རྣམས་ཀུན་ཏུ་ཞེན་པར་ཏེ་རྗེས་སུ་ཆགས་པར་ལྟ་བ་སྟེ་དེ་ལ་ཐུགས་བརྩེ་བས་ལྟ་བ་ལ་གནས་པར་མཛད་དོ། །འཇིགས་པ་ཆེན་པོ་སྟེ་འཇིགས་སུ་རུང་བའི་དུར་ཁྲོད་དུ། རྣལ་འབྱོར་མ་མཁའ་ལ་སྤྱོད་པ་དང༌། དེ་བཞིན་དུ་ས་འོག་ན་སྤྱོད་པ་དེ་གཉིས་ཀྱིས་མཚོན་ནས་ས་ལ་སྤྱོད་པའི་རྣལ་འབྱོར་མ་དང༌། རོ་ལངས་ཀྱང་ནི་དུ་མ་ཞིག་འཇིགས་པའི་གཟུགས་དང་སྟོབས་ཆེན་པོ…

རྣམས་ལ་བཤད་དོ། །གསུམ་པ་ནི། དཔལ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། རྣལ་འབྱོར་མ་མཐུ་ལྡན་རྣམས་ལ་བརྟེན་ནས་སྤྱོད་པ་སྒྲུབ་པ་དང༌། གསང་བའི་ལམ་སྒྲུབ་པའི་དཔའ་བོ་སྒྲུབ་པ་པོ་ཡི་གང་དུ་སྒྲུབ་པའི་གནས་ཀྱི་ཆོ་གའི་ལེའུ་སྟེ་སུམ་ཅུ་རྩ་བརྒྱད་པའོ།། །།འཁོར་ལོ་སྡོམ་པར་བརྗོད་པ་བདེ་མཆོག་བསྡུས་པའི་རྒྱུད་ཀྱི་རྒྱ་ཆེར་བ…

བུར་བལྟས་ལ། བཞད་པ་བརྒྱད་ཀྱི་སྔགས་ནི་བརྒྱད་པོ་ཡན་ལག་བརྒྱད་ལ་དགོད་ཅིང༌། རྒོད་པ་སྟེ་ངག་ཏུ་ཡང་བཟླས་པར་བྱའོ། །དེ་བྱས་པའི་དགོས་པ་ནི། གད་མོ་བརྒྱད་བྱས་པ་དེ་ནས་ཏེ་རྒྱུ་དེ་ལས་སྒྲུབ་པ་པོ་འདི་ལ་མཁའ་འགྲོ་མ་རྣམས་ཀྱིས། རང་གི་གཟུགས་ཡང་དག་པར་མཐོང་བ་རྩོལ་བས་འགྱུར་བ་གདོན་མི་ཟའོ། །བཞད་པ་བརྒྱད་ནི་འགྲེལ་པ་མང་པོས་ཡབ་ཀྱི་ར…

སྒྲུབ་པའི་མཁའ་ལ་འགྲོ་བ་སྟེ་སྤྱོད་པའི་གནས་སུ་འཁྱེར་བར་བྱེད་དོ། །སྒྲུབ་པ་པོ་ནི་སྔགས་ཏེ་ཡེ་ཤེས་ཀྱི་ལུས་ཅན་དུ་འགྱུར་བས་འཁོར་བར་འཆི་བ་དང་རྒ་བ་སོགས་མེད་པར་འགྱུར་རོ། །ལེའུ་འདིར་བཞད་པ་བརྒྱད་ཀྱི་སྔགས་ཀྱི་སྒོ་ནས་འཇིགས་མི་འཇིགས་བརྟགས་པས་དངོས་གྲུབ་ཀྱི་མཚན་མ་རྟོག་པ་སྟོན་པ་ཡིན་ནོ། །གསུམ་པ་ནི། དཔལ་ཧེ་རུ་ཀ་མངོན་པར་…

སོ་ལ་ལྟོས་པའི་གྲངས། དེ་ལྟར་བྱས་པའི་ཕན་ཡོན་ནོ། །དང་པོ་ནི། དངོས་གྲུབ་གསལ་པར་བྱེད་པས་ན་སྒྲོན་མ་སྟེ་ཤ་དང༌། ལོ་ཆེན་དང་མར་དོ་རྐྱང་པའི་འགྱུར་ལ་སྨྱོ་བྱེད་ཅེས་དང༌། གཉིས་འདུས་དང་མལ་གྱི་འགྱུར་ལ་མྱོས་བྱེད་ཅེས་པ་གཉིས་ཀ་ཡོད་ཀྱང༌། འདིར་ཕྱི་མ་ལྟར་བཤད་ན་མྱོས་བྱེད་ཆང་དང་བཅས་པ་དང༌། ཉ་ཡི་ཤ་དང་ལྡན་པར་བྱས་ཏེ། དཔའ་བོའི་དབ…

ཐུན་མཚམས་གསུམ་དུ་ཉི་མ་བདུན་གྱི་བར་དུ་སྦྱིན་སྲེག་བྱའོ། །དེ་བཞིན་དུ་རྒྱལ་རིགས་དག་ལ་སྦྱིན་སྲེག་བདུན། རྗེའུ་རིགས་ལ་སྦྱིན་སྲེག་ལྔ༌། དམངས་རིགས་ལ་ནི་སྦྱིན་སྲེག་གསུམ། ཐ་མ་གདོལ་པ་ལ་སོགས་པ་ལ་ནི་སྦྱིན་སྲེག་གཅིག་བྱའོ། །དེ་ལྟར་དཔའ་བོས་རིགས་ཀྱི་རིམ་གྱིས་དུས་ཟླ་བ་གཅིག་ནི་ཞེས་པ་སྔར་ལས་ཚོགས་རྣམས་ཉི་མ་བདུན་གྱིས་འགྲུབ…

བདུན་ཚུན་ཆད་ཀྱིས་འགྲུབ་མི་འགྲུབ་བརྟགས་པས། འགྲུབ་པར་སྣང་ན་ཕྱག་རྒྱ་ཆེན་པོའི་དངོས་གྲུབ་མྱུར་དུ་འགྲུབ་པའི་མཚན་མ་རྟོག་པ་སྟོན་ནོ། །གོང་མ་རྣམས་བསྐྱེད་རིམ་བརྟན་པ་ན་ཡང་དེ་ལྟར་རྟོགས་པར་བཞེད་དོ། །གསུམ་པ་ནི། དཔའ་ཧེ་རུ་ཀ་མངོན་པར་བརྗོད་པ་བསྡུས་པའི་རྒྱུད་ལས། རྒྱལ་རིགས་ལ་སོགས་པའི་རིགས་ལྔ་དང་ཕྱག་རྒྱ་རིགས་ལྔ་པོ་དབང་ད…

གཉིས། བསྒྲུབ་པར་བྱ་བའི་ལས་ཀྱི་དབྱེ་བ། དེ་འགྲུབ་པའི་རྒྱུ་བསྟན་པའོ། །དང་པོ་ནི། བསྒྲུབ་པར་བྱ་བའི་ལས་ལ་ནི་ལས་ཆེན་བཅུ་གཉིས་ཏེ། དབང་དུ་བྱ་བ་དང་དགུག་པ་གཉིས་གཅིག་ཏུ་བྱས་པ་དང༌། མཛའ་བ་དབྱེ་བར་བྱ་བ་དང༌། བསད་པ་དང་བསྐྲད་པ་གཉིས་གཉིས་སུ་བྱས་པ་དང༌། ལ་སོགས་པས་ཞི་རྒྱས་གཉིས་བསྡུས་ཏེ་དེ་གཉིས་སོ་སོར་བྱའོ། །སེམས་རྨུགས་པར…

པ་པོ་ཡིས་བསྒྲུབས་ན་ནི། འདོད་པའི་དངོས་གྲུབ་སྒྲུབ་པ་པོ་ལ་ནི་དྲན་པ་ཙམ་གྱིས་འགྲུབ་པར་འགྱུར་བར་ཐེ་ཚོམ་མེད་དོ། །འདི་ནི་གང་ཟག་རབ་ལ་དགོངས་ཏེ། འཁྲུལ་འཁོར་གྱིས་སྒྲུབ་པ་ནི་འབྲིང་པོ་དང༌། དམན་པའི་དབང་དུ་བྱས་པའོ། །གཉིས་པ་ལ་གསུམ། མཁའ་འགྲོ་མས་གནས་ཀུན་ཏུ་ཁྱབ་པར་བསྟན། གནས་ཀྱི་གཙོ་བོ་ངོས་གཟུང་བ། བསྒོམས་ཤིང་མཆོད་པས་བསྲ…

དངོས་གྲུབ་མྱུར་དུ་འགྲུབ་པའི་མཚན་མར་ཤེས་པར་བྱའོ། །གཉིས་པ་ལ་གསུམ། ཡུལ་ཉེར་བཞི་བསྟན་པ་དང༌། དེ་རྣམས་ཀྱི་རྣལ་འབྱོར་མའི་བྱིན་རླབས་འཇུག་ཚུལ། དེ་རྣམས་རྣལ་འབྱོར་མ་གང་གིས་བསྡུས་པའོ། །དང་པོ་ནི། ལེའུ་བཞི་པར་རྣལ་འབྱོར་མ་ཉེར་བཞི་མས་རིམ་ནས་བཟློག་སྟེ་བསྟན་པ་བཞིན་དུ། འདིར་དེ་དག་གི་གནས་ཉེར་བཞི་ཡང་བཟློག་སྟེ་སྟོན་པ་ནི།…

བཞི་པོ་དེ་རྣམས་ཅིའི་ཕྱིར་དཀྱིལ་འཁོར་དུ་དགོད་པར་བྱ་སྙམ་ན། ཉེར་བཞི་པོ་འདི་རྣམས་ཕྱི་དང་ལུས་ཀྱི་དཀྱིལ་འཁོར་ལ་བཀོད་ནས་བསྒོམས་པས། ཡིད་ཀྱི་ཤུགས་ཀྱིས་ཏེ་ཡིད་ཀྱི་ཤུགས་ལྟར་ཤིན་ཏུ་མགྱོགས་པར་སོང་ནས་སྒྲུབ་པ་པོ་ལ་བྱིན་གྱིས་རློབ་པ་ལ་འཇུག་པ་ཡིན་ནོ། །འདི་རྣམས་བསྒོམས་པས་ཡུལ་ཁྱད་པར་ཅན་དེ་རྣམས་ན་གནས་པའི་དཔའ་མོ་དང་མྱུར་…

པ་བྱང་གི་དུམ་སྐྱེས་མ་དང༌། པྲེ་ཏ་པུ་རི་ན་གནས་པ་ཤར་གྱི་འཁོར་ལོའི་ཤུགས་ཅན་མའོ། །མཁའ་འགྲོ་གཟུགས་ཅན་མ་རུ་བཅས་ཞེས་པ་སྐུ་འཁོར་གྱི་ཕྱོགས་བཞི་པོ་ན་གནས་པ་དེ་རྣམས་ནི་གཟུགས་ཅན་མའི་བདག་ཉིད་ཀྱིས་བསྡུས་སོ། །ཧི་མ་ལ་ཡའི་རིར་གནས་པ། གསུང་འཁོར་གྱི་བྱང་ཤར་གྱི་མཁའ་འགྲོ་གདོང་མ་དང༌། ཀཉྩི་ན་གནས་པ་ནུབ་བྱང་གི་རྟ་སྣ་མ་དང༌། པཉྩ…

མིག་མ་སྟེ། ཐུགས་འཁོར་གི་ཕྱོགས་མ་བཞི་པོ་དེ་རྣམས་ནི་སྨེ་ཤ་ཅན་རིགས་སྐྱེས་ཞེས་པ་ཨེ་ཧི་ཀས་བསྡུས་སོ། །བུད་མེད་སྟོང་ཕྲག་ཉེ་ཤུ་གཅིག་ནི་ཡུལ་དེ་རྣམས་ཀྱི་རྣལ་འབྱོར་མ་རེ་རེ་ལ་ཡང་འཁོར་དེ་སྙེད་ཡོད་ཅེས་པའོ། །ལྷག་མ་གཞན་དག་ནི་མཱ་ལ་ཝ་ན་གནས་པ་བྱང་ཤར་གྱི་ཤིང་གྲིབ་མ་དང༌། དེ་བི་ཀོ་ཊི་ན་གནས་པ་ནུབ་བྱང་གི་བྱང་གི་ལང་ཀའི་དབང་…

གཏོགས་པའི་རྣལ་འབྱོར་མ་དྲག་མོ་རྣམས་སོ། །རིགས་ཀྱི་གཙོ་མོ་ནི་མཁའ་འགྲོ་མའོ། །གཟུགས་ཅན་མ་ནི་ཙུམྦི་ཀ་སོགས་ལས་ཐ་དད་པའི་གཟུགས་ཅན་མའོ། །པཉྩ་ལ་ནི་ལྔ་ལེན་གྱི་ཡུལ་ཏེ་གནས་དང་ཉེ་བའི་གནས་ལས་གཞན་པའི་གྲུབ་པའི་གནས་ཀྱི་ཁྱད་པར་རོ། །དེ་དག་ལ་སོགས་པ་ནི་ཉེ་བར་མཚོན་པ་ཙམ་དུ་ཟད་དེ། རྒྱ་ཆེར་ནི་གྲུབ་པའི་རྣལ་འབྱོར་མ་སྟོང་ཕྲག་ཉི་…

ལ་མཉམ་པར་བཞག་པས་མཚན་མོ་ནམ་མཁའི་གོས་ཅན་ཏེ་གཅེར་བུར་བྱས་ལ་གསང་སྤྱོད་བྱ་ཞིང༌། རྟེན་གྱི་གང་ཟག་སྐྱེས་པའམ་གལ་ཏེ་གཡོན་པ་རུ་སྟེ་བུད་མེད་ཀྱང་རུང་རྣལ་འབྱོར་མ་ཀུན་དང༌། དཔའ་བོ་རྣམས་མཉེས་པའི་ཐབས་ཕྱག་རྒྱ་གར་གྱི་མཆོད་པ་ཡིས། རང་བྱུང་ལྷན་ཅིག་སྐྱེས་མ་རྟག་ཏུ་མཆོད་ན་ནི་དངོས་གྲུབ་མ་ལུས་ཤིང་ལུས་པ་མེད་པ་འགྲུབ་ཅིང་སྟེ་འགྲུ…

བསྟན་པ་དེ་འདིར་གསལ་བར་བྱེད་པ་ནི། དཔའ་བོ་སྟེ་སྒྲུབ་པ་པོས་བུ་མོ་མིག་བཟང་མ་རྙེད་ནས་དེ་དང་ལྷན་ཅིག་སྦྱར་བའི་རང་བྱུང་གི་མེ་ཏོག་གི་ཆུ་རྡོ་རྗེས་འཐུངས་ནས་ཧ་ཧ་སོགས་ཀྱི་སྔགས་འདིས་བཞད་པ་རྗེས་སུ་དྲན་ནས་བརྒད་པར་བྱའོ། །ཕྱག་རྒྱ་དང་ལྷན་ཅིག་ཏུ་སྒྲུབ་པ་པོས་སྙོམས་པར་ཞུགས་ནས། སྔགས་བརྒྱད་ཀྱིས་རྒོད་པ་འདི་ལྟར་བྱ་བ་ཉིད་ནི་ར…

ཆུབ་ཀྱི་སེམས་འབབ་པའི་བཅུད་ཀྱིས་མྱོས་པ་ཅན་མ་ཞེས་པའི་དོན་ནོ། །གང་གི་ཕྱིར་དེ་བཞིན་གཤེགས་པ་ཐམས་ཅད་ནི་སྒྲུབ་པ་པོའི་ལུས་ཀྱི་དཀྱིལ་འཁོར་དུ་འདུས་ཤིང༌། དེ་བཞིན་དུ་ལྷ་མོ་ཐམས་ཅད་ཀྱང་རང་གི་ཕྱག་རྒྱ་རིགས་ལྡན་མ་ཆེན་མོ། རེག་བྱ་རྡོ་རྗེ་མར་བསྒོམས་པའི་ལུས་ཀྱི་དཀྱིལ་འཁོར་དུ་འདུས་པ་དེའི་ཕྱིར། ཕྱག་རྒྱ་མོ་དེ་ཉིད་མཆོད་པར་བ…

འདིར་དཔའ་བོ་ཞེས་པ་ནི་ཉོན་ཞེས་པ་ཕྱག་ན་རྡོ་རྗེ་ལ་གསུངས་པར་ལྭ་བ་པས་བཤད་པ་ལྟར་ཡིན་ནོ། །གཟུགས་དང་ལས་ཀྱི་གསང་བའི་མཚན་མ་ནི། ལྭ་བ་པས་དབང་ཕྱུག་གི་ཡོན་ཏན་བརྒྱད་ལ་བཤད་ལ། ཡོན་ཏན་བརྒྱད་ནི་སྤྱོད་བསྡུས་ལས། གཟུགས་ཕྲ་བ་དང་རེག་པ་ཡང༌། །ཁྱབ་པ་ཡང་དག་ཐོབ་པ་ཉིད། །རབ་ཏུ་གསལ་བ་ཉིད་བརྟན་པ། །དབང་ཕྱུག་ཉིད་དང་འདོད་དགུར་འགྱུར། ཞ…

རྣམས་ལ་གཟུགས་མི་འདྲ་བ་དུ་མ་སྟོན་པ་ནི་གཟུགས་ཀྱི་ཡིན་ལ། ཁྱབ་པ་དང་དབང་དུ་གྱུར་བ་སོགས་ནི་ལས་ཀྱི་གསང་བའོ། །དེ་ཡང་སྤྱོད་བསྡུས་ལས། སྤྱོད་པ་རྣམ་པ་གསུམ་ཟླ་བ་ཕྱེད་དམ། ཟླ་བ་གཅིག་གམ་ཟླ་བ་དྲུག་བསླབས་པར་གྱུར་པས། ཕྱག་རྒྱ་ཆེན་པོའི་དངོས་གྲུབ་ཐོབ་པའི་མཚན་མ་ཉེ་བར་འབྱུང་བར་འགྱུར་ཏེ། དེ་ལ་མཚན་མ་ནི་འདི་དག་ཡིན་ནོ། །ཞེས་གས…

སྦས་ཀྱི་འགྲེལ་པའི་འགྱུར་བཟང་བར་སྣང་བས་དེ་བཞིན་དུ་བཤད་དེ། འགོམ་པར་བྱ། ཞེས་འབྱུང་ངོ༌། །དེ་བཞིན་དུ་རིག་མ་གཅེར་བུར་བྱས་ཏེ་ནུ་མ་དང༌། མཚན་ཁུང་དང་བྱིན་པ་དང༌། པདྨ་ལ་བལྟ་ཞིང་གནས་དེ་དག་ཏུ་ལག་པས་མཉེས་ནས་སྦྱོར་ཐབས་ཀྱིས་མཆོད་པར་བྱའོ། །འདི་ནི་འདོད་པའི་དབང་ཕྱུག་མ་ཕྱག་རྒྱ་མ་ཀུན་གྱི་དབང་པོའི་ཚོགས་ཐམས་ཅད་ཀྱི་བདེ་བའི་…