ལོའི་གོ་ཆ་མ་སྟེ་ཨཱ་ཀཱ་ཤ་གརྦྷ་དང༌། ཙཀྲ་བརྨྨི་ཎཱི་ཞེས་སོ། །མེ་མཚམས་ཀྱི་རྩིབས་ན་ག་ར་སྟེ་གྲོང་ཁྱེར་དུ་དཔལ་ཧེ་རུ་ཀ་དང༌། ཤིན་ཏུ་དཔའ་མོ་སྟེ། ཤྲཱི་ཧེ་རུ་ཀ་དང༌། སུ་བཱི་རཱི་ཞེས་དང༌། རྒྱ་དཔེར་ན་ག་རའི་བཤད་པར་པ་ཊ་ལི་ཞེས་པ་སྐྱེ་བོ་སྟེ། སྐྱེ་བོའི་བུ་ཡིན་གསུང་སྟེ་གྲོང་ཁྱེར་སྐྱེ་བོའི་བུའོ། །བདེན་བྲལ་གྱི་རྩིབས་སིན་དྷ…

ལྔ་དང་། ལ་སོགས་པའི་སྒྲས་ཐལ་བ་དང༌། འཁོར་ལོ་དང༌། ཐོད་སྐམ་ལྔ་དང༌། ཐོད་རློན་ལྔ་བཅུའི་ཕྲེང་བ་དང་རྐེད་རྒྱན་སོགས་དང་ལྡན་པའི་སྐུ། གཡོན་བསྐུམས་ཤིང་གཡས་བརྐྱང་གིས་གདན་ལ་བཞུགས་པའོ། །ཀུན་སྤྱོད་ལས། དཔའ་བོ་ཉི་ཤུ་རྩ་བཞི་ནི། ཕྱག་རྒྱ་ལྔ་ལ་སོགས་པས་བརྒྱན། ཞེས་གསུངས་ཤིང༌། ཧེ་རུ་ཀ་དཔའ་ལ་སོགས་ཀུན། །གཡས་བརྐྱང་བ་ཡི་གདན་དང་ལ…

དཔུང་རྒྱན་དང༌། རྣ་ཆ་དང༌། ཚངས་སྐུད་ཀྱི་རྒྱན་ཅན། མགོ་བོ་སྐམ་པོ་ལྔ་བཅུའི་ཕྲེང་བས་མགུལ་པ་ནས་བརླ་ཕྲ་སྦོམ་གྱི་བར་དུ་བརྒྱན་པ། འོག་པག་སིལ་སིལ་གྱི་སྒྲ་སྒྲོགས་པའོ། །སྐེ་རགས་ཁྱད་པར་བ་ཟར་བུ་ཅན་རྩེ་ལ་དྲིལ་ཆུང་གི་སྒྲ་སྒྲོགས་པ་ལ་འོག་པག་ཅེས་ཟེར་བས། སྐད་དོད་ཀྱི་སྟེང་ནས་སྐེ་རགས་དང་འོག་པག་གཉིས་ཀ་ལ་བསྒྱུར་དུ་ཡོད་ཀྱང༌། …

ན་སྐུ་གསུང་ཐུགས་ཀྱི་ནི། །ཇི་འདོད་མདོག་ནི་དབྱེ་བ་བྱ། ཞེས་སྐུ་གསུང་ཐུགས་ཀྱི་དབྱེ་བས་ཇི་ལྟར་འདོད་པའི་ཁ་དོག་ཏུ་བྱ་བར་བཤད་པ་ནི། སྐུ་འཁོར་གྱི་ལྷ་དཀར། གསུང་འཁོར་གྱི་ལྷ་དམར། ཐུགས་འཁོར་གྱི་ལྷ་སྔོན་པོར་བྱ་བའི་དོན་ཏེ། སྔར་འཁོར་ལོ་རེ་རེའི་ལྷ་རྣམས་ཀྱང་ཁ་དོག་མི་འདྲ་བར་བཤད་མ་ཐག་པ་ལྟར་མི་བྱ་བར་ཁ་དོག་ཕྱོགས་གཅིག་ཏུ་བ…

རྣམས་སྔར་དང་འདྲའོ། །དེའི་ལེའུ་དྲུག་པ་ལས་ནི། ཐོད་པའི་དུམ་བུ་ལ་སོགས་པ་བརྒྱད། ཞལ་ཕྱག་སོགས་སྔར་བཤད་པ་རྣམས་དང་ཇི་ལྟ་བ་བཞིན་མཐུན་ལ། རྣལ་འབྱོར་མ་ཉེར་བཞི་ཞལ་གཅིག་ཕྱག་གཉིས་མར་བཤད་ཀྱང་ཕྱག་མཚན་ལ་གྲི་གུག་མེད་དོ། །དེའི་ཕྱིར་རྣལ་འབྱོར་མ་ཉེར་བཞིའི་ཞལ་ཕྱག་གི་གྲངས་དང༌། ཕྱག་མཚན་ཀུན་སྤྱོད་དང་མཐུན་ཞིང༌། དཔའ་བོ་ཉེར་བཞིའ…

བར་འཁོར་ལོའི་ཕྲེང་བ་དང༌། གསུང་གི་དཔའ་བོ་རྣམས་དཔྲལ་བར་པདྨའི་ཕྲེང་བ་ཅན་དུ་བཤད་ཅིང༌། འདིར་ནི། དཔའ་བོ་རྣལ་འབྱོར་མ་ཀུན་གྱི། །དཔྲལ་བར་རྡོ་རྗེའི་ཕྲེང་བའོ། ཞེས་བཤད་པའི་ཕྱིར་དང༌། དཀྱིལ་འཁོར་གཞན་དུ་མ་ཞིག་གསུངས་པ་ཐམས་ཅད་ཀྱི་ཕལ་ཆེ་བ་དཀྱིལ་འཁོར་འདི་ཉིད་ལ་སྣོན་འབྲིད་བྱས་པར་སྣང་བའི་ཕྱིར་རོ། །དྲིལ་བུ་ཞབས་ཀྱི་རེ་གཉི…

གསུང་སྐུའི་ལྷ་ཡབ་ཡུམ་རྣམས་ཀྱིས་བཏུལ་ནས་མིང་དང་ཆ་ལུགས་སོགས་འདྲ་བར་བྱས་ཞེས་ཟངས་དཀར་གྱི་རྗེས་སུ་འབྲང་བ་དག་གསུང་བ་ནི་མངོན་བརྗོད་ཀྱི་འགྲེལ་པ་ནའང་དེ་རྣམས་ཅི་རིགས་པ་འདུག་ལ། དེའི་ཕྱིར་འདུལ་བྱེད་རྣམས་ལའང་གནས་དང༌། འདུལ་བྱའི་སྒོ་ནས་མཚན་དེ་ལྟར་དུ་བཏགས་པ་ཡིན་ལ། མིང་དོན་གཞན་ཡང་ཡོད་དོ། །འཁོར་ལོའི་རྩིབས་ཉེར་བཞི་ཡུལ…

མ་བརྙན་མི་འདྲ་བ་བཞིའི་དབྱེ་བས་དེ་རྣམས་ལས་དབྱེ་ཞིང་མི་འདྲ་བར་བྱའོ། །བྱ་རོག་གདོང་ལ་སོགས་པ་ནི་དབུ་རིལ་པོ་མིན་གྱི། གདོང་གི་ཕྱོགས་ཙམ་ཞིག་དེ་རྣམས་ཀྱི་གདོང་ཡིན་ཏེ། དེ་ལྟ་མ་ཡིན་ན་རྣ་རྒྱན་སོགས་གདགས་སུ་མི་རུང་ངོ་ཞེས་བོད་ཀྱི་མཁས་པ་དག་གསུང་ངོ་། །བྱ་རོག་གདོང་མ་ལ་སོགས་པ་བཞི་ནག་ལྗང་དམར་སེར་བའི་མདོག་ཅན་དུ་བཤད་པ་དང༌…

བཤད་པ་བརྒྱད་བཏུལ་བ་དང༌། འཛམ་བུ་གླིང་གི་ཡུལ་ཉེར་བཞི་ན་གནས་པའི་འཇིག་རྟེན་པའི་ལྷ་གདུག་པ་ཅན་དེ་རྣམས་ཀྱིས་ནི་དབང་ཕྱུག་མཆོད་པར་བྱེད་ལ། དབང་ཕྱུག་གི་དྲག་པོའི་སྐུ་འཇིགས་བྱེད་ནག་པོ། ཆུང་མ་དུས་མཚན་དང་བཅས་པ་ནི། འཛམ་བུའི་གླིང་གི་དབུས་མ་ག་དྷ་ན་གནས་པ་འདུལ་བའི་དུས་ལ་བབ་པའི་ཚེ། རྡོ་རྗེ་འཆང་གིས་འཛམ་བུའི་གླིང་དུ་བདེ་མ…

བཞིན་བྱའོ། །འདི་སྒོམ་པའི་དགོས་པ་ནི་འགྲེལ་པ་གསུམ་ལས་ལྷའི་རྣམ་པ་ལ་མངོན་པར་ཞེན་པ་དོར་བ་དང༌། ཐམས་ཅད་ཤེས་པ་ཉིད་ཐོབ་པར་བྱ་བའི་ཕྱིར་དུ་སྒོམ་པར་བཤད་པའི་དང་པོ་ནི། འབྲས་བུའི་སྐབས་ན་གཉིས་མེད་བདེ་ཆེན་གྱི་ཡེ་ཤེས་ཉིད་ལྷར་ཤར་བ་ཡིན་ལ། དེ་དང་རྗེས་སུ་མཐུན་པར་འབྲས་བུ་ལམ་དུ་བྱེད་པའི་དོན་ཡིན་གྱི། སོ་བདུན་པོ་ཐེག་ཆེན་གཞན་…

ཀྱི། ལོག་པར་བསྒོམ་པར་བྱ་བ་ནི་མ་ཡིན་ནོ། །ཡང་ན་ཡོངས་སུ་འདྲིས་པའི་དོན་དུ་བྱང་ཆུབ་ཀྱི་ཕྱོགས་ལ་སོགས་པའི་རྣམ་པ་རྣམས་ཀྱིས་ཡོངས་སུ་བསྐོར་བ་དེ་གོམས་པར་བྱ་སྟེ། ཞེས་གསུངས་པའི་སྔ་མ་ལྟར་བྱེད་ན་བདེ་སྟོང་དབྱེར་མེད་ཀྱི་བྱང་ཆུབ་ཀྱི་སེམས་ཉིད་ལ་དམིགས་པ་དང་བྱེད་ལས་སོགས་ཀྱི་སྒོ་ནས་ལུས་དྲན་པ་ཉེར་གཞག་སོགས་སུ་ཐ་སྙད་བྱེད་པས…

སྐད་ཅིག་ལ་སྦྱར་བས་ཆོག་པ་དེ་ཡང་དང་པོར་ལྡོག་པས་ཕྱེ་བ་ལ་རེ་རེ་ནས་སྦྱོར་བ་མི་བྱེད་པ་ཡང་མིན་ལ། རེ་ཞིག་གི་བར་དུ་ཐུན་མོང་བའི་སོ་བདུན་ལ་འདྲིས་པར་མི་བྱེད་པ་ཡང་མིན་མོད་ཀྱང༌། ཆོས་སོ་བདུན་ལྷ་སོ་བདུན་གྱི་ངོ་བོར་ལྟ་བ་ནི་གཙོ་བོའི་དོན་ལ་བྱེད་དོ། །དྲིལ་བུ་ཞབས་ཀྱིས་ཀྱང་སོ་བདུན་གྱི་དག་པ་བསྡུས་ནས་གསུངས་སོ། །དེ་ལྟར་ན་ཕྱ…

པར་ལུས་ཚོར་སེམས་ཆོས་ཀྱི་ཕུང་པོ་བཞི་སྒྱུ་མ་བཞིན་དུ་རང་བཞིན་གྱིས་སྐྱེ་བ་མེད་པར་ཤེས་པའི་ཤེས་རབ་དང༌། སྙིང་རྗེ་དབྱེར་མེད་པ་ལ་བཤད་དེ་སྔར་ལྟར་བཤད་དོ། །རྗེས་སུ་དྲན་པ་ནི་ཤེས་རབ་ཀྱིས་དེ་ལྟར་གཏན་ལ་ཕབ་པའི་སྟོབས་ཀྱིས་ཡུལ་དེ་ལ་དྲན་པ་བཞག་པས་ན་དྲན་པ་ཉེར་གཞག་གོ །གཞུང་གཞན་ནས་བཤད་པའི་རིམ་པ་ལས། འདིར་ཐ་མ་གཉིས་བཟློག་པ་ནི…

ཆུབ་ཀྱི་སེམས་དང༌། ཏིང་ངེ་འཛིན་གྱིས་གྲོགས་བྱས་པའི་སྒོ་ནས་རབ་གཏུམ་ལ་སོགས་པ་བཞིར་བཞག་པར་བཤད་པའི་ཏེང་ངེ་འཛིན་ནི་འདུན་པ་ལ་སོགས་པའི་ཏིང་ངེ་འཛིན་བཞིའོ། །འདི་ནི་བྱང་ཆུབ་ཀྱི་སེམས་དེ་ཉིད་ལ་གྲོགས་ཀྱི་སྒོ་ནས་རྫུ་འཕྲུལ་གྱི་རྐང་པ་བཞིར་མིང་བཏགས་ཞེས་པའི་ལུགས་ཏེ། གཞུང་གཞན་ནས་བཤད་པའི་ཐ་མ་གཉིས་ཀྱི་རིམ་པ་ལས་བཟློག་པ་ནི།…

དང༌། གསུང་གི་ལྷ་མོ་ས་སྲུངས་མར་བལྟའོ། །བརྟན་པའི་བློ་ཅན་མ་ལ་འདིར་དཔའ་བོའི་བློ་གྲོས་མ་ཞེས་འབྱུང་བ་ལྟར་ཀུན་སྤྱོད་དང་མངོན་བརྗོད་ལས་ཀྱང་འབྱུང་ངོ༌། །ཇོ་བོའི་འགྲེལ་པར་སྔར་གྱི་བྱང་ཆུབ་ཀྱི་སེམས་དེ་ཉིད་དབང་པོ་ལྔས་དབང་བྱས་པའི་སྒོ་ནས་ལྷ་མོ་དེ་ལྔར་འཇོག་པར་བཤད་དོ། །དད་པའི་དབང་པོ་ལ་སོགས་པ་ལྔ་ཕུལ་དུ་བྱུང་བའི་སྐབས་སུ…

མ་ནས་ཤིན་ཏུ་དཔའ་མོའི་བར་གྱི་ལྷ་མོ་བདུན་དུ་བལྟའོ། །ཇོ་བོའི་བཞེད་པ་ལྟར་ན་དེ་བདུན་ཁ་ཅིག་བྱང་ཆུབ་ཀྱི་སེམས་ཀྱི་ངོ་བོ་དང༌། ཁ་ཅིག་བྱེད་ལས་སོགས་ལ་བཤད་དགོས་སོ། །དེ་དག་གི་གོ་རིམ་ཀྱང་གཞུང་ནས་འབྱུང་བ་བཞིན་ཀུན་སྤྱོད་དང་མངོན་བརྗོད་ལས་སོ། །ལྟ་བ་དང༌། རྟོག་པ་དང༌། ངག་དང༌། ལས་ཀྱི་མཐའ་དང༌། འཚོ་བ་དང༌། རྩོལ་བ་དང༌། དྲན་པ་…

སྐྱེད་པ་བཞི་ནི་རིམ་པ་བཞིན་དུ་གཡས་སྐོར་གྱིས་ཡ་མ་དཱཾ་ཌྷི་ལ་སོགས་པ་བཞིར་བལྟའོ། །ཇོ་བོའི་འགྲེལ་པར་སྔར་བཤད་པའི་བྱང་ཆུབ་ཀྱི་སེམས་དེ་ཡང་དག་སྤོང་བའི་བརྩོན་འགྲུས་ཀྱིས་གྲོགས་བྱས་པའི་སྒོ་ནས་མཚམས་མ་བཞིར་འཇོག་པར་བཤད་དོ། །དེ་ལྟར་བྱང་ཕྱོགས་སོ་བདུན་ལྷ་མོ་དང་སྦྱོར་བའི་སྐབས་སུ་ཡང་དག་པའི་ཏིང་ངེ་འཛིན་དཔའ་བོ་དང་དངོས་སུ་…

ལུས་དཀྱིལ་སྤྱིའི་རྣམ་གཞག་དང༌། གཞུང་གི་ཚིག་དོན་བཤད་པའོ། །དང་པོ་ལ་གཉིས། ལུས་ཀྱི་དཀྱིལ་འཁོར་གྱི་རྣམ་དབྱེ་དང་གོ་རིམ། རྟེན་དང་བརྟེན་པའི་ལུས་དཀྱིལ་གྱི་རྣམ་གཞག་གོ །དང་པོ་ནི། ཉུང་ངུའི་རྩ་རྒྱུད་ལས། རྣལ་འབྱོར་མ་ཡི་ས་དང་གནས། །ཧེ་རུ་ཀ་དཔལ་སྐུའི་ཡན་ལག །ཐམས་ཅད་བརྟན་གཡོ་བདག་ཉིད་ཅན། ཞེས་དང༌། མཐོ་རིས་ས་སྟེང་ས་འོག་ཏུ…

ཀྱི་གནས་ཉེར་བཞིར་སྒོམ་པ་ཡང་བཤད་ལ། བརྒྱད་ཚན་གསུམ་ཀྱི་དང་པོ་བཞི་བཞི་ཤར་ལ་སོགས་པའི་ཕྱོགས་སུ་ལུགས་མི་མཐུན་དང༌། ཕྱི་མ་བཞི་བཞི་དབང་ལྡན་ལ་སོགས་པའི་མཚམས་སུ་ལུགས་མཐུན་དུ་འགོད་པར་གསུངས་པས་ལྷ་ཞེ་བརྒྱད་ཕྱི་དཀྱིལ་དུ་འགོད་པ་དང༌། ནང་ལུས་ལ་འགོད་པ་གཉིས་དུས་མཉམ་དུ་བཤད་པ་ནི། རྡོ་རྗེ་མཁའ་འགྲོའི་བཅུ་བཞི་པར། ཕྱི་དང་ནང་དང…

སྒོམ་ཚུལ་སཾ་བྷུ་ཊར་གསུངས་པ་བཞིན་བཤད་ལ། དེར་བརྟེན་པའི་ལུས་དཀྱིལ་གྱི་རྗེས་སུ་བཤད་པ་ནི་བཤད་པའི་རིམ་པ་ཙམ་ཡིན་གྱི་ལག་ལེན་གྱི་རིམ་པ་ནི་ཕྱི་དཀྱིལ་དང༌། ཆོས་སོ་བདུན་བསྒོམས་པའི་མཇུག་ཏུ་བྱའོ། །དྲིལ་བུ་ཞབས་ཀྱིས་ཀྱང༌། ལུས་ཀྱི་ཆ་རྣམས་འབྱུང་བ་རིམ་བརྩེགས་དང༌། རི་རབ་དང་གཞལ་ཡས་ཁང་དུ་སྒོམ་པ་ལུས་དཀྱིལ་གྱི་ལྷ་སྒོམ་པའི་ས…