ཐོས་ལྡན་ཉམས་ལེན་གནད་ལ་མཁས་པ་ཉུང༌། །དེ་ཕྱིར་སྲིད་པའི་ཕ་རོལ་འགྲོ་བ་ཉུང་། །མང་དུ་ཐོས་པས་རྒྱལ་བའི་དགོངས་པ་རྙེད། བརྩོན་པ་ཆེན་པོས་སྒྲུབ་པ་སྙིང་པོར་བྱེད། །བག་ཡོད་གོམས་པས་དམ་པའི་རྗེས་སུ་འཇུག །སྐལ་བཟང་དེ་ཡིས་བྱང་ཆུབ་རྙེད་མི་དཀའ། །འདི་དག་ནི་ཐེག་པ་མཆོག་གཉིས་པོ་གང་གི་ལམ་ཉམས་སུ་ལེན་ཀྱང་མེད་དུ་མི་རུང་བའི་ཡན་ལག་ཡི…

པོ་འོ་དེ་གུང་རྒྱལ་གྱི་ལྷ་ཞོལ་དུ་སྦྱར་བའི་ཡི་གེ་པ་ནི་བཟང་སྐྱོང་ངོ་།། ༈ རྗེ་བཙུན་འཇམ་པའི་དབྱངས་ལ་གུས་པས་ཕྱག་འཚལ་ལོ། །རབ་འབྱམས་གཞུང་ལ་དྲི་མེད་ཤེས་རབ་རྒྱས། །ཚོགས་གཉིས་དཔལ་གྱིས་བསྟན་འཛིན་ཁྲོད་ན་མཐོ། །བཟང་པོའི་མཛད་པས་ཐུབ་བསྟན་རྒྱས་མཛད་པ། །བཤེས་གཉེན་དེ་ཡིས་བདག་ལ་འདི་སྐད་དུ། །ཁྱོད་ཀྱིས་ཇི་ལྟར་ཉམས་སུ་བླངས་པའ…

ལམ་དེ་གཉིས་ཚ་གྲང་བཞིན་དུ་མི་མཐུན་པར་བཟུང་ནས། བྱང་ཆུབ་ཀྱི་མཆོག་ཏུ་སེམས་བསྐྱེད་དོ། །རྒྱལ་སྲས་ཀྱི་སྡོམ་པ་བཟུང་ནས་སྦྱོད་པ་ཕ་རོལ་ཏུ་ཕྱིན་པ་དྲུག་ལ་སློབ་པའི་ཚུལ་ཐེག་པ་ཆེན་པོ་སྤྱིའི་གཞུང་ཤིང༌། སྔགས་དང་ཕ་རོལ་ཏུ་ཕྱིན་པ་གཉིས་ཀ་ནས་ལན་དུ་མར་མཐུན་པར་གསུངས་པ་གསུང་རབ་ཀྱི་དགོངས་པ་འགྲེལ་པ་ལ་ཆོས་ཀྱི་སྤྱན་དུ་གྱུར་པའི་མ…

ཐུན་མོང་མ་ཡིན་པ་ཡིན་པས་ཕ་ཡི་ས་བོན་དང་འདྲ་བར་ལན་ཅིག་མ་ཡིན་པར་གསུངས་པས་ན། ཐེག་པ་དམན་པར་ལྟུང་བ་འགོག་བྱེད་གང་རྒྱུད་ལ་སྐྱེས་པ་ན་གང་ཟག་དེ་ལ་རྒྱལ་བའི་སྲས་ཞེས་ཐ་སྙད་འཐོབ་པའི་གཞི་ནི། རིན་པོ་ཆེའི་སེམས་འདི་ཉིད་ཡིན་པས་འདི་མ་སྐྱེས་པ་སྐྱེ་བ་དང༌། སྐྱེས་པ་གནས་པ་དང༌། གནས་པ་འཕེལ་བ་ལ་སྐྱེས་བུའི་རྩལ་ཅི་ཡོད་ཀྱིས་འབད་ནས།…

འདྲ་བར་སྲིད་མཚོར་ལྷུང་བ་ལ་བྱམས་པ་དང་སྙིང་རྗེ་ཆེན་པོའི་དབང་གིས་སྲིད་པའི་སྐྱོན་མཐའ་ཡས་པ་མཐོང་ནས། ཐེག་དམན་ལས་འབུལ་འགྱུར་གྱིས་སྐྱོ་བ་ཡོད་ཀྱང་རང་དོན་དུ་ཞི་བ་ཙམ་ལ་ཐོབ་འདོད་མེད་པ་དེ་བྱང་ཆུབ་སེམས་དཔའི་ཁྱད་ཆོས་ཡིན་གྱི། སྲིད་པའི་སྐྱོན་མཐོང་བའི་སྐྱོ་བ་ཅུང་ཟད་ཀྱང་མེད་པར་ཁོ་བོ་ཅག་སེམས་ཅན་གྱི་དོན་དུ་འཁོར་བར་སྡོད་…

ཀྱི་ཕྱོགས་སུ་འགྱུར་བར་མཐོང་ནས་བྱང་སེམས་ཀྱི་བསླབ་བྱ་ཕྱིན་དྲུག་གམ་ཚུལ་ཁྲིམས་གསུམ་ལ་སློབ་དགོས་དེ་གསུམ་ལ་སློབ་པ་ལ་ཡང་སྡོམ་པའི་ཚུལ་ཁྲིམས་ནི་བྱང་སར་སོ་ཐར་རིས་བདུན་ལ་གསུངས་ཤིང༌། ཐོག་མར་སྡོམ་པའི་ཚུལ་ཁྲིམས་ཀྱིས་མ་བསྡམས་ན་ཚུལ་ཁྲིམས་གཞན་གཉིས་དག་པར་མི་འགྱུར་བར་བྱང་སའི་རྣམ་པར་གཏན་ལ་དབབ་པ་བསྡུ་བ་ལས་གསུངས་པས་གང་ཁས…

ལམ་བསྒོམ་པ་ཙམ་མ་བྱུང་ཡང་། མ་བསྒོམས་གྱུར་ཀྱང་ལྟུང་མེད་ན། །སྐྱེ་བ་བཅུ་དྲུག་དག་ན་འགྲུབ་ཅེས་གསུངས་པའི་ཕྱིར་རོ། །དེ་ལ་རྡོ་རྗེ་ཐེག་པའི་བསླབ་བྱ་མཐའ་ཡས་ཤིང་བསྟན་པའི་ཡང་སྙིགས་སུ་སོང་བས། ཐམས་ཅད་སྲུང་དཀའ་ནའང་སྡོམ་པ་གཅོད་པའི་རྩ་ལྟུང་བསྲུང་བ་ལ་འབད་པ་དྲག་པོ་བསྟེན་དགོས་པར་གོ །དེ་ལྟར་རྒྱུད་སྨིན་ནས་ལམ་བསྒོམ་པའི་ཚེ་ཐ…

ནས་དེའི་དོན་ལ་བཞག་ས་མེད་པར་སེམས་གནས་པ་ཙམ་སྒོམ་པ་ནི་ཟབ་མོའི་དོན་སྒོམ་པ་ཡིན་སྙམ་པ་མེད། དེ་ཡང་རྒྱུད་སྡེ་ལ་ལ་ན་བཞུགས། ལ་ལ་ན་ས་བོན་ཙམ་སྣང་བས་གང་དང་གང་དུ་མི་རྒྱས་པ་དེ་དང་དེར་རྒྱས་པར་བཤད་པ་ནས་བླང་དགོས་ཀྱི། ཐད་ཀ་རེའི་དོན་ཙམ་བཟུང་བས་མི་ཆོག་གོ །ཟབ་མོ་སྤྲོས་པ་དང་བྲལ་བའི་དོན་ལ་ནི་སྔགས་དང་ཕར་ཕྱིན་ཁྱད་པར་མེད་པར་མ…

ཚུལ་བཞིན་དུ་དཔྱད་ནས་རིགས་པ་གདའ་ན་དེའི་སྒོ་ནས་རང་བཞིན་གྱི་དོན་བགྱིད་པར་ཞུ། ཚུལ་འདི་ནི་སྡོམ་བརྩོན་སྡེ་སྣོད་འཛིན་པ་རྒྱལ་བའི་རིང་ལུགས་པ་ཆེན་པོ་དཀའ་བཞི་འཛིན་པ་ཤེས་རབ་དཔལ་བཟང་པོའི་གསུང་ལན་དུ་ཤཱཀྱའི་དགེ་སློང་བློ་བཟང་གྲགས་པའི་དཔལ་གྱིས་བྱང་རྭ་སྒྲེང་རྒྱལ་བའི་དབེན་གནས་སུ་སྦྱར་བའོ།། ༈ དགེ་བའི་བཤེས་གཉེན་པའི་ཞལ་ས…

བསྔལ་ཆེན་པོས་ཀྱང་གདུང་བར་མི་འགྱུར་ཞིང༌། སྙིང་སྟོབས་ཆུང་ཞིང་སྡར་ན་དོན་མེད་པར་ཡང་སྡུག་བསྔལ་བར་འགྱུར་བའི་ཕྱིར་ཏེ། དཔེར་ན་དཔའ་བོ་རང་རྨས་པའི་ཁྲག་མཐོང་ན་དཔའ་བརྟན་ལྷག་པར་སྐྱེ་ཞིང༌། སྡར་མས་གཞན་རྨས་པའི་ཁྲག་མཐོང་ན་བརྒྱལ་ཞིང་བོག་པར་འགྱུར་བ་བཞིན་ནོ། །ལམ་དུ་བཏང་བ་ལ་རང་ལ་ལྟོས་ཏེ་ལམ་དུ་བྱ་བ་དང༌། གཞན་ལ་དམིགས་ཏེ་བྱ་…

པའི་འཇིགས་པ་ལན་རེ་རེ་དང་གཉིས་གཉིས་ཙམ་མ་ཡིན་པའི་གཏིང་མཐའ་མེད་པར་འཁྱམས་ནས། འཇིགས་པ་འདི་ལྟ་བུས་སྡུག་བསྔལ་བ་ལ་སྐྱོབ་པ་ནི་སླུ་བ་མེད་པའི་དཀོན་མཆོག་གསུམ་ཉག་གཅིག་ཏུ་ཟད་པས་དེའི་ཕྱིར་སྐྱེ་བ་ཐམས་ཅད་དུ་ཅི་ལ་ཐུག་ཀྱང་དཀོན་མཆོག་གསུམ་གཏང་བར་མི་བྱའོ་སྙམ་དུ་ངེས་པར་བྱས་ནས་སྐྱབས་སུ་འགྲོ་བ་ལ་བརྩོན་པའོ། །གསུམ་པ་ནི། རང་ལ་…

པའོ། །དྲུག་པ་ནི། བདག་ཅི་འདྲ་བར་སེམས་ཅན་རྣམས་ཀྱང་སྡུག་བསྔལ་འདི་ལྟ་བུ་དང་འདི་ལས་ཆེས་ཆེ་བས་གདུངས་སོ་སྙམ་དུ་བལྟས་ནས་དེ་དག་ཀྱང་སྡུག་བསྔལ་ཐམས་ཅད་དང་བྲལ་ན་སྙམ་པའི་སྙིང་རྗེ་བསྐྱེད་པའོ། །གཉིས་པ་ནི། སེམས་ཅན་སྤྱི་དང་ཁྱད་པར་དུ་རང་གི་སྡུག་བསྔལ་གྱི་ཕྱི་རོལ་གྱི་རྐྱེན་དུ་གྱུར་པའི་མིའམ་མི་མ་ཡིན་པ་རྣམས་ལ་མར་སྒོམ་པ་མང…

པ་ལ་གྲོགས་སུ་འོང་བས། རྐྱེན་ངན་ལམ་དུ་སློངས་པ་ལྟས་ངན་གཡང་དུ་ཁུགས་པས་བདུད་དགེ་བའི་བཤེས་གཉེན་དུ་བསྒྱུར་ཐུབ་པར་འགྱུར་བས་ལམ་དུ་ཅི་སློངས་སློངས་མཛད་ནས། དུམ་པར་སློངས་བྱུང་བ་དང་བླ་མ་དང་ཡི་དམ་དབྱེར་མེད་ལ་གསོལ་བ་འདེབས་ཤིང་བར་ཆོད་ཀྱི་འབྱུང་པོ་ལ་གཏོར་མ་བྱིན་ནས་ད་དུང་དེ་འདྲ་བའམ་དེ་ལས་ལྷག་པ་ཐོང་ཞིག་ཅེས་གདེང་དང་ལྡན་…

རྒྱལ་མཚན་ཟུང་ལ་སོགས་པ་ཡི། །ཡིད་འོང་སྐྱེས་མང་བསྐུར་བ་ཕོ་ཉ་བས། །མ་ཚང་མེད་པར་བདག་གི་གམ་དུ་འཕྲོད། །སྔོན་ཆད་ཕན་པར་སྨྲས་པའི་རྗེས་སུ་བསླབས། །ད་དུང་ལེགས་བཤད་དགའ་སྟོན་སྩོལ་ཞེས་ཟེར། །སྔོན་ཆད་གདམས་པ་རྣམས་ལས་ཆེས་ལྷག་པའི། །གདམས་པར་བགྱི་བ་ཅི་ཡང་མ་མཆིས་མོད། །འོན་ཀྱང་གུས་པར་ཉོན་ལ་ཡང་ཡང་དུ། །ལེགས་པར་གདམས་ན་ཁྱད་པར་ཐོ…

ནུས། །གདོན་གྱིས་ཟིན་པ་རྣམས་ལ་ཆས་བརྩེ་བའི། །བཤེས་ཀྱི་སྲོག་ལ་རྒོལ་བར་བྱེད་པ་ལྟར། །རྨོངས་པར་གྱུར་རྣམས་རང་གི་བདེ་ལེགས་སྒོ། །ཐུབ་པའི་བཅས་པའི་མཚམས་ལ་དགྲ་བཞིན་བལྟ། །ཁྱོད་ནི་བདག་གིས་སྨྲས་པའི་རྗེས་སློབ་ན། །དལ་བ་ཤིན་ཏུ་རྙེད་དཀའ་དོན་ཆེ་དང༌། །དེ་ཡང་ཆུ་བུར་བཞིན་དུ་མྱུར་འཇིག་ཅིང༌། །དེ་ནས་གཞན་གང་རྗེས་སུ་མི་འབྲང་ལ།…

འགྱུར་བ། །དགེ་བའི་བཤེས་དང་དཀོན་མཆོག་མཆོད་པ་ལ། །རྒྱུན་ཆད་མེད་པའི་སྦྱོར་བ་རྟེན་འཚལ་ལོ། །དེ་ལྟར་རྩ་བ་བརྟེན་ལ་གཙོར་འབད་ན། །ཟབ་ཅིང་རྒྱ་ཆེའི་ཆོས་རྣམས་མ་ལུས་པ། །ཁ་ཅིག་ད་ལྟ་ལག་ཏུ་བླང་བ་དང༌། །གཞན་དག་སྨོན་ལམ་ཡུལ་དུ་བྱས་གྱུར་ཏེ། །གཅིག་ཀྱང་མི་སྤོང་ཀུན་ཀྱང་སངས་རྒྱས་ཐབས། །དེ་ལྟར་རྒྱལ་བའི་བསྟན་པ་ཡོངས་རྫོགས་པ། །ལམ་…

པ་དག་པ་ཡོད་ཟེར་ལེགས། །སྲིད་པའི་ཕུན་ཚོགས་ཀུན་གྱིས་མི་སླུ་མེད། །ཁྱད་པར་དིང་སང་འཚོ་བའི་ཡུན་ཐུང་བའི། །ཚེ་འདིའི་འབྱོར་རྒུད་རྨི་ལམ་ཐུན་གཅིག་ཙམ། །དེ་ཕྱིར་དེ་ལ་དགའ་བར་འཛིན་པ་ནི། །ཀྱེ་མ་ངན་འགྲོའི་ཁ་ཡང་འབྱེད་པར་ཟད། །བདེ་བའི་མནོག་ཆུང་སྡུག་བསྔལ་དུ་མའི་གཞི། །སྤྱད་པས་མི་ངོམས་ཉེས་སྤྱོད་ཆེན་པོའི་སྒོ། །འདི་དང་ཕྱི་མའ…

བཤད་གཏམ། །ཡང་ཡང་འདོམས་པ་རྙེད་པར་དཀའ་བའང་མིན། །ཞེས་པ་འདི་ཡང་རྗེ་ཉིད་ཀྱིས་མ་གཅིག་དཔོན་པོ་ལ་གནང་བའོ།། ༈ དཔོན་པོ་ཁམས་སྙོམས་ལམ་བདེ་བར་བྱས་ཏེ། འཇིག་རྟེན་གྱི་མིག་ཏུ་གྱུར་པ་མཁན་པོ་ཡེ་ཤེས་སྡེའི་གདམས་པ་དང་རྗེས་སུ་བསྟན་པ་རྣམས་འབད་པས་བསྒྲུབས་ཏེ་ཁྱེར་འོངས་པ་བདག་གི་སུག་པར་ཕྱིན་པས་ཟང་ཟིང་མེད་པའི་དགའ་བ་འཕེལ། འདིར་ཁ…

གསུངས་པའི་དོན་ཡིད་ལ་བྱེད་པ་མ་ཉམས་པར་བགྱིས་ཏེ། ཡིད་བརྟན་སྐད་ཅིག་ཀྱང་མི་རུང་བའི་ལུས་ལ་སྙིང་པོ་བླང་བ་ལ་འབད་མཛོད། ཅེས་མཚམས་ནང་ནས་ཡི་གེར་བྲིས་ཏེ་མ་གཅིག་དཔོན་པོ་ལ་གནང་བའོ།། ༈ རྗེ་བཙུན་འཇམ་པའི་དབྱངས་ཀྱི་ཞབས་ལ་གུས་པས་ཕྱག་འཚལ་ལོ། །གང་ཞིག་དག་ན་གནས་སྐབས་དང༌། །མཐར་ཐུག་བདེ་ལེགས་ཐམས་ཅད་ནི། །བདེ་བླག་ཉིད་ཏུ་འགྲུབ་འ…

བའི་སྒོ་གསུམ་གྱི་སྡིག་པ་རང་གིས་བྱས་པ་དང༌། གཞན་ལ་བྱེད་དུ་བཅུག་པ་དང༌། གཞན་གྱིས་བྱས་པ་ལ་རྗེས་སུ་ཡི་རང་བ་བགྱིས་པ་རྣམས་ཀྱིས། སྤྱིར་འཁོར་བ་དང་ཁྱད་པར་དུ་ངན་སོང་གསུམ་གྱི་སྡུག་བསྔལ་དྲག་ལ་ཡུན་རིང་བ་བསྐྱེད་པའི་ཚུལ་ཡང་ཡང་བསམས་ལ་ཤིན་ཏུ་འཇིགས་པའི་ཡིད་ཀྱིས། དགྲས་གཙེས་པའི་ཁ་ཉེན་པོ་སྟོབས་ཅན་ལ་སྐྱབས་མཆི་བ་བཞིན་དུ། དཀ…