ཡང་སྣང་བའི་ཕྱིར་རོ། །དེའི་ཕྱིར་ན་སྔར་བསྐྱེད་པའི་གཞལ་ཡས་ཁང་གི་ནང་དུ་གཞལ་ཡས་ཁང་གཉིས་པ་ཅིག་སྐྱེད་པའང་མིན་ལ། དེ་ལྟར་བྱེད་པའི་བཤད་པ་ཡང་གཞུང་ཁུངས་ཐུབ་གང་ནས་ཀྱང་མི་འབྱུང་ངོ༌། །འོ་ན་གཞལ་ཡས་ཁང་སྔ་མའི་སྟེང་ནས་ཇི་ལྟར་སྒོམ་སྙམ་ན། འདི་ལ་བོད་ཀྱི་བླ་མ་ཁ་ཅིག་ལུས་ཀྱི་ཆ་དེ་དང་དེ་རྟེན་གྱི་དཀྱིལ་འཁོར་གྱི་ཆ་དེ་དང་དེའི་ད…

ཡང་ཤིན་ཏུ་མི་འཐད་དེ། རང་གི་ལུས་ཀྱི་ཆ་རྣམས་གདོད་མ་ནས་རྟེན་དང་བརྟེན་པའི་དཀྱིལ་འཁོར་དུ་གྲུབ་ཟིན་ན་ནི་ལུས་ཅན་ཐམས་ཅད་འབད་པ་མེད་པར་གྲོལ་བར་འགྱུར་ལ། བློས་དེ་ལྟར་མོས་ནས་སྒོམ་དགོས་ན་ཡང་མི་འཐད་དེ། ལུས་གཞལ་ཡས་ཁང་དུ་གྱུར་པར་སྒོམ་པར་གསུངས་པའི་ཕྱིར་དང༌། ལྭ་བ་པའི་འགྲེལ་པ་ལས། གནས་དེ་རྣམས་སུ་གནས་པའི་རྩ་རྣམས་དེ་དང་དེ…

རྣམས། །སྣོད་དུ་བྱ་བར་བཞེད་པ་སྟེ། ཞེས་གསུངས་པ་དང་ནང་འགལ་བར་འགྱུར་ཏེ། བདེ་མཆོག་གི་དཀྱིལ་འཁོར་གྱི་དེ་ཉིད་མི་ཤེས་པ་འགལ་བའི་ཕྱིར་རོ། །གསང་འདུས་དང་བདེ་མཆོག་གི་ལུས་དཀྱིལ་ཡང་ལུས་གདོད་མ་ནས་ལྷར་གནས་མི་གནས་མཚུངས་པས། འདུས་པའི་ལུས་དཀྱིལ་ལ་རང་རང་གི་ས་བོན་ལས་སྐྱེད་པར་བཤད་པ་དང་ཡང་འགལ་བར་འགྱུར་རོ། །དྲིལ་བུ་བའི་ལྷ་རྣ…

ནས་རིགས་འདྲ་ཕྱི་མ་སྐྱེས་པར་སྒོམ་པ་ཡིན་ནོ། །དེ་ཡང་རྐང་པ་གཉིས་བགྲད་པ་གཞུའི་དབྱིབས་སུ་ཡོད་པ་ཡོངས་སུ་གྱུར་པ་ལས་འབྱུང་བཞིའི་རླུང་གཞུའི་དབྱིབས་ཅན་དང༌། སུམ་མདོ་གྲུ་གསུམ་གྱི་གཟུགས་སུ་ཡོད་པ་ལས་མེ་དཀྱིལ་ཟུར་གསུམ་དང༌། ལྟོ་བ་ཟླུམ་པོའི་དབྱིབས་ཅན་ལས་ཆུ་དཀྱིལ་ཟླུམ་པོ་དང༌། སྙིང་ཁ་གྲུ་བཞི་ལས་ས་དཀྱིལ་གྲུ་བཞིར་གྱུར་པར…

གསུངས་པ་ནི་རྒྱས་པའི་ལུགས་ཡིན་ལ། འདིར་ནི་དཔེར་ན་བྷྲཱུཾ་ཡིག་གཅིག་པུ་ལས་ཕྱིའི་གཞལ་ཡས་ཁང་ཐམས་ཅད་སྐྱེད་པ་བཞིན་དུ་དྲིལ་བུ་པས། ལུས་ནི་མཉམ་པ་གྲུ་བཞི་པ། །རྒྱན་རྣམས་རབ་མཛེས་ཧེ་རུ་ཀའི། །ལུས་ཀྱི་དཀྱིལ་འཁོར་ཉིད་དུ་འདོད། ཅེས་ལུས་མདོམ་གང་ཡན་མན་དང་ཕན་ཚུན་དུ་མཉམ་པ་ལས་ངོས་བཞི་མཉམ་པའི་གཞལ་ཡས་ཁང་གྲུ་བཞི་པ་སྐྱེས་པ་དང་། …

འཛིན་ཧཱུཾ་ཡིག་ཏུ་བཤད་པ་རྣམས་ནི། རྫོགས་རིམ་པའི་དབང་དུ་བྱས་པའི་ནང་བཤད་ཡིན་གྱི། བསྐྱེད་རིམ་པའི་རྟེན་གྱི་ལུས་དཀྱིལ་སྒོམ་དུས་མི་དགོས་ཏེ། དེའི་ཚེ་ན་དེ་རྣམས་མི་གནས་པའི་ཕྱིར་དང༌། དེ་སྒོམ་པ་ནི་དེ་དུས་ན་གནས་པའི་རྟེན་རྣམས་ཀྱི་དབང་དུ་བྱས་པའི་ཕྱིར་རོ། །དེ་བཞིན་དུ་སྐུ་གསུང་ཐུགས་ཀྱི་སྒོ་བཤད་པ་རྣམས་ནི། ལུས་ཀྱི་ནང་བ…

ལུས་དཀྱིལ་གྱི་ལྷ་གང་ལ་འགོད་པའི་གཞི་དང་བཞུགས་གནས། གཞི་དེ་ལ་ལྷ་ཅི་ཙམ་ཞིག་འགོད་པ། ལུས་ཀྱི་གནས་གང་དུ་ལྷ་གང་འགོད་པ་དང་སྐྱེད་ཚུལ་ལོ། །དང་པོ་ནི། འདིར་ལུས་ཀྱི་དཀྱིལ་འཁོར་གང་ལ་འགོད་པའི་གཞི་ནི། འཁོར་གྱི་ལྷ་ནི་མིན་པར་ངེས་ལ་གཙོ་བོ་ཡབ་ཡུམ་གཉིས་ལ་ནི། མངོན་བརྗོད་ཀྱི་བཅུ་གཉིས་པ་དང༌། ཕག་མོ་མངོན་འབྱུང་དུ། གཙོ་བོ་ཕག་མ…

འགོད། དྲིལ་བུ་བའི་གཞུང་དུ་གཞིའི་ཧེ་རུ་ཀ་འདི་ལྟར་སྐྱེད་ཀྱི་གསལ་ཁ་མེད་ལ། གསུམ་གས་ཀྱང་ཧེ་རུ་ཀ་ཞལ་བཞི་ཕྱག་བཅུ་གཉིས་པར་གསུངས་སོ། །ལོ་དྲིལ་གཉིས་ནི་ཡབ་འདྲ་ལ། ནག་པོ་པ་དང་ཅུང་མི་འདྲའོ། །དྲིལ་བུ་པའི་ལུགས་འདི་ལ་བོད་ཀྱི་བླ་མ་རྣམས། ཚོགས་ཞིང་གི་བཅོམ་ལྡན་འདས་རང་གིས་སྨིན་མཚམས་ནས་ཐིམ་པའི་རྐྱེན་གྱིས་ལུས་དཀྱིལ་གྱི་རྟེ…

ཡིན་པས་མི་འདྲའོ་སྙམ་ན། དེ་ནི་ཤིན་ཏུ་ཡང་མི་འཐད་དེ། དེ་ལྟ་ཡིན་ན་མངོན་བརྗོད་ཀྱི་དགུ་པ་ལས་ཕྱི་དཀྱིལ་གྱི་ལྷ་སྒོམ་པ་མེད་པར་ལུས་དཀྱིལ་བཤད་པ་ལ་ཡང༌། དབྱངས་གསལ་དང་ཧཱུཾ་ཡིག་གིས་བྱིན་གྱིས་བརླབས་པའི་རྡོར་སེམས་ལས། གཞིའི་ཧེ་རུ་ཀ་སྐྱེད་པར་བཤད་ལ། སྐྱེད་ཆོག་དེ་ཡང་མངོན་བྱང་ལྔ་སྐྱེད་ལ་བྱ་དགོས་པའི་ཕྱིར་དང༌། དེའི་གཞལ་ཡས་…

ནས་རྫོགས་རིམ་སྒོམ་པའི་སྐབས་སུ་ཡིན་ལ། ལུས་དཀྱིལ་གྱི་བསྐྱེད་རིམ་སྒོམ་པ་འདི་ནི་རྒྱུད་སྨིན་པར་བྱེད་པའི་དོན་དུ་ཡིན་པའི་ཕྱིར་དང༌། སྡོམ་འབྱུང་ལས་དབང་པོ་རྟུལ་འབྲིང་གིས་བསྐྱེད་རིམ་རིམ་གྱིས་དང༌། རྣོན་པོས་སྐད་ཅིག་མ་གཅིག་ལ་བསྒོམ་པར་གསུངས་པའི་དགོངས་པ་ཡང༌། འགྲེལ་པས་གང་ཟག་གཅིག་ཉིད་ཀྱི་ལམ་གྱི་སྐབས་སྔ་ཕྱི་ལ་དབང་པོའི…

བསྟན་ནས། ད་ནི་ལུས་ལ་ཅི་ཙམ་འགོད་པ་སོགས་བཤད་པར་བྱ་སྟེ། ལོ་ནག་དྲིལ་གསུམ་གྱི་ནང་ནས་དྲིལ་བུ་པའི་གཞུང་ལུས་དཀྱིལ་རྒྱས་ལ། དེའི་གཞུང་ཆེ་བར་ཕག་མོ་མ་གཏོགས་པ་དྲུག་ཅུ་རྩ་གཅིག་བཤད་ཅིང༌། གཞུང་ཆུང་དུ་གྲགས་པར་རེ་གཉིས་ཚང་བར་བཤད་དོ། །ལཱུ་ཨི་པས་ལུས་དཀྱིལ་སྒོམ་པའི་སྐབས་སུ་ལུས་ཀྱི་གནས་ཉེར་བཞིར་རབ་གཏུམ་སོགས་ཉེར་བཞི་སྒོམ་པ…

སོ། །དེ་ལྟར་བཤད་པ་རྣམས་ལས་ལྭ་བ་པས། རྣལ་འབྱོར་དབང་ཕྱུག་གི་དགོངས་པ་བཤད་པ་ལྟར་བྱ་དགོས་སོ། །ལྭ་བ་པས་ཁ་བསྐངས་ནས་ལུས་དཀྱིལ་རྫོགས་པར་བཤད་པ་འདི་ནི། ཀུན་སྤྱོད་ཀྱི་དགོངས་པར་སྣང་སྟེ། དེའི་ལྔ་པ་ལས། ཇི་ལྟར་ནང་གི་བདག་ཉིད་ཤེས། །ཕྱི་ཡི་དཀྱིལ་འཁོར་དམ་པ་ཡིན། །རྣམ་དགོད་ཇི་ལྟར་སྦྱར་བའོ། །སྙིང་བོ་ཐམས་ཅད་བསྡུས་པ་སྟེ། ཞེས…

རིགས་སོ། །འོ་ན་བརྟེན་པའི་ལུས་དཀྱིལ་ལ་ལྷ་དུ་ཞིག་སྒོམ་སྙམ་ན། ཕག་མོ་ལ་ནི་འཁོར་གྱི་ལྷ་སོ་དྲུག་མ་གཏོགས་པ་ཕག་མོ་དགོད་པ་མ་བཤད་ལ། མངོན་བརྗོད་ཀྱི་དགུ་པ་ལས་ཀྱང༌། ཞལ་བཞི་ཕྱག་བཅུ་གཉིས་པ་གཙོ་བོ་ཡབ་ཡུམ་བསྐྱེད་པའི་ཧེ་རུ་ཀ་ལ། འཁོར་གྱི་ལྷ་དྲུག་ཅུ་བཀོད་པ་མ་གཏོགས་པ། ཧེ་རུ་ཀ་ཡབ་ཡུམ་མ་བཀོད་ཅིང༌། དེ་ལ་བརྟེན་ནས་སྒྲུབ་ཐབས་…

མ་ལ་སོགས་པ་བཞི་ནི། གཡས་ཀྱི་ཕྱག་མཚན་ལྷག་མ་བཞི་དང༌། གཤིན་རྗེ་བརྟན་མ་སོགས་བཞི་ནི། གཡོན་གྱི་ཕྱག་མཚན་ལྷག་མ་བཞིར་བཤད་དེ། ཕྱག་གང་གིས་ཕྱག་མཚན་གང་འཛིན་པ་སོགས་ལོ་དྲིལ་དང་མི་མཐུན་པ་ཤས་ཆེའོ། །ཡང་དེར་བྱང་ཆུབ་ཀྱི་སེམས་ཀྱི་སྣོད་ནི། ཞལ་བཞིའི་ངོ་བོ་ཞེས་གསུངས་པས། ཐོད་པ་བཞི་ཡང་ལུས་ལ་འགོད་དགོས་ལ། ལུས་དཀྱིལ་དུ་འགྲོ་བ་ལ་…

ལུས་དཀྱིལ་གྱི་སྐབས་སུ་སའི་ཁམས་ལྟུང་བྱེད་མ་ཞེས་སོགས་ལུས་ལ་ལྷ་ཉི་ཤུ་འགོད་པར་གསུངས་པ་ནི། ཕུང་སོགས་བྱིན་རློབ་ཀྱི་ལྷ་ཡིན་གྱི་ལུས་དཀྱིལ་མིན་པར་ཤེར་པར་བྱའོ། །མངོན་བརྗོད་དང་ཀུན་སྤྱོད་སོགས་སུ་རྣལ་འབྱོར་མ་ཉེར་བཞི་རྩར་མ་བཤད་ཀྱང༌། རྡོ་རྗེ་མཁའ་འགྲོར། ཉི་ཤུ་རྩ་བཞིར་ཕྱེ་བ་ཡིས། །སྐུ་གསུང་ཐུགས་ཀྱི་འཁོར་ལོ་ཡིན། །གནས་…

པར་གནས། །དེ་ནི་སྲ་བའི་ཚུལ་གྱིས་གནས། །ཐུང་དུ་མ་ནི་རྣམ་པར་བཤད། །གང་ཞིག་དགའ་བའི་དབང་ཕྱུག་གནས། །དེ་བཞིན་རུས་སྦལ་སྐྱེས་མར་གྲགས། །སྲ་བའི་དངོས་པོས་གནས་པའི་ཕྱིར། །རུས་པའི་འཕྲེང་བ་འཁྲུགས་པར་གནས། །ལྷ་མོའི་མཁར་དུ་གང་ཞིག་རྩ། །འཇམ་པ་སྒོམ་པ་མ་རུ་བརྗོད། །དེ་ནི་རྟག་ཏུ་མཆིན་པ་འབབ། །ཐམས་ཅད་ལུས་ལ་ལྷག་པར་གནས། །མཱ་ལཱ་ཝར…

རར་ནི་སྡུ་གུ་མ། །ཚིལ་ཅན་སྦོམ་ཞིང་མྱོས་བྱེད་འབབ། །སིནྡྷུར་ཤིན་ཏུ་གྲུབ་པ་ཉིད། །མྱ་ངམ་མཆི་མ་འབབ་པར་བརྗོད། །མ་རུར་གནས་ནས་ལུང་སྐམ་འབབ། །འཚེད་པ་མ་ཞེས་རྣམ་པར་བསྟན། །ཀུ་ལུ་ཏར་ནི་ཡིད་བཟང་མ། །བྱིས་པའི་སྣབས་ནི་འབབ་པ་མོ། ཞེས་གསལ་བར་གསུངས་སོ། །དེ་ཡང་རུས་པའི་ཕྲེང་བ་འཁྲུགས། ཞེས་པ་ནི་སྡོམ་འབྱུང་ལས། སྨིན་དབུས་ཀྱི་རྩ…

མཐའ་ཞེས་འབྱུང་བ་ལེགས་ཏེ། ཀུན་སྤྱོད་དང་རྡོ་རྗེ་མཁའ་འགྲོ་ལས་མཚོགས་མའི་སྲུབས་དང༌། མངོན་བརྗོད་ལས་སྐྲ་མཐའ་ཞེས་པ་དང་དོན་འདྲ་ཞིང་སྔར་བཤད་པའི་རྒྱུད་གསུམ་གྱིའང་དོན་ནོ། །དམར་པོ་འབབ་པ་ནི་སྡོམ་འབྱུང་ལས་ཁྲག་འབབ་པར་བཤད་པ་ལྟར་ཏེ། ཀུན་སྤྱོད་དང་མངོན་བརྗོད་དང་རྡོ་རྗེ་མཁའ་འགྲོ་དང་ཡང་མཐུན་ནོ། །མཆི་མ་དང་མཆིལ་མ་ཞེས་སྡོམ་…

གྱི་རྩ་བཞི་མཁའ་འགྲོ་མ་ལ་སོགས་པ་བཞིར་བཤད་པ་དང༌། སྙིང་ཁ་དང་འགྲིན་པ་དང་ལྟེ་བ་དང་དཔྲལ་བའི་པདྨའི་ལྟེ་བར་དེ་བཞི་འགོད་པའི་ཚུལ་གཉིས་བཤད་པའི་དང་པོ་ནི། སཾ་བྷུ་ཊ་ལས། འདབ་མ་རྣམས་ཀྱི་བཞི་ལ་ཡང༌། །འབྱུང་བ་བཞི་ཡི་རང་བཞིན་རྩ། །མར་མེའི་རང་བཞིན་ལྟ་བུ་ནི། །ཕྱོགས་བཞི་ལ་ནི་རྣམ་པར་གནས། ཞེས་སྙིང་ཁ་ཆོས་འཁོར་གྱི་ཕྱོགས་ཀྱི་རྩ…

སྙིང་ཁའི་མཚམས་ཀྱི་རྩ་བཞི་མཆོད་པ་བཞིའི་རྩར་བཤད་ལ། རྣལ་འབྱོར་མ་བཞི་སྔར་བཤད་པ་ལྟར་ཕྱོགས་ཀྱི་རྩ་ལ་བཤད་རྒྱུ་ཡིན་པ་ལ་དེར་མ་བཤད་པས། འགྱུར་ཅུང་མ་དག་པ་འདྲའོ། །གཞུང་ཆུང་ལས་ཀྱང༌། ཕྱོགས་འདབ་རིགས་ཀྱི་ས་བོན་ལས། །སྙིང་པོའི་རྣལ་འབྱོར་མ་བཞི་བསྐྱེད། ཅེས་ཀྱང་བཤད་དོ། །ཡང་ན་མཆོད་པ་བཞི་དང་རང་བཞིན་གྱི་རྩ་བཞིར་བྱས་ནས། ཕྱི་…