ཤེས་པ་ལྔ་དང་ལྡན་པ་སྟེ། མངོན་ཤེས་ལྔ་ཐོབ་པར་འགྱུར་བ་སྟེ། འགོས་འགྱུར་ལས། མངོན་ཤེས་ལྔ་ནི་རྙེད་འགྱུར་ཞིང༌། །ཞེས་འབྱུང་བ་བདེའོ། །ལྷན་ཅིག་སྐྱེས་གྲུབ་ལས། དཔའ་བོ་བདེ་ཆེན་གྲུབ་པ་ཡིས། །དོན་ཆེན་བདེ་བ་ལ་བརྟེན་ནས། །རྣམ་པ་ཀུན་ཏུ་དངོས་གྲུབ་དག །ཉེ་བར་རབ་ཏུ་གནས་འགྱུར་ཞིང༌། །མངོན་ཤེས་ལྔ་ཡང་འབྱུང་བར་འགྱུར། །ཞེས་གསུངས་པ…

གཉིས་ཤེས་པར་བྱའོ། །སློབ་ལམ་དུ་ཡོན་ཏན་དེ་ལྟར་འཐོབ་པར་མ་ཟད་འདས་པ་དང་མ་འོངས་པ་དང་ད་ལྟར་བྱུང་བའི་ཤེས་བྱ་ཐམས་ཅད་ཤེས་པའི་མི་སློབ་པའི་ཡོན་ཏན་ཡང་ལྷན་སྐྱེས་དེ་ཉིད་ལ་གོམས་པ་ཙམ་ལས་འཐོབ་པར་འགྱུར་རོ། །བཞི་པ་ལ་གཉིས། འདི་མན་ཆད་ཀྱི་གཞུང་གི་གཅོད་མཚམས་བསྟན་པ་དང༌། གཞུང་དངོས་བཤད་པའོ། །དང་པོ་ནི། འདི་མན་ཆད་ཀྱི་གཞུང་གི་གཅ…

ཕྱིར་གཉིས་ཀ་བསྡོམས་པ་རིམ་ལྔའི་རིམ་པ་དང་པོ་ཡིན་གྱི། བྱིན་རླབས་ཀྱི་རིམ་པ་སྔ་མ་ལས་གཞན་པའི་རིམ་པ་གཉིས་པ་སྟོན་པ་མིན་ནོ། །གལ་ཏེ་བདག་བྱིན་རླབས་ཀྱི་རིམ་པ་རིམ་པ་གཉིས་པ་ཡིན་ན། བསམ་མི་ཁྱབ་ཀྱི་རིམ་པའི་སྐབས་སུ་རིམ་པ་ལྔ་པ་བརྗོད་པར་བྱ་སྟེ། ཞེས་གསུངས་པ་མི་རིགས་པར་འགྱུར་ཏེ། སྣ་ཚོགས་རྡོ་རྗེའི་རིམ་པ་རིམ་པ་གསུམ་པ་དང་ནོ…

ཏུ་རྒྱུག་པ་དེ་ནི་རྒྱུག་པ་དེ་ལས་རྣམ་པར་བཟློག་ནས་མཚོན་དུ་མེད་པའི་དོན་མཚོན་པར་བྱའོ་ཞེས་གདུལ་བྱ་རྣམས་ལ་འདོམས་པའོ། །དེ་ལ་མཚོན་དུ་མེད་པ་ནི་སེམས་དེ་གཟུགས་ཅན་ལྟར་གཟུང་དུ་མེད་པ་ལ་འཆད་པ་ལྟར་མི་བྱ་ཡི། སེམས་ཀྱི་ཆོས་ཉིད་རྣམ་པར་མི་རྟོག་པའི་ཡེ་ཤེས་ཀྱིས་ཉམས་སུ་མྱོང་བ་ལྟར་དུ་སྒྲ་རྟོག་གིས་བརྗོད་ཅིང་མཚོན་དུ་མེད་པ་ལ་བྱ…

སྐྱེ་ཚུལ་གྱི་དབང་དུ་བྱས་ནས་བཤད་པ་བྱས་ན། གཞུང་གི་དོན་མང་དུ་འཕྱུགས་པར་ཤེས་པར་གྱིས་ཤིག །གལ་ཏེ་བསྐྱེད་རིམ་ལ་སེམས་ལེགས་པར་བརྟན་པའི་ཏིང་ངེ་འཛིན་ཁྱད་པར་ཅན་རྙེད་པས། རྫོགས་རིམ་ལ་འཇུག་པ་ན་སེམས་ཡུལ་ལ་རྒྱུག་པ་བཟློག་པ་སྟེ། སེམས་གར་བཞག་ཏུ་རིང་དུ་སྡོད་པ་ཙམ་བསྐྱེད་རིམ་གྱི་སྐབས་ནས་ཀྱང་རྙེད་ཟིན་པས་དེ་ཙམ་ལ་འཇོག་པ་འདིའ…

ཅེས་བརྗོད་ནས། གང་ལ་ཞེན་པའི་ཡུལ་དེ་རང་བཞིན་མེད་པར་གཏན་ལ་ཕབ་ནས་བདག་མེད་ལ་བློ་ཅུང་ཞིག་འཇོག་ཏུ་གཞུག་གོ །ཞེས་ཚིགས་བཅད་དེའི་དོན་དུ་འདོད་པ་རྣམས་ནི་དོན་མ་རྟོགས་པའི་བཤད་པར་སྣང་ངོ༌། །རང་གི་ལུགས་ནི་སྔར་ཕན་ཡོན་མང་པོས་བསྔགས་པའི་ལྷན་སྐྱེས་ཀྱི་ཡེ་ཤེས་དེ་བསྐྱེད་དགོས་པ་དང༌། དེའི་ཐབས་ཀྱང་འོག་ནས་འབྱུང་བ་ལྟར་སྟོན་དགོས་…

ལ་རྒྱུག་པ་བཟློག་ནས་དེ་ཁོ་ན་ཉིད་ཀྱི་དོན་མཚོན་པར་བྱེད་པའི་ལྷན་སྐྱེས་ཀྱི་བདེ་བ་བསྐྱེད་དགོས་ན་བདེ་བ་དེ་ཇི་ལྟར་དུ་བསྐྱེད་པར་བྱ་ཞེ་ན། སྒྲ་ནི་ནཱ་དར་གྲགས་པའོ། །ཐིག་ལེ་ནི་རྗེས་སུ་ང་རོ་སྟེ་དེ་གཉིས་དང་ལྡན་པའི་སེམས་ནི་སེམས་མཚོན་པར་བྱེད་པའི་ངོ་བོ་ཧཱུཾ་ཡིག་སྟེ། མདོར་ན་ཧཱུཾ་ཡིག་དཀར་པོ་མགོ་བོར་ཟླ་ཕྱེད་དང་ཐིག་ལེ་ནཱ་…

རང་གི་ངོ་བོ་ཅན། །ཆུ་ཤིང་གི་ནི་མེ་ཏོག་ལྟར། །བརྐྱང་ཞིང་ཁ་ནི་འོག་ཏུ་འོ། །དེ་ཡི་ནང་གནས་དཔའ་བོ་ནི། །ཡུངས་ཀར་གྱི་ནི་སྦོམ་ཕྲ་ཙམ། །མི་ཤིགས་ཧཱུཾ་གི་ས་བོན་ནི། །ཁ་བ་ལྟ་བུར་འཛག་པ་ཉིད། །ཅེས་གསུངས་ཏེ་དེའི་ནང་དུ་སོན་པའི་རྩ་ནི་སྙིང་པོ་ཞེས་པ་རྩ་དབུ་མའོ། །དེའི་ནང་དུ་གནས་པ་ཞེས་ཧཱུཾ་ཡིག་རྩ་དབུ་མའི་ནང་དུ་བསྒོམས་པར་གསུངས…

དབང་ཕྱུག་མ་དྷཱུ༌ཏཱི་ལྷན་སྐྱེས་ཀྱི་དགའ་བའི་རང་བཞིན་དུ་བཤད་ལ། སྭ་བྷཱ་ཝ་ནི་རང་བཞིན་དང་འབྱུང་བ་གཉི་ག་ལ་འཇུག་པས། འདིར་ནི་དགའ་བདེ་འབྱུང་བའི་དོན་ཡིན་པའི་ཕྱིར་རོ། །དགའ་བཞི་སྔ་མ་སྔ་མ་རྒྱུ་དང༌། ཕྱི་མ་ཕྱི་མ་འབྲས་བུའི་ངོ་བོ་དང་དྷཱུ་ཏཱི་ནས་ཀུན་ད་ལྟ་བུ་བབས་པ་ལས། སྒྲིབ་མེད་དེ་དོན་དམ་བདེ་བའི་གཟུགས་ཅན་མ་སྟེ་ཚུལ་ཅན་ས…

ཀྱི་ཡིད་ཡང་དག་སྦྱོར། །དེས་དེའི་རང་བཞིན་འགྱུར་ལྷ་མོ། །སྣ་ཚོགས་གཟུགས་ཅན་ནོར་བུ་བཞིན། །ཞེས་གསུངས་ཏེ་འདིའི་དོན་ཤེས་པ་གལ་ཆེའོ། །གཞུང་འདི་གུར་དང་ཀུན་སྤྱོད་སོགས་རྒྱུད་མང་པོར་འབྱུང་ཞིང༌། གཞུང་གཅིག་ཡིན་ཀྱང་སྐབས་སྟོབས་ཀྱིས་དོན་སོ་སོ་བ་མང་པོ་ལ་བཤད་དགོས་པ་ཡོད་པ་ལས། འདི་ནི་སྲོག་དྷཱུ་ཏཱིར་བསྡུས་པ་ལ་བརྟེན་ནས་ལྷན་ས…

ལུང་དང་རི་ཁྲོད་དབང་ཕྱུག་གི་གཞུང་དང༌། ལཱུ་ཨི་པའི་སྒྲུབ་ཐབས་ཀྱི་འགྲེལ་པ་ཁྱད་པར་གསལ་བྱེད་དང༌། བརྩོན་འགྲུས་དཔལ་བཤེས་གཉེན་གྱི་གཞུང་དང༌། རྣལ་འབྱོར་མའི་སྒྲུབ་ཐབས་མངོན་པར་རྟོགས་པའི་སྙེ་མ་ལས། རྩའི་གནད་ཆེ་སར་ཡི་གེ་སོགས་ལ་དམིགས་པ་གཏད་ནས་བསྒོམས་པས་གཡས་གཡོན་ནས་རྒྱུ་བའི་སྲོག་རླུང་འགོག་པའི་སྲོག་རྩོལ་ཏུ་འགྲོ་ཚུལ་བཤ…

འདོད་པ་ལ། སྤྱིར་དེ་འདྲའི་དམིགས་པ་བཟུང་ནས་སློབ་མ་ལ་སྔོན་དུ་བྱིན་རླབས་བྱེད་པ་ལ་འགལ་བ་མེད་མོད་ཀྱང༌། དེ་རྣམས་སྒྲ་དང་ཞེས་པའི་རྐང་པ་གཉིས་ཀྱི་དོན་དུ་འཆད་པ་ནི་འགྲིག་པར་མི་སྣང་ངོ༌། །གཉིས་པ་ནི། འོ་ན་སྙིང་གར་གནད་དུ་བསྣུན་ཏེ་བསྒོམས་པ་ལས་ཅི་ཞིག་འབྱུང་ཞེ་ན། དེ་ལྟར་བསྒོམས་པའི་རྗེས་དེ་ནས་སྒོམ་པ་པོ་འདིའི་རྨོངས་པའི་ར…

ངེས་དོན་གྱི་ཧེ་རུ་ཀ་བསྐྱེད་པའི་གཞི་ནི། ལུས་ཀྱི་དཀྱིལ་འཁོར་ལ་བཤད་པ་ལ། འཁོར་ལོ་བཞི་ལ་སོགས་པའི་དབུས་ཀྱི་དབུ་མ་དང༌། དེའི་ཡར་སྣ་མར་སྣ་སོགས་གནད་དུ་བསྣུན་པ་མང་ཡང༌། དྲིལ་བུ་པའི་ལུགས་སྙིང་ག་ལ་བརྟེན་པ་འདི་ནི་བཤད་པའི་རྒྱུད་མངོན་བརྗོད་དང༌། སྡོམ་འབྱུང་ལ་བརྟེན་པ་ཡིན་ལ། དེས་ནི་འཁོར་ལོ་སྡོམ་པར་སྦས་པ་སློབ་དཔོན་འདིས་…

སྟེ་མཆོག་ནི་སྐད་ཅིག་དེ་ལ་སྐད་ཅིག་རེ་རེ་ལ་གསོལ་བ་སྟེ་ལོངས་སྤྱོད་པར་མཛད་པའོ། །འགོས་འགྱུར་ལས། བདེ་ཆེན་དམ་པ་ཐམས་ཅད་ལ། །སྐད་ཅིག་དེ་ཉིད་ལོངས་སྤྱོད་མཛད། །ཅེས་བསྒྱུར་བ་གོ་བདེའོ། །བླ་མས་བྱིན་གྱིས་བརླབས་པ་ཙམ་གྱིས་ཏེ་དེ་ལ་ངེས་པར་བརྟན་ནས་སྐད་ཅིག་ལ་སྟེ་རིང་པོར་མི་ཐོགས་པར་སློབ་མའི་རྒྱུད་ལ་གང་ཡང་འཕོ་བའི་ལྷན་སྐྱེས་…

ཡིན་ནོ། །རྩ་རྒྱུད་ཀྱི་དོན་ཇི་ལྟ་བར་རྙེད་པའི་བདག་བྱིན་གྱིས་བརླབ་པ་ངེས་པར་བསྟན་པའོ། །བདག་བྱིན་རླབས་ཀྱི་རིམ་པ་མདོར་བསྟན་པའོ། །གཉིས་པ་ལ་གསུམ། བདག་བྱིན་རླབས་ཀྱི་རིམ་པ་དངོས། དེའི་ཡོན་ཏན་གཞན་བསྟན་པ། རིམ་པའི་མཚན་བསྟན་པའོ། །དང་པོ་ལ་གཉིས། ས་བོན་དང་བཅས་པའི་རང་བྱིན་རླབས་དང༌། ས་བོན་མེད་པའི་རང་བྱིན་བརླབ་བོ། །དང་པ…

དང་ཡི་གེ་གཉིས་ཀ་ལ་འཇུག་ཀྱང༌། འདིར་སྔ་མར་བསྒྱུར་རྒྱུ་ཡིན་ཏེ་སློབ་དཔོན་གྱིས་ཀྱང༌། དེའི་དོན་མི་གཡོ་བར་བྱས་ཏེ་ཞེས་བཤད་པའི་ཕྱིར་དང༌། སྒྲ་དང་ཐིག་ལེར་ལྡན་པའི་སེམས། །སྙིང་གར་བཞག་བྱ། ཞེས་པ་འདིར་ཡང་སྦྱར་རྒྱུ་ཡིན་པས། སྙིང་གར་ཧཱུཾ་ཡིག་བསྒོམས་པ་འདིར་ཡང་དགོས་པའི་ཕྱིར་རོ། །ལྷག་མ་ནི་སློབ་དཔོན་ཉིད་ཀྱིས་འཆད་པར་འགྱུར་…

སེམས་ཕྱིར་འཕྲོ་བ་ལོག་ནས་ནང་དུ་སྡུད་པ་ནི་ཡིད་ཀྱི་ཤེས་པ་ཁོ་ནས་བྱེད་པའི་ཕྱིར་དང༌། སྔར་རྣམ་ཤེས་ལྔ་སྨོས་པའི་དྲུག་པ་ཡིད་ལ་ཤིན་ཏུ་གསལ་བར་སྣང་བའི་ཕྱིར་རོ། །དོན་ཡིད་ཀྱི་རྣམ་ཤེས་ལ་མིང་ཀུན་གཞི་རྣམ་ཤེས་སུ་བཏགས་པ་སྔགས་ཀྱི་གཞུང་ལ་མང་དུ་འབྱུང་བར་སྣང་བས། དོན་ལ་དཔྱད་པར་བྱའི་ཀུན་གཞི་རྣམ་ཤེས་ཞེས་གསུངས་པ་ཙམ་གྱིས་ཡིད་ཀྱ…

ན་སངས་རྒྱས་ཀྱི་ཡེ་ཤེས་སྐྱེ་ཞེས་པ་ཆེས་ལེགས་པར་སྣང་ངོ༌། །ཐིག་ལེའི་གཟུགས་ཀྱིས་སྙིང་གའི་ཁ་སྦྱར་བར་བཞག་ལ་ཞེས་པ་ནི། སྔགས་ཀྱི་ཐིག་ལེའི་གཟུགས་ཀྱིས་སྙིང་གའི་རྩ་འཁོར་གྱི་དབུས་ཀྱི་དྷཱུ་ཏཱིར་ཐིག་ལེ་དཀར་དམར་ཁ་སྦྱར་གྱི་དབུས་སུ་འཇོག་པའོ། །གཅིག་ལ་ཞེས་པ་ནི་དམིགས་རྟེན་ཐིག་ལེ་གཅིག་པུ་དེ་ལས་སེམས་ཡུལ་གཞན་ལ་འཕྲོ་བ་འགོག་པ…

ནས་བུག་པ་དེ་རྣམས་བཀག་པར་བསྒོམས་ནས་སེམས་བཟུང་ན། དབང་པོའི་རླུང་ནང་དུ་ལྡོག་པར་མན་སྙེ་ལས་བཤད་པས། འདིར་དབང་པོའི་སྒོར་ཐིག་ལེ་སྒོམ་པ་ཡང་དབང་པོའི་རླུང་ནང་དུ་ལྡོག་ཐབས་སུ་འགྱུར་བ་ཙམ་ཡོད་མོད་ཀྱང༌། གཞུང་གི་དགོངས་པ་ནི་སྙིང་གའི་སྔགས་ཀྱི་ཐིག་ལེ་གཅིག་པུ་ལ་སེམས་གཏོད་པ་ཡིན་ནོ། །དེ་ལྟར་མངོན་བརྗོད་དུ་མ་ཟད་ཕྱག་ཆེན་ཐིག་ལ…

ཐིག་ལེའི་གཟུགས། །ཡུངས་ཀར་གྱི་ནི་འབྲུ་ཚོད་ཙམ། །འོད་ཟེར་སྣ་ལྔ་འབར་འཛག་པའི། །ཚུལ་ཅན་སྙིང་དབུས་རྟག་ཏུ་གནས། །དེ་ལ་བལྟས་པས་ཡེ་ཤེས་ཆེ། །སྐད་ཅིག་ཙམ་གྱིས་རྣལ་འབྱོར་ལ། །འབར་བ་འདི་ལ་ཐེ་ཚོམ་མེད། །ཅེས་གསུངས་ཏེ་ཡེ་ཤེས་ཆེ་ནི་ལྷན་སྐྱེས་ཀྱི་ཡེ་ཤེས་སོ། །དེ་ལྟར་སྔགས་ཀྱི་ཐིག་ལེ་ལ་དམིགས་པ་གོམས་པ་ལས་མྱོང་བ་སྐྱེ་ཚུལ་ནི། ས…