གསལ་བར་སོང་ན་བསྐྱར་ལ་གསལ་བཏབ་ནས་བསྒོམས་པས། རྣམ་པ་གསལ་བར་སོང་སོང་གི་བར་དུ་བསླབ། དེ་ཡང་གང་གསལ་བཏབ་པ་དེ་འཆར་ཐུབ་པ་དང༌། དེ་ལས་གཞན་གསལ་མ་བཏབ་པ་མི་འཆར་ཞིང༌། ཤིན་ཏུ་གསལ་བ་མིག་གིས་མཐོང་བ་ལས་ཀྱང་ལྷག་པ་སྙམ་བྱེད་པ་དང༌། གསལ་བ་དེ་ཉིད་ལ་སེམས་བཞག་ན་བྱིང་རྒོད་དང་བྲལ་བར་ཐུན་འཁྱོངས་པའི་བརྟན་པ་ཅིག་དགོས་སོ། །ལྷའི་སྐུ་ར…

བ་ཁྱད་པར་ཅན་བསྒོམས་པའི་མཐར་དེ་དྲན་པ་ན། ཡིད་ངོར་ཐ་མལ་གྱི་སྣང་བ་འཆར་མི་ཐུབ་པར་ཁྱད་པར་ཅན་ཀྱི་སྣང་བ་ཉིད་འཆར་བ་ན། ཐ་མལ་པའི་སྣང་བ་ཡིད་ངོར་དག་པར་བྱེད་ནུས་པ་ཡིན་ལ། སྔར་བཤད་པའི་བཅོས་མིན་གྱི་ང་རྒྱལ་འཕོ་ནུས་པ་བྱུང་བ་ན། ཐ་མལ་པའི་ཞེན་པ་ཡིད་ངོར་དག་པར་བྱེད་ནུས་པ་ཡིན་ནོ། །དེ་ནས་མཉམ་གཞག་ལས་ལངས་ཏེ། སྣོད་བཅུད་ཀྱི་སྣང་…

དཀྱིལ་འཁོར་གྱི་འཁོར་ལོའི་བསྐྱེད་རིམ་བསྒོམས་པས་རྒྱུད་སྨིན་པར་བྱེད་པའི་གཙོ་བོ་ནི་འདི་ཉིད་ཡིན་ནོ། །གཉིས་པ་རྫོགས་པའི་རིམ་པ་བསྒོམ་པ་ལ་གསུམ། གཞི་དངོས་པོའི་གནས་ཚུལ། ལམ་བགྲོད་པའི་རིམ་པ། འབྲས་བུ་མངོན་དུ་བྱེད་ཚུལ་ལོ། །དང་པོ་ལ་གཉིས། སེམས་ཀྱི་དངོས་པོའི་གནས་ཚུལ་དང༌། ལུས་ཀྱི་དངོས་པོའི་གནས་ཚུལ་ལོ། །འདི་ཡང་བསྒོམ་རྒ…

མཆེད་དང༌། སེམས་ལས་བྱུང་བ་ཞེས་པས་ནི། ཚོར་བ་དང་། འདུ་ཤེས་དང་། འདུ་བྱེད་ཀྱི་ཕུང་པོ་གསུམ་དང༌། དེས་མཚོན་ནས་ཡིད་ཀྱི་དམིགས་ཡུལ་གྱི་ཆོས་ཀྱི་སྐྱེ་མཆེད་རང་བཞིན་མེད་པར་བསྟན། ཡང་མཐོང་བ་པོ་ལ་སོགས་པའི་ཚིག་གིས། གཟུགས་མཐོང་བ་པོ་དང༌། སྒྲ་ཐོས་པ་པོའི་གང་ཟག་དང་བདག་ལ་སོགས་པ་ཡང་སྟོན་པས། མདོར་ན་གང་ཟག་དང་ཆོས་ལ་བདག་མེད་པའི་…

བཞིན་ཉིད་ཤེས་པར་འདོད་པས། རྣམ་བཅས་དང་རྣམ་མེད་ཀྱི་ལུགས་ཀྱི་དེ་ཁོ་ན་ཉིད་བླང་བར་བྱ་བ་མ་ཡིན་པར་བཤད་པའི་འགྲེལ་པ། མཻ་ཏྲི་པའི་དངོས་སློབ་པཎྜི་ཏ་ལྷན་ཅིག་སྐྱེས་པའི་རྡོ་རྗེས་མཛད་པ་ལས། ཉན་ཐོས་སྡེ་བ་རྣམ་བཅས་མདོ་སྡེ་པ་དང༌། རྣམ་མེད་བྱེ་བྲག་སྨྲ་བ་དང༌། སེམས་ཙམ་རྣམ་བདེན་རྫུན་གཉིས་དང༌། རྣལ་འབྱོར་སྤྱོད་པའི་དབུ་མ་པ་ཐ་སྙད…

རྫུན་མིན། ཞེས་སོགས་ཀྱི་དོན་ནི། རིགས་པ་དྲུག་ཅུ་པ་ལས། གང་དག་བརྟེན་ནས་ངོ་བོ་རྣམས། །ཆུ་ཡི་ཟླ་བ་ལྟ་བུར་ནི། །ཡང་དག་མ་ཡིན་ལོག་མིན་པར། །འདོད་པ་དེ་དག་ལྟས་མི་འཕྲོགས། ཞེས་གསུངས་པ་བཞིན་ཤེས་པར་བྱ་སྟེ། ཤེས་རབ་ཅན་གང་དག་གང་ཟག་དང་ཆོས་ཀྱི་ངོ་བོ་རྣམས། རང་རང་གི་རྒྱུ་དང་རྐྱེན་ལ་བརྟེན་ནས་འབྱུང་བ་དང༌། བརྟེན་ནས་བཏགས་པ་ཡིན་…

རྗེ་གུར་ལས། བདག་ཏུ་འཛིན་པ་བཟློག་པའི་ཕྱིར། །སྟོང་པ་རྒྱལ་བ་རྣམས་ཀྱིས་གསུངས། ཞེས་གང་ཟག་དང་ཆོས་ཀྱི་བདག་ཏུ་འཛིན་པ་བཟློག་པའི་ཕྱིར་དུ། སངས་རྒྱས་ཀྱིས་སྟོང་པ་ཉིད་ཀྱི་ལྟ་བ་གཏན་ལ་འབབས་པ་གསུངས་སོ། །དོན་དམ་པར་སྔར་བཤད་པ་ལྟར་ཡིན་ཀྱང༌། མིང་ཙམ་དང་བཏགས་པ་ཙམ་གྱི་ཆོས་རྣམས་ལ། ཀུན་རྫོབ་ཏུ་རྫུན་པ་སྒྱུ་མ་དང་རྨི་ལམ་ལྟ་བུའི་…

ཡང་རྡུལ་ཙམ་ཡང་མ་གྲུབ་པར་གསུངས་ནས། ཨེ་མ་སེམས་ཅན་མེད་གྱུར་ན། །དུས་གསུམ་སངས་རྒྱས་ཅི་ལས་བྱུང༌། །རྒྱུ་མེད་འབྲས་བུ་མི་སྲིད་པས། །ཀུན་རྫོབ་བདེན་པའི་དབང་དུ་ནི། །འཁོར་བ་དང་ནི་མྱ་ངན་འདས། །ཐམས་ཅད་ཡོད་ཅེས་ཐུབ་པས་གསུངས། །ཡོད་པ་དངོས་པོར་སྣང་བ་དང༌། །མེད་པ་སྟོང་པའི་ཆོས་ཉིད་གཉིས། །ངོ་བོ་དབྱེར་མེད་རོ་གཅིག་པས། །རང་རིག་…

པར་བཙལ་བར་བྱའོ། །གཉིས་པ་ལུས་ཀྱི་དངོས་པོའི་གནས་ཚུལ་ནི། ལྟེ་བ་སྤྲུལ་པའི་འཁོར་ལོ་ལ་སོགས་རྩ་འཁོར་གང་ན་ཡོད་པའི་དབུས་དང༌། དྷཱུ་ཏཱིའི་ཡར་སྣ་མར་སྣ་སོགས་ནི་ལུས་ལ་གནད་དུ་བསྣུན་པའི་ཐབས་ལམ་ཟབ་མོའི་གནད་དུ་བསྣུན་ས་ཡིན་ནོ། །དེ་ཡང་མར་ལུགས་ཀྱི་གདམས་ངག་པ་རྣམས་ཀྱི་ལུགས་ཀྱིས། གཉིད་ལོག་པ་དང་སང་བའི་དུས་གཉིས་ལས། དང་པོའི་ས…

ནས་སད་པར་འགྱུར་རོ། །སྤྱི་བོ་ནས་བྱང་སེམས་བབ་པ་ལྟེ་བ་དང་ནོར་བུའི་རྩེར་སླེབ་པ་ན། རང་གི་གནས་གོང་མ་རྣམས་ལས་འགྱུར་བའི་བདེ་བ་ཆེ་བ་རེ་རེ་འབྱུང་བ་ནི་བཞི་པའི་གནས་སྐབས་ཡིན་ལ། དེ་ཉིད་རླུང་སྟོབས་ཀྱིས་ལམ་དུ་བསླངས་པ་ན་ཡང༌། ཡས་བབས་ཀྱི་ལྷན་སྐྱེས་ཀྱི་འགོ་རྩོམ་པ་ལྟེ་བ་ནས་དང༌། མཚན་ཉིད་རྫོགས་པ་ནོར་བུའི་རྩེར་ཟིན་པ་ན་འཆར་…

སེམས་བསྐྱེད་པ་དང་། བླ་མ་སྤྱི་བོར་བསྒོམས་ནས་གསོལ་བ་གདབ་པ་རྒྱུད་དང་འདྲེས་ངེས་པ་རེ་དང༌། རང་ཡི་དམ་ཡབ་ཡུམ་དུ་གསལ་འདེབས། ཐུན་གང་བྱེད་ཀྱི་མགོར་སྔོན་དུ་བཏང་། དེ་ནས་འཁྲུལ་འཁོར་ལ་མང་ཉུང་དང་བྱེད་ལུགས་མི་འདྲ་བ་མང་དུ་སྣང་ནའང། འདིར་དཔལ་ཕག་མོ་གྲུ་པས་མཛད་པའི་ཐབས་ལམ་ཚིགས་བཅད་མའི་ལྷན་ཐབས་ལས། ལུས་སྤྱོང་ནི། བུམ་པ་ལྟར་ད…

ལག་པ་གཉིས་ཀྱི་མཐེ་ཆེན་ནང་དུ་དགུག །ཐད་ཀ་ནས་རླུང་ཤིན་ཏུ་དལ་ལ་རིང་བར་ནང་དུ་བརྡུབས་ཏེ། ལྟེ་འོག་ཙམ་དུ་མཆིལ་མ་སྒྲ་མེད་པར་མིད་ནས་ཆིར་གྱིས་མནན་དེའི་རྗེས་སུ་འོག་རླུང་ལྟེ་འོག་ཏུ་མི་དྲག་པ་ཅིག་དྲངས་ཏེ། ཁ་སྦྱར་དུ་བཟུང༌། ཤེས་པ་ལྟེ་བའི་རྩ་འཁོར་གྱི་དབུས་སུ་གཏད་ལ། ནུས་ཚད་དུ་འཛིན་པ་ནི་བུམ་པ་ལྟར་དགང་བ་སྟེ། འཁྲུལ་འཁོར་…

སླར་ཡང་ལག་པ་གཉིས་རྡོ་རྗེ་ཁུ་ཚུར་བཅངས་པ་སྙིང་ཁ་ནས་ཐད་ཀར་མདུན་ངོས་སུ་ཤུགས་ཆེ་བར་གཤིབས་ལ་བརྐྱང༌། དེ་ནས་གཡས་སུ་ལག་པ་གཉིས་བརྐྱང་ནས་སྔ་མ་བཞིན་དགུག་ལ་བརྡབ་བོ། །རྡོ་རྗེ་བསྡམས་པའི་ཕྱག་རྒྱ་གནམ་དུ་འཕང་ཞིང་འོག་ཏུ་བསྐྱུར་བ་ནི། པུས་མོ་གཉིས་བཙུགས་ཏེ་ལུས་བསྲང༌། དེ་ནས་ལག་པ་གཉིས་ཀྱི་སོར་མོ་རྣམས་ཕྱི་རུ་བསྣོལ་བའི་ལག་ལྕ…

ལུས་ཤིན་ཏུ་མཉེན་པར་མ་སོང་བར་དུ་བྱའོ། །སྟོང་ར་བསྒོམ་པ་ནི། རང་ཡི་དམ་དུ་གསལ་གདབ་པ་སོགས་སྔར་བཞིན་དུ་བྱ་ལ། འདིའི་དམིགས་པ་ཁྱད་པར་བ་ནི་སྤྱི་གཙུག་ནས་རྐང་མཐིལ་གྱི་བར་དུ་ཕྲུ་མ་ཕུས་བཏབ་པ་ལྟར་སྟོང་སང་ངེ་བ་ལ་དམིགས་པ་གཏད་ནས། དེ་ལ་སེམས་བརྟན་བརྟན་དུ་སྒོམ་པ་ཡིན་ཏེ། འདི་དང་ལུས་སྦྱོང་གཉིས་སྤེལ་མར་བསྐྱང་ངོ༌། །སྟོང་ར་འད…

ནའང༌། འདི་ལ་སྒོམ་པ་པོ་གང་ཟག་གི་དབང་པོའི་རིམ་པ་དང་བསྟུན་ནས་བྱེད་ན། ཚེ་འདི་དང་བར་དོ་དང༌། སྐྱེ་བ་བརྒྱུད་ནས་འཚང་རྒྱ་བའི་ལམ་གསུམ་དུ་བྱེད་དགོས་ལ། བསྒོམ་རྒྱུའི་ལམ་གྱི་དབང་དུ་བྱས་ནས་བྱེད་ན། རྫོགས་རིམ་གྱི་ལམ་དཀྱུས་མའི་དབང་དུ་བྱས་པ་ཅིག་དང༌། དེ་ལ་བོགས་འབྱིན་པའི་ཐབས་སྤྱོད་པ་དང་གཉིས་དགོས་པའི་ཕྱི་མ་འདི། ལུགས་འདིའ…

གདམས་པ་ཁྱད་པར་དུ་འཕགས་པ་བཞི་གསན་པའི་གཅིག །དཔལ་གསང་བ་འདུས་པ་ལ་བརྟེན་པའི་རིམ་པ་ལྔའི་གདམས་ངག་ཡིན་པས། ཡེ་ཤེས་སྙིང་པོ་དང་ནཱ་རོ་པ་གཉིས་ཀ་ལ་རིམ་པ་ལྔ་གསན་པའི་སྒྱུ་ལུས་དང༌། འོད་གསལ་གྱི་གདམས་པ་འདུས་པ་ལ་གཙོ་ཆེར་བརྟེན་པ་ཡིན་ནོ། །འཕོ་བ་དང་གྲོང་འཇུག་ནི་གཙོ་བོར་གདན་བཞི་ལ་བརྟེན་པར་སྣང་ངོ༌། །ནཱ་རོའི་ཆོས་དྲུག་ཏུ་བྱེད…

འདོད་པ་ནི་མུན་སྤྲུལ་ལོ། །དེ་ལ་སྤྱིར་རྣལ་འབྱོར་བླ་མེད་ཀྱི་རྫོགས་རིམ་རྣམས་ལ་སྔོན་ཏུ། རོ་རྐྱང་གི་རླུང་དབུ་མར་འཛུད་པའི་ཐབས་ཁྱད་པར་ཅན་ཅིག་མེད་མི་རུང་ཡིན་ལ། དེ་ལ་ཡང་རྒྱུད་སྡེ་སོ་སོ་ལ་བརྟེན་པའི་གྲུབ་ཆེན་གྱི་ལུགས་མི་འདྲ་བ་མང་དུ་ཡོད་ཀྱང༌། འདིར་ནི་ལྟེ་བ་སྤྲུལ་པའི་འཁོར་ལོ་ལ་བརྟེན་པའི་གཏུམ་མོ། ཨ་ཐུང་གི་སྲོག་རྩོ…

ལ་བརྟེན་ནས། རྫོགས་རིམ་གཞན་རྣམས་ཀྱི་འགྲོས་ཤེས་པ་ཅིག་དགོས་པའི་དོན་དུ་བྱ་དགོས་སོ། །གཏུམ་མོས་སྲོག་དྷཱུ་ཏཱིར་བཙུད་དེ་རླུང་ཞུགས་གནས་ཐིམ་གསུམ་ལ་ལེགས་པར་བྱང་བ་ན། དེའི་མཐུས་བྱང་སེམས་ཕྱི་རོལ་ཏུ་འཛག་མེད་དུ་འཆིང་ནུས་པ་ན་དེས་དགའ་བཞི་སྐྱེད་པའི་ལྷན་ཅིག་བྱེད་རྐྱེན་ལས་རྒྱ་ལ་བརྟེན་ནས། ལྷན་སྐྱེས་ཀྱི་དགའ་བ་སྐྱེད་པ་ནི་ཁ…

བོགས་འབྱིན་པའི་ཐབས་སྤྱོད་པའོ། །དང་པོ་ལ་གཉིས། ལམ་དངོས་ཀྱི་དོན་དང༌། ལམ་གྱི་ཡན་ལག་འཕོ་བ་དང་གྲོང་འཇུག་གོ །དང་པོ་ལ་གཉིས། སྲོག་དབུ་མར་བཙུད་ནས་དགའ་བཞི་བསྐྱེད་པ་དང༌། དེ་ལ་བརྟེན་ནས་སྒྱུ་མ་དང་འོད་གསལ་བསྒོམ་པའི་ཚུལ་ལོ། །དང་པོ་ལ་གཉིས། ནང་གི་རྐྱེན་གཏུམ་མོ་བསྒོམ་པ་དང༌། ཕྱིའི་རྐྱེན་ལས་ཀྱི་ཕྱག་རྒྱ་ལ་བརྟན་པའོ། །དང་པ…

གདབ་པ་སྔོན་དུ་བཏང་ནས། བསམ་གཏན་གྱི་སྟེགས་བུ་གཞུག །སྒོམ་ཐག་གྱོན། རྐང་པ་རེ་མིག་ཏུ་བསྣོལ། སྒལ་ཚིགས་དྲང་པོར་བསྲང༌། མགྲིན་པ་ཅུང་ཟད་དགུག །མིག་སྣ་རྩེར་དབབ། ལྕེ་རྩེ་ཅུང་ཟད་རྐན་ལ་སྦྱར། སོ་དང་མཆུ་རང་ལུགས་སུ་གཞག །ལུས་སེམས་ཅུང་ཟད་བསྒྲིམ། རོ་སྟོད་འཕེལ་ཀ་བསྐྱེད། མཉམ་གཞག་གི་ཕྱག་རྒྱ་ལྟེ་འོག་ཏུ་བཅས་པ་བྱས་ལ། རྩ་གསུམ་ག…