ཉེར་བཞི་ཡང་བསྒོམས་ལ་མཆོད་པར་བྱའོ། །འཁོར་ལོར་ཡང་དག་གནས་པ་ནི་འཁོར་ལོའི་རྩིབས་ཀྱི་དབུས་སུ་གནས་པའོ། །གལ་ཏེ་སྒྲུབ་པ་པོ་དངོས་གྲུབ་འདོད་ན་དཔའ་མོ་དང་གཉིས་སུ་མེད་པ་སྟེ་ཡུམ་དང་བཅས་པའི་དཔའ་བོ་མཆོད་པར་བྱའི་གང་རུང་རེ་རེ་ནི་མིན་ནོ། །འོག་གི་མ་མོ་ཞེས་པ་གཉིས་ཀྱིས་མ་མོ་བཅུ་གཉིས་པོ་དགོད་པ་བསྟན་པར་བླ་མ་སྔ་མ་རྣམས་བཞེད་པ…

ཡིད་ཀྱིས་ཐམས་ཅད་སྟེང་དུ་སྟེ་ནམ་མཁའ་ལ་སྤྱོད་པའི་ཐུགས་འཁོར་དམ་ཚིག་པ་ལ་དགོད་པ་སྟེ་དེ་ལ་གཞུག་གོ། ས་སྟེང་སྟེ་བསྲུང་འཁོར་གྱི་མཁའ་འགྲོ་མ་ཡེ་ཤེས་པ་གང་ཡིན་པ་ནི། དཀྱིལ་འཁོར་གྱི་གསུང་གི་མཁའ་འགྲོ་མ་དམ་ཚིག་པ་ལ་དགོད་པ་སྟེ་གཞུག་གོ། གང་ཡང་ས་འོག་གི་མཁའ་འགྲོ་མ་སྟེ་སྐུ་འཁོར་གྱི་མཁའ་འགྲོ་མ་ཡེ་ཤེས་པ་དེ་རྣམས་ནི་ས་འོག་རྣམ…

མེད་པར་བྱའོ། །བུམ་པའི་ནང་རྫས་ནི། མུ་ཏིག་དང་གསེར་དང་རིན་ཆེན་ཏེ་མུ་མེན་དང༌། བྱུ་རུ་དང་དངུལ་དང༌། ཕྲེང་བར་ཟངས་མ་ཡང་རིན་པོ་ཆེ་ལྔ་ལ་བགྲངས་པས་རིན་པོ་ཆེ་ལྔ་དང༌། བཟའ་བ་ནི་བདུད་རྩི་ལྔའོ། །ཀུན་གྱིས་ནི་འབྲུ་ལྔ་དང་སྨན་ལྔ་ལ་སོགས་པ་ཡང་གཟུང་ངོ༌། །དེ་རྣམས་དང་བཅས་པའི་ཆུ་ཡིས་ལེགས་པར་དགང་ངོ༌། །བདུད་རྩི་ལྔ་ལ་སོགས་པ་དང་ད…

གཉིས་པ་ནི། གྲོང་མཆོག་སྟེ་དཀྱིལ་འཁོར་ཡིད་དུ་འོང་བ་མཆོད་ན་ནི། དངོས་གྲུབ་འགྲུབ་པ་ཉིད་དུ་ཐེ་ཚོམ་མེད་པས་མཆོད་པར་བྱའོ། །སློབ་དཔོན་བདག་ཉིད་ལ་དྲི་ཞིམ་པོའི་ཆུ་ཡིས་ལེགས་པར་གདབ་པར་བྱའོ། །སྒོ་ནི་ཞལ་ལོ། །ཀུན་ནས་ནི་ཞལ་བཞི་ཕྱོགས་ཀུན་ཏུ་ཡོད་པ་སྟེ་རང་ཉིད་ཧེ་རུ་ཀ་ཞལ་བཞི་པར་བྱས་པ་ལ་གདབ་ཅེས་པའོ། །འདི་དཀྱིལ་འཁོར་རྡུལ་ཚོ…

བ་དུ་མ་དང༌། སྟེང་དུ་བླ་རེ་དང་ལོགས་སུ་ཡོལ་བ་དག་ཇི་ལྟར་མཛེས་པ་དེ་བཞིན་བྱའོ། །དེ་བཞིན་དུ་བཟའ་བ་དང༌། བཅའ་བ་དང༌། བཏུང་བ་ཞིམ་པོ་ཡིས་རབ་མཉམ་གཞག་པ་སྟེ་ཡིད་རྩེ་གཅིག་ཏུ་བྱས་ཏེ་དཀྱིལ་འཁོར་མཆོད་པར་བྱའོ། །གསུམ་པ་ནི། དཔལ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། དཀྱིལ་འཁོར་གྱི་འཁོར་ལོ་དགོད་པ་དང༌། དེ་ལ་མཆོད་པའི་…

དཀྲོལ་བ་དང༌། སྒྲུབ་པ་པོ་ཡིས་རྔ་སྟེ་ཅང་ཏེའུ་བརྡུང་ཞིང༌། ཧ་ཧ་ཞེས་ནི་བརྗོད་པར་བྱའོ། །འདི་ལ་བརྡས་བཤད་ན་ལྭ་བ་པས་དྲིལ་བུ་ནི་ལོ་གྲངས་བཅུ་དྲུག་མའི་བུ་མོར་གསུངས་ལ། རྔ་ནི་ལོ་གྲངས་བཅུ་གཉིས་མའོ། །ཞེས་གསུངས་པས། སྒྲུབ་པ་པོ་ཡིས་ཞེས་པ་ནི། སྒྲུབ་པོ་ཤིན་ཏུ་མཉམ་གཞག་པས། །ཞེས་དང༌། སྒྲུབ་པོ་དེ་ཡིས་ཐམས་ཅད་ནི། །ཞེས་སློབ་མ་…

བཞིན་དུ་ཤེས་རབ་མའི་ལུས་ཀྱི་དཀྱིལ་འཁོར་གཟུགས་སྡུག་སྒྲ་སྙན་དྲི་ཞིམ་རོ་མཆོག་རེག་བྱ་འཇམ་པ་སྟེ་འདོད་པའི་ཡོན་ཏན་ཀུན་དང་ལྡན་པ་ལ་སྙོམས་འཇུག་གི་སྒོ་ནས་མཆོད་ནས་བྷ་གའི་དཀྱིལ་འཁོར་དུ་གཞུག་པར་བྱའོ། །ཞེས་ཀྱང་སྦྱར་རོ། །དེ་གཉིས་ཀྱི་དང་པོ་ལྟར་ན་སྟ་གོན་གྱི་སྐབས་སུ་བུར་བྱས་པས་ན་བུ་སྟེ། མཛེས་པ་ཡིན་དུ་འོང་བ་ཡོལ་བའི་ཕྱི་…

འཐོབ་པར་བཤད་དོ། །དེ་ནས་སྔར་ཐལ་མོའི་བར་དུ་བཟུང་བའི་མེ་ཏོག་དཀྱིལ་འཁོར་གྱི་སྟེང་དུ་དོར་བར་བྱའོ། །དེ་ནས་མིག་དར་ཕྱེ་ལ་དཀྱིལ་འཁོར་གྱི་སྟེང་དུ་གཏོར་བའི་མེ་ཏོག་དེ་གང་དུ་ལྷུང་བའི་ལྷ་དེ་ནི། སློབ་མ་དེའི་རིགས་ཀྱི་ལྷ་ཡིན་ནོ་ཞེས་རྣམ་པར་ཏེ་ཁྱད་པར་དུ་བསྟན་ཞིང༌། ཤྲཱི་ཧེ་རུ་ཀ་དང་སོགས་ཀྱིས་ལྷ་གཞན་དང༌། དེའི་གནས་གཞལ་ཡས་…

དུ་བྱས་པའི་དེ་ཉིད་སྟོན་པ་ལ་བྱའོ། །དེ་ལྟར་ན་ལྷ་ངོ་སྟོན་པའི་སྐབས་སུ་བསྐྱེད་རིམ་གྱི་དབང་དུ་བྱས་པའི་དཀྱིལ་འཁོར་གྱི་དེ་ཉིད་སྟོན་པ་དང༌། དེ་ཉིད་རྫོགས་པར་སྟོན་པ་དབང་རྫོགས་ནས་བྱེད་པ་གཉིས་མི་འགལ་ལོ། །གཉིས་པ་ལ་གཉིས། དབང་བསྐུར་བ་དངོས་དང༌། དེའི་མཐར་ཕྱག་བྱའོ། །དང་པོ་གཉིས། བུམ་དབང་བསྐུར་བ་དང༌། དབང་གོང་མ་བསྐུར་བའོ།…

འཛིན་ལ་ལེགས་པར་ནི་མཉམ་པར་བཞག་སྟེ་སློབ་མས་ཕུལ་བའི་རིག་མ་མཚན་ཉིད་དང་ལྡན་པའི་ཕྱག་རྒྱ་རྡོ་རྗེ་ཕག་མོར་བྱས་པ་ལ་སྙོམས་པར་འཇུག་པའི་མཆོད་པ་བྱའོ། །སྙོམས་པར་ཞུགས་པའི་རྗེས་དེ་ནས་སློབ་དཔོན་གྱིས་གསང་དབང་བསྐུར་བའི་ལས་འདི་ཡང་དག་པར་སྤྱད་པར་བྱའོ། །དུས་ནམ་གྱི་ཚེ་སྙམ་ན། ཕྱི་དེ་ཉིན་ཞེས་པ་ནམ་ཕྱེད་ན་དབང་བསྐུར་བ་ལ་བཤད་པ་ནི…

བཤད་པ་སྔ་མ་ལ་ཡང་སྦྱར་ན་ལེགས་སོ། །སློབ་མ་ཡི་ནི་གདོང་ཕྱེ་ལ་ཞེས་པ་འདི་སྔར་དཀྱིལ་འཁོར་བསྟན་པའི་སྐབས་དང༌། གསང་དབང་བསྐུར་བའི་རྗེས་གཉིས་ཀར་འབྲེལ་ལོ། །དེ་ལྟར་གདོང་གཡོགས་ཕྱེ་བའི་འོག་ཏུ་དབང་གསུམ་པ་བསྐུར་བ་ནི་སྔར་བསྟན་ཟིན་ཏོ། །དེ་ཉིད་ཇི་ལྟ་བུ་ཞིག་བསྟན་པས་དབང་བཞི་པ་བསྐུར་བ་ནི་འཆད་པར་འགྱུར་རོ། །དབང་ཐམས་ཅད་རྫོགས་…

བཞིན་དུ་ཕྱག་བྱའོ། །གསུམ་པ་ལ་གཉིས། ཡོན་དབུལ་བ་དང༌། ཕུལ་བའི་ཕན་ཡོན་ནོ། །དང་པོ་ནི། དེ་བཞིན་གཤེགས་པས་གསུངས་པ་ནི་རྒྱུད་རྣམས་ལས་གསུངས་པ་ཡིན་ནོ། །གསེར་ནི་བརྒྱ་སྟོང་ནི་གསེར་སྲང་འབུམ་མོ། །ཇི་སྐད་གསུངས་པ་ནི་རྒྱུད་གཞན་ལས་བདག་འབུལ་བར་གསུངས་པ་བཞིན་ནོ། །དངོས་པོ་ཀུན་ནི་སྒོ་གསུམ་གྱི་དངོས་པོ་ཀུན་ནོ། །དེ་བཞིན་ནི་གསེར…

གྱིས་མི་མཐོང་བའི་མི་སྣང་བ་དང༌། ཕུག་སྟེ་ས་འོག་གི་བུ་གར་རྒྱུ་བའི་ས་འོག་གི་དངོས་གྲུབ་དང༌། ནམ་མཁར་རྒྱུ་བ་སྟེ་མཁའ་སྤྱོད་དང༌། གྲུབ་པའི་སྨན་རྐང་པ་ལ་བྱུགས་པས་གང་འདོད་པའི་གནས་སུ་སླེབ་པའི་རྐང་མགྱོགས་དང༌། དེ་བཞིན་དུ་དངུལ་ཆུ་སོགས་ཀྱི་གྲུབ་པའི་རྫས་འགའ་ཞིག་ཟོས་པས། ཚེ་བསྐལ་པར་ཐུབ་པའི་བཅུད་ཀྱིས་ལེན་རྣམས་སྒྲུབ་པ་པོ་…

སོགས་ཀྱི་ཉེས་དམིགས་ཤིན་ཏུ་ཆེ་བར་གསུངས་སོ། །འདིས་ནི་དབང་ལེགས་པར་མ་ཐོབ་པར་སྔགས་ཀྱི་ལམ་ལ་འཇུག་པ་དང༌། དབང་ཡང་དཀྱིལ་འཁོར་དུ་ཞུགས་ཏེ་མཐོང་ནས་དབང་རྣམས་རིམ་གྱིས་བསྐུར་བ་མ་བྱས་པར། དབང་གི་ཁྱད་པར་འགའ་ཞིག་བསྐུར་ནས་ལམ་ལ་འཇུག་པ་རྣམས་ངལ་བ་དོན་མེད་པར་བསྟན་ཏོ། །ལྔ་པ་ལ་གཉིས། འདིའི་དབང་བསྐུར་བ་མཆོག་ཏུ་བསྟན་པ་དང༌། དབང་…

ཟིལ་གྱིས་མནན་ནས་འགྲོ་བ་ཡིན་ནོ། །མལ་གྱི་འགྱུར་ལས། རྒོད་དང་བལྟས་དང་ལག་བཅངས་དང༌། གཉིས་གཉིས་འཁྱུད་པ་ལ་སོགས་པ། ཞེས་འབྱུང་བ་ལྟར་ལེགས་སོ། །ཁ་ཅིག་སོགས་ཀྱི་སྒྲས་ནི་མ་ཡི་ཡང་མ་བླ་ན་མེད་པ་བདེ་མཆོག་གི་རྒྱུད་བསྟན། ཞེས་འདོད་མོད་ཀྱང༌། བདེ་མཆོག་གི་རྒྱུད་ཀྱང་གཉིས་སྤྲོད་ཀྱི་རྒྱུད་ཡིན་པས་དེ་ལས་ལོགས་ན་མེད་དོ། །དེའི་ཕྱིར…

བདེ་མཆོག་ལ་བཞེད་པ་ལེགས་པ་ཡིན་ནོ། །གསང་བ་ནི་གསང་བ་འདུས་སོ། །རྡོ་རྗེ་འཇིགས་བྱེད་ནི་དེའི་རྒྱུད་ཆེན་པོར་མངོན་པས་དེ་དག་ལས། དཀྱིལ་འཁོར་རྣམས་ཀྱི་རྒྱལ་པོ་འདི་ནི་སྔར་མ་བྱུང་ཞིང་ཕྱིས་འབྱུང་བར་མི་འགྱུར་རོ། །དེ་ལྟར་གསུངས་པས། གཞན་དེ་རྣམས་ཀྱི་དཀྱིལ་འཁོར་ལས་འདིའི་དཀྱིལ་འཁོར་མཆོག་ཡིན་ནོ། །ཞེས་པ་མིན་གྱི། རྒྱུད་ཟབ་ལ་…

རུང་བ་ལ་གསང་བ་རྒྱས་པར་བཤད་པ་ལ་བཅུ་གཅིག །ལམ་གྱི་གསང་བ་རྒྱས་པར་བཤད་པ་དང༌། སྔགས་དང་བསམ་གཏན་གྱིས་འགྲུབ་པ་རྒྱས་པར་བཤད་པ། རིགས་ལྡན་མ་མཆོད་པ་རྒྱས་པར་བཤད་པ། རྩ་སྔགས་བསྟན་ཅིང་བསྲུང་བའི་དམ་ཚིག་རྒྱས་པར་བཤད་པ། སྤྲོས་བཅས་ཀྱི་སྤྱོད་པ་རྒྱས་པར་བཤད་པ། བར་ཆད་སེལ་བའི་བསྲུང་བའི་སྔགས་བཏུ་བ། བཟའ་བའི་དམ་ཚིག་རྒྱས་པར་བཤད་པ།…

པའི་དེ་ཉིད་བཞི་དང༌། རྫོགས་རིམ་པའི་དེ་ཉིད་བཞི་དང༌། ལེའུའི་མཚན་བསྟན་པའོ། །དང་པོ་ནི། ལེའུ་གསུམ་པ་བཤད་པའི་རྗེས་དེ་ནས་བཞི་པ་བཤད་པར་བྱའོ། །ཞེས་སྦྱར་རོ། །མཁའ་འགྲོ་མ་རྣམས་ནི་རང་གི་གནས་སྤྱིར་གཞལ་ཡས་ཁང་དང༌། ཁྱད་པར་དུ་འཁོར་ལོ་གསུམ་ན་རྣམ་པར་འགྱིང་བ་སྟེ་རོལ་ལོ་ཞེས་པས་རྟེན་དཀྱིལ་འཁོར་གྱི་དེ་ཉིད་སྟོན་ཏེ། ཕྱི་དཀྱིལ…

བརྩམས་ཏེ་གཡས་སྐོར་གྱིས་མཚམས་བཞིར་དགོད་དོ། །ས་སྲུང་མ་དང༌། འཇིགས་བྱེད་ཆེན་མོ་དང༌། རླུང་ཤུགས་མ་དང༌། ཆང་འཐུང་མ་བཞི་ནི་གསུང་འཁོར་གྱི་ཤར་ནས་བརྩམས་ཏེ་གཡོན་སྐོར་གྱིས་ཕྱོགས་བཞི་དང༌། ཤྱེ་མ་ཞེས་པ་སྔོ་བསངས་དང༌། ལྗང་གུ་གཉིས་ཀར་ལ་འཇུག་པས་སྔོ་བསངས་ལྷ་མོའམ་ལྗང་ལྷ་མོ་དང༌། རབ་ཏུ་སྟེ་ཤིན་ཏུ་བཟང་མོ་དང༌། རྟ་རྣ་མ་དང༌། མཁ…

ཇི་ལྟར་ཕྱི་རོལ་གྱི་དཀྱིལ་འཁོར་གྱི་སྐུ་གསུང་ཐུགས་ཀྱི་འཁོར་ལོའི་རྩིབས་ཀྱི་དབུས་སུ་འགོད་པ་དེ་བཞིན་དུ། ནང་ལུས་དཀྱིལ་ལ་ཡང་སྤྱི་བོ་ནས་པུས་མོའི་བར་ཉེར་བཞིར་དགོད་པར་བྱའོ། །ཞེས་ལུས་དཀྱིལ་བསྟན་ཏོ། །ལེའུ་འདིའི་མཚན་ལ་དཔའ་བོ་དང་རྣལ་འབྱོར་མ་གཉིས་སུ་མེད་པར་དགོད་པ་ཞེས་གསུངས་ཤིང༌། ལྭ་བ་པས་ཀྱང་ལུས་དཀྱིལ་ལ་དཔའ་བོ་དང་ད…