༄༅། །བླ་མའི་རྣལ་འབྱོར་ཟབ་ཁྱད་ཅན་ཆོས་ཀྱི་རྒྱལ་པོ་ཙོང་ཁ་པ་ཆེན་པོས་མཁས་གྲུབ་ཐམས་ཅད་མཁྱེན་པ་ལ་གཅིག་བརྒྱུད་ཀྱི་ཚུལ་དུ་གནང་བ་བཞུགས་སོ། །

ན་མོ་གུ་རུ་མཉྫུ་གྷོ་ཥཱ་ཡ། ཟབ་མོ་བླ་མའི་རྣལ་འབྱོར་བསྒོམ་པར་འདོད་པས། ཐོག་མར་སྐྱབས་འགྲོ་སེམས་བསྐྱེད་ཚད་མེད་བཞི་བསྒོམ་པ་སྔོན་དུ་འགྲོ་བ་བྱས་ནས། རང་གི་མདུན་གྱི་ནམ་མཁར་པདྨ་དང༌། ཟླ་བ་དང༌། སེང་གེ་ཆེན་པོ་བརྒྱད་ཀྱིས་བཏེག་པའི་རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་སྟེང་དུ། རང་གི་དྲིན་ཅན་རྩ་བའི་བླ་མ་རྒྱལ་བ་ཙོང་ཁ་པ་ཆ…

བག་དང་ལྡན་པ། རིན་པོ་ཆེའི་རྒྱན་ཐམས་ཅད་ཀྱིས་བརྒྱན་པ། དར་སྣ་ཚོགས་ཀྱི་ན་བཟའི་ལྷབ་ལྷུབ་ཅན། ཞབས་རྡོ་རྗེ་སྐྱིལ་ཀྲུང་གིས་བཞུགས་པ། དེའི་སྤྱི་བོར་ༀ། མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པར་གྱུར། ཐུགས་ཀའི་ཧཱུཾ་ལས་འོད་ཟེར་འཕྲོས་པས། རྒྱ་ཆེན་སྤྱོད་བརྒྱུད། ཟབ་མོ་ལྟ་བརྒྱུད། ཉམས་ལེན་བྱིན་རླབས་བརྒྱུད་ལ་སོགས་པའི་རྩ་བ་དང་…

པ་སྤྱན་དྲངས་ཏེ། དེ་ཉིད་ལ་ཐིམས་པས། དེ་ཉིད་ཡི་དམ་ཀུན་འདུས་ཀྱི་བདག་ཉིད་དུ་གྱུར། ཡང་ཐུགས་ཀའི་ཧཱུཾ་ལས་འོད་ཟེར་འཕྲོས་པས་བཀའ་སྡོད་སྲུང་མའི་ཚོགས་ཐམས་ཅད་དང༌། གནས་གསུམ་གྱི་དཔའ་བོ་མཁའ་འགྲོ་རྣལ་འབྱོར་མའི་ཚོགས་ཐམས་ཅད་སྤྱན་དྲངས་ཏེ། དེ་ལ་ཐིམས་པས། ཆོས་སྐྱོང་ཀུན་འདུས་ཀྱི་བདག་ཉིད་དུ་གྱུར་པར་བསམས་ལ། གསང་བ་འདུས་པ་ནས་བཤ…

འགྲོ་བར་བྱིན་གྱིས་བརླབ་ཏུ་གསོལ། ལམ་ལ་བར་ཆད་མི་འབྱུང་བར་བྱིན་གྱིས་བརླབ་ཏུ་གསོལ། ཕྱིན་ཅི་ལོག་གི་བློ་སྣ་མཐའ་དག་འགག་པར་བྱིན་གྱིས་བརླབ་ཏུ་གསོལ། ཕྱིན་ཅི་མ་ལོག་པའི་བློ་སྣ་མཐའ་དག་རང་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ་པས། བླ་མའི་སྤྱི་བོའི་ༀ་ལས་འོད་ཟེར་དཀར་པོའི་ཚོགས་དཔག་ཏུ་མེད་པ་འཕྲོས། རང་…

ཏིང་ངེ་འཛིན་བསྒོམ་པ་ལ་དབང་བར་བྱས། འབྲས་བུ་ཆོས་སྐུ་འགྲུབ་པའི་ནུས་པ་ཁྱད་པར་ཅན་བཞག་བྱུང་སྙམ་པའི་མོས་པ་བྱས། ཡང་སྔར་བཞིན་གསོལ་བ་དྲག་ཏུ་བཏབ་པས། བླ་མའི་གནས་གསུམ་གྱི་ཡི་གེ་གསུམ་ལས་འོད་ཟེར་དཀར་དམར་མཐིང་གསུམ་འཕྲོས། རང་གི་གནས་གསུམ་དུ་ཐིམས་པས་སྒོ་གསུམ་གྱི་སྡིག་སྒྲིབ་བག་ཆགས་དང་བཅས་པ་བྱང་ཞིང་དག །དབང་བཞི་བ་ཚིག་དབང…

པདྨ་འདབ་བརྒྱད་སྤུངས་སྐུ་ཁ་བསྡུས་པ་ལྟར་ཟུམ་པའི་རྩེ་ལ་དམིགས་བརྩེ་མའི་ཡིག་འབྲུ་རྣམས་གསེར་གྱིས་འབྲིས་པ་ལྟ་བུ་དང༌། དེའི་གཤམ་ནས་ཨར་པ་ཙ་ནའི་ཡི་གེ་གསེར་གྱི་མདོག་ཅན་གྱིས་བར་མཚམས་མེད་པར་བཀྲིས་པར་བསམ་ཞིང༌། ངག་ཏུ་ཡང་བརྗོད་ནས། བསྟན་པ་རྒྱས་པ་སོགས་ཀྱི་བསྔོ་བ་བྱེད་ཅིང༌། དེ་ནས་བཟུངས་ཏེ་བླ་མའི་རྣལ་འབྱོར་འབད་པ་གལ་ཆེའོ…

ཞལ་སྔ་ནས་གྲགས་པ་རྒྱལ་མཚན། དེ་ནས་རིམ་པར་བརྒྱུད་རྡོ་རྗེ་བློ་གྲོས་རིན་ཆེན་ལའོ།། །།ཤུ་བྷཾ་མསྟུ་སརྦ་ཛ་ག་ཏཾ། སྭ་སྟི། རྒྱ་བསྟན་པད་ཚལ་སོགས།

༄༅། །རྗེ་རིན་པོ་ཆེས་བ་སོ་ཆོས་རྗེ་ལ་གཅིག་བརྒྱུད་ཀྱི་ཚུལ་དུ་གནང་བའི་བླ་མའི་རྣལ་འབྱོར་བཞུགས་སོ། །

ན་མོ་གུ་རུ། སྐྱབས་འགྲོ་སེམས་བསྐྱེད་ཚད་མེད་བཞི་སོགས་སྔོན་དུ་བཏང་ནས། རང་གི་སྤྱི་བོར་སེངྒེ་ཆེན་པོ་བརྒྱད་ཀྱིས་བཏེག་པའི་རིན་པོ་ཆེའི་ཁྲི་ཡངས་ཤིང་རྒྱ་ཆེ་བའི་སྟེང་དུ། པདྨ་དང་ཟླ་བའི་གདན་ལ་ངོ་བོ་དྲིན་ཅན་རྩ་བའི་བླ་མ་ཆོས་ཀྱི་རྒྱལ་པོ་ཙོང་ཁ་པ་ཡིན་པ་ལ། རྣམ་པ་རྗེ་བཙུན་འཇམ་དབྱངས་སྐུ་མདོག་དམར་སེར་ཞལ་གཅིག་ཕྱག་གཉིས་ཀྱི…

སྤྱི་བོར་ༀ་དཀར་པོ། །མགྲིན་པར་ཨཱཿདམར་པོ། །ཐུགས་ཀར་ཧཱུཾ་སྔོན་པོ། །ཐུགས་ཀའི་ཧཱུཾ་ལས་འོད་ཟེར་འཕྲོས་ཟབ་མོ་ལྟ་བརྒྱུད། རྒྱ་ཆེན་སྤྱོད་བརྒྱུད། ཉམས་ལེན་བྱིན་རླབས་བརྒྱུད་པའི་བླ་མ་རྣམས་དང༌། གཞན་ཡང༌། རང་གི་ཆོས་འབྲེལ་དངོས་སུ་ཐོབ་པའི་བླ་མ་ཡི་དམ་སངས་རྒྱས་བྱང་སེམས། དཔའ་བོ་མཁའ་འགྲོ་ཆོས་སྐྱོང་བསྲུང་མའི་ཚོགས་དང་བཅས་པ་ཐ…

དབང་བཞིའི་ནང་ནས་བུམ་དབང་ཐོབ། ཐོག་མེད་ནས་ལུས་ཀྱི་སྒོ་ནས་བསགས་པའི་སྡིག་སྒྲིབ་བག་ཆགས་དང་བཅས་པ་ཐམས་ཅད་དག །སྐུ་རྡོ་རྗེ་འགྲུབ་པའི་ནུས་པ་བཞག་བྱུང་སྙམ་དུ་མོས་ནས་དམིགས་བརྩེ་མ་འདྲེན་ཅིང༌། ཡང་སྔར་བཞིན་གསོལ་བ་བཏབ་པས། བླ་མའི་མགྲིན་པའི་ཨཱཿལས་འོད་ཟེར་དང་བདུད་རྩི་དམར་པོ་དཔག་ཏུ་མེད་པ་བྱུང༌། རང་གི་མགྲིན་པར་ཐིམ། ཐོག་མ…

པའི་སྡིག་སྒྲིབ་བག་ཆགས་དང་བཅས་པ་ཐམས་ཅད་དག །བླ་མའི་སྐུ་གསུང་ཐུགས་གསུམ་གྱི་བྱིན་རླབས་ཞུགས། དབང་བཞིའི་ནང་ནས་ཚིག་དབང་རིན་པོ་ཆེ་ཐོབ། སྐུ་གསུང་ཐུགས་རྡོ་རྗེ་གསུམ་དབྱེར་མི་ཕྱེད་པའི་ཟུང་འཇུག་རྡོ་རྗེ་འཆང་འགྲུབ་པའི་ནུས་པ་ཁྱད་པར་ཅན་བཞག་བྱུང་སྙམ་དུ་མོས་ནས་དམིགས་བརྩེ་མ་འདྲེན། དེ་ནས་རང་གི་སྤྱི་བོ་ནས་སྙིང་གའི་བར་དུ་…

ཅན་རང་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ་པས། བླ་མ་རྩ་དབུ་མའི་ནང་ནས་མར་བྱོན་ནས། རང་གི་སེམས་ངྷཱིཿ དམར་སེར་དུ་གསལ་བ་ལ་ཐིམ། བླ་མ་དང་རང་གི་སེམས་རྗེ་བཙུན་གསུམ་དབྱེར་མི་ཕྱེད་པའི་ངང་ལ་དར་ཅིག་མཉམ་པར་གཞག་གོ །དེ་ནས་རང་གི་སྙིང་ག་པདྨར་གསལ་བ་ཁ་འུབ་འདུས་པའི། རྗེ་བཙུན་གྱི་རལ་པའི་ཐོར་ཅོག་གི་མཚམས།…

༄༅། །རྗེ་རིན་པོ་ཆེ་བློ་བཟང་གྲགས་པའི་དཔལ་གྱི་གསན་ཡིག་བཞུགས་སོ། །

ན་མོ་གུ་ར་བེ། གསང་འདུས་ཀྱི་ཆོས་འབྱུང༌། ཊཱིཀ །སྒྲོན་གསལ་རྒྱུད་དང་བཅས་པ་དང༌། རིམ་ལྔ་སྒྲུབ་ཐབས་མདོར་བྱས་ཤྲངྔྷ་དང༌། ལོ་ཆེན་གྱི་འགྱུར། མདོ་སྲེ་དྷརྨ་ཤྲཱི་བྷ་དྲ་དང༌། ལོ་ཆེན་གྱི་འགྱུར། ཆོ་ག་ཉི་ཤུ་པ་སུ་བྷ་ཥི་ཏ་དང༌། ལོ་ཆེན་གྱི་འགྱུར། བྱང་ཆུབ་སེམས་འགྲེལ་ཚིགས་བཅད་མ་གུ་ན་ཨ་ཀ་ར་དང་རབ་ཞི་བཤེས་གཉེན་གྱི་འགྱུར་ལ་ཀ་ན་…

བཤད་པ་འགྱུར་བྱང་མེད་པ་རྣམས་ཨཱརྱ་དེ་བས་མཛད་པ་དང༌། རྣམ་གཞག་རིམ་པ་འགྱུར་བྱང་མེད་པ་དང༌། ཆོ་ག་ཉི་ཤུ་པ་ཏི་ལ་ཀ་ཀ་ལ་ཤ་དང༌། པ་ཚབ་ཀྱི་འགྱུར། འདི་གཉིས་ཀླུ་བྱང་གིས་མཛད་པ་དང༌། རྡོར་སེམས་ཀྱི་སྒྲུབ་ཐབས་ཟླ་གྲགས་ཀྱིས་མཛད་པ། ཏ་ཐཱ་ག་ཏ་རཀྵི་ཏ་དང༌། ཀློག་སྐྱ་གཞོན་ནུ་འབུམ་གྱིས་བསྒྱུར་པ་ལ། དཱི་པཾ་ཀ་ར་རཀྵི་ཏ་དང་བ་རི་ལོཙྪས་བ…

བྱང་མེད་པ་རྣམས་ནག་པོ་པས་མཛད་པ་དང༌། གསང་འདུས་རྒྱུད་ཕྱི་མ་གསང་བ་ཐམས་ཅད་སྟོན་པ་ཞེས་བྱ་བའི་རྒྱ་ཆེར་འགྲེལ་པ་གསང་བའི་སྒྲོན་མ་ཞེས་བྱ་བ་སྙན་གྲགས་བཟང་པོས་མཛད་པ་སྨྲ །འདིའི་མཇུག་རྫོགས་རྟིང༌། ཀུན་ཏུ་བཟང་པོ། ནམ་མཁའི་སྙིང་པོ། སྙན་གྲགས་བཟང་པོ། ནཱ་རོ་པ། ཡེ་ཤེས་དངོས་གྲུབ། རྩ་བཤད་པ་རྣམས་མཚན་གྱི་རྣམ་གྲངས་ཡིན་བྱ་བ་སྣང་…

བརྒྱུད་ལུགས་གཉིས་ཏེ། ཀླུ་སྒྲུབ། མ་ཏཾ་གི །ཏཻ་ལོ་པ། ནཱ་རོ་པ། མར་པའོ། །ཡང་མ་ཏཾ་གི །ཟླ་གྲགས། རིག་པའི་ཁུ་བྱུག །ཨ་བ་ངྷཱུ་ཏཱི་པ། ནག་པོ་ཞབས། དྲི་མེད་བློ་གྲོས། ཡེ་ཤེས་སྙིང་པོས་མར་པ་ལ་གདམས་སོ། །དེ་ལ་མ་ཏཾ་གི་ནི། ཀླུ་སྒྲུབ་ཀྱི་ཐུགས་སྲས་བཞི། ཉེ་སྲས་གསུམ་སྟེ་བདུན་གྱི་ནང་ནས་ཐུགས་སྲས་གཅིག་གོ །ཐུགས་སྲས་བཞི་ནི། འཇམ་ད…

གཙུག་ལག་ཁང་ན་གནས་པ་དཔལ་ཡེ་ཤེས་སྙིང་པོ་ལ། འདུས་པའི་དབང་བརྒྱུད། གདམས་པའི་བཀའ་བབས། ཁྱད་པར་དུ་མར་པའི་བུ་བཞིའི་ནང་ནས་མཚུར་དབང་རྡོར་ལ། རྗེ་ནཱ་རོ་པའི་དབང་དང་རྒྱུད་རྐྱང་གདམས་པར་བཅས་པ་གདམས། དེས་གད་པ་ཀཱིརྟི། དེ་ལ་མི་ཉག་ཐུ་ལ་པ། དབུས་པ་འགར་སྒེ། གྲུབ་ཐོབ་ཞང་ཞུང་པ་སྟེ་ཐུགས་སྲས་གསུམ་ལ། གངས་བར་གསེར་ཁའི་རིན་ཆེན་གླིང…