ཡོན་ཏན་ལྟ་བུ་དང༌། །ཡོན་ཏན་སྐྱོན་ལྟར་སྣང་བ་ཡི། །ཡང་དག་པ་དང་ལྟར་སྣང་གི །རྣམ་པར་དབྱེ་བའང་ལེགས་པར་བསྟན། །དེ་ལྟར་ལོག་པར་འགྲོ་བ་བཀག །མཁས་པ་དགྱེས་པའི་ལམ་དུ་ཁྲིད། །མང་ཐོས་ཆུད་མི་ཟ་བའི་རྒྱུ། །དེ་དོན་སྒྲུབ་ལའང་རབ་ཏུ་སྦྱར། །དེ་ཕྱིར་ཁྱོད་ཀྱིས་གདུལ་བྱ་ལ། །བགྱི་བར་འོས་པ་མ་ལུས་མཛད། །ཕན་མཛད་ཁྱོད་ལ་དུས་ཀུན་ཏུ། །བདག་…

ཞེས་བྱ་བར་སྦྱར་བའི་ཡི་གེ་པ་ནི་ནམ་མཁའ་དཔལ་བཟང་ངོ༌།། །། ༈ དྲི་མེད་མཁྱེན་པའི་དབང་པོ་འཇམ་པའི་དབྱངས། །ཚད་མེད་བརྩེ་བའི་གཏེར་ཆེན་སྤྱན་རས་གཟིགས། །གངས་ཅན་མཁས་པའི་གཙུག་རྒྱན་རེད་མདའ་པ། །གཞོན་ནུ་བློ་གྲོས་ཞབས་ཀྱི་བདྨོར་འདུད། །ཐར་འདོད་བུང་བ་བདག་ཀྱང་བསྐྱང་དུ་གསོལ། །ཅེས་པ་འདི་ཡང་རྗེ་ཐམས་ཅད་མཁྱེན་པ་ཙོང་ཁ་པ་ཉིད་ཀྱིས་…

འགྲོ་བའི་རེ་བ་སྐོང༌། །ཆོས་རྗེ་རིན་པོ་ཆེ་ལ་གསོལ་བ་འདེབས། །ངེས་འབྱུང་ཐུགས་ཀྱིས་སྲིད་ལ་རྒྱབ་ཀྱིས་ཕྱོགས། །བསླབ་ལ་གུས་པས་ཀུན་སྤྱོད་ཡོངས་སུ་དག །ཉེས་ལྟུང་ཕྲ་མོ་ཙམ་ཡང་རིང་དུ་དོར། །ཆོས་རྗེ་རིན་པོ་ཆེ་ལ་གསོལ་བ་འདེབས། །བདག་བདེ་གཞན་ལ་གཏོང་ལ་མ་ཞུམ་པའི། །བདག་གཞན་བརྗེ་བའི་ཐུགས་རྗེ་ཆེན་པོ་ཡིས། །བདག་ཉིད་གཅེས་འཛིན་རིང…

གཤེགས་པ་དེར། །བདག་ཅག་རྣམས་ཀྱང་འཁོར་དུ་སྐྱེ་བར་ཤོག །མི་འཕྲོགས་པའི་མཁྱེན་རབ་དང་ཐུགས་རྗེ་ཕུན་སུམ་ཚོགས་པའི་བདག་ཉིད་ཆོས་ཀྱི་རྗེ་རིན་པོ་ཆེ་གྲགས་པ་བྱང་ཆུབ་དཔལ་བཟང་པོ་ལ་གསོལ་བ་འདེབས་པའི་ཚུལ་འདི་ནི། བློ་དང་གཏོང་པ་དང་གུས་པ་དང་ལྡན་པ་དཔོན་ཡིག་རིན་ཆེན་རྒྱལ་པོས་རྒྱང་རིང་པོ་ནས་བསྐུལ་བའི་དོན་དུ། ཡུལ་བྱང་ཕྱོགས་ཀྱི་ར…

རྒྱས་སྡེ་བཞིའི་ལུང་དང་ཤིན་ཏུ་མདོར་བསྡུས་ཀ་རི་ཀ །ཀ་མ་ལ་ལྟར་དག་པའི་ཡིད་ཀྱིས་ལྷུར་བླང་ཆོས་གོས་གུར་ཀུམ་ཁ། །ཁ་དོག་མཛེས་པས་ཀུན་ནས་ཀླུབས་པའི་སྐུ་ནི་བནྡུ་ཛི་བ་ག །ག་ནས་བལྟས་ཀྱང་བརྗིད་པ་ཇི་བཞིན་འགྲོ་མང་དབུས་ན་ཉམ་མི་ང༌། །ང་ཡི་གཙུག་གི་རྒྱན་གྱུར་བླ་མ་མཆོག་དེས་འགྲོ་ལ་དགེ་ལེགས་སྩོལ། །ཁེངས་དང་དྲེགས་པའི་རྒོད་པ་གང་གི…

རྒྱལ་བའི་མཁྱེན་བརྩེ་གཅིག་ཏུ་བསྡུས་ལ་གུས་པས་འདུད། །ཁྱོད་ནི་ལེ་ལོའི་མཚོན་གྱིས་མི་ཕིགས་བརྩོན་འགྲུས་མཆོག་གི་ཀ་བ་ཙ། །ཙ་རི་དང་མཚུངས་གནས་འདིར་བསྒོམས་ནས་ལུས་ལ་གནོད་པའི་གྲང་དང་ཚ། །ཚ་གྲང་སྡུག་བསྔལ་ཁྱད་དུ་བསད་ཅིང་འགྲོ་གདུང་སེལ་ལ་ཀ་རན་ཛ། །ཛ་ལ་དྲེགས་ལྡན་ཆེར་རློམ་རྣམས་ཀྱང་ཉིད་ཀྱི་གམ་ན་སྲོག་ཆགས་ཝ། །ཝ་སྐྱེས་དུ་མས་བ…

ཕྱིའི་སྐྱབས་གྱུར་བླ་མ་མཆོག་གི་ཡོན་ཏན་ཆ་ཙམ་བསྒྲག་ཕྱིར་བཀོད། །བཀོད་པའི་དགེ་དེས་གྲགས་པའི་གཞིར་གྱུར་བྱང་ཆུབ་མཆོག་དེ་ཐོབ་པར་ཤོག །ཅེས་མི་འཕྲོགས་པའི་མཁྱེན་རབ་དང་ཐུགས་རྗེ་གཅིག་ཏུ་བསྡུས་པའི་མངའ་བདག་ལྷ་དང་བཅས་པའི་འགྲོ་བ་དུ་མའི་དབུས་ན་རྒྱལ་མཚན་གྱི་རྩེ་མོ་ལྟར་མངོན་པར་མཐོ་བ་ཆོས་ཀྱི་རྗེ་གྲགས་པ་བྱང་ཆུབ་དཔལ་བཟང་པོའ…

རྒྱལ་བའི་ཡེ་ཤེས་འཇམ་པའི་དབྱངས། །རབ་དཀར་གངས་རིའི་ལྗོངས་སུ་འགྲོ་རྣམས་ཀྱི། །རབ་མཛེས་གཙུག་གི་རྒྱན་དུ་བྱོན་གྱུར་ནས། །རབ་རིབ་མ་ལུས་སེལ་བའི་ས་སྐྱ་པ། །མ་ལྟར་བརྩེ་བའི་ཐུགས་རྗེས་ལུས་ཅན་ཀུན། །སྲིད་ལས་སྒྲོལ་བའི་ཐབས་ལ་ཤིན་ཏུ་དགའ། །མཁྱེན་བརྩེའི་དཔུང་གིས་བདུད་སྡེའི་དཔུང་བཅོམ་ནས། །བསྟན་པའི་རྒྱལ་མཚན་འཛིན་པ་ཁྱོད་ལ་འད…

ཆད་མེད་པར་ཐོས་པར་ཤོག །ཅེས་པ་འདི་རྒྱུད་སྟེ་འཛིན་པ་ཡར་ཀླུངས་པ་སེང་གེ་རྒྱལ་མཚན་པས་བསྐུལ་པའི་དོན་དུ་ཆོས་རྗེ་དེ་ཉིད་ལ་མི་ཕྱེད་པའི་གུས་པ་དང་ལྡན་པ་ཤར་ཙོང་ཁ་པ་བློ་བཟང་གྲགས་པའི་དཔལ་གྱིས་མོན་མཁར་བཀྲ་ཤིས་གདོང་དུ་སྦྱར་བའོ།། །། ༈ ན་མོ་པུཎྱ་དྷཱ་ཛ་ཤྲཱི་བྷ་དྲ་སརྦ་བུད་དྷ་བོ་དྷི་ས་ཏྲ་ན་མ། །སྭ་སྟི། གདུལ་བྱ་རྒྱུ་སྐར་དབ…

འཛིན་སྟོབས་ཀྱིས་ངེས་དོན་བདུད་རྩི་བརྙེས། །རྒྱལ་སྲས་དམ་པ་བློ་གྲོས་སེང་གེ་རྒྱལ། །འཕགས་པ་པད་དཀར་འཛིན་པའི་སྤྲུལ་པའི་སྐུ། །གངས་ཅན་བློ་གྲོས་སེང་གེའི་ཞབས་ལ་འདུད། །རྒྱ་ཆེན་བྱམས་དང་སྙིང་རྗེའི་ཆུ་ཆེན་གྱིས། །ཞེ་སྡང་མེ་དཔུང་ཞི་བར་བྱིན་གྱིས་རློབས། །བསྟོད་པ་གཉིས་པོ་འདི། ཆོས་རྗེ་བླ་མ་དམ་པ་དང༌། རྒྱལ་ལྷ་ཁང་པ་བློ་གྲོས…

ཁྲོ་བའི་གོ་སྐབས་མེད་པར་མཛད། །བརྩེ་བས་གཞན་དོན་འབའ་ཞིག་ལྷུར་མཛད་ཅིང༌། །བསྟེན་པ་ཙམ་གྱིས་ངང་གིས་དགེ་བ་འཕེལ། །ཡོན་ཏན་ཕུང་པོ་ཁྱོད་ལ་གསོལ་བ་འདེབས། །མཐུ་ཆེན་ཁྱོད་ལ་གསོལ་བ་འདེབས་པ་བདག །ཚེ་རབས་ཀུན་ཏུ་ཁྱོད་དང་མི་འབྲལ་ཞིང༌། །མི་ཕྱེད་དད་པས་ཁྱོད་མཉེས་བགྱིད་པ་དང༌། །ཟབ་མོའི་གདམས་པས་རྗེས་སུ་འཛིན་པར་ཤོག །གསང་བའི་བདག་…

བཟང་ལ་གསོལ་བ་འདེབས། །ཞེས་པ་ནི་དེ་ཉིད་ཀྱི་སློབ་མ་འགའ་ཞིག་གིས་བསྐུལ་བའི་ངོར་མང་དུ་ཐོས་པའི་རྒྱལ་ཁམས་པ་བློ་བཟང་གྲགས་པའི་དཔལ་གྱིས་གནས་རྩེད་ལྡེང་དུ་སྦྱར་བའོ། ། ༈ ན་མོ་གུ་རུ་མཉྫུ་གྷོ་ཥཱ་ཡ། ཕུན་ཆོགས་གྲུབ་པའི་རིགས་སུ་ལེགས་འཁྲུངས་ཤིང༌། །རྟག་ཏུ་གཞན་ཕན་བདེ་ལ་རབ་ཏུ་གཞོལ། །སྐལ་བཟང་རེ་བ་སྐོང་བའི་འཕྲིན་ལས་ཅན། །ཆོས་…

ལ་ཕྱག་འཚལ་ལོ། །འབྱོར་ལྡན་དད་ཅན་རྣམས་ཀྱིས་རབ་དང་བའི། །དཔལ་འབྱོར་ཆུ་བོ་འདུ་བའི་མཚོར་གྱུར་ནས། །སེར་སྣ་དོར་བའི་གཏོང་བ་རླབས་པོ་ཆེས། །རྟག་ཏུ་སྦྱིན་ལ་དགྱེས་ལ་ཕྱག་འཚལ་ལོ། །ཉེས་སྤྱོད་ཀུན་སྡོམ་ཚུལ་ཁྲིམས་འཕགས་པའི་ནོར། །དམ་བ་དགའ་སྐྱེད་བདེ་ལེགས་ཀུན་གྱི་གཞི། །ཉོན་མོངས་གདུང་སེལ་བསླབ་པ་རིན་པོ་ཆེ། །གུས་པས་གཅེས་སྤྲས་…

རྣམ་འདྲེན་དུ། །ད་དུང་རིང་དུ་བཞུགས་པར་གསོལ་བ་འདེབས། །དེ་ལྟར་བླ་མ་མཆོག་གི་ཡོན་ཏན་ནི། །ཕྱོགས་ཙམ་བརྗོད་པའི་བསོད་ནམས་ཅི་བསགས་པ། །དེས་ནི་མགོན་མེད་སེམས་ཅན་ཐམས་ཅད་ཀྱིས། །རྟག་ཏུ་བཤེས་གཉེན་བཟང་པོ་རྙེད་གྱུར་ཅིག །དམ་པ་རྙེད་ཚེ་ལེགས་པར་མཉེས་བྱས་ནས། །རྒྱལ་པའི་དགོངས་པ་ཚུལ་བཞིན་བསྒྲུབ་པ་ཡིས། །རྒྱལ་སྲས་རྣམས་ཀྱི་རྗེས་…

སྐར་རྣམས། །ཆུ་གཏེར་དབུས་ན་ཡོངས་སུ་གསལ་བ་བཞིན། །དང་བའི་ཡིད་མཚོར་ཁྱོད་ཀྱི་ཡོན་ཏན་གྱི། །གཟུགས་བརྙན་མ་འདྲེས་གསལ་བར་རབ་བཀོད་ནས། །ཟླ་ཟེར་ཕོག་པའི་ཆུ་སྐྱེས་གཞོན་ནུ་བཞིན། །ལག་པའི་སོར་མོ་སྙིང་གའི་ངོས་སུ་ཟུམ། །རྩེ་གཅིག་ཡིད་ཀྱིས་ཁྱོད་སྐུར་མངོན་ཕྱོགས་ཏེ། །ཅུང་ཟད་བསྟོད་ལ་ཐུགས་རྗེ་ཅན་ཁྱོད་དགོངས། །སྐར་མའི་ཚོགས་ཀྱིས…

ཀྱང༌། །བརྩེ་བའི་གཏེར་ཁྱོད་ལུས་ཅན་ལ། །རིས་སུ་ཆད་པར་གྱུར་པ་མེད། །ཁྱོད་ནི་འགྲོ་བའི་དོན་གྱི་སླད། །ཅུང་ཟད་ཙམ་ཡང་མི་ངལ་ཞིང༌། །འགྲོ་བ་རྣམས་ཀྱང་ཁྱོད་ཀྱི་ནི། །ཡོན་ཏན་བརྗོད་ལ་ངལ་མ་གྱུར། །རྒྱ་མཚོའི་ཀློང་ལྟར་རབ་ཏུ་ཟབ་པའི་ཐུགས། །ལྷ་ཡི་རྔ་བཞིན་ལེགས་པར་འདོམས་པའི་གསུང༌། །ལྷུན་པའི་སྤོ་ལྟར་མངོན་པར་འཕགས་པའི་སྐུ། །མཐོང…

རོང་ཟབ་མོའི་སྦུབས་སུ་ལྷུང༌། །འདི་འདྲའི་ཉམ་ཐག་གནས་སུ་གྱུར་ལགས་པ། །བརྩེ་ཆེན་ཁྱོད་ཀྱིས་ཡལ་བར་འདོར་ལགས་ན། །དམན་པ་རྣམས་ལ་ཆེས་ཆེར་བརྩེ་བའི་མགོན། །ཁྱོད་ལས་གཞན་པ་གང་ལ་སྐྱབས་སུ་བཟུང༌། །སྙིགས་མ་ལྔ་ཡིས་ཧ་ཅང་སྦགས་པ་ཡི། །ཞིང་འདི་གཞན་གྱིས་སྤངས་དུས་མགོན་ཁྱོད་ཀྱིས། །ཡོངས་སུ་བཟུང་སྟེ་རྒྱལ་བ་སྲས་བཅས་ཀྱིས། །པད་དཀར་ལྟ་…

སྣོད་འཛིན་པ་བྷ་དྲ་པཱ་ལའོ།། །། ༈ ན་མོ་གུ་རུ་མཉྫུ་གྷོ་ཥཱ་ཡ། གང་ཞིག་གཟིགས་ཤིང་གསུང་བ་ཡི། །མཁྱེན་དང་སྟོན་པ་བླ་ན་མེད། །རྒྱལ་བ་རྟེན་ཅིང་འབྲེལ་བར་འབྱུང༌། །གཟིགས་ཤིང་འདོམས་པ་དེ་ལ་འདུད། །འཇིག་རྟེན་རྒུད་པ་ཇི་སྙེད་པ། །དེ་ཡི་རྩ་བ་མ་རིག་སྟེ། །གང་ཞིག་མཐོང་བས་དེ་ལྡོག་པ། །རྟེན་ཅིང་འབྲེལ་བར་འབྱུང་བར་གསུངས། །དེ་ཚེ་བླ…

འབྱུང་བའི་ཚུལ། །འགལ་བ་དང་ནི་མ་གྲུབ་པར། །མཐོང་བ་འདི་ཡིས་ཁྱོད་ཀྱི་ལུགས། །ཇི་ལྟར་ཁོང་དུ་ཆུད་པར་ནུས། །ཁྱོད་ནི་ནམ་ཞིག་སྟོང་པ་ཉིད། །རྟེན་འབྱུང་དོན་དུ་མཐོང་བ་ན། །རང་བཞིན་གྱིས་ནི་སྟོང་པ་དང༌། །བྱ་བྱེད་འཐད་པའང་མི་འགལ་ཞིང༌། །དེ་ལས་བཟློག་པར་མཐོང་པ་ན། །སྟོང་ལ་བྱ་བ་མི་རུང་ཞིང༌། །བྱ་དང་བཅས་ལ་སྟོང་མེད་པས། །ཉམ་ངའི་ག…

གྱིས། །མཐར་ལྟ་བ་ལ་མི་རྟེན་ཞེས། །ལེགས་གསུངས་འདི་ནི་མགོན་ཁྱོད་ཀྱི། །སྨྲ་བ་བླ་ན་མེད་པའི་རྒྱུ། །འདི་ཀུན་ངོ་བོས་སྟོང་པ་དང༌། །འདི་ལས་འདི་འབྲས་འབྱུང་བ་ཡི། །ངེས་པ་གཉིས་པོ་ཕན་ཚུན་དུ། །གེགས་མེད་པར་ནི་གྲོགས་བྱེད་པ། །འདི་ལས་ངོ་མཚར་གྱུར་པ་དང༌། །འདི་ལས་རྨད་དུ་བྱུང་བ་གང༌། །ཚུལ་འདིས་ཁྱོད་ལ་བསྟོད་ན་ནི། །བསྟོད་པར་འགྱ…