རྗེ་བཙུན་འཇམ་པའི་རྡོ་རྗེའི་སྒྲུབ་ཐབས་འཇམ་པའི་དབྱངས་ཀྱི་དགོངས་པ་གསལ་བ་བཞུགས་སོ། །

དཔལ་གསང་བ་འདུས་པ་འཇམ་པའི་རྡོ་རྗེའི་སྒྲུབ་ཐབས་འཇམ་པའི་དབྱངས་ཀྱི་དགོངས་པ་གསལ་བ་ཞེས་བྱ་བ། རྗེ་བཙུན་འཇམ་པའི་དབྱངས་ཀྱི་ངོ་བོ་བླ་མ་དམ་པ་རྣམས་ལ་གུས་པས་ཕྱག་འཚལ་ལོ། །རྒྱལ་བ་ཀུན་གྱི་མཁྱེན་པའི་གཏེར། །འཇམ་པའི་དབྱངས་དང་དེ་ཡི་སྲས། །ཡེ་ཤེས་ཞབས་དང་དེ་ཡི་སྲས། །མར་མེ་མཛད་ཀྱི་ཞབས་བཏུད་ནས། །དཔལ་ལྡན་འདུས་པའི་ལམ་གྱི་གནད།…

དཀྱིལ་འཁོར་ཆོ་ག་ལ་སོགས་པ། །མི་ཤེས་མུན་སྒྲིབས་སེམས་ཅན་གྱི། །ཐུར་མ་ལྟ་བུར་བརྩམ་པར་གྱིས། །ཞེས་རྗེ་བཙུན་གྱིས་སྒྲུབ་ཐབས་རྩོམ་པའི་གནང་བ་བྱིན་པ་ལ་བརྟེན་ནས། སློབ་དཔོན་གྱིས་བརྩམས་པའི་ཀུན་ཏུ་བཟང་པོ་ཞེས་པའི་སྒྲུབ་ཐབས་དང༌། མར་མེ་མཛད་བཟང་པོས་མཛད་པའི་སྒྲུབ་ཐབས་ཀྱི་དོན་རྣམ་པར་དག་པའི་འགྲེལ་པ་ལ་བརྟེན་ནས་བཤད་པར་བྱའོ།…

པའི་རི་བོ་སོགས་དབེན་པའི་གནས་སུ། གནས་ཁང་ཙནྡན་ལ་སོགས་པའི་དྲི་བཟང་པོས་བྱུགས་ཤིང༌། དྲི་ཞིམ་པོའི་མེ་ཏོག་གཅལ་དུ་བཀྲམ་པར་བདེ་བའི་སྟན་ལ་འདུག་ནས་རྗེ་བཙུན་འཇམ་པའི་དབྱངས་བསྒྲུབ་པར་བྱའོ། །དེའང་རང་ཉིད་འཇམ་དབྱངས་སུ་གསལ་བའི་ཐུགས་ཀར་ཟླ་བའི་དཀྱིལ་འཁོར་ལ་རྣམ་ཐར་གསུམ་གྱི་བདག་ཉིད་ཅན་གྱི་མཾ་ཡིག་དམར་སེར་འོད་ཟེར་རྣམ་པ་ལྔ་…

པར་བགྱི། །རྫོགས་སངས་རྒྱས་དང་བྱང་ཆུབ་སེམས་དཔའ་དང༌། །འཕགས་པ་གཞན་གྱི་དགེ་བ་གང་མཛད་པ། །དེ་དག་ཀུན་ལ་ཡང་དག་ཡི་རང་ཞིང༌། །བྱང་ཆུབ་ཏུ་ནི་ཡོངས་སུ་བསྔོ་བར་བགྱི། །ཡིད་ཀྱི་རོལ་པ་དྲི་མེད་ཟླ་འདྲས་བསྒྲུབས། །སྙིང་རྗེ་དམ་པ་མཐའ་ཡས་པ་ཡི་ཐབས། །རང་གི་ཡིད་ལ་གནས་པར་གྱུར་པ་ཡི། །བདེ་གཤེགས་རྣམས་ལ་རྟག་ཏུ་སྐྱབས་སུ་མཆི། །རྟོག་པ་…

བསྐྱེད་པ་དང༌། ལམ་ལ་བརྟེན་པར་ཡི་དམ་འཆའ་བ་རྣམ་ཀྱི་དོན་ལེགས་པར་དྲན་པར་བྱས་ལ་བརྗོད་པར་བྱ་སྟེ། མཐུན་རྐྱེན་བསྒྲུབ་པའི་ཕྱིར་དུ་ཚོགས་གསོག་པའོ། །འདི་མན་སྙེ་ལྟར་ན། གནས་བཟང་པོར་ལུས་བཟང་པོ་ལེན་པའི་ལས་བཟང་པོ་གསོག་པའི་རྟེན་དང་འདྲའོ། །དེ་ནས་སྙིང་རྗེ་ཆེན་པོས་སེམས་ཅན་མ་ལུས་པ་ལྟ་བ་ངན་པའི་དྲ་བས་བཅིངས་པ་རྣམས་ལ་དམིགས་ནས…

ལྷན་ཅིག་སྐྱེས་པའི་དགའ་བས་བཅིངས་པས་སྦྱོང་བར་བྱེད་པའི་ཐབས་བསྒོམ་པ་བར་སྲིད་ཀྱི་རྣལ་འབྱོར་རོ། །ཡེ་ཤེས་ཞབས་ཡབ་སྲས་གཉིས་ཀྱིས་རྒྱུ་རྡོ་རྗེ་འཛིན་པ་ཡབ་ཡུམ་རྫོགས་ནས་སེམས་ཅན་ཐམས་ཅད་ལ་དབང་བསྐུར་བའི་འོག་ཏུ་ཡི་གེ་མངལ་དུ་འཇུག་པར་བཤད་པ་མིན་པ་སྐབས་འདིར། བར་སྲིད་མཚོན་པར་བྱེད་པའི་ཡི་གེ་ལྔ་ནམ་མཁའ་ལ་འཇོག་པར་གསལ་བར་མི་བཤ…

ཚོགས་རྡོ་རྗེའི་ལྟེ་བའི་སྟེང་དུ་ཧཱུཾ་ལས་རྡོ་རྗེའི་ལྟེ་བ་ཧཱུཾ་གིས་མཚན་པ་ཡོངས་སུ་གྱུར་པ་ལས་ཀུན་ཏུ་བཟང་པོ་ཞེས་པའི་རྡོ་རྗེ་འཆང་སྐུ་མདོག་དཀར་པོ། རྩ་ཞལ་དཀར་བ། གཡས་ཞལ་སྔོ་བ། གཡོན་ཞལ་དམར་བ། རིན་པོ་ཆེའི་རྒྱན་དང་ལྡན་པ། ཕྱག་དང་པོ་གཉིས་ཀྱིས་རང་དང་འདྲ་བའི་རིག་མ་ལ་འཁྱུད་པ། ལྷག་མ་གཡས་གཉིས་རལ་གྲི་དང་རྡོ་རྗེ། གཡོན་གཉ…

བྱང་གི་རྭ་ལྗང་ཁུ། དབུས་སྔོ་བ་ཞིག་བསམ་མོ། །དེའི་དབུས་སུ་བྷཱུཾ་ལས་འཁོར་ལོ་རྩིབས་བརྒྱད་པའམ། བཅུ་གཉིས་པ་ལྟེ་བར་བྷཱུཾ་གྱིས་མཚན་པ། དེ་ཡོངས་སུ་གྱུར་པ་ལས་བྱུང་བའི་རྣམ་སྣང་སྐུ་མདོག་དཀར་པོ་དཀར་སྔོ་དམར་བའི་ཞལ་གསུམ་ཕྱག་དྲུག་གི། ཕྱག་དང་པོ་གཉིས་ཀྱིས་རང་འདྲའི་ཡུམ་ལ་འཁྱུད་པ། ལྷག་མ་གཡས་གཉིས་ན་འཁོར་ལོ་དཀར་པོ་དང་རལ་གྲ…

གདུགས་བཞིས་བརྒྱན་པ། རྩིག་པའི་འགྲམ་ནས་འདོད་ཡོན་གྱི་སྣམ་བུ་དམར་པོས་བསྐོར་བ་ལ་བཞུགས་སྟབས་དང༌། ཁ་དོག་སྣ་ཚོགས་པའི་ལྷ་མོ་རྣམས་ཀྱིས་མཆོད་པ་བྱེད་བཞིན་པ་སྒོ་དང་སྒོ་ཁྱུད་ཀྱིས་ཕྱིའི་མཚམས་དང་རྩིག་པའི་ཕྱི་ནང་གི་ཟུར་བཞིར་ཟླ་ཕྱེད་ལ་གནས་པའི་རིན་པོ་ཆེ་དམར་པོའི་སྟེང་དུ་རྡོ་རྗེས་བརྒྱན་པ། སྒོ་བཞི་སོ་སོའི་མདུན་དུ་སྟེགས་…

པ། ལྷ་དང་མི་ལས་ཡོན་ཏན་ཁྱད་པར་དུ་འཕགས་པའི་ཁང་བཟང་དམ་པ་ཕྱི་བལྟས་ནང་གསལ་བ། ནང་བལྟས་ཕྱི་གསལ་བའི་ནང་གི་སྟེང་དང་འོག་གི་ས་གཞི་ཐམས་ཅད། ཤར་དཀར། ལྷོ་སེར། ནུབ་དམར། བྱང་ལྗང༌། དབུས་སྔོ་བར་གྱུར་པའི་ནང་གི་དབུས་དང༌། ཕྱོགས་མཚམས་རྣམས་སུ་སྣ་ཚོགས་པདྨའི་གདན་བཅུ་དགུ། དཀྱིལ་འཁོར་ནང་མའི་ལྷོ་དང་ནུབ་དང་བྱང་དང་སྒོ་བཞི་སྟེ། དབ…

པ་ཕ་བ་བྷ་མ། ཡ་ཡ་ར་ལ་ལ་ཝ། ཤ་ཥ་ས་ཧཀྵ། ཁ་དོག་དམར་པོ་བཞི་བཅུ་པ་ཕྲག་གཉིས་གཡས་དང་གཡོན་སྐོར་དུ་གནས་པ་དཔེ་བྱད་བརྒྱད་ཅུའི་ངོ་བོར་བསམ། དབྱངས་སོ་གཉིས་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་དཀར་པོ་ཞིག་བསྒོམས་ལ། ཨོཾ་ཙིཏྟ་པྲ་ཏི་བེ་དྷཾ་ཀ་རོ་མི། ཞེས་བརྗོད་དོ། །གསལ་བྱེད་བརྒྱད་ཅུ་ཡོངས་སུ་གྱུར་པ་ལས་ཟླ་བ་སྔ་བའི་སྟེང་དུ་ཟླ…

ཡང་དཔལ་འབྲས་རྡོ་རྗེས་ས་བོན་གཉིས་དཀར་དམར་དུ་བཤད་པས། ཟླ་བ་གཉིས་ཀྱང་དཀར་དམར་དུ་བྱ་སྟེ། འདི་འདྲའི་རིགས་ལ་ཟླ་བ་གཅིག་དམར་པོ་བྱེད་པ་མན་ངག་སྙེ་མ་ལས་བཤད་དོ། །ཟླ་བ་གཉིས་བསྐྱེད་པ་ནི་མེ་ལོང་ལྟ་བུའི་ཡེ་ཤེས་ལས་བྱང་ཆུབ་པའོ། །དེ་ནས་ཟླ་བ་གཉིས་འདྲེས་པས་དཀར་ལ་དམར་པའི་མདངས་ཅན་གྱི་ཟླ་བ་གཅིག་ཏུ་གྱུར་པ་ནི་མཉམ་པ་ཉིད་ཀྱི་ཡེ…

ཐུབ་པའི་ཚོགས་རྣམས་ཀྱི་ཁམས་གསུམ་པོ་ཐམས་ཅད་ཁྱབ་པར་མཛད་པ་རྡོ་རྗེ་སྐྱིལ་ཀྲུང་གིས་བཞུགས་པ། སྔར་བཤད་པའི་ཀུན་བཟང་ལྟ་བུར་བསམས་ལ། ཨོཾ་སརྦ་ཏ་ཐཱ་ག་ཏ་ཡ་ཐཱ་ཏ་ཐཱ་ཨཱ་ཧཾ། ཞེས་བརྗོད་དོ། །ཆོས་ཀྱི་དབྱིངས་ཀྱི་ཡེ་ཤེས་ལས་བྱང་ཆུབ་པའོ། །དེ་ནི་སྦྱང་གཞི་ལ་བར་དོ་སྐྱེ་བ་ལེན་པའི་ཕ་མ་ལྟ་བུ་དང༌། འབྲས་བུ་ལ་སངས་རྒྱལ་ཐམས་ཅད་བསྐྱེད་པ…

དེ་བཞིན་གཤེགས་པ་རྣམས་ཞུ་བ་རྡོ་རྗེའི་ལམ་ནས་ཡུམ་གྱི་པདྨར་ཞུགས་པའི་ཐིག་ལེའི་པདྨའི་དབུས་སུ་གནས་པ་ཡོངས་སུ་གྱུར་པ་ལས་གཞལ་ཡས་ཀྱི་ཁང་པ་དང༌། འཇམ་པའི་རྡོ་རྗེ་འམ་མི་བསྐྱོད་པས་གཙོ་མཛད་པའི་ལྷ་བཅུ་དགུའི་དཀྱིལ་འཁོར་གྲུབ་པར་བསམ་མོ། །ལྷ་རྣམས་ཀྱི་སྐུ་ལས་འོད་ཟེར་འཕྲོས་པས་སེམས་ཅན་ཐམས་ཅད་བཀུག་སྟེ་སློབ་མ་འཇུག་པ་བཞིན་དུ་ཞ…

རྟེན་དང་བརྟེན་པའི་དཀྱིལ་འཁོར་པ་མི་དམིགས་པར་བྱའོ། །དེ་རྗེས་ས་བོན་གྱིས་ནི་འབྱུང་བར་བྱ་ཞེས་གསུངས་པའི་དོན་དབང་བསྐུར་བའི་རྗེས་སུ་སོ་སོའི་ས་བོན་གྱིས་དབྱུང་བ་སྟེ་བསྐྱེད་པར་བྱ་བ་ཡིན་གྱི། ལྷ་ཉེར་གཅིག་བསྐྱེད་ཟིན་པའི་འོག་ཏུ་སོ་སོའི་ས་བོན་གྱིས་པདྨ་ལས་ཕྱིར་དབྱུང་བའི་དོན་མིན་ཞེས་སྨན་ཞབས་འཆད་པ་ལྟར་ལེགས་སོ། །དེ་ལ་ད…

ཀུན་ཏུ་བཟང་པོ་ཐོབ་པར་བྱ་བའི་ཕྱིར་དུ་ཆོས་འབྱུང་དུ་འཇུག་པར་བྱའོ་སྙམ་དུ་བསམས་ནས། ཧོཿཡིག་གཉིས་ཀྱི་བར་དུ་ཆུད་པའི་ཡི་གེ་གསུམ་ཡབ་ཀྱི་ཞལ་དུ་ཞུགས། རིམ་གྱིས་བརྒྱུད་དེ་རྡོ་རྗེའི་ལམ་ནས་ཡུམ་གྱི་པདྨར་ཞུགས་ནས་ཤེས་རབ་མའི་ཆགས་པའི་རྐྱེན་གྱིས་ཟླ་བ་ཞུ་བའི་གཟུགས་བཞིན་དུ་ཞུ་བའི་འོད་ཟེར་གྱི་གཟི་བྱིན་གྱི་མཐུས་ཡབ་ཡུམ་གཉིས་ཀ…

རྟག་ཏུ་བརྩོན། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད་ན། །རབ་དགའི་སྤྱོད་པ་ཀུན་ཏུ་བཟང་པོས་བདག་ལ་དགྱེས་པར་མཛོད། །སྒྲོལ་མས། ཁྱོད་ནི་རྡོ་རྗེའི་འདོད་པ་དམ་ཚིག་མཆོག་གི་ཕན་དོན་ཆེ། །ཡང་དག་རྫོགས་སངས་རྒྱས་ཀྱི་གདུང་མཆོག་མཉམ་པ་ཉིད་གཟིགས་པ། །མགོན་པོ་གལ་ཏེ་དེ་རིང་བདག་ནི་གསོན་པར་མཆིས་བཞེད་ན། །ཡོན་ཏན་རིན་ཆེན་…

ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱན་དྲངས་ནས། རལ་གྲིའི་ནང་དུ་བཅུག་པ་ཡོངས་སུ་གྱུར་པ་ལས་རང་ཉིད་བཅོམ་ལྡན་འདས་འཇམ་པའི་རྡོ་རྗེ་སྐུ་མདོག་དང་རྩ་ཞལ་གུར་གུམ་བཟང་པོ་ལྟར་དམར་སེར། གཡས་ཞལ་སྔོ་བ། གཡོན་ཞལ་དཀར་བ། རྩ་བའི་ཕྱག་གཉིས་ཀྱིས་རང་དང་འདྲ་བའི་ཡུམ་ལ་འཁྱུད་པ། ཕྱག་གཡས་གཉིས་ཀྱིས་རལ་གྲི་དང་མདའ། གཡོན…