མཚན་བསྟན་པའོ། །དང་པོ་ལ་བཞི། གསང་བ་བཤད་པར་དམ་བཅའ་བ། གསང་བ་ཉན་པར་བསྐུལ་བ། ལམ་གྱི་གསང་བའི་བགྲོད་པ་རྫོགས་པར་བྱེད་པའི་ཐབས། གསང་བ་སྒྲུབ་པའི་གནས་བསྟན་པའོ། །དང་པོ་ནི། དེ་ནས་ཞེས་པ་ལ་སྐད་དོད་ཨཱ་ཐ་ཞེས་པ་ཡོད་ལ། དེ་ལ་ནཱ་རོ་པས་ཚུལ་བཞིར་བཤད་དེ། རྩ་རྒྱུད་སྔ་མ་རྫོགས་ནས་དེའི་ཕྱི་མའི་རྒྱུད་འཆད་པའི་སྐབས་སྦྱོར་བ་སྟེ་ཡི་…

གསུངས་ཞེས་བར་མ་ཆད་པ་གསལ་བར་བྱེད་དོ། །བཞི་པ་རྒྱུད་དབུ་ཞབས་ཐམས་ཅད་སྟོང་པ་དང་སྙིང་རྗེ་དབྱེར་མེད་པའི་དབང་དུ་བྱས་པར་སྟོན་ཏེ། འདིར་བཤད་པ་བཞི་ག་སྦྱར་རོ། །ཐེག་པ་འདིའི་རིགས་མེད་པ་རྣམས་ལ་གསལ་བར་མ་བྱས་པས་ན་གསང་ཆེན་ནོ། །གསལ་བར་མི་བྱེད་པའི་རྒྱུ་མཚན་ཡང་སྦ་བར་འོས་པ་ཡིན་ལ། དེ་ཡང་བདུན་ཏེ། གསང་བ་དེ་ཉིད་ཡུལ་དང་ནི། གསང…

རྐང་པ་བཞི་དེའི་ཁྱད་པར་གྱི་ཆོས་སུ་སྦྱར་རོ། །བཤད་པ་དེ་གཉིས་དང་བླ་མ་རྣམས་འདིའི་གསང་བ་ལ་ལམ་དང་འབྲས་བུའི་གསང་བ་གཉིས་ལ་སྦྱོར་བར་བཤད་པ་ལ་ནི་དོན་མི་མཐུན་པ་མེད་དོ། །དེ་འདྲ་བའི་གསང་བ་བཤད་པར་བྱའོ་ཞེས་དམ་བཅས་པ་ལ་འཆད་བྱེད་ཀྱི་གཞུང་ཇི་ལྟ་བུ་སྙམ་ན། རྩ་རྒྱུད་རྒྱས་པ་ལས་བཏུས་པའི་གཞུང་མདོར་བསྡུས་པ་སྟེ། དེ་ཡང་དོན་ནི་བས…

ཉིད་ཤྲཱི་སྟེ་དཔལ་ཧེ་རུ་ཀ་ཞལ་ཕྱག་གི་རྣམ་པ་ཅན་དུ་བྱས་པ་དང༌། རིག་མ་རྡོ་རྗེ་ཕག་མོར་བྱས་པ་གཉིས་ཡང་དག་པར་སྦྱོར་བའི་ལྷའི་སྐུ་ཕྱག་རྒྱ་ཆེན་པོའི་མཚན་ཉིད་ཅན་གཙོ་བོ་ཡབ་ཡུམ་དང༌། དེའི་འཁོར་ཕུན་སུམ་ཚོགས་པ་ལ་མཁའ་འགྲོ་མ་ནི་སྙིང་པོའི་རྣལ་འབྱོར་མ་བཞི་ལ་སོགས་པ་རྣལ་འབྱོར་མ་སོ་དྲུག་དང༌། དེས་མཚོན་ནས་དཔའ་བོ་ཉེར་བཞི་སྟེ་དྲ་…

བཤད་སྲོལ་འདི་ལ་གཞུང་རྣམས་ཀྱི་རྫོགས་རིམ་ཡང་རྒྱུད་ཀྱི་བཤད་པའི་སྐབས་སུ་རགས་རིམ་རེ་འབྱུང་བ་ལྟར་གཞན་དུ་ཡང་འབྱུང་སྟེ། འདིར་ནི་དེའི་ལུགས་ལྟར་འཆད་དོ། །བླ་མ་ཁ་ཅིག་ཤྲཱི་ལ་སོགས་པའི་ཡི་གེ་བཞི། རྩ་འཁོར་བཞི་དང༌། དགའ་བ་བཞི་དང༌། རྣལ་འབྱོར་བཞི་དང༌། དབང་བཞི་ལ་སོགས་པ་དུ་མ་ཞིག་ལ་སྦྱོར་མོད། མན་ངག་གི་བཤད་པ་ལ་ཡང་དེའི་བཤད་…

མ་ཐུར་བསྟན་དང་འོག་མ་གྱེན་བསྟན་དུ་ཁ་སྦྱོར་གྱི་རྣམ་པར་ཡོད་པ་ནི། དེ་གཉིས་ཡང་དག་པར་སྦྱོར་བའོ། །དེ་ལྟར་བཤད་པ་དེ་དང་བཤད་རྒྱུད་ལ་བརྟེན་ནས་མགྲིན་པའི་རྩ་འཁོར་གྱི་ཨོཾ་ཡིག་དང༌། སྤྱི་བོའི་རྩ་འཁོར་གྱི་ཧཾ་ཡིག་གཉིས་སྟེང་དང་འོག་ཏུ་སྦྱོར་བ་ཡང་གོ་བར་ནུས་པས། རྐང་པ་དང་པོས་རྒྱུད་ཀྱི་རིམ་པ་སྟོན་ནོ། །མཁའ་འགྲོ་མ་ནི་རྩ་སོ་ད…

ཤྲཱི་ཧེ་རུ་ཀ་ཞེས་བྱར་བརྗོད། །རྒྱུད་བྱེད་པ་ནི་ཡེ་ཤེས་ཏེ། །དེ་ལས་སྐྱེས་པ་ཞེས་བྱ་སྟེ། །རྣལ་འབྱོར་མ་རྣམས་ལེགས་འདུས་པའི། །ཛཱ་ལ་དྷ་ར་དཔལ་གནས་སུའོ། །ཞེས་གསུངས་སོ། །དེ་དག་གི་དོན་ནི་བྷ་ག་སྟེ་དེ་ཡང་གང་ལ་བརྟེན་ནས་བྱང་ཆུབ་ཀྱི་སེམས་འབབ་པའི་གནས་སོ། །ཤྲཱི་ནི་དཔལ་ཡིན་ལ་དཔལ་གྱི་གནས་ནི་བྷ་ག་སྟེ། རྣལ་འབྱོར་མ་སྟེ་རྩ་རྣ…

ཐ་མའི་བཤད་པས་ནི་ཐབས་དེས་དྲངས་པའི་བདེ་བ་དང་སྟོང་པ་སྦྱར་བའི་བདེ་སྟོང་དབྱེར་མེད་བསྟན་ཏོ། །ཧེ་རུ་ཀ་དང་རྡོ་རྗེ་ཕག་མོ་སོགས་ཞལ་ཕྱག་གི་རྣམ་པ་ཅན་དུ་བྱུང་བ་ཐམས་ཅད། ཡང་ན་བསྐྱེད་རིམ་ལ་སྦྱོར་ཡང་ན་འབྲས་བུའི་སྐབས་ལ་སྦྱར་ནས། རྫོགས་རིམ་ལ་མི་སྦྱོར་བ་ནི་བསྐྱེད་རིམ་པས་ལྷ་སྐྱེད་པ་སྔགས་སྐུ་དང༌། རྫོགས་རིམ་པས་ལྷ་སྐྱེད་པ་ཡེ…

སྐད་ཅིག་རྣམ་པ་ཡིས་སེམས་ཙམ་གྱི་དཀྱིལ་འཁོར་ཞེས་པ་ནི། ཆུ་ལས་ཉ་ལྡང་བ་བཞིན་དུ་འོད་གསལ་གྱི་རླུང་སེམས་ཙམ་ལས་དཀྱིལ་འཁོར་གྱི་འཁོར་ལོར་ཡུད་ཙམ་ལ་ལྡང་བའི་རིམ་པ་སྟོན་པ་ཡིན་གྱི། དཀྲོངས་སྐྱེད་བྱེད་པའི་དོན་མིན་ནོ། །དེས་ན་རྟུལ་འབྲིང་བསྐྱེད་རིམ་མཐར་ཕྱིན་གྱི་བར་དང་རྣོན་པོ་ནི་དེ་མཐར་ཕྱིན་པ་ལ་བརྟེན་ནས་རྫོགས་རིམ་པའི་ཡེ་ཤ…

ལྷའི་རྣམ་པའི་རྣལ་འབྱོར་གྱི་བདག་ཉིད་རྣལ་འབྱོར་པས་སྐད་ཅིག་ཙམ་གྱིས་མངོན་སུམ་བྱེད་པ་པོ། སྟོང་པ་ཉིད་འོད་གསལ་གྱི་རྣལ་འབྱོར་ཏེ་དེ་དང་དབྱེར་མེད་པར་སྦྱོར་བའི་འོད་གསལ་གྱི་ཡེ་ཤེས་ཀྱི་རང་བཞིན་ཏེ་ངོ་བོར་གྱུར་པའི་གཟུགས་ནི། བདག་བྱིན་གྱིས་བརླབ་པའི་མཚན་ཉིད་དོ། །ཞེས་སྒྱུ་མའི་སྐུ་ངོས་གཟུང་ངོ༌། །ལྷའི་རྣམ་པ་དང་གཟུགས་ཞེས…

བཤད་ན། བྱེད་ལས་ཀྱི་ཁྱད་པར་ནི་མངོན་པར་འདོད་པའི་ཐོབ་བྱའི་དོན་ཕྱོགས་རེ་བ་མིན་པར་ཀུན་ཏེ་མ་ལུས་སྒྲུབ་པར་བྱེད་པའོ། །ཟབ་པའི་ཁྱད་པར་ནི་ཕར་ཕྱིན་ཐེག་པའི་སྐོར་ལས་བླ་མ་སྟེ་གོང་མར་གྱུར་པ་རྒྱུད་སྡེ་འོག་མ་གསུམ་ལས་ཀྱང༌། བླ་མ་སྟེ་གོང་མར་འགྱུར་ཞིང་གོང་ན་མེད་པའི་གསུང་རབ་ཀྱི་ལམ་མོ། །འདོད་པའི་དོན་ཀུན་སྒྲུབ་བྱེད་པ། །ཞེས་…

ལ་སྦྱར་ཏེ་བཤད་པ་དང༌། བསྐྱེད་པའི་རིམ་པ་ལ་སྦྱར་ཏེ་བཤད་པའོ། །དང་པོ་ལ་གཉིས། གླེང་གཞིའི་ཚིག་ཇི་ལྟར་གསུངས་པ་དང༌། དེ་རྣམས་ཀྱི་དོན་བཤད་པའོ། །དང་པོ་ནི། གསང་བ་ཞེས་པའི་རྐང་པ་གཉིས་གླེང་གཞི་ལ་སྦྱོར་བ་ལོ་ཙྪ་བ་གཉིས་ཀྱི་བཤད་སྲོལ་ལ་འབྱུང་ལ། བདེ་མཆོག་གི་འགྲེལ་བ་གཞན་ལས་མ་བྱུང་ཡང༌། ལྭ་བ་པ་དང་ལྷ་སྦས་ཀྱི་འགྲེལ་པར་འབྱུང་བ…

སྟོན་པར་བཤད་པ་ལྟར། ཡང་དག་གནས་ནི་རྟག་ཏུ་བཞུགས་པའི་དོན་དུ་བྱ་ཞིང༌། ཐམས་ཅད་བདག་ཉིད་གྱི་དོན་སྔར་ལྟར་བྱ་སྟེ། རྒྱུད་འདི་ཐམས་ཅད་སྡུད་པ་པོས་སྟོན་པ་ལས་དངོས་སུ་ཐོས་པའི་དོན་ནོ། །གནས་གང་དུ་བཞུགས་པ་ནི་བདེ་བ་ཆེན་པོའི་གནས་སུ་དང༌། བཞུགས་པའི་སྟོན་པ་དེ་གང་ཞེ་ན། འདི་ནི་རང་བྱུང་བཅོམ་ལྡན་ཞེས་བྱ་བར་སྦྱར་རོ་ཞེས་ལྭ་བ་པས་གས…

ལྟར་བྱའོ། །འདི་རྣམས་ལ་ལོ་ཙཱ་བ་གཉིས་ཀྱི་བཤད་སྲོལ་ལ་དུས་གཅིག་ན་ཞེས་པ་ཡན་ཆད་འདྲ་ལ། ཐམས་ཅད་བདག་ཉིད་ཀྱིས་གནས་བསྟན། མཁའ་འགྲོ་ཀུན་དངོས་ཞེས་པའི་རྐང་པ་བཞིས་སྟོན་པ་དང༌། འབྱུང་བ་ཞེས་པའི་རྐང་པ་གཉིས་ཀྱིས་འཁོར་ཕུན་ཚོགས་བསྟན་པར་འཆད་དོ། །གཉིས་པ་ནི། གསང་བས་བསྟན་པའི་འདི་སྐད་ནི། དེ་ནས་གསང་བ་ཞེས་པ་ནས། དེ་དང་དེ་ལ་དགའ་བ་…

པའི་ཐོས་པ་ནི་ཐོས་པའི་ཤེས་རབ་ཀྱིས་ཐོས་པ་ཡིན་གྱི་རྒྱུད་ཀྱི་དོན་ཐམས་ཅད་མངོན་སུམ་དུ་རྟོགས་པ་ནི་མིན་པར་སྟོན་ཏེ། དེ་ལྟ་མིན་ན་སྟོན་པ་དང་སྡུད་པ་པོ་ལ་མཆོག་དམན་གྱི་ཐ་དད་མེད་པར་འགྱུར་ལ། དེ་ཡང་གླེང་གཞི་སྒྲས་ཟིན་ལྟར་འཆད་པའི་སྐབས་འདིར་མི་འདོད་དོ། །བསྟན་པར་བྱ་བ་ཡང་ཐོས་བྱུང་གི་ཤེས་རབ་ཀྱིས་བསྟན་པ་སྟེ་ཐོས་པ་ནི་ཤྲུ་ཏ་…

པ་ལ་སོགས་པའི་བདུད་བཅོམ་པའོ། །བཅོམ་པ་དེ་འདི་ལ་ལྡན་པས་བཅོམ་ལྡན་ནོ། །འདས་ཞེས་པ་ནི་བྷ་ག་ཝན་ཞེས་པ་འཇིག་རྟེན་པའི་ལྷ་ཆེན་པོ་རྣམས་ལ་ཡང་འཇུག་པས། དེ་དག་ལས་འདས་པར་བསྟན་པའི་ཕྱིར་དུ་སྔོན་གྱི་ལོ་ཆེན་རྣམས་ཀྱིས་བསྣན་པའོ། །ཡུལ་དེ་བཞིན་ཉིད་ཇི་ལྟ་བ་བཞིན་དུ་ཡུལ་ཅན་གྱི་ཡེ་ཤེས་མཐར་ཐུག་པར་གཤེགས་པས་ན་དེ་བཞིན་གཤེགས་པ་ཡིན་ལ།…

བསྟན་ཏོ། །བླ་མ་མར་དོ་སོགས་ཀྱིས། རྟག་ཏུ་བཞུགས་ནི་རི་རབ་བོ། །ཞེས་སཾ་བྷུ་ཊ་ནས་འདྲེན་པ་ནི་གཞུང་དེ་ན་མི་སྣང་ངོ༌། བདེ་བ་ཆེན་པོས་ནི་བདེ་བ་ཆེན་པོ་མཚོན་བྱེད་ཀྱི་མངོན་བྱང་ལྔའི་སྒོ་ནས་ལྷ་སྐྱེད་པ་བསྟན་ལ། དེ་བཞིན་དུ་འབྱུང་བ་རིམ་བརྩེགས་སོགས་ཀྱང་བདེ་ཆེན་གྱི་རང་བཞིན་དུ་མོས་པར་བྱ་བར་ཡང་བསྟན་ཏོ། །རྣལ་འབྱོར་རྒྱུད་ཀྱི་…

དེའི་ལྷག་མ་རྣམས་ནི་མངོན་བརྗོད་སོགས་ཀྱི་བཤད་རྒྱུད་ལ་བརྟེན་ནས་ཤེས་པར་ནུས་སོ། །གཉིས་པ་ལ་གསུམ། གླེང་གཞི་ལ་སྦྱར་བའི་ངེས་དོན་དང༌། བསྐྱེད་རིམ་ལ་སྦྱར་བའི་ངེས་དོན་དང༌། ཡི་གེ་བཅུ་དྲུག་གི་དོན་བཅུད་ལེན་ལ་སྦྱར་བ་བཤད་པའོ། །དང་པོ་ནི། གསང་བ་མཆོག་ཅེས་སོགས་རྡོ་རྗེ་མཁའ་འགྲོ་ལས། ཨེ་ཝཾ་མ་ཡ་ལ་སྦྱར་བའི་ངེས་དོན་འཆད་པ་ནི། ཁ…

དེ་ནི་ཕྱིའི་ཕྱག་རྒྱ་ལ་བརྟེན་ནས་ལྷན་སྐྱེས་ཀྱི་དགའ་བ་འདྲེན་པའི་ཐབས་སོ། །དེས་ཡེ་ཤེས་ཀྱི་ཕྱག་རྒྱ་རིགས་བཞི་ཡང་བསྟན་པར་ཤེས་པར་བྱའོ། །ཐོས་པའི་སྐད་དོད་ཤྲུ་ཏ་ཡིན་ལ་དེའི་དོན་ཁ་སྦྱོར་ལས། ཤྲུ་ཞེས་བྱ་བ་ནི་འཛག་པར་གསུངས་སོ། །ཏ་ཞེས་བྱ་བ་ནི་གང་ཡང་བདེ་བ་ཆེན་པོའི་མགོན་པོའོ། །ཞེས་གསུངས་ཏེ་གཏུམ་མོ་བསྒོམས་པའི་མེས་བསྐུལ་བ…

བ་ནི་ཐིག་ལེ་ཕྱི་རོལ་ཏུ་སོང་བ་སྟེ། དེའི་ཚེ་མེ་བཞིན་དུ་གདུང་བར་བྱེད་པས་དུས་ངན་ནོ། །དུས་དེ་དག་གཅིག་ཏུ་བརྗོད་པ་ནི་དུས་སྔ་མ་གཉིས་སོ་སོ་བ་སྤངས་པ་ལྷན་སྐྱེས་ཀྱི་སྐབས་བསམ་མི་ཁྱབ་ཀྱི་དུས་སོ། །དེ་དག་ནི་མན་སྙེ་ལ་བརྟེན་ནས་བཤད་པའོ། །དུས་གཅིག་ནའི་དོན་གཞན་ཡང་བཤད་པ་ནི། སྲོག་དང་ཞེས་པའི་རྐང་པ་བཞི་སྟེ། རྐང་པ་དང་པོའི་དོ…