སྤྱོད་པའི་རླབས་ཆེན་ཆལ་ཆིལ་གཡོ། །བརྩོན་པའི་རྦ་རླབས་ཕྲེང་བ་དྲག་ཏུ་འཁྲུགས། །ལྷག་བསམ་ཁུར་ཅན་རྒྱལ་སྲས་གངྒཱའི་རྒྱུན། །འཇམ་པའི་ལུས་མཛེས་དལ་བའི་འགྲོས་དང་ལྡན། །སྙན་པའི་སྒྲ་སྒྲོགས་མཛེས་མའི་ཆུ་ཕྲན་འཁོར། །ལྔ་བརྒྱར་བཅས་ཏེ་ཤར་གྱི་ཕྱོགས་ཉིད་དུ། །སྤོས་ལྡན་རྒྱ་མཚོའི་ངོགས་སུ་ཞུགས་པར་གྱུར། །དེ་ལྟར་མཐར་གྱིས་སོང་སོང་བ་ད…

དེ་བབས་པ་དང་དུས་མཉམ་དུ་བུ་མོ་ལྔ་བརྒྱ་ཡང་ཤིང་རྟ་ལས་བབས་སོ། །དེ་ནས་བྱང་ཆུབ་སེམས་དཔའ་དེ་ཚོང་དཔོན་གྱི་བུ་མོ་ལ་སོགས་པ་བུ་མོ་ལྔ་བརྒྱས་བསྐོར་ཅིང་མདུན་ནས་བདར་ཏེ། བཀོད་པ་ཤིན་ཏུ་མཛེས་པ་དང་ལྡན་པས་གྲོང་ཁྱེར་སྤོས་ལྡན་ག་ལ་བ་དེར་སོང་ངོ༌། །དེ་ལྟར་རིམ་གྱིས་སོང་བ་དང༌། རིན་པོ་ཆེ་སྣ་བདུན་ལས་བྱས་པའི་གྲོང་ཁྱེར་ཆུ་དང་ཞེང་…

སྨོན་པ་མེད་པ་ལ་སོགས་པ་ཟབ་པ་དང་རྒྱ་ཆེ་བའི་ཆོས་ཀྱི་རྣམ་གྲངས་དུ་མ་བྱུང་བས་སེམས་ཅད་དེ་དག་གི་ཡིད་འཁོར་བ་ལས་ཕྱིར་ཕྱོགས་པར་བྱེད་ཅིང༌། སྟོང་བ་ཉིད་ཀྱི་ས་བོན་ཀུན་ནས་རྟས་པར་བྱེད་ལ། སེམས་ཅན་དེ་རྣམས་རྩེ་དགའ་བས་དུས་འདའ་བར་བྱེད་པས་དགའ་མགུར་སྤྱོད་དོ། །གཞན་ཡང་གྲོང་ཁྱེར་དེའི་ཕྱི་རོལ་ཏུ་ཡན་ལག་བརྒྱད་དང་ལྡན་པའི་ཆུས་ཡོངས…

པ་སྐྱེད་པའི་རྒྱན། །གཟུགས་མཛེས་ཡིད་འོང་དྲི་དང་ལྡན་པ་ཡི། །སྣ་ཚོགས་མེ་ཏོག་གོས་བཟང་གྱོན་ནས་སུ། །ལྷུན་པོ་དོར་ཏེ་འདི་རུ་འོངས་སམ་སྙམ། །སྔོ་སངས་ལུས་མཛེས་རྙོག་པའི་དྲི་མ་བྲལ། །བཞིན་གྱི་ཆུ་སྐྱེས་འཛུམ་པའི་ཟེའུ་འབྲུ་ཅན། །གནག་ཅིང་སྣུམ་པའི་བུང་བའི་མིག་དཀྱུས་རིང༌། །རིན་ཆེན་གྲུ་ཡི་ནུ་མའི་འབུར་དང་ལྡན། །རླབས་ཕྲེང་དོ་ཤ…

སྡུག་བསྔལ་གྱི་རྒྱ་མཚོ་མུ་མེད་པ་ལས་སྒྲོལ་བའི་མཉན་པ་ཆེན་པོ་ཆོས་འཕགས་ཞེས་བྱ་བ་དེ་བཞུགས་པའི་གྲོང་ཁྱེར་ཏེ། ད་ནི་རིང་པོར་མི་ཐོགས་པར་རིགས་ཀྱི་བུ་དེས་བདག་ཅག་རྣམས་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདོམས་པར་འགྱུར་བས་དགའ་བ་དང་ཡིད་བདེ་བར་གྱིས་ཤིག་ཅེས་སྨྲས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་ངུ་འཁོར་དང…

དང་དམར་པོ་དང་དཀར་པོ་རྣམས་ཚད་ཤིང་རྟའི་འཕང་ལོ་ཙམ་སྣ་ཚོགས་ཀྱིས་ཡོངས་སུ་བཀབ་ནས་མཛེས་པར་བྱས་པ། ངང་པ་དང་ངུར་པ་དང་ཁྲུང་ཁྲུང་དང་ཀ་རན་ཏ་ག་དང་ས་ར་ས་ལ་སྒྲ་སྙན་ཅིང་སྤུའི་མདོག་སྡུག་པའི་བྱ་དུ་མ་སྐད་སྙན་པ་འབྱིན་པ། སྐྱེད་མོས་ཚལ་དང་རྫིང་དེ་དག་ཀྱང་བདག་གི་བའི་རིས་སུ་ཆད་པ་མེད་པ་ལ་སེམས་ཅན་དེ་རྣམས་དགའ་མགུར་སྤྱོད་པ་མཐོང་བ…

མཁས་པ་ཞིག་གིས་སྤྲུལ་པ་དེ་ལྟ་བུ་དེ་མཐོང་ནས་བུ་མོ་དེ་དག་གིས་བྱང་ཆུབ་སེམས་དཔའ་རྟག་ཏུ་ངུ་ལ་འདི་སྐད་ཅེས་སྨྲས་སོ། །གང་གི་བཀོད་པའི་ལྕགས་ཀྱུ་ཡིས། །དབང་པོའི་གཉིས་འཐུང་འཛིན་བྱེད་པ། །ཉམས་དགའི་རིན་ཆེན་ཕོ་བྲང་འདི། །འཆི་མེད་དབང་པོའི་ཕོ་བྲང་ངམ། །འོན་ཏེ་སུ་ཡི་སྒྱུ་མའི་མཐུས། །བདག་ཅག་མིག་ལམ་སྣང་བར་གྱུར། །རྟག་ཏུ་ངུས་ས…

པ་ཞེས་བྱ་བའི་སྐྱེད་མོས་ཚལ་བཞི་ཡོད་དེ། སྐྱེད་མོས་ཚལ་དེ་དག་རེ་རེ་ན་ཡང༌། བཟང་པོ་ཞེས་བྱ་བ་དང༌། བཟང་མཆོག་ཅེས་བྱ་བ་དང༌། དགའ་བ་ཞེས་བྱ་བ་དང༌། དགའ་མཆོག་ཅེས་བྱ་བ་དང༌། བདེ་བ་ཞེས་བྱ་བ་དང༌། བདེ་ལྡན་ཞེས་བྱ་བ་དང༌། ངེས་པ་ཞེས་བྱ་བ་དང༌། མི་འབབ་ཅེས་བྱ་བའི་རྫིང་བུ་བརྒྱད་བརྒྱད་ཡོད་པ་མཐོང་ངོ༌། །རྫིང་བུའི་ར་བ་ཐམས་ཅད་ཀྱང་ག…

ཆུ་གཏེར་མཐའ་རུ་བསྐྱོད་པའི་ཚེ། །རྫིང་གི་ལྷུན་པོའི་ན་ཆུང་མཛེས་མ་དེས། །འདི་ཡིས་བདག་ལ་འཁྱུད་པ་འདོར་སྙམ་ནས། ཁ་དོག་བཞི་ཡིས་བཀྲ་བའི་གཞོན་ནུའི་མཚོ། །བླངས་ནས་རང་གི་སྟེང་དུ་འཁོད་པ་འདྲ། །དྭངས་ཤིང་དྲི་མ་མེད་པའི་ཆུ་གཏེར་སྟེང༌། །གངས་རིའི་ཏོག་ལྟར་དཀར་བའི་ངང་པའི་ཚོགས། །གཤོག་པ་ཟུང་གི་འདབ་མ་བགྲད་བྱས་ནས། །ཚར་དུ་དངར་བས…

ཤེལ་དང་བཻ་ཌཱུརྱ་ལས་གྲུབ་པའི་རྐང་པ་བཞི་བཙུགས་པ། དེའི་སྟེང་དུ་སྟན་ནང་ཚངས་ཅན་བཏིང་བ། སྟེང་སྙིང་པོ་ཅན་དུ་བྱས་པ་འཕང་དུ་རྒྱང་གྲགས་ཕྱེད་ཡོད་པ་བཤམས་ཏེ། སྟེང་གི་བར་སྣང་ལ་ཀ་ཤི་ཀའི་རས་ཀྱི་བླ་བྲེ་ལ་མེ་ཏོག་གི་ཆུན་པོ་འཕྱང་བས་བརྒྱན་པ་བྲེས་ཤིང༌། ས་ཕྱོགས་དེའི་ཁོར་ཡུག་ཐམས་ཅད་ཀྱང་རིན་པོ་ཆེའི་མེ་ཏོག་དུ་མ་གཅལ་དུ་བཀྲམ་པ་…

ཕྱོགས་བཞིར་དངུལ་ལས་བྱས་པའི་བདུག་སྤོས་ཀྱི་སྣོད་རིན་པོ་ཆེ་སྣ་ཚོགས་པས་སྤྲས་པ་བཞིའི་ནང་ན་ཨ་ཀ་རུ་ནག་པོ་འབའ་ཞིག་གི་དུ་བ་རྒྱུན་མི་འཆད་དུ་འཐུལ་བ། དེའི་དབུས་ན་རིན་པོ་ཆེ་སྣ་བདུན་གྱི་སེང་གེའི་ཁྲི་ཆེན་པོ་བཞི་བཙུགས་པ། ལྷ་རྫས་ཀྱི་གོས་ཁ་དོག་རྣམ་པར་བཀྲ་བ་དུ་མས་མཛེས་པར་ཀླུབས་པའི་སྟེང་དུ། རིན་པོ་ཆེའི་དུ་མའི་འཆིང་བ་རྣ…

དཔའ་སེམས་དཔའ་ཆེན་པོ་རྟག་ཏུ་ངུས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །གང་གི་ལྷ་བརྒྱའི་ཡན་ལག་མཆོག་དང་ལག་པའི་པདྨ་མཛེས་བྱེད་པའི། །རྣ་རྒྱན་མཆོག་དང་གདུབ་སྐོར་འཁྲལ་བའང་མྱུར་དུ་ས་ལ་ལྟུང་བྱེད་ཅིང༌། །རོལ་མོའི་སྒྲ་དང་མེ་ཏོག་འཐོར་ལ་ཁྱོད་ཀྱང་མངོན་པར་བརྩོན་བྱེད་ན། །ཁང་བཟང་ཡིད་འོང་མཛེས་པ་མཆོག་འདིར་ཚངས་པའི་…

བའི་དབྱིངས་འདི་ཡིས། །ལྷ་ཡི་ལམ་གྱིས་ཁྱབ་པའི་གོ་ཕྲོགས་ཤིང༌། །ཀུན་ལ་རང་ཉིད་རྗེས་སུ་ཞུགས་པ་ན། །མཁའ་འདིའང་བསྐྲད་པས་མིག་ལམ་མི་སྣང་གྱུར། །རིགས་ཀྱི་བུ་འདིའི་ནང་ན་དེ་བཞིན་གཤེགས་པ་ཐམས་ཅད་ཀྱི་བགྲོད་པ་གཅིགཔའི་ལམ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་པར་བྱེད་བའི་གླེགས་བམ་བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་…

པར་དཀའ་ཞིང་དོན་ཆེ་བ་ཉིད་ཀྱི་ཕྱིར། བྱང་ཆུབ་སེམས་དཔའ་ཆེན་པོ་ཆོས་འཕགས་ཀྱིས་སྐུ་རགས་བདུན་བདུན་གྱིས་ཤིན་ཏུ་དམ་པར་བཅིངས་ནས་མདུད་པའི་གནས་བདུན་ལ་རང་མིང་གི་རྒྱ་རིམ་པ་བདུན་གྱིས་བཏབ་ནས་བཞག་པས། ངེད་ཀྱིས་ཁྱོད་ལ་ཤིན་ཏུ་བསྟན་པར་དཀའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་ངུ་དང༌། ཚོང་དཔོན་གྱི་བུ་མོ་ལ་སོགས་…

གོས་དང་གདུགས་དང་རྒྱལ་མཚན་དང༌། བ་དན་དང་ཙན་དན་གྱི་ཕྱེ་མ་དང༌། གསེར་དང་དངུལ་གྱི་ཕྱེ་མ་དང༌། མེ་ཏོག་དག་གིས་ནམ་མཁའ་ལ་གཏོར་རོ། །དེ་ནས་མེ་ཏོག་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ཀྱི་སྤྱི་བོའི་སྟེང་ན་མེ་ཏོག་གི་ཁང་བུ་བརྩེགས་པ་ཞིག་ཏུ་གྱུར་ཏོ། །གསེར་དང་དངུལ་གྱི་མེ་ཏོག་དག་ཀྱང་ནམ་མཁའ་ལ་གཞལ་མེད་ཁང་འདྲ་བ…

དག་མཐོང་ནས་འདི་སྙམ་དུ་སེམས་སོ། །ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་འདི་ལྟར་བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་འདི་ལྟ་བུའི་ཆོ་འཕྲུལ་དང༌། རྣམ་པར་འཕྲུལ་པ་མདའ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་ན། འདི་ལས་ཀྱང་ཆེས་ཁྱད་དུ་འཕགས་པའི་རྣམ་པར་འཕྲུལ་བ་ཅི་འདྲ་བ…

དོ། །གང་གིས་རྒྱལ་བའི་སྲས་པོ་ཡིས། །བྱང་ཆུབ་སྤྱོད་པ་ཟབ་མོའི་ཚུལ། །སྔོན་མེད་རྣམ་འཕྲུལ་འདི་མཐོང་ཚེ། །དེ་དག་དགའ་བ་རྒྱས་པར་གྱུར། དེ་ནས་བྱང་ཆུབ་སེམས་དཔའ་ཆེན་པོ་རྟག་ཏུ་ངུ་དང༌། ཚོང་དཔོན་གྱི་བུ་མོ་ལ་སོགས་པ་བུ་མོ་ལྔ་བརྒྱ་པོ་དེ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ལ་ཡ…

ཆུད་པར་གྱུར་ཏོ། །དེ་ནས་ཡང་བདག་འདི་སྙམ་དུ་དོན་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་ལ་དྲི་བ་གོར་མ་ཆག་སྙམ་ན། འཕགས་པ་བདག་ལ་དེ་བཞིན་གཤེགས་པ་དེ་དག་གང་ནས་བྱོན་པ་དང་བཞུད་པའི་དོན་བཤད་དུ་གསོལ། དེ་སྐད་ཅེས་སྨྲས་པ་དང༌། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་འཕགས་འདི་སྙམ་དུ་སེམས་ཏེ་སྐྱེས་བུ་མཁས་པ་རྣམས་ན…

སུ་ཡིས་དེ་ཡི་འགྲོ་འོང་རྙེད། །ཡང་རྟོགས་པར་དཀའ་བའི་དོན་ཟབ་མོ་དེ་ཉིད་སྒྱུ་མའི་དཔེས་ཀྱང་སྟོན་པར་བཞེད་ནས། བདག་ཉིད་ཆེན་པོ་དེས་སྐད་ཀྱི་གདངས་གསལ་བར་འདི་སྐད་ཅེས་སྨྲས་སོ། །གང་ཡང་འདི་ན་སྒྱུ་མ་མཁས་པ་འགས། །རལ་པ་གྱེན་དུ་བསྒྲེང་ཞིང་མིག་རྩ་དམར། །འཁྱུག་ཅིང་དམར་བའི་གློ་ལྟར་ལྕེ་གཡོ་ཞིང་། །རྔམ་པའི་ཤུགས་འབྱིན་རྣོ་བའི་མཚ…

ཡིད་ཀྱི་ས་འཛིན་གཉིད་ཀྱི་མུན་པས་ནོན་པ་འགས། །ངོ་མཚར་རྒྱལ་བའི་ཚོགས་མཐོང་ནས། །སད་ཚེ་དེ་དག་མི་སྣང་འགྱུར། །འོན་ཀྱང་རྨི་ལམ་རྒྱལ་བ་རྣམས། །ངོ་བོ་ཉིད་ཀྱིས་རབ་ཞི་ན། །དེ་ཡི་ཁྱད་པར་སྐྱེ་དང་འགག །སུ་ཞིག་གིས་ནི་དམིགས་པར་འགྱུར། །དེ་ལྟ་བས་ན་རིགས་ཀྱི་བུ་དཔེ་དེ་བཞིན་དུ་དེ་བཞིན་གཤེགས་པ་དེ་དག་བྱོན་པ་དང་བཞུད་པ་མེད་པར་ཁོང་…