ཕྱི་མའི་བྱ་བ་ཇི་ལྟར་བཤོལ། །ཚེ་འདིར་བསྡད་ལོང་མེད་ན་དེ་ལ་ལ་ལོ་ཇི་ལྟར་རིགས། །ཤ་རུས་དག་ཀྱང་འགྱེས་ན་གཉེན་བཤེས་ཚོགས་ལ་ཇི་ལྟར་ཆགས། །གྲོགས་མེད་གཅིག་པུར་འགྲོ་ན་དེ་ཚེ་ཆོས་ལས་སྐྱབས་གཞན་གང༌། །ནམ་ཞིག་མཛའ་བཤེས་ཚོགས་ཀྱིས་མཐའ་ནས་བསྐོར། །འབྱུང་བ་འཁྲུགས་པའི་མཚོན་གྱིས་ལུས་ལ་བཏབ། །བཟོད་གླགས་མེད་པའི་ཚོར་བས་སེམས་ལ་ཟིན། །…

སྐྱེས་ཆེན་འདེགས། །ལུས་ཀྱི་གྲོང་ཁྱེར་འབྲོག་སྟོང་བཞིན་དུ་བྱས། །རྟེན་མེད་རིག་པ་ལས་ཀྱི་རླུང་གིས་བདས། །རྒྱུས་མེད་ཕྱོགས་སུ་འཁྲུལ་ཞིང་འཁྱམས་པའི་ཚེ། །སྔོན་བསགས་ལས་ཀྱི་ནུས་པ་མ་གཏོགས་པ། །ཡུན་རིང་དགའ་མགུར་སྤྱད་པའི་གཉེན་དང་གྲོགས། །ངལ་བ་དུ་མས་བསྒྲུབས་པའི་ལོངས་སྤྱོད་ཚོགས། །ཏིལ་གྱི་ཅ་ཤས་ཙམ་ཡང་རྗེས་མི་འབྲང༌། །ཚུལ་འ…

མི་གཙང་སྣོད་གྱུར་ངན་སྐྱུགས་བུམ་པ་བཞིན། །སྡུག་བསྔལ་ཀུན་སྟེར་སྟོབས་ལྡན་དགྲ་བོ་བཞིན། །རྙེད་པར་དཀའ་ཞིང་ཤིན་ཏུ་འཇིག་སླའི་ལུས། །འཇམ་པའི་གོས་དང་ཞིམ་པའི་ཁ་ཟས་ཀྱིས། །འབད་པ་དུ་མས་ལན་མང་བསྐྱངས་གྱུར་ཀྱང༌། །ཁྱི་དང་བྱ་རྒོད་ཅེ་སྤྱང་ཁ་ཟས་ལ། །རྩོལ་བ་དུ་མས་ག་དར་བྱས་པར་ཟད། །སྐྱེ་དགུའི་ཕན་བདེའི་རྩ་བ་བསྟན་པ་ཡང༌། །ནུབ་པའ…

ཀུན་གྱིས་བསླུ། །གཅིག་ཏུ་ཡིད་བརྟན་རུང་བ་དམ་པའི་ཆོས། །དེ་ཕྱིར་དལ་འབྱོར་ཐོབ་པ་དོན་ཡོད་མཛོད། །ཚུལ་འདི་འདི་དང་ཕྱི་མར་བདེ་བའི་གཞི། །དམ་ཆོས་ཆོས་ནས་གསུངས་བཞིན་བསྒྲུབ་འདོད་པ། །རིན་རྒྱལ་རྒྱལ་བའི་བསྟན་ལ་གུས་བ་དེས། །སྤེལ་ལེགས་ལེགས་པའི་ཚིག་གིས་ཡིད་སྐྱོའི་གཏམ། །དད་པའི་རླུང་གིས་བསྐུལ་ཚེ་ཕྱོགས་མེད་དུ། །ངལ་སོ་མེད་པར…

མིན་ཀུན་གྱིས་བསླུ། །དཀར་ནག་ལས་ཀྱི་འབྲས་བུས་མི་བསླུ་བས། །སྡིག་སྤོང་དགེ་བ་བསྒྲུབ་ལ་འབད་པར་བྱ། །ཉེས་མེད་སྲོག་ཆགས་གསོད་པའི་ལས་རྣམས་ནི། །མྱུར་དུ་མྱོང་ཞིང་ངེས་པར་མྱོང་འགྱུར་ལ། །རང་ལ་སྨིན་ན་བཟོད་པའི་ཐབས་མེད་པས། །འདི་ལ་ཤིན་ཏུ་ཤིན་ཏུ་འཛེམ་པར་བྱ། །འདི་ནི་འདི་འདྲའི་ཚུལ་ལ་རབ་མོས་པ། །ཡ་རབས་སྤྱོད་ཚུལ་རྒྱན་གྱིས་མཛ…

ཀུན་བྱེད། །སངས་རྒྱས་ཀུན་གྱི་གསུང་གིས་ཀྱང༌། །རྨོངས་ལ་ཕན་པ་སྒྲུབ་པར་དཀའ། །འཇིག་རྟེན་འདིར་ཡང་བདེ་འགྱུར་ལ། །ཕ་རོལ་དང་ཡང་མི་འགལ་བ། །ཚུལ་དེ་རིག་པར་གྱུར་པ་ལ། །མཁས་རྣམས་ཤེས་རབ་ཅན་ཞེས་སྨྲ། །ཞེས་པ་འདི་ཤཱཀྱའི་དགེ་སློང་བློ་བཟང་གྲགས་པའི་དཔལ་གྱིས་བློ་གྲོས་ཀྱི་ནོར་ཅན་སྒོམ་པ་གྲགས་པ་རིན་ཆེན་ལ་གདམས་པའོ།། ༈ ན་མོ་གུ་རུ…

དེ་ཚེ་ལུས་དང་ལོངས་སྤྱོད་མཛའ་བཤེས་རྣམས། །ཀུན་དང་འབྲལ་ཞིང་དགེ་དང་སྡིག་པའི་ལས། །གྲིབ་མ་བཞིན་དུ་རྗེས་སུ་འབྲང་བ་དང༌། །སྡིག་པའི་ལས་ལས་རྒྱུན་རིང་ཤུགས་དྲག་པའི། །ངན་སོང་གསུམ་གྱི་སྡུག་བསྔལ་འབྱུང་བ་དང༌། །དགེ་བའི་ལས་ལས་བདེ་འགྲོ་བརྒྱུད་ནས་ནི། །མྱུར་དུ་རྒྱལ་བའི་གོ་འཕང་འཐོབ་པའི་ཚུལ། །ཤེས་པར་གྱིས་ལ་ཉིན་རེ་བཞིན་དུ་ས…

སྐྱེ་ཞིང་གཅིག་པུ་འཆི་བས་ན། །གྲོགས་དང་ཉེ་དུ་ལ་སོགས་ཀུན་གྱིས་བསླུ། །སླུ་བ་མེད་པའི་མཆོག་ནི་དམ་ཆོས་ཡིན། །ཚེ་ཐུང་འདི་ནི་གློག་བཞིན་ཡུད་ཙམ་པ། །གང་ལྟར་བྱས་ཀྱང་ཕྱིད་ཀྱི་གཏན་བདེ་གཅིག །སྒྲུབ་དུས་ད་རེས་ཡིན་ནོ་ལེགས་པར་སོམས། །དལ་འབྱོར་རིན་ཆེན་སྟོང་ལོག་མ་བྱེད་ཅིག །དེ་ལྟར་གདམས་ལས་བསོད་ནམས་གང་ཐོབ་དེས། །སྐྱིད་ཀྱང་མི་…

བཞེད་པ་མི་རྫོགས་པར། །མཐོང་ནས་རེ་ཞིག་ཕྱོགས་དེར་བགྲོད་པ་བཤོལ། །དེ་ལ་བློ་གྲོས་ལྡན་ཁྱོད་བཟོད་པ་མཛོད། །དགེ་ལ་བརྩམས་པ་མཐར་ཕྱིན་མ་གྱུར་ཀྱང༌། །ཇི་ཙམ་བརྩམས་པ་དེ་ཙམ་གྱིས་ཀྱང་འཚེང༌། །སྐོམ་པས་ཆུ་ཀླུང་རྫོགས་པར་མ་འཐུངས་ཀྱང༌། །ཆུ་འགའ་འཐུངས་པ་ཡིས་ཀྱང་ངོམས་པར་འགྱུར། །དེ་འདྲའི་དགེ་དེས་ཚེ་རབས་ཀུན་ཏུ་ཁྱོད། །རྒྱལ་བའི་དམ…

མཐུ་ལ་བརྟེན་ནས་ཕུན་སུམ་ཚོགས་པའི་དཔལ་གྱིས་ནི་མངོན་པར་མཐོ། བསྟན་པ་ཁོ་ན་ཕན་བདེའི་རྩ་བར་གཟིགས་ནས། ཐུབ་པའི་བསྟན་པ་ཕྱོགས་ཀུན་ཏུ་རྒྱས་པར་མཛད་པའི་ཁུར་ཆེན་པོ་ནི་བསྣམས། བླང་དོར་གྱི་གནས་ལ་རྣམ་དཔྱོད་རྒྱས་པའི་རྣམ་པར་དཀར་བའི་མཛད་པ་ཕྱོགས་ཀུན་ཏུ་གཡོ་བ་ལས། སྔོན་ཚེ་བསྟན་པའི་དར་རྒྱས་ཆེར་བྱུང་ཡང༌། །ཕྱི་ནས་དུས་ཀྱི་དབང་ག…

ཡས་པ་ལ་རྙེད་བཀུར་མཛད་པའི་དགེ་རྩ་རྣམས་ཀྱང༌། ཆོས་ཀྱི་རྒྱལ་པོ་ཆེན་པོ་ཡབ་སྲས་སྐུ་ཚེ་རིང་ལ་ཆབ་སྲིད་བརྟན་པའི་དོན་དང༌། སེམས་ཅན་ཐམས་ཅད་ཀྱི་དོན་དུ་རྣམ་མཁྱེན་དུ་བསྔོ་བ་དང་སྨོན་ལམ་གྱིས་གསུང་བ་འདུག་པ་བཞིན་དུ་ཆོས་སྤྱོད་དག་པོ་བགྱིས་ཏེ་སྨོན་ལམ་རྣམ་དག་གིས་རྒྱས་བཏབ་བདོག་ལགས། ད་དུང་ཡང་ཆོས་སྡེ་བཙུགས་པ་ལྔ་པོ་ལ། དད་ཚུགས…

ལ་ཐེའུ་ཚེ་འདི་འབྱར་བ་འབུལ་བ་དགེ་ལེགས་སུ་གྱུར་ཅིག །ཅེས་པ་འདི་ནི་རྗེ་རིན་པོ་ཆེའི་ཞལ་སྔ་ནས་བྱང་བླ་མ་ལ་གནང་བའོ།། ༈ ༀ་བདེ་ལེགས་སུ་གྱུར་ཅིག །གྲགས་པའི་རི་བོ་མཐོན་པོ་ལ་འཛེགས་པའི། །དུ་མའི་འགྲོ་བས་གང་གི་ཞབས་མཆོད་པ། །རྗེ་བཙུན་མཁྱེན་པའི་གཏེར་དེའི་མཛད་པ་ཡིས། །ཁྱེད་ཀྱི་ཕུན་ཚོགས་ཀུན་ནས་སྐྱོང་གྱུར་ཅིག །དྲི་ཞིམ་པདྨ་…

སྨོན་གནས། །ཚུལ་འདི་ཤིན་ཏུ་རྙེད་དཀའ་འཇིག་སླ་བ། །རིག་ནས་ཉིན་མཚན་ཀུན་ཏུ་དལ་བའི་རྟེན། །དོན་ལྡན་བྱེད་པ་མཁས་པའི་མཁས་པ་སྟེ། །ལྷག་མའི་སྐྱེ་བོ་བྱིས་ལས་བྱིས་པར་གསུངས། །རྒྱལ་བས་བསྔགས་པའི་མང་ཐོས་རྒྱ་མཚོ་ཆེར། །རྣམ་དཔྱོད་བརྩོན་པའི་གྲུ་ཡིས་ལེགས་ཞུགས་ནས། །ལེགས་བཤད་རིན་ཆེན་གླིང་གི་དགའ་སྟོན་མཆོག །ཉམས་སུ་མྱོང་བའི་རྣམ་…

པ་གཅིག །གན་དཀར་སག་རི་ནག་པོའི་ཤུབས་ཅན་གཅིག །མཎྜལ་རྒྱན་སེའུ་ཡོད་པ་གཅིག་རྣམས་ལ་ཐེའུ་ཚེ་འདི་འབྱར་བ་འབུལ། ཟླ་བ་དང་པོའི་ཚེས་བཅུ་གཉིས་ལ་ཕུལ་བ་དགེ་ལེགས་སུ་གྱུར་ཅིག། ༈ སླུ་བ་མེད་པའི་སྐྱབས་གནས་དཀོན་མཆོག་གསུམ། །ཐོགས་པ་མེད་པའི་མཐུ་ལྡན་བསྟན་སྲུང་ཀྱིས། །དད་སོགས་ཡོན་ཏན་མང་པོའི་རྒྱན་ལྡན་པ། །ཁྱོད་ཀྱི་དགེ་ལེགས་ཡིད་བཞ…

ལ། ཉེས་སྤྱོད་མི་དགེ་བ་སྔར་བྱས་ལ་འགྱོད་ཅིང་བཤགས་པ་དང༌། ཕྱིན་ཆད་འཛེམ་ཅི་ཐུབ་དང༌། དགེ་བའི་རྩ་བ་སྔར་བསགས་པ་རྣམས་སྨོན་ལམ་རླབས་ཆེན་པོས་ཡང་ཡང་ཁ་བསྒྱུར་བ་དང༌། གསར་དུ་དགེ་བ་སོགས་ལ་སྒོ་དུ་མ་ནས་འབད་པར་ཞུ། ཞེས་པ་འདི་ནི་རྗེ་རིན་པོ་ཆེ་ཐམས་ཅད་མཁྱེན་པའི་ཞལ་སྔ་ནས་གོན་ཏཱ་བཞིན་ལ་གནང་བའོ།། ༈ ཤིན་ཏུ་རྟས་པའི་དད་པ་དང༌། ལེ…

བཞེད་པ་ཇི་ལྟར་གྲུབ་གྱུར་ཅིག །ཤིན་ཏུ་མི་བརྟན་སྲིད་པའི་དཔལ། །སྲིད་ལམ་བགྲོད་པས་དུབ་པ་ལ། །ངལ་བསོའི་གནས་ནི་དམ་པའི་ཆོས། །དེ་དོན་ཇི་བཞིན་སྒྲུབ་པའི་གེགས། །ཕུང་ཀྲོལ་རྩ་བ་ཁྱིམ་གྱི་གནས། །དེ་ལྟར་རིག་ནས་སྙིང་པོ་མཆོག །ལེན་པར་བྱེད་པ་མཁས་པས་བསྔགས། །ལྷག་མ་མི་ཡི་ཤ་ཚུགས་ཙམ། །ཞེས་པ་འདི་ལ་སྟོད་བྱང་པ་དཔོན་བསོད་ནམས་རྒྱལ་མ…

མཐའ་གཉིས་སྤངས་པ་ལྟ་བ་སྟེ། །དེ་ཡི་དོན་ལ་རྩེ་གཅིག་འཇོག་པ་སྒོམ། །སྡོམ་གསུམ་ཀུན་སྤྱོད་གཙང་བ་སྤྱོད་པ་རུ། །ཤེས་རབ་གྱིས་ལ་དེ་ལྟར་ཉམས་སུ་ལོང༌། །ཁྱེད་རང་གི་གསུང་ཤོག་ན་འདུག་པ་བཞིན་སྨོན་ལམ་ཡང་བགྱིས་བདོག །ཡི་གེའི་སྐྱེས་མཚོན་པར་ངེད་རང་གིས་ཡུན་རིང་དུ་ལོངས་སྤྱད་པའི་པཎ་ཞྭ་སེར་པོ་ཞིག་མཆིས། ཁྱི་ལོ་ཟླ་བ་དྲུག་པའི་ཚེས་ག…

ཀུན་གྱི་གཏེར་ཆེན་པོ། །བསྟན་པ་རིང་དུ་གནས་ཕྱིར་བསྟན་འཛིན་ལ། །སྐྱོ་ངལ་མེད་པར་ཡང་འདུལ་མཛད་པ་ནི། །ཉིད་ཀྱི་ངང་ཚུལ་ལགས་མོད་བསྐུལ་ཅི་དགོས། །འོན་ཀྱང་མི་དབང་ཆབ་སྲིད་བརྟན་པའི་ཕྱིར། །རྒྱལ་དང་རྒྱལ་སྲས་སྲུང་མའི་ཚོགས་རྣམས་ལ། །བསམ་པ་དག་པས་གསོལ་བ་འདེབས་པ་དང༌། །དྲི་མ་མེད་པའི་སྨོན་ལམ་བགྱིད་པར་ཞུ། །རྫོང་ཁར་མྱུར་དུ་སླེབ…

གོམ་པ་བདུན་བོར་བ་ལ་ཡང་བསྔགས་པ་རྒྱ་ཆེར་གསུངས་པ་ལྟར་ཡིན་པས་ཤིན་ཏུ་ལེགས་ལ། རྗེ་བཙུན་བྱམས་པས་རྒྱལ་སྲས་ནོར་བཟང་ལ་ཇི་སྐད་དུ། ནོར་བཟང་ནོར་རྣམས་རབ་ཏུ་བརྟན་པའི་བུ། །མཁས་པ་དེ་ཡི་དྲུང་དུ་འོངས་པ་ལེགས། །ལེགས་པར་འོངས་སམ་སྙིང་རྗེའི་བྱམས་ལྡན་ཁྱོད། །ལེགས་པར་འོངས་སམ་ལྟ་ན་རབ་ཞི་བ། །དབང་པོ་མ་ཞུམ་ཚུར་ཤོག་འོངས་པ་ལེགས། །ས…

ཐམས་ཅད་དགེ་བའི་བཤེས་གཉེན་སྲིད་པ་ཇི་སྲིད་བར་བཞུགས་པའི་དོན་དུ་འབུལ་ཞིང༌། དེ་ལྟར་བསྒྲུབ་པར་ཁས་བླངས་པའི་སྒོ་ནས་བཟླས་པའི་གྲངས་ཉི་ཤུ་རྩ་གཅིག་ཀྱང་གདོན་པར་ཞུ་ཞེས་པ་ནི། རྣམ་དཔྱོད་ཅན་གྱི་ཚོགས་བདེ་བླག་ཏུ་རྫོགས་པའི་ཐབས་ཡིན་པས་ཤིན་ཏུ་ཡི་རང་ཞིང་དེ་བཞིན་དུ་ཡང་བགྱིའོ། །དམ་པ་རྣམས་ལས་ལེགས་བཤད་གཏམ། །ཇི་སྲིད་མ་ཐོས་དེ་ས…