཇོག་གོམ་པའི་རྐང་རྗེས་ས་ཆེན་འདིར་བཀྲམས་ཀྱང་།། ངོ་མཚར་ལྟད་མོས་མ་འཚེང་ཁྲ་ཆུང་གི་སྤྱན་མིག། ཡ་ཐོད་གཉེར་མ་བརྩེགས་པའི་སྐྲ་དཀར་དང་འགྲོག་ནས།། ཐག་རིང་ཕྱི་མའི་ཡུལ་ལ་རྒྱང་བལྟས་འདི་སྐྱོའོ།། གྱ་གྱུའི་ཆུ་རིས་འཁྲིགས་པའི་མྱ་ངམ་གྱི་ཐང་དུ།། ཡིད་འོང་ལྗོན་པས་སྲུང་བའི་སྐྱེད་ཚལ་ལ་བསྙེགས་ཀྱང་།། བྱེ་ཚན་མདག་མའི་རེག་བྱ་…

ཀུན་གྱི་མཐའ་རུ་ཉུལ་བའི་བྱ་བཏང་གི་སྤྱོད་པ།། རྒྱལ་ཁམས་ཡངས་བའི་བླ་ན་མངོན་མཐོ་ཡི་གྲགས་སྙན།། ཤུགས་འབྱུང་གླུ་ཡིས་བསྐུལ་བའི་བསྟོད་དབྱངས་དང་འགྲོག་ནས།། བཀྲ་ཤིས་བྱེ་བའི་མེ་ཏོག་ཁྱེད་ཕྱོགས་ལ་བསྙིལ་ཡོང་།། བསྟོད་ན་ཅི་དགའ་ཆོས་བརྒྱད་གདོན་འདྲེ་ཡི་གཡབ་མོ།། སྨད་ན་བཟང་སྟེ་མཚང་འདོན་ཉམས་མྱོང་གི་བོགས་འབྱིན།། རེ་དོགས་གཉིས་…

ཆེན་པོའི་གསོབ་འཆང་རྫུན་གྱི་ཟློས་གར།། མི་བདེན་མེ་ལོང་གཟུགས་བརྙན་མཐོང་ནས།། ཟིན་མེད་བྲེལ་དོས་ལོ་ཟླ་ཟད་བྱེད།། ཨོ་རྫོབ་ཅན་ལ་ཕྱི་ཕྱག་འཚལ་ཡོད།། གཅེས་པའི་ལུས་ཀྱི་ཟུངས་ཁྲག་དྲོན་པོ།། ལྷག་བསམ་དག་པའི་རྟ་དང་སྦྱར་ནས།། བསྟན་སྲོག་འཐུད་པའི་གསོས་སུ་བསྟབས་པའི།། ལེགས་བྱས་དགའ་བས་ཡིད་སེམས་བདེ་སོང་།། གྲགས་པའི་དོན་མིན་མི་ལ…

གཞི་དབྱིངས་འགྱུར་མེད་ཀ་དག་ཆོས་སྐུ་ཡི་བླ་མ།། གཞི་སྣང་ལྷུན་གྲུབ་ཁ་སྦྱོར་བདུན་ལྡན་གྱི་ངོ་བོ།། མ་འགག་རོལ་རྩལ་གང་འདུལ་ཐུགས་རྗེ་ཡི་བདག་ཉིད།། སྐུ་གསུམ་འདུས་ཞལ་དྲིན་ཆེན་བླ་མ་དེ་མཁྱེན་ནོ།། ཆོས་ཟད་ཆོས་སྐུའི་བླ་མ་ཀློང་ཆེན་གྱི་རབ་འབྱམས།། བརྒྱུད་གསུམ་འདུས་པའི་ཤིང་རྟ་འཇིགས་བྲལ་དེ་གླིང་པ།། གཞི་གྲོལ་གདོད་མའི་སར་ཕྱི…

ཆོས་སྐུའི་བླ་མ་ཆོས་ཉིད་སྤྲོས་པ་བྲལ། ལོངས་སྐུའི་བླ་མ་མཚན་རྫོགས་ཡོན་ཏན་འབར།། སྤྲུལ་སྐུའི་བླ་མ་མཁྱེན་གཉིས་ཡེ་ཤེས་རྒྱས།། སྐུ་གསུམ་ཀུན་འདུས་བླ་མར་གསོལ་བ་འདེབས།། བླ་མ་ཕྱི་རུ་མི་བཞུགས་ནང་དུ་སྟེ།། སེམས་ཉིད་རྫོགས་པའི་སངས་རྒྱས་གདོད་མའི་གཤིས།། རྒྱལ་ཀུན་ངོ་བོ་མཁའ་མཉམ་གསང་གསུམ་གྱིས།། འབྲལ་མེད་སྙིང་གི་དབུས་ནས་རྟག…

ཀ་དག་ཆོས་སྐུའི་བླ་མ་ཀུན་བཟང་གི་སངས་རྒྱས།། ལྷུན་གྲུབ་ལོངས་སྐུའི་བླ་མ་རྡོ་རྗེ་ཡི་སེམས་དཔའ།། གང་འདུལ་སྤྲུལ་སྐུའི་བླ་མ་དགའ་རབ་ཀྱི་དཔའ་བོ།། ཀུན་འདུས་དྲིན་ཅན་བླ་མ་རིགས་བདག་ཏུ་རྟག་བཞུགས།། དལ་འབྱོར་རྙེད་པར་དཀའ་བ་ཡིད་བཞིན་གྱི་ནོར་འདྲ།། ཚེ་ལ་རྟག་བརྟན་མེད་པ་ནམ་མཁའ་ཡི་ན་བུན།། འཁོར་བ་སྡུག་བསྔལ་རང་བཞིན་ཐར་མེད་ཀྱི…

འདས་པའི་རྗེས་མ་གཅོད་པའི་རང་གསལ་ལ།། མ་འོངས་མདུན་མ་བསུས་པའི་རང་ཤར་སེམས།། རྗེས་མེད་མཁའ་ལྟར་དྭངས་བའི་རང་གྲོལ་གཤིས།། ནམ་ཡང་གཡོ་མེད་རྟོག་བྲལ་གཤིས་སུ་ཨ།། རང་སློབ་བཙུན་རྒན་མ་ཞིག་གིས་ཤོག་བྱང་ཞིག་སྤྲད་ནས་འཕྲལ་དུ་ཅིག་བྲི་རོགས་ཟེར་བར་དེ་ཐོག་ནས་བྲིས་།

ཁྱེད་རྣམས་ནི་ལང་ཚོའི་མྱུ་གུ་འབུས་མ་ཐག་པ་དང་། མི་ཚེའི་ཉི་གཞོན་གྱི་ཞོགས་པའི་དུས་ཚོད་དུ་ཁེལ་བ་ལྟ་བུ་ཞིག་ཡིན། ཁྱེད་རྣམས་ནི་མ་འོངས་པའི་གངས་ལྗོངས་དང་ཕ་ཡུལ་འདིའི་བདག་པོ་རེད་ལ། གངས་ལྗོངས་མཁས་པའི་འབྱུང་གནས་ཤྲཱི་སེང་ཆོས་གྲྭ་ཆེན་པོ་འདིའི་བསྟན་རྒྱུན་འཛིན་མཁན་ཡང་རེད། ཁྱེད་ཚོ་ནི་ཕ་མ་དང་མཁན་སློབ་ཀྱི་གཅེས་ཕྲུག་རེད་…

སྲིད་འདིར་ཆེ་བ་ཚངས་དབང་ལྷ་ཡི་བདེ་འབྱོར་དག་ཀྱང་གཅིག་ཏུ་བརྟན་མིན་གཡོ་ཞིང་འགྱུར་བའི་འདུས་བྱས་ཀྱི།། རང་མཚང་ཉིད་ལས་སྐྱོ་བས་ཡིད་དབྱུང་ཞི་བསིལ་དམ་ཆོས་ལེགས་གསུང་བཀའ་དང་དགོངས་འགྲེལ་དོན་གྱི་སྙིང་པོའི་བཅུད།། ངེས་འབྱུང་ལམ་གྱི་སྲོག་ཏུ་འཛིན་མཁས་རྣམ་དག་ཁྲིམས་ཀྱི་བརྟུལ་ཞུགས་ལ་གནས་དྲང་སྲོང་རྗེས་ཞུགས་གང་ཟག་ཆེ།། འཕྲལ་…

སྲིད་པར་གནས་ཀུན་བདེ་ལ་ཡིད་ཆགས་པས།། སྲིད་པའི་འཁྲུལ་སྣང་གྱ་གྱུའི་རྨི་ལམ་འགྲོས།། སྐྱིད་སྡུག་སྤེལ་མའི་གདུང་བས་རབ་མནར་བ།། ཀུན་ཀྱང་གཅེས་པའི་སྲོག་གི་རིམ་གྲོའི་ཆེད།། ལུས་སྲོག་ཕ་མས་བསྐྱེད་པའི་འབྱུང་བཞིའི་ཁམས།། ཤིན་ཏུ་དར་བ་ལང་ཚོའི་བཀྲག་འབར་བའི།། སྙིང་གི་ཟུངས་ཁྲག་དྲོན་པོས་བསྟན་པའི་སྲོག གསོ་བའི་སྐལ་བཟང་དགའ་བ་མང…

འཕགས་ཆེན་མི་ཡི་བརྫུར་ཞུགས་གུ་ཎའི་ཞབས།། སྐྱབས་མཆོག་གྲུབ་པའི་དབང་ཕྱུག་འཇིགས་བྲལ་པ།། དབྱེར་མེད་སྙིང་དབུས་རྒྱན་དུ་རྟག་མཆོད་དེ།། སྣ་ཚོགས་སྐྱོ་གླུ་ཉམས་མཚར་ཚིགས་སུ་སྡེབ།། འཁོར་བས་བསྡུས་པའི་འཇིག་རྟེན་མི་ཡུལ་འདིར།། ལས་ཀྱིས་བསྐྱེད་པའི་བདེ་སྡུག་སྣ་ཚོགས་ཀྱང་།། ཉམ་ཆུང་སྐྱེ་བོར་བཀོད་པའི་ཐོད་པའི་རིས།། རྟག་ཏུ་གཡང་ས…

ཀ་མད་སུམ་ཅུའི་གསལ་བྱེད་ཡིག་ཚོགས་ཕྲེང་།། ཁ་བ་རི་བའི་རྗོད་འདོད་ངག་གི་སྒྲོས།། ག་ལེར་དཔྱད་ན་ཞིབ་མོའི་རྣམ་དབྱེ་ཅན།། ང་རོ་དབྱངས་དང་ལྡན་པའི་འདོག་འཕུལ་མཛེས།། ཅ་ཅོའི་ཅོལ་གཏམ་མ་ཡིན་བོད་མིའི་སྐད།། ཆ་ལུགས་ཆོས་དང་མཐུན་པའི་ངག་ལ་མཛའ།། ཇ་ཆང་མགྲོན་ལ་འབུལ་བའི་ཞེ་སར་བཅས།། ཉ་མོ་ཆབ་ལ་ཇི་བཞིན་འཇུག་པ་མྱུར།། ཏ་ལ་ར་མགོ་སྦྱར…

ཨ་ལ་ལ་ཞེས་དགའ་བའི་དབྱངས་སྙན་དང་།། ཧ་ཧེའི་དགོད་སྒྲ་ལྡན་པའི་འཛུམ་བག་བཅས།། ས་སྟེང་འཁོད་པའི་རང་རིགས་སྤུན་གྲོགས་ཚོར།། ཤ་ཚ་ལྷག་བསམ་ལྡན་པའི་མཆིད་འདི་གསོལ།། ལ་ལ་ལོག་ལྟ་ཅན་གྱི་རིགས་འདི་འགའ།། ར་རིལ་འཁོར་གྱི་དབུས་སུ་བཀུར་བྱས་ཀྱང་།། ཡ་རབས་སྐྱེ་བོའི་དབུ་འཕང་སྨད་སྲིད་པས།། འ་འུར་རྟོག་དཔྱོད་གཏམ་གྱིས་རྣ་བ་གཟན།། ཟ་འོ…

ཀ་བ་གཡུ་འབྲུག་རིས་ཀྱི་ཁང་བཟང་གི་དབུས་ན༎ ཁ་དོག་འཇའ་འོད་འཁྲུགས་པའི་ཟློས་གར་གྱི་བྲོ་རར༎ ག་ལེར་འགྱིང་ཉམས་སྟོན་པའི་ལྕམ་དྲལ་གྱི་ན་གཞོན༎ ང་ཡི་གྲོགས་པོ་རིགས་མཐུན་གདུང་དྲུག་གི་ཕུ་ནུ༎ ཅ་ཅོ་རྣ་བར་གཟན་པའི་སྒྲ་དབྱངས་དང་འགྲོག་པའི༎ ཆ་བྱད་སྤྲེལ་མ་མི་ཡི་པྲ་ཚག་གི་ཆས་གོས༎ ཇ་ལ་དམར་པོ་བཅིངས་བའི་རང་རིགས་ལ་མི་མཛའ༎ ཉ་ཉོག་ག…

ཀ་མ་ལར་འཁྲུངས་པདྨ་རྒྱལ་པོའི་བསྟན།། ཁ་བའི་ལྗོངས་སུ་འཛིན་མཁས་རྫོགས་ཆེན་པ།། ག་རུ་བཞུགས་ཀྱང་ཕན་བདེའི་གྲགས་སྙན་ཅན།། ང་ཡི་རིགས་ཀྱི་བདག་པོར་གུས་པས་བསྙེན།། ཅ་ག་རིན་ཆེན་ནོར་གྱིས་བསྒྲུན་མིན་པའི།། ཆ་བྱད་ངུར་སྨྲིག་གསར་པའི་རྒྱལ་མཚན་ཆེ།། ཇ་དར་གསེར་དངུལ་སྟོང་གིས་མ་བསླུས་པ།། ཉ་རྒྱས་ཟླ་བ་རྒྱུ་སྐར་དབུས་བཞིན་མཛེས།། ཏ་…

གངས་ར་ཉེར་ལྔའི་ནང་ཚན་ཡོན་ཏན་གྱི་གནས་མཆོག། མ་དང་མཁའ་འགྲོ་འདུ་བའི་ཨོ་རྒྱན་གྱི་སྦས་ལུང་།། འཇའ་ལུས་འོད་སྐུར་གྲོལ་བའི་རིག་འཛིན་གྱི་གཤེགས་ཤུལ།། འཇིགས་བྲལ་སྔ་འགྱུར་རྒྱལ་བ་རྫོགས་ཆེན་པའི་གདན་ས།། འཆད་རྩོད་རྩོམ་ལ་ཟླ་བྲལ་ལུང་རིགས་ཀྱི་བང་མཛོད།། མཁས་པ་བརྒྱ་དང་གྲུབ་པ་སྟོང་ཕྲག་གི་བསྟི་གནས།། མདོ་སྔགས་ལེགས་བཤད་འབྱུང་…